|
|
|
 Re: ود الخالة ياسر طيفور ربنا يتمو العرس المونديال (Re: Osman Musa)
|
سلاااااااام تربيع
وحرم كان كنت حاضر كنت بديت البطان
وشبعت في كـرارة ناس الزيداب الطاعمـة دي
يازول ادينا حقنا هنا وتعال لينا يوم واحد لزوم حنة وكدة
ساقوم باصدار فررمان لاهالي المكنية وبقروسي والحليلة
بتسير مركبة فرح لمشاركتكـ الفرحة في الزيداب بس كتروا ليهم
في الكرارة واللحم
مبروووووووووووووكــــــــــــــــــــ
| |
  
|
|
|
|
|
|
|
|
Re: ود الخالة ياسر طيفور ربنا يتمو العرس المونديال (Re: Ahmed Abdallah)
|
الطيب صالح يتذكر
عرس إسماعيل ود صبير وبنت عبد الله عباس
بتصرف قليل من جريدة الخرطوم
.................
كان في بلدنا غابة كبيرة من أشجار الطلح
وقد نمت وازدهرت لأن الحكومة كانت تمنع منعا باتا قطع أي شجرة
إلا بإذن خاص في حالات نادرة
من تلك الحالات النادرة
قطع طلحة العريس
فقد كان من طقوسهم في الأعراس
أنهم يمشون إلي الغابة في زفة عظيمة
فيقطعون شجرة طلح ويعودون بها إلي دار العروس
وأذكر وأنا صبي في الأربعينات عرسا كانت له شنة ورنة
من تلك الأعراس التي يؤرخ بها
وتظل أصداؤها تتردد زمنا طويلا
كان العريس إسماعيل ود صبير من أهلنا ناس ( كرمكول)
وكان أخا وحيدا بين عدة أخوات
وكانت العروس بنت المرحوم عبد الله عباس
الذي كان يومئذ من كبار موظفي الجمارك،كان من أوائل خريجي كلية غردون من أهلنا
إضافة إلي أن أم العروس كانت ابنة عبد الحليم ود فضل عمدة العفاض
إنما الذي أعطى العرس بهاءه ورونقه وأصداءه البعيدة فوق ذلك كله
أن أخت العريس ، زينب بت صبير
عملت لأخيها سيره لم يحدث مثلها من قبل ولا من بعد
كانت شابة وضيئة الحسن
متزوجة ولكن لا أطن أن سنها تزيد علي خمسة وعشرين عاما
أذكر لونها العسلي وثغرها البراق ووقفتها النبيلة
وصوتها العجيب الذي تعجز الكلمات عن وصفه
بدت لي تحت ضوء المصابيح
ولا بد أنها ظهرت كذلك لأهل البلد كلهم ، كأنها طيف ملائكي جل علينا من كوكب آخر.
سرنا معها كالمسحورين يحدونا صوتها الأسطوري
من دار العروس في (كرمكول) شاقين البلد من الغرب للشرق حتى وصلنا الغابة عند ( دبة الفقرا)
ظلت تغني كأنها ترتجل حتى قطعنا الطلحة وعدنا بها إلي (كرمكول)
ربما أكثر من ثلاث ساعات،وربما أربع ،وصوتها يزداد عمقا ومدي وجاذبية
والصور والمعاني تصل إلي وجداننا منها مثل رفيف أجنحة القطا
جيد لي ن جيد لي بي زاتو
يا نمر الخلا الفارد سلاحاتو
حين صرت أكبر سنا وأكثر إدراكا ، فهمت أن زينب بت صبير صنعت (فنا) عظيما في تلك الليلة
خلقت أسطورة لأخيها،فإذا هو أجمل وأكرم وأشجع وأغني...
وأدخلت أهل البلد قاطبة في نسيج عالمها الأسطوري ،فإذا بلدنا كما نعرفها وزيادة وإذا نحن جميعا كما نعرف أنفسنا وأثر...كذلك يصنع الفن العظيم إنما الحياة كانت بالفعل حلوة في تلك الأيام..حلوة حلاوة لا يعرف طعمها إلا من ذاقها،فماذا كان عندنا يومئذ ولم يعد عندنا اليوم؟
لم يمهل القدر زينب بت صبير ...بعد أشهر معدودات من تلك الليلة المشهورة اختطفها الموت فجأة دون علية واضحة ،رحمها الله،كانت حقيقة طيفا ألم بالبلد ثم عاد من حيث أتي.
لا توجد اليوم أعراس كالعرس الذي غنت فيه زينب ، في أي من قري شمال السودان فقد فرغت القرى من أهليها الذين تفرغوا أيدي سبأ ..اختفت الغابات علي الضفتين وهاجرت القمارى بشجرها.
