|
موضوع جديد .. او لمحمد احمد غنو
|
غنو بس او..
لمحمد احمد
غنو
راجلا بيملى
العين
فارس السمِح
والشين
دخرينا يا محمد
سمادنا
ياقرفه
حين للزراعه
نمش
نسامنا يا
صاحب
حين للسخانه
نَهِش
نسمه بتبق
العطر واديك شايفو
مِطِر ,
للعينه غنو معاى
النتره ياصاحب
ونقاقه
يالمطره
كيفن اخوي
يبيت
هاالمطره
بره
البيت
لا شارعا ضويت
بي نورك
الباري
قلم
الليالى
بري ..
لا فهمك السارى
هداي مراكبنا
فوق المحيط
القيف
يا قرفه ياخى
اقيف
نوع الفراق ده مُخيف
واستنا حبانك , قد ضاقو حنضل غير ..
ارجانى انا بالذات , كما اعتدت ترجانى
كل الصحاب جايين .. القاصى والدانى
كل الهواتف طق ماجبروا لى لي كسرك , كل الهواتف رن رنات البكاالمُعلن ضربن وناحن نوح حين صعود الروح عارفين رحيلك حق لاكين اقيف ياخى طمناعليك فى الموت . .
|
|
|
|
|
|
|
|
Re: موضوع جديد .. او لمحمد احمد غنو (Re: سيف النصر محي الدين محمد أحمد)
|
ياخى
فوتك
فوت ..
اقنعت ملَك
الموت
انك تظل
تظل سالِم
ياخى :
موت موت
ارجوك كما قاعد
والنَفَس ممكن
شِيل
والروح كمان
تَصعد لباريها
ك
فرة
المِنديل
وفعلاً
صعدتَ نضيف
كفرة
المنديل ,
الجلسه ذاتها
رزين وحريف ..
شخته بسيطه , تكاد للعين عيان , لا تبين خمسطاشر دقيقه رجيت , وفق الروايه كما (النقر قد فاد) ياربى هذا الموت ام انه استشهاد!!
الجلسه ذاتها, وانُه يدك بس قد فكت التلفون وكان اّخررقم رقم اخوك ( بانقا)
لكن علي (جعفر)
قد عصرت شديد هذا الزول حزين حزنه اصعب مننا نشيلُه كالغيمه الهتون عِز السحابه يخُتنا.. ونطرى الله امرقنا من هذا الودار يلطف بنا . .
| |
|
|
|
|
|
|
Re: موضوع جديد .. او لمحمد احمد غنو (Re: Ahmed musa)
|
كان اليوم عادياً لا لم يكُن اليوم عادي على الاطلاق , لم اقرب الطعام كما ماذا اقول مثل رغبتك كل الاشياء ولا تركن الى واحده , هذا ماكان من امر ذاك اليوم حتى هاتفنى حاتم مصطفى : واللاي ياخ عندى ليك خبر كعب : نجلاء كيف والاولاد : لا ما كده ياخطاب .. خبر اكعب من كده : القيامه واللا شنو ! : واللههي ياخ قرفه مات : نعم بهذا ما قد حصل , اتصل بي عثمان حامد من هولندا : ووو .. وقد كان ان انهمر شريان البكاء وقد كما باغتنى حاتم, باغت على الفور وبذات الثقاله جميع من هم فى متناولى , وهرجت هرجاً جميلا , وفق حالتى .. وبكيت ولا همانى ىشى انا المدرب على الحزن , لكنك يا قرفه , قد باغتنى .. انه السودان , الوطن الواحِد وانك قادِم من كادوقلى , حيث الكوه ينفرط النشيد يا له من غدرٍ عنيد . .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
Quote: يا قرفه ياخى
اقيف
نوع الفراق ده مُخيف |
تمر الساعات سريعاً ولا أحد من أصدقائك إستطاع إستيعاب ما حدث الكل موجوع من ذلك الخبر الفاجعة صورتك صوتك لم ينمحي من الذاكرة مرّ وقت طويل عليّ ولم أفجع بوفاة أحد كما فجعت بخبر موتك ومر وقت طويل ولم أحزن كما حزنت لفقدك وفراقك ولكنه الموت ... وي...ؤلمني أكثر فقد أصدقاء عمرك لك أحس بالعجز تماماً تجاه مواساتهم لا توجد كلمات تكفي وتليق بمقام فقدك وحزنهم وتبقت الحقيقة الوحيدة وهي تأكد فقدنا لك... لك الرحمة والمغفرة بقدر محبتنا لك كل التعازي يا خطاب وانا لله وانا اليه راجعون
| |
|
|
|
|
|
|
Re: موضوع جديد .. او لمحمد احمد غنو (Re: تبارك شيخ الدين جبريل)
|
يابا خطاب ... لقد حاولت جاهدا في هذا الحزن ان اخفف دمعي قريت كل البوستات وبالقوة حبستا العبرات وحلقى تعب لكنك اليوم قتلتني بالبكاء ... حزنك شفيف ذي بسمتك هداي مراكبنا
