|
Re: الجالية السودانية بفيلادلفيا تتحدث ..الآن لكم ان تقولوا: لقد أصحبت لنا دار. (Re: عليش)
|
صديقنا الذى يأتينا من نيويورك الاستاذ اسامة خلف الله عندكم فى مبنى كبير وفى موقع من أهم المواقع فى نيويورك للنوبيين يسيطر عليه نفر لا نعرف تفاصيلهم وكان بامكان الجالية السودانية الإستفادة منه... كدى فتش لى الموضوع دة عشان نثيره... كان السفير المجرم الفاتح عروة يستعمله للقاء بجالية الكيزان حسبما سمعنا.. يللا انت كمان ارفع معنوياتنا زى ناس فيلى..
لك الشكر
نورالدين منان
| |
|
|
|
|
|
|
Re: الجالية السودانية بفيلادلفيا تتحدث ..الآن لكم ان تقولوا: لقد أصحبت لنا دار. (Re: محمد الفاتح خالد حسون)
|
مبروك ياعمر وياناس فلى الحلوين
وكل عام وانتم ناجحين وطيبين
شايف عمر حبيب وداؤد فى الصورة بالله تحياتنا ليهم..
وين الفاتح ابراهيم واخونا عبد العزيز دينق والله الزول دا انا شايل همو فى ارهاصات الإنفصال دى!
كيفك ياصديق عبد الهادى
الدار دى ذكرتنى بى شمطتك مع الفلسطينى يوم اجتماع ناس محمود رزق (والله ايام)!
أها داركم دى وين موقعا وان شا الله يكون فيها غرف ضيافة عشان ننزل ملح ههههههه
مرة شريف قال لداؤد ياخى انت من عرب جبل اوليا داؤد ببديهة سريعة قال ليهو انت قاصد خضر اما نحنا من داون تاون جبل اوليا هههه
ألف مبروك مرة تانية
| |
|
|
|
|
|
|
Re: الجالية السودانية بفيلادلفيا تتحدث ..الآن لكم ان تقولوا: لقد أصحبت لنا دار. (Re: HASSAN HAYDAR)
|
ياجماعة شكرا جزيلا وبلا حدود وكتر خيركم كتير على المشاعر الصادقة والكلمات الطيبة . جاليتنا بفيلادلفيا قاعدة وقيادة تحصلت ليس فقط على مبنى كبير ليكون دارا للحاضر والمستقبل ,وإنما مارست باجمل مايكون اعلى درجات النشاط والتضامن تلك القيم الشعبية السودانية الاصيلة بالإعتماد على النفس , , وايدى وايدك ,قرشى وقرشك , جهدى وجهدك وروح النفير لشراءهذه الدار . انه جهد خالص للسودانيين والسودانيات واطفالهم بمدينة فيلادلفيا .. وكرما منكم ان تفرحوا معهم ... مع خالص التقدير ..سنعود إن شاء الله للرد عليكم فردا فردا
| |
|
|
|
|
|
|
Re: الجالية السودانية بفيلادلفيا تتحدث ..الآن لكم ان تقولوا: لقد أصحبت لنا دار. (Re: Hafiz Bakhit)
|
سلامات شاعرنا المرهف الإحساس محمد الفاتح ونهديك من الأشواق الحارة بأكثر مما قدمته لنا
لقد حضرنا هنا لنحتفل مع جالية فيلي العظيمة وهم ممن إجتهد ووجد ولكل مجتهد نصيب... لذى ندعو الجميع لحذو الطريق وشحذ الهمم
ولا غرابة... فبالأمس قررت الجالية الأسلامية بـ Alentown القريبة من فيلي شراء مبنى ضخم لكنيسة قديمة وتحويلها لمسجد كان لي شرف الصلاة فيه
نحن نصلي في وسط بوسطن تحت كنيسة تريمونت... فلم لا نشتري أحد المباني المجاورة ونعلم أن مركز بوسطن الأسلامي هو نتاج لجهود كثيرة بذلت وأموال جمعت وصرفت خير صرف وزيادة الخير خيرين... وهنا نشكر أهل فيلي لفتحهم لنا الطريق وعلينا أن نسير
هنيئاً لهم!
