|
|
 Re: هل ثمة علاقة بين ايقاف هيثم مصطفي ومعتصم جعفر ؟ (Re: محمد البشرى الخضر)
|
يا كوتش جرجير دا عارف وفاهم أية حاجة إلا مدكن زي ما قال سعيد صالح ..
من متين مجلس الهلال واللا أي مجلس إدارة نادي غيرو كان قلبهم على المنتخب ؟؟؟؟؟
ادارات الأندية دائما قلبها على مقاعدها في المجلس للبقاء ضمن دائرة الأضواء
والأبهة والبوبار ولا يمهما بعد ذلك أي شىء آخر ..
لا أعلم الغيب لكنني أكيد من أن موقف مالك جعفر ومجلسه ضد مذكرة اللاعبين
كان سيختلف تماما لو لم يكن رئيس الإتحاد معتصم جعفر ..
ستظل الكورة السودانية قابعة في درك سحيق من التخلف طالما ظلت تدار
بمثل هذه العقليات والأفكار البدائية .
قال المنتخب خط أحمر قال ..
لا أحسن كحلى .
| |
 
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: طلحة عبدالله)
|
دا رد سابق ما اظنو لاقاك في الصفحة الاولى Quote: اما غيابه امس عن الاجتماع فغاب ايضا عبدالله البشير و كرار التهامي قد يكون غيابهم عادي وقد يكون نوع من الرفض للشي التم
في النهاية دا تقديرهم الشخصي للامور وهم هلالاب خلص ما في شي يخليني اجير اي اختلاف بين ابناء الهلال حول ادراك مصالحه لصالح نظريات المؤامرة و التخوين و خدمة اجندات غير مصلحة الفريق |
حتة انو المذكرة ما كانت اتقدمت من الاساس دي متفق معاك فيها لاكتر من سبب احدها هيبة شداد وقدرته على اتخاذ اي قرار بدون اعتبار للموازنات و الترضيات
ودا نفس السبب البخليني مستغرب لكلامو القالو عن تصرفه لو كان الكلام دا حصل في عهده
لكن في النهاية ما دام قال كدا
يبقى ما علي إلا ان اسلم بكلامه و الم استغرابي و هواجسي علي بدل اقعد افتش النيات واخلق نظريات و مؤامرات من خيالي - واخد بالك يا حج ابراهيم 
| |
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: محمد البشرى الخضر)
|
جرجير المط مطنجي
نيات شنو ومؤامرات وهمية بتاعت منو ..
إتا عبارة المؤامرات الوهمية دي عاجباك واللا شنو
مكنكش فيها كدا ..
يعني هسع الناس القاعدين يكتبوا توقعات وتحليلات
وإستنتاجات بناء على معطيات وتراكم خبرات وكلامهم
يصدق بالكربون معانتو قاعدين يفتشوا في النيات و
ويخلقوا نظريات و مؤامرات واللا كيف .؟
هسع إتا القاعد تقول عكس كلامي موش معني كلامك
أنو الناس دي نيتا صافية وزي ما قلت إتا قلبهم على
المنتخب ؟؟
أها يعنى بنفس مفهومك بتاع تفتيش النيات دا أقول
ليك إتا عرفتهم كيف .؟؟؟
وبعدين شنو حتة على أسلم بكلامو وألم إستغرابي على
دي ؟؟؟
بس نحن قاعدين كدا تور الله في برسيمو عشان أي زول يجىء
يقول لينا حاجة نسلم بى كلامو واللا فهمك شنو ؟
يازول واحدة من إتنين :
يا تقوم تلف
ياكمان تقوم تلف .
