اتحاد الاعلاميات السودانيات بالخارج ..وجه جديد للمرأة

Quote: سلامات ممكن يتم نقاش مفيد جدا لهذه المبادرة بدون تجرح وتخوين وتتفيه.. دا السبب البخلي الناس ما تعمل اي مبادرات في اوساط السودانين لانه دائما بيكون في تذنيب واتهامات وتسفيه... ناس عايزين يعملوا جمعية عملوا لجنة تسيرية بمباردة منهم يلا الاعلاميات ديل اتخلق ليهم بلاتفورم قالو يكون جامع بدون وجهات سياسية اي بلات فورم خدمي المتوقع انه الناس ترحب بالفكرة وتدعمها وتناقشها وتسجل اسمها.ز بدون تتفيه لانجاز اي زول.. لكن نحنا عاد ما سودانين لو مافتشنا ضمير الناس وكلنا لهم الاتهامات والاساءات والتتفيه والتصغير ما بنرتاح اي زول بيكتب او يعمل في مجال المعلومات هو اعلامي.. 99% من اعلامين السودان الفي سننا متخرجين من كليات مختلفة وعملوا في الاعلام حيث لم يكن هناك اي اعلام يدرس الا في الاسلامية وهناك عدد كبير من الناس دخلوا جامعة الخرطوم واتخرجوا منها وشغالين في الاعلام وفي ناس متخرجين من الفرع اشتغلوا في الاعلام.. ولذلك تعريف الاعلامي بيكون مشكلة كبيرة هل هو بالشهادات او باي بروفشن؟ بعدين الاخت عواطف بالجد حركتك ما سمحة كلو كلو قلتي ما كلموك جو الناس نبشوهم بعداك جيتي قلتي كلموك قبل سنة هل دا الزهايمر ولا دغالة؟ لانه طلع في لخبطة في المسمى لكن كلموك وقلت ليهم خلاص يعني الاسم شنو ما فرقت مادام الناس الكلموك اسمك معاهم ما معقول تمرقيهم في السهلة كدي.. وبت قضيم كلامك عن برامج سخيفة وشنو برضو كلام ما سمح انت بتاعة نصيحة برضو انا بتاعة نصيحة.. والشعب السوداني ما من حقوا يسال اي زول عن سي في لغاية ما يسال لينا ناس الدبابات ديل عن الس في حقهم.. ولا يحق لك مطالبة اي زول بالس في حقو الا تكتبي اسمك كاملا صحيحا.. ما معقول يكون النيك نيم بت قضيم وتطالبي ناس باسمائهم بالي الس في حقتهم ولا كيف؟ وسجمكم يا الاعلاميات غايتو انا في كم جريدة عايزا ني اكتب ليهم عامود بس اكمل كتب "نحو الامية" يا روابط اعلامية جاك بلا اها كتاب العواميد في الجرائد بيعدوا اعلامين؟ بهظر معاكم ساكت انا حاجة فيها لمة نسوان سودانيات مابخش فيها.. ولو كروني بدعوة الى لندن ذاتو.. بصراحة صراحة افضل من كتب من الطرف الاخر هي الاخت حليمة كلامها جميل جدا كالعادة..مافيه اي تخوين ولا لف ودوران..