|
|
 Re: تسريب جديد للشرطة السودانية لفيديو يصور اذلال امرأة سودانية (Re: كمال عباس)
|
الاستاذه/ عزاز الشامي
لكم التحية والتقدير
واحي مواقفك الناصعه والمشرفه والتي تدل على ان المرأه السودانيه بخير
مقارنة مع المواقف المخزيه من نجاة محمودالتي تحسب من جنس النساء بايلوجيا
| Quote: هذا يعني أن الاستاذ منير لا ينفي تهمة تعرية النساء |
الاستاذ منير لاينفي ولايستطيع فكل الادله والبراهين الماثله امامنا الان
والممارسات اللا اخلاقيه من قبل النظام وعلى مدي عشرون عاما اثبت فيها
النظام بانه هو من استن هذه الممارسات من تعريه للمعتقلين امام اسرهم
وهي هنا تعترف بذلك:
Quote:
قبل فترة في سيدة سودانية قالت عروها عشان ولدها يعترف
ليه ماهيجتو ذي الهيجه دي؟؟ |
نجاة للاسف عندها مشكله معقده جدا او لكي نكون منصفين هي جمله من المشاكل
شكلت هذه الشخصيه الاندفاعيه والمتناقضه حد القرف.
Quote: ولا يستبعد ان تكون
هناك صور بالفعل مما يعني انا ما أورده الاستاذ خضر
في بوست مجاور يتفق مع ما قاله الاستاذ منير،
فلم انكرت الخبر "الوارد جدا حدوثه" على الاستاذ خضر
و بصمت عليه بالعشرة عندما جاء به الاستاذ منير؟ |
انكارها هناك وموافقتها هنا على حديث منير هو جزء من تناقضاتها
ومشاكلها المزكوره عاليه ورغم اتياني بدليل استدعاء الفتاه
كما جاء في هذا البوست الذي كتبته عميلة النظام من الداخل مياده:
هنا يفضحون انفسهم بانفسهم من خلال هذه الابواق
كتبته عميلة النظام والتى تركت انوثتها
وانسانيها واعلنت موافقتها الصريحه
لقهر النساء التي تنتمى زورا اليهن
لجنة(التحقيق)القضائية تفصل (جلادي) فتاة الفيديو وإستمعت...الفتاة امس(الاربعاء)
وجاء في مقدمته الاتي:
Quote:
معنى ذلك ان الشرطة تمكنت من الوصولل الى قدو قدو وزميلة
وامرت اللجنة اولا بفصل الشرطييين من الخدمة العسكرية
وما زالت التحقيقات جارية
كما واستمعت الشرطة امس الاربعاء لاقوال الفتاة المجلودة |
لماذا تم استدعاءها من قبل الشرطه, يبدو جائز لتكريمها وعلى حسب فهم نجاة المخها كان غداها
ما بعشيها ( طبعا دي واحده من عباراتها المنفلته وردودها المتفلته على خصومها وعلى
حسب منهج جامعة القرآن الكريم التي تدعي زورا وبهتانا بانها قد نالت اعلى شهاداتها
والقرآن الكريم برئ من مثل تلك الالفاظ الجارحه التي تستخدمها المذكوره( الحاله القدامنا دي)
فسياسة الكيل بمكيالين التي تستخدمها مع خصومها هي واحده من جملة المشاكل التي تعانيها
وهي سياسة مقدسه لدي النظام الذي تدافع عنه بشراسه,فماذا كنا نتوقع من انسانه بهذا المستوي
من البؤس وضحاله في الفهم ,وكما يقولون الفهم قسم
كت اوت :
انحنا قدام حاله تستدعي التدخل السريع من قبل (المخ.تصين) في علم النفس والجينات
والكوارع والضلافين وام فتفت والمراره واللسان والمخ , بتاعين الضنب ممكن يلقو ليهم فرقه
مع الكونسولتانت ديل, محنتي السمبر يانجاة قدو قدو الاسفيريه!!
