|
Re: راشد حيمورة .. لقيناه بالانترنت بعد 23 سنة (Re: عبد العظيم احمد)
|
سلامات يا إنعام,,
الحمد لله على لمّ الشمل مرة أخرى يا إنعام,,والحى بيلاقى,,,, السؤال الذى فكرت بطرحه عدة مرات عليك وعلى كل الحيموراب الذي قابلتهم هو هل يقرب لك المرحوم السر حيمورة,, اها جاوب نفسو بنفسو,,
السر رحمه الله كان صديقا لوالدى,,
مودتى,,
| |
|
|
|
|
|
|
Re: راشد حيمورة .. لقيناه بالانترنت بعد 23 سنة (Re: عبد العظيم احمد)
|
Quote: قصة ذات بعدانسانى .. متعدد الجوانب
والخلف ما مات
السودان الوطن الواحد الجميل بناسو وب ال حيمورة |
شكرا ليك يا عبد العظيم ولي كلامك الطيب البشبهك دا ..
السر حيمورة تزوج بالخالة (بدرية فرح) وانجب منهاعادل واربعة بنات (سارة وسمر وميسون وسلمي) ..
هم اخوان للبكر راشد ..
تسلم يارب
| |
|
|
|
|
|
|
Re: راشد حيمورة .. لقيناه بالانترنت بعد 23 سنة (Re: انعام حيمورة)
|
Quote: في اجازته الفاتت كنا سايقنه الحصاحيصا لي (الكنار)
مع الاعتزار للاخت انعام عبد الحفيظ الماجات البوست دا (ههههه)
|
اول حاجة حمدا لله انكم لميتو في راشد حيمورة
وتاني حاجة انا تقولي لي أخت؟؟؟ هههههههههههههه
وتالت حاجة إعتذار لـ شنو ؟؟؟
نادية أختي كل ما تجي سيرتك تقعد تضحك
طوالي بتتذكر سيرة الحمير والكنار وووووووووو هههههههههههه
ــــــــــ الله يلم شمل الجميع
| |
|
|
|
|
|
|
Re: راشد حيمورة .. لقيناه بالانترنت بعد 23 سنة (Re: انعام عبد الحفيظ)
|
Quote: وتاني حاجة انا تقولي لي أخت؟؟؟ هههههههههههههه |
.... !! الا يجيبوك كدة !! هههه
اتذكرت لو سمحتي لفي بي جاي !!! أنا تقول لي لو سمحتي !!!
هههههههههههههه
اعتزار لي سيرة الحمير دي ذاااتا ..
يا حليل نادية والله كانت ايام في الحصاحيصا عمرها ما تتمسح من الذاكرة ..
ودائما بتذكر منظري وانا طالعة في الحيطة عشان اتلب في الحمار ومنظر عصام وعمر لاذين الحمار على الحيطة عشان ما ادق الدلجة
هههههههههههههه
وكبري البراميل والواحد لما يصل آخر برميل راسه بكون لفة وبجي واقع في الموية ..
غايتو راشد نص عمره ضاع عشان ما شاف الحصاحيصا ..
_____
آمين يارب
| |
|
|
|
|
|
|
Re: راشد حيمورة .. لقيناه بالانترنت بعد 23 سنة (Re: علاء الدين حيموره)
|
في زيارة راشد الاولى للسودان تجمع الحيموراب في منزل السر حيمورة وهم في طريقهم للحصاحيصا لتلبية دعوة ابناء عمته ... شاف الناس الماشين معاه الحصاحيصا كتار جدا ... سأل راشد ان كانت مدينة الحصاحيصا مدينة كبيرة بها من الفنادق ما يسع هذا الجمع ؟؟؟.......
