|
Re: ذكريات مدينة.........بروكسل.... بلجيكا (Re: yasir Abdelgadir)
|
شاب لطيف... ظريف ... موهوب
عندما يتحدث لا تسمع صوته بسهولة من أدبه الجم
موسيقي بارع جدا...,يعزف كمية من الالات الموسيقية ببراعه ....ويعمل كأستاذ للموسيقي الشرقية وخاصة العود في جامعات بروكسل
إنه صديقي العزيز صادق شيخ الدين والمكني بأبو مريم
وسنواصل حديث ذكريات بلجيكا
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
الصادق هو من أوائل من عرفت من السودانيين في بلجيكا
كان يدرس في مدينة جنت...بعيدة نوعا من بروكسل....
ثم إنتقل لاحقا إلي بروكسل
وهو أول من عرفني بسودانيز أونلاين...عندما حضر ذات صباح الي مكتبي في الجامعه وفتح هذه الصفحة في كمبيوتري...وأصبحت سودانيزاونلاين
من
لحظتها هي صفحتي الرئيسية في المكتب....
يجمعني به حب الموسيقي....أرتاح كثيرا عندما أزوره في بيته...فأجد ما لذ وطاب من الالات الموسيقية...خاصة الة البيانو الحديثة التي
يمتلكها
كنت أعزف علي البيانو...ويعزف هو علي العود...ويغني البدري ... ويرقص عماد براكة (الخبير في هذا الفن).
كان يزورني في سكن الجامعه..وتعرف علي معظم أصدقائي...وكان أصدقائي من الجنسية الاثيوبية يرتاحون له....لذا عندما أصطحب بعضا منهم
لزيارة قهوة كاريبو كنت أعرج عليه بصحبتهم في منزله...
صديقي مهدرا أثيوبي ....يمتاز بالذكاء الخارق...تسكن معه في سكن الجامعه صديقته ميريام الاثيوبية فائقة الجمال...
عندما إنتقل صادق الي بروكسل لم تنتقل معه أسرته الصغيرة الي بروكسل وبقت في جنت ....ولكن كانت تزوره إبنته مريم في عطلة نهاية
الاسبوع.
في أحد الايام صحبني مهدرا الي الداون ناون...وأصريت عليه أن نعرج علي الصادق في شقته رغم تأخر الوقت وإعتراض مهدرا ...الذي أقنعته
بأن الصادق صديقي ولا بأس من زيارته في أي وقت....وصلنا الشقة وضغطت علي جرس الباب..مرتين وفي الثالثة أتانا صوت الصادق من خلال
الانتر كوم
وكأنه كان نائما...وقلت له : شنو يازول ؟؟ إن شاء الله عافية..نايم من بدري كدا مالك
فأجاب: لا والله بس معاي مريم...وقلت ننوم بدري
في هذه اللحظة إنتفض مهدرا الذي يعلم قليلا من اللغة العربية : وات what ؟
Meriam is sleeping with him؟؟؟
يازول قول بسم الله دي مريم ما ميريام
نو نو نو no no no he said meriam is sleeping with him
أتانا صوت الصادق عبر الانتركوم ...ياخي قول ليهو دي مريم شيخ الدين بتي ... فحاولت ان افهمو انو دي بت الصادق ما الش.......طة
بتاعتو
ولم تفلح المحاولات الي ان فتح لنا الصادق وطلعنا شربنا موية فوق
وشاهدنا مريم الامورة الصغيرة الجميلة وهي نائمة علي الكنبة في الصالون تحيط بها الملائكة
حينها صمت صديقي مهدرا ثم همهم ببعض كلمات الاعتذار بالامهرية ...وأشرت له بأصبعي ليصمت ويقفل خشمو....
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
إنام ع. حفيظ
Quote: كل ما تجي الأرشفة نمشي نفتش البوست دا
عشان ما يروح في حق الله
ــــــــــ د. ياسر سلامات |
والله البوست دا نجي من مقصلة الارشفة في اللحظات الاخيرة
ومجهودك معانا مقدر الله يديك العافية
إتذكرناك أمس وذكرناك بكل خير وتمنينا لو كنتي معانا
تحياتي
| |
|
|
|
|
|
|
Re: ذكريات مدينة.........بروكسل.... بلجيكا (Re: Ridhaa)
|
الاخ الفاضل رضا
Quote: الأخ العزيز د/ياسر عبدالقادر سلام ..
