يا عادل عبد العاطي يا حبيب . . تسمح ؟

Quote: تعرف قصة ربطك المخل للكلام القالو نقد للخاتم ، مع القالو هنا دي ذكرتني بالزول الداير يبقى عالم و يخت ليهو نظرية سلفقة ساي . . قام جاب ليهو قعونجة و مشرط و شرع في تجربتو العلمية . . خت القعونجة في التربيزة و ضرب التربيزة بكفو ، فقامت القعونجة نطت . مسكا قطع ليها كراع . . كرر التجربة اربعة مرات لمن القعونجة عدمت الطرف . . خبط التربيزة للمرة الخامسة . . طبعا القعونجة المرة دي ما نطت !! كتب ملخص النظرية : " القعونجنة لو قطعت ليها كرعينا الاربعة، بتبقى طرشاء تماماً "

Quote: حلوة دي ...

نفس المصدر السابق
و بديهي انو ( الناس ) بتختلف في رد فعلها ... فيهم الناس البعلقوا ( حلوة دي ) او مضحكة... اللخ اللخ ، و فيهم البضحك لمن الضحك يشرطو ... شفت كيف الصورة جميلة لمن بتكون بألوان قوس قزح ؟
ليه يا عادل مستبعد العلاقة الانسانية بين شيوعي و حقاني !؟ ما الناس بتتلاقى في آفاق انسانية ارحب من ضيق ( السياسي ) دا ياخ !؟ ... ياخ كلمة [ قيقا ياصاحبنا ] الظاهرة في آخر اقتباسك انت دا، ما أداتك اي احساس بـ ( الرحمة ) على المخلوق، الي هو برضو من [ الناس ) المذكورين اعلاه بالمناسبة، اذا بتريد !؟
يا عادل ياخ خليني اسألك انت زي ما سألت اخونا الصادق الي هو صادق جداً بالنسبة لي ما زي ما نفيت عنو انت :

Quote: هل انت تدرى ما تقول ام هو رص كلام ( مثقفين ) والسلام ؟؟

انت مستدرك ( فداحة ) الـ ( الكلمات ) و مقتنع بأنها حية و لّ مجرد ( كلام ) ساي !؟
[ قيقراوي اخوي ] استاذة منى خوجلي، [ الاخ/قيقراوي ] انت دا ذاتك، [ يا قيقا ياصاحبنا ] د. شذى
تفتكر دي كلمات ساي !؟
يا عاااااااااااادل !!! ( مش ( الكلام ) ساهل، و كان ممكن اعكس ليك ( معنى اسمك ) زي ما سويت مع الصداق ) لكنها كبيرة، ولن افعلها ما حييت
انقر ليه ؟
لأني ما قاضي ...
و لا فاضي ( ما هو انت بتعرف تهزر يا هو دا حامينا، مالك طيب !؟ ) ... و الحكمة بتقول [ لو بدأت في تقييم الناس، لن تجد الوقت لكي تحبهم. ] فاخترت التانية و دخلّتها في عنوان البوست ... او ربما البت تيسير تكون صدقت كعهدها، و اكون لقطتها من اصحابها ... الانسان إبن بيئته ... و انا ابن تلك الديار .
و الله على ما أقول شهيد
ياخ ما لقيت في كل القواميس غير كلمتي ( الحق و العدل ) ديل، عشان تنفيهم عني ؟
يا رجل !!؟
أجل كدا اقوم اشرّط شهاداتي و اشوف لي ( مهنة ) تانية. رغم اني احب المحاسبة !!
يا عادل مهنتي الحالية دي جوهر فلسفتا قائم على ( العدل و الحق ) بالضبط ... شفت كيف ؟
و اداتها معرّفة في الاستيتمنت الجبتو ليك داك ( من كتاب المطالعة البي الانقليزي داك كان اسمو شنو هو ؟ ... نايل كورس ! ما من كتاب المحاسبة ذاتو ... شفت كيف ؟ يعني معرفة ابتدائية ساي )
يعني زعمك دا بنسف أي حاجة زي ما انا قلتها ( اكيد بتكون قريتا كالعادة على اساس انها ( كلمات ساي !؟ ) ...
يا عادل ( اللغة ) دي حاجة خطرة جداً، عليك الله اديها حقها ... ما تخرب ليك بيت زول ( ساي ) !!
انت هددت ( مهنتي ) ذاتها، مش بس وظيفتي الحالية ( المجازف بيها حالياً بالمناسبة، و خاتيها في المحك بسرقة الخط اثناء ساعات العمل الرسمية ) !!
ما خليت لي حل تاني يا عااااااااادل !!!

وداعاً يا شباب و الى لقاءات في براحات ارحب في فضاءات الوعي و الابداع
اكيد ح اوحشكم ( دي متأكد منها ) و انت برضو ح توحشوني خالص
بس ندهت شيخي د. تاج السر جعفر
خذ من دمي ملء ما وسعت يداك و لا تحدثني عن ( الحق و العدل ) انا دا !!
فدي لو ما بعرفا ، اجل عايش لي لحدي اسي ... ما انتحر اسي دي !!؟
محبة للجميع
اعفو و اصفحوا عن اخوكم و مثلكم اهل للعفو عن الخاطئين
و انا عافي ليكم كلكم قيقا ما بخبر زعل ... يزعل من شنو و يزعل في شنو ؟
الـ G يعني الجمجمة و الـ D يعني الدماغ
فيا شفت زعل ما معانا اخوك مكبر الجمجمة و مروق الدماغ
لوح بإبتسامة و قال مع السلامة

غير المسكوت عليه

Quote: بالنسبة لي يا بكري الكلام دخل الحوش و يندرج تحت غير المسكوت عليه السلام عليكم و رحمة الله و بركاته مع ملاحظة : اني المرة دي فعلاً مديك قفاي بعد ما اصابتني هاء السّكت - تو ايس ! فرغ طبنجتك كووولها و انفخ عليها لتبرد براحتك . . هوو كيرز !؟ . . . و إن عدت ماني عايد قيقراوي . . . قيقراوي محض اسم افتريتو دون ابائي الاولين . . . قطعتو من ن ن سفنجاتي ديل !! . . . و انتفت شروط وجودو ابتداءاً . . . المرحوم كان " توق و ترميز " في مسارب الهويلوجيا ما أكتر! . . شفت كيف يا بدوي ؟