فوق المحيط
القيف
يا قرفه ياخى
اقيف
نوع الفراق ده مُخيف
مخيف وكمان شديد يا يابا خطاب
سامحني الليلة حسيتك ابوي
| |
|
|
|
|
|
|
Re: موضوع جديد .. او لمحمد احمد غنو (Re: معاوية عبيد الصائم)
|
وكان الرحيل موجعاياخطاب ربنا يرحمه ويصبرنا واياكم علي فراقه كان قرفة كالنسمة فعلا حين رأيناه للمرة الاخيرة فى هولندا كان جميلا كالعادة كم اسعدنا وكم سما بنا فى سماوات عليها اعرف كم هو حزين مثلي احمد المصباح وعثمان وكل صحابه ربنا يجعل الجنة مثواه
| |
|
|
|
|
|
|
Re: موضوع جديد .. او لمحمد احمد غنو (Re: محمد عبد الماجد الصايم)
|
البركة فيكم يا خطاب . فى آخر تلفون يا خطاب . كان أبوالشباب قد حدثنى عن الخطة . خطة السفر . العودة الى بلاد النيل . الى الأرض . الى الأهل . قال : سوف نواصل الطواف . أنا محتفظ لك بمفاجأة ثانية بعد الوصول . ثمة رسالة تظهر اليك فى الأرض عنى وعن أخبارى . تشكر يا عثمان على كل ( الضحك ) فى شوارع الغربة . سوف أكون بالبلاد . هناك على ضفاف نيل الجنة أنشاء الله .. أنشاءالله .. وسلامى على الربع .. نترحم على أجمل الشهداء ( قرفة )
| |
|
|
|
|
|
|
Re: موضوع جديد .. او لمحمد احمد غنو (Re: Osman Musa)
|
الولد الدمعة الروح الغنوة الكلمة الضحكة الدنيا العاجة الراجة الرقصة الروح الابت الا تفارق وين بتروح ياسيد الروح المرقت تلفاك وين بتروح يا العالى سماك احى ياامى اليوم ابكيك والولد القال للناس انى معاكم فى الازمات ياامى الولد الزين القبل وفات قالت امى محمد تراهو حداى بسمع فيك غنيهو اكتبيهو وحجى الاولاد بمعانيهو سيد الضحكة التشبه يوم العيد احى يا روح الزول الراحت وين القاك ؟
| |
|
|
|
|
|
|
Re: موضوع جديد .. او لمحمد احمد غنو (Re: سلمى الشيخ سلامة)
|
الاعزاء
سلمى الشيخ و عثمان موسى
..
ربما لقربى من معزته لكم معزتكم له كل من ناحيته ونحن معاُ او متفرقين بالتلفون او شوف العيون بامكانى ان ارفع الاغطيه عن كل الكلمات لتضج المعانى ناصعةً من نسيج العبارات لكم ان تتخيلوا من يقع فى ذات خط الحزن معكم بطول العالم والعرض وماتحملته الهواتف من عناء بين الاهل الاحباب والاصدقاء . . صبرالله على فقده الجميع واغدق عليه من الثواب عدد نبضات قلوب الاحباب . .
| |
|
|
|
|
|
|
Re: موضوع جديد .. او لمحمد احمد غنو (Re: انعام عبد الحفيظ)
|
Quote: تمر الساعات سريعاً ولا أحد من أصدقائك إستطاع إستيعاب ما حدث الكل موجوع من ذلك الخبر الفاجعة صورتك صوتك لم ينمحي من الذاكرة مرّ وقت طويل عليّ ولم أفجع بوفاة أحد كما فجعت بخبر موتك ومر وقت طويل ولم أحزن كما حزنت لفقدك وفراقك ولكنه الموت ... وي...ؤلمني أكثر فقد أصدقاء عمرك لك أحس بالعجز تماماً تجاه مواساتهم لا توجد كلمات تكفي وتليق بمقام فقدك وحزنهم وتبقت الحقيقة الوحيدة وهي تأكد فقدنا لك... لك الرحمة والمغفرة بقدر محبتنا لك كل التعازي يا خطاب وانا لله وانا اليه راجعون
|
خالص التعازى لكم يا انعام لكل الاهل الاحباب المعارف والاصدقاء ولكل الذين صادفوه مرةً فأسرهم بمزاياه المتمهله وعشقوا حتى مروره العابر ناحيتهم كماحتفظت ذاكرته المُتقده بمحياهم اونداوة عبق اللقاء . . لاجله سنكون اظننا هناك نفخ جمرته ماوسع صدرنا ايقاد شعلته المتزامنه وشمعة د.جون دى مابيور او التلويح من على شط الفاجعه ويابسة التسليم للعميرى ومجدى النور . لاجلهم جميعا وعلى شرف محمد احمد سنكون ببيت الفنون . .