| |
|
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: طلحة عبدالله)
|
أصبحنا و اصبح الملك لله يا تنظير
مالك بتكورك من الصباح يازول Quote: ها يعنى بنفس مفهومك بتاع تفتيش النيات دا أقول
ليك إتا عرفتهم كيف .؟؟؟ |
ياخي انا لا مشيت افترضت من راسي افتراضات لا قطعت لي نظرية
موقف معلن و قريته ززي ما هو يبقى انا البفتش النيات؟
لما موقف سليم لإدارة نادي عريق تفرغه من دوافعه وتعزيه لعلاقة شخصية بين نفرين دا كلام صاح؟؟
إنت هين يا تنظير
انتشرت اليومين الفاتو نظريات اخير انت
اليقول ليك الكيزان عايزين يشيلوا هيثم مصطفى عشان هو العقبة قدام سيطرتهم على النادي
و اليقول ليك دا جمال الوالي
وغايتو خزعبلات ما انزل الله بها من سلطان
في حين الموضوع بسيط , مجلس ادارة الهلال اتخذ الموقف السليم - أو الشايفنه سليم
وقدامهم عيونهم مصلحة الوطن و الهلال
بالله ما تجي تقول لي متين مجلس نادي عاين لمصلحة الوطن قبل كدا
عشان ح اقل ليك اول امس دي - اها
| |
|
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: محمد البشرى الخضر)
|
يازول لا أصبحنا واللا قمنا ذاتو
خلينا هسع في لولوتك دي Quote: لما موقف سليم لإدارة نادي عريق تفرغه من دوافعه وتعزيه لعلاقة شخصية بين نفرين دا كلام صاح؟؟
|
عرفتو كيف سليم
شنو البخلي مالك جعفر والمعاهو يهيجوا ويملأوا الدنيا تصريحات
شجب وإستنكار وتهديد بسبب أن اللاعبين قدموا مذكرة إعتزال للمنتخب ؟
اللاعبين ديل موش من حقهم يعتزلوا اللعب الدولي في الوقت العايزنو ؟
ولو فرضنا ما من حقهم .. مالك جعفر علاقتو شنو بلاعبين مسؤول منهم
الإتحاد العام وهو اللي من حقو يتصرف ويتعامل مع موقفم دا
كان يهددم واللا يوقفكم من اللعب كلو كلو لا مع المنتخب ولا
مع الهلال ..؟؟
مالك جعفر قايل منصب الأمين العام للهلال دا بديهو الحق أنو
يصرح ويتخذ مواقف نيابة عن الإتحاد العام واللا كيف ..؟
أوع تجىء تاني تكرر حكاية المؤامرة الوهمية والطيور المهاجرة
بتاعت دي .
الإستقراء والتحليل وبناء النظريات تأسيسا على خبرة وتجارب
ومعطيات ماثلة دا معمول بيهو في الدنيا كلها .
| |
|
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: محمد البشرى الخضر)
|
جرجرة Quote: الصورة دي اليوم في تسجيل لاعبي الهلال
دلالة على مواصلة مالك جعفر لنشاطه
|
صاح لكن قد يكون فعلا قدم إستقالتو شفهية للمجلس
وإتراجع عنها بعد ما أقنعوا .
Quote: اما غيابه امس عن الاجتماع فغاب ايضا عبدالله البشير و كرار التهامي قد يكون غيابهم عادي وقد يكون نوع من الرفض للشي التم
في النهاية دا تقديرهم الشخصي للامور وهم هلالاب خلص ما في شي يخليني اجير اي اختلاف بين ابناء الهلال حول ادراك مصالحه لصالح نظريات المؤامرة و التخوين و خدمة اجندات غير مصلحة الفريق
|
كرار التهامي ما بعرفوا لكن عبدالله البشير هو ذاتو
متفق مع مالك جعفر في حتة (المنتخب خط احمر ) وقد يكون كرار معاهم برضو
وبعدين هم ما عندهم حق يرفضو الشىء التم لأنو دا حق الإتحاد وهم
عارفين الكلام دا كويس ما يعضد حكاية انو الشغلانية فيها حاجة تانية.
اللاعبين أعلنوا إعتزالهم عن اللعب مع المنتخب ..
المنتخب دا بتاع الإتحاد وهو البتصرف معاهم
مالك جعفر دا المخليهو يدخل في النار كدا شنو ياخوي .؟؟؟؟؟؟
| |
|
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: محمد البشرى الخضر)
|
Quote: حسب انطباعي عن شداد كان سيرفض نهائيا الشكل الاتقدمت بيه المذكرة وكان ممكن يطلب منهم اعلان الاعتزال فرديا
|
طيب ما هو إتا معترف بالإنطباعات وممكن على أساسا تستغرب
وتشك .. مالك طيب مساهر الليالي عشان شكوكي المبنية على إنطباعات
وقراءة وإستنتاجات ..
والله صدق اللى سماك جرجير ( من الجر والمط ) واللي هو أنا ولا فخر .
| |
|
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: طلحة عبدالله)
|
يلا بعد كدا ممكن نكون أصبحنا
Quote: لما موقف سليم لإدارة نادي عريق تفرغه من دوافعه وتعزيه لعلاقة شخصية بين نفرين دا كلام صاح؟؟
|
يا جرجرة أنا لسع ما عزيت الكلام دا لعلاقة بين نفرين واللا عشرة
أنا عبرت عن شكوكي بس لا أكتر ولا أقل ..
