تباريح الهوى .. إستراحة محارب .. منجمين في إنجمامتنا

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-09-2018, 06:55 PM الصفحة الرئيسية

مكتبة خالد علي محجوب المنسي(خالد علي محجوب المنسي)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
25-05-2012, 07:35 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: دقو لي نحاس الطرب


    نحاس الطرب ( الدلوكا ) وذكر نحاس الطرب لانو النحاس يدق او يضرب في حالات عدة وكل شئ له ضربات معينة
    مثلا في حالة الحرب
    في حالة موت شخص
    في حالة الفرح والزواج وكل دقة تحتلف عن الاخرى
    Quote: ومرقن بنات العرب



    كلمة العرب كانت تطلق على الناس اللذين يقطنون الريف او الخلاء او البادية

    Quote: أخو الضيفان الما كضب
    بخش النار أم لهب


    وتشكر في العريس انه رجل كريم وزول ضيفان ومو كذاب وما جخاخ في كرمه
    وكذلك رجل شهم وشجاع وتظهر شجاعته
                   |Articles |News |مقالات |بيانات

25-05-2012, 10:04 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: شدو ليهو أبـ فراية


    اي شدو لي الفرس للسيرة وكانت العادة السيرة للعريس ان يركب فوق مهرة
    ويمرق عصر
    ومنها جاءت الاغنية
    السيرة مرقت عصر
    وشايلا الشيخ ودبدر

    ابــ بفراية يقصد بها المهر



    Quote: وضاق السيرة أم قناية
    أخدلّو عروس سمحة أية
    وعارفا كتابة وقراية


    والسيرة ام قناية كما قلنا يقصد بها السيرة بالحصان
    وقلنا يكون العريس في كامل زينه
    الهلال
    العراقي البلدي
    التوب ابــ زيق
    والمركوب فاشري ولا نمر
    والسوط في الايد
    والسيف حاقبو في الكتف
    ورابط الحريرة في الايد
    والخاتم ابــ فاروظا ( حجر كريم ) في الاصبع الكبير
    والضريرة في الرأس
    ونورة العريس بادية

    أخدلّو عروس سمحة اية
    اي كان نعم الخير العروس شمحة بالحيل
    وكمان قارية وفاكا الحرف
    وكان وقتها البنات لا يدخلن المدارس إلا ما ندر
    والدراسة كانت تميز بالنسبة للبنت وقتها
    وقال الشاعر محمد طه القدال يصف الرتينة بت سالم وليد عتمان
    قراية وكاتبة
    يحمد سيدها
    ماخدا علي البنيات الشرافة
    كذا البريبة تبرد عيني
    لا تغشاها لا احضر نشافا
                   |Articles |News |مقالات |بيانات

26-05-2012, 03:24 PM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

26-05-2012, 07:49 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    وضاحة يــا شمس المشارق
    دائما موفقة في أختيار الكلمات المعبرة وهذا دليل على نبل مشاعرك
    الجميلة

    لك مني كل الود على هذا المرور المحفوف بكل جميل ونغم

    تحياتي ومودتي يا عزيزة



    (عدل بواسطة خالد علي محجوب المنسي on 26-05-2012, 08:23 PM)

                   |Articles |News |مقالات |بيانات

26-05-2012, 08:15 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: هي بت العز والعجن
    النبيه دارسة لكل فن
    وسوت لي القيد حرن
    وخلت الابكم رطن

    بت العز والعجن
    اي انها نؤوم الضحى
    وما بتحش قش التناقير
    ولا بتشيل جردل علي الزير
    والزراق فوقها تقول حرير
    ولما تشتت الشبال ام ضمير
    بتولع النار وتخلي قلوب الصبيان تطير
    وسمحة وطيبة وقلَّ ان يجتمعنَّ

    نبيها اي فطمة واعية مدركة
    وكل فن : ايامها كان فن البت العمل المنزلي
    الحياكا .. القطبة ..التطريز .. وغيرها من فنون البنات ..
    وقاريا وكاتبة تحمد سيدها
    وماخدا علي البنيات الشرافة

    سوت لي القيد حرن
    والقيد حرن : رقصة عروس تحرك ارجلها كما الدابة المقيدة وهذا التشبيه لا بالدابة في حركتها
    ليس زم لانو لو لحظنا حركة البعير وهو مقيد ترى في من الحركة المنتظمة الحلوة مكان ينشي القلب
    والروح وهو يحرك رجليه الامامية زحفاً وما بنط لذا سميت هذه الرقصة
    القيد حرن
    وحرنت الدابة عندما تمشي ثم فجاءة تتمنع من السير

    ومن جمال رقصتها وجمالها يوم رقصت الابكم نطق

                   |Articles |News |مقالات |بيانات

27-05-2012, 08:48 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    ان الذي بيني وبين جلدتي لمختلف جدَّ
    أن أكلوا لحمي وفرت لحومهم
    وهدموا مجدي بنيت لهم مجدَّ
    وأن زجروا طيراً تمر بنحس بي
    زجرت لهم طير تمر بهم سعدَّ

    ولا تملك الحسناء قلبي كله وإن شملتها رقة وشبابُ
    اجري ولا أعطي الهوى حق مقودي أهفو ولا يخفى علي صوابُ


    يعجبني ابوفراس الحمداني وشعره وعزته لنفسه
    واسف اني شوهت بعض من ابياته لشئ في نفس يعقوب


                   |Articles |News |مقالات |بيانات

28-05-2012, 07:45 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحيــــــن ميسرة
                   |Articles |News |مقالات |بيانات

29-05-2012, 07:33 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    أغنية
    من قليبو الجافي
    على ما افتكر هي كلمات الاستاذ محمد بشير عتيق له رحمة الله تنزل عليه
    من كثر سماعها لها وقت في قلبي واتحلت الاركان لها من المعاني جمال يخلب اللب
    ويحرك المشاعر وكل يغني على ليلى ( الخاصة اي محبوبته )
    فكان لابد لي ان امر مفردتها الحلوة بشئ من الشرح والبيان حسب فهمي لتلك المفردات
    لا ادعي المعرفة التامة لكن اقول الشكر والحمد لله الذي وهبني فطريا استيعاب المعاني
    مهما استعصت ومع اني كنت بليد في النحو التصريف لكن احب الادب والشعر شديد

    من قليبو الجافي لي قليبي الحان
    النسيم يتردد عامل إستمحان

    الغصون تتناول منو خمر ألحان
    والخيول تتناشد رائق الألحان
    والفروع تتمايل ميلة الفرحان
    والزهور بتصفق ويرقص الريحان

    يا نسيم مابالك تثني قامة البان
    إنتَّ رايق تلعب والعشوق تعبان
    إكتشف ما دائي ما الدوا الصعبان
    هل دا جرحاً غائر ام دا سم ثعبان

    قال لي لازم جرحّك .. مدة الازمان
    لا روائحي تطبّــــك لا ولا لُقمان
    البداوي شفتَّ يا سقمان
    من عصير الند البنضحو الرمان

    يا الغرامك حللا ورحّل السكان
    في مدائن جوفي تملك الأركان
    ما ألذَّ النار السارجة بي لو كان
    إبقو قلبي وقلبك في الغرام شركان

    صاحي سياف لحظك والطريف نعسان
    ليكا رُشرش قاطع جنن الفرسان
    إنتَّ بدراً ساطع في قواك إنسان
    ليكا حُسن الدنيا ولي شعر حسان

    الدهش أفكاري وربّى ليا جِنان
    خُمرة تمزج فيهك تسقي دُر أسنان
    ردَّ يسطل سمعي لِهيجك الرنان
    إنتو ناس الدنيا ولا حور في جنان

    إنتَّ حسنك كامل والعشوق كملان
    طشَّ عقولو الهامل فارق الزملان
    في المنام يتقدّل طيفك العطلان
    دي الحِجارة تثنت لو قليبك لآن

                   |Articles |News |مقالات |بيانات

29-05-2012, 08:17 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: من قليبو الجافي لي قليبي الحان
    النسيم يتردد عامل إستمحان

    الغصون تتناول منو خمر ألحان
    والخيول تتناشد رائق الألحان
    والفروع تتمايل ميلة الفرحان
    والزهور بتصفق ويرقص الريحان


    الجفا ما زين وحتى بين الاهل جفا امر غير محمود ناهيك من جفا الاحباب اللذين أختارهم القلب
    والقلب ما بعشق ويهوى إلا الحبيب المقرب إليه ورضاه ..
    من قليبو الجافي ولي قليبي الحان
    نعم البريد في الريدا ما بخبر فسالة
    ولا يقدم أن يبادل الجفا بمثله
    فكان قلب المحبوب جافي اختار البعاد رغم الحب المودة الجميلة التي بينهم
    كل جميل يضيع في لحظة غضب دائماً .. استغرب دوام ليه الناس ما بتغفر زلات بعضها
    مادام القلوب ملتحمة وملائمة بعضها بعض
    الفراق الجفا هو الذي جعل حتى النسيم الذي كان يمر في ساعات همس الحب ومودة الحديث الذي بينهم
    استغرب لما حصل من جفا

    ثم يعرج لوصف المحبوب وكيف يراه بعينة المحبة ( للمحبوب )

    ان الغصون كانت تتناول منه خمر الألحان ( واللحن هنا لحن نغمات الحب الكبير الذي بينهم )
    والخيول تشهد حبهم وكانت تنشد رائق لحن المودة والحب
    وفروع الشجيرات التي جلسوا ورشفوا خمر الحب تحت ظلها كانت تتمايل كما فعل الفرحان يتمايل طرباً
    وفي حقل حبهم الجميل كانت الزهور تصفق منتشية بذلك الود الذي بينهم ويرقص رقصة الحب الريحان
                   |Articles |News |مقالات |بيانات

29-05-2012, 08:38 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: يا نسيم مابالك تثني قامة البان
    إنتَّ رايق تلعب والعشوق تعبان
    إكتشف ما دائي ما الدوا الصعبان
    هل دا جرحاً غائر ام دا سم ثعبان



    الهايم لفراق حبيب زي الممسوس ( مس الجن ) وزي سيد الرايحة
    حين يجد العذر لللحبيب وحين يلومه لكن مهما كان ان يكره الحبيب حبيبه
    لا اجد لها تفسير ( وهذا ان حبه للحبيب من بدءه لم يكن حب لكن لشئ في نفسه )
    وعندما انقضى الامر لا صلى ولا صام اتردَّ عن دينه
    فيا نسيم كيف لك ان تثني قامة البان وهي نفسي التي جرحت تتركني لتلك الرياح العاتية لوحدي
    اجابد شمعة في مهب الريح
    وهو ( اي المحبوب الذي اختار البعاد والفراق ) رايق ومبسوط يلعب والعشوق تعبان من ألم الفراق
    كان الاحرى بك ايها العشوق والحبيب ان تكتشف مرضي ودائي الذي صعب على المداوي علاجه
    يا ربي هل ما بي جرح غائر ام سم ثعبان ( احسه يسري ألم في دمي كما سم الثعبان )
                   |Articles |News |مقالات |بيانات

30-05-2012, 07:26 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: قال لي لازم جرحّك .. مدة الازمان
    لا روائحي تطبّــــك لا ولا لُقمان
    البداوي شفتَّ يا سقمان
    من عصير الند البنضحو الرمان


    سالت الطبيب أشكُو ألم الفراق فكان رده
    جرحك يحتاج لي مدة من زمن حتى يبرئ ( جراح الحب )
    أنا لا رواحي تطبك ولا حتى الطبيب لُقمان
    لكن عندي لك وصفة من دواء ناجع يشفي جروحك
    ما هو يا طبيبي ؟
    قال: طبك في عصير الند البنضحو الرُمان
    وماهو عصر الند وما الرُمان
    كان الجواب الشافي

    تحت النهد عند كل أمرأة هناك مجرى في شكل خط ودائماً يكون عرقان
    وحكمة الله هذا العرق في هذه المنطة له رائحة ذكية ليس كما بقية العرق
    لعل الغدة التي تفرزه تختلف عن بقية الغدد التي تفرز العرق في مناطق اخرى من الجسم
    وشبه هذا العرق بالعصير وينضحه الرمان اي النهدين
    وبإختصار يعني الطيب ان ترجع المياه لمجاريها وهذا هو الدواء
    عصير الند البنحو الرُمان



    Quote: يا الغرامك حللا ورحّل السكان
    في مدائن جوفي تملك الأركان
    ما ألذَّ النار السارجة بي لو كان
    إبقو قلبي وقلبك في الغرام شركان


    ويخاطب الحبيب الذي اختار البعاد
    ان غرامه سكن القلب وطرد شاكني القلب قبله
    سواء كانوا حبائب او ( اعجب بهم القلب مجرد اعجاب وتمناهم )
    عند حلولك في قلبي لم يبقى في قلبي إلا انت وكل من كانوا قبلك رحلوا عنه بإرادة قلبي
    الذي اختارك وانت وبس
    واحتل رغامك وحبك كل مدن جوفي فكنت في غرف القلب الاربع وفي العقل وفي المشاعر الاحاسيس النبيلة
    في سبيل حبك أحمل كل شئ وحتى النار التي تسرج سرجان في جسمي من فراقك واحمل كل هذا لو حعل الله سبحانه وتعالى لنا القسمة ونجتمع ويبقى قلبي وقلبك في الغرام شركان وتكتمل سعادتنا
                   |Articles |News |مقالات |بيانات

30-05-2012, 08:07 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: صاحي سياف لحظك والطريف نعسان
    ليكا رُشرش قاطع جنن الفرسان
    إنتَّ بدراً ساطع في قوام إنسان
    ليكا حُسن الدنيا ولي شعر حسان