| |
 
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: haroon diyab)
|
Quote: شكرا منير
تغيب....وتغيب |
هارون دياب كيفك يازول .. الشئ الواضح لي إني هسه ممكن أستعمل أي برنامج أفلام وألقِّط لي أي كليب من الإنترنت وادبلجه بحوار يوحي بأن المتكلم شرطي بيحقق مع مومس وأقوم أزيده أصوات بتاعة واي واي وأجيب لي بنت تقول أنا فلانة بت فلان بت فلان أخت المناضل فلان القاعد في امريكا و..و واي واي ألحقوني - وبعديها أصوات آكشن من فلم إغتصاب و..و أجي أنشره في يوتيوب وأرسل للشمشار 'واصل' أيميل بالرابط واقول ليهو ما عندي اشتراك في سودانيزأون لاين لو سمحت أنشر هذا الفيديو لتعرية النظام !!! ..
| |
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: haroon diyab)
|
Quote: شكرا منير
تغيب....وتغيب |
هارون دياب كيفك يازول .. الشئ الواضح لي إني هسه ممكن أستعمل أي برنامج أفلام وألقِّط لي أي كليب من الإنترنت وادبلجه بحوار يوحي بأن المتكلم شرطي بيحقق مع مومس وأقوم أزيده أصوات بتاعة واي واي وأجيب لي بنت تقول أنها فلانة بت فلان بت فلان أخت المناضل فلان القاعد في امريكا و..و واي واي ألحقوني - وبعديها أصوات آكشن من فلم إغتصاب و..و أجي أنشره في يوتيوب وأرسل للشمشار 'واصل' أيميل بالرابط واقول ليهو ما عندي اشتراك في سودانيزأون لاين لو سمحت أنشر هذا الفيديو لتعرية النظام !!! ..
علي أي حال زي ماشايف الناس جاية جارية، العميان شايل المكسر لإدانة الشرطة وتحقيقات الشرطة، بالرغم من أنه لا يوجد بالفيديو أي دليل علي أن المتكلم شرطي ولا دليل علي أن المتكلم هو شخص من شخصيات الفيديو ذاته ..
ده حالته الناس لسه بتستعمل برامج بدائية لصنع الفيديوهات - أمَّال يحصل شنو عندما يصلوا لمرحلة خبرة الهوليوديات؟ أكيد مع الإنهيار الحاصل والشغف بالشماريات المسعور ده فاليوتيوب حيتملئ مراويد في مكاحل ..
بعدين زي ماشايف .. بما إنو الناس اصبحت لا تخاف المراقبة الربانية ولا تستحي من عين الله الستَّار التي تراقبهم، فقد سلَّط الله علينا أنفسنا بأنفسنا وكاميرات موبايلاتنا كعيون منتشرة في كل الأماكن تفتش عن الفضائح والعورات بحثاً عن الفضيحة بدلاَ عن السترة !!! .. شوف عندما تنتقل فضيحتك وسترك من بينك وبين رب العالمين لتكون تحت رحمة ابن آدم خبيث شايل كاميرته الخفية ويترصد سقطاتك لينشرها علي نطاق العالم ..
ياخوي ربك يستر، نحن متدحرجين علي هاوية سحيقة ..
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: عزاز شامي)
|
| Quote: هذا يعني أن الاستاذ منير لا ينفي تهمة تعرية النساء |
يا استاذة عزاز شامي .. يبدو أنك لم تستوعبي كلامي ..
مدلول كلامي هو: أنه لو أرادت الشرطة - أو قولي ناس الأمن - لو أرادوا نشر الفضائح فلن يعجزهم ذلك .. وبرضو لا أستبعد تصوير متهمين تتم مداهمتهم في أوكارهم لتكون دلائل إتهام - فليصححني أهل القانون إن كنت مخطئاَ - .. يمكنهم بثها ويعملوا منها ويكيليكس ويدمروا الناس .. ولكنا لم نشهد أي نوع من إبتزاز الشرطة للمتهمين بنشر صورهم أثناء تحقيق أو أثناء مداهمات أوكار الجريمة .. ولكنا بالعكس نري تسريب تصوير ضد الشرطة يقوم به معارضون من أجل التشهير بالشرطة حتي لو كانت بالدوس علي سمعة الضحايا ..
