|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: Magdi Ahmed Elsheikh)
|
أميرة الكبابش إبنتنا داليا
Quote: مافي شك طبعا .. ربنا يوفقهم انشالله ويغتي عليهم .. انشالله الجايات انت زاتك معانا .. تحياتي .. |
أنا حاليا بالخرطوم وإنعام بتنا غاليه علينا جدا..لكن نحن زمانا فات وغناينا مات..ماتغشك الصوره..نحن بورداب موديل قديم جدا حتي إسبيراته ما موجوده يعني كبرنا شديد على تجمعات الشباب.. يعني لو جينا حتطالبونا ندفع فرق الموديـــل..تمنياتي للجميع بيوم سعيد.
| |
|
|
|
|
|
|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: داليا الكباشى)
|
نرجوك تعال وانا اضمن ليك الاتى :
* (5) من الحضور بيكونو من جيلك .
* مع التوصية بعمل تربيزة خاصة بابناء هذا الجيل .
* نأمل لقياك لانى لاول مرة اشوف مداخلة لشخصكم فى المنبر
Quote: أنا حاليا بالخرطوم وإنعام بتنا غاليه علينا جدا..لكن نحن زمانا فات وغناينا مات..ماتغشك الصوره..نحن بورداب موديل قديم جدا حتي إسبيراته ما موجوده يعني كبرنا شديد على تجمعات الشباب.. يعني لو جينا حتطالبونا ندفع فرق الموديـــل..تمنياتي للجميع بيوم سعيد. |
| |
|
|
|
|
|
|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: سيف بخيت موسي)
|
الإبنه داليا
شكرا مرة أخرى على الدعوة الكريمه....ثم...سؤال بس رجاءا..ما تضحكوا على...أنا لما طلعت من السودان كانت بصات أبو رجيله (ودي بصات صفراء أنيقه كانت شغاله أسألي عنها أبوك) ....وقضيت نص عمرى خارج السودان..ولما رجعت لقيت بيتنا الكان آخر شارع في الخرطوم يعني منو والخلا..لقيته بقى في سنتر البلد....وكان مطار الخرطوم آخر الحدود الشرقيه...تمشي لغاية ما تصلي بورسودان ما تلاقيك نمله حايمه..طبعا رجعت لقيت المعالم إتغيرت كتير ولي هسع سنه وزياده ماشي في البلد بي مطوف.....(المقدمه دي عشان مافي زول يضحك على)........بيت الفنون دا وين؟؟؟؟؟...
| |
|
|
|
|
|
|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: nile1)
|
الأخ بدر الدين إسحق
تحياتي وشكرا على ترحيبك بشخصي الضعيف (القديم)
Quote: نأمل لقياك لانى لاول مرة اشوف مداخلة لشخصكم فى المنبر |
زمان كنا بنصول ونجول في ميدان سودانيس أونلاين..بس جونا لعيبه أجارك الله كتاااار وعاملين مسامير في كداراتهم..وجمهورهم بجي داخل وشايل طوب وعكاكيز وموية نار....قلنا أحسن ننسحب ونربي عيالنا..كان لعبنا معاهم بعورونا..وكان كمان قلنا نقعد بره ونشجع اللعبه الحلوه جمهورهم بفلقنا بالطوب عشان كدا...بعدناوبقينا نتاوق مره ..مره......ولسان حالنا يقول (لسانك حصانك)..لك ودي
| |
|
|
|
|
|
|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: HAYDER GASIM)
|
تحياتنا ومحبتنا لكل المتداخلين ..
ومرحب بالجميع وخاصة الضيوف والبورداب الجداد والقدام شديد (نايل) (الزاكي) اتمنى حضورك وبسعدني جدا .. ويا دالياوبدرالدين اسحاق، نايل دا كان مرابط معاي طوالي وساهم بي شكل كبير جدا في انجاح علاج الطفل محمد بالهند وانجاح كل الحملات الخيرية وله باع طويل جدا .. زول راقي جدا ومحترم جدا وهادئ جدا ..
تحياتي لكل المتداخلين وبالجد سعيدة جدا بيكم ..
محبتنا الاكيدة ..