| |
|
|
|
|
|
|
Re: موضوع جديد .. او لمحمد احمد غنو (Re: Ahmed musa)
|
Quote: يالله يا خطاب !!!!!!!!!! يالله!!!!!!!!! يارب !!!!!!!!! ماهذه الأحزان الحروف ؟؟؟؟؟؟؟؟؟ نحن أرهف من أن نقرأ هذا فألطف بكـ وبنا ..... رجاء ..................!!!!
|
ودموسى ياخ معليش مافى طريقه غير الكتابه مخرج واللا الشوك سكن فى الجوف من هناك مرقن حروف . .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
يابا خطاب
أحس بكل أهاتك هنا ونواح قلبك فقلبي إن يكفي مطروح إليك
ومنذ سماع الخبر وحتى الأن ينبرم بخاطري شريط تلك الجلسة المطووووووولة معه بمنزلك بفرجينيافي صيف 2006 ..
وهاهو يغادر كل المجالس بلا رجعة ..
صبرك الله يابا خطاب وكل أصدقاءه وأهله وعشيرته بفقده العظيم وأبدله خيراً بمجالسة الفائزين في داره الاخرى ..
وعزائي لك ياصاحب
وإنا لله وإنا اليه راجعون
| |
|
|
|
|
|
|
Re: موضوع جديد .. او لمحمد احمد غنو (Re: tayseer alnworani)
|
(الموت ياتو) ؟
هكذا سأل عاطف أنيس منذ أعوام يوم رحل عن دنيانا العم الطيب يوسف حماد لم ألتقي بقرفة غير انني أدركت من كتابات الناس عنه أنني التقيته كثيراً
في عيون البسطاء والحالمين بوطن معقول أمثال قرفة باقون ياصديقي وحدهم هم الذين يهزمون الموت
ويستبيحون فضاءاته .
كن بخير ياخطاب كن بخير
| |
|
|
|
|
|
|
Re: موضوع جديد .. او لمحمد احمد غنو (Re: خضر حسين خليل)
|
الاعزاء
عثمان موسى تيسير النورانى و خضرحسين خليل
..
ما تضمنته اباحاتكم فى معرض هذا السيل الكاسِر اصوب من حروفى التى حاولت فيها ادارة مزاج الكارثه الماثله ,, الُمعرفة بالرحيل ,, نحو الشفيف من البواصل واظنكم قد أصبتم كثيراً حين أخفقت . . قدرى ان اصطلى بنار من عرفوه صراحةً وشرارة من لم يعرفوه عن قُربٍ بعد . .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
الاخوه والاخوات الكرام هذه الرساله من الاخ والصديق ناصر الخليفه صديق وزميل وشريك محمد احمد قرفه فى العمل ومشوار الحياه اليوماتى . .
.....
من الحجر الاسود الي السوكي
مقرومنزل المرحوم محمداحمدقرفة في امريكا BLACKSTONE-VIRGINIAالحجر الاسود السوكي مسقط راس المرحوم محمد احمد قرفة
لاول مرةاختلط الحابل بالنابل ولا تفرق بين اهل الفقيد واصحاب الفقيد داخل وخارج الوطن فالكل كان يتقبل العزاء يبكي بالم وحرقة لان الموت هذة المرة خطف جوهرة قل ان تجود بها الايام...بشاشة كرم همة وحسن تقدير وادراك للامور تاريخ حافل بجلائل الاعمال وسجل ناصع بالعطاء والجود كان يواجة المصاعب والمصائب بصبر وجلد لا تهزه الخطوب مهماكبرت فالكل يهون امامه وهو سائر علي المبادئ السمحه لا يحيد عنها مهما كانت الضغوط والصعاب انني لا اكتب هذه الكلمات لمجرد الرثاء لكنها الحقيقه التي كانت تمشي على الارض. عرفته وعرفناه طيلة السنوات الماضيه ووجدناه نعم الاخ الصديق ونعم الدليل المخلص المقتدر لم يبخل علينا بوقته وجهده واّرائه على مستوى الغربه كان يساهم بفعاليه ويسافر مسافات بعيده لنداء الواجب (الهميم العفيف) الراحل العزيز كان يعتبر الواجب من اجل الصداقة رسالة ساميه لا تقف الصعاب والعقبات امام تحقيقها اوالوصول اليها وكل الرسائل الساميه التي بذل فيها جهده مقدرآ يدل على مكانة الراحل العزيز وسمو خلقه ونظرته البعيده الثاقبه...
