دعواتكم لزميلنا المفكر د.الباقر العفيف بالشفاء العاجل
|
|
 Re: الشاعر ذو اليد .... ( مجنون ميادة ) (Re: محمد زكريا)
|
| Quote: خدر وابو حسين...شيلوا رجلكم من البنزين...البوست ده ما زي داك...لا تحرجونا بالله |
أبو حسين تطير عيشتو......
يا جماعة أبو حسين ما تلموهو على خدر..
خـدر دا راجل فنان و الجميع عارف الحقيقة دي
و أبو حسين على قول امال حريات زول راعي ساكت....
خدر دا لموهو على سوما...... فنان و شاعرة و زيدو عليهم ذواليد برضو شاعر.... كدا قمة الإبداع
.
| |
 
|
|
|
|
|
|
|
 Re: الشاعر ذو اليد .... ( مجنون ميادة ) (Re: ABUHUSSEIN)
|
سوما شاعرتنا
للحبيب ود الجنيد التحايا والاشواق
Quote: انا المضحكني
اخونا ذو اليد ما هببوا لينا كلو كلو
خلانا نعوووووووووس في عواستنا وشغال في سبيل حاله
ماشي بي حكمة القمم مستهدفة وكدة
والمحتفى بها زاتها ما حرست البوست ده زينا كدة
غايتو حوش بكري ده يوم بودينا التوج |
بس انتي ماتعتمدي علي الكلام ده كتير
حسع يجينا يرمي قنبلة ويمش وتمشي علي
اثره الركبان امثال ود الحسين وخدر
وماشابههم من الذين لم ياتو لحوار
عشان كده الحذر وااااااااجب من ذو اليد .
انا كان لي مكسر ليهو تلج في حتة كدي انشاء الله يتذكره
انتو شيلو شيلتكم...الاجازة خلصت .
وش فتااااااااااااااان.....!!!!!
تحاياي
| |
|
|
|
|
|
|
|
|
Re: الشاعر ذو اليد .... ( مجنون ميادة ) (Re: haroon diyab)
|
Quote: وااااااااجب من ذو اليد .
انا كان لي مكسر ليهو تلج في حتة كدي انشاء الله يتذكره
انتو شيلو شيلتكم...الاجازة خلصت .
وش فتااااااااااااااان.....!!!!!
تحاياي |
طبعا يا هارون انا لانو صاحبي
وعارف كلامي في طرف كيبوردي ما حيسألني
لكن ناس ابو حسين وخدر وسوما ومن لف لفهم حقهم راح
وجه داير يتملص
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ABUHUSSEIN)
|
Quote: كيفك يا سوما
وشنو يعني ال...... بالبارد كدى
هارونا دا سيد صفياب اهل البورد
بالمناسبة سونا بتسلم عليك
و قرت البوست دا
وقالت بتحاول تعمل دراسة نقدية للقصيدة بتاعة الأخ ذو اليد
وحاترسلها ليك للتعديل.
المهم يا اخونا الفرصة الآن مع ذو اليد حقو مافي زول يعلق حتى نسمع آراءه الشعرية
بس ساعدونا برفع البوست |
محمد الشيخ وحبيبتنا سونا يا حليلكم يا اهلنا في مسقط ويا حليل مسقط زاتها بعدما انا فارقتها زيكم كدة
ياخ بالله سلم عليها وعلى الوليدات شدييييييييد
ويا ريت يا ود الشيخ تجيبها لينا في حوش بكري تغزرنا شوية
اها قلت لي داير تحلل لينا القصيدة بي نقد راقي شوية
ما قصرتي تب يا سونا والله
بس خففي على الشاعر شوية
عشان نقدك ما يكون لازع
لكم التحية والتقدير
Quote:
أبو حسين تطير عيشتو......
يا جماعة أبو حسين ما تلموهو على خدر..
خـدر دا راجل فنان و الجميع عارف الحقيقة دي
و أبو حسين على قول امال حريات زول راعي ساكت....
خدر دا لموهو على سوما...... فنان و شاعرة و زيدو عليهم ذواليد برضو شاعر.... كدا قمة الإبداع
|
في ناس كبو الجرسة عديييييييييييل
والله صحي
لووول ابو حسين
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: اسماء الجنيد)
|
لي كل الناس الجوا مارين بالبوست دا ويفتقرون للذائقه الشعريه والمرجفين الذين حاولوا الانتقاص من مقدرة شاعرنا الفطحل [ذواليد] أهدي هذه الحكاية والتي حا تخليكم كلكم تمشوا تتعلموا ليكم لغة أخرى غير لغة الضاد المفتخرين بيها دي!
الحكايه وما فيها اني قبل تلاته شهور رحلت للمسكن البقيم فيهو هسي دا.. لقيت جارتي الحيطه بالحيطه اسرائيليه هجين، يمنية الأم وشرق أوربية الأب.. جاءت أميركا لنيل الماجستير في علوم البيئه وموضوعها [الاحتباس الحراري وأثره -في المدى الطويل- على اقتصاديات الدول الشابه!] وبعد إذن بت الجنيد (والله صحي!).
