يا عادل عبد العاطي يا حبيب . . تسمح ؟

Quote: وقيقراوي اللفظي الا محاولات بائسة للدفاع عن وائل / محمد ناصر ومن ورائهم الحزب الشيوعي البائس الذي عوّد عضويته على هذه الممارسات القذرة بل يستخدمها في داخله بدلالة شهادة واحد من ارفع اعضائه وهو الاستاذ يوسف حسين عضو السكرتارية المركزية للحزب منذ عام 1971 ؛ حين كتب تحت الاسم الحركي حسن تاج السر التالي عن الممارسات التالية في حزبهم ؛ فيما نقله عنه التجاني الطيب بابكر هل نتوقع من وائل طه - الغواصة والجاسوس والمعتدي بالعنف البدني على زميله في الاتحاد - ان يمارس شيئا غير ما تعمله في حزبه البائس ؟؟ هل ما فعله تجاه الاستاذ منال خوجلي والاستاذ احمد شاكر هو شيئا اخر ((الفتك بالخصوم وتدميرهم عن طريق تشويه السمعة وفبركة التهم)) هل هو شيئ غير ((تسريب الاختلاقات والأقاويل عن القادة الغير مرغوب فيهم للحط من شأنهم وقتل شخصياتهم)) هل ما يعبر عنه المشرف وقيقراوي هو شي اخر غير ((افتقاد الحق والعدل)) ؟؟

Quote: متأكد انك ما معطتنا بحبتك العند اللزوم و مرات برا لزوم ذاتو ! . . و في البوست دا ذاتو ؟

Quote: مسئول من الخير . . انت حسن تاج السر دا منو ؟ ما بسأل عن هويتو . . و ما محتاج لإسمو بس صفتو دي " وهو عضو سكرتارية اللجنة المركزية " ما غريبة شوية ؟ اوضح ليك كلامي - ما يجيني زول تاني يقول لي اشرح لغتك اللاوندية دي كمان ! - اعضاء اللجنة المركزية ديل ما كتار مش ؟ و تم انتخابهم مرة تانية كووووووولهم مش ؟ يبقى انو " حسن تاج السر " واحد من اتنين : يا اما خلا الحزب كلو كلو . . و هنا ما في مشكلة المشكلة لو ما خلاهو ! . . و هنا في واحد من اتنين يا أما نقدو دا بكون اترفعت اسبابو و الشغلة ظبطت . . و هنا مافي مشكلة لكن المشكلة لو انو الحال زي حالو و صاحبنا جا المركزية !! اها دي مشكلة كبيرة بالنسبة لي انا العبد دا . . دا زول ما بلزمني و لا بسمع منو . . دا زول ما مبدئي

الكلام دا الساعة 07-02-2010, 07:46 م هنا دا ماذا قال الاستاذ محمد ابراهيم نقد حول وصية الشهيد عبدالخالق محجوب
طيب نتكلم عربي عدييييييييييل ما يبقى زي كلام ( الاطفال و الكلاب ) زي جا في رواية عادل عثمان عن " ماركيز " ... او كما قال
و تلخيص اللحظة انو " حسن تاج السر " = يوسف حسين - و العهدة عليك - فنجيب ليك كلام الشيوعيين البجد جد

Quote: تقديري أنه إذا استمرت ذات القراءة السياسية لذات القيادة السياسية وعبر عنها ذات الناطق الرسمي فسيكون موقفه دوماً (يمين الحقيقة)!!

يوسف ايها الصديق ! ... يبدو ان قميصك قد قُدّ من قبل المرة دي، و جافيت ( الحقيقة )( مرّة اخرى ) و إستلللللللل في يمينها و انت تنادي - بمسكنة شديد و بؤس - : ( الاخوة في المؤتمر الوطني !! ) ... اذهب انت و اخوتك ليرموك في الجب ... نحن رفاق الشهداء *
نبايع الشهداء والداً و ولداً
نبايع السودان سيداً
نبايع القرشي قائداً

Quote: فأنظر – يا صَلُحت ماركسيتك – للإجابة بالنص: الأزمة السياسية مقدور عليها، وهي في حاجة لحل سياسي.. يعني أن الخوف من أن الناس تريد الإطاحة بالحكومة غير صحيح.. هذه كلمات يوسف بالنص، وأظن لحظتها أن القميص (قُُد من قُبْل)..

