|
|
 Re: وصلت السودان ومن المطار كرهت البلد ورجعت الطيارة (Re: Tragie Mustafa)
|
Quote: لملف الشخصي ل صابر أتير
اللقب: صابر أتير
: .
عدد البوستات: 62
تاريخ التسجيل: 19-11-2010
محل الاقامة: - ولاية نبراسكا الامريكية
:
عنوان مكتبتى بسودانيزاونلاين دوت كم :
FaceBook Page:
Skype Name: sabir619004
اكلات مفضلة: الخضرة المفروكة بالكسرة الحامضة
الاسم الحقيقى: صابر أتير
التلفون:
الجامعة/المعهد:
الحالة الاجتماعية: Married
العنوان الدائم:
الفنان المفضل: استمع لكل الغناء السودانى القديم السمح , احب مصطفى سيد احمد وتعجبنى ناسى عجاج
اللون السياسى: سودانى
النوع: Male
الهوايات المفضلة: الاستماع للاغانى السودانية الايقاع القديم
الوظيفة: اعلامى سودانى - ولاية نبراسكا الامريكية |
| |
 
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: عبدالعزيز حسين عبدالرحيم)
|
يا فيصل الرشيد
Quote: يا اخوانا ساعدونا بي شهادة البحث بتاعت البتاع ده ..
دايرين ننقل الملكيه بي ليلنا ..
اصلو ما يبيت لي بكره يجو الهمباته ديل يقولو حقهم ... |
كان ليك يا مسكين دا خلاص اتسجل بوضع اليد
صابر اتير دا طبعا من رعايا تراجي مصطفى الشهيرة بأم حازم لها الحب والاحترام جابته هنا على أساس اعلامي امريكي (راجع البروفايل الفوق) وصاحب اكتشاف مؤامرة تقوم بها منظمة سند بتاعة زوجة الرئيس
إضافة لذلك صابر أتير راجل فاضل مهذب بس جديد في البور وهو صاحب اكتشاف اننا عبيد اسبان برضه راجع الرابط وشكرناه على هذا الاكتشاف وهو طبعا من ابناء الوطن الحادبين على مصلحته وطبعا عرفنا منه بعضمة كي بوردة انو مركب مكنة جنوبي ويوم جا قال انو مكنته دارفوري غايتو انا احترت شفت غايتو عربية بي مكنة بنزين وغاز وشفت عربية بنزين وكهرباء لكن يعدمني ما شفت لي عربية بي مكنة ديزل وبنزين بالنسبة للبودي لي هسع ما اتشرفنا بي صورة بهية لشخصة الكريم تبهرنا و تمتعنا بمراه الزاهي العزيز ونتشرف
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: عبدالعزيز حسين عبدالرحيم)
|
صابر أتير
Quote: اما عن حكاية طريقة عودتى من الخرطوم والباسبورد الذى احمله كما تناولها
عديمى الشغلة لن اخوض فى الامر كثيرا وهذه اشياء خاصة جدا ويكفى انى كتبت بالعربية واوضحت للجميع ما حل بالرجل وكفى |
صاح 100% ....
وأنتم أيها الحساد
الزول عندو طيارة خاصة، ومطار خاص وصالة خاصة، وخدمات حكومية خاصة، بس وافق أن طيارة الركاب تلكم تستخدم مطاره، ولمرة واحدة فقط
لن يكررهها ولو تمزق السودان إربا، هل فهمتم ؟
ويا ود الباوقة ياخي لم كلماتك العجيبة دي عليك، قال شنو؟ هريطيق !!! هريطيق دي معناها كضاب ولا شنو؟؟؟؟؟
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Tragie Mustafa)
|
Quote: ويجوك الدافنين لك زي نا العوض العامل موضعي وحمور
وهم اصلا صارين لك الغبيه بتاعت بوست العبيد.....
|
كضبا كاضب يا تراجي ..
لا صاريها ليو غبينة لا حاجة .. الصاري ليو الغبية داك القال حبوباتنا مطاليق .. لكن تصدقي نسيت اسمو ؟ الله يجيب ود البشرى يذكرني ليو.
