وجع وجع وجع!

ويقراها الشغوف
ومن زحمة وقوفُم
يمتنع الوقوف
واللاّفتة بتقول ممنوع الوقوف
والعسكر يردّد ممنوع الوقوف
يا راعي الكورولاّ (وخّر) لا أشوف
وداك راعي الكرولا فرتقْ قومته صوف
قال النسخة شلتها أحمد الله بس هو البرّ الرءوف
يا زول شوف وشوف
كيف رسم الحروف؟
والتشكيل بفتحه واقف زي صفوف
والنِّقْريش بضمُّه فات حدّ الوصوف
خُشْ بالله شوف
مكتبتك قريبة وما بتلقى الصفوف
أصل الناس وجعها قِلْ مصروف وخوف
ما دايرين يفكّوا القرش الولوف
زي ما قالوا عن ولداً إنه زول ولوف
يعيد في فصله دايماً ما داير خروف
وداك القرش عند ناس صايبو جد كسوف
ما داير يفارق للجيب الولوف
أحمد الله دايماً الخير ما ألوف
الخير في بركةً أحمد الله شوف
ما علينا يازول جانا زولاً من شكله ولوف
وفي حرفه ألوف
وخجل فينا شوف
وأخجل من تواضعنا لين صابنا الكسوف
ما عندك تواضع خجّل للحروف
دا منو اللي أستاذ حرّم زول حروف
دا الصدرت روايته في أجمل حروف
وغلافه المميز قاعد في الرفوف