وتســـلم،،،
| |
|
|
|
|
|
|
Re: الجالية السودانية بفيلادلفيا تتحدث ..الآن لكم ان تقولوا: لقد أصحبت لنا دار. (Re: Mohamed Yassin Khalifa)
|
Quote: سلامات شاعرنا المرهف الإحساس محمد الفاتح ونهديك من الأشواق الحارة بأكثر مما قدمته لنا
لقد حضرنا هنا لنحتفل مع جالية فيلي العظيمة وهم ممن إجتهد ووجد ولكل مجتهد نصيب... لذى ندعو الجميع لحذو الطريق وشحذ الهمم
ولا غرابة... فبالأمس قررت الجالية الأسلامية بـ Alentown القريبة من فيلي شراء مبنى ضخم لكنيسة قديمة وتحويلها لمسجد كان لي شرف الصلاة فيه
نحن نصلي في وسط بوسطن تحت كنيسة تريمونت... فلم لا نشتري أحد المباني المجاورة ونعلم أن مركز بوسطن الأسلامي هو نتاج لجهود كثيرة بذلت وأموال جمعت وصرفت خير صرف وزيادة الخير خيرين... وهنا نشكر أهل فيلي لفتحهم لنا الطريق وعلينا أن نسير
هنيئاً لهم! |
الاستاذ والترجمان الخبرة محمد يس الخليفة
كيفكـ يا غالي
نعم هنيئاً لهم وحقو نعتز بي كل مَن قال ... فعل ...اللهم اجعلها من خير الديار
ونحنا في بوسطن نخطو نحو الدار في شكل دائري كما قال الشاعر ولكن بخطي حثيثة
وانت يا أخ محمد بسلم عليك باشمندس حيدر يس من بروكلين
بتجينا صادي في بوسطن وان طال السفر
محمد الفاتح خالد والشكر لصاحب البوست
| |
|
|
|
|
|
|
Re: الجالية السودانية بفيلادلفيا تتحدث ..الآن لكم ان تقولوا: لقد أصحبت لنا دار. (Re: Elbagir Osman)
|
Quote: الف مبروك يا ناس فيلي منارة الوعي التقدمي وسعيدة انا ان تم هذا الانجاز في عهد الجسوره ذات الاراده الحديده الاستاذه المحاميه ايثار ابو طه. وكوكبه مقدره منهم كنداكة آخرى وصال عبد الله.... فخورة ان بكم يا ناس فيلي...و برجالكم ونسائكم. |
وهناك ايضا فى قيادة مجلس الجالية الاستاذات مها السبكى , سوسن عبد الله معليش ياجماعة ..... ladies first ياسلام عليهن وشكرا ليك ياتراجى للحقيقة دار الجالية السودانية بفيللى هذا الجهد العظيم قام اساسا بجهد النساء والحاحهن المتواصل بضرورة وجود دارللجالية لجمع الناس وتعليم الاطفال ورعاية الشباب وتوج وهن على قيادة الجالية ...لهن التحية وكل التقدير الناس ديل نقولهم النساء ديل ياهن طاقة الدنيا .. وهن المحركات كل شى , وشايلات التقيلة قبلكم ومعاكم واكتر يقولك لع , ما كدا, وعييك ,وعاك..وعوووك وشنو وشنو ! واهو الحمد لله عندنا مثال ساطع قدام من يريد أن يرى تحياتى وكل الود ومعزومة مقدما لحفل الافتتاح بإذنه تعالى
| |
|
|
|
|
|
|
Re: الجالية السودانية بفيلادلفيا تتحدث ..الآن لكم ان تقولوا: لقد أصحبت لنا دار. (Re: عمر ادريس محمد)
|
دار الجالية السودانية الامريكية بمدينة فلادلفيا وضواحيها سيكون مقراً لنشاطات الجالية المختلفة الاجتماعية منها والثقافية والتعليمية والرياضية، ويتمتع بذلك كل اعضاء الجالية.
سوف يحتوى دار الجالية علي الاتى:
* صالة إجتماعية مجهزة بجميع المعدات التى تساعد على قضاء وقت ممتع بداخل الدار مثل: تنس طاولة ، طاولة بلياردو ، وطاولات اخري ....... تلفزيونات واطباق لاستقبال القنوات الفضائيه والقنوات الامريكية
* بوفيه او مطعم صغير لتوفير الماكولات السودانية والامريكية
* مكتبة ثقافية تعليمية
* صالة كبيرة مجهزه للمناسبات (افراح ،احتفال بالاعياد ، .......)
* مكاتب مجهزة لإدارة انشطة الجالية المختلفة
* Day Care - حضانه للاطفال
* مدرسة لتعليم اللغة العربية ، التربية الاسلامية ، والتراث السودانى.
