|
|
 Re: ده كلام ده يا عادل عبدالعاطي ؟ او قُل ( صوت لوم) عديييل (Re: عمران حسن صالح)
|
عزيزي عادل تحيات و إعتذار عن التأخير مع الزمن الممحوق , ده رد سريع و غير مرتب عشان نسخن النقاش .
الاغاني محل النقاش ليست جماهيرة ولا اعلم كيف قستها و وفق اي مترونوم , الاغاني دي اغاني محصورة في مناطقها حتي مجئ الانقاذ الفتحت ليها الابواب علي مصرعيها عشان تنمو و تتضخم عشان تشغل الناس . ايضا هي ليست اغاني الربة زي ما قلت , اغاني الربة تاريخيا في السودان كانت علي شاكلة اغنيات ابراهيم عوض الخفيفة و اغنيات زيدان الخفيفة و علي قدر الشوق و شرحبيل احمد .في مجموعها هي الاغاني ذات الطابع الايقاعي الخفيف و دي نبعت تاريخيا من كسرة ابو علي (حسن عطية) الشهيرة في نهاية الاغنية لوضع إعتبار للرقيص بإعتبارو واحد من ادوار الاغنية (موش كل اداور الاغنية) .
عاشة الفلاتية لمن ظهرت كان ينظر لها كما ينظر لما يسمي بالهابط الان , لكن كانت عائشة تتوق لفن حقيقي و مواكب لذلك تعاونت مع استاذ الاجيال اسماعيل عيدالمعين و اللي هو نفسو كان بغني ايقاعات راقصة و خفيفة و صاحب مدرسة الزنجران المعروفة , الفلاتية طلعت لينا غنا خالد حتي الان فمن منا يزكر لها ما تغنت به قبل يا حنوني و يا بلال و ..الخ؟
ما يسمي الهابط الان لم يحدث اي تحولات , التحولات الحدثت اصلا سياسية , الفن السوداني توقف في محطات ما قبل الانقاذ مع النذر اليسير جدا من الاشراقات للمجددين الحقيقيين , ما يحدث الان عبارة عن فوضي و إسفاف و انا في ذلك لا ادعم مصطلح غناء المثقفين يا عادل رغم تقديري الكامل للمثقفين الدعموا الكثير من المغنيين و ساهموا معهم في تنضيف إضنينا بالدرر فسمعنا اراك عصي الدمع و يا لاهية و داو ناري و طائشة الضفائر غيرهن كثيرات . ولا انفي عن المثقف دورة في إنتاج الكثير من الشعر الغنائي السوداني و تنقيحو منذ بدء الاغنية السودانية و حتي توقفنا بحمد الله في بداية عهد الانقاذ بعد ان شغلت الانقاذ المثقفين في روحهم و بقي ما عندهم زمن يسمعوا او ينقحوا او حتي يشاركوا بي رأي . نحمد الله انو مثقفيننا تنازلوا عن عرشهم العالية و تعاملوا مع الغناي بندية و ساهموا في تشذيب اغنياتنا( مجموعة ابوداوؤد ) و (مجموعة زيدان ابراهيم) و قبلهما ثنائيات ود الريح و ابراهيم عوض حتي وصلنا الي ابوعركي البخيث و موصلي و الكثيرين الذين لا يعلم بهم احد.. راجع معظم درر الغناء السوداني تجد خلفها مغنيين و مثقفين. إذن الفن لم يكن في يوم من الايام فن صفوة و مثقفاتية حتي قبل دخول الفونغراف و الاذاعة للسودان , كان الناس يهاجرون الي بيوت اللعب (الحفلات ) و بعد دخول الاذاعة تتحلق الاسرة جميعها خلف المذياع ليسمعوا آخر الاغاني و السهرات . ماتسميه بالفن البارد تبع المثقفين ده كان بحصل في مناطق محدودة جدا و معروفة في السودان إبان الاستعمار البريطاني , كانت توجد دور الفن و الثقافة ( دار او صالون فوز) و دي برضو ثقافة استلفناها من المصريين لكن لحسن حظنا لم يُكتب لها الاستمر بشكل كبير .