بوست العبيد داك ضحك و هزار زي البوست ده.
كلام لا بيزعل لا ممكن تاخدو جد كلو كلو. ثم اليزعل فيو شنو كان جدي الطشرمية كان عبد ؟ ما يبقى عب .. شنو يعني ؟
العبودية بالنسبة لي نظام اجتماعي كان موجود و انتهى. مجرد نظام اجتماعي.
نرجع لصابر ..
انك تعملي الموضوع عرقي او حكومة و معارضة ده كلام ما صاح منك.
لما زول يكتب ليو بوست سطرين نصهم منطقي ( معاملة الضابط السيئة لمواطن ) و نصهم كضب ظااااااااهر يبقى مافي منطق يخليني اصدقو .. و لا في منطق يخليني امسك كضبو و اعمل بيو مظاهرة .. مساوئ النظام و تصرفات الشرطة لا تدان بالكضب.
في مليون تصرف للشرطة ممكن احكيهم ليك هنا ده بدل الكضب حق صابر ده.
دحين صابر لمن يضرب ليك تلفون كلميهو انو لما يكضب يكضب صاح و الافضل ما يكضب.
و الا يستحمل انو الناس تتعامل معاو باستخفاف زي ما بيتعاملو مع صديق مهدي .. اها صديق مهمش كمان ؟
و زي ما اتعاملو مع جادات .. جادات استخفو بيو الامنجية ؟
و زي ما اتعاملو مع عثمان الريح مرشح الرئاسة.
الزول لما ما يكون جاد في طرحو يملا الناس كضب يا تراجي ما تتوقعي الناس تتعامل معاو بجدية.
ياها فرقة لينا نهزر و نضحك في نص الدنيا الكئيبة دي بدل ما نتشق.
بوستات صابر و بوستات صديق و بوست ذو اليد ياها الفرقة البننسى فيها همومنا .. اعتبريها ويسكينا الحلال .
بنسكر بيها عشان نتبسط.
ما اظن في زول شايل ليو هم قضية ما قاعد يتبسط و يضحك كم ساعة. انت زاتك قاعده تخشي تضحكي و تهزري في بوستات و بيكون دمك خفيف و روحك حلوة.
دحين ان دايرة صابر يبقى عضو فاعل في جناح المعارضة او جناح الهامش او جناح ام جكو وعيهو بدل تقيفي تزحي منو الناس.
و عليك ذمتك يا تراجي ..
خلينا نحن الجلابة و الامنجية و الصارين الغبينة ..انت رايك شنو في زول خش الجوازات و لف رجع ركب طيارة أديس دي ؟
ما تغرقي الذمة.
| |
|
|
|
|
|
|
|
 Re: وصلت السودان ومن المطار كرهت البلد ورجعت الطيارة (Re: Tragie Mustafa)
|
ام حازم سلامات Quote:
زول حاء كتب قصه عاديه
كلنا نعرفها في داعي ل 70 مدالخه في الفارغه؟؟
رجال كبار وعراض سايبين وليداتك وواجاباتكم وقاعدين في الكمبيوتر
عشان تكتبوا مدخلات زي دي؟؟؟
|
هسي في زمتك هسي القصة دي عادية ؟؟؟
انت عينت نفسك نصير المهمشين ،،، تيب قبلناها
العينك وصي علي وليدلتنا منو ؟؟؟
تكون ام العيال عملت ليك ايميل وكدة ،،، ،،،،،،
ومنو القال ليك مقصرين في واجباتنا ؟؟؟
يكون المدير ضرب ليك تلفون 
عليك الله اسمعي كلامي دة قصة جلابي وغرابي ومهمش دي بقت ما جايبا حقها
بقيتي بتكرري في نفسك ،،، ارحمي نفسك وارحمينا بالله ،،،،،
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: سيف اليزل جعفر عبد الرحمن)
|
صابر سلام
طبعا الجلابه من حقهم ان يكتبوا هنا ما يشأوا
يجيو يحكوا عن المطارات و عن البطش وعن قلة ادب البوليس وحرامية الجمارك
كله اوكي ليهم...اكن ان تكتب انت
ويجوك الدافنين لك زي نا العوض العامل موضعي وحمور
وهم اصلا صارين لك الغبيه بتاعت بوست العبيد.....
