|
Re: هييييييييييييييييييييييييع (Re: بدر الدين الأمير)
|
ود الامير
عنوان جامعيات يحرضن على البطان وعندهن مستشار قانونى اسمه ود شيقوق يشق عليه ان يتقدم ويتحضر البشر وحا ارسل منها نسخة للامين العام للامم المتحد ة
حضارتنا عنج عنج عنج كريمو القطران بس
ات فاكرنا اكالين بيتزا وكنتاكي ؟ ولا بنقرش التسالي في السينمات ؟ ولا بنعوم في الجاكوزي
| |
|
|
|
|
|
|
Re: هييييييييييييييييييييييييع (Re: خالد المحرب)
|
Quote: حضارتنا عنج عنج عنج كريمو القطران بس
ات فاكرنا اكالين بيتزا وكنتاكي ؟ ولا بنقرش التسالي في السينمات ؟ ولا بنعوم في الجاكوزي |
ود شيقوق انت التخنقك عنكوليبة تريحنا من سناحتك يالمسنوح لكن مسؤل من الخير صاحبك دنقلاى بحرى سعادة المستشار حسن طه مالو ما جا حايم هنا اكيد مطفشو ود الباوقة جعلى الرياض الدايرين ننقلو للحضارة وهو متخرت منها زيك
| |
|
|
|
|
|
|
Re: هييييييييييييييييييييييييع (Re: بدر الدين الأمير)
|
البدري
انت التخنقك عنكوليبة تريحنا من سناحتك يالمسنوح لكن مسؤل من الخير صاحبك دنقلاى بحرى سعادة المستشار حسن طه مالو ما جا حايم هنا اكيد مطفشو ود الباوقة جعلى الرياض الدايرين ننقلو للحضارة وهو متخرت منها زيك
لالالالالالالالالالالا خالي حسن طه مشغول بالاراضي حالف يموت ويترك اولاده اغنياء واثرياء فهو مستلهم قول الحديث ( انك ان تترك ورثتك أغنياء خير من ان تتركهم فقراء يتكففون الناس)
الخال شغال للدنيا والاخرة يا سجم الرماد مش زيك
| |
|
|
|
|
|
|
Re: هييييييييييييييييييييييييع (Re: الطيب شيقوق)
|
Quote: الشايقي اخوي وحاتك اكان الفهم بتقاس بالركزه لي الصوت انت المفروض تاخد 100 جلده انماهي لغه يعبر بها اناس بسطا عن مشاعرهم التي ادمنت الالم في كل خطوات الحياه التي يعيشونها هو تحدي لكل شئ وصرخه قويه بعد الموت في شنو ؟ لكن الافظع من الموت هو الالم ديل بلاقو الموت بي صدورهم والالم لغة الفرح عندهم وشعارهم طالماهم احياء عدم الانصياع هو تمرد علي طبيعه قاسيه وكانها لغة الغاب والبقاءللاقوى |
بت أب حريرة يعني أنا كان حلف علي خالد المحرب قلت باخد سوط وبرقد لي فوق رأي.... تجي يا أختي الكان رأي ألوذ بي حماك،،، وأقول ليهو كفى أنا في حمي بت أب حريره.... تقومي تقولي لي
Quote: الشايقي اخوي وحاتك اكان الفهم بتقاس بالركزه لي الصوت انت المفروض تاخد 100 جلده |
يعني أقوم أغني وأقول: جينا لي مكة تغنينا ،،، تقوم تقلع طواقينا...؟؟؟؟ من وين يا أختي أجيب ضهر لـ100 سوط..؟؟؟ يا الله الله قاعد أرقد عليهو لامن يصبح الصباح ليوم شقاء جديد..!!! تقولي لي 100 سوط.....
الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: هييييييييييييييييييييييييع (Re: Al-Shaygi)
|
Quote: يلا إن عندك سوط أعطنه في القطران إلى يوم اللقاء... |
اقترح ان يكون اللقاء في السودان
عشان هنا يمكن تقوم تسويني في دية
110 الف ريال ...
