|
|
 Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
يا خالد
البروفايل الزول مفروض يلقى فيه تعليمك ...حزبك السياسي....
طريقة تفكيرك....اها انتو تحمدوا الله بروفايلاتكم ماشاء الله تبارك الله!!
Quote:
عملت رايحة وطوالي جرت علي بروفايلك
وووجدت الكنز انك من دنقلا ده مستوى النضال
طيب من دنقلا عايش في بورسودان
وناس من طوكر عايشين في امان الله في كندا
حلال على بلابله ....
تعرف اول مداخلة لي مع تراجي قبل كم سنة كان في موضوع
عن بورسودان وبرضوا جرت لي البروفايل ولقت الكنز وقالت
لي قلت (سلبونا)
التقول سلبونا شتيمة
وغي تهميش اكتر من سلبونا |
سلبونا ما شتيمه...ولكني كبورتوسدانيه اعرف من يقطنها عرقيا
واعرف منطلقاتك السياسيه وقتها....
اما صاحبك ده الكاتب بورتوسدان و الاصل دنقلا
فهذه ايضا لها معنها....وكأنه يستعر من ان ينسب للشرق!!
قلت لي سلوبنا تهميش!!
طيب ولع كيف؟؟؟ودار النعيم كيف؟؟؟ورأس الشيطان كيف اذا سلبونا تهميش!!
| |
  
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tragie Mustafa)
|
الاخت تراجى
انا ما عارف قصة الناس البتكلموا على اسرائيل
معظم الدول الاسلامية لديها علاقات مع اسرائيل
دول عربية لديها علاقات فى مستويات محددة
سوى ان رضينا او ابينا اسرائيل دولة تحترم شعبها
اسرائيل دولة ديمقراطية
اسرائيل لا تقتل شعبها
فرادى كما هو الحال فى معتقلات النظام و كجبار و بورسودان و مروى
وجماعات كما كان الحال فى الجنوب والان فى دارفور
يجب ان يخجل كل مسلم يتحدث عن اسرائيل
عندما يصل حكامنا مستوى حكام اسرائيل
سنقبل ممن يسخر من اسرائيل
اين نحن و اسرائيل
لو وجد نظام الانقاذ فرصة الاستمرار فى الحكم مقابل علاقات مع اسرائيل ما كانوا ليرفضوا
بل ربما من حق اسرائيل ان ترفض اقامة علاقات مع هؤلاء
تقتلون الناس جهارا نهارا
و تسخرون من اسرائيل
هل قتلت الحكومة الاسرائيلية شعبها ؟
ما بال امهات السودان يذرفن الدموع ليل نهار على فلذات اكبادهن الذين قتلوا برصاص الحكومة
رصاص الظلم والجور
و تأتون و بدون خجل تسخرون ممن يحترمون شعوبهم
..........
صحيح
الارتباط بالمكان لا يمكن ان يكون حقيقيا و صادقا لارض المولد
انا محسى ولدت بدنقلا
لا يمكن لارض غير ارض المحس يمكن ان يحل فى وجدانى
ارتباطى بارض اجدادى اقوى من اى ارتباط اخر
لا يمكن لابن دنقلا ان يدافع عن بورسودان اكثر من ابناءها
رغم ان السودان يجمعنا جميعا
لكن للوطن الصغير موقع لا يمكن استبداله
يمكن ان ادافع بلسانى اذا كانت لدى مصلحة !!!
كثيرون من عائلات الشمال يقيمون ببورسودان
لكنهم يعودون لدنقلا
خاصة فى الاعياد
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
Quote: ]يا خالد
البروفايل الزول مفروض يلقى فيه تعليمك ...حزبك السياسي....
طريقة تفكيرك....اها انتو تحمدوا الله بروفايلاتكم ماشاء الله تبارك الله!!
|
شـــــــــاطرة
Quote: سلبونا ما شتيمه...ولكني كبورتوسدانيه اعرف من يقطنها عرقيا
واعرف منطلقاتك السياسيه وقتها....
|
انتي مالك طوالي مدخلك اعراق الناس كلنا من عرق واحد اها لقيتيني
من ياتو عرق قبل ما اقول ليك براي
طيب انتي كنتي ساكنة السوق وفي بيت حكومة وقصاد النادي العالمي
زمن نجي نحنا من سلبونا نتفرج في حي السوق
ومعروف انو السوق ده في بورسودان سكن الاقاريق والحضارم والاقباط والهنود
يعني انتي هندية ولا اللماك مع الناس ديل شنو
اها نسيت ما ناس الحكومة بسكنوا هناك
يعني لما انتي كنتي ساكن السوق وبيت حكومة كنا نحنا
مهمشين في سلبونا يا خسارة ما طلبنا حق اللجوء السياسي
| Quote: طيب ولع كيف؟؟؟ودار النعيم كيف؟؟؟ورأس الشيطان كيف اذا سلبونا تهميش!! |
يا حليلك انتي بعيدة من البلد
كدي اسال الناس البرسلوا ليك الاميلات
ديل عشان في احياء مهمشة نسيتيها
فلب والانقاذ ودمنقاب والورثة ..............
لاني شايفك مركز برضو في الاحياء عرقيا
معلومة كل هذه الاحياء في عهد ايلا تم تخطيطها ورصف الشوارع وانارتها
وبرضك تقولي ما انجز
بعدين شايفك ما اعتزرتي لي من كلمة قوم لف
لانني حتى هذه اللحظة محتفظ بحقي في الرد بنفس الاسلوب
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
Quote: شكرا على مرورك واعتذر عن الرد المتأخر لك
فقد ملأ صبية الانقاذ البوست...مدافعين عن احد طغاتهم.... |
صبية الانقاذ ديك بتعرفيهم براكي
وهم نفسهم لو جو هنا وقالوا زي كلامك ده في
الدكتور محمد طاهر ايلا بنرشهم
وللمره ال (1001)الالف وواحــد نحنا لون السياسي السودان بس
ضد الانقاذ عندما تخطئ ومعها عندما تصيب
ومعك انتي في بعض الاراء وضدك كما الان
لا نعتمد على احد يملي علينا رايه
ما صنعه ايلا فشل الكثيرون في صنعه
يابت بورسودان
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
الاخ الكريم خالد قائد المدافعين عن
الطاغية ايلا
هل التنمية شوارع زلط .
هل التنمية كورنيش و حبة بوهية .
بما انك جديد على بورتسودان - هذه المدينة منذ تاسيسها كانت
اجمل مدن السودان انا ما عارف عمرك كم لكن فى زمنا اى حقبة الستينات
و السبعينات لم تكن تعرف الذباب و الباعوض و شوارعها هى الاجمل على مستوى السودان .
يا اخى المأفون ايلا رجل ظالم لا يخاف الله و يستمتع عندما يأذى احد و هذا نوع من السادية .
ماذا فعل بجعفر بامكار ألم يقذف بعفش منزله فى وضح النهار ليرهب كل من يخالفه .
ماذا فعل بسيد ابو امنه حارب هذا الشاب الواعد حتى فى لقمة عيشه و طرده من الوظيفة .
اين عبد الرحمن بلال و من دبر له تلك المؤامرة القذرة .
اين احمد تيتا .
ماذا فعل بصديقه موسى شاش وزير مالية الولاية الاسبق -- الان بينهم قضية فى المحاكم .
و بالمناسبة ياخالد أسأل موسى شاش كيف كون الدكتاتور ايلا أمواله - بداية من مزرعة الدجاج .
هل التنمية حرمان المعاشيين من حقوقهم .
وين قروش و مرتبات المعلمين .
لماذا اوقف التعيين لاكثر من خمسة اعوام .
هنالك الكثير من الحزن و الالم .
و الظلم ظلمات
و سيذهب الطاغية المتغطرس الى مزبلة التاريخ غير مأسوف عليه .
لاتدافعوا عن الباطل فرب كلمة واحدة تهوى بصاحبها سبعين خريفا فى النار .
ماذا انتم قائلون بخصوص مئات الاسر التى جوعت بسبب نقل المحجر البيطرى لسواكن
دون معالجة امر فقراء و ضحايا المحجر .
نزع الاراضى ماذا انت قائل فيه .
عدم ذهابه لضحايا الفيضانات و عدم مواساة اسر الضحايا . حتقولوا للله شنو .
السينمات التى دمرها لها اصحاب اين تعويضاتهم .
انها لامانة و انها يوم القيامة لخزى و ندامة .
لا تدافعوا عن من افسد النفوس و فرق و فتن الاسر .
خاف الله ياخالد العطا
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
الاخ خالد العطا
ماذا تعرف عن فضيحة الوقود الخاص بمحطات كهرباء بورتسودان من كان يستلمه
و كيف كان يباع و ما علاقة ابراهيم محمد طا هر ايلا به و قصة الشيك الشهيرة
مع وزير المالية و لماذا رفض الوزير موسى شاش الممارسات الخاطئة من ايلا
و ابنه ابراهيم بخصوص كوتة الوقود .
