|
|
 Re: يجب استفتاء الشعب كله في حال طلب الجنوبيون الوحدة بعد الانفصال (Re: محمد عبدالقادر سبيل)
|
| Quote: دي ( رب اشرح لي صدري) بتاعتك يا عزاز؟! |
مالها؟ ما مواكبة؟
هو اجباري اكتب دعا؟ افتكرت كتابتك بتسقطوا عن الباقين
يا اخوي انا بدعي في السر ولو البين قوسين ده أُستجيب ما كنا بنتحاجج حسي
Quote: وهسع دحين دايرين استفتاء حول رتق الشق المنشطر حتما عشان نكون مارسنا حقنا زينا زي الجنوبيين
فيها حاجة دي ؟ |
كدي خلى الاستفتاء الوشيك يتم، وان شاء الله "يصير خير" يا قولة الكفيل...
بعدين شنو المزاحمة و الـelbowing ده و شغل الحاكو حاكو ؟ يا سبيل
انت حاير بيك الدليل ولا شنو يا اخوي؟ ناخد الأمور تاتا تاتا، خطوة خطو،
كان في اتفاقية مشاكوس وبعدين اتفاقية نيفاشا و بعد فترة انتقالية
و بعدين تقرير مصير، بعد تتم كل مرحلة نمشي البعدها. الوحدة مرة
أخرى في حال الانفصال لم تطرح كخيار من الاساس ولا انت ولا أنا في موقع
يخولنا انو نطرح سيناروهات بلا جنحان و نفنها في فضاء التأملات،
كل مما يليك و عاين في ورقتك حسي والترويسة "استفتاء قد ينتج عنه انفصال" ...
| Quote: استفتاء تقرير مصير عديييل self determination |
والله فعلا احنا محتاجين لتقرر المصير في الشمال،
ولو تم اعتقد المؤتمر الوطني حيحكم ارخبيل ولايات شاقيها أرض دول تانية...
Quote: رايك شنو في الاحزاب النتعول على استخدام وحدة السودان ككرت ضغط من اجل تغيير النظام برمته
هل يراهنون على امل حقيقي او عشم في ان يصاب المؤتمر الوطني بالحرج الوطني او يحن قلبه شوية.. ام هي اوهام سرابية وحيلة مضطرين؟
وهل صحيح ان هؤلاء يشجعون الجنوبيين على خطوة الانفصال الآن كوسيلة نضال بائسة ؟ |
والله شكرا وألف شكر انك تظن انو شخصي الضعيف يملك اجابات للاسئلة بعاليه،
اعفي لي لا املك اجابة لكل ما تقدم ...
انا حسي مركزة في الاستفاء و ما ينتج عنه لاني "براغمتيك"
وما بتعامل مع أي أمر في معزل من الظروف context
حسي في ميل نحو الانفصال من طرف الجنوبين وهو مسبب،
وسعى له المؤتمر الوطني وحسبه صيدا فكان قيدا...
ما تفترضه هنا–- أو تروج له أيهما أقرب لحسن ظني فيك --
بأن الجنوب سيعود لطلب الوحدة و انو الشمال "حيقعد يتشرط"
انا باعتبروا ضرب من ضروب "أحلام اليقظة" و "بكرة يجي الخريف و اللواري بتقيف"
ومعاها حركة اليد "طيييييب .. والله نوريكم" ...
ياخوي طلب تقرير المصير ده ما كان "حردي" ولا تعزز،
كان مسبب و اسبابه لدى الطرفين قائمة (للشمال حكم اسلامي– للجنوب حكم علماني)
و جري طيران ما بتلموا، لو، ولو دي انا مستبعداها جدا، في المستقبل الجنوبين
قرروا واخد بال حضرتك - هم الحيقرروا - يرجعوا في وحدة مع السودان
حتكون الوحدة بشروطهم ما بشروط الشمال، و ما حيكون في زمن المؤتمر الوطني هو الحاكم،
أو على الأقل باستراتيجياته المعروفة الآن ...
| Quote: لك احترامي كالمعتاد |
كتر ألف خيرك ولك مثله ...
|
|
  
|
|
|
|
|
| العنوان |
الكاتب |
Date |
| يجب استفتاء الشعب كله في حال طلب الجنوبيون الوحدة بعد الانفصال | محمد عبدالقادر سبيل | 10-31-10, 12:43 PM |
| Re: يجب استفتاء الشعب كله في حال طلب الجنوبيون الوحدة بعد الانفصال | jini | 10-31-10, 12:54 PM |
| Re: يجب استفتاء الشعب كله في حال طلب الجنوبيون الوحدة بعد الانفصال | Deng | 10-31-10, 01:09 PM |
| Re: يجب استفتاء الشعب كله في حال طلب الجنوبيون الوحدة بعد الانفصال | jini | 10-31-10, 01:14 PM |
| Re: يجب استفتاء الشعب كله في حال طلب الجنوبيون الوحدة بعد الانفصال | محمد عبدالقادر سبيل | 11-01-10, 08:55 AM |
| Re: يجب استفتاء الشعب كله في حال طلب الجنوبيون الوحدة بعد الانفصال | حامد بدوي بشير | 11-01-10, 09:18 AM |
| Re: يجب استفتاء الشعب كله في حال طلب الجنوبيون الوحدة بعد الانفصال | أحمد الشايقي | 11-01-10, 09:26 AM |
| Re: يجب استفتاء الشعب كله في حال طلب الجنوبيون الوحدة بعد الانفصال | عزاز شامي | 11-01-10, 09:42 AM |
| Re: يجب استفتاء الشعب كله في حال طلب الجنوبيون الوحدة بعد الانفصال | محمد عبدالقادر سبيل | 11-01-10, 10:02 AM |
| Re: يجب استفتاء الشعب كله في حال طلب الجنوبيون الوحدة بعد الانفصال | عزاز شامي | 11-01-10, 10:42 AM |
| Re: يجب استفتاء الشعب كله في حال طلب الجنوبيون الوحدة بعد الانفصال | الصادق صديق سلمان | 11-01-10, 11:03 AM |
| Re: يجب استفتاء الشعب كله في حال طلب الجنوبيون الوحدة بعد الانفصال | محمد عبدالقادر سبيل | 11-01-10, 11:47 AM |
| Re: يجب استفتاء الشعب كله في حال طلب الجنوبيون الوحدة بعد الانفصال | عزاز شامي | 11-01-10, 01:32 PM |
| Re: يجب استفتاء الشعب كله في حال طلب الجنوبيون الوحدة بعد الانفصال | أحمد الشايقي | 11-01-10, 02:00 PM |
| Re: يجب استفتاء الشعب كله في حال طلب الجنوبيون الوحدة بعد الانفصال | محمد عبدالقادر سبيل | 11-02-10, 12:37 PM |
 Re: يجب استفتاء الشعب كله في حال طلب الجنوبيون الوحدة بعد الانفصال | عزاز شامي | 11-02-10, 12:48 PM |
| Re: يجب استفتاء الشعب كله في حال طلب الجنوبيون الوحدة بعد الانفصال | Mohamad Shamseldin | 11-02-10, 12:55 PM |
| Re: يجب استفتاء الشعب كله في حال طلب الجنوبيون الوحدة بعد الانفصال | adam alamar | 11-02-10, 01:10 PM |
| Re: يجب استفتاء الشعب كله في حال طلب الجنوبيون الوحدة بعد الانفصال | محمد عبدالقادر سبيل | 11-02-10, 02:52 PM |
|
| |
فيس بوك
تويتر
انستقرام
يوتيوب
بنتيريست