|
Re: تسجيل مكالمة مع سارة.. بوست توثيقي.. يوجد شهود وصور وفيديو كمان... (Re: rani)
|
راني سلام
وسامحني على الحضور المتأخر
حلاتتتتتها ساره وتتربى في عزك واحلى حاجه فرحتك بيها
وايكد فرحة امك بيها.
عشان كده خلينا ندعي معا ونقول يا ربي ما تحرم بيت من الاطفال.
ومره ثانيه الف رحمه على اخيك وربنا يصبرك يا راني ومش كويس الاداك قبله ساره؟؟؟ تخيل حياتك لو اخذ منك قبل ان يعطيك؟؟؟ ربنا يقتبله بغفرانه ومحبته باذن الله
وهو زول الله كما قلت ولا خوف عليه.
استمتع بطفولة ابنتك وحاليا هي في احلى عمر على فكره. لما تصل مرحلة المقابضه وتبدوا في رفع الحاجات منها وقتها حتآمن...بانه الجنه تحت اقدام الابوين ليه(هههه) طبعا هي تحت اقدامنا نحن بس بس اضافناكم مجامله(ههههه)
تحياتي لام ساره.
وعارف يا راني ابدأ اقرا اكثر عن التربيه الآن انت وامها لانها الخواجات ديل صعبين...وبتلبتبوكم لقدام.
قفلت كبسات الكهرباء بالاغطيه البلاستيكيه ولا لسه؟؟؟ عشان بكره جميعات قلع الاطفال ما يجوا يحسبوهوا خطأ عليك لو لا قدره الله حصل شيء.
المهم ايدين تلفونك لما تلقى وقت نبارك لك انت والمدام ونديكم الوصايا العشره.
كونوا بخير وربنا يغطي عليكم جيمعا من الغربه وتحدياتها.
وعلى فكره الوالدين بيسحروا كثير ودي نحن مجربنها..عشان كده كل خطوت تقول ماشاء الله
وبعيدن ما تحكي بكل ابداعاتها للناس حتجيب لها الكفوة.
| |
|
|
|
|
|
|
Re: تسجيل مكالمة مع سارة.. بوست توثيقي.. يوجد شهود وصور وفيديو كمان... (Re: خالد العبيد)
|
Quote: راني سلام
وسامحني على الحضور المتأخر
حلاتتتتتها ساره وتتربى في عزك واحلى حاجه فرحتك بيها
وايكد فرحة امك بيها.
عشان كده خلينا ندعي معا ونقول يا ربي ما تحرم بيت من الاطفال.
ومره ثانيه الف رحمه على اخيك وربنا يصبرك يا راني ومش كويس الاداك قبله ساره؟؟؟ تخيل حياتك لو اخذ منك قبل ان يعطيك؟؟؟ ربنا يقتبله بغفرانه ومحبته باذن الله
وهو زول الله كما قلت ولا خوف عليه.
|
العزيزة تراجي سلام وتحايا ولا يهمك ياعزيزتي وعارفك ما بتقصري، وربنا يصبر الجميع.
Quote: استمتع بطفولة ابنتك وحاليا هي في احلى عمر على فكره. لما تصل مرحلة المقابضه وتبدوا في رفع الحاجات منها وقتها حتآمن...بانه الجنه تحت اقدام الابوين ليه(هههه) طبعا هي تحت اقدامنا نحن بس بس اضافناكم مجامله(ههههه)
تحياتي لام ساره.
|
قلتي لي شنو تصل مرحلة المقابضة؟.. اكتر من كدي ياتراجي لكن.. اول حاجة زولتك دي متخصصه فيني تصحي من النوم لازم تصحيني تقعد تجرجني ليك وتخربشني لحدي ما اصحي.. الغريبة ما بتعمل الحاجة دي لامها خالص. مرات بقوم بلزها علي امها تتقلب وتاني ترجع لي وما بتخليني لحدي ما استسلم واقعد اللعبها، حتي بعداك ممكن انوم تاني، كان ما مانعت، الله يديها العافية قايتو.
Quote: وعارف يا راني ابدأ اقرا اكثر عن التربيه الآن انت وامها لانها الخواجات ديل صعبين...وبتلبتبوكم لقدام.
قفلت كبسات الكهرباء بالاغطيه البلاستيكيه ولا لسه؟؟؟ عشان بكره جميعات قلع الاطفال ما يجوا يحسبوهوا خطأ عليك لو لا قدره الله حصل شيء.
|
شكراً للتنبيه، حقيقة ما كنت منتبه لنقطة الاغطية دي. اما ناسك ديل الحمد لله ما متلهني، جوني مرة واحدة لمن سارة كانت عمرها اسبوع جو شافو البيت وشافو قرفة سارة وسريرها، وقطعو وشهم تاني ما ظهرو بالرغم من انو بعرف لي واحد هنا مجننو جن كل فترة والتانية مسجلين ليهو زيارة. غايتو الله يختينا شرهم.
Quote: المهم ايدين تلفونك لما تلقى وقت نبارك لك انت والمدام ونديكم الوصايا العشره.
كونوا بخير وربنا يغطي عليكم جيمعا من الغربه وتحدياتها.
وعلى فكره الوالدين بيسحروا كثير ودي نحن مجربنها..عشان كده كل خطوت تقول ماشاء الله
وبعيدن ما تحكي بكل ابداعاتها للناس حتجيب لها الكفوة.
|
علي اي حال بحاول اديك تليفون، ومعليش ما رديت عليك اليوم داك، كنت نايم.
تحياتي والمدام وشكراً مرة تانية
راني السماني
| |
|
|
|
|
|
|
Re: تسجيل مكالمة مع سارة.. بوست توثيقي.. يوجد شهود وصور وفيديو كمان... (Re: عفاف الصادق بابكر)
|
Quote: ســـــــــــارة السمــــــــــاني حلاوة الاسم .. وجمال ست الاسم مليار مبروك قدوم البهجة فى حياتك يا راني . .. |
الله يبارك فيك ياستي
Quote:
ربنا يحفظها ويغطيها وينجيها ويبارك فيها .
ربنا يفرح بيها امها فى كل خطوه تخطوها ..
-------------------------------------
وربنا يطول عمر خالها ود المدير ويغرد في عديلها ..
-------------------------------------------------
عمها نزار .. عند مليك مقتدر له جنه عرضها السموات والارض .. نسأل الله أن يبنى له بيت فى الجنة ويجعله ملتقاكم جميعا ..
----------------------------------------------------------- فلتجعل ساره ايامكم كلها فرح وسرور .. وتمسح احزانكم يارب .. |
الف شكر ليك اخت عفاف وربنا يرحم الجميع
| |
|
|
|
|
|
|
Re: تسجيل مكالمة مع سارة.. بوست توثيقي.. يوجد شهود وصور وفيديو كمان... (Re: rani)
|
Quote: أبو سارة ...
وأم سارة ...
عايز أقول مبروك متأخرة ممكن؟
لو ما قبلتوها حأدخّل سارة واسطة!!
ألف مبروك .. وربنا يفرحكم بيها |
الله يديك العافية اخي ابو الريش بنقبل ليك دي، لكن لو اتاخرت في بوست عيد الميلاد الله قال بي قولك..
كنت جايكم الشهر الجاي عشان تسلمو عليها البنية ، لكن حولت للبنان، حا احاول امر بالدوحة وانما راجع من السودان.
سلام لكل الناس المعاك
راني السماني
| |
|
|
|
|
|
|
|