ناصر الخليفة
هيوستن - تكساس
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
غايتو البعرفو لو كان معانا كان ضحك ملء شدقيه وطلب إنو فعلاً نغني ليه عاش حياتو ذي ما عايز بساطةمعقدة شر ضلو في العالم كلو نحن قايلنو مؤطر في قلوبنا اتفاجأنا بأنو ملكية عامة ذيو وذي الوطن
شايف قدر الدموع الذرفتها القلوب الحبتك دي كلها عارفك حتقول والله حقو الزول يموت تاني
في عليائك ليك هيبة مذهلة ساعدنا عشان نقراك من جديد
هباني قال لي بين بتاع الروبابيكا وقرفة إلفة غريبة لي هسه ما قادر يفهمها والشاذلي ما عارف يبكي كيف خليت الأسئلة الصعبة بدون إجابات
اللهم تقبله كا تتقبل الشهداء والصديقين وهو أهل لذلك
| |
|
|
|
|
|
|
Re: موضوع جديد .. او لمحمد احمد غنو (Re: اسامة الكاشف)
|
Quote: غايتو البعرفو لو كان معانا كان ضحك ملء شدقيه وطلب إنو فعلاً نغني ليه عاش حياتو ذي ما عايز بساطةمعقدة شر ضلو في العالم كلو نحن قايلنو مؤطر في قلوبنا اتفاجأنا بأنو ملكية عامة ذيو وذي الوطن
شايف قدر الدموع الذرفتها القلوب الحبتك دي كلها عارفك حتقول والله حقو الزول يموت تاني
في عليائك ليك هيبة مذهلة ساعدنا عشان نقراك من جديد
هباني قال لي بين بتاع الروبابيكا وقرفة إلفة غريبة لي هسه ما قادر يفهمها والشاذلي ما عارف يبكي كيف خليت الأسئلة الصعبة بدون إجابات
اللهم تقبله كا تتقبل الشهداء والصديقين وهو أهل لذلك
|
العزيز اسامه الكاشف لم اجد بداً من اعادة عرض ما سطرت هنا.. فهو يشبه قرفه كثيراً . .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
كنت معنا يا
ناصر الخليفه ..
يا بديع ..
كما كان رفيقك
محمداحمد قرفه فى كل الاحوال
كنتم جميعاً معنا هنا كما كان وكنا جميعاً معكُم هُناك
..
ياله من عزاء ..
ذاك الذى اقيم , على شرفِه ببيت الفنون
ياله من مساء ..
يلُم جلباباً
يلفح توب
جارات
ويُجر اقرَب شِبشِب
يربُط لاوواً ,
ويخرج للطريق ..
ياللمساء الصادق وفق افادة (ابراهيم الماحى) ويا للحريق الذى أطفأه الاصدقاء ودلو الاهل المشبع برطوبة الصعيد من بئر الفاجعه .. . .
| |
|
|
|
|
|
|
Re: موضوع جديد .. او لمحمد احمد غنو (Re: adil amin)
|
Quote: هداي مراكبنا فوق المحيط القيف
يا قرفه ياخى اقيف نوع الفراق ده مُخيف واستنا حبانك , قد ضاقو حنضل غير .. ارجانى انا بالذات , كما اعتدت ترجانى كل الصحاب جايين .. القاصى والدانى
كل الهواتف طق ماجبروا لي كسرك , كل الهواتف رن رنات .. البكا المُعلن ضربن وناحن نوح حين صعود الروح
عارفين رحيلك حق لاكين اقيف ياخى طمناعليك فى الموت |
لا حول ولا قوة إلا بالله اللهم ارحم محمد و اغفر لنا و له
| |
|
|
|
|
|
|
Re: موضوع جديد .. او لمحمد احمد غنو (Re: خدر)
|
طارق
شفت كيف القصه صعبه امسية عزاء الاهل والاصدقاء ببيت الفنون شاركتنا فيه حتى السماء بالانهمار لحظة التقاء الجمع وتقاطرهم من كل الانحاء حتى الاسافير رمت لها الرائعه تيسير النورانى شبكة الاسكايب تصطاد الابعد ... فجاء طارق محمد عثمان وجاء هيبه من كندا وجاء وجاءت .. ومن الهواتف ايضا اطلت ملامح الاصوات مكتسية ذات الثوب الذى تدثر الجميع : يافلان هاك كلم فلان .. اذدحم الجميع معزياً الجميع وقرفه يربت على كتف هذا ويجمل بالصبر حزن تلك : وكانت العبارات فى سماحتها والرقه, مغموسة ريشاتها فى دواة الشعر . .
| |
|
|
|
|
|
|
Re: موضوع جديد .. او لمحمد احمد غنو (Re: adil amin)
|
Quote:
الاخ خطاب اهلنا الصوفية بقولوا الموت زيادة علم وانتقال حال او ميلاد جديد في حيز جديد طوبى للذين يرحلون ويتركون ورائهم عطر
|
ما اصدق قول اهلنا الصوفيه اخى عادل امين
الحكمة كلها عزيزى تتلخص فى هذا الارث العطرى
الذى تزكيه الايام كلما هبته ثوانيها وساعاتها
زادته نصاعةً وعبأته بالرحيق . .
| |
|
|
|
|
|
|
Re: موضوع جديد .. او لمحمد احمد غنو (Re: Hafiz Suliman)
|
العزيز حافظ
انها ارادة الله .. ان يرحل هكذا
لكننى اعيد ماقلته ورحيل العميرى
لا يستطيع
مصادرة عبق حضوره الماثل
..
