|
Re: بـُــري (Re: حيدر امين)
|
Quote: الرسالة ما وصلت ,,, اعد |
عارف ماضى بقت رسايلو كلها مابتصل الحاصل شنو ياربى اكون مابعرف ارسل ولاشنو
الصور ماخطيرة لكن والعجب صورة التقاطع الجنب طلمبة النحلة
| |
|
|
|
|
|
|
Re: بـُــري (Re: حيدر امين)
|
تعرف يا حيدر و لو تتذكر حجر الاساس ده كان عى البيت مما هو بلاطة رخام و كان شغال فيهو ضاء الدين ابو العزائم و نحنا نتحلق حواليهو و كانت أول مرة نشوف شغل زى ده. زمن
| |
|
|
|
|
|
|
Re: بـُــري (Re: حيدر امين)
|
اكان شفتو دا كلو انت وماضى وقال كمان كنا بنلعب حوالين ضياء لمن اقول عليهم عجائززززززززززززززز بتزعلو لى
| |
|
|
|
|
|
|
Re: بـُــري (Re: اساسي)
|
قبر ود النور قائد القوات المهدية لحصار الخرطوم ببرى و المسمى عليه (غابة ود النور) تصوير كمال أبو العزائم
| |
|
|
|
|
|
|
Re: بـُــري (Re: ماضي ابو العزائم)
|
ياسلام
تشكر ماضي
اتزكر زمان ونحن صغار قبر ودالنور كان مزار للعديد من اهل البراري وبالذات ناس الدرايسة وكان وسط الغابة وبعيد عن العمران.
| |
|
|
|
|
|
|
Re: بـُــري (Re: اساسي)
|
اساسى كدى خلى برى لاهلها عليك الله شوف لينا الحريق القبل شويةانتهى من مركز عفراء ودار المحامين ولا
باى باى اساسى عقبال حرق البشير
| |
|
|
|
|
|
|
Re: بـُــري (Re: صديق مهدى على)
|
يا صديق دا بوست توثيقي عن مدينة جميلة ساهمت في تشكيل وجدانا , يا اريت تبعد بي وسخ السياسة دا بعيد من البوست دا وتحاور في اي مكان اخر غير هذا وبتمني انك تمسح المداخلة الكتبتها دي هنا وانزالها في اي بوست لي مفتوح عن اي موضوع اخر .
| |
|
|
|
|
|
|
Re: بـُــري (Re: اساسي)
|
باين حيدر بقى على رجعة شايفو نام على الخط ياريت إقدر إحرك لينا ناس الدرايسة و أبوحشيش و ناصر و الاماب
| |
|
|
|
|
|
|
Re: بـُــري (Re: ماضي ابو العزائم)
|
Quote: باين حيدر بقى على رجعة شايفو نام على الخط ياريت إقدر إحرك لينا ناس الدرايسة و أبوحشيش و ناصر و الاماب |
حيدر رجع يا ماضي ... في نفس يوم سفري (18/12)
______ عبدالرحيم الأمين .... معليش والله ما عرفتك لحدي ما لاقيت د. الشيخ بابكر الهادي. نوّرت المنبر والبوست.
| |
|
|
|
|
|
|
Re: بـُــري (Re: محمد أبوالعزائم أبوالريش)
|
Quote: عبدالرحيم الأمين .... معليش والله ما عرفتك لحدي ما لاقيت د. الشيخ بابكر الهادي. نوّرت المنبر والبوست. |
اخي محمد
السلام عليكم
التحية لك والتحية عبرك الي د. الشيخ بابكر الهادي ابن خالي العزيز الذي لم اقابلة منذ ما يقارب العشر اعوام واتمني من الله ان تكونوا في صحة وعافية.
نسبة لظروف عمل الوالد (رحمه الله) بمشروع الجزيرة فقد درست معظم المراحل الدراسية هنالك متنقلا معه ولذلك المعلومات شوية ضعيفة ولكنني اعرف شقيقك السني ابوالريش وارجو من الله ان يكون بخير.