الشىء التاني إتا عندك إعتراض أو رأي سلبي في نظريات الإستقراء
والتحليل والإستنتاج واللا مآخذك شنو بالضبط على كلامي بتاع البوست دا ؟
| |
|
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: طلحة عبدالله)
|
جرجرة يا حبيب
طيب خليك من حكاية أنو دي سابقة وما حدثت قبل كدا ..
كدا واحدة واحدة ..
* المنتخب الوطني ولاعبيه ملك حر لإتحاد الكرة دون أدنى مسؤولية على أو للأندية ..
* من حق اللاعب أن يعتزل اللعب الدولي متي توفرت الظروف التي تمنعه من الإستمرار
* إتحاد الكرة هو الجهة الوحيدة المخولة بالتفاهم مع اللاعب حول هذا الاعتزال ..
عليه :
ليس لنادي الهلال الحق في مجرد الاعتراض على مذكرة الاعتزال المقدمة من لاعبيه
ناهيك من مقابلتها بالتصريحات والتهديدات والإستدعاءات والإيقافات كما فعل
الأمين العام لنادي الهلال ..
إذن :
ما سبب غضبة مالك جعفر إزاء مذكرة لاعبي الهلال مع العلم أنه تكلم وصرح
بصفته الناطق الرسمي لمجلس الهلال .؟؟؟؟؟؟
| |
|
|
|
|
|
|
|
|
 Re: هل ثمة علاقة بين ايقاف هيثم مصطفي ومعتصم جعفر ؟ (Re: طلحة عبدالله)
|
Quote: طيب خليك من حكاية أنو دي سابقة وما حدثت قبل كدا ..
كدا واحدة واحدة ..
* المنتخب الوطني ولاعبيه ملك حر لإتحاد الكرة دون أدنى مسؤولية على أو للأندية ..
* من حق اللاعب أن يعتزل اللعب الدولي متي توفرت الظروف التي تمنعه من الإستمرار
* إتحاد الكرة هو الجهة الوحيدة المخولة بالتفاهم مع اللاعب حول هذا الاعتزال ..
عليه :
ليس لنادي الهلال الحق في مجرد الاعتراض على مذكرة الاعتزال المقدمة من لاعبيه
ناهيك من مقابلتها بالتصريحات والتهديدات والإستدعاءات والإيقافات كما فعل
الأمين العام لنادي الهلال ..
إذن :
ما سبب غضبة مالك جعفر إزاء مذكرة لاعبي الهلال مع العلم أنه تكلم وصرح
بصفته الناطق الرسمي لمجلس الهلال .؟؟؟؟؟؟ |
> والكلام ده برضك
كتبت فى معناه فوق
وكتبت برضك انو هنالك فرق بين الامر الواضح والذى هنا معناه لا يحتمل
القسمه على 2 وبين الراى والذى يحتمل الغلط او الصاح فطلعنا ود البشرى
ما بنفهم !!!!!
ود البشرى
نفهم شنو ؟ >>> ده سؤال بالمناسبة > لووووولز
| |
|
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: طلحة عبدالله)
|
طيب واحدة واحدة زي ما قلت يا تنظير
Quote: * المنتخب الوطني ولاعبيه ملك حر لإتحاد الكرة دون أدنى مسؤولية على أو للأندية ..
* من حق اللاعب أن يعتزل اللعب الدولي متي توفرت الظروف التي تمنعه من الإستمرار
* إتحاد الكرة هو الجهة الوحيدة المخولة بالتفاهم مع اللاعب حول هذا الاعتزال ..
عليه :
ليس لنادي الهلال الحق في مجرد الاعتراض على مذكرة الاعتزال المقدمة من لاعبيه
ناهيك من مقابلتها بالتصريحات والتهديدات والإستدعاءات والإيقافات كما فعل
الأمين العام لنادي الهلال ..
