كتب الكاتب الفاتح جبرا المتوفرة بمعرض الدوحة
|
أحسن محل في الخرطوم .........
|
هذا البوست تقديري ( يعني للإشادة والتقدير ) بكل مجيد في عمله أولاً وثانياً خارطة طريق للماعارفين محل الحاجات دي وين ( كان من ناس الخرطوم أو الولايات أو المغتربين الطولوا) ثالثاً البوست تقديري برضو علي أساس أن الإعجاب ( التقريظ يعني ) تقديري وليس له قاعدة ثابتة لذلك بابي المساهمات والإختلاف مفتوحين علي مصراعيهما
|
|
|
|
|
|
|
|
Re: أحسن محل في الخرطوم ......... (Re: Fadl Karrar)
|
أحسن محل في الخرطوم بيعمل بوش بالنهار : مطعم في شارع البلدية من الناحية الجنوبية قرب شركة البرجوب ومنزل مبارك الفاضل نظام بوش عجيب صف طويل من العمال كل واحد بيعمل حاجة واحدة بس يسلتموا منك العيش المقطع في الصحن ويمر الصحن علي صف العمال وتستلموا في آخر الصف بوش مظبط علمت أن السيد / صلاح إدريس ضرب صحن بوش مدنكل في هذا الكطعم
بالليل عمر بوش في أم دمان شارع الأربعين زحمة رهيبة وبوش أرهب
| |
|
|
|
|
|
|
Re: أحسن محل في الخرطوم ......... (Re: قلقو)
|
الناس الفافى لو عايزين يتعشوا او يتغدوا
يمشوا سولتير يا الفى شارع 15 فى العمارات يا الفى شارع الجزار فى الرياض
يا مطعم فندق صحارى خلف ايسكريم 41 فى العمارا
يا الساحه اللبنانيه القبال لفة مركز الطبى الحديث شارع المطار
لكن اهم شى يكونوا مقرشين يا بيغسلوا الصحون
| |
|
|
|
|
|
|
Re: أحسن محل في الخرطوم ......... (Re: رانيه محمد الشيخ)
|
Quote: يمشوا سولتير يا الفى شارع 15 فى العمارات يا الفى شارع الجزار فى الرياض |
سولتير ،،،،،،أممممممممم بالذات بتاع الرياض جو شاعري جداً جداً ( لا تسمع إلا همساً ) بيكون الأكل أو الشرب فيهو من آخر الأولويات وما تفهموها خطأ بس الجو الشاعري يريح الجسم والروح
Quote: لكن اهم شى يكونوا مقرشين يا بيغسلوا الصحون |
وعشان ما بعرف أغسل صحون كويس بمشي أول الشهر بس يا رانية
| |
|
|
|
|
|
|
Re: أحسن محل في الخرطوم ......... (Re: رانيه محمد الشيخ)
|
Quote: الناس الفافى لو عايزين يتعشوا او يتغدوا
يمشوا سولتير يا الفى شارع 15 فى العمارات يا الفى شارع الجزار فى الرياض
يا مطعم فندق صحارى خلف ايسكريم 41 فى العمارا
يا الساحه اللبنانيه القبال لفة مركز الطبى الحديث شارع المطار
لكن اهم شى يكونوا مقرشين يا بيغسلوا الصحون |
بالمناسبة المحلات دي وين ...في الخرطوم ..؟؟؟؟
لكن بالجد كدة لو دايرين عصير ليمون ..امشو ركن سوق الموردة قدام الخور ...رهيب شديد ..وح تجو تقولو لي شكرا ..
| |
|
|
|
|
|
|
Re: أحسن محل في الخرطوم ......... (Re: قلقو)
|
Quote: تم جميلك يافضل وورينا احسن محل لبيع (العمارى) فى الخرطوم |
والله دا ما تبعنا يا قلقو وبعدين ياخ شفت ليك عمارة بزبلوها
لكن عشان ما تطلع مننا ساي أحسن محل بيعمل عصيدة دخن بي ملاح نعيمية وشطة كاربة جدا محل جمب مكتب الضرائب الفي السجانة أيوووووا وراء بنك الخرطوم طوالي
| |
|
|
|
|
|
|
Re: أحسن محل في الخرطوم ......... (Re: Fadl Karrar)
|
ود كرار ..
Quote: أحسن محل في الخرطوم بيعمل بوش بالنهار : مطعم في شارع البلدية من الناحية الجنوبية قرب شركة البرجوب ومنزل مبارك الفاضل
|
ياسلاااااام ياخ ، المحل دا ياما ضربنا فيهو بوش ... فى حاجة غريبة فى المحل دا لو لاحظت ماعندهم بتاع كاشير .؟!! الزول بيطلب وبياكل وبعد داك بيجى يحاسب ، ماعارف النظام دا لسع شغالين بيهو ولا لآ ..؟
أضافة : أحسن محل بتاع شية مطعم ونسى فى بحرى شمال مسجد السيد على ... مباااااااالغة والله ..!
| |
|
|
|
|
|
|
Re: أحسن محل في الخرطوم ......... (Re: مزمل خيرى)
|
سلامات فضل كرار و سلامات رنيا سوليتير فعلا مكان جميل و الاكل جميل. الساحة برضو ظريفة القعده فيها. اوزون برضو ظريفه شديد.
