|
|
 Re: افضل لاعب فى تاريخ الكرة السودانية ... (Re: محمد عبدالرحمن)
|
محمد عبدالرحمن يا صاحب سلام وكل ضيوفك ..
مصيبة المريخاب كل ما ذكر إسم هيثم مصطفى حاولوا يلصقوا معاه العجب ..
تتكلم عن هيثم يقولوا ليك العجب ..
ياخي العجب دا ليهو سبعة سنوات ما رفع كأس الممتاز إلا مره واحدة ..
ما علينا العجب لعاب ما بنقول فيه حاجة ..
لكن ليه المريخاب يحاولون تشويه صورة هيثم ..
هيثم مصطفى لاعب أسطورة مافي كلام وقائد كبير قدر يخلق لنفسه مكانة كبيرة في الوسط الرياضي ووسط جمهور الهلال بالتحديد ..
لا يوجد إنسان بلا عيوب وهيثم كان في بداياته قد لا يعي قيمته الكروية ولكن بعدها صقلها وإحترم كورته وجمهوره وهو الآن محبوب الجماهير ومعشوقها ..
أدخل أي مباراة طرفها الهلال تسمع المدرجات كلها تردد سيدا سيدا ..
هيثم مصطفى هو أفضل لاعب في الجيل الحالي ..
| |
  
|
|
|
|
|
|
|
 Re: افضل لاعب فى تاريخ الكرة السودانية ... (Re: معتصم دفع الله)
|
معتصم دفع الله ياصاحب
سلامات
كنت عاوز ارد عليك رد طوييييييييييييييل
لكن سكتني بي دي
| Quote: هيثم مصطفى هو أفضل لاعب في الجيل الحالي .. |
بس رايك شنو في دي
| Quote: افضل لاعب فى تاريخ الكرة السودانية ... |
معليش رايك مهم جدا بالنسبة لي
وماعاوز اجابة حمالة اوجه
يعني يابيض ....ياسود....!!!!
سلام يازول
| |
|
|
|
|
|
|
|
|
|
Re: افضل لاعب فى تاريخ الكرة السودانية ... (Re: haroon diyab)
|
هارون دياب يا صاحب ..
سلام وشوق شديد ..
طبعاً زي الأحكام دي ليها معاييرها ..
يعني أنا بقول ماردونا أفضل لاعب في العالم ..
وغيري بيقول بيلية والإتنين لعابين مافي شك وكل واحد أسطورة في كرة القدم ..
بس أنا حضرت جيل ماردونا وشاهدت إبداعه وتفاعلت معها ..
كمان ما بقدر أقول لي زول شاهد بيلية أنت مخطئ ..
أنا حضرت جيل التمانينات كلهم وشاهدتهم بأم عيني وهم يلعبون ..
وكنت بحب طارق أحمد آدم شديد وبقول مافي مدافع في العالم زيه وهو لاعب أسطورة ..
ومن شاهد جيل السبعينات والستينات ليهم أحكامهم ما بنقدر نقول عليها أي حاجة ..
وأنا قصدت كلمة الجيل الحالي وأنا أعنيها تماماً ..
هيثم لاعب كبير والعجب لاعب فنان لكن الإختلاف والأحكام بينهما كبيرة ..
لو نظرنا في الجيل الحالي ما بنلقى لاعب فلتة أو ظاهرة ..
ظهر والي الدين وإختطفه الموت سريعاً قبل أن يمتعنا بإبداعه الكروي ..
والظاهر الآن لا يوجد لاعب فنان أو فلتة ولن يجئ في الوقت الحالي والأسباب معروفه ..
وبرضو بصر على أن هيثم هو أفضل لاعب في السودان من الجيل الحالي ..
لك الود والتحية ..
| |
|
|
|
|
|
|
|
|
|
Re: افضل لاعب فى تاريخ الكرة السودانية ... (Re: محمد عبدالرحمن)
|
هيثم افضل صانع العاب في افريقيا
كما قال ميشو ان قائد لاعبي الهلال هيثم مصطفي يعتبر حسب وجهة نظره افضل صانع العاب في القارة الافريقية وقد اثبت ذلك بيانا بالعمل في جميع المباريات التي خاضها مع الهلال مؤخرا.