البوست جميل وذكريات لابد من توثيقها ... التحية لك ولضيوف البوست وللأخ دفعة المنابر صادق شيخ الدين ..
نرجو المواصلة |
شكرا ليك كتير
وبنحاول مرة مرة ندي الذكريات دفرة
تحياتي وأبقي عافية
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
تحياتي دكتور ياسر يا سلاااام .... الان اكتملت لدي صور ما تكتب من اماكن و اشخاص. اكتملت و انا عائد للتو من تلك المدينة الرائعة, اكتملت بدفء لقاء اخي الحبيب علي الخير بعد فراق طال لاكثر من ثمانية سنوات فكانت روعة بروكسل لا تقل عن روعة هذا اللقاء و لقاء يحي الخير ايضاً. قابلت كل من زكرت الا قليلا ... كاريبو , الله جابو, صدقي مطر, د.كبار, امين, الحلو, ابراهيم عباس, وليد معروف و حيدر بالاضافة للشباب المقيم ببروكسل .... و ما اتاح لي هذا اللقاء هو تصادف حدوث احدي المناسبات الاجتماعية اثناء تواجدي هناك ..... واصل يا دكتور و ساكون في معيتك فما تزال ابنية المدينة ,شوارعها و جوانبها في ذاكرتي , لا انسى ان ابعث بالتحايا للاخ العزيز يحي الخير و سودانيّ بروكسل و لحين عودتي, اتركك مع صورة لاحد جوانب القراند بالاس (ملازك السابق)
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
رغم علمي التام بأنه لاتوجد عقد في التعامل في اوربا...إلا أنه ومن اللياقة أخذ الاذن من صاحب الحق في ما سأذكره من ذكريات
وإلي أن يأذن لي عمر وحرمه في ما سأورده بخصوصهما...سأسوقكم في نزهة للتعرف علي بعض شخصيات بروكسل....
وسأبدا حسب الاسبقية الزمنية:
رجل فاضل جدا
وعلم من أعلام المدينة
ولايمكن أن نتحدث عن مدينة بروكسل دون التطرق إليه:
يستقبلك بإبتسامه تبعث فيك الطمأنينة
كلما أصاب بال home sickness مجرد الجلوس إليه يكفي ليبعث فيني بعض الراحة النفسية
إنه عم عبد الرحيم
إنسان بكل ما في الكلمة من معني
سأتحدث عن بعض جوانبه
وكذلك عن طرفات قد حدثت لي معه أو حدثني هو عنها
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
العزيز د. ياسر ابو عمار ،،،
سلام وتحية ... وينك يا راجل ... تم نقل البوست وانت لا هنا ولا هناك ... مشكور يا صاحب الدعوة للاشتراك فى هذا المنتدى ... وانشاءلله تواصل ذكرياتك وقفشاتك عن بروكسل الوادعة... ومتين الجية لبروكسل ... فقد طال غيابك عنها...
ولى عودة باذن الله ...
التحية ليك ولاسرتك الكريمة ... على الخير
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
أوووو
اخي و صديقي علي الخير
نورت البورد والله
Quote: العزيز د. ياسر ابو عمار ،،،
سلام وتحية ... وينك يا راجل ... تم نقل البوست وانت لا هنا ولا هناك ... مشكور يا صاحب الدعوة للاشتراك فى هذا المنتدى ... وانشاءلله تواصل ذكرياتك وقفشاتك عن بروكسل الوادعة... ومتين الجية لبروكسل ... فقد طال غيابك عنها...
ولى عودة باذن الله ...
التحية ليك ولاسرتك الكريمة ...