فى مطعم اسمه كادبورى ..اظن انه مقابل وزارة التربية و التعليم(او فى الحته ديك فى شارع النيل) . المطعم كينى . الاكل جميل جدا. اكلت فيه لحم غزال و لحم جمل و لحم تمساح.
| |
|
|
|
|
|
|
Re: أحسن محل في الخرطوم ......... (Re: smart_ana2001)
|
Quote: فى مطعم اسمه كادبورى ..اظن انه مقابل وزارة التربية و التعليم(او فى الحته ديك فى شارع النيل) . المطعم كينى . الاكل جميل جدا. اكلت فيه لحم غزال و لحم جمل و لحم تمساح |
بالضبط يا سمارت أنا ،،، وكان يسمي سابقاً بالمطعم العالمي أهم ملاحظة حالياً هو تواجد عربة شرطة السياحة بإستمرار بالقرب منه وكذلك لديه نافذة take away للطلبات السريعة تفتح عي شارع النيل مباشرة
| |
|
|
|
|
|
|
Re: أحسن محل في الخرطوم ......... (Re: مزمل خيرى)
|
Quote: ياسلاااااام ياخ ، المحل دا ياما ضربنا فيهو بوش ... فى حاجة غريبة فى المحل دا لو لاحظت ماعندهم بتاع كاشير .؟!! الزول بيطلب وبياكل وبعد داك بيجى يحاسب ، ماعارف النظام دا لسع شغالين بيهو ولا لآ ..؟ |
لحدي يوم الأربعاء 3 / 12 / 2010م النظام شغال يا مزمل أريحية مبالغ فيها زملائ في المكتب ما كلمتهم ، وصلت لحدي المطعم وقلت ليهم : بتعملوا بوش سفري قالوا لي جداً ضربت للزملاء في المكتب قلت ليهم حضروا صحن كبير للبوش وصحن صغير للشطة بعد ما ظبطنا البوش في المطعم نظام البوش في كيس والزيت في كيس والشطة في كيس قلت ليهم أدوني أكياس ملونة عشان عيون المدير، قالوا لي ما تخاف كان شاف الكيس بجي معاك لحدي هنا بي كرعينو المهم قفلنا باب المكتب وضرب بوش رهيب ورغم التكيف الألف الجماعة عرقوا عرق تيبار ( زير كبير ) في عز الصيف لكن مدير التدريب إتهمني بإني بتاع كبة ؟؟؟ شفت آخر الجزاء
| |
|
|
|
|
|
|
Re: أحسن محل في الخرطوم ......... (Re: Fadl Karrar)
|
Quote: تشرب ( نص ضربة ) تحس بالعافية تسري في جميعأوصال بدنك |
بى كلامك دة يا فاضل كرار ياسر عرمان بصورتو الفيها العافية دى مع اقوالو فى اخر الصفحة ضارب ليهو ضربة كاملة من محلك دة يديك الف عافية
| |
|
|
|
|
|
|
Re: أحسن محل في الخرطوم ......... (Re: ناصر فراج)
|
فضل كرار ياخي الواحد يقرا في بوستك دة و(يمطق)..سيلت لعابنا ياخ...
اديك نكتة علي الأكل...
واحد مزهجنو ليك ناس حلال الجزيرة البكونو شغالين في الخرطوم ويزوغو أهلهم من الأربعاء المساء..
سألوه أشهر اكلات الشعوب شنو: قال ليهم الصينيين بياكلو الرز والهنود بيكالو البرياني..وناس شمال السودان بيكالو القراصة وناس الوسط بياكلو الرغيف وناس الغرب بياكلو عصيدة الدخن.. أما ناس الجزيرة فبياكلو (يوم الخميس)....................
| |
|
|
|
|
|
|
Re: أحسن محل في الخرطوم ......... (Re: nazar hussien)
|
واحد طلب في المطعم وكمل الصحن لحسو جت نادى الجرسون قال ليه جيب زياده
لمن لقى الصحن فاضي قال ليه كان تفضل شويه عشان اعرف ازيدك شنو؟
احسن محل قراصه في بحري شرق سوق بحري شارع المزاد وغرب حديقه عبود
اما السمك فمختلف فيه لكن في دكان في سوق المورده علي الخور سيدو اسمو الحلو
سمكو زي اسمو
| |
|
|
|
|
|
|
Re: أحسن محل في الخرطوم ......... (Re: ود الخليفه)
|
Quote: اكلت فيه لحم غزال و لحم جمل و لحم تمساح. |
صعبه يا امارت.... ما كنت قابلك كده :)
بس تعرفي المحل الاصلي بتاع الكرنيفو في نيروبي
عباره عن حديقه كبيره جدا جدا قدر حدايق المقرن كده شوايه اكبر من حوض السباحه
اها وانت قاعد في تربيزتك بمرو عليك العمال بالسيخه الكبيره وبيقول لحم ضان نقوم نطلب ... بعد شويه عجالي وبقر نقوم نطلب شويه اها بهد كده غزال ...! نقوم نقول كدي حته بعد شويه تسمع تمساح .. دبيب ... قرود
وقتها تقوم جاري ... معقوله بس
:)
سولتير بتاع الرياض ... وقدوره بناع السمك في العمارات ؟ مبالغه
خاصتا ليمون بالنعناع المثلج وسط الهجير احسن ترطيبه
شكرا لصاحب البوست والفكره وضيوفه الكرام
احترامي
| |
|
|
|
|
|
|
Re: أحسن محل في الخرطوم ......... (Re: willeim andrea)
|
ياجماعه بالنسبه للسمك,, عيبو لي (صاج سمك) الفي شارع 41 ؟!! سمكو نضيف وطعمو خرافي والمكان معمول نظام شعبي لكن بصراحه راقي ونضيف جدا, خصوصا لو بعد السمك طلبتو قهوه حبشيه بي بخورها :)
المحل قمه في البساطه والرقي والتميّز ,,
| |
|
|
|
|
|
|
Re: أحسن محل في الخرطوم ......... (Re: Amany Elamin)
|
أمّا أحسن (كافي) ممكن تشرب فيهو اسبريسو, كابتشينو, تاكل ساندوتشات خفيفه ... الخ, وتطلب ايسكريم خرافي مع قعده بالنظام الطلياني (ولا في الأحلام),
بصراحه المحل خرافي وهادئ والسيرفس ميه الميه وكأنك بره السودان ,,
المحل في شارع مكه بس ما حأقول ليكم اسمه عشان ما تمشو تعملو فيهو زحمه
| |
|
|
|
|
|
|
Re: أحسن محل في الخرطوم ......... (Re: nazar hussien)
|
أحسن طعمية في العالم في محطة شندي للقطارات... وأحلي..شية عند عوضية...