    الياف هو الذي يقيم الحد بالسيف ( في حالة الاعدام )
    ويقصد ان للمحبوبة سياف يحرسها ( بقطع ) من نظر لعينيها وهذا كناية عن جمال عيونها
    ومع الاعين الجميلة لها رشرش يرقد فوق العيون قاطع اي ماضي وسنين في قطعه لمن يقع في شراكه
    ثم يتساءل عن من تملك ذاك الجمال
    انت بدر ساطع في قوام وجيد إنسان
    فلك كل جميل وطيب في هذه الدنيا وتسلمي من كل شر وانا لي الحزن والألم واشعر من الكلم شعر كما فعل الشاعر حسان بن ثابت


    Quote: الدهش أفكاري وربّى ليا جِنان
    خُمرة تمزج فيهك تسقي دُر أسنان
    ردَّ يسطل سمعي لِهيجك الرنان
    إنتو ناس الدنيا ولا حور في جنان


    اندهشت افكاري من جمالك
    وجنيت وجني جنى .. وحالي اصلو مبدع .. اهج شقشيش أفج .. فاضل لي تاني اجدع
    جنني تلك الروائح الطيبة التي تهب في فيك زي الخمرة والخمرة عجب السودانيين ( الرجال ) لعطرها اثر في كل رجل سوداني .. تلك الروائح كانت تفعل في قلبي لافاعيل العجاب
    ويسطل صوتك الرخيم الملئ حب وحنان اسماعي بجلجلة رنينه الحلو
    هل انت من البشر ولا جيتي من الجنان فلتا ( اي خلسة )



    Quote: إنتَّ حسنك كامل والعشوق كملان
    طشَّ عقولو الهامل فارق الزملان
    في المنام يتقدّل طيفك العطلان
    دي الحِجارة تثنت لو قليبك لآن


    انت حسنك كامل وزاهية لاهية بين اترابك واهلك ولا خصاك بالبعد والفراق
    وانا كملت من لحم الدنيا ساهي تايه مجافي الاهل والخلان ببعدك
    وطشا اي ضاع عقلي بعد فراقك
    وفي المنام ارى طيفك يزوني ويأرق منامي
    وليه قلبك كان علي قاسي وحكمتي علي بالبعاد
    الحجارة تلين وتنثني لكن قلبك لا والف لا صلدُ
                   |Articles |News |مقالات |بيانات

30-05-2012, 08:24 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

31-05-2012, 07:13 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)





    غير خالد تنين ما ليك
    أغنية من التراث
                   |Articles |News |مقالات |بيانات

31-05-2012, 07:16 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

31-05-2012, 08:14 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    غير خالد ما ليك تنين
    عرش دود الاربعين
    السيل بوبا
    يا الفوتك مو دحين

    تغني ليك ظبية الحُدر
    ما بتلع وأصلو مر
    السيل بوبا
    المكنا فوقم تكاكي
    والمدفع تحتم يخر
    لا بخاف لا بِتُر
    قدام العينيهم خدر
    السيل بوبا
    يا فوتك مودحين

    تغني ليك أم هاني
    إشهدو أهل المعاني
    السيل بوبا
    نضيف خاتي ريحة الشاني
    كتل دليلاك خبرو جاني
    السيل بوبا
    يا الفوتك مودحين

    يا القمرا الماك شهير
    يا الراسي وماك صغير
    السيل بوبا
    ابوك الراسي القبيل
    تبراهو الشعبة والجنزير
    وختا كرسي لي العديل
    وكورك قال ياغفير
    السيفو مدلي لي الجفير
    العاداك وين يطير
    شقياً صادف نكير
    السيل بوبا
    ياالفوتك مو دحين


                   |Articles |News |مقالات |بيانات

01-06-2012, 07:31 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غير خالد ما ليك تنين
    عرش دود الاربعين
    السيل بوبا
    يا الفوتك مو دحين


    خالد المقصود او الذي شبه به الممدوح هو الصحابي الجليل
    خالد ابن الوليد
    وتقول الشاعرة ان غير خالد بن الوليد ليس لك مثيل في شجاعتك
    وكرك وفرك في الحروب

    عرش دود الاربعين
    الدود هو الاسد
    عرش اي ابني فوق اساس ابواتك الكرام الشجعان

    والاربعين
    معروف ان الاسد عندما تضع اللبوة اشبالها .. لا تبقى اللبوة مع صغارها
    بل تخرج للصيد لتطعم الصغار ويبقى الاسد الذكر مع الاشبال يحرسهم .. حال الغاب
    والقوي يأكل الضعيف .. والاسد يكون في حالة مكره أخاك لاى بطل .. ما القعدة حارة
    واربعين يوم .. عندما تكتمل المدة ويخرج يكون الاسد في اقصى درجة شراسته .. لذا
    نرى ان الشعراء دائما يشبهون القوي في قوته وشراسته بالاسد المربعن

    قال شاعر ابـ عاجات
    دا الاسد المربعن الدونو الرجال قاصرة

    فوتك : اي مافي من يغلبك ويقوى عليك
    مو دحين .. اي غير وارد
    وكلمة دحين تستخدم ايضاً كفاتحة في سؤال
    دحين فلان وين ؟
                   |Articles |News |مقالات |بيانات

01-06-2012, 08:06 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: تغني ليك ظبية الحُدر
    ما بتلع وأصلو مر
    السيل بوبا
    المكنا فوقم تكاكي
    والمدفع تحتم يخر
    لا بخاف لا بِتُر
    قدام العينيهم خدر
    السيل بوبا
    يا فوتك مودحين


    ظبية الحُدر
    الظبية معروفة الظبى من الجمال ما يأخذ اللب
    لذا يشبه بها الجميلات من بنات حواء
    ظبية
    جدية
    ريلة

    الحُدر اي المكان العالي الذي ينحدر على وادي
    تخيل عزيزي القارئ ظبية واقفة في مكان عالي تلتفت ذات اليمين وذات اليسار
    اكيد جمالها وجمال المكان الواقفة فيه يخلعوا القلب من مكان
    تغني ليك ظبية الحُدر اي تشعر فيك تشكرك
    وانت قاسي هضمك وما بتبلع واصلك مر ( وهذا مدح في ذاك الزمان ) بس الامور تغيرت
    واصبح الوليد يشكر انو رقاص وانو مسبسب شعرو ولابس بنطلون ناصل

    المكنا : تقصد بها الطائرة الحربية تاكي اي صوتها مرتفع كما صياح الدجاج
    والدفع معروف
    تحتم يخر
    والخرير هو صوت المياه منسابة
    وشبهت طلقات المدفع متتابعة كصوت الخرير

    العينيهم خدر
    أخدر اي اخضر
    العينيهم خدر تقصد بهم الانجليز
                   |Articles |News |مقالات |بيانات

01-06-2012, 10:34 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

02-06-2012, 07:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: تغني ليك أمهاني
    إشهدو أهل المعاني
    السيل بوبا
    نضيف خاتي ريحة الشاني
    كتل دليلاك خبرو جاني
    السيل بوبا
    يا الفوتك مودحين


    تشكرك ام هاني ... ( او امهاني ) كما يحلو لاهلنا نطقها وكذلك امسهمين وامسترين وغيرها من الاسماء السودانية الخاصة شديد
    اهل المعاني هم أهل الحكمة والرأي في البلد
    نضيف .. خاتي ريحة الشاني
    اي نظيف القلب والجسد ( مهندم وروحه طيبة )
    وفي الحرب واللطام كتل داك وداك جابو خبرو انوكتلو
    وفوتك مو دحين
                   |Articles |News |مقالات |بيانات

02-06-2012, 07:36 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: يا القمرا الماك شهير
    يا الراسي وماك صغير
    السيل بوبا
    ابوك الراسي القبيل
    تبراهو الشعبة والجنزير
    وختا كرسي لي العديل
    وكورك قال ياغفير
    السيفو مدلي لي الجفير
    العاداك وين يطير
    شقياً صادف نكير
    السيل بوبا
    ياالفوتك مو دحين


    تصفه وتشبهه .. انه كبير بين اهله وبين العشائر انه قمر كامل وباين وظاهر
    مثل القمر ولم يساعدها التعبير ان وصفته وقال يا القمرا الماك شهر والقمر يكتمل في الــ 14 يوم
    وقد تكون وصفته بالقمرا لكن لم تجد كلمة لوزن القافية ووضعت كلمة شهير
    لكن على ما يبدو انها كانت تريد ان تصفه انه باين واضح للبشر زي القمر
    الراسي هو المالي مركزه ( وزي مابقولوا ... تقيل ) وراسي كالسفينة لا يتحرك إلا للواجب ماهو الهبشا
    الشليق .. الطقطق .. ينط في الكلام قبل ما يميزو
    والسغير تعني بها انه كبير بين قومه والعشائر

    ومن ابوك اخدت ( انك راسي )
    وهذا كان حال ابوك الشيخ التقي المتورع
    والدليل على انابوه كان شيخ انه كان يطب الممسوس بجن
    لم تطلقها صراحة بل اشارت لذلك ان قالت: تبراهو الشعبة والجنزير اي اين ما ذهب يطب الناس اللذين مسهم الجن
    الشعبة هي عود قوي يدفن في الارض ويثبت يربط فيه المجنون بالجنزير
    وعادة يتم ربط المجنون العنيف لانه يهيج عندما يقرأ عليه القرآن
    ثم وصفت كيف كانت مكانته الاجتماعية ( وختا كرسي للعديل ) اي انه اين ماذهب في النسابات يوضع له الكرسي ليجلس ( العديل هو مناسبة الفرح )
    وكورك قال يا غفير
    اي انه محروس بغفر وهذا دلالة على وضعه المميز بين الناس
    والغفير مسلح ( سيفو مدلي للحفير )
    والجفير هو غمد السيف
    انت ياكا الشجاع الكريم .. الهدي الرضي للاخ والصديق والمتعاون
    البعاديك شقي وميت لا محال ( شقي وصادف نكير )

                   |Articles |News |مقالات |بيانات

02-06-2012, 08:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    ماهو الفافنوس
    شعر / بنونه بت المك نمر
    ما هو الفافنوس ماهو الغليد البوص
    ود المك عريس خيلا بجن عركوس
    احى على سيفو البحد الروس

    ما دايرالك الميته أم رمادا شح
    دايراك يوم لُقاء بدميك تتوشح
    الميت مسولب والعجاج يكتح
    احى على سيفه البسوى التح

    إن وردن بجيك في أول الواردات
    مرنا مو نشيط إن قبلن شاردات
    أسد بيشه المكرمد قمزاته متطابقات
    وبرضع في ضرايع العنز الفاردات

    كوفيتك الخوده أم عصا بولاد
    ودرعك في أم لهيب زى الشمس وقاد
    وسيفك من سقايتو استعجب الحداد
    وقارحك غير شكال ما بقربه الشدّاد

    يا جرعة عقود السم
    يا مقنع بنات جعل العزاز من جم
    الخيل عركسن ما قال عدادن كم
    فراتق حافلن ملاي سروجن دم
                   |Articles |News |مقالات |بيانات

02-06-2012, 08:40 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    الوافر ضراعو أمنتو الرسول
    مأمون الوداعه برد دار أبوه

    غنى يا الهويدا
    وجري النم علي ببيت القصيدا
    شال الصوت عرض تاية أخوى فريدا
    إنجروا ياجنيات ميس أخوى بعيدا

    غنى يا الفى جرفو
    لود البها والخلوق بتعرفو
    شال الصوت عرض يا جنيات انصرفو
    نمر العبدلاب مـــأ برجف كتفو

    غنى يا سلكوكا
    جر النم عليه وخنقى الدلوكه
    انت يا الأصم يا الما بحمسوكا
    يا ضرب يومين تنزل فوق عدوكا

    غني وشكري الليلة يا مسرة
    وحنضل القيزان في حلوقم جرا
    وكت السيف ضرب الفرسان في زرّا
    نادوا لي حسن ما اذايا برا

    تغنى الرحمه قالت
    يا قشاش دموعي العلى سالت
    وقت الحاره جات والفرسان ان جالت
    نادولى الحسن تومى الحرابه دارت

    فهمك مو دراسه
    يالنيل الطمح كسر التُّراسه
    وقت الصيح وقع والفرسان تتواسى
    برد دار ابوك اضرع ضحوة برا ناسا

    فهمك مو قليل
    يالهامه اب زنود فى السموم تقيل
    يا رحل الكحل بالشضاض تميل
    هل يا خيري قش دمعى المسيل

    (عدل بواسطة خالد علي محجوب المنسي on 04-06-2012, 07:09 PM)

                   |Articles |News |مقالات |بيانات

02-06-2012, 08:47 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)



    الوافر ضراعو
                   |Articles |News |مقالات |بيانات

03-06-2012, 06:39 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: الوافر ضراعو أمنتو الرسول
    مأمون الوداعه برد دار أبوه


    وافر لها معاني كثيرة
    وفر المال اي ادخر منه شئ لوقت الحاجة
    وافر الطعام اي كثير موجود منه لكنه ليس مدخر انما طبخ حتى يكفي ويزيد
    وافر ضراعو اي ان خيره يطول كل شخص ويصل لكل شخص وباقي من خيره الكثير
    وافر

    الامانة توضع وعند من يكون اهل لها ( الامين )
    لكن ان تؤمن بشر يكون تحت رعاية الرسول عليه أفضل الصلاة والتسليمهذا لا يجوز
    حسب علمي البسيط الرسول صلى الله عليه وسلم امين كان على رسالته أوصلها للبشرية على الكامل والإتمام كما امر المولى ان يبلغ عنه ( ألا هل قد بلغت )والرسول صلى الله عليه وسلم هو الشافع للبشر يوم الحق. وهو ملاذنا يوم لا شفاعة إلا له علية الصلاة والسلام لكن البشرية في رعاية الله في هذه الدنيا وفي حفظ الله تعالى وارزاقهم بيده والكون يجري لمستقر له بإذنه وكل شئ تحت رعايته تعالى.
    فلو قالت امنت المأمون او الله لكان افضل نسأل الله لها الغفران قالتها عن جهل
    حسب قولها تقول وتشكر اخوها او ابوها لا علم لي ( والله اعلم ) انه كان صاحب فضل وافر علي الناس اسأل الله ان يحفظة الرسول ويكون في امانته

