|
|
 Re: سهري كلو عشانك انت (Re: khaleel)
|
العزيز خليل
نشوف حكاية ام زين وبنتها ام الكرام التي كتبت قبل مده كمساهمه في عرض مشكلة تعليم ابناء المغتربين
في الجامعات السودانية.
وبعدين حانرجع للحاجات اللذيذة
واليك الحكاية
عشم بِت أم زين في جامعة الخرتوم
خالتي أم زين (أمّي التي لم تلدني) هي إمراة تزين و تعطر حياتنا في الغربة بقفشاتها البريئة التي تطلقها بعفوية أهلنا الطيبين في الجزيرة الخضراء. بين خالتي أم زين و إبنتي أم الكرام ودّ يختلف عنما تكنه خالتي لبقية أبنائي، لم أفكر أبداً في أسـباب ذلك الود المتميز ولكنني أعتقد أن ذلك الود يعود إلي أن أم الكرام البنت هي أم الكرام الحبوبة شـكلاً و مضموناً و إسـماً. البارحة، و بعد ما توقف سيل المهنئين لابنتي أم الكرام التي أحرزت 99.05% في الشهادة العربية السعودية – المساق العلمي – رأتنا خالتي أم زين و قد أمسك كل منا بقلم و آلة حاسبة بينما تسمر ابني أبو الكرام أمام الحاسب الآلي الذي يجيد استعمال برامجه و حيله مثل بل غيتس. كنا ندخل الأرقام و نسترجعها -كل على طريقته- منا من يقول أن أم الكرام لن تدخل كلية الطب – في الجميلة و مستحيلة- جامعة الخرطوم. و منا من يغالط ذلك القول، و خالتي أم زين لا تفهم شيئاً و لا تشارك كعادتها فيما يدور. و فجأة انهمر الدمع من عيني حبيبتي أم الكرام، التي لم يخطر ببالها أبداً أن شخصاً ما في هذا الكون العريض يحرز 99.05% في أي شهادة و لا يمنح فرصة الدراسة حسب رغبته. هنا انقلب الفرح إلى حزن و بكاء شارك فيه الجميع إلا خالتي أم زين التي كانت مشغولة عنا بمسبحة خرز (هي بقايا من أشياء تذكرها بزوجها المرحوم شيخ مختار) و بتمتمات لا نفهمها تقولها عقب كل صلاة، و لكنها عدلت من جلستها و قالت:
- "الأولاد ديل مالم بيبكوا؟".
- ديل يا يمة حسبوا نتيجة أم الكرام و لقوها ما بتدخلها كلية الطب في جامعة الخرتوم – لأنه المسعولين هناك قالوا دايريين يدخلوا اربعتاشر طالب و طالبة من السعودية – حسب نظام الكوتة.
- "و نان يا و لدي مالها أم الكرام و مال الكتكوتة، ما قلتوا جات الأولى في المدرسة! و جابت 99 و شنو كدي ما بعرفو، و الكتكوتة دي شني ؟ الكتكوتة التسوي ليهم ... وتسوي ليهم." (و لمعلومية الذين لا يعرفون الكتكوتة هي نوع من السعال الديكي يصيب الأطفال و يجعلهم .... مثل الحمار أثناء الكحة و يعتقد أهلي في الجزيرة أن الطفل يطيب منها إذا شرب لبن حمارة).
- يا يمّة ناس الخرتوم ديل قالوا جابوا ليهم خبراء و علماء و ناس بعرفو من برة و سوّوا ليهم معادلات للقبول في الجامعات، و الناس الجابوهن ديل قالوا ليهم عليكم بس بالكوتة.
- "لكن يا ولدي النعلات ديل ما قاعد يسويهن النقلتي كيفن يجيبوا ليهن القلتهم ديل من برّه، هم ماسمعوا بي أولاد خُشني في سوق العزازي ، ممممممما الله خلقنا ما شفنا لينا بي نقلتيه والا سرماطيه أخير منهم.وشـنو الجآب النعلات لقرآية بنتي أم الكرام؟".
- لا يا يمّة ما سوّوا ليهم نعلات، ديل سوّوا معادلات يعني حسابات كتيرة و الحسابات دي يا يمّة قطعوها من راسهم، لا عاينوا لأولادنا الكتبهم و كراساتهم كتيــــــرة و مكتملة و مدارسهم سممممممحة و نضيييييييييييييفة و مدرسنها و مدرساتها تامّيــــن و موهن ناقصين و زي ما شايفة يا يمّة نحنا و الوليدات من الصباح للمطاح في القراية، و كوتتم دي يا يمة تتدخل ولد ولاّ بت من بلد و تسيب ولد تاني شــــــاطر من بلد تاني.