ومجمل كلامي يدور حول موضة النضال الجديدة .. وهي المتاجرة السياسية بالأعراض وتسريب صور البنات لتتلقفها المعارضة وتهاجم بها الحكومة حتي لو كان علي حساب سمعة البنات المعروضات .. ونبهت القراء لأن هذه الموجة الجديدة ستفجر هجمات مضادة وتفتح أبواب الجحيم علي الأخوات والزوجات والأمهات اللائي سيكن ضحايا حرب قذرة من التصوير والتلفيق والدبلجة - ليس من الضروري أن يكون المشترك فيها شرطة أو أمن أو معارضة، بل يمكن لأي هاوِ أن يصور ما يشاء ويدبلج ما يشاء ويسئ لمن يشاء .. و المتضرر الأكبر هو المعارض الذي يعيش بالخارج ، إذ أنه لربما وجد أهله فجأة في شكل معروضات جريمة في الانترنت - صورة وصوت ..
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: Munir)
|
Quote: ممكن نتكلم في التصوير نفسه
أو طريقة التحقيق
أو سلوك البنت(دا لو إحنا مصلحين إجتماعيين) |
ممكن طبعا يا راوية
التصوير هو انتهاك وتجاوز فاضح لحقوق البت دي ( بغض النظر عن نوايا المصور) والانا سمعتو دا ما تحقيق دا (قلة ادب) .. سلوك البنت ما اظننا نختلف في تقييمه ولكن يا راوية من المسؤل عن كل ذلك ألا توافقينني ان البنت ضحية !! المسوؤل من الشغلانة دي كلها منو يا راوية !! هل نتستر على هذه الجهة ونوجه سهامنا للهدف الخطأ؟| Quote: لو سمحت أبعد الكيزان وأبعد المناضليين من المعادلة وخت لي الموضوع داخل القوس |
الكيزان ديل ابعدهم كيف يعني؟ البلاوي دي كلها مش من تحت راسهم ودي قوانينهم ودي شرطتهم وقضاهم !!
بالمناسبة انا ما مناضل انا زول بكره الحكومة دي شديد لسياساتها الوصلتنا للحالة دي..
شكرا ليك شديد
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: BAKTASH)
|
الاخ منير كيف حالك
انا فهمت وجهة نظرك تماما, انت خايف من انو المسأله دي يتم استغلالا من قبل البعض لتصفية حسابات
ولكن ارجو انك تتفق معاي انو كل الممارسات اللا اخلاقيه دي جات مع النظام دا يبقي بالتالي اصل الفساد
من النظام الفاسد الحاكم البلد , وفي نفس الوقت مفروض تتفق معاي بانو الممارسات دي بتحصل في اقسام الشرطه
والامن المنسوب للنظام دا وبتشجيع من رئيس النظام في خطابو في القضارف لدرجة انو قال لي ناس القضائيه والشرطه
ما كان في داعي للتحقيق اضربو بيد من حديد كل من تسول له نفسه المساس (بالمشروع الحضاري) تخيل, ووعد سئ الذكر
في خطابو بمزيد من التقطيع والتنكيل في حين انو الناس الكان بخاطبم كانو منتظرين انو يتكلم عن زيادة الاسعار
الاخيره الارهقت كاهل المواطن , يا لبؤس الخطاب ويالبؤس المخاطبين.
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: Wasil Ali)
|
Quote:
Quote: هذا يعني أن الاستاذ منير لا ينفي تهمة تعرية النساء
و تصويرهن بواسطة أفراد الشرطة و الأمن، ولا يستبعد ان تكون
هناك صور بالفعل مما يعني انا ما أورده الاستاذ خضر
في بوست مجاور يتفق مع ما قاله الاستاذ منير،
فلم انكرت الخبر "الوارد جدا حدوثه" على الاستاذ خضر
و بصمت عليه بالعشرة عندما جاء به الاستاذ منير؟
يدو انك بقيتي مناضلة كبيرة ما بتتفهمي ذيهم
قبل فترة في سيدة سودانية قالت عروها عشان ولدها يعترف
ما شوفنا هيجة ذي دي انا كتبت عنها بوست موجه لوزير الداخلية
م
ما حصل دافعت عن الشرطة وما قلت ابدا انه الشرطة ما بتعمل حاجات كعبة
انا قلت انه قضة خضر كضب
لم تعرى تلك البنت جنب شقيقها,,
وذي ما شايفة انه الكلامين هنا مختلفات جدا
..ز
الناس دي نقلت النضال الى جهة الاعراض...
