|
|
 Re: بوستي ال3,000 التهنئة والمباركة مطلوبة من الجميع (Re: الحاج حمد الحاج)
|
يا صديقي كباشي ....
طالما الخير موجود باذن الله فالامل في تغيير -يخرج بلادنا من وهدتها -هو في نسل قادم او صغير يعرف قيمة الموجود ونعمة الله علينا جميعا ويؤمن بان العمل عبادة وان من سبقنا رقي وحضارة وصل الي ما وصل اليه بالعمل ....محظوظ انت واهل ابو جبيهة وكل كردفان في نعم حباكم الله بها ارضا وزرعا وضرعا والله المعين المستعان
| Quote: . أما الأهم في هذه الرحلة فهو ظهور الخير في كردفان الغرّة أم خيراً جُوه وبرّا. مما جميعه متوفِّر .. لحوم وألبان .. طيور ومواشي .. فواكه ومحاصيل. بالله ما تسألوني عن منقة أبو جبيهة .. دي رخيص السوق عندنا.. الجوافة البيضاء.. ليمون كرادم (دي أسألوا منها بريمة وكبر وعزّاز). حليب بالجركانات ولبن بالبُخس.. لازم الزول يكون عارف الفرق بين اللبن والحليب عشان يفهم، وإلا فالرجوع للثلاثي أعلاه يساعدكم على الفهم. بتسألوا من اللالوب ولا النبق ولا القضيم ولا القنقليس ولا الدليب ولا القشطة ولا الهالوك (البنسيك أُمّك وأبوك) ما عاوز أتكلم عنقليزي لأنه في خيرات كردفانية كتيرة كان ذكرتها حتطالبونني بالترجمة على الشريط.. خليكم في العارفنو دا بس. |
| |
  
|
|
|
|
|
|
|
|
Re: بوستي ال3,000 التهنئة والمباركة مطلوبة من الجميع (Re: cantona_1)
|
الاستاذ كباشي .....التحية والاحترام ...بالرغم من انني مددت اليك ايادي التعارف من قبل اسفيريا ولم يحظي طلبنا بقبولكم اسفيريا ايضا الا انني كنت من المتابعين ليراعكم الاسفيري(رغم بعض الفاولات الغاضبة مضريا مع بعض المتداخلين) بحكم سخونة التناول.... لكنني كنت احمد دوما رغبتكم في الحوار الهادف البناء... و التعاطي مع الامور باسلوب اجتماعي مع الذين تعرفهم بلا شك او اسفيريا علي الاقل...
لك تحياتي وانت تعود والعود احمد الي الديار المبللة بالكرم والجود...الي الانسان المتسع والمتشح بالسمو ونجدة الملهوف....
واسال الله لك التوفيق و السداد وفي انتظار مردودكم عن الحال والاحوال من شاهد عيان... مع الاحترام
| |
|
|
|
|
|
|
|
|
|
Re: بوستي ال3,000 التهنئة والمباركة مطلوبة من الجميع (Re: cantona_1)
|
يا عمنا قلت المباركة مطلوبة من الجميع
وباركنا ليك وما اديتنا دعوة حلوة زي باقي الناس
ده هين بس ما تكون عادينا من الجماعة ديل :
Quote:
هؤلاء تجنبت التداخل معهم معارضاً أو مؤيداً عملاً بقول أبناء النيل: (أبعد من الشر وما تغني لوش.. يمكم يطرب ويجي لك) |
عموما احتراماتي لك دوما وانا بشاغل فيك ليس الا
| |
|
|
|
|
|
|
|
|
|
Re: بوستي ال3,000 التهنئة والمباركة مطلوبة من الجميع (Re: يحى الشريف)
|
إن شاء الله ما تعمى يا الشريف.. ويشرِّفك رب العالمين في الدنيا والآخرة بصحبة المصطفى (ص). ويبارك لك في مالك وعيالك. أنا خاتيك مع الجماعة الطيبين لدرب الرسول سالكين ولدينهم حافظين .. وربنا يرزقك بالبنات والبنين. قول آميييييييييييييييين. تحياتي.
كبـــَّـاشي الصــَّــافي
| |
|
|
|
|
|
|
|
|
|
Re: بوستي ال3,000 التهنئة والمباركة مطلوبة من الجميع (Re: cantona_1)
|
Quote: الأخ عزيز عيسى سلامات بارك الله فيك .. خايف أقول ليك سنة كم .. تضحك وتقول لي ما ولدوك.. الكلام دا حصل قريب في العام 1982 أها كنت معانا ولا مع التانيين... تحياتي وكل الود.
|
أستاذ الصافي كباشي،
تحياتي،
هههههه.. ضحكت إنتو ناس قديمين خلاص!!..
غايتو الوقت داك أنا لسه ما ولدوني..