    ثم عادت وذكرت
    مأمون الوداعية : اي الرسول عليه الصلاة والسلام مأمون على الوداعة فعلاً الرسول الكريم مأمون الوداعة لكن امانةتك في حفظ الله
    برد دار ابو
    اي الدار ما أنسدت والكرم فيها ما أنقفل وهذا ما سبقه به ابوه واجداده الكرم والزود وحق الحق عون المظلوم وكل فضيلة في الأرض كان اهل لها لذا هو برد دار ابوه وما قالوا النار خرت الرماد
    النار خرت جمر حي
                   |Articles |News |مقالات |بيانات

03-06-2012, 08:16 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    الرمية او الرباعيات التي سبقت اغنية الوافر ضراعو
    ( الدوبيت )
    حبيت ان امر عليها لجمال وطيب الكلمات ومعانيها التي حوتها تلك الرباعيات

    ما ترمّي الحديث وأعرف كلامك دين
    وأرجع شوف قبيل أخوان حسن وحسين
    ستارين عروض، الفي الكجر قاعدين
    لنفوسم بأنسوا يدو ويسدو الدين

    ان جار الزمن نرضابا قسمة سيدنا
    والعند الكريم أقرب من الفي إيدنا
    يوم يحمى ا########س والله داك يوم عيدنا
    خليهم كبارنا احسب وعد لي وليدنا



    رمي الكلام : اي ان ترمي كلمة شينة لا ترد
    ودا مهم ان الإنسان يراعي ما ينطق لسانه ( ولسانك حصانك ان صنته صانك وفكيتو هانك )
    مفروض الإنسان يوزن حديثه لا يجرح به أحد .. الحديث دين علينا والدين حلو صعب كما الكلمة الشينة الاعتذار عنها اصعب والشينة مردودة
    وشوف كيف كانوا اجدادك في حكمتهم وحسن وطيب حديثهم ان تحدثوا ورمز لها أخوان حسن وحسين .. لابد ان تكون هذه الرباعية لها قصة ...
    ديل ( اي اخوان حسن وحسين ) ناس واجب وكتين تكون باردة ..وناس حارة وكت الكوع يحر والفرسان في زرّا
    وبنسو لجاجتهم لما يشوفو زول محتاج يفضلوا على انفسهم وهذا تجرد لا مصيل له ان يحل دين اخيه وهو في كربة من حاله .. الكرم فطرة وهبة من الله يجبل بها بعض من عباده الكريم بي الدين بسوي الزين زينستر في ضيوفه ..

    جور الزمن ان تعيش في كربة وصعاب ولا يتيسر لك ما تحتاج وقد يجور الزمن ان تفقد .. في الاصل هذا ليس جور زمن لان هذا المقدر والمقدر من الله لا نسميه جور والجور ظلم وحاشا الله ان يوصف بذالك لكن جرت ألسن الناس ان يقولوا للذي عاش في نعيم ثم قدر الله ان ينضب هذا الخير ( واكيد لحكمة يعلمها الله ) يقولون جار عليه الزمن .. لكن تلك اقدار الله يعز من يشاء ويزل من يشاء بيده الخير وهو على كل شئ قدير ونرضى بحكمه خيره وشره .. عسى ان نكره شئ وهو خير لنا وعسى ان نحب شئ وهو شر لنا .. القدر خيره وشره نقبله ونقول أمنا برب العالمين
    ونعلم ونعي ان العند الله اقرب من الفي ايدنا وفقدناها او ضاعت ( مع حدي الانقاذ البخت من الحلق )
    ( تحضرني قصة ) قيل ان ان رجل ضاقت به سعة العيش ومفلس كل يوم يقول الفرج عند الله الفرج عند الله .. في يوم من الايام جالس وماعندو حق التمباك والبيت ناشف وكان الوقت مساء حدث زوجته وقال لها : يا فلانة بكرة ان شاء الله لو ربنا فرجها فرجعا ولو ما فرجها بسوق بقراتي ديل ابيعهن افرجها علي نفسي ) وهو لا يعلم ويجهل ان بيع بقراته برضة بيد الله ..
    الرزق عند الله ولنعلم ان قسمة اله لنا من الرزق اقرب لنا من المدخرنو في بيوتنا .. المدخر قد يصاب بسرقة او سيل او مطر لو كان مخزون عيش او ما شابه .. او يحصل اي شئ ونفقده لكن الرزق الجاي من الله قريب ..
    يحمى ا########س اي عندما يحر الكوع وقت الحرب نباشر به ولا نخافة وزي التقول يوم عيد بالنسبة لنا ونعلم قد يكون فيه الاجل لكن نخوض حروبنا لحق دوام وفي الحق لا نخاف لومة لائم ونبذل الروح رخيصة
    للحروب صغيرنا بي سيوفها مجرتق
    ما بنابا الكُتال ونقول جرحنا إتفتق
    مرحبتين حباب الشر محل ما بتق
    تنقد الرهيفة وان شاء الله ما تتلتق

    صغارنا يهبوا قبل كبارنا وهذا طبعنا
                   |Articles |News |مقالات |بيانات

03-06-2012, 08:29 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

03-06-2012, 09:09 PM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

04-06-2012, 11:04 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    التسامح من سمات الكرام اهل الفضل والخير
    كن مسامح تسعد( خت الكلمة الطيبة تسعد )

    والتسامح مع الحبيب تجرد.. وقلب المحب ما بعرف يعادي
    وأقصد بالمحب ( من حبَّ بصدق )
    لكن باكي العين ( من يظهر البكاء بي فرد عين )
    وهذا المكجنو ود بادي شاعرنا الجميل

    وقال فيه

    جني وجن الزول
    يقول عاشق فلانة
    وينقسم نصين
    وجني جن عاشقاً مباغت
    يبكي بي فرد عين

    الحب الصادق من الطرفين هو السعادة

    لذا نجد شاعرنا الجميل حسين بازرعة كان مسامح رغم قصة حبه المعروفة
    والتي هاجر بعد فشلها وعزف عن الزواج ليومنا هذا كان متسامح مع نفسه ومسامح حبيبه

    فالتسامح سماح ولا يكون إلا من قلب طيب حنون بالعطف متروس

    وضاحة لك الشكر على المرور الجميل وهذه الأغنية الأجمل
    تحياتي

    (عدل بواسطة خالد علي محجوب المنسي on 04-06-2012, 11:28 AM)

                   |Articles |News |مقالات |بيانات

04-06-2012, 11:17 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    الوافر ضراعــــو
    بصوت انصاف مدني


                   |Articles |News |مقالات |بيانات

04-06-2012, 06:31 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غنى يا الهويدا
    وجري النم علي ببيت القصيدا
    شال الصوت عرض تاية أخوى فريدا
    إنجروا ياجنيات ميس أخوى بعيدا


    غني وشكر يا الهويدّا
    لم يستقيم المعنى في تقديري
    لو قلنا انها قالت غني وشكر يا صيدة الهويدا
    هنا يكون الهويد بمعنى الخلا ( والخلا ولا الرفيق الفسل )
    الخلا سميا خلا لانه خالي من الأنس لكن قد يسكنه الجن وخالي من العمار والمباني وقد تجد هنا وهناك حنيات .. الحناي هو بيت من العيدان والبروش او تسخدم الشملة بدلاً من البروش لبرودتها لكنها اغلى سعراً من البروش وهي المتيسرة لساكن الخلا ...

    المعنى كما ورد في الأغنية
    غني وشكري يا الهويدا
    قد تكون تعني بالهويدا الزولة الكريمة اي تعطي وتزيد وبالعامية السودانية .. يقال هوادة اي زيادة في الشئ ( هاكي دي هوادة ) نسمعها عند التجار واصحاب المحلات عندما تفاصل في السعر

    ولو فرضنا المعنى الأول يا صيدة الهويدا ( تعني صيدة الخلا ) اي السمحو في البنوت
    تطلب منها ان تشكر الممدوح وتغني له لانه اهل لذلك ..

    جر النم : اي انظمي فيه الشعر بأبيات من قصائدك

    شال السوط عرض ... تاية اخوي بعيد
    السوط العنج المعروف
    عرض اي عبر عن مشاعره في الحفل ان هزّا بالسوط وعرض والعرضة معروفة
    التاية هي مكان الضيافة
    وقال الشاعر سيداحمد الحاردلّو
    نحن التاية والإنداية
    التاية هي عبارة عن غرفة تكون خارج البيت لضيافة الرجال وهي غير الديوان
    والإنداية هي بيت مشروبات الكحول البلدية

    إنجرّوا يا جنيات .. ميس اخوي بعيدة

    إنجروا : اي انبقصوا وأبعدوا غادي ما تساووا انفسكم به
    الميس هو الملجأ .. لذا سميا ميس الضباط
    وتقد صفاتو عامرة وكتير وفضلو وافر وما بتقدروا تندوا منو ولا بتشابهو
                   |Articles |News |مقالات |بيانات

04-06-2012, 07:02 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وغني يا الفي جرفّو
    أخوي ود البها تومي الخلوق بتعرفو
    شال السوط عرض يا جنيات إنصرفو
    نمر العبدالاب مابرجف كتفو


    غني يا الفي جرفو
    الجرف هو المساحة من الجناين قرب البحر وهي منطقة خصبة
    لانو بغطيها النيل في الفيضان ويترك الطمي فيها عندما ينحسر
    وتقصد غني يا الفي جرفو... اي يا من تعيشي من خير جروفو ومزارعه
    غني لي وشكري اخوي الوافر ضراعو

    اخوي ود البها
    البها اي ود اصول باهي شخصه بين الناس
    كلمة تومي : تقولها البنت لأاخوها وحتى ولو لم يكن توأمها وتعني بها
    اخوها القريب منها سن اوقريب لقلبها أكثر من الباقين
    وجرت العادة أن يطلقوا على كل من هو / هي قريب من القلب توأمي
    تقول اخوي تومي كل الناس بتعرفو وعرفو بصفاتو السمحة وفضله

    وا تومي طرينا دقات النقارة
    وشال السوط وعرض ويا جنيات انصرفو وابتعدوا وما بتقدروا علي ميسو بعيد
    دا نمر العبدلاب ( قبيلة العبدلاب )
    ما برجف كتفو اي ثابت في البطان وما برجف كتفو لما يقع في السوط ثابت حيطة لا بتهز ولا بتلز
    وصاري جبينو كلو عروق .. والطاقية تحت الحاجب المعقود .. هدية ام زين .. وما مشرية من السوق
                   |Articles |News |مقالات |بيانات

05-06-2012, 07:14 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غنى يا سلكوكا
    جري النم عليه وخنقى الدلوكه
    انت يا الأصم يا الما بحمسوكا
    يا ضرب يومين تنزل فوق عدوكا


    تغني ليك وتقول فيك القول يا اخوي سلكوكا
    تجر النم شعرا وغناء
    وسلكوكا هذه يظهر انها مغنية في تلك المنطقة التي عاشت فيها الشاعرة
    والممدوح
    الدليل على ذلك أفصحت باسمها ( سكلوكا ) والشئ التاني قالت لها ( اي لسلكوكا)
    جري النم .. اي غني لي وخنقي الدلوكا
    وتخنيق الدلوكا أن تعصر طرف الدلوكا بأحد يديها وتضرب بالاخرى وفيطلع صوت الدلوكا مخالف للصوت عندما ترفع يدها وهذا يسمى انها خنقت الدلوكا ( عندما عصرتها باحد يديها )

    وترجع تشكر اخوها وتصفه بالاصم والاصم اي الكامل مكمل مافيهو عيب ومافي خرم يخر وينقط
    انت المابوصوك لفعل الزين ولا بحمسوك بتسوي من حديث نفسك لك دون وصاية
    وفي قول اخر انت يا الاصم الما بحرشوكا

    تخيل ضرب يومين لاي شئ او بشر بفضل فيهو شئ ( ما اظن )
    حتى العيش لو ظلوا يضربو فيه يومين برقد بُتاب وطحين
    تقصد ان الضربه الواحدة منه مثل ضرب اي شخص اخر لمدة يومين والله اعلم ( هذا ما حالفني من فهم ضرب يومين
    انزل فوق عدوك اي جيهو وعدمو النفس والطنة
    والطنة اي ما يقول بِغم
                   |Articles |News |مقالات |بيانات

05-06-2012, 08:31 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة
                   |Articles |News |مقالات |بيانات

06-06-2012, 11:24 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غني وشكري الليلة يا مسرة
    وحنضل القيزان في حلوقم جرا
    وكت السيف ضرب الفرسان في زرّا
    نادوا لي حسن ما اذايا برا


    سلكوكا .. الرحمة .. مسرة
    أكيد اسماء لمغنيات واسماء حقيقية

    هنا تقول الشاعرة لمتجيد اخوها وتحسه ان يأخذ بثأره
    غني وقولي فوق اخوي يا مسرة
    دا زي الحنضل في حلوق الرجال ما بنبلع
    دا وكت السيف ضرب اي بدت الحرابة وكان كل الفرسان في زرة اي في ورطا
    الحرب فيها اما قاتل او مقتول زز ومافي زول بتمنى الموت لكن ببشر بالموت أن كان لا محال منه ولا حيلة غيره لرد ظلم او لإحقاق حق وهنا تنجلي النفوس وتظهر الروح الشجاعة والروح الغير ذلك ( وتكون الزرة هنا وكت السيف يضرب وتتبارز الفرسان )
    وهي تنده وتقول لنادوا لي حسن انا الاذى الفوقي كبير وهذا الذي يظهر انها كانت تطلب دم وثأر
                   |Articles |News |مقالات |بيانات