ماذا تعرف عن شركة مكافحة المسكيت التى استجلبت ماكينات من المانيا خصيصا
لهذا الغرض من استلم اموالها من وزارة المالية الاتحادية و اين ذهبت الاموال
و كيف اجبر اصحاب الشركة على بيعها و حتى هذه اللحظة لم يستلموا حقوقهم .
ما هى علاقة شركة الهدف بالمياه وتناكر الموية تابعة لى منو .
اتقوا يوما لا ينفعكم فيه لا ايلا و لا عوض حاج على .
اتعظوا من ضحايا ايلاكو الظالم الوزير موسى شاش اقرب مثال و هو من الذين
دعموا ايلا اقتصاديا عندما كان يعمل بالسعودية اسالوه .
الكلام يا خالد ما دفاع عن شوارع زلط ---- البشر ثم البشر ثم البشر
وايلا ان لم يهتدى ستكون نهايته حزينه جدا فاليعتبر بقصص الطغاة و المفسدين
فى الارض منذ عهد فرعون حتى ساوشيسكو رومانيا .
وبالمناسبة ما فتحنا ليك ملف مجزرة يناير 2005 من الذى تسبب فيها و ما
علاقة ايلا بها و من حرض الناس على الخروج و اتى بالقوات الخاصة لتبيدهم .
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
Quote: طبعا البلويت خالد العطا وفتح الرحمن
لم يتواجدوا بالبوستات التي تفضح مخازي
ولاية ايلا ورعاياهوا الجوعى..... اهالي جنوب
طوكر...الذين يترع امثال خالد العطا وفتح الرحمن في خيرات ولايتهم
ويقبلون بايلا الذي يجردهم من جنسياتهم...متوهما ان الشرق تكية ابوه!!
سنريه من هم البني عامر...ونرى كل متشدقا قبلي...قذر.... |
البلويت دي انتي يا ...
والله يا تراجي انتي اساءة للبني عامر
رغم اني عارفك متلبطة ساكت
بعدين مالك ما رديتي علي
سكنك في بيت الحكومة
واكلك من مال الحكومة
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
Quote: زواج أسطوري لكريمة الدكتور خليل إبراهيم زعيم حركة العدل والمساوة
|
وكان هنا رد الاخت تراجي والكيل بمكيالين
Quote: 28-11-2008, 04:36 ص
تاريخ التسجيل: 14-01-2008
مجموع المشاركات: 2313
Re: قرابة المليار أنفقت في زواج إيلاف خليل إبراهيم .. أماكان أجدى بها الـ(مهمشين) (Re: معتصم احمد صالح)
Quote: طعام العزومه الفاخر وصل حتى المساجين التابعين لتنظيمه في سجونهم
المساجين ديل عمها وأولاد عمها... والله فيهم الخير الضواقوهم طعام فرحة بنتهم
محمد فرح...
بالله بارك للعروس والعريس... وخليك من التجريح في أعراض الناس
ولو عندك إعتراض على الصرف... وشاهدت بنفسك أي تبذير فاضي
تعال وأكتب وأفضح المبذرين بأسلوب الموجه الرافض للخروج عن العادة
عندها سنؤيد رأيك وندعم طرحك
بس الطريقة الجيت بيها دي للموضوع ده غير كريمة ومرفوضة وبدون أدب!
مبروك للعروسين ومبروك لأهلهم... وربنا يجعله ليهما بيت مال وعيال
|
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
تراجي يا حبيبه بالله انت من البني عامر يا سلام والله ناس طيبه واخلاق اخي الاصغر مني متزوج منكم من البني عامر سكان كسلا .
يا تراجي الجماعة المدافعين لهدا الظالم مفتكرين انو هو ما دام عمل شوارع وسوق وكورنيش يحق له ان يسرق او يظلم
.قبل 3 سنين كنت في القاهرة ودهبت مع اخي الي مدينة مدينتي في القاهرة وهي من المدن الغالية جدا واثناء حديثنا مع مدير المبيعات وبعد ان عرف اننا من السودان وعلشان يشجعنا ويرغبنا في الشراء دكر لنا بان احد السودانيين له 3 فلل هنا وهو محافظ بورتسودان طبعا المصريين ما عندهم فكرة بان في السودان الوالي هو الحاكم وليس المحافظ كما في مصر ودكر لنا بان احد قصورة قريب من قصر الفنان عادل امام
سبحان الله هنا في بلاد البيقولوا عليها بلاد الكفر والالحاد والامبريالية ومش عارف ايه .وزير الخارجية شغل بنتو في وظيفة صغيرة جدا في الخارجية الصحافة طلعت عينو لغاية ما عمل مؤتمر صحفي وورا الناس حقيقة الوظيفة هده وبعد ده عينو طالعة حسع
.في اسرائيل حاليا يحاكم رئيس الوزراء السابق بتهمة الفساد وهي التهمة التي جعلته يخسر الانتخابات
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: فتح الرحمن محمد)
|
Quote: Quote: زواج أسطوري لكريمة الدكتور خليل إبراهيم زعيم حركة العدل والمساوة
وكان هنا رد الاخت تراجي والكيل بمكيالين
Quote: 28-11-2008, 04:36 ص
Re: قرابة المليار أنفقت في زواج إيلاف خليل إبراهيم .. أماكان أجدى بها الـ(مهمشين) (Re: معتصم احمد صالح)
Quote: طعام العزومه الفاخر وصل حتى المساجين التابعين لتنظيمه في سجونهم
المساجين ديل عمها وأولاد عمها... والله فيهم الخير الضواقوهم طعام فرحة بنتهم
بالله بارك للعروس والعريس... وخليك من التجريح في أعراض الناس
ولو عندك إعتراض على الصرف... وشاهدت بنفسك أي تبذير فاضي
تعال وأكتب وأفضح المبذرين بأسلوب الموجه الرافض للخروج عن العادة
عندها سنؤيد رأيك وندعم طرحك
بس الطريقة الجيت بيها دي للموضوع ده غير كريمة ومرفوضة وبدون أدب!
مبروك للعروسين ومبروك لأهلهم... وربنا يجعله ليهما بيت مال وعيال
كان تقولي هنا برضو مبروك للعروسين وبيت مال وعيال
|
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
خالد العطا
اولا انا بجي اقزقز هنا وقع لك...لا تعتقدني مثلك بركته في البوست ده.
بوستاتي المهمه وقضايا الشعب الكثيره لن اتركها لاتفرغ للوالي الفاسد بتاعك ده.
طيب
اولا:
هل يتقلد خليل ابراهيم اي منصب رسمي الآن؟؟!!
الاجابه لا.
ثانيا:
خليل ابراهيم ليس ابو العريس...اي من يدفع المهر
خليل ابراهيم ابو العروس!!
ثالثا:
لم يكن زواجا بازخ وخليل ابراهيم اسرته لا زالت تقيم في احد احياء البؤس بالخرطوم
اي لا يقيم في الرياض ولا العمارات ولا المهندسين ولا اركويت ولا المعموره ولا العوده حتى!!
اكرم اهل درافور المقيمن بالعاصمه خليل ابراهيم في ابنته
لانه واقف لقضاياهم...وليس هو من صرف على الزواج!!
ولو اردت قبلها.....
ايضا كتب اعلامك الحكومي عن زواج مبالغ فيه لمناوي!!
وكلها اكاذيب.....
الا حقنا ده انت عارفه صحيح......ويكفينا عدد القراء الاطلعوا على هذا الفساد!
هذا البوست حتى لو سحب الآن لا يهمني فقد ادى غرضه وانتهى.
خليك من معيارين وسبعه معايير.
Quote: كان تقولي هنا برضو مبروك للعروسين وبيت مال وعيال
|
وكلمه آخيره....ايلا لا يحلم مجرد حلم ان يوصف بربع زهد خليل ابراهيم
وورعه وتقواهوا....و تفقده لاحوال رعاياه...يكفينا سيرته في الميدان
آخر من يأكل وآخر من ينام.....مش زولك البيلهط لحد ما حضومه قربت تنفجر
وهو مسرل عن بؤساء جنوب طوكر...وغيرها من بقاع الشرق المعدمه!
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tragie Mustafa)
|
الفاضل طارق
اسمتحيك عذرا باعادة نشر المقال حيث نوع الخط المتسخدم غير مريح للعيون بالمطالعه.
Quote: الديكتاتور محمد طاهـر آيـلا .. البحر الاحمر .. المعاناة والقبضة الحديــدية
تعانى ولاية البحر الاحمر من حالة فريدة فى نوعها اذ يدير حكومة الولاية الديكتاتور محمد طاهر ايلا الذى ينتمى الى حزب المؤتمر الوطنى الحاكم ويعود تاريخ الرجل بالعمل العام الى سنوات محدودة على الرغم من انه شغل مناصب عدة فى الخدمة المدنية فقد شغل ايلا منصب مدير شئون الافراد بهئية الموانى البحرية ومدير عام هئية المؤانى البحرية ثم وزير للسياحة (الاتحادية ) ووزير للتجارة ثم ووزير للطرق والجسور وشغل عضوية المجلس الوطنى فى مرحلة ماقبل نيفاشا ثم والى ولاية البحر الاحمر عقب توقيع اتفاقية السلام فى نيفاشا .