دا كلام منير اقريه تاني
وتعالي اقري كلام صاحبك خضر الكضاب
واتصلي بالبنت اساليها من اللتعري حق الاربعاء دا
لو قالت ليك عروني تعالي افتحي بوست هنا
بنصدقك..ونعمل غاغة كبيرة هنا |
سلامات يا دكتورة نجاة على الرغم من تجاهلك السلام في المرة الأولى
و ردك الذي يتسم بالحدة لم أفهم سببها
سؤالي لك محدد في جزئية اتفاقك من عدمه في كون الشرطة و أجهزة الامن (بامكانهم) أن يعروا امراة
بهدف الضغط عليها و انت أمنتي على كلام الاستاذ منير وبصمتي بالعشرة معناها أنت لم تنفي الفعل
عنهم بالمطلق ... لم أشكك في شجبك لسلوكيات الشرطة ان هي جانبت العدل ولا يحق لي
ولكن ما أردت الاستفسار عنه و وددت أن اعرفه هو سبب قناعتك الراسخة بان ما اورده
الاستاذ خضر مجرد خطل و كذب...
هل تحدثت للفتاة و تأكدت منها؟
هل لديك معلومات بتفاصيل التحقيق الي تلى تناول الإعلام للقضية؟
من أين استقيت قناعتك بخطل القصة التي أوردها؟ لماذا تحديدا هذه المرة سيشذ الأمر؟
مجرد اسئلة مبررة ولا تستدعي حدتك في الرد ...
لست مناضلة يا دكتورة نجاة، و أقرأ ما يُكتب بحرص شديد ولا ينقصني الفهم اللازم لقراءة
ما كتبته الاستاذ منير مرة أخرى ...وأرجو ان تقرأيه انت مرة أخرى لتجدي سبب سؤالي ...
قرات ما أورد الاستاذ خضر و(لم استبعد حدوثه) ولكني لم اتداخل في البوست حتى هذه اللحظة
ولو وجدت فرصة للتحدث للفتاة لسألتها عن حالها الآن ولما نكأت جرحها بالسؤال ....
لم أعتد اثارة (الغاغات) هنا أو في مكان آخر، ولا اتفق معك في تسمية رفض الممارسات اللانسانية بـ (غاغة)
أرجو ان يظل الاحترام بيننا مهما تباعدت أرضايتنا السياسية فالحوارات في هذه الأمور ليست للانتصار الشخصي
بل لإحقاق الحق ونصرة المظلوم و ارساء قواعد حماية حقوق الانسان ....
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: Wasil Ali)
|
| Quote: يا استاذة عزاز شامي .. يبدو أنك لم تستوعبي كلامي .. |
الاستاذ منير ...
سلامات ...
دعني ارتب الاقتباسات لتكون في تسلسها الزمني...
ذكرت في البدء ما يلي:
Quote: ولو الشرطة والأمن عاوزين ينشروا فضائح المناضلين فتأكدوا يا جماعة أن بعض كبار مناضلينكم مقبوضين عرايا وصورهم مالية السجلات !! ..
أو حتي لو ما جابوهم هم بذاتهم ممكن يمشوا يقبضوا أخت أو أم أي واحد فيهم ويعملوا معاها فيديو مدبلج في قسم شرطة . |
من قولك اعلاه نفهم الآتي:
(1) ان هناك بالفعل صور لمناضلين عرايا بحوزة الأمن أو الشرطة .. اي تم بالفعل تصويرهم عرايا وتم توثيق الصور في السجلات
(2) بامكان الأمن أو الشرطة دبلجة شريط لأهل المناضلين ... لماذا؟ للضغط على الماضلين؟
في كلا النقتين انت لم تنف عن الشرطة أو الأمن تصوير المتهمين أو المتاضلين عرايا بل ذهبت للقول بأن التصوير والدبلجة قد تطال اسرهم
إذا الفعل وراد بالنسبة ليك ...