طبعا اندهش جدا لما وصل و وجد انو الناس كلها حا تنوم في منزل واحد !!!!!!!
| |
|
|
|
|
|
|
Re: راشد حيمورة .. لقيناه بالانترنت بعد 23 سنة (Re: سمندلاوى)
|
Quote: علا, ازيك وألف حمدا لله على السلامة وحلاوة العودة غنيناها فى مــوال احكى عن الولف واصلو الولف كـتال ـــــــ بالله ادونا غشوة كدا بالكبرى .. هههه
|
بكوري الظريف والله مشتاق ليك كمياااااااااااااات
ياخ مالك قاطع الاتصال عليك الله رسل لي رقمك في رسالة
تسلم انت والاسرة واشتقنا لي رفاعة وكبدة الابل في تمبول ..
| |
|
|
|
|
|
|
Re: راشد حيمورة .. لقيناه بالانترنت بعد 23 سنة (Re: Rihab Khalifa)
|
الوريفة رحاب الف تحيةQuote: من ديك و عيك، شكرا مره تانيه للبوست
|
تعرفي يومي الفتحت البوست وكان بالليل .. اصبحت لقيت نفسي في بلدا طيرو عجمي .. اتصلت بالاخ عماد محمود وصيتو وقلت ليه ابقى عشرة على البوست لما ارجع لاني مجهز ليك كمية من الحاجات الجميلة ..
وحاتك رجعت بعد 4 شهور لكن بعد النسب دا بتستاهلي ليك واحد تاني يعوض عشان الكلام العايز اقولو وما لحقت قلتو ...
Quote: من جهه ام ولد خالكم الكان رايح يا علاء نسايب في الحقيقه
|
شفتي الحيموارب ما بقعو الا في التاس المأصلين ومفصلين .. يعني حتى في الالمان الا الماني ماصل من ساسو لي راسو .. مش المان كشا مشا ...
هسي بمناسبة النسب دي ارقعينا بمرسيدس او بي ام دبل يو ...
| |
|
|
|
|
|
|
Re: راشد حيمورة .. لقيناه بالانترنت بعد 23 سنة (Re: انعام حيمورة)
|
الأعزاء انعام و علاء قدر ما اتشطفت و لبست توبي و قلت أجيكم بيجاي أتحمد السلامة الا يجيني زول و أنا جنب خشم بابي و مرات الوليدات ينادوني من نص الدرب.. يمة أبوي في التلفون.. يمة سيد اللبن جاء... يمة علوية دي بتكورك بالحيطة قالت ليك أديها المكوة و انتي طابلة المكوة في الدولاب... أها الليلة قلت الننكرب .. قبال يجيني عارض جديد .مسايري الا طرحتهن بالفرشة و لفحت توبي و جيت... والله يا ولاد أمي الماوس ليهو رافع.. أها الكرامة فاتتني.. الحلاوة نعلّها حتّها كملت..؟ ألف حمدالله على السلامة..و بركة الشفتو راشد طيب.. لكن و الله يا آل حيمورة تعجبوا و تملوا العين لامن تدفق..ما شاء الله عيني باردة .. ربنا يغطيكم و يحفظكم من شر حاسد اذا حسد
________________________________________
سناء في حالة حنين للمة الأهل الحلوين في الجزيرة
| |
|
|
|
|
|
|
Re: راشد حيمورة .. لقيناه بالانترنت بعد 23 سنة (Re: Sana Khalid)
|
اهلا بيك استاذة سناء
والله مشكورة كميات وما قصرتي تب وحقك محفوووووووووووووظ وربنا يخلي ليك الحلوين ديل ويديهم الف عافية يارب ..
اكيد اللمه حلوة والله وراشد دا بالمناسة اول جيتو السودان زار الحصاحيصا ومدني وحنتوب يعنى طالب ناس الجزيرة رد الزيارة ...
اها ليك علي وصلتو السودان تاني بنوديه الجزيرة ونزوركم ونلقى اهلك محضرين اللمة الظريفة ...
الله يخليك ويحفظك
| |
|
|
|
|
|
|
|