أما الجبنة فأبحثوا عن أوهاج...بنواحي السوق المحلي... (جينة زي الدرب...)...تجيه مغمض وفتران ومكتح... طوالي تنزل من النقالة وتمشي بي كرعيك
| |
|
|
|
|
|
|
Re: أحسن محل في الخرطوم ......... (Re: صديق الموج)
|
احسن مطعم
Quote: فى مطعم اسمه كادبورى ..اظن انه مقابل وزارة التربية و التعليم(او فى الحته ديك فى شارع النيل)
. المطعم كينى . الاكل جميل جدا. اكلت فيه لحم غزال و لحم جمل و لحم تمساح. |
شكرا نيستا الجميل
| |
|
|
|
|
|
|
Re: أحسن محل في الخرطوم ......... (Re: haroon diyab)
|
الحبيب فضل كرار
جمعة مباركة
واعدت لي زكريات جميلة
بس في واحد ود حراااام
الله لاكسبه حسنة بركة
الجمعة الجامعة والكلمة السامعة......!!!!!
والله سرق الكاميرا وفيها
اكتر من 1350 صورة لكل
هذه الاماكن وهؤلاء الاحبة
يمين يرجعه اديهو الدايرو
الله غالب
| |
|
|
|
|
|
|
Re: أحسن محل في الخرطوم ......... (Re: haroon diyab)
|
Quote: تم جميلك يافضل وورينا احسن محل لبيع (العمارى) فى الخرطوم . |
يا ود كرار اخونا قلقو ده يظهر خرماااااان ومتقريف قرياف شديد وانتو كلكم مطنشنوا ليه ما عارف !! يا قلقو
احسن عماري (بشهادة اصحابي) هم تلاته محلات:- 1- الجمري (بحري سعد قشرة). 2- ود الريح (الكلاكلة). 3- كجبر (الشهداء).
والاخير ده شايفو مشكور شكر شديد جدن حتي بيقولوا :- * كجبر كجبر يا يهود العماري سوف يسود
ــــــــــــــــــــــــــــــــــ اسم اليهود في العماري للدلالة علي انه صاموووتي.
| |
|
|
|
|
|
|
Re: أحسن محل في الخرطوم ......... (Re: رشا سالم)
|
الباسطه عند الطيب سيد مكى .. "متفق عليه"
.. فى كافيه جميل جدا ومميز فى الطابق الاخير لاحدى مبانى شارع البرلمان إسمو " البرلمان كافيه "
.. محل الليمون الفى ناصية سوق المورده على الشارع, والسمك عند سكى " عوضيه سمك قد تأتى فى المرتبه الرابعه او اكثر"
.. سوليتير مزعج لكل من تخطى الخامسه والثلاثين .. وإياك أعنى يا جاره الساحه مناسب وأوزون مسأله بتاعت مزاج وجو عام ..
.. الجنينه الخلفيه لفندق قصر الصداقه أجمل مكان فى الخرطوم ولسه خدماتهم ضاربه ..