شكرا لك عزيزي ونرجو دوام التواصل في هذا البوست القامة.
| |
|
|
|
|
|
|
Re: بـُــري (Re: Abdelrahim Elamin)
|
Quote: شكرا لك عزيزي ونرجو دوام التواصل في هذا البوست القامة |
هلا --- منور ومبروك للاخ جمال توقعنا حضورك - وتحيات خاصة للدكتور الشيخ بابكر وحيدر امين عبدالرحيم
| |
|
|
|
|
|
|
Re: بـُــري (Re: عبد الرحيم محمد عبد الرحيم)
|
Quote: ولكنني اعرف شقيقك السني ابوالريش وارجو من الله ان يكون بخير |
السنى بسلم عليك كتير وهو معانا فى مسقط
Quote: وتحيات خاصة للدكتور الشيخ بابكر وحيدر امين |
شكرا عبد الرحيم على التحية لى فترة من بوست الضابط المناوب انشاء الله الزيارة قريبا
| |
|
|
|
|
|
|
Re: بـُــري (Re: حيدر امين)
|
عزيزي حيدر امين
سلامات
Quote: السنى بسلم عليك كتير وهو معانا فى مسقط |
الله يسلمك ويسلمه ان شاء الله
تسلم يا غالي
| |
|
|
|
|
|
|
Re: بـُــري (Re: عبد الرحيم محمد عبد الرحيم)
|
عبدالرحيم سلامات
كيف حالك ابن عمي ، عسي ان تكون بخير وجميع الاهل كذلك.
Quote: ومبروك للاخ جمال توقعنا حضورك |
الله يبارك فيك وعقبال كل الشباب ان شاء الله
الشديد القوي والله
ــــــــــ
محبتي الاكيدة
| |
|
|
|
|
|
|
Re: بـُــري (Re: حيدر امين)
|
برى فى الخمسينيات ايام كشيب , جنجه, جربان وامين عبداللطيف و حارس المرمى وزير الاقتصاد الاسبق د. محمد هاشم عوض
الجلوس من اليسار احمد حامد العربى , عمر الهادى حاج الامين , محمد هاشم عوض , سيد محمد احمد عربى , جعفر ميرغنى
الوقوف من اليسار
محمد احمد بلال جربان , عبيد احمد , عبدالماجد خيرالله , عبدالعزيز عبدالرحبم , امين عبداللطيف , ابراهيم كبير , محمد فرج الله كشيب عابدين مرحوم جنجه
(عدل بواسطة حيدر امين on 01-01-2010, 09:15 AM) (عدل بواسطة حيدر امين on 01-01-2010, 09:17 AM)
| |
|
|
|
|
|
|
Re: بـُــري (Re: نجاة محمد بابكر)
|
اختى العزيزة نجاة
احتمال كبير اليوم الساعة 11 مساء برنامج كل الجمال كدى شوفى المفاجاءة دى البيت ده بيت منو انقرى؟ إبراهيم
| |
|
|
|
|
|
|
Re: بـُــري (Re: نجاة محمد بابكر)
|
يااااااا حليل ايام زمان ==== ياحليلا ايام جميلة حليل مرتع صبانا ==== وذكرى فى برى الجميلة
فى البرارى الناس محنة ==== ناس كرم ناساً حُنان يغشوا للجيران تملَّى ==== والغريب يدُّو مكان والبتوه يبقولو مرفأ ==== وفرحة للجار بيه الزمان
ياحلاوة النيل فى برى ==== والنسيم شايل المحنة والجناين فى العصير ==== زى تقول عايش فى جنة ربى احفظ للبرارى ==== تبقى هى الدار لأهلنا
| |
|
|
|
|
|
|
Re: بـُــري (Re: محمد النيل)
|
القصيدة الفوق دى فى زول متذكرها او مرت بيه؟ الاخ ماضى ابو العزائم انا زى الابتديت اتذكر حاجة غير الاسم الاعلامى وغير المعرفة الاسفيرية انا يظهر لى فى معرفة قديمة او حتى معرفة سطحية او مجرد وهم فى حلقة ربط فايتة علي