بعد التعارف وحق الله بق الله بقينا أصحاب (أوعى المطاميس يمشوا بعيد، وريتا من قولة تيت أنا زيي وزي خالك واحد!).. أبدت البت الهجين رغبتا في تعلم لغوة أمها العربية وفي المقابل هي تعلمني العبريه.. قلت ومالو من عرف لغوة قوم نجا من شرهم.. أها فشان نتعلم من بعض اتفقنا انو انجليزي دا بيناتنا تب مافي الِّي للشديد القوي.. وبقينا نخت بيناتنا ترجمان قوقل! أقول لي قوقل قلها [إزيك يا "عنب"!] (عنب دي وراني ياها قوقل لأنو إسما بالعبري "إيناف" بالفا ام تلات نقط)..
يلا هي تقوم تقول لي قوقل رد علي محمد وتكتبلو بالعبري! عمك قوقل يردلي بالعربي: [أنا بخير يا "مطرطش"!] (أنا طبعاً مورّي قوقل كمبيوتري اسم الدلع بتاعي) وهكذا دواليبك..
غايتو من جاي لا جاي كل واحد مننا كوّنلو ذخيرة مفردات (كل واحد بي لغوتو الجديده) وبقينا نركب بعض الجمل القوقليه!
قووم يا ياسر بيناوي جيب قصيدة [ذواليد]!.. البارح واثناء مروري للاستمتاع بمداخلاتكم والتي ثبت أخيراً انها ما (عميغه) ولا حاجه -حا تعرفو ليه لاحقاً- مريت علي مداخلة جنابو ومحاولتو انو يقوقل بيت من بيوت فريدة [ذواليد] فقلت يا ابوحميد رايك شنو تعملا (كيس استدي) في مسألة التعليم المتبادل بينك وبت اختك الهجين؟
طوالي راسي عديل ختيت نفس البيت الاختارو جنابو عمر عثمان لي قوقل:
ان النساء ان هن بجهلن *** فالبيوت مسكنهن الذاتي
المره الأولى أداني 90% (هيبرو) وغلبنو كلمتين أداني ياهن بالانجليزي! قتلو هوي يا قوقل ما ينفع! قالي انت قاصد شنو بي (بجهلن) و(مسكنهن) ديل؟ المهم بعد ملاوه وحجي بيني وبينو قمت اتصرفت بسيييط جداً بما لا يفسد لقوقل المعنى العام (أعتذر شديد جداً لي [ذواليد] على تصرفي اليمكن يكون خلّى [الخليل بن أحمد] يتململ في تربتو.. لاكين عزاي إنو قوقل ما عندو شغله بي البحور والكلام الما جايب تمنو دا):
ان النساء وهن لا يدرين *** ففي البيوت مسكنهم الذاتي
قام قوقل ترجملي الشغلانه كوولها بالآتي: (صراحه -ووالله صحي- ما فهم منو التكتح)
הנשים, אשר לא מממשים בתים למגורים שלהם בשנת עצמית
المهم؛ (بتاعت أخينا الذي [ادعى] انو أخلاقو فسدت بي سبب هذا البوست!)
رجيتلكم بت اختي "عنب" لامن جات من الشغل وكشحتها ليك بي سطر الهيبرو الفوق داك بلا أي مقدمات!
البنيي وشيها اصفر واحمر واخضر واغرورغت (القبل التا دي ماني متأكد منها قاف ولا غين!) عيونا الاتنين؛ بل الشمال بدت تدمِّع كمان!
الظنون بدت تلعِب في عِبِّي وقتّا يا ابوحميد وقعتك سودي الليلي؛ قوقل دا هبب شنو؟..
أها دي حالة الشديد القوي القبيل قتّها: [وط از رونغ "إيناف"؟].. (دا بالانجليزي!).. وبدل تجاوبني قامت عينا اليمين ذاتا اتحالفت مع الشمال والاتنين صبيبن زاد!.. يا ألله يا ألله وبعد تحانيس شي هيبروها وشي بي لغوتي وبعضاً بالانجليزي قامت كتبت لي قوقل بي هيبروها وترجمو لي قوقل (الله لا كسّبو):
[كم أنت رقيق ومرهف الأحاسيس يا "مطرطش"! ما خطه يراعك هذا من عيون الشعر! سأخبر بروفيسور "هيلين"، أستاذة الأدب الانجليزي والمشرفه على منتدى الشعر، عنك، لنستيضفك في أمسيتنا يوم السبت القادم!]..
شفتو [ذواليد] كيف؟
واحد فيكم تاني يستجرا ويقلل من قيمة شعرو!
أمشو اتعلمولكم هيبرو ينفعكم ولا نامت أعينكم ولا أعين [الخليل بن أحمد الفراهيدي] ذات نفسو!!
ملحوظه: اتفقت والبت الهجين انو نقوقل القصيده كوولها ونلقيها في الأمسية المجيدة المرتقبة، ألقيها أنا بي عربي [ذوالكفل] و"إيناف" بي هيبرو قوقل وناس قسم الترجمه الفوريه -الزي ناس بدرالدين الأمير ديك- يلقوها فرصة للتمرين! ويا ياسر بيناوي أخدلي الإذن من صاحبك [ذواليد] بالله!!
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: اسماء الجنيد)
|
المطرطش المداخلة دي إحتمال تلخبط الترتيب يعني إحتمال تجي قبل مداخلتك يا المطرطش
بي إختصار شديد حكايتك دي أخير منها قصيدة ذواليد
قوم لف يهودية و أمها يمنية و أبوها ما عارف من وين ... ياخي نحن مالنا و مال الكلام دا كلو
ياخ إنت حدك بوستات صديق مهدي و بس ......................