.. حوض السباحه والمطعم التحت بتاع السلام روتانا حاجاتم ممتازه وخدمه مميزه
.. الاكل فى نادى الضباط لسه محافظ على الجوده بتاعتو واسعارو الزماااان
.. رافقتكم السلامه, انجزوا اجراءات العوده باكرا, وتفادوا قدر الامكان الاكل خارج منازلكم الا للضرورات الاجتماعيه وعودوا لمنافيكم سالمين
.. تحسرت كثيرا على الهيلتون "سابقا"
| |
|
|
|
|
|
|
Re: أحسن محل في الخرطوم ......... (Re: nazar hussien)
|
عمدة التحرير :)
Quote: الجنينه الخلفيه لفندق قصر الصداقه أجمل مكان فى الخرطوم ولسه خدماتهم ضاربه .. |
لايك جدا
السيد المسلمي,,
Quote: أحسن فول في السودان والشرق الأوسط هو .. فول فريد ببحري ( شارع الإنقاذ جنوب حديقة عبود ) |
لايك بشده :)
| |
|
|
|
|
|
|
Re: أحسن محل في الخرطوم ......... (Re: سفيان بشير نابرى)
|
Quote: Quote: تم جميلك يافضل وورينا احسن محل لبيع (العمارى)فى الخرطوم . |
Quote: يا ود كرار اخونا قلقو ده يظهر خرماااااان ومتقريف قرياف شديد وانتو كلكم مطنشنوا ليه ما عارف !! يا قلقو احسن عماري (بشهادة اصحابي) هم تلاته محلات:- 1- الجمري (بحري سعد قشرة). 2- ود الريح (الكلاكلة). 3- كجبر (الشهداء). والاخير ده شايفو مشكور شكر شديد جدن حتي بيقولوا :- * كجبر كجبر يا يهود العماري سوف يسود
ــــــــــــــــــــــــــــــــــ اسم اليهود في العماري للدلالة علي انه صاموووتي. |
|
** سُفيان نابرى.. ** فضل كرار .. ** مساءكما خير.. ## أضيف للفوق ديل :- الــوطــنــيـــه بـــحـــرى.. (ودام الود بين الجميع) (ابو محمد فؤاد)
| |
|
|
|
|
|
|
Re: أحسن محل في الخرطوم ......... (Re: عبدالكريم أحمد الامين)
|
Quote: Quote: Quote: تم جميلك يافضل وورينا احسن محل لبيع (العمارى)فى الخرطوم .
Quote: يا ود كرار اخونا قلقو ده يظهر خرماااااان ومتقريف قرياف شديد وانتو كلكم مطنشنوا ليه ما عارف !! يا قلقو احسن عماري (بشهادة اصحابي) هم تلاته محلات:- 1- الجمري (بحري سعد قشرة). 2- ود الريح (الكلاكلة). 3- كجبر (الشهداء). والاخير ده شايفو مشكور شكر شديد جدن حتي بيقولوا :- * كجبر كجبر يا يهود العماري سوف يسود
ــــــــــــــــــــــــــــــــــ اسم اليهود في العماري للدلالة علي انه صاموووتي.
** سُفيان نابرى.. ** فضل كرار .. ** مساءكما خير.. ## أضيف للفوق ديل :- الــوطــنــيـــه بـــحـــرى.. (ودام الود بين الجميع) (ابو محمد فؤاد) |
الأخوان سفيان وعبدالكريم.. والله انتو الناس الفيكم فايدة .. لكن ماقلتو لى مرسى الفاشر الجنب ملاعب كمبونى كيف ؟ اما ناس فضل كرار وناس كابتشينو وايتالى بيتزا وماعارف شنو داك فاقول ان شاء الله ينفعم ومحل مايسرى يمرى . يافضل كرار بالمناسبة تويتى الأنت قاصدو فى الخرطوم 2 ومش فى العمارات . فهمت ؟
| |
|
|
|
|
|
|
Re: أحسن محل في الخرطوم ......... (Re: قلقو)
|
احسن محل للكوارع
الصحافة
محل بتاع في نص البيوت تديره امراءة
بعرفوه ناس الخرطوم كويس
.................................. طبعا نحنا ناس اقاليم ساكت وشايف هارون متجدع مع اولاد العاصمة
| |
|
|
|
|
|
|
Re: أحسن محل في الخرطوم ......... (Re: رشا سالم)
|
احسن محل في الخرطوم هو الخرطوم نفسها
الخرطوم تفوز على امدرمان وبحري (حسب الاحصائية الى الآن)
احسن مكان للخلِط وين؟؟ ما تفهمونا غلط متزوج واب لاربعة لوووول ، يعني قصدي لو نزلنا اجازة اسوق المدام وين للفسحة وش بريء
| |
|
|
|
|
|
|
Re: أحسن محل في الخرطوم ......... (Re: قلقو)
|
Quote: يافضل كرار بالمناسبة تويتى الأنت قاصدو فى الخرطوم 2 ومش فى العمارات . فهمت ؟ |
إنت يا دكتور زعلت واللا شنو ؟؟؟ قر قر قر قر