ويدير آيلا الولاية يصورة منفردة فكل السلطات مكرسة فى يده ،فقد ابعد معظم القيادات السياسية حتى من حزبه المؤتمر الوطنى واختار بدلا عنها قيادات جديدة تأتمر بامره وتجلس بصمت امام قضايا ولاية البحر الاحمر مقابل ان تتقاضى مرتبات فى اخر الشهر .
فقد نما الى علمنا ان الكثير من وزراء ايلا لا يستطيعون الدخول الى قصره المنيف فقد ضرب سياجا حديديا حوله لاكمال العزلة الحميدة فلا يرى الوالى الا عند حضور قيادات المؤتمر الوطنى (الشلة) من الخرطوم اما شعب الولاية المغلوب على امره ففى شوق الى رؤية السـيد آيلا ليحل قضايا الولاية المتعددة ، كمشكلة المياه ، الكهرباء ،اجور العاملين بمؤسسات الدولة ومكافحة امراض الملاريا وقضايا وحقوق العاملين من ابناء البجا فى المؤانى وقضيا خريجى الولاية واسترداد موارد الولاية المنهوبة من الذهب والرخام ومواردها المالية التى ذهب الى الخرطوم عبر بوابة ما يسمى الجمارك السودانية الى المركز فى الخرطوم .
اما مسالة التعليم فحدث ولا حرج اذ يتسرب الاطفال فى عمر التعيلم الى الاسواق بدون مدارس تعضد موقفهم الحياتى والمستقبلى لاجل المساعدة على ازالة هموم اهلنا البجا الذين عانوا على امتداد عمر الحكومات (الوطنية ) .
كل هذا يحدث والاطفال فى دورديب وهيا وسنكات واركويت وتهميام وصمد وبراميو ورهيين وشكت و مسمارو توجريب وغيرها لا يزالوا يحلمون بمدرسة يفكون فيها الخط ومياه شرب حتى وان لم تكن نقية .
بعض الفقراء فى دورديب يعتمدون على بيع قشـر الدوم كمورد وحيد للحياة ومنه يحملون البن والسكر والعجوة ( البلح)
وبعد كل هذا يقف آيلا عاجزا عن تحقيق تطلعات اهل البجا واهل البحر الاحمر .
آيلا يشيد الان فى الكثير من المناطق الساحية فى ولاية البحر الاحمر ( كورنيش) على ساحل البحر الاحمر فماذ يجنى البجا من كل هذا؟
هل يذهب البجا بنسائهم واطفالهم الى كورنيش البجر الاحمر ويستعيضوا بالكورنيش بدلاعن المياه والكهرباء؟
هل يدعم الوالى المبجل طلاب البجا فى المدارس والجامعات ؟ ما الذى يقدمه لهم ؟
اما التلفزيون المحلى فقد خصص اغلب وقته لنقل زيارات الوالى الهميم ولا يصورتلك المشاهد المحزنة والبؤس المخيم فى الولاية رغم كونه تلفزيون للولاية وشعبها وليس للوالى الهميم .
الكثير من المواطنين حاولوا مقابلة الوالى ولكنهم عجزوا عن ذلك فالسور عالى والطوق مضروب بعناية حوله .
اخر الاخبار انه الوالى آيلا اوقف (التعين) التوظيف فى الولاية وفلسفته فى ذلك عمل احجار مرصوصة امام البيوت وعلى سـاحل البحر الاحمر .
وفى الفترة الاخيرة حاول بعض ابناء البجا احياء ذكرى شهداء البحر الاحمر ولكن ارادة الوالى المستندة على القوة اجبرت المحتفين بذكرى الشهداء على حصر الاحتفال فى مناطق ضيقة فقد منهم من ذلك أملا فى ان ينسوا ما حدث .
اخر الاخبار ان الوالى الهميم قد منع الاستاذ \ ادم محمد عثمان ادروب – نائب رئيس حزب الامة الاصلاح والتجديد من حضور لقاء موسى محمداحمد مساعد رئيس الجمهورية فقد اصدر الوالى التعليمات بالقاء القبض عليه الا ان تدخل موسى محمد احمد منعهم من ذلك .
ثم منع الرجل من حضور زيارة نافع على نافع ووجه الامن باعتقاله خوفا من ان يقف الرجل حجرة عسرة امام ما يعرف ببيعة الهدندوة للمؤتمر الوطنى! وتم نفى الرجل الى الخرطوم بطائرة نــــــــوفا .
يشكى بعض مثقفى الهدندوة من الرجل يسعى الى ابعادهم من كل عمل سياسى فى الولاية فقد نما الى علمنا انه ابعد كل من ، د. هـساى اولى ، وعبدالرحمن بلال ، وعثمان ابراهيم شــــــــوف ومحمد بدوى محمد وغيرهم من المؤهلـين للدفاع عن قضايا اهل الشرق فضلا عن الناظر تـرك. |
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: نايف محمد حامد)
|
يا نايف يا اخوي دي من جهلهم لا يعرفون بان الفسطلينين يضحكون عليهم
ويقول لك هم السودانين شبعوا متين عشان يساعدونا؟؟!!من البؤس الذي
يعرفونه عن بلادنا...هذا الشاب يقيم في ولايه نسبة السل في ريفها
تفوق ال 98%ويحدثنا عن الفلسطينين بنفس فاتحه!!
Quote:
انت يا فتح الرحمن بتمشى بعيد
مصر محتلة اراضى السودان وقتلت السودانيين فى القاهرة
و حكومتك بتقتل فى الشعب
انت كملت دفاع عن شعبك
و مشيت تدافع عن الفلسطينين ؟ |
الموت المجاني في ولايتك ده ما تعرف اسبابه قبال ما تفاصح!!
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tragie Mustafa)
|
العبيط خالد العطا...
لما جابت لها طولة لسان تحمل الباقي....
Quote: لما كنتي ساكنة في بيوت الحكومة
او قولي بيوت محافظة البحرالاحمر
ليه ما كنتي بتدافعي عن المهمشين
في دار النعيم ولع ولا الحياء دي كانت
ماموجودة كان اقصى حدود
بورسودان النادي العالمي |
بتعرفني من وين انت؟؟!!عشان تتفاصح؟؟!!
يا كذاب؟؟؟؟
لما بجمع....الملابس و الادويه وبمشي بيها دودريب لاهل ايلا وغيرهم
مع رابطة خريجي الجامعات و المعاهد المصريه...اين كنت انت؟؟!!
لما بنقيم فصول التقويه المجانيه لفقراء الميرغنيه وغيرهم
كنت وين انت؟؟!!
ليس عيبا ان اكون مرفهه بل شرفا....ان اكون مرفهه وانحاز للفقراء و المهمشين.
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
الهدندوه .. براء منك يا محمد طاهر شيخ ادروب ( ايلا )
Oct 8, 2010, 11:01
سودانيزاونلاين.كوم Sudaneseonline.com
الهدندوه .. براء منك يا محمد طاهر شيخ ادروب ( ايلا)
يقول الشاعر :
بذلة والديك كسبت عزا *** وباللؤم اجترات علي الجواب
الهدندوه تلك القبيله الرائده ....قبيلة الفرسان ... نظارة النظار والنظارات .... رجال النفرة ... الهدندوه بقبائلها وبطونها ..وارضهم المترامية من سواحل البحر الاحمر وحتي تخوم البطانه ...وتاريخها الناصع في الحرب والسلم ... الهدندوه القبيلة ذائعة الصيت والتي تحدثت عنها كتب التاريخ وسجل التاريخ العالمي والإقليمي اعمالا ناصعه لرجال ونساء القبيلة ..
الهدندوه هذه القبيلة التي تصاهرت مع كل قبائل السودان ... وبالاخص قبائل الشرق ... بل خرجت للحجاز واليمن ومصر ...وتبنت صلات الرحم مع الجميع حتي تكون طيف متجانس من الناس .. ليتعارفوا والكريم عند الله اتقاهم ..
ماذا جنت هذه القبيلة حتي ينسب لها هذا المنحرف الشاذ محمد طاهر شيخ ادروب !!! المعروف بمحمد طاهر ايلا ؟!!
عار للهدندوه هذه القبيله ذات العزه ... والحكمه .. والعزه ... والشرف ان ينسبوا لها هذا الفاجر سئ الخلق والتربية !!
ونساله ... ماذا قدمت للهدندوه يا ربيب التزوير ... وسئ المعشر ... وقد فاح ريح البخل من بدنك ... وتجبرك وروحك العدوانية وانحراف سلوكك وكل هذا ... والحسد ...
فالتاريخ يحفظ للناس افعالهم ... وسيرهم ...كرمهم ... وسماحاتهم .... ومرؤوتهم ... وشجاعتهم ... ولكن ...