يا صابر هذا المنبر به ناس مش فارغين
يا زول ديل عنصرين ولا شيئ آخر...
لذا انت هنا اعرف ما من حقك تكتب حاجه
غير تقصف ابو اهل دولتهم العنصريه....
صابر يبلع شنو؟؟؟انتو ما بلعتوا برئيسكم
يبلع صابر؟؟!!
زول جاء كتب قصه عاديه
كلنا نعرفها في داعي ل 70 مدالخه في الفارغه؟؟
رجال كبار وعراض سايبين وليداتك وواجاباتكم وقاعدين في الكمبيوتر
عشان تكتبوا مدخلات زي دي؟؟؟
يا اخي لو مشيتوا لعبتوا كورة شراب مع اولادكم افيد....
بلد بتتقسم وشعب جائع وفيديوهات منشوره باليوتيوب فرجة خلق الله فينا
ودوله منهاره تماما.....
وانتو قاعدين لانه صابر طلع بصالة الخروج و لا صالة الدخول؟؟؟
ان شاء الله طلع بعد شهر دي قضية منو؟؟؟
استحوا على دمكم.
وبعدين يا فرانكلي....مش يمكن اهله ماعهوا؟؟؟
الا تزيدوها كمان عشان يتصور ابن عاق؟؟!!
ومنو قال لك شوفة الاهل الا في السودان؟؟؟
الا تلعم انه ممكن يلتقيهم في اي دوله مجاوره؟؟؟
وكثير من السودانين يفعلونها؟؟؟
غايتو صحي جلابه!!
يوا باكتاش كنت قايله زمنك اقيم من كده
ومدخلاتك الشحيحه موفرها لكش اكاذيب الحكومه
وليست عدم دقة صابر.
وآخيرا يا صابر تلفوني في البروفايل
اتصل بي عشان اوريك كتلوج البورد ده تماما.
اوريك منو الامنجي
ومنو العرقي الجهوي فقط حتى لو يساري
واوريك من العروبي
ومن الهلالالي ومنو المريخابي ومن البطقع ساي
عشان تعرف تجيهم مستعد....ديل عامل يخافوا ما يستحوا.
شكرا عمر عثمان كنت من القلة الموضوعيه بهذا البوست.
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Tragie Mustafa)
|
Quote: وآخيرا يا صابر تلفوني في البروفايل
اتصل بي عشان اوريك كتلوج البورد ده تماما |
اقول ليك حاجه يا صاير يا عم صابر
كلامنا ده كلو اتركو على جنب وامسك كلام
تراجى ده مخرجك الوحيد بتوريك الكذب على طريقته
الصحيحه..كتلوج الكذب عندها ذهبى وعمر الدهب ما بصدى
امسك فيها بتقطعك البحر ده وبمناسبة البحر بهديك
النكتة دى.....
واحد بتاع دراب متل درابك ده بحكى للشباب بانه ساكى
ليه ارنب من بورسودان لجده واظنه نسى موضوع البحر
قامو سالو قالو ليه والبحر؟؟؟؟قام اتلفت يمين شمال
وقال انا اخو البحر .......
انا اخو التاشيرة........
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: وليد الطيب قسم السيد)
|
أخونا صابر أتير
لقد أوصلنا الأمر لمكتب مدير الجمارك بالخرطوم
لواء/ سيف الدين عمر سليمان
ولخطورة البلاغ وحتى تتوقف مثل هذة التجاوزات الغير مسئولة
نرجو التكرم بمدنا بالمعلومات التالية:
1- تاريخ الوصول لمطار الخرطوم
2- الطيران الناقل ورقم الرحلة
________________________________
وليك علينا رحلتك الجاية (Red Carpet ) عدييييييل....