على الخير |
وتحلو الذكريات بحضور الاحباب
اليومين ديل مشغول شوية كدا
لكن لنا عودة عشان نسترجع الذكريات الجميلة
ومادام جيت امسك البوست أمانة ...وأدينا ما تيسر من الصور
والتحية لكل الاحباب خاصة يحي واولاده و صدقي مطر والبدري وبقية الشباب
ولاسرتك الكريمة
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
شكرا جزيلا بكري ابوبكر
وهذا تحريض علي الكتابة
وسأبدأ من حيث وقفت
العم عبد الرحيم
ومن بعده ستمتد القائمة....لاناس امضيت بينهم ردحا من الزمان
ليس المهم الترتيب...فوجودهم في وجداني لايحتاج لترتيب
لكن سأمر حسب الاحداث
واتوقع من الاخوة الاجلاء مساعدتي في التوثيق لهذه الحقبة الجميلة
الاخوان: علي الخير..ابومريم..صدقي..البدري..عبدالوهاب حجازي....
همتكم معانا
| |
|
|
|
|
|
|
Re: ذكريات مدينة.........بروكسل.... بلجيكا (Re: انعام عبد الحفيظ)
|
Quote: الاخوان: علي الخير..ابومريم..صدقي..البدري..عبدالوهاب حجازي....
همتكم معانا |
تحياتى للاخ / ياسر،،، ومشكورة اخت انعام على ( نبش) هذا البوست، عن مدينتناالرائعة بروكسل والذكريات الجميلة التى بدأها الاخ ياسر، ... والذى انشغل حاليا بمتابعة تسجيلات الهلال ،... نتمنى على الاخ ياسر مواصلة اجترار الذكريات ، ... والعتبى لكم ان انشغلنا بعض الشى عن الاضافة ، ... وحاليا عزيزى ( ابو عمار) تلبس بروكسل حلية بيضاء من كثرة الثلوج التى انهمرت عليها خلال الاسابيع الماضية، وماذال تساقط الثلج مستمرا بكثافة حتى لحظة تسطير هذه الاحرف، وما اود الاشارة اليه ان بروكسل لم تشهد مثل هذه الكميات من الثلوج منذ عشرات السنين ...
| |
|
|
|
|
|
|
Re: ذكريات مدينة.........بروكسل.... بلجيكا (Re: انعام عبد الحفيظ)
|
نعوم
سلامات بالجملة وشوق اكوام
Quote: ندين ونشجب الغياب المتعمد من البوست دا |
دا اسمو الهجوم خير وسيلة
وانا ادين واشجب الجليد المتراكم في بروكسل كم افاد علي الخير
عايز اشوف اخر عمايل العدايل (صلاح ادريس و الوالي) شنو؟؟؟؟
جايي بي رواقة......ساعات بس ...وسنعود لاجترار الذكريات
شكرا لمرورك ايتها الانيقة
| |
|
|
|
|
|
|
Re: ذكريات مدينة.........بروكسل.... بلجيكا (Re: انعام عبد الحفيظ)
|
تحياتى اخت انعام ،، لك الود على متابعتك لامر هذا البوست الفريد عن مدينتنا بروكسل ... ويلاهمتك يا دكتور ياسر دعك قليلا عن هلال الملايين وزد قليلا من فيض كلماتك الرائعة عن بروكسل وفى انتظار ما يخطه قلمك عن معقلنا (اكسيل) السودانية... وح نحاول نحرس ليك البوست ... الى ان تضيف اليه مزيد من الاثراء...