06-06-2012, 11:36 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لقيت هبوبك في الصقيع الاسفيري وتتجدع

    اقدل يا زول ومحل رهيفة تنقد

    زولتك ابينت في اعمال الخير طب

    دي تاني كان عاينت في السحابة تشربا جييييييييييييب شراب مغريبة
                   |Articles |News |مقالات |بيانات

06-06-2012, 06:13 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: الطيب شيقوق)

    Quote: زولتك ابينت في اعمال الخير طب

    دي تاني كان عاينت في السحابة تشربا جييييييييييييب شراب مغريبة



    ودشيقوق هل بتصدق وما اظنك تصدق
    مشتاق ليك يا سجمان
    وينك كنت غاتس يا التلح شوال الملح

    هي يازول ابعد ديل تيراب الشيخ حامد ابــ عصى
    محروسين .. مصانين .. بطبو الزيك كان دودو

    بس اقعد وقول قالوا قالوا علي شقي مجنون

    انا قلتها ليك لكن بلساني بهديها لوضاحة
    بت الكرام
    عافي منها الأصيلة
    زمان ما قلت ليك الخيلة الأصيلة بتجي في اللفة

    الشكر على مرورك الجميل الذي اسعدني

    ودي هدية

                   |Articles |News |مقالات |بيانات

06-06-2012, 07:00 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: تغنى الرحمه قالت
    يا قشاش دموعي العلى سالت
    وقت الحاره جات والفرسان تجالق
    نادولى الحسن تومى الحرابه دارت


    تغني وتشكرك الرحمة
    وكما قلنا المسألة كانت ثأر وعينها سالت بالبكاء لفقد حبيب
    وتريد اخوها يأخذ بالثأر
    يا قشاش دموعي العلي سالت لذاك الفقد
    وقال العبادي على لسان طه البطحاني
    أخوك يا ريا اخوك وكت السيوف إدبكن
    اخوك يا السمحة اخوك وكت الرماح إشبكن
    اخوك جبل الثبات وكت القواسي يحبكن
    كم بكيت وكم قشيت دموع الببكن
    ابكي من قتل عزيز لها في الحرب واقشى دمعة من بكت اخوها وجاب ليها الثأر

    وقت الحرب دورت وهي اللحظة التي ترجف فيها كل القلوب وحتى قلب الشجاع
    الثبات هو الشجاعة في هذا الموقف ( مافي قلب لا يعرف الخوف ) لكن الشجاع هو الذي يثبت نفسه
    وقت الحارة والحرابة
    تجالق .. تتشابى ممتدة اعناقهم يتساءل الواحد منهم الموت الليلة يا رب ولا حياة نعيشها بعد هذه الحرب
    القدر بيد الله

    الشاعرة تتمنى ان تنادي اخها مفتخرة بصولاته وجولاته في ذاك اليوم من حرقتها عشان يفس غبينتها
    يوم يجيب ليها حقها
    نادوا لي الحسن وهو اسم الممدوح الحرب قامت

                   |Articles |News |مقالات |بيانات

06-06-2012, 08:46 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحيــــــن ميسرة
                   |Articles |News |مقالات |بيانات

06-06-2012, 08:27 PM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وينك كنت غاتس يا التلح شوال الملح


                   |Articles |News |مقالات |بيانات

06-06-2012, 08:34 PM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

                   |Articles |News |مقالات |بيانات

06-06-2012, 09:04 PM

Amin Salim
<aAmin Salim
تاريخ التسجيل: 03-02-2012
مجموع المشاركات: 677

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: Quote: وينك كنت غاتس يا التلح شوال الملح



    حمدالله على السلامه يا وضاحه....اااى دى الروح الدايرنا


    تحياتى للحبيب خالد

    (عدل بواسطة Amin Salim on 06-06-2012, 09:06 PM)

                   |Articles |News |مقالات |بيانات

08-06-2012, 06:45 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: Amin Salim)




    تحياتي وسلامي الشديد اخي امين
                   |Articles |News |مقالات |بيانات

08-06-2012, 07:15 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    مرور انيق يا ست الذوق الرفيع

    جمعة مباركة

    تحياتي ومودتي الشديدة

    شمس المشارق ونوارة إنجاممتنا
                   |Articles |News |مقالات |بيانات

08-06-2012, 07:46 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لما تشتاق للمحبة
    بتلقى الشوق يكسو قلوبنا
    بحور من مشاعر متدفقة مشتاقة لربيع دنياك
    يا غالي


    (عدل بواسطة خالد علي محجوب المنسي on 08-06-2012, 07:54 PM)

                   |Articles |News |مقالات |بيانات

08-06-2012, 09:25 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: فهمك مو دراسه
    يالنيل الطمح كسر التُّراسه
    وقت الصيح وقع والفرسان تتواسى
    برد دار ابوك اضرع ضحوة برا ناسا


    فهمك مو دراسة بل فطرة حكيم ورزين وواعي وما بوصوك
    تحكم وتفتي وكلامك ما بقع واطا
    وكريم وهميم وكرمك طامح زي فيض النيل لي برا
    كسر التراسا
    والتراسا جمع ترس ( شوال يملأ بالرمل لسد البحر ان يفيض في المزارع والمنازل

    وكت الصح وقع
    الصح الما منو مفر اي امر جلل لا يحل إلا بالدم وحينها كان حال الفرسان حال

    برد دار ابوك اي رد الحق لمحله وجيب الثأر
    اضرع اي تبختر في مشيتك وبيتك متروس ناس ومليان وباقي ناسو برا الحوش
                   |Articles |News |مقالات |بيانات

08-06-2012, 10:02 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

08-06-2012, 10:51 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    تيه وإتاكا مراد وصحاح مقلو الفتاكا
    ظبي الرام
    خريف وشتاكا ميل يا بان المصري أتاكا
    النسام
    البي أفتاكا جابي لي رواحك لي هتاكا
    وعود يا منام
    الشادي شداكا موج وترتل واطرب سعداكا
    يا سلام
    المولى هباكا وري الفن فرج ندداكا
    عوم ياحمام
    وما بيغباكا شغفي عليك ومتى أصباكا
    تزيدني هيام
    كفى كفاكا بعاد حلماتك من كتفاكا
    در ومُدام
    والراح في شِفاكا شعرك عاتم زبدري صفاكا
    وحسنك تام
    وتريني صِباكا نبدي عتاب وحنان نتباكا
    علي الايام
    لعلي اراكا ضحاً تتجلى بطيب وأراكا
    نجري كلام
    ويكون سمراكا جواري حِسان وبعض أمراكا
    وبعدو تنام
    غريزة حياكا عيونك تخشى جمال محياكا
    داخل أجسام
    ويفوح رياكاينعشني يجيب خُمراً جالياكا
    وبيها هيام
    حور مرضاكا. خدك نادي ازوربّو فضاكا
    في الانقسام
    على بعضاكا.يابعضك ميس عانق اعضاكا
    فوق أردام
    التجي ترضاكا اولى بيها انا وبغضاكا
    الألآم
    تيه واقضي قضاكاهلاكي رضاك وراضي في رضاكا
    وهذا تمام

    (عدل بواسطة خالد علي محجوب المنسي on 09-06-2012, 07:00 PM)
    (عدل بواسطة خالد علي محجوب المنسي on 09-06-2012, 08:34 PM)

                   |Articles |News |مقالات |بيانات

09-06-2012, 07:03 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

09-06-2012, 07:14 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: تيه وإتاكا مراض وصحاح مقلو الفتاكا
    ظبي الرام

    تيه : اي ارتع واقدل في نعيمك وبهاك وحسنك يا ملك
    والأبداع أن جمع بين ضدين
    مرض وصحاح
    اي ان مقلتيه كأنها زابة من مرض اصابه ( في الحقيقة عيون الموصوفة ناعسة خلقة ونعسان العيون صفة جمال ) وصحاح اي فيها كل موصفات الجمال في العيون ( كبيرة .. ثاقبة .. صافية .. حالمة )
    واضافة لذلك تفتك بمن تصيبه نظرة منها
    إن العيون التي في طرفها حور
    قتللنا ثم لم يحيينا قتلانا

    عيوني عيونك هم اسباب لوعتي

    وعيون المها بين الرصافة والجسر
    جلبنا الهوى من حيث أدري ولا ادري

    وما شفنا الغزال بعيونو بجرح الاسدِ

    وامسكي عليك عيونك ديل أمسكيهن
    قليبي رهيف ومابقدر علي الهبباي
    في عز الصيف

    العيون فعلها عجيب وغريب
    تصرع ذا اللب حتى لا حراك له
    وهنّض أضعف خلق الله إنسانَّ
                   |Articles |News |مقالات |بيانات

09-06-2012, 07:23 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: خريف وشتاكا ميل يا بان المصري أتاكا
    النسام
    البي أفتاكا جابي لي روايحك لي هتاكا
    وعود يا منام


    هذه القصيدة فيها من جمال الوصف لوحات فنية زابداع مبدع
    الشاعر ودالرضي معروف بجمال الوصف .ز وتلك المسحة الصوفية في شعره
    ( حافظ لكتاب الله عليه الرحمة )

    الخريف والصيف فصول من فصول السنة ويختلف فيهما الطقس
    يريد ان يشوفها في كل فصولها تتمايل كفعل البان ( شجر البان .. البان طويل والرياح تميله
    وفي ميلانه جمال وصورة بديعة للرائ والمتأمل )
    المصري اتاكا
    اي ميل يا بان جاءتك الرياح الشمالية التي تهب من جهة ( مصر )
    البي افتاكا
    اي اخبرك حالي عن ما بي من حب وشوق لك يا فاتن
    وجاب لي النسيم عندما هبَّ ( المصري ) روايحك وروايحك تهتك وتفعل بقلبي العجيب وعجيب
    وليت المنام يعود لي
    وكيف لي النوم مع هذه الحالة يا ملك
                   |Articles |News |مقالات |بيانات

09-06-2012, 07:48 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: الشادي شداكا موج وترتل واطرب سعداكا
    يا سلام
    المولى هباكا وري الفن فرج ندداكا
    عوم ياحمام


    الشادي هو المغني الذي يغرض الشعر بلحن بصوت جميل
    الشادي شداكا اي غناك وصدح بك اغاني تمجد روعتك وجمالك
    انت باهي وجميل ميل وتمواج كفعل الموج في البحر مشية وميسان
    وترتل
    الترتيل في كتاب الله يخلب لب المستمع للقراءة
    تريلك في موجان جسمك وانت تتهادى في مشيتك يخلب نظر من يراك
    بتلك المشية تطرب وتنشي اللذين يسعدون وهم يروك تتهادى في مشيتك
    ويا سلااااام على هذا الجمال وسبحان الله المبدع الذي ابدع فيكا من فنو
    في اجمل سواكا وخلقك حتّا في حتا

    المولى من فوق سمواته العُلى منحك ووهبك جمال لا مثيل له
    وري .. اي اطلع عليه اندادك من النساء ( اترابك )
    وعوم يا حمام والعوم هو عوم الوز وفيه صورة ولوحة ابداع للناظر ( عوم الوز )
                   |Articles |News |مقالات |بيانات

09-06-2012, 07:57 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وما بيغباكا شغفي عليك ومتى أصباكا
    تزيدني هيام


    ما بيغباكا : اي لا يغيب عليك وانت تعلم كم حبي لك وكم شغفي عليك يا ملهم
    ومتى اصباكا : متى افوز بيك واكون قربك ومعاك
    الصبوة هي الإنفراد

    وحتى عندما انفرد بيك وانت قربي سوف يزيد هيامي وحبي لك
    والغريبة الساعة جنبك تبدو اقصر من دقيقة
    والدقيقة وأنتَّ مافي مرة ومابنقدر نطيقا

    وأجسامنا ليه جسمين وروحنا واحد وكيق إتقسمت قسمين
    وشئ عجيب في غرامك

    وشمالي تاخدو الغيرة إذا جلست يمين
    يغير عليك حتى طرفي الايسر عندما تجلس قرب طرفي الايمن

    وانت تيه وإتاكا يا جميل
                   |Articles |News |مقالات |بيانات

09-06-2012, 08:07 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: كفى كفاكا بعاد حلماتك من كتفاكا
    در ومُدام
    والراح في شِفاكا شعرك عاتم وبدري صفاكا
    وحسنك تام


    جمالك كافي وكافي ان ينال الاعجاب به
    كفاك هلكت قلوبنا وفتنتنا بروعة جمالك وكل شئ فيك يحتاج لوصف لانه جميل
    بدنك وروحك مشاعرك احساسيك الجميلة المولى اعطى وكفى منها ولك كل هذا

    انظر لتلك الصورة المبدعة في وصف لوصف الجيد
    انه طويل
    بعاد حلمات اذنك من كتفيك

    بعيد مهوى القرط
    والرقط هو الحلق في الاذن

    الراح : هي الخمر طعم الخمر في شفاك
    ويقصد بالخمر ( النبيذ ) والنبيذ معروف له طعم مذاقه حلو
    شعرك عاتم : اي اسود ماخد من الليل البهيم لونا

    ولونك صافي كلون البدر في الليلة الصافية
    وحسنك تام ما مدلل وجميل
                   |Articles |News |مقالات |بيانات

09-06-2012, 08:16 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وتريني صِباكا نبدي عتاب وحنان نتباكا
    علي الايام
    لعلي اراكا ضحاً تتجلى بطيب وأراكا
    نجري كلام
    ويكون سمراكا جواري حِسان وبعض أمراكا
    وبعدو تنام