الفن الفلكلوري انا ادعمة بشدة و للفنان السوداني الكثير من الانجازات في هذا المجال لا غبار عليه و يجب التركيز عليه و إخراجو في قوالب لا تتعارض مع طعمو الحقيقي و ده نقاش تاني مختلف , لكن قياسك علي شاكيرا في ظني خاطي , شكيرا تعكس ما يحدث في مجتمعها (كلمات شاكيرا الخارجة قستها علي اي قياس ؟ مجتمعها ام مجتمعنا.؟) و الفت نظرك انو شعراء الحقيبة قالوا ما قالوه فيما هو خارج آنذاك بلغة ساحرة و مقبولة
ابو صلاح قال
برزن نهودة و عامن في الفضا مجاهدين
و علي هلاك العاشق ديمة متحدين
و العمرابي قال
لو في النساء رسلا كنت النبية
ما بسلي ريدك لا وحياة امية
و البنا قال
ها هي حقيقة الامر
انا ما بسكر من الخمر
نهود و رُسل و خمرة , تم بثها في الراديو في الوكت الفيهو انو الثلات كلمات منفصلة دي كانت كافية لإعدام اصحابها رميا بالرصاص إن قيلت منفردة ( تقول لي شاكيرا ؟ ) و تلك ليست من عبقرية الشعراء اعلاه فقط لكن من أدبهم الجم و قيادتهم لعصرهم وفق شروطهم المجتمعية ( حا اشرح اكتر خلفيات شعر الحقيبة لاحقا) في الفترة الزمنية دي نفسها كان إسفاف الهابط موجود لكن لم نسمع له صوتا
اواصل
|
|
  
|
|
|
|
|
| العنوان |
الكاتب |
Date |
| ده كلام ده يا عادل عبدالعاطي ؟ او قُل ( صوت لوم) عديييل | خدر | 10-20-10, 08:18 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | smart_ana2001 | 10-20-10, 08:26 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 10-22-10, 11:57 AM |
| Re: ده كلام ده يا عادل عبدالعاطي ؟ او قُل ( صوت لوم) عديييل | محمد الامين احمد | 10-20-10, 08:33 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | عوض محمد احمد | 10-20-10, 09:09 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 10-21-10, 12:28 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | Elmosley | 10-21-10, 01:01 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | noon | 10-21-10, 02:01 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | nazar hussien | 10-21-10, 02:09 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | abubakr salih | 10-21-10, 02:26 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | Ashraf el-Halabi | 10-21-10, 08:55 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | أسامة الفضل | 10-21-10, 09:29 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | جمال محمود | 10-22-10, 01:37 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 10-22-10, 12:50 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 10-22-10, 01:01 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | Abdel Aati | 10-29-10, 12:19 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 10-22-10, 12:48 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | Elmosley | 10-22-10, 01:19 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 10-23-10, 10:18 AM |
| Re: ده كلام ده يا عادل عبدالعاطي ؟ او قُل ( صوت لوم) عديييل | عاطف عمر | 10-23-10, 10:42 AM |
| Re: ده كلام ده يا عادل عبدالعاطي ؟ او قُل ( صوت لوم) عديييل | هشام هباني | 10-23-10, 11:05 AM |
| Re: ده كلام ده يا عادل عبدالعاطي ؟ او قُل ( صوت لوم) عديييل | Abdel Aati | 10-29-10, 12:05 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | Abdel Aati | 10-29-10, 12:28 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 10-29-10, 12:35 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 10-29-10, 12:29 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | Abdel Aati | 10-29-10, 01:00 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | عمران حسن صالح | 10-29-10, 06:40 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 11-16-10, 01:23 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | doma | 11-16-10, 01:49 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 11-16-10, 02:33 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | فارس موسى | 11-16-10, 08:14 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | على عجب | 11-17-10, 04:47 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | خدر | 12-03-10, 11:04 AM |
| Re: ده كلام ده يا عادل عبدالعاطي ؟ او قُل ( صوت لوم) عديييل | Abdel Aati | 12-28-10, 02:32 PM |
| Re: ده كلام ده يا عادل عبدالعاطي ؟ او قُل ( صوت لوم) عديييل | دينا خالد | 12-28-10, 08:08 PM |
|
| |
خدر
فيس بوك
تويتر
انستقرام
يوتيوب
بنتيريست