الطريق بين الموت والميلا د
مفتوح على الدوام
نفذ قرفه من طريق الموت .. قد
لكنه قادم لاريب
من درب الميلا د
كيف يختبئ من نثر كل هذا الحُب
من رش على حواف القلوب
كل هذه الطلاوه
من درب حتى الانوف العصيه
الوقوف اجلالاً
لموكب العبير
. .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
خطاب والمشاركين الكرام
من له اصدقاء ومحبين مثل قرفة لا يموت انه خالدا فينا
وفى قلوبنا جميعا
وزى ما قال هيبة كل ما تكلم مع زول واعزيه بسال نفسى بالله الزول ده صاحب قرفة
قرفة سلام عليك فى العالمين ومع الصديقين والشهداء
| |
|
|
|
|
|
|
Re: موضوع جديد .. او لمحمد احمد غنو (Re: معاوية عبيد الصائم)
|
معاويه ياصايم ورمضانك كريم .. . Quote: مشت
معاك
اعنف
حكاوى
الغربة
والعدم
التعب
اتسعت
وراك
محن
الزمن
العصي
نم
بخير
يا صديقى
كن
بخير
يا خطاب
|
ليكُن العالم بخير , ويصوم ويفطر على كل الخير وصديقنا يتوسد البارده .. هناك وطينة الصعيد الذى أحب .. ويرقبنا من برزخه شوقنا له ولوعتنا على الفراق المُر كمادرجت ياصديقى ان تقول ويتباهى بحبنا له كما نتباهى به نحن معشر الاصدقاء لنكُن كلنا بخير .. لتهنأ به الارض التى انتخبته ملحاً لها ومعشر الانقياء مراصداً للسماء . . . فله منا .. من على البُعدِ اّيات المحبةِ و صادق الدعاء . .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
Quote: فله منا .. من على البُعدِ اّيات المحبةِ و صادق الدعاء .
|
الغالي خطاب حضرت هنا وخرجت مرات عديده .. حاولت الاتصال مرات وفشلت .. إذ انه ليس لهكذا حزن ما يكفي من كلام للمواساه .. فلا يشعر به الا من ذاق جهنمه .. لقرفه الرحمه بعددمن عرفهم وعرفوه وبقدر ما غرس من قيمة حب وارتباط في كل من مر على بابه .. وهم كثيرون .. لم التقيه .. ولكن عبرك وبالهاتف تحدثنا مرات متباعده .. مازال هذا الصوت المحتشد بالهدوءوالحميميه يلا اذاني .. وعود بلقاءات لم تكتمل .. - بالله لازم تجونا هنا ونلاقيكم هكذا قالها مرات بدعوه حميمه للمشاهده واللقاء .. لم تكتمل .. رحمه الله .. واسكنه فسيح جناته .. ببركة هذا الشهر الكريم .. هكذا يا خطاب يرحل من حمدوا باسماءهم وصفاتهم وافعالهم .. فراقهم مر .. هاديء وصامت مثلهم تماما .. عاشوا بدون ضجيج ويمضون بلا ضجيج وكانهم كانوا على موعد مع هذا الفراق .. يمضون .. ويتركون مكانهم شاغر .. موحش وحزين .. ويلفنا حنين اليهم عمره ما حيينا .. جمعت إذ انني كنت احضر هنا كل يوم ابكي كلاهما .. محمد ومحمد .. نفس الفراق .. نفس الحزن .. و..و... قلت في وجعي على محمد السر: ذاكـــــــــــــــــــــــــره..!! كيف علق على ابواب المدائن دهشتي .. وجعي ومضى ..؟ كيف فاجاني وانسل وحيدا .. وبلا وداع...؟؟ اي اتجاهات المدائن الآن ستعيد بوصلة الحنين إلي وتهدهد دربي اليك ؟؟ كيف رتبت قوافيك الصامته شعري.. لحني .. مواعيد فجيعتي وتسرب السنوات من يدي؟؟ كيف ؟؟؟؟ .....