تعرف يا قلقو آخر حاجة كان ممكن أتوقعها إنو سفيان نابري وعبد الكريم الما كيكي بتاعين سفة
وبمناسبة السفة والمصطلحات الجديدة قالوا ليك طالب ثانوي قال لي زميلو : لو سمحت الموبايل بتاعك ( قصدو كيس التمباك ) زميلو رد : والله أنا مسكول ما عندي ( يعني كيس تمباك فاضي يشمو )،،، لكن استاذ فلان داك عندو تحويل رصيد عدييييل ( يعني كيس تمباك معتبر )
| |
|
|
|
|
|
|
Re: أحسن محل في الخرطوم ......... (Re: BAKTASH)
|
Quote: احسن موية زير نص النهار في محطة الدومة(اسماعيل الطهار) ازيار نضييييييييفة وموية بااااردة ومبالغة نسيت اقول انو المكان دا في امدرمان |
سلام يا بكتاش تعرف المحطة دي لو فيها محل فولة كاربة يكون مية مية تضرب الفولة / البوش وتديها كوزين من الأزيار دي وتحمد الله وتثني عليه وتتوكل
| |
|
|
|
|
|
|
Re: أحسن محل في الخرطوم ......... (Re: Fadl Karrar)
|
أحسن مطعم سوداني في الرياض مطلوب البحث عنه
البحث عن المطعم السوداني دعوة للاستثمار
برغم هذا الزخم والعدد المتزايد من الأسواق الكبيرة والجميلة في عاصمة المملكة العربية السعودية الرياض من مجمعات تجارية أصبحت من روعتها تشكل أماكن للترفيه وتزجية الوقت إضافة للتسوق ورغم العدد الكبير من السودانيين وحركتهم الظاهرة وتدافعهم في حراك المجتمع وحركة الحياة من مناسبات واحتفالات واستقبالات تضم مختلف طوائف المجتمع باختلاف درجاتهم ومقاماتهم .برغم ذلك إلا أن الرياض العاصمة ظلت خالية تماما من مطعم سوداني واحد يقدم خدمات راقية لكل هذا العدد ولكل تلك المناسبات ويليق باسم السودان والسودانيين. إنه لأمر جد محزن أن نكون ضيوفا علي مطاعم الشعوب الأخرى نصرف فيها كل تلك المبالغ الطائلة من المال وهي بلا شك مبالغ كبيرة لو رصدت بصورة اقتصادية لجذبت المستثمرين وأصحاب المال ويكفي نظرة سريعة لمناسبات الزواج خلال شهر واحد أو مناسبات اجتماعية أخري لنعلم حجم الموضوع ومدي جاذبيته للعمل والاستثمار بصورة سريعة جدا لا تقبل التأخير. إن الحديث هنا يتجاوز تلك المجموعة الكبيرة من سلسلة المطاعم والبوفيهات المتوفرة في شوارع الرياض والتي ترفع لوحات بأسماء سودانية وهي تقدم خدمات متردية جدا وخالية تماما من النظافة والرقي والنظام بل ولا يستطيع الإنسان أن يجلس فيها ناهيك عن دعوة شخص آخر. وقد ظلت سجينة لوجبات بائسة لا تتعدي ( الفول المصلح) و( والكسرة بالمفروكة) ورغم ما تلاقيه من إقبال إلا أن العقلية ظلت حبيسة لسقف اقتصادي لا يرتفع عن الأرض ولا يحلم بالانعتاق في سماوات الاستثمار والمنافسة وقد رضي أصحابها بالقليل والفتات من الدخل مثلما رضوا بعدم الدخول في المنافسة وجذب الزبون غير السوداني إذا سلمنا بأن الطعام سلعة يقتنيها الجميع. لقد ناقشت العديد من الإخوة ووجدتهم يتفقون معي تماما في أهمية وجود مطاعم سودانية راقية تستطيع أن تدخلها لوحدك أم مع أسرتك وتدعو إليها أصدقائك ومن تشاء دون شعور بالخوف والدونية وتستطيع دعوة الآخرين لتناول وجبة سودانية في مكان محترم وعبر خدمات ممتازة خاصة وقد أصبحت الاستعانة بالمطاعم وتناول الوجبات فيها بصورة فردية أو عائلية نوعا من الترفيه وتغيير الروتين اليومي بل ومظهرا من مظاهر الحفاوة بالآخر وتقديرا له. فهل نجد من المستثمرين وأصحاب المال السودانيين وهم كثر من يأخذ هذا الموضوع مأخذ الجد ويحول الفكرة للعمل بصورة سريعة علما بأن دراسة الجدوى متوفرة ولا تحتاج لكثير عناء وقد يجدها لو تبصر ونظر عبر مناسباتنا الكثيرة جدا من زيجات وأفراح وفي احتفالاتنا المتعددة وأعدادنا المتزايدة وفي التساؤل المرسوم علي كل الوجوه السودانية الباحثة عن مكان جميل وموقع متميز ينتمي لنا وننتمي له.