لكما عظيم امتنانى اخوانى ياسر وانعام
فى امان الله ،،،
| |
|
|
|
|
|
|
Re: ذكريات مدينة.........بروكسل.... بلجيكا (Re: على محمد الخير)
|
شكرا كتير يا نعووم...واعتذر بشدة عن التأخير
صديقي علي الخير.....تسلم كتير وأرجو ان ترسل لي ايميلك في ايميل حأرسلوا ليك
قبل ما اواصل من حيث وقفت عند العم عبد الرحيم.....سأتوقف قليلا لاحكي عن زميلتي مندي : تلك الفتاة الالمانية الحربية جدا التي أدبت أمام عيني ثلاث من الشباب المغاربة في قلب ميدان سيمونيس
لي عودة
| |
|
|
|
|
|
|
Re: ذكريات مدينة.........بروكسل.... بلجيكا (Re: Khalid Osman Jaafar)
|
الاخوة الاعزاء
خالد عثمان جعفر
و معتز
لكم مني عاطر التحايا
سأواصل مسيرة الذكريات بوجودكم الرحب وسأستمر في إجترار احلي اللحظات بالرغم من الخبر الفجيعة بوفاة الشاب اللطيف الظريف حسام ابن انتويربن والسجانة..الا رحمه الله رحمة واسعة
نواصل مع عم عبدالرحيم
وشكرا يامعتز يا رائع
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
Quote: ضربة جزاء: لكل الاحباب
اسف للتأخير في المواصلة لانني إفتقدت لليد التي تساعدني و تجد لي هذا البوست كلما ضاع مني...لذا كان علي أن أعتمد علي نفسي |
د. ياسر سلامات وعساك طيب
انا غايتو من الأيادى البتساعد وترفع البوست لمن يغطس عشان تقوم تتذكرو وتكتب فيهو لما تلقى وقت ودا عشان فعلاً انا من قراء البوست دا ومن المستمتعين جداً بكل الذكريات الجميلة البتتكتب فيهو وامس بالتحديد دخلت المنبر المساء عشان ارفعو ليك قبل الأرشفة بس لقيتك رفعتو ويا سيدي حتى لو قررت تعتمد على نفسك ح تلقانا برضو موجوين
ــــــــ أي نعم كانت ضربة جزاء بس ما جات قوون جات في الآوت
| |
|
|
|
|
|
|
Re: ذكريات مدينة.........بروكسل.... بلجيكا (Re: حسام يوسف)
|
Quote:
اخونا عصام الله يرحمة ويغفر ليه
اما انا فما زال في العمر بقية |
سلام يا حسام / "الانتويربي" الله يطول عمرك ياااااخ/ وما قصدناك .... قاصدين المرحوم عصلم له ألف رحمه بإذن ربه
بعدين .....أنا قريت الإسم من مداخلة د/ ياسر التحت دي
Quote: بالرغم من الخبر الفجيعة بوفاة الشاب اللطيف الظريف حـسام ابن انتويربن والسجانة..الا رحمه الله رحمة واسعة |
د/ ياسر عمل الخطاء المطبعي ... والمدة طالت وإستندت أنا عليه وخلطتنا الاسماء والاسماء زي بعض "حسام"/"عصام"........... كن بخير يا صديقي.
يديك العافية .... أخ د/ ياسر .... ألف شكر علي البوست اللي جمع الاحباب.
| |
|
|
|
|
|
|
Re: ذكريات مدينة.........بروكسل.... بلجيكا (Re: انعام عبد الحفيظ)
|
إنعام
سلامات وأشواق كتار
أولا حمدا لله علي السلامة بالشوفة...,أنا سعيد بالطلة وإنها تكون عبر البوست المخضرم هذا...والذي لولا مجهودك أنت لكان في خبر كان...
Quote: ودا عشان فعلاً انا من قراء البوست دا ومن المستمتعين جداً بكل الذكريات الجميلة البتتكتب فيهو |
ثانيا: أنا سعيد جدا بإستمتاعك بما يخطه يراعي المتواضع...ودي بعتبرها شهادة وقلادة علي صدري...فبرغم حجم مشغولياتك التي أعلم...تخصصين بعض الوقت للبوست..ودا الشيئ البيحرضني علي الكتابة و يخليني أخلي أي حاجة في يدي وأواصل تقديرا لذلك
Quote: وامس بالتحديد دخلت المنبر المساء عشان ارفعو ليك قبل الأرشفة بس لقيتك رفعتو |
والله لو عارف كدا كان عملت نايم..لانو ضيعت لي كم ساعة كدا بفتش فيهو لانو خاصية البحث في المنبر ما شغالة معاي..يمكن لخلل في كمبيوتري.. وبرضو حتي يتزين البوست بأول مشاركة ليك من غيبة طويلة عن البورد( ولا أنا غلطان)
Quote: ويا سيدي حتى لو قررت تعتمد على نفسك ح تلقانا برضو موجوين |
وياستي إنتي ست العارفين...إنو ما حأقدر أستغني عنكم
إحترامي وودي
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
Quote: الامير يعقوب الحلو |
سلامات يا دكتور و كل (ربع) و انت طيب ...و تحياتي لكل من مر من هنا و تحية خاصة للاخت انعام عبد الحفيظ لاهتمامها بهذا البوست الجميل و مرة تانية نرجع لزكرى بروكسل العطرة و ناس بروكسل الجميلين ... والامير يعقوب الحلو اتشرفت بلقائه و معرفته و كنا في سيرة الرائع شوقي بدري ... فما ذكرت ام درمان الا وذكر معها شوقي بدري .... لقاءاتي مع ذاك الرجل الهادئ كانت قصيرة في مجملها لكنها جميلة و ليتني كان لدي الوقت الكافي للجلوس معه اكثر و اكثر تجمع السودانيين في بروكسل يجعلك تندهش و للحظات عديدة ... هل انت حقا في بروكسل ام في احد الاحياء في السودان .... تحياتي ليعقوب الحلو ... و للحلو الصغير ايضاً ...