لعمري ان حظك فيه اسودا
نقسم لك ما ان يزول عنك السلطان .... ستهرب وحينها سنردد ماقاله شاعرالخوارج عندما طلبه الحجاج بن يوسف :
أسد علي، وفي الحروب نعامة **** ربداء تجفل من صفير الصافر
هلا برزت إلي غزالة في الوغي **** بل كان قلبك في جناحي طائر
عجبا لك يا سليل مدينة جبيت الفاضلة التي اخرجتك و لفظتك ومازالت .. يقال ان الرجل عندما لا يكرم عند دار اهله فاعلم ان لا خير فيه ولا قدر له ..
محمد طاهر شيخ ادروب (ايلا) منذ حضوره إلتف حوله المنحرفين والشواذ وصعاليك المدينه ... فيشكل اي حكومه منهم فكبرت المجموعه وفاح ريحها لان الشواذ والمنحرفين يشتمون رائحة بعضهم البعض ... فتجمعوا وإنضم لهم حارقي البخور والهتيفة من كل اشكالهم والوانهم واقزامهم لتكتمل الثلة بالاميين و انصاف المتعلمين يزينون له سوءاته ونزواته .... والخشية من ان يثور الاخدود ...
نسال الله ان لا يخسف بارض البحر الاحمر من افعال الفرعون .. و السفهاء ...
وماذا دها الحكومة المركزية !!! اهي منشغلة بالقضايا الكبري
القضية كبري ... وهذا بيان للناس ان الهدندوه لا علاقة لهم بهذا المنحرف سائلين الله ان يشفية ... ويشفي بطانته من هذه المرض العضال وإن كان الاعمار تقدمت بهم ..وإذا اراد الله امرا ان يقول له كن فيكون ...
فايلا ابعد كل ابناء الهدندوه الافاضل منهم ... وكل الكوادر من بيوت الهدندوه العتيقة وصاحبة الفضل والتاريخ الناصع والمجاهدات !... وابقي اولئك ... صعاليك الطريق وضعاف النفوس ...
ايلا هربت منه خادمته الفلبينية من سؤ معاملته وغلظته واخلاقه في مصر التي يصطاف اليها دائما في ضيافة شركائه في شركة النصر التابعة للاستخبارات المصرية ليقبض ثمن منحهم عطاءات الاسفلت .. والولاية تعاني الامرين
شح المياه وحرارة الصيف الغائظ وعطالة للشباب سيما وانه لم يتم تعيين اي خريج منذ حضوره للولايه !!! وهو يصطاف الي مصر والازمات تضرب الولايه
تخير كالعاده من بين كل الكفاءات ... صلاح سر الختم للمالية وهو خريج الالة الكاتبة ...السائق سابقا في بتروترانس ...وزير مالية البحر الاحمر حاليا
واخرين الله يعلمهم والناس ..
وبعضهم رفض الموقع الدستوري ...فكيف الاختيار كان ؟
افتعل هذا المنحرف القلاقل والمشاكل مع بعض القبائل التي نكن لها الاحترام ويجمعنا بهم العرف والدين و .. و.... فالتحية لإجتماع النظار وهم بالطبع احرص الناس للتعايش والتالف الممتد عبر التاريخ ...
ونختم ونكرر ان الهدندوه بكل بطونها وقياداتها وشبابها براء من هذا المنحرف وضلالاته الليليه التي يخرج فيها وحيدا .. ثم ...ووو
التي اضحت تزكم الانوف
ولا حول ولا قوة الا بالله ...
معلم معاشي / عيسي محمد اوهاج
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
جاءتني الرسالة التالية ( ماتفتكر خايف من مواجهتك بس كنت داير أنصحك لكن انت وخالد عطا مؤجورين وعملاء وماتستحقو النصح ولو كان عندكم أصل ماتدافعوا لواحد دكتاتوري أهلنا بجنوب طوكر يموتوا بالجوع وينزحوا للمدن ويتحولوا لشحاذين واي زول يقيف في طريقنا بيدفع الثمن غالي أما المناضلة تراجي فهي أشرف من أمهاتكم وماتقدروا عليها وبعدين صاحبكم نوريت خليهو يورينا معنى نوريت شنو وهل اسم مذكر ام مؤنث ولي هارب من البلد ومخلي اهلو للجحيم وبعد دا كلو يتاجر باسمهم في المحافل الدولية بينما يسكت عن مايحدث لهم بفعل ايلا .. نحن ماحنخل...
وبخصوص أهلك في جنوب طوكر مابتقدر تحاكمنا وتتهمنا أنا ولا خالد ولا نوريت بأننا واقفين ورا المآسي الحصلت ليهم لأننا دافعنا عن إيلا ..دفاعنا عن إنجازات نحن في بورتسودان شايفنها بعيوننا .. وتنمية قدامنا .. ممكن تكون شايف غير كده .. ولا ماشايف أصلاً .. وده مامبرر يخليك تستعدى وتهدد في الناس .. وقدامك ومن أهلك البني عامر كتيرين في حكومة الولاية وفي مجلسها التشريعي وكمان في حكومة جمهورية السودان شايفين إيلا ماشي صاح ومامعترضين ومالمتهم .. تجي تلومني أنا ؟؟؟ قايل بلومك وتهديدك لي حتحل مشكلة ؟؟
كلمة أخيرة : ( إذا عامل فيها إضينة يحرشكوك وتقاتل بدلهم فمافي داعي تضيع عمرك ورا حفنة من ا لمتسكعين والمتسولين بكرامتهم وأخلاقهم في دول غريبة .. ولي علمك عرفتك زي ماقلت ليك من المرة الفاتت وبديك فرصة تكفي نفسك المشاكل البتقع فيها لاني إتعاملت مع اول تهديد يجيني منك بجدية وقانونياً إنت تحت يدي حتى لو رميت شريحتك المن جبنك بترسل وتقفلها .. وماتنجر ورا حتة انك مامعروف ... ومافي زول بيصل ليك .. ) ..
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tragie Mustafa)
|
يا طارق اعارة الباس ورد عادي للناس المذنوقه
فيمكن هؤلاء خالد وفتح الرحمن صاروا يعيرون باس ورداتهم
لباكاش وكاظم هؤلاء(ههههههه)
Quote: غايتو يا خالد بقيتو زى ابواق ايلا [B]باكاش و كاظم الله يكون فى عونهم
اكل العيش صعب .
- ماذا تعرفون عن تنظيم هدوت السرى الذى يقوده الطاغية ايلا سنفتح ملفه
ايضا قريبا .
|
لن يصمت اهل الشرق طويلا.....ملفات هدوت بطريقها الينا...فاليعرفوا اين يتخبأون وقتها!!
قال تنميه قال!!
وكأنهم لا يعرفون بانهم...كلها مشاريع للفساد المالي.
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tragie Mustafa)
|
نموذج لاحد قادة الفساد و الافساد بحكومة النمرود
المتفرعن ايلا :-
سرقات محمد طاهر احمد حسين نائب رئيس المؤتمر الوطني بولاية البحر الاحمر والكشوفات الوهمية /احمد علي حامد
Nov 2, 2010, 21:30
سودانيزاونلاين.كوم Sudaneseonline.com
ارسل الموضوع لصديق
نسخة سهلة الطبع
Share
سرقات محمد طاهر احمد حسين نائب رئيس المؤتمر الوطني بولاية البحر الاحمر والكشوفات الوهمية
مازال يعربد نائب رئيس المؤتمر الوطني بولاية البحر الاحمر محمد طاهر أحمد حسين ويقوم بإعداد كشوفات مليئه باسماء وهمية ويسرق اموال الولاية عن طريق اقربائه ومعاونيه الذين أتي بهم خصيصاً الي هذه الوظائف ليحلوا محل موظفين كانوا يشغلونها فبالله راجعوا محلية هيأ ومحلية سنكات وسواكن ومحلية طوكر وتهاميام وو... مئات الملايين يصرفها نائب الرئيس شهرياً بكشوفات وهمية غنيمة بارده له ولاصحابه واصبح الناس في كل محلية يعلمون بهذه الكشوفات التي انتشرت واصبحت موضه بعضها يضم في احشائه أسماء متوفيين وبعضها يحمل أسماء اهله من نساء ورجال والاغرب من ذلك ان هذه الكشوفات وصلت لاعلي المستويات في الدولة لكن لا حياة لمن تنادي وهناك معلومه منتشره بين الناس بالولاية بسرقات محمد طاهر احمد حسين وجماعتهم بسرقات اموال الشعب واصبحوا من اثري الاثرياء والمواطنيين الذين إزدادو فقراً علي فقر وجهلاً علي جهل ومرضاً علي مرض ، ونائب الرئيس الذي كان لا يملك من حطام الدنيا شيئاً اصبح الآن معروفاً بين الناس بثراءه وأخلاقه السيئة المتغطرسة , اذا كانت في حكومة مركزية تحارب الفساد وتقع تحت ادارتها هذه الحكومة عليها محاسبة هذا الرجل وحكومته .