على كل حال كنت بعدكم. جئت على هيوستن عام 1987.. ربما
تكون أنت من ضمن مجموعة السودانيين الذين عملوا مع البعثة
التعليمية السعودية التي كانت تتخذ مدينة هيوستن كمقر
رئاسي لها في الولايات المتحدة الأمريكية ثم إنتقلت فيما
بعد الى واشنطن العاصمة ورحل معها معظم السودانيين
ما عدا الدكتور أحمد خير الذي تعرفت عليه في عام 1990
ثم مؤخرا هو نفسه ترك مدينة هيوستن وإنتقل الى العاصمة
واشنطن قبل حوالي 12 عاما.
| |
|
|
|
|
|
|
|
|
 Re: بوستي ال3,000 التهنئة والمباركة مطلوبة من الجميع (Re: حواء سليمان ابراهيم)
|
كتاباتك الغير رياضيه ما قاعد اتابعها لانى ما قاعد ادخل بوستات غير بوستات الكوره
واللهم الا المناسبات العابره و الاخبار المستعجله
لكن ومن خلال بوستات الكوره احب ان ابشرك يا صديقى العزيز كانتونا الكباشى
انو الراى الاعوج كان متحممممممدك
1- مريخابى
2- بشجع المانيو
3- ضد بروف شداد
..........
تحياتى يا زول يا رائع
| |
|
|
|
|
|
|
|
|
|
Re: بوستي ال3,000 التهنئة والمباركة مطلوبة من الجميع (Re: طارق الكوتش)
|
Quote: - مريخابى
2- بشجع المانيو
3- ضد بروف شداد
|
يا الكوتش... مريخابي دي كانت أخر مرة لمن حامد بريمة كان بلعب في مرمى المريخ. صداقتي لكمال عبد الوهاب وإبن عمي رفعت نجم الدين وإبن عمي عزيز عبد الله ... خلتني أشجع المريخ .. لكن بعد الكبار ولُّوا وعرفنا الكورة بلعبوها كيف خليت الكورة وسنينها مش المريخ بس.
أنا أشجع مانيو من زمن جورج بست وسير بوبي شارلتون.. ودي معناها أنا مثقف!. عندنا في لندن هنا بنعرف الزول جاء لندن في أي سنة؟ بنسأله بتشجع ياتو تيم؟ لو قال أرسنال، طوالي بنسأله إنت جيت لندن سنة 1992؟ بقول ليك : نعم، عرفتني كيف؟. تلك السنة صادفت Rush من السودانيين على لندن للأسباب المعروفة وصادف أن نال أرسينال كأسي الدوري والإتحاد FA والجماعة مسكوا في الحكاية.
بروفيسور شداد مش ضده بالمعنى المعروف للضدية ولكن من أجل التغيير وإن كنا نعلم أن أحمد وحاج أحمد لا فرق بينهما. لك تحياتي ونلتقي في رمضان القادم إن شاء الله.
وجاييك في حِلّتكم إن شاء الله
كبـــَّـاشي الصــَّــافي
| |
|
|
|
|
|
|
|
|
|
Re: بوستي ال3,000 التهنئة والمباركة مطلوبة من الجميع (Re: عبدالفتاح أبوشيمة)
|
تحياتى الأخ الصافى كباشى النور صاحب المقولة المشهورة والمميزة ( العوج رأى والعديل رأى )
والف مبروك .. لأن ما وصلت اليه هو نتيجة لمجهوداتك وتداخلاتك ومشاركاتك الثرية تعكش مدى همتك
ونشاطاتك وذلك من خلال مشاركاتك الواسعة بما تحمل منرؤى والإكار ومعلومات لم تبخل بها فى تزويد
الآخرين ، فاستعطت ان تثرى بها البوستات فنتمنى لك المزيد من المشاركات.
ولك من كل الود والترحاب
آدم جمال
| |
|
|
|
|
|
|
|
|
|
Re: بوستي ال3,000 التهنئة والمباركة مطلوبة من الجميع (Re: آدم جمال أحمد)
|
عزيزي العم الكباشي ود الصافي
تحية واحتراما
اولا مبروك الثلاثة الف مداخلة ونسأل الله سبحانه وتعالى ان يمتعك بالصحة والعافية لامن تحصل المداخلة المليون
واكثر من المليون.. ويعجبني في هذا البوست، الذي قراته أكثر من مرة، سعة اطلاعك وثقافتك العالية جدا وقدرتك
البارعة في التحليل واستقراء مشاركات الأعضاء وتوصيل المعلومة لنا بلغة السهل الممتنع.. كما يعجبني هذه الأمثال
الحكيمة التي تأتي بها للإستدلال بها في أقوالك.. فكل ما اشرت إليه في هذه البوست لا نستطيع أن نزيد عليه شئ
فقد كفيت وأوفيت ،،
وراجعة ليك تاني بمزيد من التفصيل
أميرة
| |
|
|
|
|
|
|
| |
abubakr
معاوية عبيد الصائم
cantona_1
محمد الكامل عبد الحليم
يحى الشريف
Nazik Eltayeb
Abdlaziz Eisa
هالة الأقرع
عزيز عيسى
حواء سليمان ابراهيم
إبراهيم عبد الحليم
ازهرى بدوى
محمد عبد الماجد الصايم
عبدالفتاح أبوشيمة
آدم جمال أحمد
عثمان نواي
فيس بوك
تويتر
انستقرام
يوتيوب
بنتيريست