حاجة تانية فى زول اسمو حاجة كدا ابو الريش اربطوا لينا الحلقة المفقودة دى غايتو ما عارف ساكسفون اوجيتار حكاية قبل عشرين سنة هل من رابط؟
| |
|
|
|
|
|
|
Re: بـُــري (Re: محمد النيل)
|
الوهمة او اللخبطة اللى بدرت فى زهنى دا لانو اول مرة انا ادخل فى بوست برى دا وبرضو لقيتك ياماضى مع ناس برى وحركت فى ذاكرتى الماضى انا غايتو سكنت امتداد ناصر فترة كنت جارالسيد غريب الله عمر على (هيتة بالهيتة) سكرتير عام نادى برى سابقا الكلام دا قبل 21 سنة (الكترابة) الواحد تراهو عجَّز وما جايب خبر
| |
|
|
|
|
|
|
Re: بـُــري (Re: محمد النيل)
|
الزول ده يكون محمد ابوالعزائم ابوالريش او السنى ابوالريش
وبعدين لميت فى خالك ولا لسه ارسالت ليك تيلفونه ( د. عزالدين الشريف ) قال ما ضربت ليه
| |
|
|
|
|
|
|
Re: بـُــري (Re: حيدر امين)
|
الاخ حيدر امين تحية براوية انت الظاهر عليك تانى ما رجعت لبوست شلبى انا شكرتك فيه على انزال صورة الخال تشكر الاف المرات وشكلوا محافظ كدا الواحد بيطمئن انو انا لسة صغير رسالتك لم تصل الماسنجر شكرا لاهتمامك
Quote: الزول ده يكون محمد ابوالعزائم ابوالريش |
هل زمان كان بيعزف ساكسفون؟ لو هو تحياتنا ليه لو عندك بيه معرفة واتصال
تحياتى
| |
|
|
|
|
|
|
Re: بـُــري (Re: محمد النيل)
|
ياحيدر كيف يعنى قبل 21 سنة اكون محمد ولا السنى عازف جيتار انت قايلاهم قدرك ولا شنو
عليك الله البيت ماعجبك ولا عشان ماجيت فيهو اتلومتا لكن
| |
|
|
|
|
|
|
Re: بـُــري (Re: حيدر امين)
|
Quote: ده حسع يقولو ليه شنو يا نجاة |
سؤال صعب مش كد؟ا اقول ليك 21 سنة تقوم تطششنى زيادة؟ على كل حال انا السألتك وليس نجاة
الساكسفون مالو هو منعوه الاخر؟
| |
|
|
|
|
|
|
Re: بـُــري (Re: حيدر امين)
|
عادل سلام ضياء الدين أبوالعزائم محى الدين أبوالعزائم (علية الرحمة) محمد أبو العزائم السنى أبو العزائم كلهم عزفوا ساكسفون وعلى كلامك ده (21 سنة) إكون محمد أو السنى و ما عليك من كلام نجاة ده (أصلها قدر بتى شهد) و فى الغالب إكون محمد لانو مجتل تحركو كان فى ناصر بس إحنا ساكنين فى المحس محطة (2)
| |
|
|
|
|
|
|
Re: بـُــري (Re: ماضي ابو العزائم)
|
اهلااااااااااان يا حسنين! (علامة تعجُّب) عادل دا منو؟ كدا بقيتُم 22 سنة. البوست الفوق دا ياماضى انا كتبتو اول امبارح حسب توقيتكم وليس قبل 21 سنة
على حال بس ياهو محمد دا ذاتو قول ليهو فى واحد اسمو النيل (بكسر النون خالص) بيسلم عليك لو ح يتذكر وقول ليه الساكس بتاعك كان منشذ وقتها ان شاء يكون اشترى ليه واحد جديد لو النفس لسة طويل ولو ما اتذكر وريه القصيدة الركيكة بتاعت برى الفوق دى يمكن يتذكر. تحياتى
| |
|
|
|
|
|
|
Re: بـُــري (Re: نجاة محمد بابكر)
|
النيييل؟
لا حولاااااااا الحي يلاقي ....
ويقول ليهو ليه؟ أهو محمد زاتو جاك.