لا حول ولاقوة إلي بالله اللهم اجعل لولاية الأحمر مخرجا من هذا الظلم (أمين )
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
فلسطينين يا حقير....حتى متى وانتم مغيبين لوعي شعبنا؟؟!!
معدلات الموت بشرق السودان تفوق قتلى الفلسطينين منذ عام 48!!
وانت تقول لي فلسطنين؟؟؟
انت ساكت عن قتل البني عامر و البجا بالسل ليه؟؟؟؟
Quote: الأخ / خالد
بعد التحية
إنت بتتكلم مع واحدة ساكتة عن قتل الفلسطينين وإغتصاب أراضيهم .. وبكل بجاحة بتدعو لجمعية صداقة مع القتلة ..
|
الحكام المفسدين يواصلون قتل اهل الشرق بفسادهم
ويتحدثنا امثالك من المغيبين عن قتلى الفسلطينين!!
حدثني عن فاطمه التي نعتها نجلاء سيد احمد هنا قبل اسابيع
قبل ان تحدثني عن محمد الدره ايها المغيب الوعي.
وعي انا ايها الجاهل لا تنصعه امثال قناة الجزيره...وعي يصنعه
الالمام الحقيقي بقضايا شعبي.
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tragie Mustafa)
|
الجاهل خالد العطا
انت حقيقي اثبت انك جاهل لدرجة قف تأمل!!.....
اتسألني ان عن بيت الحكومه..ايها المدعي؟؟؟
اوصلنا له كمنصب سياسي ام وظيفه حقيقه نلناها بالعطاء حسب المؤهلات!!
Quote: بعدين مالك ما رديتي علي
سكنك في بيت الحكومة
واكلك من مال الحكومة |
منو القال بيت الحكومه عيب ايها المتشعبط في الفهم!!
بيت الحكومه لعلمك استحقيناهو بوظيفة امي وابي!!
وامي وصلت لمنصب مدير تعليم البحر الاحمر ايضا
وكانت لنا سيارتين من الحكومه لعلمك
احدهم من مكتب التعليم وآخرى من المحافظه!!
وقال منتظر يعتذروا ليه.؟؟؟
انت مش تقوم تلف ......تلف وتلقط ورق مع جورجيت كمان الله يرحمها!!
وبطل نفاق وتشعبط فيما لا تفقه فيه
في فرق بين اجر تناله مقبال مهاراتك ومؤهلاتك...وبين اللغف بأسم الوظيفه!!
ما تبقى راجل تجي هنا تشتم كل دكتور ساكن في بيت حكومي بحكم منصبه؟؟؟
ولا تجي تشتم كل موظف ساكن في بيت حكومي بحكم منصبه ولا اقول لك اشتم ناس المواني برضو
وناس السكه حديد....صحيح انك مدعي....للفهم واتضح انك اجهل ما تكون.
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tragie Mustafa)
|
مشكلة ايلا فساد بطانته و التى تزين له افعاله و اتحداهم
كلهم كذابين ما فيهم واحد بيقدر ينصح ايلاكو و لو بالهزار
الجماعة رجافات ساكت اسود على تراجى و نعام امام ايلاكو .
مرة واحد من جماعته عامل فيها الود فقرى قام اده ليك ايلاكو
نصيحة تانى يوم لقا نفسه منقول حته جنب قرورة عقرب ما بتسكنها
من اليوم داك صاحبنا المسكين بقى لو شاف ايلاكو بيغير الشارع .
غايتو نصيحة لى الله ياناس خالد خلو بالكم مواسير ايلاكو صعبة
شديد بكره ما تضربوا الجرسة يلحقم امات طه
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
Quote: خالد العطا.....لم تتعابط وتقحم امور غير منطضقيه ماذا تتوقع؟؟!!
حسين عوضاي مثلا ابوه موظف حكومي...ويقيم في بيت حكومه
ايعقل ان تشتمه بهذا؟؟؟
اي منصب تصله بمؤهلك مبروك عليك امتيازاته الوظيفيه.
ولكنها تختلف من ان تغلف من اموال الشعب و الاكثر عدم قبول
هو ان الشعب جائع.
|
هوي يا تراجي ما تتفاصحي وتتعابطي ساكت
طيب انتي مستخصرة في ايلا بيت الحكومة ليه
فيه وظيفة والي ما تنسي والي برضو موظف حكومي
بعدين للاسف انك ما قريت المداخلات الاتمسحت اكراما للاخرين مش ليك
يعني لو عاوزة اتعامل معاك بي نفس اسلوبك مافي حاجة بتمنعني
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
الاخ الكريم خالد العطا
اولا انا ما قاعد فى استراليا هذا لتصحيح المعلومات اما حديثك
عن النضال يبدوا انك حقا جديد على الشرق و ما بتعرف عنه غير ايلا
و نجد لك العذر كان من المفترض حتى يكون النقاش مثمرا ان تجاوبوا
على الحقائق و الاسئلة التى طرحناها ...
سؤال لك حتى نؤكد لكل المدافعين عن ايلا اننا نتابع كل صغيرة و كبيرة :-
من سرق شاشات قاعات جامعة البحر الاحمر .
اين ذهب تبرع شركة زين لاتحاد جامعة البحر الاحمر .
ما هو الخلاف بين ايلا و القوات المسلحة و فى اى ارض نهبها الطاغية .
لماذا انتحر خال محمد طا هر ايلا بجبيت و ما هى اسباب خلافه معه مما ادى للذى حدث .
لماذا حارب الطاغية عبد الرحمن بالعيد حتى فى لقمة عيشه .
لماذا عين الطاغية اخت زوجته رئيس لجنة بمجلس الولاية بدرجة وزير .
اسأل عن اللحظات الاخيرة للزعيمين موسى ضرار و برق -- شق ايلا لنظارت البنى عامر .
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
Quote: اولا انا ما قاعد فى استراليا هذا لتصحيح المعلومات اما حديثك
عن النضال يبدوا انك حقا جديد على الشرق و ما بتعرف عنه غير ايلا
و نجد لك العذر كان من المفترض حتى يكون النقاش مثمرا ان تجاوبوا
على الحقائق و الاسئلة التى طرحناها ... |
اسف انا غلطان بعدلها واعملها لندن
الكتابة بالاخضر دي مابرد عليها برسل ليك شهادة الميلاد
Quote: من سرق شاشات قاعات جامعة البحر الاحمر .
|
ده سمو سؤال برضو يا طارق يعني يكون ايلا قام في الليل
والغفير بتاع الجامعة نائم سرقها ياخي تخ
| Quote: اين ذهب تبرع شركة زين لاتحاد جامعة البحر الاحمر . |
وده نفس الاجابة السابقة ممكن تستعين بي صديق من اتحاد الجامعة
| Quote: ما هو الخلاف بين ايلا و القوات المسلحة و فى اى ارض نهبها الطاغية . |
لا يوجد اي خلاف وايلا هو الوالي من حقه التصرف في اراضي الولاية لمصلحة الولاية
Quote: لماذا انتحر خال محمد طا هر ايلا بجبيت و ما هى اسباب خلافه معه مما ادى للذى حدث .
لماذا حارب الطاغية عبد الرحمن بالعيد حتى فى لقمة عيشه . |
امور شخصية لا تفيدنا في شئ
| Quote: اسأل عن اللحظات الاخيرة للزعيمين موسى ضرار و برق -- شق ايلا لنظارت البنى عامر . |
هل لانه منح ناظرة لقبيلة ظلت تلهث خلفها عشرات السنين
اخي
طارق
انا لست كادرا حكوميا في حكومة ايلا
وايضا لست عضوا في اي تنظيم سياسي
انا شايف ايلا له انجازات لا تخطئها
العين واكيد بكون عنده اخفقات برضو
وده شئ طبيعي
انا كل نقاشي معك انه ايلا انجز لولاية البحر الاحمر
واشياء شفت بعيني مافي شئ يخليني اقول حاجة ما شفتها
واحترم وجه نظرك ايضا
90% من سكان بورسودان يعرفون ان ايلا انجز في الولاية ما لم ينجزه غيره
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
شكرآ خالد عطااااااا للتقدير وده عشمى فيك .....
من حسنات البوست ده انو اظهر اميرة الشرق الباسقه امنه احمد مختار ايره اهلا يا آمنه ...
ويا خالد عطا تصحيحآ للمعلومه عمنا عمر ابو طالب كان يشغل منصب نائب المحافظ التنفيذى لمحافظة البحر الاحمر التى وصلها اكيد بكفاءته واقدميته حسب التسلسل الوظيفى الحكومي ليس بها شبه او صبغه لونيه لتنظيم معين
بل كانت حسب الكفاءة بعدين النادى العالمى ما مقياس عشان نقيس بيهو الامور كلنا لنا عضوية انضمام ....................