    ابدي لي حسن صباك
    نعاتب والحنين بيننا والحب يغذينا ويطعمنا
    ونتباكا( نبكي ) على الايام التي كنا فيها بعدين عن بعض
    لعلي اراكا اي اراك حقيقة وامني النفس بذلك
    ضحاً اي وقت الضحى
    تتجلى : تبدو في قمة جمالك وتتجلة مثل البدر المنير
    ونتحادث ونتجاذب حديث الحب الحنان همساً
    ووقتها تكون تسامر وتحادث جواري حسان من اترابك وبعض امراك يا ملك فوق عرشك
    وبعد جميل حديث حبنا تنام وفي رعاية المولى
                   |Articles |News |مقالات |بيانات

09-06-2012, 08:28 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غريزة حياكا عيونك تخشى جمال محياكا
    داخل أجسام
    ويفوح رياكاينعشني يجيب خُمراً جالياكا
    وبيها هيام


    فيك من الحياء كم غزير ( حياء وادب وخُلق حسن )
    وحتى عيونك تخشى وتخاف جمال محياك وحسنه
    جسم ينظر لجيم النظرة من عضو في جسمك لمحياك وجمال جسدك وكل شئ فيه

    ويفوح عطرك ورائحك تنشي وتنعش روحي ويجيب لي روائح خمر تجلي محياك وتزيده حسن

    وبيها اهيم في حبك وحبك كبير
                   |Articles |News |مقالات |بيانات

09-06-2012, 08:44 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: حور مرضاكا. خدك نادي ازوربّو فضاكا
    في الانقسام
    على بعضاكا.يابعضك ميس عانق اعضاكا
    فوق أردام
    التجي ترضاكا اولى بيها انا وبغضاكا
    الألآم
    تيه واقضي قضاكاهلاكي رضاك وراضي في رضاكا
    وهذا تمام


    نحن والحور مرضانا من جمالك وحسنك
    خدك نادي ( رطب ) وليتني ازور به فضاك المجهول

    بعضك على بعض ( حسن وجمال أكيد )
    وفي بعضك تمايل واترك لاعضاك ان تعانق بعضها بعضا
    في ذلك هلاكنا
    الردم هو صوت موسيقي او صوت دف اي ميل اعضاك تعانق بعض متناسق في صورة موسيقية رائعة

    التجي : اي شئ يأتينا من حبنا لك لا نبالي ولو كان ألم وحزن في بعادك
    مادام انت راضي
    واولى بها انا بغضاك من حسان ( اي من يبغضوك في حسنك وجمالك )
    تيه : ارتع وتبختر وقضي ما انت قاضي في حبنا
    اهلك وانت تسعد وترضى
    وراضي عندما اشوفك انت راضي عني
                   |Articles |News |مقالات |بيانات

10-06-2012, 06:34 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة
                   |Articles |News |مقالات |بيانات

10-06-2012, 06:58 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    العزيز وقريب من النفس ذوق وظل خفيف
    الاستاذ ابوبكر سيد احمد
    تيه وإتاكا


                   |Articles |News |مقالات |بيانات

10-06-2012, 07:23 PM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    سلامات يا زول يا رائع

    علك طيب تسلم يمينك لهذا الابداع

    متابعيين معااااك واصل ابداع

    يا خلاصة الخير الفى الناس

    وترياق الزمن المتعافي
                   |Articles |News |مقالات |بيانات

10-06-2012, 07:29 PM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    ضجت عروق الضو... مرق الوقت سرحان
    تاوقت منى على..... لقيتنى فيك غرقـــان
    شرقان اذا الأحساس ... مستوطنو الوساس

    يا بنة مسجون فيك ... مــفتوح عليك بيبان
    يا واحدة زى الروح .... يا رايحة مافى مكان
    غير المزاج البيك ... متقريفك سكــــران

    انا يوم هبشنى الشوق ... كان الحنين نعسان
    تورتو يمشى عليك ... هندمــــتو بالمكان
    يا راكزة حيل البال.... والبال وراك فتران
    فجى العصب ألقاك .... منسابة بأطمئنان

    فى الروح حلم مشلول ... فى كتفو كوم احزان
    وكيه عود قنول ... أخضر كما البستان
    وريه درب الشوق ... لو يستقيم انسان

    يا بنة مسجـــــــــــــون فــــــــــيك
                   |Articles |News |مقالات |بيانات

10-06-2012, 07:38 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    وحقيقة انت فريدة
    وملكة كونك


                   |Articles |News |مقالات |بيانات

10-06-2012, 08:12 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)



    الشاعر محمد بادي ينعي
    الشاعر الكبير اسماعيل حسن
                   |Articles |News |مقالات |بيانات

11-06-2012, 12:38 PM

Amin Salim
<aAmin Salim
تاريخ التسجيل: 03-02-2012
مجموع المشاركات: 677

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    UP
                   |Articles |News |مقالات |بيانات

11-06-2012, 07:39 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: Amin Salim)

    لك كل الشكر اخي أمين

    تحياتي ومودتي
                   |Articles |News |مقالات |بيانات

12-06-2012, 10:54 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة
                   |Articles |News |مقالات |بيانات

12-06-2012, 10:58 AM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    يا مك والله اغنية فريدة دى عجبتنى كيف قفلت الباب ورقصت زيييييييييييييين

    بالله كتر لينا من الاغانى دى

    يا ود يا امين جر الكرسي دا بجاى واقعد خلي المك يشرح لينا انا عارفك ساقط عربي زى
                   |Articles |News |مقالات |بيانات

12-06-2012, 11:21 AM

Amin Salim
<aAmin Salim
تاريخ التسجيل: 03-02-2012
مجموع المشاركات: 677

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: يا مك والله اغنية فريدة دى عجبتنى كيف قفلت الباب ورقصت زيييييييييييييين


    يا داب عرفتك كنت مشغوله شديد فى شنو....كان فى صوط عنج

    Quote: يا ود يا امين جر الكرسي دا بجاى واقعد خلي المك يشرح لينا انا عارفك ساقط عربي زى


    ب صراحه انت وخالد نسخه جعليه من شكسبير.....مالى و مالكم خلونى فى جهالتى
                   |Articles |News |مقالات |بيانات

12-06-2012, 06:34 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: Amin Salim)

    Quote: يا مك والله اغنية فريدة دى عجبتنى كيف قفلت الباب ورقصت زيييييييييييييين

    بالله كتر لينا من الاغانى دى

    يا ود يا امين جر الكرسي دا بجاى واقعد خلي المك يشرح لينا انا عارفك ساقط عربي زى


    تسلمي يا شمس المشارق
    وعوم يا حمام

    في إنجمامتنا عندنا عناقريب هبابي
    لازمو كرسي أمين
    بجيب حكة الحبل .. دا بحملو ناس ابوبكر ابوالقاسم عنقريب الحبل

    شكراً للمرور البزيد النفوس مسرة
    مودتي
                   |Articles |News |مقالات |بيانات

12-06-2012, 06:43 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: ب صراحه انت وخالد نسخه جعليه من شكسبير.....مالى و مالكم خلونى فى جهالتى


    جميل الروح امين هلا ومرحبا
    يسعدني ان اكون نسخة مع وضاحة وما مهم في شنو
    زيادة المعرفة خير تأمن اقله شرنا ومن تعلم لسان قوم امن شرهم ومع انه لا نضمر اي شر
    بل نحبك في الله اخ كريم وفاضل

    جر كرسيك زي ماقالت ليك وضاحة تسعدنا طلتك والله


    سدي الباب وارتعي

    وسوي عوم الوز
    ومحل رهيفة تنقد
    وقولي لي شيقوق خالد قال ليك انا الكوكو الفجخ الطين




                   |Articles |News |مقالات |بيانات

12-06-2012, 07:11 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    أرمي الدمعة فوق الدمعتين ياعين
    بعد الليلة حابسها الدموع لمين
    نزيف الدنيا من حد البلد غربي
    ونزيف الدنيا لاحد البلد شرقي
    وجوم عامة الليالي العامره
    كل الدنيا خاتة الخمسة فوق إتنين

    رحيلك وجعة يا اسماعين
    رحيلك نجعة من دار الفرح والزين
    رحيلك طعنة في لهات الحبى دريفين
    رحيلك وقفة فوق درب العليك باكين
    فيها نهاية المشوار وحد الفرحة والامال
    وحد الفال وحد الزين

    أرمي الدمعة فوق الدمعتين ياعين
    وبعد الليلة حابسها الدموع لمين
    بعد نزلت سكاكين القدر
    مسنونة ديل فوق ديل
    وشربت من بكرينا المعتق
    حالتو ده الداسنو من السيل
    ويا المحزون وحرابنا متكلات قدامو
    فوق مشنكسات الخيل
    ويالداخرنو من زمن الحساب
    شفعنا رابطين الحجر بالتيل

    وفجاءة يجينا من طرف السماء مرسيل
    ينعب فوق كلنكاكول
    غراب هابيل ويبقي رحيل
    رحيل كل الغيوم الهامعة متواسرات
    رحيل كل الشهور العامرة بالخيرات
    رحيل الطينة من طرف الجُزر يومات
    رحيل الخضرة قدام منجل الهدام جفاف وممات
    رحيل البادية فوق برقاً وراء نجيمات
    رحيلك مو رحيل أفرآد
    رحيل اجيال
    رحيل بلداً تمام وكمال

    ويالعرشت فوق نخل السواقي الشال
    واتمددت فوق النيل من الشلال و للشلال
    ويالهاجرته فوق ريش الرهو رحال
    تظل مرسوم علي باب الليالي سؤال
    بعد عشعشت في خاطر الغُبش موال
    واتبللت من الموية بين السعفة والبلال
    بعد عرقك برق في ترابنا حد ما شال
    واتمددت غادي وجاي
    يمين وشمال

    بعد الحال
    منو البقدر يجيب غربال يغربل روحك
    المدسوسة في الاجيال
    وفي نفس الدغش مبثوثة في الشتلة
    ونداها السال

    بعد الحال
    منو البقدر يطاول حرفك المعقود
    علي برقا حرير وهلال
    مسطور فوق رقاب البرد
    فوق الصخرة والتمثال

    بعد الحال
    رحيلك يا المشرشر في مداخل الدنيا
    كالاوصال
    رحيلك هزه في العقدة
    ومجامع الروح كما الزلزال

    ارمي الدمعة فوق الدمعتين ياعين
    بعد الليلة حابساها الدموع لمين
    كتير من شاف ديارو العامرة
    هاجت فوق درب وداي
    كتير من عدا فوق درباً
    بلا يوادع بلا يناشد كبار القوم
    وياخد راي كتير ياعين
    كتير الغابوا ماحضروا
    وكتير الراحوا ما عادوا
    وكتير البمشوا منو جاي
    الا الناعي

    عمرو الناعي ماطاف البلاد من جم

    وتبكي طويرة الاحزان سنين وسنين
    مصيرة تساسك المسكينة بين الباسا
    والباساي
    ترفرف من سخاي لسخاي
    وتسال عن صدور مغسولة بالدوباي
    و تنزل فوق حلقات مجالس الشاي
    تقول الشيخ وفي الشاشاي
    تبل الريق من الدمع البيوشل من ارامل الحي
    وتشرق بالرحيح في الردحه و الوب حي
    وتمرق من محاري الناس تولول فيها جرس الصى
    وتصرخ فايقة ياجلابة اقيفوا لي
    وتسعل ضايقة ما شفتوه زولاً لي

    تضيع فرخاتا في المجهول
    ويرحل من دريبا الضى
    آه... آه ياطويرة الاحزان
    آه لو كان تعرفي البي
    جرحك انتي صاب الريش
    وجرحا لي مسافر في النسيج الحي
    دريبي بعيد وحزني فريد
    ومما رحل البلبل الغريد
    بسرح في عيون الناس
    وبسـأل ولوسؤالي يفيد
    كيف الدنيا تصبح دنيا ؟
    والصيد يبقي ياهو الصيد؟

    مين يقدر ينضم عقود منقوشة
    ترقد في حزوز الجيد ؟
    ومين يضفر كلام الريد؟
    كلو جميل مصيرو يجي
    ومصيروا يفوت بلاتخليد
    كتاب الكون يظل مقفول
    بلا خاتمة ... بلا تمهيد
    وحتي النيل يكون مصيرو
    مجرد موية شاقة البيد
    منو البيقدر يجيب ليكم خبارآتو
    رقصة موجو في الشاطئ
    رواوسو .... حكاياتو
    رقاد القمرة جنب النجمة فوق رملا مراياتو
    ولما تغيب ينوم النيل موشح بعباياتو
    وزي ما النيل يضيع في الدلتا يتلاشي
    ويموت مشلول
    انحنا كمان تفيض آمالنا
    تنشرا في ساحل المجهول

    واي أسفاي
    واي أســــــــــفاي
    واي أسفاي علي حرفاً شمخ في الطول
    وكيف الليلة في بطن التراب مسبول
    حرام تبلينا يا أيام
    حرام تملينا شوق وهيام
    اتارينا بنشيل من حرفك الجواني يااسماعين
    ونقعد في حواشي الحضرة وانت تكب علينا غمام
    وماعارفين حروفك نازفة من شريان
    من دم القليب الاصلوا مابريان
    لما شربنا لما طربنا واتلفتنا ما لقيناك يا إنسان
    وشفنا روحيتك الشفافة ركبت هودج الأحزان
    محمل فوق جناج ملكين
    ودربو علي مشارف الواحد الديان
    قوايمو شقايق النخل الوقع حزنان
    مضفور بسعف يابس
    مفرش بكباد أُماتنا والحبان
    مزمل بحبال صبراً فقدناهو زمان
    مضلل بالدموع شرقان ........
    عجيب ياهودج الاحزان
    مواسم الهجرة ما حانت ولا زمن الرحيل قد حان
    نسافر ليك وزادنا الشربه من بحر الحزن والآهه
    والحرمان