إذن :
ما سبب غضبة مالك جعفر إزاء مذكرة لاعبي الهلال مع العلم أنه تكلم وصرح
بصفته الناطق الرسمي لمجلس الهلال .؟؟؟؟؟؟ |
اللاعبين منتسبين لنادي الهلال
على النادي الوقوف على اي امر يخصهم لا سيما امر جلل زي دا و سيبقى سبة في تاريخهم ابد الدهر
انا واحد من الناس اول ما سمعت بخطاب الاعتزال تمنيت على النادي معاقبتهم قبل ما اقرا اي ردود فعل من الاتحاد او المجلس
لأننا هنا بنتكلم عن نادي كبير و عريق في شعاره الوطن قبل الهلال و بنقول عليه نادي الحركة الوطنية
من ناحية تانية - ودا موضوع البوست حتى لو لم يكن للنادي الحق التدخل في موضوع يخص المنتخب لكن يبقى من حقه استدعاء لاعبيه لمناقشتهم - كما قالوا
ثم ياخي وين هي غضبة مالك البتتكلم عنها
الراجل تصريحه متوازن وعقلاني جدا
و الاستدعاء كان للنقاش أما الايقاف فكان لرفض الاستدعاء وليس بسبب خطاب الاعتزال
ما تخمخم الكلام ساي يا تنظير
| |
|
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: محمد البشرى الخضر)
|
غايتو قبل كدا لما إتكلم أساسي عن وساع الزمة في
موضوع يخصك انا بيني وبين نفسي استنكرت المسألة دي
وقلت ياخ كتيرة على جرجير دا أتاريهو أساسي انكوى
من جنس المنطق دا :Quote: حتى لو لم يكن للنادي الحق التدخل في موضوع يخص المنتخب لكن يبقى من حقه استدعاء لاعبيه لمناقشتهم - كما قالوا
ثم ياخي وين هي غضبة مالك البتتكلم عنها
الراجل تصريحه متوازن وعقلاني جدا
و الاستدعاء كان للنقاش أما الايقاف فكان لرفض الاستدعاء وليس بسبب خطاب الاعتزال
|
يا رااااااااجل
تصريحات في الجرايد والمنتخب خط احمر وإستدعاءات
وأيقافات وتقول لى خطاب عقلاني ومن حق المجلس ..؟؟؟؟
ياخ البسمع تصريحات مالك والوطن والخط الأحمر وخط بارليف يقول
الشباب ديل انسحبوا من مباراة للمنتخب وقلعوا الفنايل داسوها
برجليهم ..
شوف يا جرجرة لو غالطت مية سنة تبقي التصريحات هوجاء وتهديدية
والإستدعاءات لا محل لها من الاعراب وتعبر عن رد فعل شخصي والإيقاف
الذي طال هيثم مصطفي فيه ريحة التشفي وما تناقشني تاني في الموضوع دا.
Quote: اللاعبين منتسبين لنادي الهلال
على النادي الوقوف على اي امر يخصهم لا سيما امر جلل زي دا و سيبقى سبة في تاريخهم ابد الدهر
انا واحد من الناس اول ما سمعت بخطاب الاعتزال تمنيت على النادي معاقبتهم قبل ما اقرا اي ردود فعل من الاتحاد او المجلس
لأننا هنا بنتكلم عن نادي كبير و عريق في شعاره الوطن قبل الهلال و بنقول عليه نادي الحركة الوطنية
|
حلاتك وإتا لابس عباية الوطنية .. بس لكن دحين ما واسعة شوية عليك ؟
اذا كان كما تقول فالمسألة دي شأن هلالى بحت يفترض أن يتم التعامل
معها بهدوء وسرية وداخل البيت الهلالى بعيدا عن التصريحات الهوجاء
والإستنكار والتهديد لأنه لا مالك جعفر لا غيره من مجلس الهلال من
يقول أنه لا يقبل المساومة في المنتخب ؟؟
كيف ساوم اللاعبين في المنتخب ؟ هل مذكرة الاعتزال تعتبر مساومة ..؟؟؟
وبعدين منذ متي كان اعتزال اللعب الدولي سبة للاعب او ناديه ؟؟؟؟؟
يا جرجير بالله لو ماعيز تقتنع فدي حاجة بتخصك لكن ما تقول كلام
تغالط بيهو نفسك ذاتا .
جرجير :
إتا لفة البقرة ما جابت فائدة واللا شنو ؟
عشان نشوف لينا مصيبة تانية نلفك بيها .
| |
|
|
|
|
|
|
|
|
|
Re: هل ثمة علاقة بين ايقاف هيثم مصطفي ومعتصم جعفر ؟ (Re: طلحة عبدالله)
|
إن شا الله يا تنظير وببركة من صلّى و قال يا الله
شداد يرجع يمسك الإتحاد تاني و تحصل مشكلة قريبة من دي ولعيبة الهلال ولاّ المريخ يقدموا نفس مذكرة الإعتزال الدولي دي
النشوف بعدين منطقك بتاع انو الاعتزال حق للاعب
ح يبقى زي ما هو لا ح تبلعو زي البوست دا
بعدين ياخي انت شنو شابكنا بقرة و تقع فيك حيطة و اصلة وبتاع
بتداعي كدا ليه ؟
داية قانونية إنت؟
| |
|
|
|
|
|
|
| |
طلحة عبدالله
محمد البشرى الخضر
وليد عبد اللطيف
فيس بوك
تويتر
انستقرام
يوتيوب
بنتيريست