ما عارف أب صلعة دا بجيب الناس دي من وين ؟؟؟؟؟
.
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ABUHUSSEIN)
|
Quote: ياخ إنت حدك بوستات صديق مهدي و بس ......................
|
صديق مهدي انطور يا ابو حسين ياخ..
ما شفت بوستيه الأخير؟
وبعدين أبصلعة دا بجيب [رواعيه] برضو.. في زول احتجا؟
رجاء غادرنا حيث البوست [الآخر] بتاع قلة الأدب داك.. هنا أدب و[ثغافه]!
__
تحياتي لقريبتنا والأولاد..
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: محمد زكريا)
|
Quote: هوى يا اوغاد انا الزوله دى مهما يكن ما برضى يتقال فيها شعر
دى عمالاتك قبل الارشفه يا ود قريه ندىّ
والله لو ما كنتوا اصحابى...كان رشيتكم
======
شكيتكم للويكى ليكس |
محمد زكريا عليك الله بطل حركات
وتعال ورينا بي خبرتك كدة
الشي دا مدح وللا ذم ....؟
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: اسماء الجنيد)
|
Quote: بتضحكي مع منو براك ؟ جننتي امي وجننتينا معاك
قالت خلاص سوما في البلد الباردة دي وسط الجليد
ووسط الاباليس فكت منها لووووووول
طبعا ما اقدر اغالطهم صورة وصوت
لوووووووووول
مدة عشان اقنعهم ولما رسلت ليهم الرابط امكن يكونوا اقتنعوا وامكن لا
غايتو شخصية الفين وعشرة ياهو الشيخ دة
|
ههههههه يعني انتي من شاعرنا لي شيخكم دا
والله بالجد مابعيد عليكي الجن ههههههههههههههه
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: اسماء الجنيد)
|
Quote: والمحتفى بها زاتها ما حرست البوست ده زينا كدة
غايتو حوش بكري ده يوم بودينا التوج
|
بت الجنيد
محتفى بها مررررررررررة واحدة كدا
يا زولة انا طالبة تعويييييييييض عن اشانة السمعة وشيل الحال في المنابر والاسافير من المدعو ذو الكف ولا اليد هذا
ولا نامت اعين الشعراء
يا بتي المنجي الوحيد ليه مني
انو انا ما بفهم الشعر والادب وكده
كان ما كدي كان جيت وريته المكشن بلا بصل
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: mayada kamal)
|
| Quote: (أوعى المطاميس يمشوا بعيد، وريتا من قولة تيت أنا زيي وزي خالك واحد!).. |
مشينا بعيد وبس ..!!!عاد دا كلام تكتبوا بعد منتصف الليل ..!!! غايتو مطالبكـ بحق (اللاوندرى)..
حاسب على فرق التوقيت عشان ما تطرطش نومنا بالله ..!!! حسدتك يعلم الله..
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: Adam Mousa)
|
Quote: مشينا بعيد وبس ..!!!عاد دا كلام تكتبوا بعد منتصف الليل ..!!! غايتو مطالبكـ بحق (اللاوندرى)..
|
يا آدم انا كتب شنو؟
ياخ انت مع الطمسه متسبب كمان!
وياوالله مطالبني بي حق (اللاوندري)!
___
أينك يا بيناوي؛ آدم دار يخربلك بوستيك!
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: محمد عبدالرحمن محمد)
|
Quote: صديق مهدي انطور يا ابو حسين ياخ..
ما شفت بوستيه الأخير؟
وبعدين أبصلعة دا بجيب [رواعيه] برضو.. في زول احتجا؟
رجاء غادرنا حيث البوست [الآخر] بتاع قلة الأدب داك.. هنا أدب و[ثغافه]!
|
آلمطرطش أخوي أنا ما بعرف لكن بالجد ... شقي الحال البقع في قيدكم .... وشكلو صاحبنا ده وقع وقعة عدوك ... وماحدش سما عليه ....
قال (ثغافه) قال ....
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: إدريس محمد إبراهيم)
|
Quote:
آلمطرطش أخوي أنا ما بعرف لكن بالجد ... شقي الحال البقع في قيدكم .... وشكلو صاحبنا ده وقع وقعة عدوك ... وماحدش سما عليه ....
قال (ثغافه) قال .... |
المحيرني يا ادريس البوست قرب يمشي الصفحة التالتة
وانا لغاية هسه
ماعرف القصيدة دارجي وللا فصيح
مدح وللا ذم
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: معاوية المدير)
|
Quote: حاجة مُهمة:
ذو اليد ده شاعر سابق لزمانه، عشان كده
يصعب علي الحميع فهمه. إحتمال يفهموهو
ناس 2060 والله صحي... |
ناس 2060 شنو البفهموهو والله انا خايف ناس 6020 ذاتم ما يقدروا يفهموهو
ياخ دا بعد البوست مشي الصفحة التانية ضرب سألني الغلط في القصيدة دي وين ....؟
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: GamarBoBa)
|
حبيبنا قمر سلامات
Quote: _
ياخي لامن قربت ابكي من كترة المحنة دي والله....خذوا عيونى لتنظروه بمقلتى
اقترح انو تتكون لجنة ويخاطبوا فنان العرب محمد عبده يلحن الغنية دي...ناس خدر ديل لا يكرمون انبياء اوطانهم
_
خدر وابو حسين...شيلوا رجلكم من البنزين...البوست ده ما زي داك...لا تحرجونا بالله |
والله نؤيد هذا الاقتراح
لانو النص دا ليهو يومين
وخدر لسه ماعمل فيهو حاجة
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: MOHAMMED ELSHEIKH)
|
MOHAMMED ELSHEIKH
سلامات
Quote: يا ود الموج ياخي دي شعر حديس يتاع اولاد شباب انت تكون ياخي جد الا ربع .