علي الكرار هاشم محمد الرياض
| |
|
|
|
|
|
|
Re: أحسن محل في الخرطوم ......... (Re: علي الكرار هاشم)
|
Quote: إن الحديث هنا يتجاوز تلك المجموعة الكبيرة من سلسلة المطاعم والبوفيهات المتوفرة في شوارع الرياض والتي ترفع لوحات بأسماء سودانية وهي تقدم خدمات متردية جدا وخالية تماما من النظافة والرقي والنظام بل ولا يستطيع الإنسان أن يجلس فيها ناهيك عن دعوة شخص آخر. وقد ظلت سجينة لوجبات بائسة لا تتعدي ( الفول المصلح) و( والكسرة بالمفروكة) ورغم ما تلاقيه من إقبال إلا أن العقلية ظلت حبيسة لسقف اقتصادي لا يرتفع عن الأرض ولا يحلم بالانعتاق في سماوات الاستثمار والمنافسة وقد رضي أصحابها بالقليل والفتات من الدخل مثلما رضوا بعدم الدخول في المنافسة وجذب الزبون غير السوداني إذا سلمنا بأن الطعام سلعة يقتنيها الجميع. |
سلام يا علي الكرار وكلامك بالضبط ما حكاه صديق لي يعمل بالرياض قضي إجازة عيد الاضحي معنا بالسودان
Quote: فهل نجد من المستثمرين وأصحاب المال السودانيين وهم كثر من يأخذ هذا الموضوع مأخذ الجد ويحول الفكرة للعمل بصورة سريعة علما بأن دراسة الجدوى متوفرة ولا تحتاج لكثير عناء وقد يجدها لو تبصر ونظر عبر مناسباتنا الكثيرة جدا من زيجات وأفراح وفي احتفالاتنا المتعددة وأعدادنا المتزايدة وفي التساؤل المرسوم علي كل الوجوه السودانية الباحثة عن مكان جميل وموقع متميز ينتمي لنا وننتمي له. |
لو كان هناك واحد فقط يمكن أن يبيض وجهكم ويشرفكم ، فأعتقد أنه صلاح المنا صاحب مطعم أمواج بالخرطوم ،، وهو علي دراية تامة بالسعودية
| |
|
|
|
|
|
|
Re: أحسن محل في الخرطوم ......... (Re: haroon diyab)
|
Quote: اجمل شاي مغرب
شاي حليوه
تقاطع البلدية مع المك نمر
شكرا ---عزان سعيد --- ياسر بيناوي
الشاذلي خيري والبقية |
يا هارون مبروك عليكم الحضري
محلاتك الإخترتها كلها حلوة ومجربة إلا شاي حليوة دا
محلها وين بالضبط في تقامع البلدية مع المك نمر؟؟ يعني جمب بنك بيبلوس ، واللا سودانير ، واللا البنشر واللا أبو الفاضل للأثاث عشان نمشي رأسنا عديل بدل السؤال من ست الشاي ( عشان ما يفهمونا غلط وكدا )
| |
|
|
|
|
|
|
Re: أحسن محل في الخرطوم ......... (Re: ناصر فراج)
|
Quote: بى كلامك دة يا فاضل كرار ياسر عرمان بصورتو الفيها العافية دى مع اقوالو فى اخر الصفحة ضارب ليهو ضربة كاملة من محلك دة |
يا ناصر ،،، ليس من سمع كمن شبع خليني من ياسر عرمان ،،، أدعوك بنفسك لتعايش هذه التجربة
ويديك ألف عافية
| |
|
|
|
|
|
|
Re: أحسن محل في الخرطوم ......... (Re: Fadl Karrar)
|
أحسن و(ألذ) بوست في الدنيا بوست فضل ده . . قعدت افتش فيهو أكتر من ساعة لأني كنت ناسي إسمو لحدي ما (نكتو) من الصفحة التاسعة . . تخيلو، فتشت تسعة صفحات بوست ورا بوست لازم يكون فوق . ويمشي الربع الجاي ________________________________ مشتهي لي عصير قنقليز أجمل عصير قنقليز شربتو في كافتريا جامعة نيالا سنة 99 ورونا نلقي أحسن قنقليز (عصير وخام) في الخرطوم وين
بالمناسبة العرديب هنا (أمريكا) راقد بيجي من تايلند والمكسيك مرة لقيت (تانق) عرديب مكسيكي . . عجيييييب
| |
|
|
|
|
|
|
Re: أحسن محل في الخرطوم ......... (Re: Waeil Elsayid Awad)
|
Quote: احسن موية زير نص النهار في محطة الدومة(اسماعيل الطهار) ازيار نضييييييييفة وموية بااااردة ومبالغة نسيت اقول انو المكان دا في امدرمان |
صحيح يا بكتاش ... انا الزير دا قدر ما حكو لي عنو ..حامشي اشرب منو في اجازتي الجاية ..... طبعا على حسب ما عرفتا الطهار دا ما عندو زير واحد ..قالو قريب العشرين زير .... لأنو زباينو كتار ...... يعني الزول لمن يجي عشان يعمل العملية ديك بيجو معاهو زي جيش جرار .....
