نحن نحن مهنئون لي رانيا بت هرون

ونعم الجد جدّك
درّسني في دنقلا الثانوية
اللّغة بتاعة (عَنْدك عِندك)
راجل ما شا الله عليه هادي ورزين
وما بيشبه ناس السياسة الشينين
ويوم ما سمعنا إنو سعى لي وظيفة الشينين
زول أجواد مطفّي حرائق سيد للزينين
الله يحفظه ويحفظ ولدو ومعاهم بت الزينين
والطيبون للطيبات والطيبات للطيبين
ويا ربّي تحفظ يا معين
وياخوي العقد تم باقي العرس ارفعلنا الإيدين
--
وبعدين تعال إنتو السياسة
أصلاً ما بتقدروا تغبّوا منّها تب
تهاتوا بيها ليل نهار كأنها حاجةً زينة
شي بمسك لسانكم منها غايتو مافي
المهم البوست دا عشان خاطر جدّك ما دايرين فيه
كلام سياسة.
وبعدين تعال ياخوي يا أبو عبد الله
بنيتي دي ما كضابة
وساكت في ناس بتقول إنها في الخارجية
دي إما تكون صحفية أو عندها علاقة بيها
أو مصادرها عليمة
لأنه ما لقينا شي من أخبارا كذب