خليك معانا نحن الجلاكين ديل وحاول لحن زي:
حبيبي جاب القون ولابس شارلستون
حبيبي الأخد الأجازة وخلاني راقد جنازة
لاقاني في الزقاق وزققني زقاق
ابشركم بوصول اب تفة بعد قليل
|
ياخي شعر بتاع شباب شنو ..؟
هسه في نقاد هنا دا شعر من العصر العباسي
خلي الراجل يلحن تلحينو ساي
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ياسر بيناوي)
|
الطرطش هوي
Quote: [كم أنت رقيق ومرهف الأحاسيس يا "مطرطش"! ما خطه يراعك هذا من عيون الشعر! سأخبر بروفيسور "هيلين"، أستاذة الأدب الانجليزي والمشرفه على منتدى الشعر، عنك، لنستيضفك في أمسيتنا يوم السبت القادم!]..
|
النديك النجيضة
قوقل دا ماترقد فوق امانو
هسع اكان البنية دي شينة كان ادها نضما ما تبلعو عمرا كلو
الشئ المتأكد منو عمك قوقل بتاع هوايل
الكلام عندو علي حسب الشخشية القدامو
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ABUHUSSEIN)
|
Quote: محمد الشيخ وحبيبتنا سونا يا حليلكم يا اهلنا في مسقط ويا حليل مسقط زاتها بعدما انا فارقتها زيكم كدة
ياخ بالله سلم عليها وعلى الوليدات شدييييييييد
ويا ريت يا ود الشيخ تجيبها لينا في حوش بكري تغزرنا شوية
اها قلت لي داير تحلل لينا القصيدة بي نقد راقي شوية
ما قصرتي تب يا سونا والله
بس خففي على الشاعر شوية
عشان نقدك ما يكون لازع
لكم التحية والتقدير |
تحياتي بت الجنيد لك وللأولاد وود الجنيد
شنو خليتو البلد فاضية للمسنوح يتضرع براهو مع محمد المرتضى وود الخضر؟ والله مسقط ما بتتفات الا المعايش قوية
Quote: ياخي شعر بتاع شباب شنو ..؟
هسه في نقاد هنا دا شعر من العصر العباسي
خلي الراجل يلحن تلحينو ساي |
يا سر كيفك ياخي معنى كدى ندي خدر برضو يلحن الأغنية بتاعت قريبكم الرباطابي من الشريك
سواق اللوري التي يقول مطلعها:
عيناك سحرتني
ولو ما دست على الفرمللي(فرملة بالشايقي)
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: MOHAMMED ELSHEIKH)
|
Quote: يا سر كيفك ياخي معنى كدى ندي خدر برضو يلحن الأغنية بتاعت قريبكم الرباطابي من الشريك
سواق اللوري التي يقول مطلعها:
عيناك سحرتني
ولو ما دست على الفرمللي(فرملة بالشايقي) |
لا لا يامحمد الشيخ خدر بيبشتنها ساكت
رايك شنو نحاول نقنع طارق جبرين مرة مرة الحانو قعد تصادف
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ياسر بيناوي)
|
غايتو ما بعرف يا ميادة
انا القصيدة دي مدح ولا ذم ما عرفتها
لكن النجيضة دي ما عملية يعملها ذو اليد..اطبعي البوست واتجهي لأقرب مخفر شرطة..انشاء الله يلم فيه قدوقدو يعدمه نفاخ النار
كان ما عشان قصيدتك دي عشان الموقع الالكتروني بتاعه البنتهي بـ يووح دوت كوم دي.
سوما ازيك
غايتو شهر 12 ده شايفه معاك ماشي باسطة
من الشيخ بتاع والله صحي لي بوست ذو اليد...بالطريقة ممكن تتصنفي مع الضحكنجية وينسوا ليك شعرك داك ذاتو
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: GamarBoBa)
|
Quote: غايتو ما بعرف يا ميادة
انا القصيدة دي مدح ولا ذم ما عرفتها |
قمر بوبا يا جارنا الذي في الكلاكلة
انا الما بفهم في الشعر والذي منه ....
شايفه انو الشئ الفوووق دا كتييييييرة عليه تسميه (قصيدة)
الله يجازي الكان السبب
شال حالنا في المنابر والاسافير المجاورة
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: GamarBoBa)
|
قمر بوبا
سلام يامان
حسع ده كلام شنو.....؟
Quote: لكن النجيضة دي ما عملية يعملها ذو اليد..اطبعي البوست واتجهي لأقرب
مخفر شرطة..انشاء الله يلم فيه قدوقدو يعدمه نفاخ النار |
بدل تقول ليها اقرب سفارة غربية جاي تقوليها مخفر شرطة
وهي المخافر غير ناس قدوقدو فيها منو.....؟
انت قايل قريبتنا دي هينة
هي صاحبة اشهر مقولة في المنبر
وهل مثلي يسأل عن مصدر......!!!!!