النيل الرحيم الودود عادة ، ظل في العهود الأخيرة يطمس المعالم ويمحو الآثار، كأنه يريد أن يقول شيئا ..كأنه ضاق بحبسه بين الضفتين..فمتى تفتح القنوات للنهر و للبشر؟متى تهدأ ثورة النيل؟ ومتى تعود القمارى بشجرها
| |
|
|
|
|
|
|
|
|
|
Re: ود الخالة ياسر طيفور ربنا يتمو العرس المونديال (Re: Osman Musa)
|
يا ناس عليكم الله زول يدرع لينا الأغنية دي بي صوت الفنان الخالد بادي
وألف مبروك
* * *
ديّم في التقر انصارو منزربين
بالصفا واليقين حقيقة أنصار دين
بالحرب أم طبائق قابلوا المرتيين
في وش المكن رقدوا التقول نايمين
***********
ديّم في التقر انصارو زاربنو
بعهدوا القبيل بعيسى تاهمنوا
اتلموا العمد ليهم نقر سنوا
الهوج والشرق طار المنام منوا
**********
ديّم في التقر قال العمير للسوم
القوى والضعيف من عينو طار النوم
الكفرة النجوس مابختوا من اللوم
حجرت الدرب خليت جمالهم تحوم
*********
الأسد النتر وقال الدين منصور
لمولوا الاورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمأمور
***********
الأسد النتر بى جيهة الأبقار
لمولو الاورط شايلين سلاح النار
ود حبوبة قام ورتب الأنصار
في كتفيه ديك كم شبعن صقار
***********
الإعلان صدر واتلمت المخلوق
بى عيني بشوف أب رسوة طامح فوق
كان جات بالمراد واليمين مطلوق
ما كان بنشنق ود أب كريق في السوق
***********
الإعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من أبوك ماك ود حرام دجال
***********
بتكلم بقول بوريك شن حسبوا
نايبو السنين منّو الرجال حسبو
كل الخاصموك في الآخرة ما كسبوا
التبعوك جنود لله ما انتسبوا
***********
رضوان الإله تملأ الضريح كافور
مسك الرحمه لاح منو يلوح النور
اغفر سيئات كل من يجيك زور
في الفردوس هناك يتمنى مهما يدور
| |
|
|
|
|
|
|
|
|
|
Re: ود الخالة ياسر طيفور ربنا يتمو العرس المونديال (Re: Osman Musa)
|
يا سلاااااااااااااااااااااام يا ياسر ده خبر الموسم والله
فرحت ليك شديد يا حنين
ربنا يهنيك ويسعدك قدر فرحتنا ليك يا رب
نفسي احضر مناسبة سمحة ليك زي دي
لكن ولا يهمك بالاحساس معاك ودعواتنا ربنا يتمو على خير
العزيز عثمان موسي تتبارك انت ما تتشارك
وشكرا حنيييييييييييييييينا للخبر البشارة
| |
|
|
|
|
|
|
|
|
|
Re: ود الخالة ياسر طيفور ربنا يتمو العرس المونديال (Re: أحمد طراوه)
|
عزيزنا طراوه
كنت دايرك تكون حاضر العرس ده .
وحات الله كنت دايرك تسمع القطع الأخضر
من أمو . كنت دايرك تسمع الاصلي فى هاديك الجهات .
يا طراوه . خال ياسر ده عزف مع أحمد فحل بعد عيد الأستقلال الأول .
وكان بغني أغنية الشاعر حسب الباري سليمان ( نسانا حبيبنا الما منظور ينسانا .
يا أخى ألف شكر
| |
|
|
|
|
|
|
| |
Osman Musa
Ahmed Abdallah
Tragie Mustafa
محمد النيل
محمد عبد الماجد الصايم
ABUHUSSEIN
mayada kamal
عبد القادر شادول
Hadeer Alzain
خضر حسين خليل
سلمى الشيخ سلامة
عثمان محمد كرار
حاتم الياس
Tumadir
داليا حافظ
سيف الدولة كامل
ناذر محمد الخليفة
السمؤال بدرالدين
اسماء الجنيد
أحمد الشايقي
إبراهيم عبد الحليم
abubakr salih
AnwarKing
أحمد طراوه
محمد المرتضى حامد
سناء عبد السيد
محمد سنى دفع الله
Ahmed Yousif Abu Harira
خالد العبيد
Imad Khalifa
Yasier Elsayed
nada ali
الخير محمد عوض
مريم بنت الحسين
حاتم علي
Khalid Kodi
Ahmed al Qurashi
Souad Taj-Elsir
ثروت همت
بكرى ابوبكر
فيس بوك
تويتر
انستقرام
يوتيوب
بنتيريست