    وداك اليوم كان وداع الهودج المتهادي
    كان جامع رجالآت الحضر والريف
    طيور السافل المحزونة جات بى ليلة تاركة جناها للريج والمطر والزيف
    وروح ترهاقا والعباسي وروح أبوآتنا
    وريحة الماضي كلها جات
    ملوك شايق ... وقف شاوش
    منكس بحرايو واقف بقفاهو تابعوا شايل سيف
    وبعد الليلة كل بنية تلبس فوق صديره إكليل
    يكون مزروع فيهو قلب الشهيد وانت شهيدو
    يا إسماعين

    يالله ... يالله ... يالله
    بعد ما شلت اسماعين وفات
    معاهو باقي كلام وباقي حنين
    يالله بعد الفجعة نظل شاكرين
    نظل واقفين علي بابك معاي طلبين
    يكون عبود مع ود توم كذا شاهدين
    واقفين قدام قبر الولي إسماعين
    نظل واقفين يوم الليلة والباكر
    الي ماشئت يالله
    الي يوم الفصل والدين
    وداك اليوم يكون يومنا
    ونقالد شيخنا إسماعين
    ودآك اليوم يكون يومنا
    ونقالد شيخنا إسماعين
                   |Articles |News |مقالات |بيانات

13-06-2012, 11:24 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: أرمي الدمعة فوق الدمعتين ياعين
    بعد الليلة حابسها الدموع لمين
    نزيف الدنيا من حد البلد غربي
    ونزيف الدنيا لاحد البلد شرقي
    وجوم عامة الليالي العامره
    كل الدنيا خاتة الخمسة فوق إتنين


    بكى الرجال صعب الرجل لا يبكيه إلا القاسي والقاسي شديد فقد عزيز مثلاً .. او غبينة من ظالم
    وما يقدر يأخذ حقه
    بكى ود بادي معلمه الشاعر الجميل اسماعيل حسن بالدموع
    وطلب من عينه ان تزرف الدمعة فوق الدمعتين ولا تتوقف عن البكاء لهذا الشاعر القامة
    وكانت تربطه به صداقة وقوية
    وكما حكى ودبادي في لقاء تلفزيوني أنه كان سهران مع الشاعر لوقت متأخر ووعده ان يمر عليه في اليوم الثاني فوجد بيت الفراش والمأتم
    وكانت فجعته في صديقه ومعلمه واستاذه
    كان موتك يا سماعين ( كما يحلو للشاعر ودبادي ) نطق اسمه كان فجعة ونزيف لكل الخلق من شرق البلاد لغرب البلاد
    ووجوم في كل خلق الله يوم نعيك يا سماعين
    وكل الدنيا خاتا الخمسة في الاتنين
    اي متمحنين والمحنة عند النساء يضعن اصباهنَّ الخمس في الشفتين
    وهذه الخمسة في الاتنين
                   |Articles |News |مقالات |بيانات

13-06-2012, 11:35 AM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: Amin Salim)

    Quote: يا داب عرفتك كنت مشغوله شديد فى شنو....كان فى صوط عنج


    جلد زى الجلد

    لقيتنى كيف ؟


    فهمت شى ولا طلعت اوت


    خالد دا سيدنا وتاج راسنا ومعلمنا وجعلى اصلى

    جر العنقريب الهبابي دا تحت النيمة دى وجر ليك كوز من الزير الجنبك دا وقرضعوا باقى اليوم حار واقعد اسمع لى ود المنسى دا ما بتندم بعلمك كلام اهلك السودانين

    وخليك سودانى وخلى الطرطشة البتسوى فيها دى الخواجات ديل تاخد منهم العلم بس اصلوا العرجة لى مراحة
                   |Articles |News |مقالات |بيانات

13-06-2012, 07:36 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: جر العنقريب الهبابي دا تحت النيمة دى وجر ليك كوز من الزير الجنبك دا وقرضعوا باقى اليوم حار واقعد اسمع لى ود المنسى دا ما بتندم بعلمك كلام اهلك السودانين

    وخليك سودانى وخلى الطرطشة البتسوى فيها دى الخواجات ديل تاخد منهم العلم بس اصلوا العرجة لى مراحة


    ههههههههههههههههه
    كلمي وقولي لي ( تراثك واهلك قبل تهلك)

    الخوجات زي ما قالت وضاحة خذ العلم منهم واتزود بالصفات الطيب عندهم ( الصدق الامانة ان وجدت واحترام المواعيد وترك الناس في شأنهم .. وغيرها من عادتهم الجميلة .. ومع ان هذه هي العادات التي نادى بها ديننا الحنيف وصفوا بها ونحن نكذب ولا نحترم المواعيد )
    تعرف يا امين مرة ألتقيت أيام عملي في دولة كوسوفا بالأخ الكريم وهو انجليزي الاصل ( يوسف أسلام ) وهو مغني معروف قبل اسلامه .. كانت له في كوسوفا منظمة أغاثية ( له عدة منظمات ينفق عليها في دول أوربية اخرى )
    المهم في الأمر جمعتني به الأيام في تلك الدولة عدة مرات
    في مرة سألته
    عليك يا يوسف احكي لي قصة اسلامك
    حكى لي كل القصة ..
    وبعدها قال لي
    لكن تعرف انا في كل صلاة بحمد الله اني عرفت الأسلام قبل ان اعرف المسلمين
    وكان السبب انه بعد اسلامه مشى عمرة للأراضي المقدسة تصادم ما يدعوا إليه الأسلام الذي اقتنع به وما يفعله المسلمين هناك ..

    وفعلا الحمد لله الذي هذى يوسف اسلام قبل ان يعرف المسلمين

    اسلامنا وتراثنا فيها الجميل بس نحن المشكلة
    تعال انجم وما بتندم
                   |Articles |News |مقالات |بيانات

13-06-2012, 08:31 PM

Amin Salim
<aAmin Salim
تاريخ التسجيل: 03-02-2012
مجموع المشاركات: 677

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: جلد زى الجلد

    لقيتنى كيف ؟


    فهمت شى ولا طلعت اوت

    لقيتك لميضه ك العاده

    اوت والله




    Quote: خالد دا سيدنا وتاج راسنا ومعلمنا وجعلى اصلى


    خالد ما محتاج لتثنيه......ربنا يحفظو

    Quote: جر العنقريب الهبابي دا تحت النيمة دى وجر ليك كوز من الزير الجنبك دا وقرضعوا باقى اليوم حار واقعد اسمع لى ود المنسى دا ما بتندم بعلمك كلام اهلك السودانين

    وخليك سودانى وخلى الطرطشة البتسوى فيها دى الخواجات ديل تاخد منهم العلم بس اصلوا العرجة لى مراحة


    اهااااااا دا الخايف منو....طلعتى تسلل



    الخواجات ديل اصدقاء عمر وبينا زكريات وWhen in Rome, do as the Romans do.........لازم تكون فى لغه مشتركه بيناتنا(طبعاً الطرطشه دى ما مع السودانيين).......فاكرك جزاره بس لكن طلعتى شمشاره.....العرجه لى مراحه يعنى شنو؟
                   |Articles |News |مقالات |بيانات

13-06-2012, 09:07 PM

Amin Salim
<aAmin Salim
تاريخ التسجيل: 03-02-2012
مجموع المشاركات: 677

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: Amin Salim)

    Quote: الخوجات زي ما قالت وضاحة خذ العلم منهم واتزود بالصفات الطيب عندهم ( الصدق الامانة ان وجدت واحترام المواعيد وترك الناس في شأنهم .. وغيرها من عادتهم الجميلة .. ومع ان هذه هي العادات التي نادى بها ديننا الحنيف وصفوا بها ونحن نكذب ولا نحترم المواعيد )


    والله يا خالد مش فى مقوله كدا بتقول وجدت مسلمين من غير اسلام..........بس الصفات القلتها دى و زياده لقيتا عندهم....كونى زول بحب الضحك والسخريه الذكيه ما لاقانى شعب زى الانجليز....بختوها ليك بااااارده


    Quote: تعرف يا امين مرة ألتقيت أيام عملي في دولة كوسوفا بالأخ الكريم وهو انجليزي الاصل ( يوسف أسلام ) وهو مغني معروف قبل اسلامه .. كانت له في كوسوفا منظمة أغاثية ( له عدة منظمات ينفق عليها في دول أوربية اخرى )
    المهم في الأمر جمعتني به الأيام في تلك الدولة عدة مرات
    في مرة سألته
    عليك يا يوسف احكي لي قصة اسلامك
    حكى لي كل القصة ..
    وبعدها قال لي
    لكن تعرف انا في كل صلاة بحمد الله اني عرفت الأسلام قبل ان اعرف المسلمين
    وكان السبب انه بعد اسلامه مشى عمرة للأراضي المقدسة تصادم ما يدعوا إليه الأسلام الذي اقتنع به وما يفعله المسلمين هناك ..

    وفعلا الحمد لله الذي هذى يوسف اسلام قبل ان يعرف المسلمين


    انا شوفت حكاية اسلام انجليزيه لزيزه خلاص....اسلمت على يد وا حد صاحبى.....المهم كانو ساكنين فى شقّه مع بعض و بيناتهم علاقه.....صحبى دا النوع أول ما يصحى الصباح بشرب Irish coffee وهى طبعاً قهوه مخلوطه مع وسكى.....بعمل سيئات كتيره لكن فى

    نفس الوكت ما بفرّط فى الصلاة و القرآن و الدعاء.....قامت البت اتعلقت بيهو شديد و قالت ليهو عرسنى....قال ليها ما بعرس الا مسلمه.....المهم البت مشت اشترت كتب عن الاسلام و اسلمت.....و هم لما يسلمو عن قناعه بكونو ماسكين فى الدين شديد....المهم صحبى دا

    قام عرسها وادبتو ادب منعتو من الكحول و فطورو المفضّل ال bacon و ممنوع يمشى نوادى وحاجات كتيره تانى

    الزول دا بقتو ما شاء الله شيخ بس.....المضحكنى فى الموضوع شديد زعل حبوبتو وتعليقها (عرّست ليك كديسه..........) النقط دى ما بقدر اتم التعليق كامل فى المنبر

                   |Articles |News |مقالات |بيانات

14-06-2012, 11:42 AM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: Amin Salim)

    Quote: .العرجه لى مراحه يعنى شنو؟



    شوف دا يا امين علشان تفهم





    (عدل بواسطة وضاحة on 14-06-2012, 11:43 AM)

                   |Articles |News |مقالات |بيانات

13-06-2012, 08:37 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: رحيلك وجعة يا اسماعين
    رحيلك نجعة من دار الفرح والزين
    رحيلك طعنة في لهات الحبى دريفين
    رحيلك وقفة فوق درب العليك باكين
    فيها نهاية المشوار وحد الفرحة والامال
    وحد الفال وحد الزين

    أرمي الدمعة فوق الدمعتين ياعين
    وبعد الليلة حابسها الدموع لمين
    بعد نزلت سكاكين القدر
    مسنونة ديل فوق ديل
    وشربت من بكرينا المعتق
    حالتو ده الداسنو من السيل
    ويا المحزون وحرابنا متكلات قدامو
    فوق مشنكسات الخيل
    ويالداخرنو من زمن التساب
    شفعنا رابطين الحجر بالتيل


    النجعة هي الرحيل دون انزار والرحيل هذا قد يكون غير رجعة


    .. يقال فلان نجع إذا غادر من غير رجعة
    تستخدم المفردة عادة لما يهج شخص من اهله ورهطه لمكان أخر ( نجع )


    اللها : هي سقف الحلق في فم الإنسان أو الحيوان
    الحبو : معروف حبو الطفل حركة استعداد للمشي
    درفون أو درفين صغير في سن الحبو او يادوب يخطو خطواته الأولى في هذه البسيطة

    رحيلك وقفة فوق درب العليك باكين
    وقفة اي تقف حتتأثر حياتهم من بعدك وببعدك لدار البقاء وفراقك لهم الفراق ما بالإيد لكن دا اليوم
    إذا جاء الأجل لا يقدم ولا يؤخر لكن يبقى الحزن يلف القلوب على كل من عرفك وتقف حياته ولو وهلة بعد ان فقد جمال روحك الطيبة ... والوقفة بسبب وقوف كلمك الطيب ونهاية حد مشوارك الملئ بالكلم الطيب وحد للفرحة التي نلقاها وانت بيننا والفال الذي كنا نتمناه وروحك بيننا .. وقفة حتى في دواوين شعرك التي من بينها ذاك الديون الذي يحوي عيون شعرك الجميل ( ديوان حد الزين )

    وشربت من بكرينا
    البكر هو الاول في كل شئ
    في القهوة
    في الخمر
    في الشربوت
    في كل شئ البكري هو الاول الذي يشرب
    يشبه سماعين ود حسن انه بكريهم من شراب وحالتو دي كانو داسنّو وخايفين علي من سيل الأمطار ومدفون في مطمورة تغطيه من السيل وعوامل طبيعية اخرى ( وهنا تظهر الحب الصادق للشاعر لمعلمه سماعين )
    وفي المطمورة التي نصونك فيها ( قلوبنا ) كانت حرابنا والحربة هي الرمح كانت حرابنا متكلات تحميل وخيلنا مستعدة لكل غارة تأتي لتمس سبيبة من راسك ..