وحسب معرفتى بالاخت تراجى لاننى صديق لاخيها المرحوم يس ابو طالب ودرسنا سويآ بمدرسة وسط المدينه وكنا نأتى احيانآ الى منزلهم فى فترات الفسح او انتهاء اليوم الدراسى كانت مهمومه جدآ بقضايا المهمشيين وقد عملت بعدة منظمات
وكان ضمن فريق العمل د سيداحمد الحسن عمر الدكتور الانسان والرجل الرمز وكانوا يذهبون سويآ الى مناطق الشده والفقر المدقع ليقوموا بمساعدة ما امكن مساعدتهم بمناطق طوكر وجبيت وسنكات وما بين صمد وتهميم ...
الاخت تراجى الصديق الاخ خالد عطا ابن من ابناء بورتسودان تربى وترعرع فى سلبونا وابو حشيش بل من اوائل الاسر التى استو طنت هذا الحى وفوق ذلك يعشق بورتسودان والشرق حتى الثماله له صداقات بمختلف ابناء قبائل الشرق
بل انه يجيد احدى اللهجات جيدآ وفوق ذلك محاور جيد ولم يقم بالمبادره بالخروج عن سياق البوست وطالبك بالاعتذار عن كلمة قوم لف وحق طبيعى لما بينكم من احترام ولكن ان تتمادى فى كيل الاساءات امر لا يسر
وعلى زكر الاعيان الاخ خالد عطا هو نسيب او صهر للمرحوم رجل البر والاحسان عبدالله العبيد وكلنا يعرف من هو عبدالله العبيد فافعاله تشهد له وهو من رحم سلبونا التى جاء زكرها لماذا لا ادرى ........
عمومآ نكن لكليكما ود وتقدير واعرف ان بينكم وصل واحترام متبادل آآآآآمل ان تقفل صفحة التراشق بالكلمات
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: حسين عوضاى)
|
عارف يا خالد عطا عشان الناس ما تفسر كلامى غلط كرهى للنظام ومن ينتسبون اليه لا يعفينى من قول الحق فيه وفى من ينتسبون اليه ...
معرفتى بالسيد الوزير كمال عبداللطيف معرفه وثيقه وقديمه جدآ لذلك اشهد له بالاستقامه استنادآ الى من رأيتموه يرتاد المساجد فاشهدوا له بالصلاح او الفلاح ........
فشهادتى فى كمال عبداللطيف رغم صغر سنى انذاك فقد كنت اراه مواظبآ على التواجد بالمسجد فى كل الصلوات ابان اجازته وعودته من الدراسه بالخرطوم واشهد عن زهد والده عمنا عبداللطيف
الذى ما زال يسكن فى بيته الذى بناه بشقى عمره ومعاشه طيله سنوات عمره بسلك الشرطه وفى احد احياء بورتسودان العاديه جدآ جدآ لم يزعزعه منصب ابنه ولم يزعزع المنصب الابن فكان عبداللطيف كما عرفنا
وكان كمالآ كما شهدنا فالتحيه والتجله للعم والوالد عبداللطيف .......... وهكذا تعرف معادن الرجال .............
اما محمد طاهر ايلا فقد عرفناه موظفآ بهيئة الموانئ البحريه ليس الا ومهما كانت مقدرة الموظف الماليه تظل محدوده لانو فى النهاية موظف حتى وهو وزير برضو موظف وكل ما ارتفع المرتب زاد بند الصرف
يعنى اذا كفاهو مرتبه لاحتياجاته الاسريه وتحويشه شويه لتقلبات الزمن ....... لكن اكتر من كده الا يكون حااااااوى ...........
عن نفسى والدى عسكرى بغض النظر عن انو ضابط شرطه لكن فى النهايه عسكرى يعنى موظف والموظف قدراتو محدوده نقوم نشترى لينا بيت فى المعموره مثلا او المهندسين او الصافيه قطع شك الموضوع فيهو
88 او نزق او اى حاجه ما عاديه صح ......... على ذلك فقس ..........
احترامي
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: حسين عوضاى)
|
Quote: خالد عطا وتراجى مصطفى وفتح الرحمن اتمنى ان يسمو النقاش
اكثر من ذلك فلا داعى للاساءات الشخصيه فكلكم تعزو علينا ولا نريد
ان نراكم متهاترين هكذا
المعروف عن اهل بورتسودان تعاضدهم فاين انتم من ذلك ااااامل
الجنوح لصوت العقل |
حسين سلامات
الجنوح .....بدأه هؤلاء وليس انا
البوست عن ايلا هم الدخلهم شنو؟؟؟
لو عندهم نفي انه هذا ليس المهر المدفعو كان قالوهوا...لكنه غير صحيح.
شبكنا فتح الرحمن انت شغاله شنو؟؟؟
وخالد العطا انت كنت ساكنه وين...وغيرها من الفارغات.
بل وصل بهم الامر التشكيك في مواقفنا التاريخيه
وهم لا يعرفونني.... حتى لو هم من بورسودان.
بل وصل بهم الامر احضار مقالات مدسوسه ويعرفونها جيدا من مواقع مشبوهه!!
لحد حسه انا لا جبت سيرتهم ولا وظئاف اهلهم ولا اين يقطنون و لا ماذا ياكلون
لانه هذا ليس قضيتي.
ايلا شخصيه عامه ومن حقنا نقدها
وتبذيره وفساده الذي زكم الانوف
وانسحاق اغلب اهل الولايه في زمانه
هذا لا يحتاج لشهود.
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
زي ما طاهر ايلا شخصية عامة
انتي برضك شخصية عامة
والمفروض تتقبلي النقد
واظن اسلوب قوم لف وعبيط وجاهل
ده ما اسلوب شخصية نذرت نفسها
للدفاع عن الاخرين
ولا اسلوب نقاش
الشتائم حجة الجاهل
ومن فقد الحجة
راجعي بوستات كلها تلقينا دعمناك فيها لان
من كانوا ضد رايك كان اسلوبهم نفس هذا الاسلوب
مافي انسان فوق النقد
مهر وعرس دي خصوصيات
وذي ما جبتي خصوصيات الناس
اتقبلي اليجيك
ولعلمك
انا كنت بحترمك جدا ومقتنع تماما ببعض اراءك
لكن للاسف لقيتك تفقدي المنطق في اول لفة
حسب كلامك انك تحملي قضايا وطن ومن يحمل قضايا
الاوطان ومهمة الدفاع عنها
عليه ان يتحلى بالمنطق وطولة البال
والحلم وتفويت صغائر الامور
من اجل ان يجمع حوله الاخرين
كثيرون يعرفون تراجي
لما واحد يجي يقراء الفاظك دي
هل دي الفاظ انسان قيادي
منو البرضى يمشي وراك
ويقتنع بي اسلوبك في النقاش
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
إنتهي من عقدتك العندك وبعدين تعالي ناقشي .. ولسه منتظر المشنقة النصبتيها لإني ( دنقلاوي ) ياتراجي ...
وللسة بيرسل في الرسايل :
الله يرضى عليك أخطاني ياخ .. مابحب أكون سبب في أذية زول والله .. فما تضطراني أصل معاك لمرحلة ماكويسة .. وإنت عارف رسايلك دي قانونياً ممكن توصلك لوين !!!
عندك رأي في إيلا .. ده ماسبب يخليك تتلحني برسايلك دي .. رأيك وبحترمو .. مفروض رأيي أنا برضو تحترمو حتى لو ماكان ماشي معاك .. مش دي الديمقراطية ؟؟
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tragie Mustafa)
|
الاخ الفاضل خالد عطا
صراحة اعجبنى ردك لكنك لم تفهمنى ما قصدته بأسئلتى السابقة
فقط لأؤكد لك بأننا نتابع أخبار الوطن لاننا نحبه خصوصا شرقنا الغالى
وعندما ننتقد ايلا نقدا قويا و لاذعا فهذا يعنى ان الامر جلل و له اسبابه
اخى الكريم خالد ان من شيم الطغاة المتجبرين عدم احترام الرأى الاخر و ايلا نموذجا .
بالله ادينى مبرر واحد لتعين امى مثل محافظ عقيق على سكر .. هل عقمت حواء البنى عامر
من انجاب متعلمين ام ان الامر تصفية حسابات و اذلال لقبيلة عريقة ..
ماذا تسمى تعين ايلا لشخص دمر انتخابات السودان فى اكبر فضيحة انتخابات عرفها السودان
و ستظل مسجلة مدى التاريخ كتوثيق للفساد ... هذا احتقار للشعب السودانى و عار كبير ..
ماذا تسمى تعين همد كشه الامى رئيس لجنة بمجلس الولاية .
ماهى خبرة وزيرة التربية لتقود هذه الوزارة الحساسة .
ماذا تعرف عن معتمد الاوليب و القنب .
اخطاء ايلا كبيرة و لا تغتفر فى كثير من الاحيان و منها عدم تقيمه و تقديره للرجال الرجال
سدادين الفرقة و اصحاب التاريخ الناصع و لماذا يحيط نفسه دوما بالمشبوهين ... يجب ان
يعلم ايلاكو ان المياه تجرى تحت الجسر و سيندم كثيرا على سوء تقديره و قصر نظره حينها لن ينفعه الندم .