أتذكر تماماً آخر مرة في حفلة وداعك كنت مسافر على ما أذكر لبلاد العم سام!!
أدينا أخبارك العامة والخاصة والفنيّة
| |
|
|
|
|
|
|
Re: بـُــري (Re: محمد أبوالعزائم أبوالريش)
|
Quote: ويقول ليهو ليه؟ أهو محمد زاتو جاك.
أتذكر تماماً آخر مرة في حفلة |
الله اكبر هو دا انت؟ دى والله كان دايرا ليها موسيقى تصويرية من فيلم هندى قديم يا لمحاسن الصدف وحلاوة السودانيزولاين الحى بيك يازول معليش لانو المدة طالت واخر مرة اكون شفتك فى سيول و امطار 1988 والحفلة الطرشقت فى حلة ناس احمد التلب وتتذكر حفلة عبدو النجار؟ ما ادانا باقى العداد كان باقى لى عندو 134 جنيه. هههههها لاقتو سنة 2007 جنب مستشفى الخرطوم فى صدفة غريبة اجتررنا فيها الذكريات غايو اكرمنى بكباية شاى يعنى دفع باقى العداد يعنى يكون دفع 10 زيادة لانو كباية الشاى ب 150 جنيه معليش لكشف المعلومات التى يستخلص الناس منها الاعمار عشان كدا لا انت منزل صورتك لا انا؟ لكن صورتى حاليا اصغر من صورة ماضى الفى بروفايلو دى بس اوع يكون اصغر منك ح اشاكلك. والله مشتاقين الحمد لله انو ما قصينا لبعض او اتكاتلنا فى البوستات هههههههها انت عامل كيف والدنيا معاك واخبار الفن مازال العود صديقى لكن شايفو غيران من السودانيزاونلاين لانه قاسمه الوكت شكرا للاخوان وابن خالتك واخوك وحيدر امين طلع صديق لخالى المحبوب د.عزالدين بمسقط طلعنا اهل رجاء المواصلة وسارسل لك تلفونى عبر المسانجر تحياتى
| |
|
|
|
|
|
|
Re: بـُــري (Re: محمد النيل)
|
حيدر شفتا الجماعة ديل بهناك هايجين كيف برى منهم والمشكلة انهم مافاهمين الموضوع شنو بعد ماردو عايزين افهمو سمعتا بجنس دا قبل كدة طبعا انا مبسوطة شديد
| |
|
|
|
|
|
|
Re: بـُــري (Re: نجاة محمد بابكر)
|
Quote: يااااااا حليل ايام زمان ==== ياحليلا ايام جميلة حليل مرتع صبانا ==== وذكرى فى برى الجميلة
فى البرارى الناس محنة ==== ناس كرم ناساً حُنان يغشوا للجيران تملَّى ==== والغريب يدُّو مكان والبتوه يبقولو مرفأ ==== وفرحة للجار بيه الزمان
ياحلاوة النيل فى برى ==== والنسيم شايل المحنة والجناين فى العصير ==== زى تقول عايش فى جنة ربى احفظ للبرارى ==== تبقى هى الدار لأهلنا |
يا محمد
القصيدة دي سمعتها كتير من المرحوم مامون منصور
تحياتي
| |
|
|
|
|
|
|
Re: بـُــري (Re: محمد الشيخ أرباب)
|
يا ود ارباب سلام
Quote: القصيدة دي سمعتها كتير من المرحوم مامون منصور |
الله يرحمه ويحسن اليه افتكر هو اللى كاتبها دى كانت واحدة من اغنياتى اعطانى اياها ولحنتها وغنيتها فى عدة حفلات فى بري انا يظهر لى محمد ابو العزائم بيكون متذكر الكلام دا الله يرحم مامون ويغفر ليه ويجعل الجنة مأواه بحق فعلا حليل ايام زمان آه قلّبتوا علينا الذكريات