    وانت أياكا دخرينا والدخري هو كل شئ غالي يدخره البشر لوقت الحاجة له ودائما يكون شئ ثمين غالي وعزيز
    زمن التساب
    التساب هي تلك السنة التي بلغ فيها منسوب النيل أعلى درجة له سنة ( 1946 )
    ومعروفة بسنة التساب
    والتساب هو الفيض الوافر

    وربط الحجر بالتيلة هي لعبة يلعبها الاطفال في الريف وفي المدن الصغير
    بربطوا الحجر الصغير بحبل تيل او ما شابه ويرموه لأعلى ويصل مداه حسب قوة الرمية من الطفل .. وهذا الحجر مربوط يصل لنقطة تنعدم فيها السرعة وتصبح صفر حسب قانون نيوتن ثم يعود للأرض بفعل الجاذبية الأرضية وتزداد سرعته كلما اقترب من الأرض ويرتطم بها .. وشكل العودة لذاك الحجر مربوط بتكون مثل الصاروخ الحجر وخلفه الحبل ( كالزيل ) وهذا الذي يعجب الاطفال
                   |Articles |News |مقالات |بيانات

14-06-2012, 08:45 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة
                   |Articles |News |مقالات |بيانات

15-06-2012, 04:57 PM

Amin Salim
<aAmin Salim
تاريخ التسجيل: 03-02-2012
مجموع المشاركات: 677

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    والله تمثيل عوير عواره

    يا داب فهت المثل!

    لكن برضو بقول When in Rome, do as the Romans do
                   |Articles |News |مقالات |بيانات

16-06-2012, 06:50 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: Amin Salim)

    والله تمثيل عوير عواره

    يا داب فهت المثل

    .................................................

    العزيز امين

    تحية طيبة

    افعل ما يفغله اهل روما لكن تمسك معتقد دينك السمح
    وعرفك السمح منه والله يحترموك والله
                   |Articles |News |مقالات |بيانات

17-06-2012, 02:59 PM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

17-06-2012, 07:21 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    شكر كتير وضاحة علي المرور الجميل
    والأغنية حلوة

    وفرحي خلق الله
                   |Articles |News |مقالات |بيانات

17-06-2012, 07:53 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: أرمي الدمعة فوق الدمعتين ياعين
    وبعد الليلة حابسها الدموع لمين
    بعد نزلت سكاكين القدر
    مسنونة ديل فوق ديل
    وشربت من بكرينا المعتق
    حالتو ده الداسنو من السيل
    ويا المحزون وحرابنا متكلات قدامو
    فوق مشنكسات الخيل
    ويالداخرنو من زمن الحساب
    شفعنا رابطين الحجر بالتيل


    وأرمي الدمعة فوق الدمعتين يا عين بعد سماعين حابساها الدموع لي مين وهو القال في رد( جواب بت ودخير كان الرد حال بلسان ابنها ).
    بت ودخير الشاعرة هي المعروفة في بلاد الشايقية .. ارسلت لابنها الوحيد ( جواب ) كان في الجيش في مصر .. وكان معسكر الجيش السوداني في مصر في حي عين شمس المعروف في قاهرة المعز كان الجواب مشتاقة تعرف حاله وهو بعيد عنها في الريف ( كان السودانيين يسمون مصر بلاد الريف والمصريين ولاد الريف ) ..
    كتبت بت ودخير لأبنها
    تطلب منه جنهين ( 2 حنيه تحل بها مشاكلها )
    لنرى كيف كانت مداخلها في جوابها

    قالت لي ( لابنها )

    السلام من عين شمس
    لي حد فلسطين
    السلام يقريك انت يا الزين
    السلام ليك و للمعاك في الأوضة قاعدين
    السلام يغري الطرابيش و القلاشين
    السلام من عين شمس لا حد فلسطين

    الله كان خلاني طيرة واحصلو الحين
    وألقى قبل الرسمي
    جالس في الدرابزين
    وينسر حالي بيكم يا الحنينين
    بعد الحال إن شاء الله عايدين
    يا با نتلاقى انت طيب
    ونحن طيبين

    انا ما بوصفك يا صباحي
    بخاف من العين
    انت من عين الحسود
    وادعاك جبرين
    انت بالعافي التخصك في المصارين
    تبقالك هدم يا سيدي
    وسروال و نعلين

    انت يا سيد البسوق ارقوق موازين
    انت يا سيد الجزيرة تكاكي وزين
    انت يا سيد الحصص صمد النمرتين
    انت يا سيد الشتيل تك العراجين
    انت ماك عارف قليباً لي مجينين
    ما بترسل لي جواباً فيهو سطرين
    و ما بتقول لي نعيم صباح أمو
    اشتغل وين

    ات ما عارف جواب السلام
    يجيني اطولي شبرين
    و انبسط لي انبساطة فايتي على القوانين
    و الله من خلاني اطير و احصلو الحين
    والقاهو عند القهوة قبل الرسمي جالس في الدرابزين
    و انسرا بيكم يا الحبيبين

    الليلة انا دايري احكي العذر
    صمد النمرتين
    وقولو من قبل الملمات
    مانا فايقين
    منطبقات على ثلاتة و اتنين
    و ختي ربع جنيه و بعضا تلاتين
    و قالوا ما بنقبل دايرينو في الحين
    و انت في تلاتة سنة ما بدوك سبوعين
    طلبتك الله من حق الله ترسل لي جنيهين
    كان قلتا المقد
    ماجابلو مُدين
    العيش ريف مبوص
    وما مرق هين
    أصلو لاتمراً نجض
    ولا آنا سايقين
    طلبتك بالله ترسل لي جنيهين

    الليلة ياخيري لا تقول الجواب دا
    جاني من وين
    الكتبو وراق ودحسن
    اسطى تجار في الدكاكين
    والكلام نظم ام نعين ما دايرا تلقين
    وإت شكرك راقد عندي بالجرانين
    إلا ياخيري الجواب إتملا
    بالصفحتين

    انت ان قعدت مع السلامة
    و ان جيتنا يا الزين
    و انت اما جيت بننتظر الصغيرين


    وكان رد الجواب للشاعر سماعين ودحسن عندما قرأ شعر بت ودخير
    فرد لها بلسان حال أبنها نعيم

    قال اسماعيل حسن



    رد النعيم لي امو
    في درب البنات يا يمه
    أنا إتشتنته وإتبهدلته وتغربته دابي
    وأنا إتوكرته في بلدن
    بناتها بلا المهور الجامحة
    فوق الريح تشابي
    وجوهن يمه
    كان شفتي القمر لجلج
    يضاحك في الروابي
    عيونن يمه
    زي بحر المحيط والموج يولول
    والعرق لافحني فايت وا خرابي
    سنيناتن يمه
    بلا شخب الحليب الصافي
    يرهج في الكبابي
    وريقن يمه
    زي خمر التمور
    المن زمان
    طامرنو في جوف الخوابي
    ورقابن يمه
    وين رقاب الريل ؟؟
    علي الحدب البعيد شرفن
    علي هوهيو كلابي
    وعودن يمه
    متل الخيزران
    فدعوهو
    لوجعي وعذابي !!
    العرجون يصارع في السبيط
    مندلي........فوق قلب الجريد
    هتان ينقط في العسل
    يا ريت شرابي
    ولونن يمه
    زي لون القمح
    ضروهو وشوف ضراني كيف؟؟
    الله بضاريك يا الضرضر صوابي!!
    دريباتن ....
    عقاب التيه
    ومافي خبير بشق التيه
    علي بلد الدوابي
    مهرن غالي غالي وما بقدر عليهن
    وحاتك انت ما بقدر عليهن
    وكمان شوفو المصيبه
    نفيستي فيهن
    ومنو البقدر امد ايديهو
    لكيس المرابي (( المرابي الذي يتعامل بالربا )
    دحين يا يمه
    أنا راجع لدريبك
    وأنا الغرقان
    وفي الموجات بشابي
    أصارع في الهلاك يا يمه قاسي
    وبعد قربته لقبف الشرق
    تلفحني شيمي
    كاسحه مغربابي
    وأنا قعدته زي فاقدن
    مزوزو أجرجر في التراب
    ودر حجابي
    مشاكل الدنيا
    مما فته منك
    وإلى هادا الوكت
    وايضاً كذلك إلى ما بعدو
    ضددي مبشتنابي
    أنا لا مالاً لقيتو
    عشان أجيكي
    أقدل مع الجنيات
    تجيكي العافي
    بس فضل شبابي
    وأن كان للقروش
    أن شاالله طايري
    أنا معّلم الله
    ليّ حولين أسم فرطاقه
    ما دخلت جرابي
    والخبر المهم ما قلتو ليك
    قبل ما أنسى
    في اخر جوابي
    دا شيتن أصلو مافكرته فيهو
    وحاتك ضمه ما كان في حسابي
    إرادة المولى
    موخافي عليكم
    وكان ديسته لابد يوم تجيكم
    خبيري مع البنات
    والليل يهود
    أهز ضرعاتي وأرفع في حجابي
    أنا بقيت غنّاي
    آه غنّاي
    بلعلع في البنادر
    ميل ناس ود صليليح
    طنبرابي
                   |Articles |News |مقالات |بيانات

17-06-2012, 08:13 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وفجاءة يجينا من طرف السماء مرسيل
    ينعي فوق كلنكاكول
    غراب هابيل ويبقي رحيل
    رحيل كل الغيوم الهامعة متواسرات
    رحيل كل الشهور العامرة بالخيرات
    رحيل الطينة من طرف الجُزر يومات
    رحيل الخضرة قدام منجل الهدام جفاف وممات
    رحيل البادية فوق برقاً وراء نجيمات
    رحيلك مو رحيل أفرآد
    رحيل اجيال
    رحيل بلداً تمام وكمال



    وفجاءة كان رحيلك ..
    ورمز إليها ان المرسيل لقبض روحك جاء فجاءة
    ونعاك ذاك الغراب الذي ارشد ابن آدم الأول كيف يواري سوءة اخيه في التراب
    جاء يحمل ذاك الغراب نعيك للخلوق من جم وكافةً

    كان رحيلك زي رحيل الغيوم في سماها تسقي بلاد وتجافي بلاد مارة
    زي رحيل شهور ستنا العامرة بالخيرات ( والأيام الحلوة بترحل سريع مفقية )
    رحيل الطينة .. من طرف الجرف يومات

    الطينة يقصد بها الارض قرب النهر ( النيل )
    والهدام يموصها كل يوم وتنقص الارض .. شبه هذا الفعل الطبيعي كأنها ترحل عنا
    ورحيل تلك الطينة كان كرحيل أسماعيل حسن

    رحيل الخدرة ( الخضرة قدام منجل الهدام جفاف وممات )
    وديل البحشو قش الواطا
    وعادة بحش قش الواطا الزول الماعندو حشيش لبهائمه
    وقش الواطا ( البروس ) فيه الفائدة والغذا للارض ويزيد من خصوبتها عندما تحرث للزرعة الثانية
    لكن أصحاب منجل الهدام لا يتركوه فتقد الارض الكثير والكثير من المواد التي يضيفها لها ذاك الحشيش ( البروس )

    رحيل البادية
    اطلق البادية وأراد إنسان البادية التي من عادته النشوق
    وهو الرحيل للمراعي عندما تبدو في السماء سحاب تدل على هطول المطر في جهة ما
    رحيلك ما كان رحليلك إت وبس وما رحيل فرد بل أجيل نعم والله كل جيل غنيت وانشدت له
    كلهم رحلوا يوم رحلت يا سماعين

    وكان رحيل كل البلد التي إتمددت فيها من شمالها لجنوبها من شرقها لغربها تتغنى لها
                   |Articles |News |مقالات |بيانات

17-06-2012, 08:31 PM

mona altom
<amona altom
تاريخ التسجيل: 20-10-2010
مجموع المشاركات: 536

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    ودالمنسي ازيك ولعلك طيب لينا طوله
    يعلم الله الانجمامه عندك
    الا كتر عناقريب القد
    الايام ياني لابده عندك
    يلا كتر من النم
                   |Articles |News |مقالات |بيانات

17-06-2012, 08:35 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: ويالعرشت فوق نخل السواقي الشال
    واتمددت فوق النيل من الشلال و للشلال
    ويالهاجرته فوق ريش الرهو رحال
    تظل مرسوم علي باب الليالي سؤال
    بعد عشعشت في خاطر الغُبش موال
    واتبللت من الموية بين السعفة والبلال
    بعد عرقك برق في ترابنا حد ما شال
    واتمددت غادي وجاي
    يمين وشمال


    إت كنت فينا يا سماعين كل شئ فينا وحولينا
    انت عشعشت اي سمنت في نخيل سواقينا الشال دفيق
    وإمتدت في نيلنا الخالد من الشلال الأول إلى الشلال السادس ( السبلوقة )
    الرهو هو طير الرهو وهذا الطير رحال اي ات يا سماعين كنت رحال في بلادنا شمال ويمين وجنوب شمال
    تتغنى لكل البلاد وانسان البلاد

    وبلادي بلاد ناساً
    تكرم الضيف
    وكان خطابك للغبش من اهلنا الطيبين الكادحين في هذه الفانية والزايلة وغيرهم يلط ويبني ومفارق تغنيت لهم شعرا يا سماعين
    تغنيت لنعيم ود بت ودخير وهو تايه في بلاد الريف
    لامال لقى عشان يرجع لي امو يقدل مع الجنيات
    وجرابو عدمان من اسم فرطاقة
    ولي حولين اسم قرش ما دخل جرابو
    وغنيت لغيره من الكادحين المعدومين وهم الخير والبركة


    ( واتبللت من الموية بين السعفة والبلال
    بعد عرقك برق في ترابنا حد ما شال)

    تللت وتشربت من ماء النيل
    زي السعفة
    وقال زي السعفة لان السعفة تبل قبل ان تدخل في صناعة شئ
    قفة .. حبل يربط به بهيمة او يكرب به جريد علي مرق السنط وسط الاوضة معروشة لعريش
    يبل الريق في يوم دخلته .. برش ناطوع او برش يتوسده مكافح يكفيه الارض في ليل بهيم
    يصبح عليه ليباشر عناء يوم بعده في زراعة أو رعي ..