أما بخصوص نادي الضباط ..اتفق مع ود المشرف ... خدمات مية المية
اما أحسن عصير ... في واحد عمك كدا قريب من العمارة الكويتية و نادي الكشافة .. محل بتاع عصائر بس و شغلو نضيف .... الزول ما تمشي ليهو و انت خالط .. لأنو عمكم زهجي شوية ...سامع يا أحمد ابنعوف ؟
| |
|
|
|
|
|
|
Re: أحسن محل في الخرطوم ......... (Re: Waeil Elsayid Awad)
|
فضل كرار والاخوة غايتو احسن فول في السودان ما عارف قفل ولا لسع شغال كان فول عبدالسلام في سوق بحري ورا لوكاندة هافانا كنا بنقرا في بحري الحكومية وداك كان محل الفطور وكان عندو طعمية رهيبة طلب الفول كان بخمسين قرش مصلح والسمك كان عند عمك بلة في ابوروف. ابوي كان بقول لو عاوز محل الاكل المظبوط اسال بتاعين التاكسي
| |
|
|
|
|
|
|
Re: أحسن محل في الخرطوم ......... (Re: Gamal Abayazid)
|
جمال
Quote: غايتو احسن فول في السودان ما عارف قفل ولا لسع شغال كان فول عبدالسلام في سوق بحري ورا لوكاندة هافانا كنا بنقرا في بحري الحكومية وداك كان محل الفطور وكان عندو طعمية رهيبة طلب الفول كان بخمسين قرش مصلح |
عيييييييك يا جمال ،،، من الأمس وكدا
Quote: والسمك كان عند عمك بلة في ابوروف |
عمك بلة له الرحمة والآن أولادده يواصلون علي نهج المرحوم بلة سمك صاح بهارو الاساسي شمار رهيب (شمار طبيعي )
Quote: ابوي كان بقول لو عاوز محل الاكل المظبوط اسال بتاعين التاكسي |
أظن الكلام دا كان زماااااااان
| |
|
|
|
|
|
|
Re: أحسن محل في الخرطوم ......... (Re: Waeil Elsayid Awad)
|
Quote: احسن محل عصير اسمو رشقة فى المنشية شارع الكبرى تطلب نص ضربة (ما ضربة كاملة ) و تقرض على كدة |
زايد إنو إسم المحل فنان ومبدع يا وائل ( رشفة ) مكتوبة بي خط جميل جداً اللافتة البرة بتديك إنطباع جيد عن المحل
تسلم يا عزيزي
| |
|
|
|
|
|
|
Re: أحسن محل في الخرطوم ......... (Re: عزان سعيد)
|
Quote: قعدت افتش فيهو أكتر من ساعة لأني كنت ناسي إسمو لحدي ما (نكتو) من الصفحة التاسعة . . تخيلو، فتشت تسعة صفحات بوست ورا بوست لازم يكون فوق . ويمشي الربع الجاي |
والله يا عزان أنا آسف جداً جداً مفروض البوست يكون برعاية سيدو لكن ظروف المنبر الإسبوع الفات كانت حالة إستثنائية فلك العتبي والشكر علي جعل البوست يطفو للسطح من جديد
Quote: ورونا نلقي أحسن قنقليز (عصير وخام) في الخرطوم وين |
اقترح ( سيدي السلاوي ) شارع الجامعة بالخرطوم يفتح في مقابلة الأمم المتحدة
Quote: مرة لقيت (تانق) عرديب مكسيكي . . عجيييييب |
عجيب جداً وأعجب من عدم قدرتنا علي الإستفادة من حاجاتنا العندنا
بالمناسبة : شركة النصر للتعبئة تنتج كركدي ، تبلدي ودخن في عبوات جيدة
| |
|
|
|
|
|
|
Re: أحسن محل في الخرطوم ......... (Re: Fadl Karrar)
|
Quote: أحسن مكان تصطاد فيهو سمكهو جزيرة ام شجيرات تجى بدرى وتقابل شمال وتكون جاهز = أكل + شراب+عدة كاملة+ صارقيل+ مظلة عن الشمس وما تزاحمونا رجاءً |
.. الجزيرة دي وووين يا حسن ..؟ تعرف في مشيتي السنة الفاتت مشيت الدويم .. جمب المعدية بتاعت الدويم كان في شباب كتار جدا قاعدين يشركة .. تخيل فووت ليك البنطون دا زي تلاتة مرات كدا .. بعدما استمتعته من سبعة سنوات بي صيد البلطي على طريقة الحرفاء جدا .. .. أحسن مكان ممكن تصطاد فيهو سمك .. تحت القيفة بتاعت مسجد النيلين .. بس على شرط تخلي البحر ينزل شوية كدا .. والشرط التاني .. تشرك للسمك بدون فلة وتكتر الصارقيل .. لانو السمك في الحتة دي بيبلع ما بيقزقز ..
سلامات يا فضل كرار .. أحسن سمك في أمدرمان في الموردة .. عند شعيب جوه الحلة جنوب ميدان أبوعنجة بيفتح في خور أبوعنجة.
| |
|
|
|
|
|
|
Re: أحسن محل في الخرطوم ......... (Re: tmbis)
|
Quote: تعرف في مشيتي السنة الفاتت مشيت الدويم .. جمب المعدية بتاعت الدويم كان في شباب كتار جدا قاعدين يشركة .. تخيل فووت ليك البنطون دا زي تلاتة مرات كدا .. بعدما استمتعته من سبعة سنوات بي صيد البلطي على طريقة الحرفاء جدا .. |
مزاج رائق جداً يا رائق
وللفائدة نقتبس :
Quote: صيد السمك: هي أجمل هواية تجمع بين متعة التأمل ومتعة الصبر, هي من ابلغ الهوايات الانسانية اتساما بالحكمة وطول البال وتُحدثنا الذاكرة بان امهر صيادي السمك هم العناوين البارزة في تمضية وقت خاص جدا وطويل لا يحتمله الاخرون، نحن اذن امام مدرسة تعليمية واذا اردنا شيئا من المبالغة نقول نحن امام مدرسة فلسفية تحسن لوحدها معنى التأني ومعنى عدم الياس، انها نظرة امل متيقنة من النتائج الايجابية مع ان تلك النتائج من علم الغيب او هي في بطن البحر |
Quote: أحسن سمك في أمدرمان في الموردة .. عند شعيب جوه الحلة جنوب ميدان أبوعنجة بيفتح في خور أبوعنجة |
نجرب إنشاء الله يا علاء وأكيد بيكون يستحق
| |
|
|
|
|
|
|
Re: أحسن محل في الخرطوم ......... (Re: Fadl Karrar)
|
Quote: لكن بالجد كدة لو دايرين عصير ليمون ..امشو ركن سوق الموردة قدام الخور ...رهيب شديد ..وح تجو تقولو لي شكرا .. |
دا عمك الدنقلاوي يا عتيق .. اسمو الدنقلاوي .. دا اختر ليمون في الدنيا .. تعرف زمان لما الدافوري يكون خطير .. بعد الدافوري بنجي جاريين جري ليهو .. تضرب ليك (كــوز) بتاع ليمون بسرعة كدا وتكون كاتم نفسك .. بعداك .. بتحس بي صداع كدا شوووية .. يللا بعديهو الليمون بشتغل .. لانو بكون طلع الراس مباشرة تمشي ليك كم خطوة كدا وتقعد في الواااطـة .. عشان الدم يتوزع كويس في عروقك ..