وشوكرن
Quote: ود الباوقة ما تتلايق مع ود الأمير ده ده زول متحضر وبيدخن سيجار هافانا،، مش السجاير حقتنا دي |
غايتو كان بدخن جقاير هافانا
دا ما زول سوط
عافي منو لله والرسول
| |
|
|
|
|
|
|
Re: هييييييييييييييييييييييييع (Re: Al-Shaygi)
|
Quote: ما دام لسه بعثي مالك ومال القراي أم دق..!!! إلعن أم المصالح.... |
يا زوا انت راميك جمل
كلمة جقاير موجوة في الكويت وسوريا والعراق
وكان هذه الكلمة بتجعلني بعثي اعتبرني قائد في حزب البعث
ما تزوغ من السوط
لازم مكربج مكربج ....
| |
|
|
|
|
|
|
Re: هييييييييييييييييييييييييع (Re: ود الباوقة)
|
Quote: ود الباوقة ما تتلايق مع ود الأمير ده ده زول متحضر وبيدخن سيجار هافانا،، مش السجاير حقتنا دي..!!! أنا وكيل ود الأمير بالرياض وعلى أستعداد للبطان معاك أنا سوط وإنت سوط لامن واحد فينا يقول: وااااااااااااااااي وبديت بي روحي.... أهه رأيك شنو؟؟؟
يلا إن عندك سوط أعطنه في القطران إلى يوم اللقاء...
|
يا شيخ العرب سلام
وكيف حالك والوليدات ان شاء الله طيبين والعيد مبارك عليكم
ياخى راجع الخاص انا والله من امس منتظر ردك، علّ المانع خير؟؟؟
تحياتى لك وللاسرة الكريمة بلا حدود
_________________
ياخى خسمتك بالرسول إن بقى السوط الدقيتنى بيهو فى الفرش فى ربوب موجود عندك تديهو ود الشايقى وود الباوقة والرهيفة التنقد انا باقى على الطلاق لا هسع حسسو معاى.
تحياتى لك بلا حدود
| |
|
|
|
|
|
|
Re: هييييييييييييييييييييييييع (Re: على احمد النعيم)
|
Quote: يا شيخ العرب سلام
وكيف حالك والوليدات ان شاء الله طيبين والعيد مبارك عليكم
ياخى راجع الخاص انا والله من امس منتظر ردك، علّ المانع خير؟؟؟
تحياتى لك وللاسرة الكريمة بلا حدود
_________________
ياخى خسمتك بالرسول إن بقى السوط الدقيتنى بيهو فى الفرش فى ربوب موجود عندك تديهو ود الشايقى وود الباوقة والرهيفة التنقد انا باقى على الطلاق لا هسع حسسو معاى.
|
الاخ على النعيم لك التحيه والعيد عندك اخونا على النعيم يا هجو جعلى معاك فى الدوحه اتلاقينا زياره فى السودان مشينا رحله زولك اتكربج علينا وقال الا يبنضرب سوط قدر ما قلنا ليه ات زول ضيف معانا ما بنضربك زولك قال حرم الا يندق بعد ذلك انا قت الجعلى حرم ما اسوى ليه شيتا نى طاب اما نه ما اديتوه حقو تب لكن ما كنت مقتنع انى اضرب ضيف لكن الجعلى لبنو فايت روبو اسوى ليه شنو
| |
|
|
|
|
|
|
Re: هييييييييييييييييييييييييع (Re: هالة الأقرع)
|
Quote: هيييييييييييييييع البوست جاب خالد المنسى |
كيفن مابجي واحت ابوي أن بمشي الكي كدي وبرمكي العيال تومي يا علي
وشدو لي الحصان الشيوخ برّو وين المتلو هو وين البشبهّو ياود العزيز الجماعة جو واسلم لي علي بضوي ساحة ابو
انت حبت سيرة الدلوكا والبطان وطلقت شعرة جلدنا م######ة قالو الدلوكا لما تدق خلي البني آدم الحمار بتجيي شعرانية