    البلال هو ذاك المرطب الذي يستخدم لتلين الشعر في المشاط
    هو ماء وحبة شاي احمر مع زيت او دهن كركار

    ويا سلام وما اجمل البيت الذي يليه
    بعد عرقك برق في ترابنا حد ما شال
    اي تظل فينا برق يلصف ويلمع في ترابنا كل ما شالت مطر وتصادمت سحب يا سماعين
                   |Articles |News |مقالات |بيانات

17-06-2012, 08:40 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    يا القريب تدثرك أضلعي مستقر بين الحنايا في قلبي
    وبعيد تفصلنا منك المسافات فيافي
    وشالنا موج الشوق من حنين لي حين
    ونرسى وين ومتين
    والله ماعارفين

    وأنتَّ السماء بدت لنا
    وإستعصمت بالبعد عنّا



    (عدل بواسطة خالد علي محجوب المنسي on 17-06-2012, 08:47 PM)

                   |Articles |News |مقالات |بيانات

18-06-2012, 10:20 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: بعد الحال
    منو البقدر يجيب غربال يغربل روحك
    المدسوسة في الاجيال
    وفي نفس الدغش مبثوثة في الشتلة
    ونداها السال


    اراد أن يقول للشاعر سماعين ودحسن
    أن روحك سرت في الأجيال
    وفي نسيم الدغش تمر روحك على كل شتيلاتنا
    تندي زهراتها

    روحك في كل شئ عرفت كيف تبثها في كل مخلوقات الله
    وتحفظه لك حب لادبك الجم
                   |Articles |News |مقالات |بيانات

18-06-2012, 10:45 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: بعد الحال
    منو البقدر يطاول حرفك المعقود
    علي برقا حرير وهلال
    مسطور فوق رقاب البرد
    فوق الصخرة والتمثال


    مــن بعد رحيلك يا سُماعين ينظم شعر في حق الوطن والغزل كما فعلت يا جميل
    حرفك كان معقود زي الجنزير غلب الحلبي فكو
    حرفك كان برق شال فال ويبشر بخير وفير
    حرفك كان هلال وحريرة في جبين عريش مزفوف للسمحة في البنوت

    وحرفك مسطور في روق نبات البرد
    ومسطور في كل صخرة وتمثال
                   |Articles |News |مقالات |بيانات

18-06-2012, 11:12 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحيـــــــن ميســــــرة
                   |Articles |News |مقالات |بيانات

18-06-2012, 12:51 PM

عبدالله الشقليني
<aعبدالله الشقليني
تاريخ التسجيل: 01-03-2005
مجموع المشاركات: 12001

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    sudansudansudansudansudansudansudansudansudansudan221.jpg Hosting at Sudaneseonline.com



    تحية لك أيها المُحب الجسور : الأستاذ : خالد علي محجوب
    وقد اخترت أكثر الملفات رقة وعذوبة ،
    جاء المطرب الأستاذ / محمد ميرغني ، وتمت الحفاوة به ومن بعد مرض دام ما يقارب العام ،
    وقف على عصاة صغيرة وغنى بعنفوانه وجمال صوته ودقة تعبيره .
    وقد كتبنا عنه ملفاً هذا مطلعه :

    ( منار )و( ريماز) في حفل لتكريم وعلاج المطرب الأستاذ/ محمد ميرغني – النادي السودان أبوظبي
    التاريخ الخميس الموافق 3/2/ 2011

    خَدك الخَجل كاسيه ولا مندي

    ما قُلنا ليك ..الحب طريق .. قاسي وصَعيب من أولهُ
    ما رضيت كلامنا وجيت براك ...


    لمثل هذا اليوم ، تنهض همم الوفاء التي بها نُفاخر ، لمن أعطى وبذل إثراء لوجدان شعبه ،
    المعلم و الأستاذ والمطرب / محمد ميرغني . تتنادى قلوب واياد بيضاء للوفاء لقيم الخير والعطاء .
    لقد قدمت التربية والتعليم الكثيرين من المعلمين من مٌبدعينا ،
    منهم الموسيقار المطرب " محمد وردي " والمطرب " صديق عباس " والراحل " مصطفى سيد أحمد " ،
    ونماذج من المعلمين في مجال إبداع كرة القدم ، منهم " برعي " لاعب فريق الهلال
    و " أمين ذكي " لاعب فريق الهلال " .


    ( منار ) و ( ريماز) في حفل لتكريم وعلاج المطرب / م...دان أبوظبي 3/2 /2011
    *
                   |Articles |News |مقالات |بيانات

18-06-2012, 05:01 PM

وضاحة
<aوضاحة
تاريخ التسجيل: 16-01-2005
مجموع المشاركات: 8803

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: عبدالله الشقليني)

                   |Articles |News |مقالات |بيانات

18-06-2012, 06:58 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: لمثل هذا اليوم ، تنهض همم الوفاء التي بها نُفاخر ، لمن أعطى وبذل إثراء لوجدان شعبه ،
    المعلم و الأستاذ والمطرب / محمد ميرغني . تتنادى قلوب واياد بيضاء للوفاء لقيم الخير والعطاء .
    لقد قدمت التربية والتعليم الكثيرين من المعلمين من مٌبدعينا ،
    منهم الموسيقار المطرب " محمد وردي " والمطرب " صديق عباس " والراحل " مصطفى سيد أحمد " ،
    ونماذج من المعلمين في مجال إبداع كرة القدم ، منهم " برعي " لاعب فريق الهلال
    و " أمين ذكي " لاعب فريق الهلال " .


    زارتنا البركة نحتفي .. نهلل نبشر وليتهم يكفو ويكفو لكن محال
    مقامك اكبر من حفاوة وتهليل وابشر بالخير أيهاالمبدع الأديب عبدالله
    تقف الحروف مشدوه كيف تتناغم وتترتب لتأتي بالرد لأديب

    إنجمامتنا سعيدة وسعدت تراقصت حتى الرمال طربا
    (المفروشة لجسلتنا تحت اللبخات ظلال
    تقطر علينا الندى ونحن تحت ظلها نستأنس بك ومعك ايها الجميل ..)

    فعلاً للمعلم الدور الكبير في تشكيل حياتنا وما صرنا عليه
    حب الأدب ورثته من أستاذي للغة العربية في الصف الثالث أبتدائي
    عوض عبدالله شقيق الاستاذ الفنان الطيب عبدالله الأصغر
    وبالمناسبة عوض برضو صوته جميل بغني ويترنم بأغاني الأستاذ الطيب
    عبدالله

    كان يقرأ علينا ابيات من الشعر ويشرح معانيها لنا ونحن صغار
    أذكر من الأبيات التي حفظتها منه وانا في الصف الثالث ابتدائي

    وأثبت في مستنقع الموت رجله
    وقال لها من تحت أخمصك الحشرُ

    وكذلك تلك القطعة الأملائية
    مرَّ أعرابي على قصر الخليفة المأمون وفكتب على جداره بفحم
    يا قصر جُمع فيكَ الشؤم واللؤم
    متى يعشعش في أركانك البؤم
    يوم يعشعش فيكَ البؤم، من فرحي
    أكون أول من ينعاكَ مرغوم

    ومن الأستاذة لو صح قول كلمة استاذ ( لانها كلمة تركية لكن جرت على ألساننا )
    من المعلمين المبدعين

    الطيب عبدالله
    عوض اخيه
    حسين شندي
    عبدالقادر سالم

    علي قاقارين
    عثمان الجلال
    عبدالمحمود درة شندي
    وغيرهم كثُر المعلم مبدع فعلا

    والجاني منك ....
    ومن تباريح الهوى
    وصفو بصعب يا جميل

    تحياتي ومودتي وفرح شديد بمرورك الذي ترك الأثر الكبير في نفسي
    ولك التحية الطيبة سلاااااام

                   |Articles |News |مقالات |بيانات

18-06-2012, 07:01 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    شمس المشارق ( وضـــــاحة )

    مرورك يبهج ويدخل على النفس السرور
    واختيارك دوام موقف
    من الأعماق من اغاني الاستاذ صلاح مصطفى الجميلة

    ومن الأعماق بصوت يزيد البهجة في كلماتها ولحنها جمال وأبداع

    الفنانة منار صديق


                   |Articles |News |مقالات |بيانات

18-06-2012, 07:11 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    أداء الأستاذ محمد ميرغني مميز في كل ما ابدع فيه

    محمد ميرغني كمعلم مميز كلاعب كرة كان مميز ومطرب مميز شديد

    هذه من اغنيه التي احب الاستماع لها

    لابتسالمي .. لا بتردي

    وهذا اكثر مقطع يعجبني فيها
    يعني من ابداع الاستاذ محمد ميرغني هذه الأغنية
    ومن هذه الاغنية
    هذا المقطع

    لا بتسالمي لا بتكالمي بس تتهادي
    لآك سامعانا لاكي معانا تيهي إتمادي
    ارح وأردح وراك وأرتاح ولو بي كلمة
    إما أعيش وإما أموت وإما وإما



                   |Articles |News |مقالات |بيانات

18-06-2012, 08:34 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: ارمي الدمعة فوق الدمعتين ياعين
    بعد الليلة حابساها الدموع لمين
    كتير من شاف ديارو العامرة
    هاجت فوق درب وداي
    كتير من عدا فوق درباً
    بلا يوادع بلا يناشد كبار القوم
    وياخد راي كتير ياعين
    كتير الغابوا ماحضروا
    وكتير الراحوا ما عادوا
    وكتير البمشوا منو جاي
    الا الناعي

    عمرو الناعي ماطاف البلاد من جم


    وارمي الدمعة فوق الدمعتين يا عين وابكي سماعين ودحسن
    الموت ما وقف
    كتير العدوا ورحلت اجسادهم وارواحهم من بيننا ومن قبلنا
    ودي سنة الحياة لكل عمر أجل لا يتعدى
    لكن عمرنا ما شفنا الناعي الذي ينعي يطوف كل البقاع في بلادنا لينعي
    سماعين ودحسن
    الناعي هي عادة عند موت شخص ( ينقر النحاس بضربات معروفة ) تفيد ان شخص انتقل لرحمة ربه
    لدار البقاء
    ويحوم الناعي كل القرى القريبة والتي للميت فيها معارف حتى يعلمهم
    وهذا الشخص الذي يقوم بهذا العمل يسمى الناعي
                   |Articles |News |مقالات |بيانات

18-06-2012, 08:54 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحيــــــــن ميســــــــــــرة
                   |Articles |News |مقالات |بيانات

19-06-2012, 07:00 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وتبكي طويرة الاحزان سنين وسنين
    مصيرة تساسك المسكينة بين الباسا
    والباساي
    ترفرف من سخاي لسخاي
    وتسال عن صدور مغسولة بالدوباي
    و تنزل فوق حلقات مجالس الشاي
    تقول الشيخ وفي الشاشاي
    تبل الريق من الدمع البيوشل من ارامل الحي
    وتشرق بالرحيح في الردحه و الوب حي
    وتمرق من محاري الناس تولول فيها جرس الصى
    وتصرخ فايقة ياجلابة اقيفوا لي
    وتسعل ضايقة ما شفتوه زولاً لي


    تبكي طويرة الأحزان ( طويرة هي تصغير لكلمة طيرة )
    تبكي مسكينة في رواحها وغدوها من فريع لفريع .. تبكيك حزينة بكاء يعبر مابها من فقد لإنسان تغنى لها وبها شعراً
    تسأل شعراء الدوبيت وماتلقى جواب .. تمشي تنزل في حلقات الذكر والقرآن عند ابونا الشيخ وما تلقى الرد
    تجري وتطير لي رمال الحي الذي قطنته
    تبل الريق اي تسكب ما بها من احزان بدمع غزير ( بيوشل )
    تشرق .. الشرقة من عشراقة والعشراقة من كترت البكاء
    والرحيح والردحة هي طريقة البكاء عند النساء
    يردحنَّ ( حي ووب وووب حي متحزمة في النقارة )
    الرحيح هو ان تحقب المرأة يديها خلف ظهرها وتمشي متباطئة تبكي وتوصف الفقيد
    الليلة يا البتعشي
    الليلة حليلك يا جمل الشيل
    الليلة وين اصبحت ؟
    ووا وجعي الشديد
    وكل اوصلف النساء في البكاء


    وتسأل طويرة الاحزان كل الناس كل المخليق من روح وجماد
    وهي يا جلابة أقيفوا لي
    وقولي لي وين زولاً لي ما شفتوه
                   |Articles |News |مقالات |بيانات

20-06-2012, 07:08 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: يا بنة مسجـــــــــــــون فــــــــــيك


    واسير غزال فوق القويز

    وما اجمل واحلى السجن عندما يكون في قلب حبيب بحب صادق
    امين .. والأخلاص في حب طريق السعادة والسعادة نور يضوي
    طريق عاشقين أخلاصا لحبهما

    معاني الحب الصادق كبيرة وليت كلنا نعقلها ونؤكدها في حبنا
    والله ما خاب من حبَّ بصدق وامانة وأخلاص

    لك الود العزيزة شمس المشارق على هذه المشاركة الجميلة
    لهذه القصيدة التي تؤكد انها نابعة من قلب صادق

    وسعيد الذي نال قلبك

    تحياتي ومودتي
                   |Articles |News |مقالات |بيانات


[رد على الموضوع] صفحة 8 „‰ 16:   <<  1 2 3 4 5 6 7 8 9 10 11 12 13 14 15 16  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de