سلامات ميادة
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: manal eltahir)
|
| Quote: ياسر وضيوفه الظريفين والله أنا مدينه ليكم ..موتوني من الضحك.....لكن عليكم الله مافي زول تاني يعمل مداخله لحدي ما انتهي امتحاني بكره ...والله تعبت اقرأ شويه وأشوف البوست شويه لمن جاني (حول) ... |
يعني نحن المطلوب مننا شنو بالضبط ..؟؟؟؟
ننتظرك لحدي ما تنتهي من الإمتحان.....؟؟؟
أنا غايتو لو لقيت لي حاجة بتستاهل و الله ما بقدر أبيته لغاية بكره.... عشان كدا أعذريني
لكن بتمنى ليك النجاح.
تحياتي
.
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: manal eltahir)
|
قالت
| Quote: لكن عليكم الله مافي زول تاني يعمل مداخله لحدي ما انتهي امتحاني بكره |
قال ليها
Quote: يعني نحن المطلوب مننا شنو بالضبط ..؟؟؟؟
ننتظرك لحدي ما تنتهي من الإمتحان.....؟؟؟
أنا غايتو لو لقيت لي حاجة بتستاهل و الله ما بقدر أبيته لغاية بكره.... عشان كدا أعذريني
لكن بتمنى ليك النجاح.
|
قالت ليهو
| Quote: ما مشكله يا زول كتر خيرك في الدعوه ...... لكن أنا برضه بتمني كمبيترك يجيه فايرس يخليه لا يودي لا يجيب لي يوم الخميس....قادر يا كريم........بعدين. انت الحسبك منو؟ |
يعني دوروا
خالص الود
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: manal eltahir)
|
بيناوي مشتاقين وكدة
Quote: لانو النص دا ليهو يومين
وخدر لسه ماعمل فيهو حاجة |
حليل أيامك يا خدر يا اخوي
زمان النص ما كان بياخُد معاك ساعة
وتطلع تمشي تجيب نص تاني
أبو حسين سئيلي الله ما جيت خاشي وإطمّنتا إلّا بعد ما شُفتا صاحبي ود طيفور وهو طالع من هنا
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ABUHUSSEIN)
|
| Quote: لكن أنا برضه بتمني كمبيترك يجيه فايرس يخليه لا يودي لا يجيب لي يوم الخميس....قادر يا كريم........بعدين. انت الحسبك منو؟ |
بعد تخلصي إمتحانك دا بنشوف الشاعرين ذواليد و صديق مهدي إهجوك بي واحد قصيدة
كل واحد إرمي ليه بيت لمن تآمني....
.
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ABUHUSSEIN)
|
| Quote: و الله عاقل يا علاءالدين....... لكن اللي بالأحمر دي بتجيب ليك شُبه |
أب تفة والله صاحبي يا أبو حسين ما بنكرو عاد
رُفقاء سلاح وكفر ووتر
والإتنين ضد (العُنصرية) ونحلم بالسلام
________
العنصرية دي ما آمال دي واحدة تانية صاحبتا
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: علاء الدين صالح)
|
الأخ محمد عبد الرحمن
يا زول بت عمنا دي ما تمقلبك... غايته الشايفه أنا دايرة تضحك عليك ناس نادي الشعر بتاعهم دا. ترجمت كلامك بتاع العبري دا طلع:
| Quote: النساء، الذين لا يستوفون منازلهم السكنية في تقرير المصير ، |
تقوم تمشي الليلة الشعرية و تبقوا في تقرير المصير و الانفصال و أثر ذلك على الدول الشابة و تخش في موقف ما تتحل منه.
قبل ما الناس ينقدوا الشعر دايرين أستاذتنا أسماء الجنيد أول حاجة تصنفه لينا في أي أبواب الشعر يدخل... بعدين هل هو موزون وإذا كان موزون فمن ياتو بحر أو نهر أو خور.
سلامي للأخ ياسر و ضيوفه.
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: Elawad)
|
ذو اليد أيها الشاعر الماجد
لا تهتم لهؤلاء المرجفين!
من يشك في ذائقة ذو اليد الشعرية، عليه بتحسس حواسه الخمسة..
___
لو كنت مكانك يا ذو اليد، لهجوت أبوحسين هجاءاً يتمنى من أثره ان يوقف بكري أبوبكر حسابه، حتى ينسى الناس أمره.. أفعل يا ذو اليد، وأنا لك من المناصرين..
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: Yassir Tayfour)
|
| Quote: لو كنت مكانك يا ذو اليد، لهجوت أبوحسين هجاءاً يتمنى من أثره ان يوقف بكري أبوبكر حسابه، حتى ينسى الناس أمره.. أفعل يا ذو اليد، وأنا لك من المناصرين.. |
أبو حسين تطير عيشتو...
البوست إفتحو ياسر بيناوي و ذواليد إهجو أبو حسين..؟؟؟؟ دي زي نكتة بتاع الطعمية مع السكران...!!!!!
