|
|
 ود الصائم زح لاخوك
|
شيخ العرب ود اب سن عاوز يشغل ولده قام مشي بيه مؤسسة حكومية في ود مدني لفى المكاتب بيفتش بس في مكتب فاضي يقعد الولد فيهو مالقي اي مكتب فاضي المهم دخل مكتب فيهو كم موظف عاين فيهم كلهم لقى فيهم واحد احمر فمشي قومه من الكرسي وقعد ولدو محلو وعاين للزول وقاليهو المحل دا خليهو لاخوك انت مافي خوف عليك.
تحين يا اخوي انا عزمت اقدم للوتري السنة دي وقلت عشان زيادة فرص اختياري ابدأ بالناس البعرفهم واولهم انت تخلي الساحة لاخوك وخوف عليك مافي شايفك علاقاتك مع الكيزان ما بطالة يعني من هنا لهنا بتباصرها وكمان لو شفت لك طريقة تقنع لي بيها صالح تبلدينا يكون كتر خيرك لانه تبلدينا دا بخلقتو دي الا يحرجنا مع الامريكان ساهي، يا اخي دا قالو يوم اشاعة الاعصار قربوا يربطوه خايفنو يطير.وما تخاف ما بنساك.
واكان ابيت تنسحب ان شاء الله تتسلط على رقبتك وتخت في الفورم صورتك الفاتح فيها خشمك دي عشان الضحك يشرطك.
|
|
 
|
|
|
|
محمد عمر الفكي
فيس بوك
تويتر
انستقرام
يوتيوب
بنتيريست