ولكني اود ان اعرف ما الفرق بين (لا ينفي) الذتي ذكرتها انا في تعليقي للدكتورة نجاة و بين قولك (وبرضو لا أستبعد تصوير متهمين تتم مداهمتهم في أوكارهم لتكون دلائل إتهام)؟
عدم النفي يعني انك لا تستبعد حدوث الأمر، فأين تقاصر اسيعابي لما كتبت؟
علقت في مداخلتك التالية ردا علي بالآتي:
| Quote: مدلول كلامي هو: أنه لو أرادت الشرطة - أو قولي ناس الأمن - لو أرادوا نشر الفضائح فلن يعجزهم ذلك .. وبرضو لا أستبعد تصوير متهمين تتم مداهمتهم في أوكارهم لتكون دلائل إتهام - فليصححني أهل القانون إن كنت مخطئاَ - .. يمكنهم بثها ويعملوا منها ويكيليكس ويدمروا الناس .. ولكنا لم نشهد أي نوع من إبتزاز الشرطة للمتهمين بنشر صورهم أثناء تحقيق أو أثناء مداهمات أوكار الجريمة .. ولكنا بالعكس نري تسريب تصوير ضد الشرطة يقوم به معارضون من أجل التشهير بالشرطة حتي لو كانت بالدوس علي سمعة الضحايا .. |
لم اتطرق لفرضية (أرادوا نشر الفضائح) على الاطلاق في اقتباسي لحديثك ولا أشكك في مقدرتهم على فعل ذلك متى أرادوا
محور اقتباسي كان في عدم نفيك للأمر و اتفاق دكتورة نجاة معك بالكلية، إذا لما استبعدت الأمر عندما أورده الاستاذ خضر الطيب؟
وجهة نظرك في كون ان التسريب يضر بالشرطة فهذا لا اخالفك الرأي فيه، وهو ليس محور خلافي أو لنقل تساؤلي للدكتورة نجاة.
سؤال لماذا تم التصوير هو الأهم... ففي حالة الجلد التصوير قد يكون بغرض التسلية (أو) زيادة عدد المؤمنين الذين يشهدون العذاب،
في حالة الفيديو في هذه البوست، فلم أجد سبباً لتصوير الشريط بعلم الشرطة أو الأمن غير نية الفضح أو الابتزاز للضحية لأن الكلمات الواردة
فيه لا ترتقي للغة التحقيق ولا اعتقد أن قاضي محترم سيقبل بسماع ما سمعنا ولربما نسف الدليل نفسه لو كان القاضي فعلا قاضي و لطعن محامي
المتهمة في أخلاقيات المحققين المهنية . .| Quote: ومجمل كلامي يدور حول موضة النضال الجديدة .. وهي المتاجرة السياسية بالأعراض وتسريب صور البنات لتتلقفها المعارضة وتهاجم بها الحكومة حتي لو كان علي حساب سمعة البنات المعروضات .. |
تم تصوير كلا التسجيلين تحت سمع و بصر الشرطة و الأمن و بيد أفراد منهم و فعل التسريب يبدأ منهم، فلما لا نلوم المخطئ الاساسي بدل إلقاء اللوم على من نشر الشريط؟
لم لم توجه لومك لمن تداولوه في هواتفهم النقالة ووجهت لومك للمعار ضة لأنها استخدمتها كوسيلة ضغط على جهاز الأمن؟
ألا يضر التداول (غير المسيس) بسمعة الفتاة بذات القدر وبل على العكس لا يقدم أي حلول للأمر، و يضر ضغط الرأي العام بسمعتها؟
ألا تتفق معي بأن تناول الامر قد يثمر بأن يراجع جهاز الأمن سلوكيات أفراده؟
الشاهد يا استاذ منير، انا شخصيا آلمني ما رايت و سمعت، ولم أهلل أو أفرح به ولم يزد مثقال ذرة من مقتي للنظام،
ويعلم الله أثقل قلبي بالهم وحزنت لما آل اليه حالنا وأخلاقنا سواء من قبل الفتاة أو المحققين...