| |
|
|
|
|
|
|
Re: بـُــري (Re: حيدر امين)
|
Quote: الله يرحمه ويحسن اليه افتكر هو اللى كاتبها دى كانت واحدة من اغنياتى اعطانى اياها ولحنتها وغنيتها فى عدة حفلات فى بري انا يظهر لى محمد ابو العزائم بيكون متذكر الكلام دا الله يرحم مامون ويغفر ليه ويجعل الجنة مأواه بحق فعلا حليل ايام زمان آه قلّبتوا علينا الذكريات |
الاخ محمد
هو كان عندو قصائد كثيرة اغلبها عند الفنان عادل حامد
تحياتي
| |
|
|
|
|
|
|
Re: بـُــري (Re: محمد الشيخ أرباب)
|
Quote: النيل يعنى نطلع منها,,,
|
ليه يا حيدر صوتى مزعج ول شنو؟ شطب الاغنية ساهل بس بعدما يسمعها محمد ابو العزائم بس انت قول تحيلتى
| |
|
|
|
|
|
|
Re: بـُــري (Re: محمد النيل)
|
الاخ محمد
عادل حامد ده زمن طويل ما قابلته ما عارف وين هو الان
صديق ارباب ما قريبي
مامون منصور ود عمي
تحياتي
| |
|
|
|
|
|
|
Re: بـُــري (Re: محمد الشيخ أرباب)
|
يا النيل .. صديق أرباب من الدرايسة .. ومحمد الشيخ (إبن خالتي) من المحس وامتداد ناصر. بالمناسبة محمد الشيخ ساكن قريب منهم لو تتذكر في واحد كان بيعزف جيتار إسمو (أسامة هاشم)، مع إنو الناس كان بينادوهو (أسامة النقر)، لأنو النقر (عبدالرازق النقر) عليه رحمة الله جدو لأمه.
______ القصيدة متذكرها طشاش ... والأغنية رجعتنا لأيام الحفلات والسهر.
| |
|
|
|
|
|
|
Re: بـُــري (Re: محمد أبوالعزائم أبوالريش)
|
Quote: والأغنية رجعتنا لأيام الحفلات والسهر. |
و دي في حد ذاتها موضوع
الحفلات و السهر في الحيشان في بري كان عندها طعم و مذاق خاص
يا محمد ما تفتينا و تحكي لينا شوية
| |
|
|
|
|
|
|
Re: بـُــري (Re: محمد أبوالعزائم أبوالريش)
|
Quote:
في واحد كان بيعزف جيتار إسمو (أسامة هاشم)، مع إنو الناس كان بينادوهو (أسامة النقر)، لأنو النقر (عبدالرازق النقر) عليه رحمة الله جدو لأمه. |
يا محمد
اسامة النقر قبل ما اسافر السعودية قال لي انو سوف يستقر في بريطانيا " هو عندو جواز بريطاني" اعتقد انو الان في بريطانيا.
تحياتي
| |
|
|
|
|
|
|
Re: بـُــري (Re: محمد الشيخ أرباب)
|
Quote: ليه يا حيدر صوتى مزعج ول شنو؟ شطب الاغنية ساهل بس بعدما يسمعها محمد ابو العزائم بس انت قول تحيلتى |
ياخى ما كده بس قلنا بعدما بقيتو بتعرفوا بعض نزح منكم نحنا
وبعدين الاغنية ما ظاهرة عندى
| |
|
|
|
|
|
|
Re: بـُــري (Re: حيدر امين)
|
Quote: الحفلات و السهر في الحيشان في بري كان عندها طعم و مذاق خاص |