لك الله وله الرحمه ولنا جميعا الصبر ..! وداعا محمد احمد (قرفه).. تعازي ـــــــــــــــــــــ ابومايا
| |
|
|
|
|
|
|
Re: موضوع جديد .. او لمحمد احمد غنو (Re: ايمن التاج)
|
Quote: كيف علق على ابواب المدائن دهشتي .. وجعي ومضى ..؟ كيف فاجاني وانسل وحيدا .. وبلا وداع...؟؟ اي اتجاهات المدائن الآن ستعيد بوصلة الحنين إلي وتهدهد دربي اليك ؟؟ كيف رتبت قوافيك الصامته شعري.. لحني .. مواعيد فجيعتي وتسرب السنوات من يدي؟؟ كيف ؟؟؟؟ .....
|
ابومايا يا صديق .. معالجة النوائب بتوثيقها عن طريق الافصاح عنهاابانة , ربما عن طريق الكتابه .. قد تكون الانجع وانى مجربها على كل حال وهذا لا ينفى بالطبع مراجعة الطبيب .. رحم الله محمد ومحمد لكننى ابصرتك الاّن اوضح , او شوفت حزنك ذاك بالحلفايه على اخيك .. واحسبك ترانى فى وداع قرفه هنا بذات العين .. شكرا للكتابة هنا وشكرا لمؤاّخاتك بين حزنين كثيفين الدلاله فلقد انجز كلٍ منهم على اقدر وجه , ماأُكل اليه, اتم مهمته , ومضى فى سلا م . لهم الجنان ولنا تمارين الصبر وقول ما يرضى خالق الانسان من ماءٍ وطين . .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
Quote:
الحجر الاسود
blackstone
ولاية فرجينيا
..
|
كمااعتدنا صباحا فى هذه البقعه .. الحجر الاسود على بعد خمسون ميلاً من عاصمة فرحينينا ..ريشموند .. تبادل التحيه .. صباح الخير .. فصباح الخير ياسيدى .. سلم على الارض التى احببنا سلم على الارواح التى تاّلفنا دون ان نراهم من تقفينا خبرهم قاصين اثرهم فى السِيَرِ او ماكُتِب عنهم من تاريخ وسلملى عليك سلاماً كثيراً وانا بدورى احمل لك من الاحباب رجالا ونساء حوامل شوقٍ قوافل اعرف انك ستهيئ لاستقبال رواحلهم مااعتدت من مرابط ساحة الدار ولما حملونى اليك ساحة القلب وتمرة الفؤاد كلما نضجت .. ناولتها اقرب ملاك ليعلقها على حلق الباب حتى اذا اتى صديق , من دربٍ غير دربى ليدخل طرق الحُب المُعلق لينفتح اليك الباب . .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
ميتين أبوا الدنيا إختاروا شبر الارض .. إتوسدوا الجالوص والطينة عند الحد.. لحد البلد دامس لا ضو سراج لا ند .. والفرقدين غابوا قرفة وعميري الجد .. غنينا فوق راسن لامن غنانا همد .. ناهمنا مجدي النور يامجدي وين ياود .. باريت مسار الغيب حاقب عليك اليد .. الخشبة مالت ميل والفصل إظلام ليل .. خيل الفجر حرنن بيناتنا فاضل ميل.. وحالتنا ياها الحال يعقب يجيها السيل.. مطموسة بالمطرة وزنقة حوافي النيل..
| |
|
|
|
|
|
|
Re: موضوع جديد .. او لمحمد احمد غنو (Re: عبد المنعم ابراهيم الحاج)
|
Quote: ميتين أبوا الدنيا إختاروا شبر الارض .. إتوسدوا الجالوص والطينة عند الحد.. لحد البلد دامس لا ضو سراج لا ند .. والفرقدين غابوا قرفة وعميري الجد .. غنينا فوق راسن لامن غنانا همد .. ناهمنا مجدي النور يامجدي وين ياود .. باريت مسار الغيب حاقب عليك اليد .. الخشبة مالت ميل والفصل إظلام ليل .. خيل الفجر حرنن بيناتنا فاضل ميل.. وحالتنا ياها الحال يعقب يجيها السيل.. مطموسة بالمطرة وزنقة حوافي النيل..
|
سو يا صاحبى سو جلى القوافى وقيد تالاهابيدخل ضو . .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
النيل ضهر راكز بين سوط مجالدية وشوط المعدبة مشرع على الحاجز .. جلبابك المائي وجلد القرنتية .. والمملكة الزرقاء نهضت بلا واعظ .. شقيش نشم بارود وريحة لحم ماعز .. مشوية فوق الزيت فوق نفطنا الجاهز.. عبى الكلام يازول أملاهو بالراجز .. أهديهو لي قرفة ، خوزز منام عاجز ..