- "و الله يا ولدي أكان للحاجات القلتها في قراية أولادك دي كلـــــها صحيحة، و أنا مره مره كدي أقول الوليدات ديل قطعتوا قلبوهم و نشفتوا ريقهم بالقراية – أتاريكم ليكم حق- و أنا شايفة أولاد عبد الرسول أخوك مما يجو من المدرسة يجدعوا مخلاية كتبهم فوووووق مع المشلعيب و ما عندهم شغلة غير لعب التيوة و العيتنوبة مع أولاد حاج جبارة الله في طرف الحله ،واكان لـي الأبوات و ألمات عندنا هناك في السودان والله هم ما فاضيين لي قرآية الأولاد لأنهم جاريين ورا المعايش – الله يسهلها ليهم-. و يا ولدي – كدي قول لي - حسابات ناس الخرتوم دي زي حسابات تورشين سيد الدكان، الكنّا بنطلق منّو زمان وكت كتّ بتقرا في الجامعة في الخرتوم، و كان تمن السكر و الشاهي قرشين و نص، و عمّك تورشين يسوّيهم خمسة قروش في دفتره؟".
- أيوه يا يمّة، أطلبي ليه الرحمة و المغفرة.
- "إن شاء الله يا ولدي الله يغفر ليه من حق العباد. لكن يا ولدي إنتو ما قلتو بتعرفوا في الحسابات، و الداهيات و النعلات السوهن ناس الخرتوم؟ مالكم ما تسوّو داهيات زيهن و تدخلوا أم الكرام محل ما تدورتقرا و تبقى حكيمة، و تداوي لي ركبي ديل، و الله يا ولد حيرتني، أقول ليك ركبي ما بشيلنّي و كلويّ موجعاني أكشف عليّ و جيب لي دواء، تقول لي يا يمّة أنا ماني طبيب، أرحكي لجنا ود عتمان في البندر، و أنا قاعدة اشوف البجوك هنا و يجوا لآخوانك المعاك في الجامعة بقولوا ليكم يا دكتور يا دكتور، دحين يا ولدي وريني إنتو دكترتكم دي في شنو؟".
- يا يمّة المقدم محمود و ود التوم ديل دكاترة حديد، و ود الشيخ دا دكتور لمبآت ومرآوح (( مدآخله من الخاله ( يعني بعرف يصلح تلاجتي الجبتها لي من الخرتوم أكان خربت؟)) (و العجبية الكهرباء ليها زمن قاطعة في قريتهم لأسباب تتعلق بحمارة حاج أحمد التي ربطها إبنه شيال التقيله-البالغ من العمر ستة سنوآت- في ظل شجرة اللالوب القريبه من حظيرة المحول الرئسيه، ليقيها حر ذلك النهار من صيف العام الماضي، وعقاباً لأهل القريه، تم قطع الكهرباء منهم لمده غير محدده) و العركي دآك دكتور حاجات ما بتعرفيها و البطحاني دا دكتور بلاستيك، و العريبي أبو التيمان دا دكتور دوانكي مويه، (و سمعنا قالوا ناس الإدارة المركزية قطعوا الكهرباء من الدوانكي حقاتهم في جنوب الجزيره و عطشوهم لأنه المسعولين في هيعة تفوير- هيئة توفير- المياه ماسددوا لي ناس الإدارة المركزية قروشهم والحكايه في النهايه ذي ساقية جحا، تشيل من البحر وتكب في البحر، يعني من جيب الحكومه لي مخلاية الحيكومه و كلها من عرق المواطن المغلوب علي أمره!!!!! عجب) و كان لى القال ليك أنا بديري دآك، دا دكتور حساب ســـــــاكت.
- "بسم الله يا شيخي شنو الحديد والكرهبا و السستيك السويتوا ليهم دكاتره و حكماء أنا ديل كلهم ما عندي بيهم شغلة، أنا شغلتي مع زول الحساب دا، دايراه يشوف لي طريقة يدخل بيها أم الكرام بتي جامعة الخرتوم عشان تقرا و تبقى حكيمة تداوي لي ركبي ديل".