| |
|
|
|
|
|
|
Re: أحسن محل في الخرطوم ......... (Re: tmbis)
|
لو تم توزيع خارطة الخرطوم للمأكولات والمشروبات أكيد منطقة أم درمان ح تكون من نصيب تمبس ونقطة الإرتكاز ( خور أبو عنجة )
ــــــــــــــــــ أصلو كل حريف عندو خور ويا حليل اب عاج وخور عمر
| |
|
|
|
|
|
|
Re: أحسن محل في الخرطوم ......... (Re: tmbis)
|
سيد البوست ازيك ..
غايتو احلى فته بتاعت فول اكلتها السنة الفاتت ..
قالوا أسمها فتة الحرامي .. اظنها فى السجانة ولا الحلة الجديده ماعارفه .
تعرف الفته دي فيها مايونيز وزيتون .. وحاجات كتيييييرة ...
تأكل لمن الله يغفر ليك ....... والغريبة الصحن لسه بكون مليان ...
ما عارفة ليييه سموها فتة الحرامي ..
| |
|
|
|
|
|
|
Re: أحسن محل في الخرطوم ......... (Re: عفاف الصادق بابكر)
|
Quote: غايتو احلى فته بتاعت فول اكلتها السنة الفاتت .. قالوا أسمها فتة الحرامي .. |
عليك الله يا عفاف المحل دا وين ؟؟؟؟ إسم المحل شنو ؟؟ جمب شنو ؟ أي معلم بارز : جامع ، مزيرة ، طلمبة بنزين أي حاجة توصل
Quote: والغريبة الصحن لسه بكون مليان |
بسم الله الرحمن الرحيم
يا زولة قولي كلام تاني
| |
|
|
|
|
|
|
Re: أحسن محل في الخرطوم ......... (Re: gamal elsadig)
|
والله ياشباب انتوا احلى ناس انا غايتوا بتذكر زمان كان احلى محل سمك صاحبوا واحد اسموا احمد وبنقول لية احمد دارمالى
توفى رحمة الله وكان فى شارع المعونة قرب محل استيلا الأن وبعد دا مابعرف تى حاجه غير ابو روف جنب البحر يوم الجمعه ودمتم بعافية
| |
|
|
|
|
|
|
Re: أحسن محل في الخرطوم ......... (Re: sari_alail)
|
sari_alail .. كيفنك يا زميل الفتة ..
Quote: الحرامي دا في الحلة الجديدة .. حلتنا |
غايتو هى قالو موية فول ومعاها شوية فول .. فتة مبااااالغة .. تتكون من: سلطة روب .. مايونيز .. زيتون ... سلطة طماطم .. وزيت سمسم .. وحاجات كتييييييرة
حاجات مباااالغة .. امى رحمة الله عليها اول ما اوصل السودان بتقول حضروا لى عفاف فتة الحرامى ..
وطبعا انا كنت مستغربه شديد للاسم ده .. لكن منتظرين الــ :
Quote: و محمد الحرامي سيد الاسم .. الزول دا داير ليهو بوست براهو |
بوست ومعاهو صحن كاااارب بالله ..
وأسألوا لييييه الفتة بتاعته ما بتكمل من الصحن ... انا جاااده والله ..
| |
|
|
|
|
|
|
Re: أحسن محل في الخرطوم ......... (Re: Fadl Karrar)
|
Quote: احسن زولة بتعمل شاي في كوكب الارض والكواكب المجاورة
قاعدة قدام مركز السودان للقلب ..
يقلّل الكلستورل وينشط ضربات القلب ويغنيك الدخول للمركز.. |
لوووووووولز يعني الجماعة لو كان بيزوروها بره ماكان دخلو جوه
احسن قدو قدو وين
تحياتي
زاتوووو
| |
|
|
|
|
|
|
Re: أحسن محل في الخرطوم ......... (Re: ALZOLZATOO)
|
Quote: ابوي كان بقول لو عاوز محل الاكل المظبوط اسال بتاعين التاكسي |
ياحبيبي الكلام ده في زمن ابوك اسع لو سالت بتاعي تاكسي ممكن يضاربك عديل كده
ياود كرار ياخي انا جيت من السودان قريب جربت الباسطة بتاعة احسن مكان في امدرمان ماعجبتني
ارجو الافادة مطعم سلوتير وامواج 100%
تحياتي
زاتووووو
| |
|
|
|
|
|
|
|
| |