توثيق :جامعة أمدرمان الاهليه : منارة علم وقلعة صمود

Quote: الاخ ايمن السلام عليكم انا بشير عكاشة ( اخو عوض عكاشة عضو في المنبر وخريج اهلية) عايش في واكلاند كاليفورنيا - امريكا وبلاقي بشير ابو سالف في صلاة الجمعة قريت التوثىق الجميل عن الاهلية في sudaneseonline طبعا انا من اول دفعة في حمد النيل لكن عملنا المعاينة في الملازمين مع د كدودة الله يرحمة وعشان الاهلية كانت وما زالت واقفة للكيزان في حلقهم ودَونا الدفاع الشعبي في حتة جنب بورسودان اسمها سوتريبا وابو يودونا لي هناك قالو تمشو بي البصات على نفقتكم لكن الاتحاد الرائع تمكن من ان يحجز لينا عربية في قطر( والعربية القدامنا كان فيها سيرة عرس فيها قرنبوز عجيب جداً لكن كنا صغاروالواحد عشان يفتح ليهو موضوع في المحطات الريق ينشف والعيون تزغلل لكن كانت لمة جميلة جدا) . طبعا الكيزان ودونا هناك المكان البعيد دا نكاية في الاتحاد وبدون ما يقصدو خلقوا عربية قطر كاملة معادية ليهم .. لمن وصلنا المعسكر هناك حلاقة صلعة وازلال وتهديد بانو حيودونا العمليات لاننا مسيسين وتجويع ............ دي قصة طويلة - كان نشرتا لي دي بحكي ليك الباقي