.
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: Yassir Tayfour)
|
تصدق وتأمن بالله يا علاء الدين بن صالح، إلى هذه اللحظة لم أدخل بوست ذو اليد المتعدد الصفحات عن الجماعة الطيبين، ولكن بعد أن تبيّن لي أن ذو اليد بهذه الشاعرية، سوف أذهب لبوسته وأدلو بدلوي مع الجماعة..
__
والشكر لبيناوي لجعله هذا ممكناً..
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: Yassir Tayfour)
|
Quote: تصدق وتأمن بالله يا علاء الدين بن صالح، إلى هذه اللحظة لم أدخل بوست ذو اليد المتعدد الصفحات عن الجماعة الطيبين، ولكن بعد أن تبيّن لي أن ذو اليد بهذه الشاعرية، سوف أذهب لبوسته وأدلو بدلوي مع الجماعة..
__
والشكر لبيناوي لجعله هذا ممكناً.. |
اليلة وووووووووووووووووووب ياعملات بت الشيخ
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: Yassir Tayfour)
|
Quote: تصدق وتأمن بالله يا علاء الدين بن صالح، إلى هذه اللحظة لم أدخل بوست ذو اليد المتعدد الصفحات عن الجماعة الطيبين، ولكن بعد أن تبيّن لي أن ذو اليد بهذه الشاعرية، سوف أذهب لبوسته وأدلو بدلوي مع الجماعة..
__
والشكر لبيناوي لجعله هذا ممكناً.. |
ود طيفور مُبالغة لكن
والله ما كُنتا قايلك بياع كدة
يعني هسّا انا أعمل شنو طيّب؟
| |
|
|
|
|
|
|
|
|
 Re: الشاعر ذو اليد .... ( مجنون ميادة ) (Re: ABUHUSSEIN)
|
Quote:
معقول بس يا ود المدير....!!!!!!!
ما لي الدرجة دي (أوع تكون قاصد سوط قدوقدو...) |
معقولة يا ابو حسين!!!
يا اخي انا ما حاسد للدرجة عشان الِم فوقك
الضِريسا بتاعت المنبر كلها تتلصق فيك،
إنما قصدت ان تتفاعل مع جماليات النص
دون محاولة الربط حتي تكتمل المتعة...
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: manal eltahir)
|
علاءالدين و منال نومو و صباحات الله بخير
النكته قدييييييييييييييييييييييييمة
لغاية الصباح
تصبحو على خير
.
.
.
.
.
بتاع الطعمية أحوص السكران قاعد جنبو
الراجل برمي في الطعمية برة الصاج
و السكران إقول ليه تـش ... تـش ... تـش..
قلت ليكم قديييييييييييييييييمة
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: Yassir Tayfour)
|
| Quote: يا ود صالح الله يرضى عليك أبوحسين ده تاني لو جاب سيرة نكته وما حكاها، ما تسألو يحكيها، لأنو الزول إنتو ما بتعرفوهو كويس، الحمد لله المرة دي النكتة طلعت من التمنيات..عندي حيطة في الفيس بووك أنا حردتها ليهو من نكاتو الغير صالحة للنشر.. |
كدى خلّيني من حيطتك البانيها بدون مقاول دي
تخيَّل كلامك البى الأحمر دة أنا قريتو: طلعَت من التمنينات
وافتكرتا النكتة من سنة كم وتمانين
والله أخير بتاع الطعمية
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ABUHUSSEIN)
|
Quote: بتاع الطعمية أحوص السكران قاعد جنبو
الراجل برمي في الطعمية برة الصاج
و السكران إقول ليه تـش ... تـش ... تـش..
|
بالغتا يا أبو حسين
والله أنا اول مرة أسمعا
احتمال عشان في التمانينات ماكان عندنا طريقة زاتو عشان نسمع نكات
الواحد معظم وكتو كان بيكون قاعد جنب بتاعين الطعميات
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: علاء الدين صالح)
|
Quote: سوما ازيك
غايتو شهر 12 ده شايفه معاك ماشي باسطة
من الشيخ بتاع والله صحي لي بوست ذو اليد...بالطريقة ممكن تتصنفي مع الضحكنجية وينسوا ليك شعرك داك ذاتو |
قمر بوبا قريبي المن عندينا ولا الانا من عنديكم سلامات يا اهلنا المنهم طولنا
الشوق نيلين وضفة ياخ
والله ايامي مش باسطة بس؟ باسطة و معاها شاي بي لبن كمان
غايتو ود البشاري ما قصر معانا كلو كلو ما يقصرن ايامو ان شاء الله يا يمة
لي زمن ما ضحكت والله يا قمرنا زي الايام دي
ربنا يكتر الافراح
والله الابتسامة بندورا
خصوصا الشعر كلو شجن اليم ياخ
تسلم يا قمرنا وسلام عبرك للعقاب كلو بالله
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: اسماء الجنيد)
|
Quote:
قلت ليكم قديييييييييييييييييمة |
ابو حسين والله انت بقيت تحكي في النكت القديمة دي
ذكرتني جدي القاعد خارج الشبكة طوالي
ومصر يحكي لينا تاريخو من زمن الانجليز ونفس الروايات كل يوم