* جمعية تعاونية لتوفير السلع التمونية باسعار مغرية للاسر والافراد مثل: اللحوم الحلال : ضان ، بقر ، دجاج منتجات الالبان : اللبن، اللبن المجفف، الجبنة البقوليات: فول ، عدس ، فاصوليا ........ الزيوت: زيت السمسم ، ........ الحلويات ، واشياء اخرى
* قاعة للكمبيوتر واخري للاجتماعات conference room
| |
|
|
|
|
|
|
Re: الجالية السودانية بفيلادلفيا تتحدث ..الآن لكم ان تقولوا: لقد أصحبت لنا دار. (Re: عمر ادريس محمد)
|
تحياتى الاخ عمر لك ولكل الضيوف
وصلنى الاميل التالى من شقيقتى نجاة سيد احمد
Quote: والان لكم ان تقولوا أصبحت لنا دار، كان فرحى عظيم لسماع هذا الخبر وأنا فى وطنى ألام السودان نسبة لتحقيق هذا الحلم الذى كانت أول لبناته مع اول لجنة وكان شخصى الضعيف السكرتير العام للجالية السودانية وهذا للتاريخ وعشان كمان ندى كل ذو حق حقه تمت اول لجنة دار فى عهدنا الاول ولهم جميعا الشكر لما قاموا به من جهد لجعل هذا ممكن .بعد الشكر للسيدة تيلمان بالقاءها لكلمة فى نهاية الاجتماع وشكرها لجاليتنا السودانية الامريكية بولادة اللحظة الاولى للتارخ لكن سؤالى ليها من هم السبب فى جعل هذا ممكن ؟؟؟ وللتاريخ تم تسجيل الخطوات الاول فى السيتى فى اول لجنة كنت انا فيها السكرتير العام وده حق ارجوا عدم تجاهل كل من ساهم فى هذا وعلى مااذكر اللجنة التى كانت تضم مجموعة من شرفاء فلى الذين سقط اسمهم سهوا رقم شغلهم الدوءب لجعل الدار حلم قد تحقق الان كما لايفوتنى الشكر لكل اعضاء الجنة التى تم فيها تسجيل الدار فى البلدية وهم كثر واخصص الشكر للمربية الخالة عواطف لما قامت به من عمل مشرف وجمع للمال فى اوقات متاخرة من ليالى شتاء فلادلفيا بطرق الابواب لجمع المال وجعل هذا ممكن لها الانحناءا والاجلال واخيرا التهانى موصولة لكل من ساهم بوقتة وداره لعقد اجتماعات الدار الاولى كما العزر لكل من سقط اسمه سهوا ام عنوة لهم العتبى حتى يكون الدار للجميع بدون خيار وتلميع للبعض واقصاء للذى كانت النواة الاولى على ايديهم التى كان هدفها دار تجمع كل الوان الطيف السودانى واخيرا لكم الشكر ولو رجعنا تانى لفلى الدار دارنا ومن عرق جبينا وساهمنا فى تاريخه بحر مالنا وجهدنا وكونا اول نواة لها يعنى ح نجى داخلين من غير احم ولادستور وهذا للتاريخ بس عشان اسمن سقط سهوا حقنا مابنخليه يروح مع العلم انا حقى فى سودان السجم دة مابخليه
وشكرا ليكم جميعا
نجاة سيد احمد الشيخ على
|
| |
|
|
|
|
|
|
Re: الجالية السودانية بفيلادلفيا تتحدث ..الآن لكم ان تقولوا: لقد أصحبت لنا دار. (Re: عمر ادريس محمد)
|
اقتباس:- "دار الجالية السودانية الامريكية بمدينة فلادلفيا وضواحيها سيكون مقراً لنشاطات الجالية المختلفة الاجتماعية منها والثقافية والتعليمية والرياضية، ويتمتع بذلك كل اعضاء الجالية.
سوف يحتوى دار الجالية علي الاتى:
* صالة إجتماعية مجهزة بجميع المعدات التى تساعد على قضاء وقت ممتع بداخل الدار مثل: تنس طاولة ، طاولة بلياردو ، وطاولات اخري ....... تلفزيونات واطباق لاستقبال القنوات الفضائيه والقنوات الامريكية
* بوفيه او مطعم صغير لتوفير الماكولات السودانية والامريكية
* مكتبة ثقافية تعليمية
* صالة كبيرة مجهزه للمناسبات (افراح ،احتفال بالاعياد ، .......)
* مكاتب مجهزة لإدارة انشطة الجالية المختلفة
* Day Care - حضانه للاطفال
* مدرسة لتعليم اللغة العربية ، التربية الاسلامية ، والتراث السودانى.
* جمعية تعاونية لتوفير السلع التمونية باسعار مغرية للاسر والافراد مثل: اللحوم الحلال : ضان ، بقر ، دجاج منتجات الالبان : اللبن، اللبن المجفف، الجبنة البقوليات: فول ، عدس ، فاصوليا ........ الزيوت: زيت السمسم ، ........ الحلويات ، واشياء اخرى
* قاعة للكمبيوتر واخري للاجتماعات conference room . --نهاية الاقتباس----
الف مبروك لهذا الانجاز وفعلا النجاح ممكن. و يستاهل السهر والاصرار عليهو. بس قرضوا على كدة يا ود ادريس
هاشم الحسونى
الاربعاء 01/12/2010 سيدنى.
لحاق بعيد:
البرنامج الفوق مالو مافيهوا حملات نضافة الحى ولاحملات تطعيم ضد المراريا!!!!!.
تسلمو يالحبيب و سلام معظم لكل من بذل جهدا فى هذا الانجاز
| |
|
|
|
|
|
|
|