| Quote: ونبهت القراء لأن هذه الموجة الجديدة ستفجر هجمات مضادة وتفتح أبواب الجحيم علي الأخوات والزوجات والأمهات اللائي سيكن ضحايا حرب قذرة من التصوير والتلفيق والدبلجة - ليس من الضروري أن يكون المشترك فيها شرطة أو أمن أو معارضة، بل يمكن لأي هاوِ أن يصور ما يشاء ويدبلج ما يشاء ويسئ لمن يشاء .. و المتضرر الأكبر هو المعارض الذي يعيش بالخارج ، إذ أنه لربما وجد أهله فجأة في شكل معروضات جريمة في الانترنت - صورة وصوت .. |
وليه نروح بعيد؟ انا شخصيا تمت دبلجة صورة لي في هذا المنبر و بيد أشخاص محسوبين على النظام، وهو سلاح اغتيال الشخصية المستخدم من قبلهم بشتى الصور و الاشكال ....
وا ستبعد تماما أن تسلك المعارضة ذات المسلك لأن الحقائق على الأرض ما شوية وبتدمي القلب ..
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: Munir)
|
عارف يا واصل فيديوك دا ذكرني نكتة الجماعة الكان بتحروا رؤية الهلال. واحد فيهم شاف الهلال قاموا الجماعة شكروه الحكاية عجبته قبل كدا قال ليهم و داك هلال تاني كمان. عارف النكتة بايخة و قديمة و مافي زول ذاته بقى فيه نفس لضحك بس الموقف ذكرني ليها. المقطع الجبته دا لا علاقة له بأي حال بالشريط الأول. الشريط الأول بمجرد رؤيته عرفنا إنه في حاجة غلط و أدناه بغض النظر عن ما فعلته المجلودة و حتى الآن لا يهمني أن أعرف ما فعلت حتى أدين الجريمة التي تمت بحقها. أما التسجيل الجديد دا فضرره أكبر من نفعه و لا يفعل أكثر من نشر غسيلنا القذر... ما ينط لي زول و يقول لي دا واقعنا. صحيح السودان ما ياهو سودان زمان لكن تظل هذه الممارسات المنحرفة هي الاستثناء و إذا كان هناك من يعتقد أن معظم بنات السودان قد سلكن هذا الطريق فما يحلم أن أخواته و عماته و خالاته و بنات أعمامه و عماته و خالاته و خيلانه و جاراته يكونن استثناء من دا.
هذا لا ينفي أن هناك ممارسات من قبل أجهزة النظام المختلفة تستحق مليون وقفة و وقفة لكن زي الفيديو دا ما حيعمل حاجة غير إنه يعوق الجهود دي. بالله تصوروا معي لو النظام بنفسه تولى نشر الشريط دا و قال للناس شوفوا نحن بندق البنات ديل ليه ما عشان زي الفضايح دي.. أهي دي واحدة قابضنها متلبسة مع واحد أجنبي... رد فعل الكتيرين حيكون شنو؟
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: Elawad)
|
تحياتي العوض
Quote: عارف يا واصل فيديوك دا ذكرني نكتة الجماعة الكان بتحروا رؤية الهلال. واحد فيهم شاف الهلال قاموا الجماعة شكروه الحكاية عجبته قبل كدا قال ليهم و داك هلال تاني كمان. عارف النكتة بايخة و قديمة و مافي زول ذاته بقى فيه نفس لضحك بس الموقف ذكرني ليها. المقطع الجبته دا لا علاقة له بأي حال بالشريط الأول. الشريط الأول بمجرد رؤيته عرفنا إنه في حاجة غلط و أدناه بغض النظر عن ما فعلته المجلودة و حتى الآن لا يهمني أن أعرف ما فعلت حتى أدين الجريمة التي تمت بحقها. أما التسجيل الجديد دا فضرره أكبر من نفعه و لا يفعل أكثر من نشر غسيلنا القذر... ما ينط لي زول و يقول لي دا واقعنا. صحيح السودان ما ياهو سودان زمان لكن تظل هذه الممارسات المنحرفة هي الاستثناء و إذا كان هناك من يعتقد أن معظم بنات السودان قد سلكن هذا الطريق فما يحلم أن أخواته و عماته و خالاته و بنات أعمامه و عماته و خالاته و خيلانه و جاراته يكونن استثناء من دا.