كم كانت رائعة تلك الزيارة فقد كانت خير ختام لتوديع العواصم الاوربية قبل بشهرين فقط من حزم امتعتي لمغادرة معشوقتي استوكهولم و العودة المؤقتة للسودان تمهيداً للانتقال الى النصف الجنوبي من الكرة الارضية لمواصلة الدراسة من جديد ..... كل ذلك تم في لمح البصر قبل عدة اسابيع التقيت الغالي علي الخير عبر المسنجر وكان ذلك في ايام تصادف رصيفاتها من العام الماضي عندما كنت اقيم بين ظهرانيهم فتعجبنا سويا من سرعة دورة الايام و تجميعها للناس لتفرقهم مرة اخرى ...
يا دكتور مازلت تهيج الزكريات بما تكتبه من اسماء و اماكن و معالم
بورت دي نامور ....
هذا الاسم شد انتباهي للوهلة الاولى فالاسم رنان في النطق كعادة الاسماء في اللغة الفرنسية التي لا اجيدها ... قادتني الصدفة وانا استطلع مدينة بروكسل للتوقف و النزول في هذه المنطقة. نزلت من على البص رقم 71 المتجه الى دي بروكير و كنت انوي زيارة القصر الملكي و حديقة بروكسل , لكن على بعد محطة واحدة من ذلك قررت النزول عند بورت دي نامور فالشارع الرئيسي يبهر بكل مافيه من خضرة و مباني و منظر النفق و سأسميه (نفق الامير) فقررت ان اغوص في هذا المكان و بدلاً من زيارة القصر وجدت نفسي امر من امام هيلتون بروكسل و سينما UGC , فوقفت اقرأ في افيشات الافلام الجديدة بعد ذلك واصلت في مسيرتي حتى وصلت لتقاطع شارع لويزا و تنبهت للوقت عندما مالت الشمس للمغيب فكرت في العودة للبيت على ان اعود في الغد لزيارة القصر الملكي و حديقة بروكسل و ما تيسر شريطة الخروج مبكراً من البيت و كل عشمي الا تهطل الامطار
عقب نزولي من البص عند محطة مترو بورت دي نامور
عند الرجوع كادت ان تحدث كارثة لانني لم انتبه لاسم المحطة التي من المفترض ان انزل عندها كل ما اتزكره انها بالقرب من المقابر, وكل من قابلته لسؤاله لا يجيد الانجليزية حتى سائق احد البصات التي تحمل الرقم 71 لم يستطع افادتي مما جعلني افوِّت البص لمراجعة المحطات ومنها تبين لي ان محطة المقابر (محاطة بالمستطيل الابيض في الصورة) هي محطتي بعد ان خمنت ان المقطع CIMETIERE مشتق من كلمة CEMETERY لانجليزية فكان ان توكلت على الله فوصلت ....