الان الكل يشتكى و يصرخ حتى كيزان المؤتمر الوطنى .
نتمنى كل الخير لبلادنا و سنقاوم كل الطغاة فنحن من طينة لا تخشى فى الحق لومة لائم ان لم ينصلح الامر
سنواصل فى التصعيد حتى يقضى الله امرا كان مكتوبا .
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
Quote: محمد طاهر ايلا فقد عرفناه موظفآ بهيئة الموانئ البحريه ليس الا ومهما كانت مقدرة الموظف الماليه تظل محدوده لانو فى النهاية موظف حتى وهو وزير برضو موظف وكل ما ارتفع المرتب زاد بند الصرف
يعنى اذا كفاهو مرتبه لاحتياجاته الاسريه وتحويشه شويه لتقلبات الزمن ....... لكن اكتر من كده الا يكون حااااااوى ...........
عن نفسى والدى عسكرى بغض النظر عن انو ضابط شرطه لكن فى النهايه عسكرى يعنى موظف والموظف قدراتو محدوده نقوم نشترى لينا بيت فى المعموره مثلا او المهندسين او الصافيه قطع شك الموضوع فيهو
88 او نزق او اى حاجه ما عاديه صح ......... على ذلك فقس |
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
Quote: بالله ادينى مبرر واحد لتعين امى مثل محافظ عقيق على سكر .. هل عقمت حواء البنى عامر
من انجاب متعلمين ام ان الامر تصفية حسابات و اذلال لقبيلة عريقة .. |
طارق
سلام
شكلك عاوز تبوظ لينا حجة السنة دي
ياخ مش اتفقنا نتقابل في الاجازة
انت اديني سبب من كان معتمد درديب السابق
وهل عقمت حواء اهل درديب علما بان المعتد السابق
من قبيلة البني عامر
ياطارق للاسف تعين الولاء والمعتمدين والجلس التشريعي
كله بتم بناء على نسب وترضيات
شئ جبهة شرق ومؤتمر وطني وشئ احزاب اخرى
Quote: حكومة الولاية
السيد / د. محمد طاهر إيلا
والي الولاية
السيدة / اميرة محمد عثمان
وزير التعليم العام
السيد/ صلاح سر الختم
المالية
العميد / مبارك محمد محمود
التخطيط العمراني والمرافق العامة
السيد/ الصادق المليك
وزير الزراعة والثروة الحيوانية والري
السيد/ حامد صالح اسناي
وزير الشئون الاجتماعية
السيد / د. أونور اوشام
وزير الثقافة والإعلام والشباب والرياضة
العميد / المكي خضر المكي
وزير الصحة
السيد/ عثمان الحسن أوشيك
وزير الحكم المحلي والخدمة المدنية
السيد/ عبدالله محمد أحمد كنه
وزير البيئة والسياحة
السيد/ عثمان محمد أحمد بابكر
وزير الشئون الاقتصادية والاستثمار
المعتمدون
السيد / خالد حسن محمد
معتمد محلية بورتسودان
السيد/ شريف طاهر المليك
معتمد محلية سنكات
السيد/ عبدالله حسين إبراهيم
معتمد محلية طوكر
السيد/ جلال محمد أحمد الحسن
معتمد محلية حلايب
السيد/ محمود محمد محمود
معتمد محلية سواكن
السيد/ على سعيد حامد
معتمد محلية عقيق
السيد/عبدالله بوشاي
معتمد محلية القنب والاوليب
السيد/ ابراهيم طاهر الحسن
معتمد محلية هيا
السيد/ مكي أدروب قلوباوي
معتمد درديب
السيد/ عيسى محمد شيك
معتمد جبيت
مستشارو الوالي
السيد/ صالح أحمد عبد الحفيظ
السيدة/ بثينة الشفيع عبدالرحمن
السيد/ جميس ميماما
السيد/ صالح صلاح سعد
السيد/ ضرار أحمد ضرار
|
حتى نسهل لك طرح الاسئلة
ياطارق للمره المليوووون ياخ انا حكومة الولاية فيها منو والله ما عارف
ودي جبتها ليك من النت من موقع الصديق وعضو البورد فتح الرحمن
يا سيدي طارق
نحنا قلبنا على الشرق
ولو الشيطان ساهم في نهضة الشرق
نحنا معاه
ياطارق ما تكاجر ساي ايلا انجز
انت بحكوا ليك ونحنا شفنا بي عينا
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: خالد العطا)
|
خالد العطا
يا اخي حقك علينا.
اولا قوم لف دي وحياتك ما شكل
دي من عبارت هذا المنبر...وتقال تمازحا.
اها انت زعلت فيها قملت زدتها لك شمار وثوم وخصوصيه بورتسودانيه
فقلت لك قوم لف ولقت ورق مع جوريت (الله يرحمها) وبرضها هظار.
اها انت كثرتها بعد داك
وشبكتنا بيت الحكومه وبيت الورثه....الخ
فطبعا انا شايفه انه لا عالقه اطلاقا لذا وصفت المداخله بالغباء.
اها وعشان حسين عوضاي
وعشان عارفك لا طايل لا احمر ولا اخضر من ايلا التماسح
بقول لك حقك علينا.
اها افرز عيشتك بعد كده.
نرجع لتنمية ايلا
يا خالد زمان كنا زيك
وممكن نكون كبرنا وعقلنا واتعلمنا اكثر
لذا لن اقول لك صدقني ما قاعدين نأذن في مالطه.
يا خالد انت عارفنا منو زي ما قلت وجاين من وين
يبقى لو علينا فكلنا مستفدين زيك من منجزات ايلا!!
ان كانت كازينوهات ولا كرانيش ولا شوارع اسفلت.
لكن الاخلاق و التعليم علمنا انه لن ينصلح حال مجتمع
وجزئه الاكبر حاله مائل.
اهل الشرق الحقيقين بجا او بني عامر او غيره نعلم انهم
لم تصلهم تنمية ايلا....لم تصل لقفة خضارهم....!!
ولن يغشنا ببرنامجه الذي هو محاولة لاغراء بعض فروع البجا
بتاع (الغذاء مقابل التعليم)!!
كل هذه برامج تسطيحه لم تقم على دراسات متعمقه
ومن اين له بالعمق اذا كان يحرص على تعيين عديمي المؤهلات.
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tragie Mustafa)
|
Quote: ياطارق للاسف تعين الولاء والمعتمدين والجلس التشريعي
كله بتم بناء على نسب وترضيات
شئ جبهة شرق ومؤتمر وطني وشئ احزاب اخرى |
Quote: حكومة الولاية
السيد / د. محمد طاهر إيلا
والي الولاية
السيدة / اميرة محمد عثمان
وزير التعليم العام
السيد/ صلاح سر الختم
المالية
العميد / مبارك محمد محمود
التخطيط العمراني والمرافق العامة الاخ خالد هل تقصد العمدة دربكاتى
السيد/ الصادق المليك
وزير الزراعة والثروة الحيوانية والري
السيد/ حامد صالح اسناي
وزير الشئون الاجتماعية
السيد / د. أونور اوشام
وزير الثقافة والإعلام والشباب والرياضة
العميد / المكي خضر المكي
وزير الصحة
السيد/ عثمان الحسن أوشيك
وزير الحكم المحلي والخدمة المدنية
السيد/ عبدالله محمد أحمد كنه
وزير البيئة والسياحة
السيد/ عثمان محمد أحمد بابكر
وزير الشئون الاقتصادية والاستثمار
المعتمدون
السيد / خالد حسن محمد
معتمد محلية بورتسودان لقد رفض الاستاذ خالد حسين و ليس حسن المنصب ياخوى
زول عاقل بيشتغل مع ايلاكو مافى و قال انو ما داير يكون
كومبارس او سلاق بيض الخيل تجقلب و الشكر لى
حماد - حماد ده طبعا ايلاكو - قال معتمد قال -
السيد/ شريف طاهر المليك
معتمد محلية سنكات
السيد/ عبدالله حسين إبراهيم
معتمد محلية طوكر
السيد/ جلال محمد أحمد الحسن
معتمد محلية حلايب
السيد/ محمود محمد محمود
معتمد محلية سواكن
السيد/ على سعيد حامد ده صعب شديد كدى ورينى يا خالد الزول ده شايت وين
معتمد محلية عقيق يا جماعة انتو قايلين الاحزاب السودانية دى تابعة لمحو الامية
السيد/عبدالله بوشاي
معتمد محلية القنب والاوليب الاسم الصحيح اوبشار ما بوشاى بتاع سوق المنقبة سلالاب
شفت بورتسودان دى مجضمنها كيف
السيد/ ابراهيم طاهر الحسن عسكرى نفر بجهاز امن مايو
معتمد محلية هيا
السيد/ مكي أدروب قلوباوي
معتمد درديب
السيد/ عيسى محمد شيك
معتمد جبيت
مستشارو الوالي
السيد/ صالح أحمد عبد الحفيظ
حسه يا خالد ايلاكو ده بيشاورهم فى شنو الا فى الاحلام
السيدة/ بثينة الشفيع عبدالرحمن
السيد/ جميس ميماما
السيد/ صالح صلاح سعد
السيد/ ضرار أحمد ضرار
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: Tabaldina)
|
Quote: الطاغية محمد طاهر ايلا/عيسي محمد اوهاج / بورتسودان
Nov 9, 2010, 08:25
سودانيزاونلاين.كوم Sudaneseonline.com
ارسل الموضوع لصديق
نسخة سهلة الطبع
Share
الطاغية محمد طاهر ايلا
عيسي محمد اوهاج / بورتسودان
يقول رسولنا الكريم :ـ خيار ائمتكم الذين تحبونهم ويحبونكم ، وتصلون عليهم ويصلون عليكم ، وشرار ائمتكم الذين تبغضونهم ويبغضونكم ، وتلعونهم ويلعنونكم .