مشكلتى الكبير فى الاسماء بالرغم من انو ذاكرتى فالاحداث قوية جدا حتى الاحداث العادية منذ الطفولة بتذكرا بداياتنا فى الغناء الخاص كانت فى حيشان برى ومتذكر منها العديد نفسى احكى عنها لكن بصتدم بنسيان الاسماء اللى بتغيب عنى اكثر من ثلاثة سنوات ح ارجع للاخ احمد الجيلانى التلب وهو فى السعودية وكان رفيق الدرب فى تلك الحفلات وحفلات المناسبات ويعمل لى رفرشمنت للاسماء قبل اشارك فى موضوع حفلات حيشان برى وطبعا الاخ محمد ابو العزايم حصلنا فى النهايات قبل سفرى وبتذكر من العازفين اللى كانوا معانا احمد التلب ابو العزائم الحاج (ديم كوريا عبد العظيم احمد (الحلبى) طارق شلن محمود (ايقاع) حاج حضرة عمر حضرة وقريبهما أسامة (كمان) وعاصم كمنجة وآخرين لا اذكرهم الان وكان فى واحد بيعزف جيتار نورمال كان يأتى معك يا اخ محمد ساكن فى حلتكم وافتكر كان بيقرأ فى اوربا الشرقية هل هو دا النقر الانت بتقصدو؟ الاسم شوية رايح على وبرفاتنا بعد مرات كنا بمنشى مع حضرة لمنزل المرحوم مصطفى سيد احمد وذكيات كثيرة بس بعد مراجعة الاسماء مع التلب
| |
|
|
|
|
|
|
Re: بـُــري (Re: محمد النيل)
|
Quote: وقريبهما أسامة (كمان) |
اوعك بتقصد اسامه امين عبداللطيف
شوف كيف بالله .... ده قريب محمد ابوالعزائم و صديق المرحوم حضره
| |
|
|
|
|
|
|
Re: بـُــري (Re: محمد النيل)
|
Quote: اوعك بتقصد اسامه امين عبداللطيف
شوف كيف بالله .... ده قريب محمد ابوالعزائم و صديق المرحوم حضره |
دقيقة يا حيدر .....
أسامة أمين متين بقى يعزف كمنجة ياخ. ... لأ المقصود أسامة تاني، ويا النيل (المرحوم) حضرة هو الفاتح الحاج حضرة، وإنت بتعرف أخوانو: عبدالرحمن (أكورديون) وكان بيعزف مع مصطفى سيد أحمد، ويوسف حضرة، كان وقتها بيغني، ما عارفه خلى الشغلة دي والاّ لسة.
ويا النيل ... عازف الجيتار المقصود فعلاً هو أسامة النقر (كان بيدرس في الإتحاد السوفيتي) .. ومرة واحدة أو مرتين جاء معاهو يوسف علي مكاوي (في حفلة وداعك) وعزف معانا برضو جيتار.
| |
|
|
|
|
|
|
Re: بـُــري (Re: محمد النيل)
|
الظاهر عليها دى ح تكون ذكريات محزنة انا اتفجأت بالمرحوم مامون منصور (وحضرة) منو فيهم؟ انا احسن حاجة اعمل Update مع اولاد التلب وارجع ليكم تانى عشان ما اتلوم معاكم ساكت الفترة طالت خالص
| |
|
|
|
|
|
|
Re: بـُــري (Re: محمد النيل)
|
يا جماعة إعلان صغير: دخلت واحد من البوستات، ولقيت مداخلات بإسمي ما عملتها أنا (إتهكّرت يعني).
أول شئ مسحت المداخلات، وغيرت الباسوورد. بعدين عملت البوست ده: هذه الماخلات ليست مني ... وهي لا تعبّر عنّي.
ما عارف إذا كان في مداخلات تانية أو بوستات إتعملت بإسمي ... عشان كدة يا ريت البيعتر في بوست/ مداخلة ما راكبة عدلها يديني خبر.