- أيوه يمّة الجماعة القلتهم ليك ديل و معاهم أخوانهم تانيين ما قصروا، و قعدوا ليهم سنتين و جابوا كل النتائج حقات الوليدات هنا و هناك ، و قعدوا يقلبوا فيها جاي و جاي، ويجمعوا من هنا، و يطرحوا من هناك، و يقسموا على دا، و يشيلوا من دا، و يختوا في داك، لغاية ما وصلوا لحاجة سمّــــــــحة و سمّوها معادلة، -يعني ما نعال- يا يمّة و ما بتظلم ديل ولا ديلك، وكمان يا يمّة حسب كلام أخوانّا الدكاترة ديل، المعادلة دي سوّوا ليها حاجة زي المِرِق و الشِعب حقّات راكبوتنا في الفريق طرف الحلة، والحاجات دي زي ما قالوأ هي:
• أوووووول بادي، الشهادة حقت أولادنا في السودان هي الّلحمه و السداه حقت الغزل، و هي التكلوا عليها حساباتم كلـــــها.
• و تـــــاني هام، أخوانّا ديل جابو نتائج الوليدات الهنا كلللللللللللهم و رصوها صف وااااااااحـد و جابوا نتائج الوليدات الهناك و رصوهن سوا، قصاد بعض، و ما فرزوا من هنا شوية ومن هناك شوية، زي ما سوّوا ناس الكوتة في الخرتوم.
• تالت هام، اها بعد ما عادلوا الصفين ديل مع بعض، قاموا طلعوا ليهم ب شيتاً زي الميزان، يختوا فيهو الشهادة الهنا طوااااالي تبقى زي الشهادة الهناك و الميزان دا سموه المعامل.
• راااااااابع هام، سوّوا ليهم حاجات كتيييييييييييرة، يمّة، أنا ما بعرف أقولها ليك، و إنتي ما بتفهميها، لكنها قطِع شك بتنصف الوليدات الهنا و الهناك.
- "لكن يا ولدي كلامكم السويتوه دا مالكم ما و ديتوه لناس الخرتوم و قلتوا للمسعولين يسوّوه للوليدات؟"
- وديننننننننننننناه الخرتوم يا يمّة، لكن ناس الخرتوم قالوا عليهم ما عليهم ما يسوّوه السنة دي و حلفوا إلآّ يسوّوا كوتتهم دي.
"أ ها أكان كدي أنا بفرش تبروقتي، وبمسك سبحتي، و أبعد النوم من عيني، و أشحد الله يصرفهم من الكتكوتة دي و يدّخل أم الكرام بنتي و اخوآتها جامعة الخرتوم و يعوضها سهرها و تعبها و تبقى حكيمة تداوي لي ركبي، وأسال الله ل ناس الخرتوم الهداية والمغفرة".
|
|
 
|
|
|
|
|
| العنوان |
الكاتب |
Date |
| سهري كلو عشانك انت | khaleel | 02-14-06, 01:29 PM |
| Re: سهري كلو عشانك انت | عبدالكريم الامين احمد | 02-14-06, 01:41 PM |
| Re: سهري كلو عشانك انت | khaleel | 02-15-06, 05:28 AM |
| Re: سهري كلو عشانك انت | انعام عبد الحفيظ | 02-15-06, 06:02 AM |
| Re: سهري كلو عشانك انت | مبيوع | 02-15-06, 05:55 AM |
| Re: سهري كلو عشانك انت | khaleel | 02-15-06, 06:00 AM |
| Re: سهري كلو عشانك انت | Dr. Abdalla Siddig | 02-15-06, 06:00 AM |
| Re: سهري كلو عشانك انت | khaleel | 02-15-06, 06:03 AM |
| Re: سهري كلو عشانك انت | انعام عبد الحفيظ | 02-15-06, 06:18 AM |
| Re: سهري كلو عشانك انت | khaleel | 02-15-06, 06:21 AM |
| Re: سهري كلو عشانك انت | انعام عبد الحفيظ | 02-15-06, 06:21 AM |
| Re: سهري كلو عشانك انت | Tumadir | 02-15-06, 06:42 AM |
| Re: سهري كلو عشانك انت | Sahar Abdelrahman | 02-15-06, 08:24 AM |
| Re: سهري كلو عشانك انت | Muna Khugali | 02-15-06, 08:31 AM |
| Re: سهري كلو عشانك انت | khaleel | 02-15-06, 11:30 AM |
| Re: سهري كلو عشانك انت | نجود حسن عبد الرحمن | 03-05-06, 06:23 AM |