----
كان اخير تقبلوا بكلامنا ..قلنا فى السودان ..ميشو قال
لا فى افريقيا كلها ..
اها رايكم شنو ...؟
| |
|
|
|
|
|
|
|
|
|
Re: افضل لاعب فى تاريخ الكرة السودانية ... (Re: محمد عبدالرحمن)
|
سلامات يا محمد عبد الرحمن.
من ناحية منطقية المقارنة مستحيلة لمن لم يشاهد لاعبي الأجيال السابقة، وعشان كده
من الصعوبة تحديد أفضل لاعب فى تاريخ الكرة السودانية، لكن بالنسبة للجيل الحالي،
ويمكن كمان الجيل القبلو، الأفضلية بلا منازع لكابتن هيثم مصطفى، أكثر اللاعبين
تأثيراً في مستوى ونتائج فريقه، لاحظ أنا كتبت: (تأثيراً في مستوى ونتائج فريقه)
عشان أكون دقيق في الأنا قاصدو.
ما يميز هيثم عن غيره أنه لاعب مايسترو بمعنى الكلمة، يتمنى أي فريق أن يكون به لاعب
مثله في القدرة على قراءة الملعب بسرعة فائقة (ما شاء الله) تمكّنه من إرسال تمريرات
دقيقة لزملاءه سواء أكانت هذه التمريرات قصيرة أو طويلة المدى.
كل ما يكون الكلام عن قدرة هيثم على صناعة الأهداف أنا بقول إنو هيثم صانع ألعاب
محوريّ، هو صانع ألعاب بالمعنى الحرفي للتعبير وليس صانع أهداف فقط.
بالمناسبة، لميشو رأي إيجابي في هيثم مصطفى يعود لعام 2008.
ففي حديثه لموقع MTN قبل مباراة الهلال وصن داونز الجنوب إفريقي في دوري الأبطال،
وصف ميشو هيثم بصانع الألعاب الكلاسيكي "old-fashioned classic playmaker"،
ووصفه بأنه "روح وقلب الهلال"، وقال عنه حرفياً: "يمكن مقارنته بالإيطالي فرانشيسكو
توتي، فهو قادر على منح المهاجمين تمريرات قاتلة، وفي جاهزية دائمة لتحويل اتجاه
المهاجمة من جهة لأخرى".
http://www.mtnfootball.com/live/content.php?Item_ID=14553
ده وصف دقيق لهيثم مصطفى يشير إلى أن ميشو متابع جيد للهلال منذ سنوات وبدرجة
مدهشة كمان (في باقي كلامه لموقع MTN تحليل دقيق لفريق الهلال ككل لا يصدر إلا عن
متابِع جيد).
هيثم نقلة نوعية في مستوى الإمتاع في كرة القدم عندنا في السودان، لا هو بالمراوغ
البارع، ولا اللاعب السريع الانطلاق بالكرة وبدونها، ولا هو مثل فائز نصر الدين
وأسامة سكسك وهيثم السعودي في الاستعراض المهاري بالكرة، لكنه لاعب team work
من الطراز الرفيع، وممتع أيما إمتاع في التمرير، وفي قراءة الملعب، وفي صنع ألعاب
فريقه، فضلاً عن روح القيادة التي يتمتع بها ويبث عبرها حماساً دفاقاً بين زملاءه.
تتذكر يا محمد لحظة خروج هيثم مصطفى في آخر دقائق مباراة الأهلي المصري بتاعة 3-0؟
ده كان مشهد تأريخي يوضح مدى العلاقة بين هيثم وجمهور الهلال ومدى الحماس الذي يلعب
به هذا النجم الرائع... سيدا.
هيثم مصطفى أفضل لاعبي الجيل الحالي بلا منازع، ويستحق بمستواه الرائع أن يكون
من بين أفضل اللاعبين فى تأريخ الكرة السودانية.
| |
|
|
|
|
|
|
| |
معتصم دفع الله
haroon diyab
محمد عبدالرحمن
فيس بوك
تويتر
انستقرام
يوتيوب
بنتيريست