أنعام وازهري
| |
|
|
|
|
|
|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: ياسر بيناوي)
|
ياشباب
نهاركم سعيد
Quote: ولي هسع سنه وزياده ماشي في البلد بي مطوف.....(المقدمه دي عشان مافي زول يضحك على)........بيت الفنون دا وين؟؟؟؟؟... |
السؤال لايزال قائم وحائر.....ما عاوزين تردوا ليه؟؟؟؟؟ إطمئنوا...ما حناكل منكم الجو...برضو كان مارديتو حأسأل وأعرف..فأحسن تقدمو السبت.. إنعام......ألف مبروك مره تانيه...ولا زلت شديد الأسف على عدم تمكني من الحضور
| |
|
|
|
|
|
|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: داليا الكباشى)
|
[ ] لفتة بارعة يا أستاذة ما داير أقول دلوية وملييييييار مبروووووك للعروسين ونهدي ليهم مقطوعة الحبوبات عشان ماينسوها مع أغاني ناس بجي بجي وسجل لي عقاراتك ديل ونقول للعروسين : الليل ليلة العديل والزين الليلة العديلة تقدموا و تبرا الليل ليلة العديل والزين والليلة العديلة يا رسول الله العديلة ليك يا ود القبايل أخدت بت الرجال العزهم باين سميت بالنبي قولي السمح والزين والقول موهو داير البكتب والبقراء .. ياللا ياداليا شوفي بوردابيات نشيطات يشيلن الغنية معاكي يوم بكرة.. أتمني انو دي تكون المفاجأة لأنو ود الصايم شكلو حرق المفاجأة بيت مال ودستة عيال ياحيمورة وأبوالزهور والسعادة تغمر عشكم [ ]
| |
|
|
|
|
|
|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: نصرالدين عمر الجعلي)
|
ود الصايم
مساك الله بالخير
Quote: (والكرين هو محل ببيعو العربات) |
بالغت...أنا صحي راجل أهالي ..بس ما للدرجه دي.. أنا عارف في بحري لغاية السكه حديد محل ما أهلنا كانوا بركبو القطر لي كريمه (أوع تقول لي مافي قطر ومافي سكه حديد)..بعني معلوماتي لسع Fresh ..وبعدين تعال..العربات ببيعوها في الدلاله..هي غيروا إسمها وسموها الكرين؟؟؟؟ عوما أنا جاييكم وكان طشيت بضرب ليك تلفون..و....يمين شمال..يمين شمال..لغاية ما تلقوني قدامكم..أوعك تداغل على وتمرقني في شندي...عموما أطن أنا عرفت المكان ..بس سؤال أخير.....اركب ياتوا باص ومن وين عشان اجي الكرين؟؟؟؟؟
| |
|
|
|
|
|
|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: محمد عبد الماجد الصايم)
|
صباح الخير يا شباب العزيرة منال ....
مزمل خيرى: ازيك يا قريبي........ سكرفي ....
داليا الكباشى: يا دكتورة... كنت سعيدة اني واخيرا حااقابلك في فضاء غير الاسفيري...
انعام حيمورة: يا ستهم.... خاطرك غاااااااالي عندنا........ بس اعفييييييييييييني ياحبيبة... وان شاء الله نجيكي في بيتك
محمد عبد الماجد الصايم .... يا حبوب... مسكاقمي... اها المعايير حصلت وين.. هههه.. شكرا ليك ولي الزول الاتداخل معاك وعبرك
شكر الله سعيكم خاطركم كبير عندنا.... ومثلكم لا يرد لهم بااااب لكن عشان خاطر حاجات الزول بضحي بي حاجات تانية وفليعلم محمد عادل وامثاله إن لنا وجها كريم لا نريق ماءه... واعترف اني عندي صفة بطاااااالة جدا... ما بحب اقعد في مكان او امشي لو حسيت انو واحد من الالف ديل ما داير وجودنا بينهم
وان شاء الله ملموين في السمح دايما...................
| |
|
|
|
|
|
|
Re: تعالوا نكمل فرحتنا بـ عروس سودانيز اون لايـن ( انعام حيموره) .. (Re: mayada kamal)
|
العزيز محمد عادل..
تاخرت فى الرد عليك حتى لا نكتب مايعيب يا اخى ..
مداخلتك الاولى كانت مؤذية للغاية وصادمة بشكل كبير ..
الناس عاوزة تتجمع عشان تفرح وتتعرف وتزيد اواصر الاخوة والمحبة .. وانت تشاهر بكرهك بفلان وعلان ..
ألمنى جدا" ما كتبته ..
الذكاء الاجتماعى مهم يا اخى .. كان بامكانك الاعتزار فتحفظ لنفسك حقها وتحفظ للاخرين حقوقهم ..
استغرب ممارستك للعمل العام وانت تفتقر لادنى مقومات الدبلوماسية فى الخطاب والتعامل ..
تريث وتمهل يا اخى .. فنحن بك مشفقون .. وليس ناقمون .. حتى وان ترأى لك ذلك ..
Quote: شكر الله سعيكم خاطركم كبير عندنا.... ومثلكم لا يرد لهم بااااب لكن عشان خاطر حاجات الزول بضحي بي حاجات تانية وفليعلم محمد عادل وامثاله إن لنا وجها كريم لا نريق ماءه... واعترف اني عندي صفة بطاااااالة جدا... ما بحب اقعد في مكان او امشي لو حسيت انو واحد من الالف ديل ما داير وجودنا بينهم |
العزيزة ميادة ..
ارجو صادقا" حضورك ..
حضورنا بكثافة يومئذ .. تعبير بليغ لمحبتنا وتقديرنا لاختنا انعام وازهرى .. وتكاتفنا كبورداب ..
ارجو ان لا تدعى احد يفسد عليك فرصة ان تعبرى للعرسان عن فرحتك بهم ..
وضعى نصب عينيك ان ادخالك الفرح فى نفس المسلم .. فضله كبير واجره عظيم ..
ويومئذ وساعتها جمعة ..
جمعنا الله اجمعين بيييييي محمد عادلنا فى اعلى الجنان ..
صادق الدعوات والامنيات للجميع ..
ـــــــــــــــ
علّى ال ...... ماتقولى حاجة
| |
|
|
|
|
|
|
|