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Hassan Makkawi)
|
Quote: الاخوة الكرام
ويكفى انى كتبت بالعربية واوضحت للجميع ما حل بالرجل وكفى
اما اصحاب الفارغات الموجودين فى المنبر للتسلية فلهم يوم وانا جاهز ومستعد لهم |
يازول تمام يا صابر
كدي اكتب كضبتك دي بالانجليزي العربي خليهو يمكن تنبلع...
شوف يا سيدي اديك كتلوج بالبورد دا قبال تتصل بالتي فرنسا
اليوم التلقاها راضية عنك وبتشكرك اعرف طوااالي انك ماشي غلط وموقفك معوووج
فطوالي استعدل في سلوكك لانه رضاها عنك بيعني شئ ما صاح
وزي ما قال الخميني اليوم الترضي عنك امريكا فدا بيعني انك في حلف مع الشيطان
فما تحالف وتتصل من طرف يا قريبك
ــــــــــ
وبكرر ليك الدعوة اكتب قصتك بالامهرية يمكن تظبط المرة دي
حيدراليز الزينوس بن كونزاليس
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: HAIDER ALZAIN)
|
سلام يا تراجي
يا زولة ندفن شنو؟ والله نحن المنبر دا لو بنباري محنه كان متنا زمان. بعدين متين أنا عملت موضوعي؟ أهو الناس بتعوس و نحن بنعوس معاهم العاجبه كلامي مرحب بيه و الما عاجبو و داير يناقش مرحب بيه. هسع عليك الله كلام صابر بتاع بوست العبيد دا بزعل ليه زول في راسة ذرة عقل؟ و زي ما قال حمور أها قولي أجدادنا ولا خليك من أجدادنا أنحن ذاتنا في رقبتنا دي طلعنا عبيد... أها الحصل شنو؟
من ناحية صابر يبلع يبلع زي ما بلعوا ناس كتار قباله و حكاية جلابي و مهمش دي يا تراجي والله ذاتا بقت مسيخة و ما جايبة راس مالها. دا المنبر الناس تتناقش فيه على حسب طرحها البكتب كلام يستاهل بتناقش و البكتب كلام كوميدي ياخد على راسه كان جلابي كان مهمش و الأمثلة الضربها حمور دي أكتر من كافية. هسع قبل كدا ما في واحد هنا جا قال مشى بريطانيا و أخد الجنسية في كم كدا ما عارف ما براك شفت الناس بلعوها ليه كيف؟ دا كان مهمش برضه؟ بعدين حكاية أولويات الناس يردوا على صابر ولا يلعبوا كورة شراب مع أولادهم دي أفتكر كل زول بحددها حسب ظروفه. بعدين يا تراجي صاح السودان فيه ما فيه من مشاكل لكن دا ما بمنع الناس تنوع في مداخلاتها و ردودها ولا شنو؟ لو عندك نصيحة لصابر عشان يجي مستعد قولي ليه يقول كلام معقول... يعني لو داير يحكي قصة تكون مبلوعة و لو داير يكتب في التاريخ ينجض شغله. و قبل دا كله قولي ليه عليك بالصدق فإنه منجاة.
هذا مع سلامي للأولاد.
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Elawad)
|
| Quote: لو عندك نصيحة لصابر عشان يجي مستعد قولي ليه يقول كلام معقول... |
أنا بقترح يا العوض انها تبعد من دربو بس وتخلي كتلوجها في كنكوجها... عشان ما تضيع ود الناس
الزول دا شكلو سمح وحايكون ليهو شأن ومعجبين كتيرين بالمنبر اسوة بصديق مهدي فافي داعي تضيعو بتنا دي بافتراض صداقته في المنبر الصديق لمن لا صديق له
ـــــــــــــــــ
صابر يازول عوس عواستك زووول زعلان منك مافي ... والله صحي
بل من بوست اهلنا في اسبانيا بعتبرك احسن من ترفع معنوياتنا في منبر معنويات من لا معنويات له
والله صحي
حيدراليز بن الزينوس
| |
|
|
|
|
|
|
|
|
 Re: وصلت السودان ومن المطار كرهت البلد ورجعت الطيارة (Re: HAIDER ALZAIN)
|
| Quote: ويكفى انى كتبت بالعربية |
ولد ده ..ياخ اكتب لينا بالاسباني
حيدروووووف
بالرجوع الي بوست الاسبان حقو علي كده الواحد يمشي برشلونه
... احتمال يكون عندنا حبوبتنا هناك وجدنا في فالنسيا ...واهو الواحد يحضر الدوري الاسباني من جوه الجك ..