هذا الحديث يعني ولي الامر العادل الذي له قيمة مع اهله وجيرانه وسائر المسلمين .. ولكننا امام حالة شاذة مثيره لرجل جشع فاجر و سئ المعشر ..يعاني من حالة انفصام في الشخصية .. ينطبق عليه الحديث حيث تكرهه جماهير الولاية وتلاحقه باللعنات وبدوره ان سلوكه يبين مافي جوفه نحو مواطنيه ... هذا الشخص عار علي الدولة السودانية ان يكون واليا ووليا لامر من امور الناس في القرن الحادي والعشرون ..وسيشهد التاريخ في عهد ليس ببعيد انه كان مثالا لفساد القوة ونهج اللاتربية وعاجلا جدا سيذهب الي مذبلة التاريخ غير ماسوف عليه ... مصحوبا بلعنات المظلومين .
فالضلالة التي تعيش فيها ولاية البحر الاحمر منذ ان حط رحاله علي ارضها الفاسد المفسد ( محمد طاهر شيخ ادروب) اضحت حديث مجالس المدينة ، وان اكف المساكين متضرعة للمولي عز وجل ان ينتقم لهم شاكين لله رب العالمين .
فافعال الرجل السئ ازكمت الانوف وفساده ملا الطرقات ، وجوره وظلمه اصبح انين يسمع علي ستر الليالي ، وهو يناصر وينشر الرزيلة ، كيف لا وهو رب البيت الضارب للدف .
الطاغية اعلن عن تشكيلته في حكومة الولاية بدءا من مستشارته العجوز الشمطاء والتي شهادة تسنينها تماثل سنين خدمتها في التعليم ( معلمة مدرسة صغري ) و تؤدي مهمة زرع الفتن والغش والخداع و نقل القوالات وهي السبيل الاوحد لقلب الطاغية وكسب وده .
اما مستشار بجا حديد ( سابقا) فهو الامي الذي لايعرف كتابة اسمه وبالتالي يحمل ختما يحمل اسمه لينوب عنه !!
ووزرائه الذين بلا اعباء او مهام بدءا من وزير المالية سائق العربة ونهاية بالمجنون والعتالي والفاقد التربوي والغائب عن الوعي والعميل المزدوج وصاحب الفضيحة الاخلاقية الكبري بكوستي ( العميد السابق) وله سوابق والعياذ بالله .
فاختلاسات الطاغية ورشاويه من الشركات المصريه وثروته الحرام التي فاقت الثلاثمائة مليار بالقديم واضيفت لهم شركة مصر للاسمنت المسلح لتلحق بشركة النصر للمقاولات ( حسن علام ) وعبيد قروب وبمعية سمسار الطاغية ( كمال بوكاب ) .
واننا نحذر جيراننا المصريين وعبر قنصليتهم بان هذا السلوك اللصوصي غير مقبول البته واننا سناخذ حقوقنا التي سرقت من ارضنا بايدينا وان دعي الامر بوسائل غير ناعمة .. فكفانا حلايب ومواطنيها العزل الذين لاحامي لهم الا رب العالمين .
ان سرقة المدن الساحلية وتوزيعها علي المصريين والي اشخاص مزدوجي الولاء ( غواصات ) لهو فساد غير مقبول ، فقرية حلوت ومنتجع البحر الاحمر وشيخ اكد واخرها القرية التي قبض ثمنها الطاغية لتحظي بها شركة السهم الذهبي وامين عبد اللطيف ، ليعلم المستثمرين من الداخل والخارج ان ادارة الاستثمار هي مكتب خاص يديره الطاغية حسب رغباته وان دراسات الجدوي وجهود المستثمرين تسرق فيه دون وازع او ضمير فانتبهوا يا اهل الاستثمار .
واخر المطاف ان ابنه طاهر ترك زوجته بنت شيخ ابوسن ليطارد بنات الجاليات لزواج اخر ويدفع مئات الملايين التي لم يتعب فيها ومن مال السحت والرشاوي وبمساعدة وتشجيع عصابة ابوحشيش واخوة بروفيسور التزوير في التعداد الاخير والتي اصبحت فيها هيا اكبر من بورتسودان !!! فبروفيسور التزوير عوض حاج علي واخوته قصار القامة سارقي مال الولاية عبر المنازل المرهونة ، والعصابة الاخري علي راسها ارذل العالمين تاجر السحر والشعوذة والمنجم محمد طاهر احمد حسين ويا لبئس الولاية التي يحكمها الطاغية وزمرة من الهتيفة وحارقي البخور وصعاليك المدينة |
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
Quote: يقول رسولنا الكريم :ـ خيار ائمتكم الذين تحبونهم ويحبونكم ، وتصلون عليهم ويصلون عليكم ، وشرار ائمتكم الذين تبغضونهم ويبغضونكم ، وتلعونهم ويلعنونكم .
هذا الحديث يعني ولي الامر العادل الذي له قيمة مع اهله وجيرانه وسائر المسلمين .. ولكننا امام حالة شاذة مثيره لرجل جشع فاجر و سئ المعشر ..يعاني من حالة انفصام في الشخصية .. ينطبق عليه الحديث حيث تكرهه جماهير الولاية وتلاحقه باللعنات وبدوره ان سلوكه يبين مافي جوفه نحو مواطنيه ... هذا الشخص عار علي الدولة السودانية ان يكون واليا ووليا لامر من امور الناس في القرن الحادي والعشرون ..وسيشهد التاريخ في عهد ليس ببعيد انه كان مثالا لفساد القوة ونهج اللاتربية وعاجلا جدا سيذهب الي مذبلة التاريخ غير ماسوف عليه ... مصحوبا بلعنات المظلومين .
فالضلالة التي تعيش فيها ولاية البحر الاحمر منذ ان حط رحاله علي ارضها الفاسد المفسد ( محمد طاهر شيخ ادروب) اضحت حديث مجالس المدينة ، وان اكف المساكين متضرعة للمولي عز وجل ان ينتقم لهم شاكين لله رب العالمين .
......................... ، وجوره وظلمه اصبح انين يسمع علي ستر الليالي .................... . |
| |
|
|
|
|
|
|
|
|
|
Re: 350 مليون سوداني مهرا يدفعه ابن الوالي(محمد طاهر ايله)الذي يموت رعاياه جوعا بجنوب طوكر!! (Re: طارق أحمد أبوبكر)
|
ماذا تسمى تعين ايلا لشخص دمر انتخابات السودان فى اكبر فضيحة انتخابات عرفها السودان
و ستظل مسجلة مدى التاريخ كتوثيق للفساد ... هذا احتقار للشعب السودانى و عار كبير ..
ماذا تسمى تعين همد كشه الامى رئيس لجنة بمجلس الولاية .
اخطاء ايلا كبيرة و لا تغتفر فى كثير من الاحيان و منها عدم تقيمه و تقديره للرجال الرجال
سدادين الفرقة و اصحاب التاريخ الناصع و لماذا يحيط نفسه دوما بالمشبوهين ... يجب ان
يعلم ايلاكو ان المياه تجرى تحت الجسر و سيندم كثيرا على سوء تقديره و قصر نظره حينها لن ينفعه الندم .
الان الكل يشتكى و يصرخ حتى كيزان المؤتمر الوطنى .
نتمنى كل الخير لبلادنا و سنقاوم كل الطغاة فنحن من طينة لا تخشى فى الحق لومة لائم ان لم ينصلح الامر
سنواصل فى التصعيد حتى يقضى الله امرا كان مكتوبا .
| |
|
|
|
|
|
|
| |
Tragie Mustafa
فتح الرحمن محمد
هاشم نوريت
عمر عبد الله فضل المولى
نايف محمد حامد
طارق أحمد أبوبكر
عمار محمد حامد
عبد الواحد أبراهيم
saif massad ali
ادم شحوتاي
حسين عوضاى
Omer Mustafa
محمد المسلمي
AMNA MUKHTAR
فيس بوك
تويتر
انستقرام
يوتيوب
بنتيريست