| |
|
|
|
|
|
|
Re: بـُــري (Re: محمد النيل)
|
يازول كفارة والله التهكير دا مشكلة كبيرة سنقوم بالبحث ضع اسمك فى فتحة البحث تلقى اى حاجة اكتبت باسمك فى هذا الربع
| |
|
|
|
|
|
|
Re: بـُــري (Re: محمد النيل)
|
Quote: أسامة أمين متين بقى يعزف كمنجة ياخ. ... لأ المقصود أسامة تاني، |
ياخى العتب على النظر
قريتها اسامه كمان ولمن لقيت حضره قلت بس ياهو زولنا
| |
|
|
|
|
|
|
Re: بـُــري (Re: حيدر امين)
|
Quote: احمد التلب ابو العزائم الحاج (ديم كوريا عبد العظيم احمد (الحلبى) طارق شلن محمود (ايقاع) حاج حضرة عمر حضرة وقريبهما أسامة (كمان) وعاصم كمنجة |
أحاول أتذكر معاك بعض الأسماء: مجدي (أكورديون) صابر (كمنجة) عُمر (ترامبيت) عُمر المجوبك (بيز جيتار)
بعد كده إلاّ نتذكّر (البعامات)
| |
|
|
|
|
|
|
Re: بـُــري (Re: نجاة محمد بابكر)
|
Quote: ووووووووووووووووووين نمتو ولاشنو |
ههههههها يا نجاة يعنى ما فتحتوا بوست واحد تانى؟ نحنا غايتو يا داب صحينا بى جاى
يا محمد مجدى اكورديون انا ماعارف نسيت اذكرو كيف متين انت شقتو اخر مرة يا سلام زول اخلاقه عالية هادى الطباع فى طريقة الواحد يتصل بيه؟
| |
|
|
|
|
|
|
Re: بـُــري (Re: محمد النيل)
|
والله يا النيل مجدي ده (مجدي عبدالله مرحوم) من دون الباقيين كنت على صلة بيهو فترة طويلة، وكل ما أمشي إجازة لازم ألاقيهو، بس السنين الأخيرة ما كنت بلقاهو.
| |
|
|
|
|
|
|
Re: بـُــري (Re: محمد أبوالعزائم أبوالريش)
|
Quote: مجدي عبدالله مرحوم |
انا والله كلمة مرحوم دى بقت تخلعنى الحمد لله دا اسم جده لو كنت عملت عليها الف و لام بالغلط كنت ح ازوغ من البوست بتاعكم دا لكن الحمد لله الله يطول اعماركم يا اهل ارقى ناس فى الخرتوم عموم
| |
|
|
|
|
|
|
Re: بـُــري (Re: محمد النيل)
|
كما قلت لكم حارجع ليكم بعدما اعمل لمعلومات وتجديد الاسماء فى الذاكرة وكبدايات لاسترجاع الذاكرة وحقيقة هناك الناس القدامى الذين يعرفون اصول برى وخاصة منها المحس كان يا اخ محمد كما تعلم علاقة الصداقة التى تربطنى بالاخ احمد التلب قوية منها الفنية والاجتماعية وذلك من منطلق صداقة الحى. احمد فى حد ذاته كان مسطح ولا يعرف الكثير عن برى ولكن كنز المعلومات كان جدته وصديقتى فى نفس الوقت كلتومة لها الرحمة كنت استمتع لحكاويها عن ماضى برى وكانت ذو ثقافة فطرية عالية تعرف الكثير عن كل شيئ تتحدث عن العلاقات والروابط الاجتماعية كان تعرف كلمات شعر الماضى تحدثك عن اشعار الفخر والشاجعة والغناء التراثى يعنى كشكول تراثى وعرفت ان لها صلة قرابة قوية باسرتكم الكريمة كلتوم بت بابكر ابو الريش ابو العزائم بابكر ابو الريش وبقية العقد الفريد ..........