هذا لا ينفي أن هناك ممارسات من قبل أجهزة النظام المختلفة تستحق مليون وقفة و وقفة لكن زي الفيديو دا ما حيعمل حاجة غير إنه يعوق الجهود دي. بالله تصوروا معي لو النظام بنفسه تولى نشر الشريط دا و قال للناس شوفوا نحن بندق البنات ديل ليه ما عشان زي الفضايح دي.. أهي دي واحدة قابضنها متلبسة مع واحد أجنبي... رد فعل الكتيرين حيكون شنو؟ |
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: haroon diyab)
|
Quote: تحياتي استاذة عزاز شامي..
أولاً الحتة بتاعة القبض علي مناضلين في أوضاع مخِّلة أو عارية أنا أعتذر عنها لأني لم أرَ بعيني وإنما قول أسمعه ولكني لم أود أن احكَّها شديد واستقصيه (حتي لو كنت رأيت بعيني لا يليق أن أكتبها).. وأنا غلطت بكتابة هذه العبارة الغير مسئولة .. وقد كنت رجعت سريعاَ لأمسحها ولكن وجدت د. نجاة قد سبقتني واقتبستها فلم يبق لي إلاّ الإعتذار عنها .. |
احترامي يامنير
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: د.نجاة محمود)
|
مقرف ما يحدث فى بلدى
واضح أن بالشريط تحريف ودبلجة لا أفهم ما هو الهدف منها
هل لأن عمر حسن ينتمى لقبيلة يعنى أن يتم إستهدافها
وعلى الرغم من رفضى للقبلية فالجعليين قبيلة سودانية
أصابها ما أصاب كل الشعب السودانى وعمر حسن ليس له فيها إلا
أسرته
الفيديو مسرب بقصد لا أستطيع إلا أن أفسرة بأنهم قصدوا أن عليكم أن تعلموا
بأن بنات السودان هم هكذا ولأنكم تشككتم فى أن الفتاة المجلودة مجلودة
بسبب الزى أحسن نوريكم فتاة عارية
ولا يعلمون أن هذا يثير سخط أكبر فمن الذى عراها غير عمر حسن
ذنب كل من عهرت وفسدت معلق فى رقبتو ورقبة الإنقاذ
جوعت وأزلت وجعلت الفساد واحد من مصادر الرزق
على الإنقاذ تقع المسئولية فساد الشرطة جزء من ما فعلته
الإنقاذ بدليل أن عمر يرفض التحقيق معهم أليس ما قالة عمر
قمة الفساد والدعوه له المباشرة
هل تناول الموضوع من جانب أنها تستحق هو سلوك له علاقة بالدين ..
مع دعوات أئمة الإنقاذ للزواج المسيار والشنو الشنو ألا يمكن
أن تكون الكثيرات المقبوضات متزوجات زواج إسلامى إنقاذى
الإنقاذ ثم الإنقاذ يجب محاربتها ومحاربة كل من يدعمهاويبحث لها عن المخارج
حكومة الحراميةالقتلة المجرمين مشوهى قيم السودان وأخلاقه
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: زينب بدر الدين)
|
Quote:
يا حسين معليش أعذرني أنا تربية أحياء شعبية، وأتربينا على إنو لو شفت بت حلتكم ماشة
مع واحد من الحي (أو المربع) التاني، بتدقو دق العيش، وبالجد حكاية إنو البت
دي تمارس الجنس مع أجنبي حرقتني شديد والله، وعجبني كلام المحقق في الجزئية بتاعت
إنو سيؤدب هذا الأجنبي.
|
الحبيب النذير تحياتي..
المشكلة عندي لا تكمن في الضرب بل في تصوير الفتاة ومن ثم نشر الفيديو..