في انتظار البص 71 من محطة بورت دي نامور الى محطة مقابر اكسيل
واصل يا دكتور و ارجو ان لا تبخل علينا هذه المرة و لي عودة ان شاء الله
| |
|
|
|
|
|
|
Re: ذكريات مدينة.........بروكسل.... بلجيكا (Re: غباشي)
|
سلامات يا غباشي
ياخي إنت ما جبت الفيلم ذاتو....بعدين غريبة المكان دا قدرت تتصور فيهو...لانو طول السنة ..يامطر يا صقيع
بالله أدينا كمان من الصور....يديك العافية
وفي إنتظار الاخ علي الخير للانضمام للبوست
أواصل بقية السرد
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
Quote: عمدة بحق وحقيقة في مدينة بروكسل
هم أحد الذين ينطبق عليهم قول الحكامة:
عاجبني الكريم البسند الضعفان ..ربي اليتامي ومركز الضيفان
وحقيقة لم أجد بيته خاويا من الضيفان يوما ما
إنه : الامير يعقوب الحلو |
لاخ العزيز دكتور ياسر مساك الله بالخير مهما كتبنا عن الامير ابن الامراء يعقوب الحلو مابنوفيه حقه فالرجل بالفعل عمده بكل ماتحمل الكلمه من دلالات فقد احتضن الرجل معظم السودانيين وخاصا نحن حينما كنا برالمه ولم يبخل على الجميع في كل النواحي
تصحيح بسيط يادكتور القول من نظم الفنان والشاعر الكبير احمد الفرجوني وليس قول حكامه
| |
|
|
|
|
|
|
Re: ذكريات مدينة.........بروكسل.... بلجيكا (Re: حمزه بابكر الكوبي)
|
العزيز د. ياسر وابننا الباشمهندس احمد
التحية لكم وانتم تنثرون الوفاء والذكريات عن مدينتنا بروكسل ... والحقيقة كنت افضل متابعة ذكرياتكم الندية وفيضكم الرائع الذى اللجمنى عن المداخلة... فى انتظار المزيد من الجمال...
وحتما ساعود لصب المزيد من العطور على هذه الزهور..
التحية لكم اين ما كنتم ،،
| |
|
|
|
|
|
|
Re: ذكريات مدينة.........بروكسل.... بلجيكا (Re: على محمد الخير)
|
علي الخير
سلامات كتار ليك وللعيال ولامهم..ولكل ناس بروكسل
تعرف حبل الذكريات دا كان مانفضتوهو بينقطع....وقالو البكاء بيحرروهو ناسو....
تعرف هنا في واشنطون اليوم أقل من 10 ساعات ...يعني شي تلحقو وشي ماتلحقو
بس أمرق لينا بالصور عشان نتذكر شوية
تحياتي
| |
|
|
|
|
|
|
Re: ذكريات مدينة.........بروكسل.... بلجيكا (Re: حمزه بابكر الكوبي)
|
الاخ : حمزة بابكر الكوبي
شكرا لمداخلتك...وفعلا هذا ما شهدته أثناء تواجدي بمدينة بروكسل عن الاخ الفاضل يعقوب الحلو
Quote: تصحيح بسيط يادكتور القول من نظم الفنان والشاعر الكبير احمد الفرجوني وليس قول حكامه |
وشكرا جزيلا للتصحيح ...ربما إختلط علي قائل الابيات اعلاه والفرجوني قامة شعرية وغنائية سامقة له التحية ولك أيضا ولكل اهل بلجيكا
| |
|
|
|
|
|
|
Re: ذكريات مدينة.........بروكسل.... بلجيكا (Re: yasir Abdelgadir)
|
تحياتى دكتور ياسر ،،
Quote: تحياتي عبرك لكل الشباب...خاصة الاخ العزيز الحلو (ألي إلو يايا) ...ودا عندو قصص لذيذة جدا حأخلي علي الخير يحكي واحدة منها هنا |
يا ياسر... يا اخوى كتلتنى من الضحك وفشفت لى مصارينى ... ودى بس يحكوها كيف بالله ... دى يسمعوها بس ... ما بتتكتب ...قدر ما حاولت انقلها كتابة غلبنى والله ... وبرضو (ألي إلو يايا)...
| |
|
|
|
|
|
|
Re: ذكريات مدينة.........بروكسل.... بلجيكا (Re: على محمد الخير)
|
حبيبنا علي
Quote: ودى بس يحكوها كيف بالله ... دى يسمعوها بس ... ما بتتكتب ...قدر ما حاولت انقلها كتابة غلبنى والله ... وبرضو (ألي إلو يايا)... |
لا بالله ...دي أهم حاجة في البوست...حتي لو تتصل وتسجلها..لازم تجيبها....أنا خاليها للتحلية في اخر البوست..لووووووووووووووووووووووووول
حنستريح شوية مع ميكول الايطالية.....ثم نعرج علي العمدة يحي الخير....ومنه إلي دناقلة إكسل
يلا همتك معانا
| |
|
|
|
|
|
|
|