اها هاك دي جديدة لنج وكمان واقع ملموس
عندي اخوي ممسوخ رسلا لي اول امس بضحك فيها لي هسة
شكلي حا اجن جد ولا ايامي فعلا باسطة زي ما قال قمر بوبا
المهم
ما مهم تبارك
عندنا حبوبة زولة نكتة بي طبعها
غنمايتها راحت
مرقت تفتش ليها . طلعت برة الحلة لاقوها اولاد مساخيت في ميدان الكورة
ناغمتهم
ها وليداتي دحين ما شفتو( عنزي ) ؟ يعني غنمايتي للحناكيش الما بعرفوا عنز
اها نط ليها اسخت زول فيهم
شكلها كيف وصفيها لينا
قالت ليه بيضاء وعندها زيق اسود جمب قرونها
قال ليها دي عنز يا حاجة ولا صهريج ؟
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: علاء الدين صالح)
|
| Quote: لو كنت مكانك يا ذو اليد، لهجوت أبوحسين هجاءاً يتمنى من أثره ان يوقف بكري أبوبكر حسابه، حتى ينسى الناس أمره.. أفعل يا ذو اليد، وأنا لك من المناصرين. |
| Quote: ينصر دينك يا ياسر طيفور ابو حسين ده داير معلقه كامله . |
هوووووووووووووووووووي يا ياسر ومنال غلبكم ذو اليد وقعدتوا تشتغلوا في ابو حسين
كل واحد فيكم إشوف شغلتوا وانت يا ست الإمتحان عاد كان ده حالك إنجحك الله غايتو
| Quote: لكن بتمنى ليك النجاح. |
ابو حسين اسحب دعوتك دي منها دي شكلها ما أتت لحوار لذلك التجاهل ثم التجاهل
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: manal eltahir)
|
Quote: قبل ما الناس ينقدوا الشعر دايرين أستاذتنا أسماء الجنيد أول حاجة تصنفه لينا في أي أبواب الشعر يدخل...
بعدين هل هو موزون وإذا كان موزون فمن ياتو بحر أو نهر أو خور. |
العوض اخوي حبابك يا حنين من بطن الاهل
والله وبما انه اختك غبيشة من اهلك الغبش
ويعلم الله ماني شنافة
لكن ماني شايفة لي اي بحور شعر ولا ابواب هنا ضمممممة
علا آآخوي شايفة نفاجات
والله صحي
توشك توشك سااااااااي من بيت لي بيت
والله صحي
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: اسماء الجنيد)
|
| Quote: ابو حسين ما تسمع كلام ساميه دي اصلها حاسده وراصده دايراني ما انجح واقعد زيها في البيت اربي العيال وسي السيد يمشي الشغل .....ده كلام ده يا ساميه. |
كلامي قصاد كلامك نشوف ابو حسين ها إسمع كلام منو فينا
وبعدين مالو قعاد البيت وتربية العيال والله دي اهم من اي شغل تاني وخصوصا إنتظار سي السيد إجي من الشغل (بيني وبينك الحسادة في)
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: manal eltahir)
|
Quote: لكن ماني شايفة لي اي بحور شعر ولا ابواب هنا ضمممممة
علا آآخوي شايفة نفاجات |
اسماء الجنيد سلآمة نظرك، وانا متبرع ليك بنضارات (بيرسون)
والله صحي.
كلّ هذه البحور التي تذخر بالكلمات المُنتقاة، والعبارات التي تسافر
في فضاءآت النفس، فتدغدغ اشياء في داخل الشعور كانت كامنة
كمون النار في العود، وتحيلها طرباً في داخل النفس ينعكس خارجها
في شكل رقصات امثال التوست والجيرك.
بديع الزمان اليداني هذا كاد يذوب من فرط إنتقاء اشدّ العبارات حِنيّة،
ولوعة، وإنت يا بت الجنيد تقولي نفاجات؟؟؟!!!
نفر حسادتك قبل الليلة اصلي ما شُفت. والله صحي...
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: manal eltahir)
|
يا منال كان قرايتك بجهجها ليك أبو حسين، أخير ليك أقعدي في البوست ده وأقري أشعار ذو اليد، نمي مواهبك..
__
يا سامية ذو اليد ما غلبنا، ذو اليد حبيبنا و روحنا ودمنا. راجينو يجي يفرتك لينا أبوحسين ده بقصيدة ويتم الباقي شلاليت..
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: Yassir Tayfour)
|
تعرِف يا ياسر
عندنا واحد في الحِلّة من حوش إسمو حوش المجانين
قال ليهو كلام إتذكّرتو بى قصيدة ذو اليد دي
قال:
حيثُ حكاية حُبنا
حين حمتُ حافياً
حتى حديقة حيّكُم
بالله شوف قصيدة كاملة كل كلمة فيها بادية بالحاء
تقول ماكِل شطّة بى قنقليز
هسّا ذو اليد العاقل دة بيقدر يقول كلام زي دا؟
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ABUHUSSEIN)
|
Quote: مسطول يا ابوحسين ما سكران
يا اخوانا ارثنا الشعبي دا ما تلعبوا بيه كدا
كفاية البقت على الشعر |
ود البشرى ... المشكلة وين نحن زمنا كان سكران و إنتو زمنكم مسطول ما مشكلة ياخي.
و الزمن دا حا إكون واحد مجنون ....