يحردن بنات عمي تدق الدلوكا وما اخد لي سوطين والله يا ود الامير لو دقت في بطن بودابست عاصمة المجر في اكبر ميادينها إلا اقلع واخد لي سوطين واحمد ولدي ياخد سوط افو انت الله ما ليك تخلف كان بقى البطان تخلف خلونا في تخلفنا دا امشو انتو ان شاء الله تجو الاوائل ونحن بنجي وراكم بعد ما نكمل دلوكتنا وبطانا هييييييييييييع ومحل رهيفة تنقد
| |
|
|
|
|
|
|
Re: هييييييييييييييييييييييييع (Re: خالد علي محجوب المنسي)
|
Quote: ابو احمد حبابك واليوم السعيد الليله جابك اخونا هجو وفلذة كبده هاله من يومي متبخابته بيهم لكن صدقني الامير ده تحت تحت ليه فهم كبير ومافي شي بوضح الامور غير عرس نديده محمد الاقرع ويجي ود الباوقه ومقصه فيهو يحلف عليه يخت حق الخوة والنداده وينجلد صوتين |
يا سلااام امانة بوست المحرب ما نكت ناسا كانت غائبة هسي مايقول كدي اجيب بت ودطلحة كيفك يا عفاف لعلك طيبة وعافية درت قالوا الدق سداد ود الباوقة بركز ديل ناس دواس ود الامير بيأكل السوط الاول بعدها بمسك السوط ويقول يازول انت متخلف بتجلد مالك تحياتي لكم اسرة طيبة
| |
|
|
|
|
|
|
Re: هييييييييييييييييييييييييع (Re: هالة الأقرع)
|
العم طارق ميرغني
يسعد مساك و يا رب دائماً ضاحك و مبتسم
الخالة عفاف أبببببببببببببببببببببببشري
دايرين زغاريد تشقُ منحنيات و مرتفعات و منخفضات المنبر من هنا لي نيمولي
عشان العرضة و السوط يسخنوا
| |
|
|
|
|
|
|
Re: هييييييييييييييييييييييييع (Re: هالة الأقرع)
|
العم خالد
و الله علي ده السنة دي بالذات راجين منو يجلد العلم جلد صاح
عشان ما يجلد جيوبنا
الزميل والأخ الأصغر ود الأمير
صحيح إني خريجة و بنادي بلا للجلد و السوط
لكن كان لقيت الفُرجة ما باباها
| |
|
|
|
|
|
|
Re: هييييييييييييييييييييييييع (Re: هالة الأقرع)
|
التحية للجميع ضيوفنا الاكارم ، معليش انشغلت شوية ببوست عطبرة الثانوية ، اها المهم عمى لزم الشيخ ود فرح ، هذا الرجل فى صباه تقريبا ركز لكل من تزوج قبله ، وهو معروف عنه انه اذا اداك سوط غايتو لله يكون فى عونك.
المهم عمنا ده تزوج و الشباب شال هم على ايامهم ما فى SICK LEAVE المهم فى يوم زواجه اول من تقدم له عمنا العبيد ود على ، حكى لى هو شخصيا ، قال ركزت وانا عارف انو عمك يده مسمومة ، عمنا عبيد قال احسن اركز من بدرع و اتخارج ، قال الشيخ تقدم على و الزغاريد ارتفعت اها قال مع السوط الاول شعرت وكان نصفى تخدر تماما و لكنى ركزت و ثبت قال لما وصل السوط التالت ، جاء اخو العريس وقال خلاص ادى فرصة للشباب ، المهم عمنا عبيد و على قال انا اربعين يوم مش قادر ارقد على ضهرى . قال خرجت من الحلفة وقال غايتو لقيت نفسى عند اهلى مش عارف وصلت البيت كيف .
عمنا الشيخ حفظه الله الان تحطى ال80 مازال محافظا ماشاء الله ، هذه الرجل متعه الله بالصحة كان له فضل تعليمى الحراثة و كيفية استخدام المحراث ، وكان يقول لى اذا لم يشرب الحوض الاخير مع الاول فان ارضك مبرجلة و حراثتك فاشله ، اها خلونى اشكر نفسى كان يقول بعد سفرهجو تانى ما فى زول ريحنى فى الحراثة.
| |
|
|
|
|
|
|
|