| Re: سهري كلو عشانك انت | khaleel | 03-05-06, 06:29 AM |
| Re: سهري كلو عشانك انت | نادية عثمان | 02-15-06, 08:33 AM |
| Re: سهري كلو عشانك انت | khaleel | 02-15-06, 11:35 AM |
| Re: سهري كلو عشانك انت | Mutwali Malik | 02-15-06, 08:37 AM |
| Re: سهري كلو عشانك انت | khaleel | 02-15-06, 11:38 AM |
| Re: سهري كلو عشانك انت | khaleel | 02-15-06, 11:27 AM |
| Re: سهري كلو عشانك انت | khaleel | 02-15-06, 11:23 AM |
 Re: سهري كلو عشانك انت | بلدى يا حبوب | 02-15-06, 08:53 AM |
| Re: سهري كلو عشانك انت | khaleel | 02-15-06, 11:41 AM |
| Re: سهري كلو عشانك انت | Ahmed Abdallah | 02-15-06, 10:21 AM |
| Re: سهري كلو عشانك انت | khaleel | 02-15-06, 11:45 AM |
| Re: سهري كلو عشانك انت | khaleel | 02-16-06, 12:47 PM |
| Re: سهري كلو عشانك انت | soma | 02-16-06, 03:54 PM |
| Re: سهري كلو عشانك انت | khaleel | 02-17-06, 02:23 PM |
| Re: سهري كلو عشانك انت | khaleel | 02-18-06, 02:27 PM |
| Re: سهري كلو عشانك انت | عامر تيتاوى | 02-18-06, 02:59 PM |
| Re: سهري كلو عشانك انت | khaleel | 02-18-06, 03:09 PM |
| Re: سهري كلو عشانك انت | عامر تيتاوى | 02-18-06, 04:42 PM |
| Re: سهري كلو عشانك انت | Mutwali Malik | 02-18-06, 05:25 PM |
| Re: سهري كلو عشانك انت | khaleel | 02-19-06, 05:14 AM |
| Re: سهري كلو عشانك انت | Mutwali Malik | 02-19-06, 08:59 PM |
| Re: سهري كلو عشانك انت | ali elhassan | 02-19-06, 10:04 PM |
| Re: سهري كلو عشانك انت | Dr. Abdalla Siddig | 02-20-06, 01:36 AM |
| Re: سهري كلو عشانك انت | nashaat elemam | 02-20-06, 05:36 AM |
| Re: سهري كلو عشانك انت | khaleel | 02-20-06, 05:23 PM |
| Re: سهري كلو عشانك انت | nashaat elemam | 02-21-06, 04:46 AM |
| Re: سهري كلو عشانك انت | Muna Khugali | 02-21-06, 05:17 AM |
| Re: سهري كلو عشانك انت | khaleel | 02-21-06, 05:43 AM |
| Re: سهري كلو عشانك انت | Mutwali Malik | 02-21-06, 08:33 AM |
| Re: سهري كلو عشانك انت | khaleel | 02-21-06, 02:05 PM |
| Re: سهري كلو عشانك انت | khaleel | 02-22-06, 06:14 AM |
| Re: سهري كلو عشانك انت | انعام عبد الحفيظ | 02-22-06, 06:34 AM |
| Re: سهري كلو عشانك انت | khaleel | 02-23-06, 01:53 PM |
| Re: سهري كلو عشانك انت | عبدالكريم الامين احمد | 02-23-06, 02:03 PM |
| Re: سهري كلو عشانك انت | elham ahmed | 02-23-06, 03:20 PM |
| Re: سهري كلو عشانك انت | khaleel | 02-23-06, 03:36 PM |
| Re: سهري كلو عشانك انت | انتصار محمد صالخ بشير | 02-23-06, 04:05 PM |
| Re: سهري كلو عشانك انت | khaleel | 02-23-06, 04:13 PM |
| Re: سهري كلو عشانك انت | khaleel | 02-24-06, 04:02 PM |
| Re: سهري كلو عشانك انت | khaleel | 02-25-06, 05:56 AM |
| Re: سهري كلو عشانك انت | Dr. Abdalla Siddig | 02-25-06, 06:07 AM |
| Re: سهري كلو عشانك انت | khaleel | 02-25-06, 06:13 AM |
| Re: سهري كلو عشانك انت | Dr. Abdalla Siddig | 02-25-06, 06:59 AM |