بعدين ياخي أنا طالبك نكته وينها...؟؟؟؟؟؟؟
.
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ABUHUSSEIN)
|
| Quote: ذو اليد حبيبنا و روحنا ودمنا. راجينو يجي يفرتك لينا أبوحسين ده بقصيدة ويتم الباقي شلاليت.. |
ياسر (أب تفه)
غايتو لو عايز أنتهي منك يا صاحب أنزل صورتك و إنت شايل البطة ديك .. متذكرها..؟؟؟؟
و أجيب ذواليد الحالف ما إدخل البوست دا و صاحبي صديق مهدي......
ياسر ياخي إتعدل معاي
.
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ياسر بيناوي)
|
Quote:
يا سامية ذو اليد ما غلبنا، ذو اليد حبيبنا و روحنا ودمنا. راجينو يجي يفرتك لينا أبوحسين ده بقصيدة ويتم الباقي شلاليت.. |
والله يا ود طيفور لا ذو اليد ولا المتنبي ما إقدروا إفرتقوا ابو حسين إنت قايلو ساهل ده ود امدرمان الناس التفتيحة
والله إلا تفرتقوا بي ديناميت
ـــــــــــــــــــــــــــــــ
بعدين اسمع نصيحة ابو حسين وإتعدل معاو لانو انا شفت الصورة ولو ظهرت هنا تاني ما بتقدر تدخل الحوش ده
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ساميه حامد)
|
Quote:
اسماء الجنيد سلآمة نظرك، وانا متبرع ليك بنضارات (بيرسون)
والله صحي.
كلّ هذه البحور التي تذخر بالكلمات المُنتقاة، والعبارات التي تسافر
في فضاءآت النفس، فتدغدغ اشياء في داخل الشعور كانت كامنة
كمون النار في العود، وتحيلها طرباً في داخل النفس ينعكس خارجها
في شكل رقصات امثال التوست والجيرك.
بديع الزمان اليداني هذا كاد يذوب من فرط إنتقاء اشدّ العبارات حِنيّة،
ولوعة، وإنت يا بت الجنيد تقولي نفاجات؟؟؟!!!
نفر حسادتك قبل الليلة اصلي ما شُفت. والله صحي... |
لوووووووووووووووولز ود المدير
عارف يا معاوية يا خوي
مقدمة ابن خلدون الكتبتها فوق دي في حق اخونا ذو اليد
انا حسدتو عليها عديييييييييييل والله صحي
ولوما ساي خايفة العالم تقول علي انانية
كنت قلت ليك اديني ليها اختها في صدر ديواني القادم
لكن نحن نأكل عيش وين مع اخونا ده ياخ على قول عاصم البنا
لكن المرقت بيها من المداخلة دي النضارة البيرسون
لا اتنازل عنها بأي حال
ترسلا لي ولا بكلم ليم ذو اليد يهجيك لي بي معلقة معتبرة
قال بحور قال
والله ده الا يكون بحر الدميرة الفي الجنيد حقتنا ديك
مشاققة ,,,
ياسر يا ود بناوي
النبي فيك ما تخلي اب صلعة يأرشف لينا البوست ده
ياخ ده ختام سنة عجيب
وبداية سنة تحفة
| |
|
|
|
|
|
|
|
|
|
Re: الشاعر ذو اليد .... ( مجنون ميادة ) (Re: ABUHUSSEIN)
|
احدى ابداعات الشاعر ذو اليد
أرجو قرائتها بروية والتأمل
في أبياتها فهي لا تخلو من فلسفة عميقة الدلالات ....
مســــــــــكول
حبيبي بمسكل ليك وانت اضرب لي
حبيبي انت معاي
نعم يا هناي
حبيبي انت معاي
ايوه معاك
مالك ساكت
حبيبتي انت الدوام الحي
بحبك سنين عمري
وما بديلك سواك انت
حبيبي ايه الحاصل
ما الحي بلاقي الحي
والقسمة في مرادك
تتم احلامي البي
حبيبي بمسكل ليك
وانت ما شغال بي
لارنة ولا كلمةولا رد الحنان البي
عمر السنين الطال
خلاني وحيد عمري
رديت عليك يا حبيتي
ولالقيتك في الزمن القاسي
وعلى طول بشاقي انفاسي
القى خطوطك خطوط مشغولة
وبرجع ليها تاني من تاني
اشاقي حناني واتألم تاني
احسب عني دوائر مشغولة
ومرة الشبكة تشبك حالى
ومرة اقول شبكتك قاطعة
وبس حسيت شبتك واصلة
ومرة الشبكة بتقلب شكلة
وحسيت من فترة بانك خاينة
المصدر: رصيف الحب
| |
|
|
|
|
|
|
| |
ABUHUSSEIN
haroon diyab
ياسر بيناوي
اسماء الجنيد
محمد عبدالرحمن محمد
M A Muhagir
mayada kamal
Adam Mousa
إدريس محمد إبراهيم
MOHAMMED ELSHEIKH
GamarBoBa
ود الخليفه
علاء الدين صالح
Elawad
Yassir Tayfour
معاوية المدير
محمد البشرى الخضر
ساميه حامد
منتصرمحمد زكى
عمر صديق
فيس بوك
تويتر
انستقرام
يوتيوب
بنتيريست