::::::::::::
لكن اذا ثبت الكلام ده قطع شك يا حيدر انت بكون اجدادك ياهم بتاعين حركة ايتا الانفصاليه ..واعمامك تاكلين هسه في اقليم الباسك
| |
|
|
|
|
|
|
|
|
 Re: وصلت السودان ومن المطار كرهت البلد ورجعت الطيارة (Re: Faisal Elrasheed)
|
Quote: الزول لما ما يكون جاد في طرحو يملا الناس كضب يا تراجي ما تتوقعي الناس تتعامل معاو بجدية.ياها فرقة لينا نهزر و نضحك في نص الدنيا الكئيبة دي بدل ما نتشق.
بوستات صابر و بوستات صديق و بوست ذو اليد ياها الفرقة البننسى فيها همومنا .. اعتبريها ويسكينا الحلال .
بنسكر بيها عشان نتبسط |
ومؤخرا بوست محمد عبد الماجد الصائم ..
صدق حمر زيادة فيما كتب ..
أما
فيما يتعلق بتراجي مصطفى الناشطـة .. والجات دخلت العنصرية .. فدي حاجة كويسة جدا انها جات البوست دا علشان تفك الضغط عن صابر الرجع الطيارة .. لكن بقدرة قادر .. صابر (تلب) من نفس الطيارة الركبتو ليها تراجي ..
المهم يا صابر .. انا عندي بيت عمي في الجريف غرب .. وبت عمي في الطايف وعمي في العمارات واصحابي في بري كان المرة الجاية عايز تاخد ليك سندة صغيرة كدا قبال ما ترجع .. خليك من الناس ديل كلهم واديني خبر ..
انا قبل كدا جيت بالاثيوبية من كينيا ورجعته بالمصرية اسيوط .. عشان كدا كلامك دا صاح جدا .. ما تشتغل ليك بي اي زول من العنصريين ديل .. اسمع كلام تراجي .. وما تشيل معاك جواز سفر زاتوووو..
| |
|
|
|
|
|
|
|
|
|
Re: وصلت السودان ومن المطار كرهت البلد ورجعت الطيارة (Re: Hassan Makkawi)
|
| Quote: أنا بقترح يا العوض انها تبعد من دربو بس وتخلي كتلوجها في كنكوجها |
والله يا حيدر أنا واثق إنه تراجي ذاتا كلام صابر ما واقع ليها لكن عندها انطباع خاطيء بإنه مستهدف لأسباب عرقية عشان كدا اتدخلت.
Quote: يا العوض ..
لو علمت انك ستدخل لترد لكفيتني عناء ما بذلته من كلام كثير أحكمته أنت في اختصار و بلاغة.
أنا أبصم على كلامك. |
شكرا يا حمور لكن يا زول كلامك ما بنستغنى عنه. و زي ما قلت دي بس بوستات استمتاع.
| |
|
|
|
|
|
|
| |
حماد الطاهر عبدالله
بشير أحمد
حمور زيادة
حسن الجيلى سعيد
طلال جبير جابر
Tragie Mustafa
BAKTASH
وليد الطيب قسم السيد
Hassan Makkawi
HAIDER ALZAIN
Elawad
Faisal Elrasheed
tmbis
humida
هاشم نوريت
haroon diyab
نادر النور آدم
فيس بوك
تويتر
انستقرام
يوتيوب
بنتيريست