| Re: سهري كلو عشانك انت | عبدالكريم الامين احمد | 02-25-06, 07:24 AM |
| Re: سهري كلو عشانك انت | Dr. Abdalla Siddig | 02-25-06, 07:56 AM |
| Re: سهري كلو عشانك انت | khaleel | 02-25-06, 01:56 PM |
| Re: سهري كلو عشانك انت | elham ahmed | 02-25-06, 02:16 PM |
| Re: سهري كلو عشانك انت | khaleel | 02-25-06, 02:25 PM |
| Re: سهري كلو عشانك انت | khaleel | 02-26-06, 02:18 PM |
| Re: سهري كلو عشانك انت | عبدالكريم الامين احمد | 02-26-06, 03:21 PM |
| Re: سهري كلو عشانك انت | khaleel | 02-27-06, 05:49 AM |
| Re: سهري كلو عشانك انت | khaleel | 02-27-06, 01:58 PM |
| Re: سهري كلو عشانك انت | khaleel | 02-28-06, 05:46 AM |
| Re: سهري كلو عشانك انت | عبدالكريم الامين احمد | 02-28-06, 10:39 AM |
| Re: سهري كلو عشانك انت | khaleel | 02-28-06, 03:04 PM |
| Re: سهري كلو عشانك انت | khaleel | 03-01-06, 06:02 AM |
| Re: سهري كلو عشانك انت | khaleel | 03-01-06, 02:34 PM |
| Re: سهري كلو عشانك انت | عبدالكريم الامين احمد | 03-01-06, 02:46 PM |
| Re: سهري كلو عشانك انت | khaleel | 03-01-06, 02:53 PM |
| Re: سهري كلو عشانك انت | عبدالكريم الامين احمد | 03-01-06, 04:11 PM |
| Re: سهري كلو عشانك انت | Sahar Abdelrahman | 03-01-06, 04:21 PM |
| Re: سهري كلو عشانك انت | khaleel | 03-02-06, 05:21 AM |
| Re: سهري كلو عشانك انت | معاذ الدخري | 03-02-06, 12:35 PM |
| Re: سهري كلو عشانك انت | khaleel | 03-02-06, 02:26 PM |
| Re: سهري كلو عشانك انت | khaleel | 03-03-06, 03:54 PM |
| Re: سهري كلو عشانك انت | khaleel | 03-04-06, 05:50 AM |
| Re: سهري كلو عشانك انت | khaleel | 03-04-06, 03:54 PM |
| Re: سهري كلو عشانك انت | khaleel | 03-05-06, 06:05 AM |
| Re: سهري كلو عشانك انت | khaleel | 03-06-06, 06:05 AM |
| Re: سهري كلو عشانك انت | عبدالكريم الامين احمد | 03-06-06, 10:12 AM |
| Re: سهري كلو عشانك انت | khaleel | 03-06-06, 02:26 PM |
| Re: سهري كلو عشانك انت | khaleel | 03-07-06, 06:13 AM |
| Re: سهري كلو عشانك انت | khaleel | 03-07-06, 01:34 PM |
| Re: سهري كلو عشانك انت | khaleel | 03-08-06, 06:26 AM |
| Re: سهري كلو عشانك انت | عبدالكريم الامين احمد | 03-08-06, 11:48 AM |
| Re: سهري كلو عشانك انت | khaleel | 03-08-06, 01:20 PM |
| Re: سهري كلو عشانك انت | khaleel | 03-09-06, 06:53 AM |
| Re: سهري كلو عشانك انت | Muna Khugali | 03-09-06, 11:58 PM |
| Re: سهري كلو عشانك انت | Dr. Abdalla Siddig | 03-10-06, 03:34 AM |
| Re: سهري كلو عشانك انت | khaleel | 03-10-06, 11:48 AM |
| Re: سهري كلو عشانك انت | khaleel | 03-10-06, 11:45 AM |
| Re: سهري كلو عشانك انت | تيسير عووضة | 03-10-06, 03:59 AM |
| Re: سهري كلو عشانك انت | khaleel | 03-10-06, 11:51 AM |
| Re: سهري كلو عشانك انت | Dr. Abdalla Siddig | 03-11-06, 02:24 AM |
| Re: سهري كلو عشانك انت | khaleel | 03-11-06, 05:50 AM |
|
| |
فيس بوك
تويتر
انستقرام
يوتيوب
بنتيريست