وقد تحدث الاخ محمد الشيخ ارباب عن المرحوم مامون منصور وانه حقيقة قد اعطانى قصيدة البرارى والتى قمت بتلحينها واداءها واصبحت من اعمالى الخاصة فعرفت انهما ابناء عمومة محمد الشيخ محمد الارباب مامون منصور محمد االارباب له الرحمة ولكم حسن العزاء. والاصول التاريخية المجيدة الاخوان الشيخ الارباب الشيخ حمد الشيخ خوجلى
العيلفون حلة حمد توتى
وبرى الشامخة ونواصل
| |
|
|
|
|
|
|
Re: بـُــري (Re: محمد النيل)
|
وجدت هذه الصور في واحد من البوماتي القديمة والتحية لهذا الجمع الكريم واتمني ان يكونوا في خير وعافية. واين هم الان؟؟
الزمان: بداية الثمانينات من القرن الماضي المكان: مدرسة بري المتوسطة بنين (الاميرية)
من اليمين وقوفا 1. عبدالحليم النور 2. النور موسي 3. محمد صديق عبداللطيف (ابن عم حيدر امين) 4. عادل نورالدين 5. محمد مصطفي عطية 6. عبدالرحيم الامين (العبد لله) 7. وليد محمد مصطفي 8. محمد محمود ازرق
من اليمين جلوسا 1. وليد عباس مضوي 2. معتز التوم 3. احمد عبدالمنعم
| |
|
|
|
|
|
|
Re: بـُــري (Re: إبراهيم عبد الحليم)
|
Quote: لابدين ياربى تكون الذكريات دى مانافعة معاهم ولا كيف |
ويا لها من ذكرايات رائعات يا نجاة وكم هى مثيرة للفخر والعراقة حيث برى هى الخرطوم الحقيقية القادمة من حضارة النوبة العريقة
| |
|
|
|
|
|
|
Re: بـُــري (Re: محمد النيل)
|
نجاة سلام
Quote: انتو حيدر امين وماضى مشو وين |
قلنا ندى الناس ديل فرصة لازالة غبار السنين بعدين الجيل الاقدم (ناس أنا و حيدر و نجاة) بنجى بعدين
| |
|
|
|
|
|
|
Re: بـُــري (Re: ماضي ابو العزائم)
|
الحتة دي فاتت عليك يا ماضي:
Quote: ولكن كنز المعلومات كان جدته وصديقتى فى نفس الوقت كلتومة لها الرحمة كنت استمتع لحكاويها عن ماضى برى |
فعلاً الحاجّة (كلتوم بت ونّي) رحمها الله كانت مرجع حقيقي، تحفظ أصول الأسر والأنساب، وكانت لي جلسات معاها في بيت ناس أحمد (الجيلاني التلب) في امتداد ناصر، ويجي أحمد وأخوانو يلقوني قاعد معاها في (بنبر)، يستغربوا ويقولوا لي إنت كلام حبوبة ده البيعجبك فيهو شنو؟
حقيقة عرفت منها حاجات كتيرة رحمة الله عليها.
| |
|
|
|
|
|
|
Re: بـُــري (Re: حيدر امين)
|
ونعود لذكريات الفن قليلا اخ محمد واذكرك باللغة الخاصة التى كان يستعملها العازفون والبعامات (شلة اصحاب الفرقة الغير عازفين التابعين للفنان والفرقة) وهى لغة متجددة ينجرها العازفون من باب درء الحرج. مثلا ولأن اهل المناسبة غرباء عنهم لا يستطيعون طلب العشاء إستحياء فيوجهون كلامهم للفنان: ياخى عاشَّة الفلاتية كيف؟ يعنى حرَّك لينا الشخص اللى ربطك يجيب لينا العشاء وهناك ايضا عندما يخرم احدهم للتمباك واستحياء من الجكس فيستعمل الخرمان كلمة صفاء ابو السعود بدلا من سفة صاعوط وهكذا وعندما تتداول هذه الشفرات بين عامة الناس يضطر المؤلفون مثل عبد العظيم الحلبى (إيقاع) بمد القاموس بكلمة جديدة لزيادة التكتُّم. وكان يسمى عبد العظيم هذه اللغة (باللوغريثمات) كناية عن اللغة. هل تذكر اخ محمد لا اذكر ان كنت انت من متعاطى صفاء ابو السعود ام لا ولا اظنك تحياتى ساتغيب عنكم الفترة القادمة واشارككم بصفة متقطعة الى حين
| |
|
|
|
|
|
|
Re: بـُــري (Re: نجاة محمد بابكر)
|
شكرا ليك يا نجاة ياهميمة اعمامك وخلانك ديل حركيهم شوية شايف البوست نايم وآخر شخير انا اخر واحد كتبت ومحمد ابو العزائم شكلو نايم يلا يا ناس برى اتحركوا شوية حبتين تحياتى
| |
|
|
|
|
|
|
Re: بـُــري (Re: حيدر امين)
|
يا حيدر امين صح النوووووم وينك؟ ياخى البوست دا اتهجر لقيت نفسى بتكلم براى خفت مشيت لحدما نجاة جات عملت شوية حركة ما بطالة تحياتنا
| |
|
|
|
|
|
|
|