ياللهول !! ... او كما قال في مسلسل الاطفال
مصيبة و حلت بحزب عبد الخالق ( سيد شهداء الديمقراطية )
و هاك استمتع براك أثافى يوسف حسين الثلاث..الحزب الشيوعى السودانى يحتاج لوجيع..


العاوز اقولو ليك - و لغيرك - يا عادل بشأن ( الحبة عند اللزوم دي )، و قلت سابقاً، لكن نعيدو بـ ( لغة اوضح ) ... المافي شنو !؟ بعد افتراض الاجابة على اسئلتي السابقة، و الخلوص لنفس النتيجة الوصلت ليها انا. اقول بالعربي :
زول بالمواصفات اعلاه، على قول الاستاذ الشهيد / محمود، غير مؤهل ( أخلاقياً ) عشان يحكم علي أنا فتح الرحمن خلف الله دا !!
شفت كيف !؟
فكف أذاك عني يا رجل ... و ما تظلم الشيوعيين بإختيارك لي كأشيع شيوعي !؟
ما لقيت غيري انت ؟
ياهو ديل [ (وجعاء) الحزب. ] الحزب الحقيقيين بهناك، بشرحوا في ادواء حزبهم، بشفافية و في الفضاء الطلق، يبحثون عن تحليل ملموس لواقع ملموس، و يتلمسون خطى ( الثوري ) ضد أي ضلال او تضليل ...

Quote: أسوأ الاختلاجات لدى (الثوري) وأضلها سبيلاً هي تلك اللحظة التي يظل فيها ملتحماً بصورة غير سوية ومستمسكاً بتفسير أزماته على الدوام بأنها أعراض طارئة أو أعطال في ميكنة التنظيم، ويستمتع بذلك، دونما ولوج لمّاح إلى عميق الأسباب، ومقدار السوء في هذا أنه يقود، وباستمرار، إلى انقطاع متعاظم عن الأمر في حقيقته، أي عن الواقع.

http://sudaneseonline.com/forum/viewtopic.php?t=4995&sid=...100d779f552c90d41c5a

اسي في ذمتك دي انا زي كلام د. مأمون و لّ د. امجد دا بعرفو ؟

Quote: “حين يقوم الفكر بتحليل ملموس للواقع الملموس، يسير إلى ملاقاة هذا الواقع في مخاطرة هي ضرورية لإنتاج المعرفة، لا يجرؤ عليها سوى فكر مادي عرف كيف يصغي إلى الواقع ويحتكم إلى منطقة الموضوعي... “مهدي عامل ، نقد الفكر اليومي ص.40، دار الفارابي- بيروت 1988.

يا زول الشيوعيين ديل ناس مثقفين ... و انا زول ( ساي ) !!
مهدي عامل دا ببالغ ذاتو صعبّ المسألة خالص - مسألة انتاج المعرفة دي - نخليها يعني ام ...
نخاطر !!؟
سلام يا صحبي
و ح ارجع مرة - اتمنى تكون الاخيرة - في شأن

Quote: هل ما يعبر عنه المشرف وقيقراوي هو شي اخر غير ((افتقاد الحق والعدل))

مبدئياً كدا سؤال ؟
جوز لا يخسر ... معانا ؟
الخرخرة مفيدة للعب البلي ... عشان كدا افرز يا ديجانغو
افرز ياخ !!؟
في الصورة ( القوس قزحية ) ألوان مختلفة يا عادل .. فنتازيا تعتمد الابهار اللوني ... او كما قال نجدت انزور
وحدك الذي تقاصر ( تحليلك عن رؤيتا ) ... ياخ انا هلالابي ... و مشرف مريخابي ياخ !؟
و لعمري انها لكبيرة ... اكبر من شيوعيتنا الجوز مجتمعة !؟
و دي دائرة تفرق بينا و تجمعنا ( منفردين بآخرين ، مشرف بأساسي و والشفت و تايسا ... و انا بأماني و امكن يورسلف ذاتو ! ) ... اللخ ... اللخ
و هكذا دواليبك ... او كما قال شيخنا الموسوسي قدس الله سره
تفتكر الانتماء ( الرياضي / الكروي-قدمي ) ما فيهو أي بعد ( فكري ) ؟
كورة ساي يعني ؟ زي الاعتقاد ( الشائع ) ؟
يا زول !؟

----------

* الله يسترنا مع حبيبنا حسن موسى و ماذا نصنع بالشهداء؟

و الله إني احب هذا الرجل