| |
|
|
|
|
|
|
Re: موضوع جديد .. او لمحمد احمد غنو (Re: عبد المنعم ابراهيم الحاج)
|
Quote: النيل ضهر راكز بين سوط مجالدية وشوط المعدبة مشرع على الحاجز .. جلبابك المائي وجلد القرنتية .. والمملكة الزرقاء نهضت بلا واعظ .. شقيش نشم بارود وريحة لحم ماعز .. مشوية فوق الزيت فوق نفطنا الجاهز.. عبى الكلام يازول أملاهو بالراجز .. أهديهو لي قرفة ، خوزز منام عاجز ..
|
مااروعك يامنعم ده الغنا الراجهيو ياصاحب
... . تيراب عيون النيل خمشه منو تشيل وترش بى المطره تبق البذور قناديل فى ثانيه تخضره وعينك للحقول فى الفضا سابحه سابحه تسابق الغيم سابحه كما رابحه فى الوعره ديك لقدير راكضه الحقول كخيول شايله مونة عام مونة بلد كامل جاريه الخيول قاصده كل فم جيعان قاصده الخيول سافل قاصده الخيول لصعيد الوجبه هى العيد روح الهُتاف ونشيد والمجد للثوره تيراب عيون النيل ودفقة المطره . .
| |
|
|
|
|
|
|
Re: موضوع جديد .. او لمحمد احمد غنو (Re: Rabab Elkarib)
|
العزيزه رباب
هو وجع كثيف ذاك الذى طوقنا فتح كوىً ظننا اننا اغلقناها الى الابد وارينا ضلفاتها ظننا وكنا نتوهم قرفه وحده ربما كان يعلم, نلتقيه فنتوسم فى زماننا الخير مازال على اقدامه المفرحه والمطمئنه يسعى طالما التقيناه .. هكذا دُفعةً واحده ربما كان يعلم اننا سنقضى بعض وقت يطول او يقصر , نفك شفرة السراب السحاب , الذى لوح لنا ذات خريف ثم غاب .. .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
أذكر كل كلمة قالها يا خطاب . وأذكر الحديث الذى دار بعد ندوة د / صلاح الزين ( ندوة المكان ) وأذكر ذلك التلفون الطويل الحزين . تلفون الوداع العجيب . تلفون السفر . أذكر قرفة يا خطاب حين قال : مع السلامة مع السلامة أنا على عجل ثمة رسالة عنى ستظهر فى الأرض . وربما تنقلب الأوضاع وأعود عما قريب لنواصل الطواف . لكنى يا عثمان أنا تعبت من هذا الطواف .
تحياتى .. ولعزيزنا محمد الرحمة
| |
|
|
|
|
|
|
Re: موضوع جديد .. او لمحمد احمد غنو (Re: Osman Musa)
|
ياغيم مصنقع وين تيراب صبرنا كمل .. في حفرة الخاطر إتلمه فيهو نمل.. نمل القلق حرّاق.. شايفانه ياغيمة !!!؟ إيدينا فاتحات شوق.. والعابرون مروا.. بي فد درب مطروق.. أصعب درب مرّاق.. مهما ندهناهم يرجعلنا التيتي.. لافح معاهو الصّي.. في العين دمع مهراق..
| |
|
|
|
|
|
|
Re: موضوع جديد .. او لمحمد احمد غنو (Re: Osman Musa)
|
Quote: أذكر كل كلمة قالها يا خطاب . وأذكر الحديث الذى دار بعد ندوة د / صلاح الزين ( ندوة المكان ) وأذكر ذلك التلفون الطويل الحزين . تلفون الوداع العجيب . تلفون السفر . أذكر قرفة يا خطاب حين قال : مع السلامة مع السلامة أنا على عجل ثمة رسالة عنى ستظهر فى الأرض . وربما تنقلب الأوضاع وأعود عما قريب لنواصل الطواف . لكنى يا عثمان أنا تعبت من هذا الطواف .
تحياتى .. ولعزيزنا محمد الرحمة
|
. . .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
Quote:
ياغيم مصنقع وين تيراب صبرنا كمل .. في حفرة الخاطر إتلمه فيهو نمل.. نمل القلق حرّاق.. شايفانه ياغيمة !!!؟ إيدينا فاتحات شوق.. والعابرون مروا.. بي فد درب مطروق.. أصعب درب مرّاق.. مهما ندهناهم يرجعلنا التيتي.. لافح معاهو الصّي.. في العين دمع مهراق..