بعدين الفرق بينكم وبين شرطتنا الفاسدة انكم بتضربو الولد بس "كنخوة سودانيين"
وما بتصورا بت حلتكم وتنشروا الصور في النت كما فعلت شرطة الانحطاط العام
ولا كيف؟؟
تحياتي ..
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: حسين نوباتيا)
|
| Quote: تسريب جديد للشرطة السودانية لفيديو يصور اذلال امرأة سودانية |
كما ذكر أحد الإخوة فإن الفيديو منتشر في الجوالات وقد شاهدته بدون أي مؤثرات ..
أعيد سؤالي الذي طرحنه على الأخ واصل ولم يجب عليه حتى الآن هو كيف يستطيع الجزم بأن الشريط قد صورته الشرطة أو أي جهة نظامية أخرى ؟!
لم يظهر في الشريط سوى الفتاة و الشاب النيجيري ..
المكان الذي تم فيه التصوير مكان ######ان كده ولا يشبه أقسام الشرطة بأي حال من الأحوال ..
من الأوفق عدم ربط الفيديو بالشرطة دون دليل ..
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: محمد يوسف الزين)
|
ليس فى الامر اذلال ..
كل ما هنالك انهم يصوروا بنات السودان عريانات ..
وهو دور طبيعى جدا للشرطه الرساليه ..
ان كان الشريط مفبرك ..
فاسمحوا لى بالاشاده بالممثله صاحبة الاداء الصوتى المصاحب فقد اجادت حبالها الصوتيه تقمص الانكسار والخوف والهلع .. وكذلك اشيد بالمحقق الغاضب جدا على شرف البنات السودانيات, وبالمخرج وصاحب الفكره والنيجيري وكل الفريق " المعارض " العامل فى هذا الفيديو ..
والدوله السودانيه دوله طاهره جدا فيها من النقاء الدينى والعفه والنزاهه ما يجعلنا متاكدين تماما أن هذا العمل مفبرك .. فقط انظروا لسلوك ولاة امرنا الربانى المنزه وكأنهم قادمين للتو من السماء, وهم فى الواقع امتدادا أجمل لذلك السلف الصالح تكاد تلمح فيهم ذلك القبس الايمانى فى سيمائهم التى هى كسيماء الصحابه والسابقون السابقون ..
| |
|
|
|
|
|
|
|
|
|
Re: تسريب جديد للشرطة السودانية لفيديو يصور اذلال امرأة سودانية (Re: محمد حيدر المشرف)
|
مع إحترامي للجميع هنا،
إلا ان التشكيك او عدم التشكيك في مصداقية الفيديو لا يأتي بجديد..
انتوا بتضيعوا في وقتكم..
تجاوزات الشرطة هذه -بمختلف أنواعها- اضحت حقيقة واضحة وضوح الشمس لناس الداخل..
اما ناس الخارج فتستقبلهم قلة أدب الشرطة من بوابة الوصول بالمطار..
وترافقهم طيلة فترة اقامتهم بالوطن..
هناك غياب كامـــل للمحاسبة..
واي عسكري او ضابط من أقل رتبة لا يتورّع عن التفشّي في خلق الله
ويقول بعين قوية لمن يعترض "امشي اشتكيني".. مستغلا الرسمي الذي يلبسه..
او اي منصب يجهجه بيه الناس ويحنضل عليهم باقي عيشتهم..
____
اتوقع توالي الأشرطة المؤسفة،
ان لم تكن هناك حقوق للمواطن العادي الماشي جنب الحيط
فأكيد سيصبح المتهمين فريسة سهلة لنظام فاسد مؤسسيا وأخلاقيا..
| |
|
|
|
|
|
|
| |
خضر الطيب
Nader Abu Kadouk
Munir
BAKTASH
othman mohmmadien
بدر الدين الأمير
حذيفه ابراهيم الكباشي
Elawad
haroon diyab
MAHJOOP ALI
يوسف الولى
زينب بدر الدين
حسين نوباتيا
رامي إبراهيم أحمد
محمد الامين محمد
محمد يوسف الزين
محمد حيدر المشرف
نجوان
عمر دفع الله
فيس بوك
تويتر
انستقرام
يوتيوب
بنتيريست