|
يامنعم ياخ
اّخ
. .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
الى
محمد
احمد
غنو ؟
كن
بخير
خطاب ؟
قرفة
دا
ياهو
حظ
طينة
السوكى
الكايساهو
ملاح
ليوم
باكر
ينبت
كتاب
فيهو
نضم
فكرة
وطن
يقود
الولاد
لسكة
سفر
يلمو
الاهل
كفاهم
سفر
سفر
مبروك يا جروف السوكى ملحك رجع ليك بعد السفر اصلا ديمة حاريك لمن وصل
كن بخير يا خطاب
| |
|
|
|
|
|
|
|
Re: موضوع جديد .. او لمحمد احمد غنو (Re: khatab)
|
Quote:
هو وجع كثيف ذاك الذى طوقنا فتح كوىً ظننا اننا اغلقناها الى الابد وارينا ضلفاتها ظننا وكنا نتوهم قرفه وحده ربما كان يعلم, نلتقيه فنتوسم فى زماننا الخير مازال على اقدامه المفرحه والمطمئنه يسعى طالما التقيناه .. هكذا دُفعةً واحده ربما كان يعلم اننا سنقضى بعض وقت يطول او يقصر , نفك شفرة السراب السحاب , الذى لوح لنا ذات خريف ثم غاب .. .
|
له المحبة كلها له الحضور فينا
فك
الشفره
والوقوف على عتبات
الفصول
. .
| |
|
|
|
|
|
|
Re: موضوع جديد .. او لمحمد احمد غنو (Re: khatab)
|
كلما حاولت ان اكتب حرف عن قرفة بعد الحادث لا اجد غير.. اريتو خبر السجم ومعقول بس وكريا يمة وكل ذلك ممزوج بكميات من الدهشة وكأنى لم اعرف الموت من قبل واطنان من الحسرة والالم وفى بالى ذلك الشاب بهى الطلة
لك الرحمة يا قرفة ولنا سيرتك الطيبة
رباب
| |
|
|
|
|
|
|
Re: موضوع جديد .. او لمحمد احمد غنو (Re: Rabab Elkarib)
|
Quote:
كلما حاولت ان اكتب حرف عن قرفة بعد الحادث لا اجد غير.. اريتو خبر السجم ومعقول بس وكريا يمة
|
العزيزه رباب
اما عنى فليس لى سوى الكتابه مخرج لى ولمن حولى او فى مثل حالى بالكتابه وحدها امنع تسربه منى مثل الفعل الماضى ابقيه معى فى دائرة المضارع الجميل ومحاورته مايتيح لى المستقبل انفض عن الحروف الغبار والكسل لتناسب مزاج الاحتمالات التى لو كان هو اراد لها ان تكتسى وتتجمل بالامس هاتفتنى صديقه ومن بين دموعها استحلفتنى ان اكتب له .. عنها عنى عنا شوفتى كيف القصه صعبه !! . .
| |
|
|
|
|
|
|
Re: موضوع جديد .. او لمحمد احمد غنو (Re: Rabab Elkarib)
|
شكرا لك يا صديقى لاستيقافك لى على جانب الطريق مرةً وهمسك أُخرى فى اذنى بعد (معافرة) غيابك تهمس .. وانا أدلف منعرج تلك اللخظة الغامضه قبل النوم ان اصبح على خير شكراً لك وانت تعدل ياقة مشاعرى لأبدو متماسكاً امام حزن الاّخرين عليك فلا تغرورق عيونى فى حضرة عيونهم المنهمره شكرا لك شكرا يا صديق . .
| |
|
|
|
|
|
|
Re: موضوع جديد .. او لمحمد احمد غنو (Re: معاوية عبيد الصائم)
|
(
(هلو.. (هل تسمعنى ... ( يا من هناك (هل تسمعنى .. هلو يامن هناك ( أتسمعنى .. ( هل يامن هناك .............)
أظن ذاك المنلوج .. الديالوج دار بالزنزانه .. للكاتب الجنوب افريقى اثول فوقارد .. بالجزيره او الزنزانه .. ترجمة احمد طه امفريب , ضمن اعمال المعهد , لكننى مازلت اذكر الممثل ديرك الفريد وهو يردده بل واذكر وجهه على خشبة مسرح قصر الشباب
الاعزاء معاويه عبيد ود. سلوى الشويه .. لكم المعزَةَ كلها اما عنى فانا بخير طالمااقضى مع اصدقاء قرفه ..جُلَ وقتى . .
امبارح الناس بسألوكِ عن الميعاد ما اتفضلت عينيك بي طيف الاجابه ورده من الشوك طلعتى وهُمَ غابه . .
| |
|
|
|
|
|
|
Re: موضوع جديد .. او لمحمد احمد غنو (Re: معاوية عبيد الصائم)
|
Quote: الموت للوطن
الموت فى الوطن
انتصار التمنى \ سلاما بوصلة الزمن القادم
سلاما حتى اللقاء
شوقتنا تلك الديار
قرفة الاخير دونك
وجع راسخ ما بقينا
قرفة الاستثنائى
!!!!!!!!!
|
معاويه كيفك وكيف الصحاب بالامس هاتفنى .. هجو .. وقال ان الناس العمال قد بكوا محمد احمد بكاءاً غير ونحن لمحمد احمد نرفع البكاء والدعاء ولا نقول الا ما يرضى خالق الانسان من ماءٍ وطين . .
| |
|
|
|
|
|
|