تباريح الهوى .. إستراحة محارب .. منجمين في إنجمامتنا

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-11-2018, 09:29 PM الصفحة الرئيسية

مكتبة خالد علي محجوب المنسي(خالد علي محجوب المنسي)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
18-03-2012, 05:44 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    حباب المك
                   |Articles |News |مقالات |بيانات

18-03-2012, 06:13 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: الجنزير في النجوم
    زي الهيكل المنضوم
    مابخاف
    في المحاصة دموم


    أسر عبدالرحمن النجومي في حدود مصر
    كان قائد جيوش المهدية

    بعد معركة غير متكافئة على حدود مصر

    وهذا اخته بت النجومي عندما جئى به وسلاسل الجنزير
    في يديه وارجله مكبل ...

    تصف ان الجنزير فيه كان باهي ولائق
    ويشبة هيكل سلسل منظوم بعناية
    المحاصة هي ساحة الحرب

    كلمة منضوم هي بالعامية وتعني منظوم ( قلب الظاء ضاد )
    يقال ايضاً انضم الابرة اي ادخل فيها الخيط

                   |Articles |News |مقالات |بيانات

18-03-2012, 06:22 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    وضاحة شمس المشارق حبابك
    يا الرائعة

    مشتاقين ....


    Quote: غنيلّو يا مرشوم
    دقر الروم شرابو سموم
    ومابخاف
    يا البي ّنية مابتقوم
    وظاهر اسمك كالنجوم
    وما بخاف
    في المحاصة دموم


    قالت فيه بت النجومي يا وضاحة

    غني يا السمحة ام رشوم لاخوي
    دا زي دقر الروم
    الدقر هو نوع خطير من الحيات ( ثعبان )
    الروم : الرومة هي الخرابة او البيت القديم المهدوم
    وعادة تركن في الحيات العقارب

    وتقول انت معروف نجيض وما بتسوي الني والني لي النار
    وهو علم بين انداده كالنجم الساطع
                   |Articles |News |مقالات |بيانات

18-03-2012, 06:33 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وغنيت وجب قولو
    وكضبو القالوا بدنولو
    ومابخاف
    التلب العرك زولو
    ماترا الخصيم قصر طولو
    ومابخاف
    وفي المحاصة دموم


    تقول انا غنيت وجبت النم شكر فوق اخوي النجومي
    النجومي الفارس وكضبوا القالوا بشبهو في شجاعته
    وكرمه
    دا زي التنلب العرك زولو
    التلب هو الجمل
    عرك زولو اي انتقم من صاحبه
    ومعروف ان الجمل لا ينسى وخاصة عندما تتعدى علي ظلماً
    وتضربه
    يتحين اللحظة المناسبة وينتقم حتى لو كان صاحبه من ضربه
    ترا : هي كلمة فصحى واصلها .. ترى او كما ترى لكن السودانيين يقولون ترا
    ( وتاري عمل كدا .. او تاري قال كدي )
    والله اعلم

    الخصيم هو العدو
    قصر طولوا اي تباقص زانزوا
                   |Articles |News |مقالات |بيانات

18-03-2012, 06:51 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: يا عصفر النايرات
    ويا عاشميق أخو السمحات
    وما بخاف
    ود عزو تاير وفات
    دخل الكورة سابق الناس
    ومابخاف


    العصفر يستخدم في زينة النساء
    النايرات هن طريات الجسم وضاحة المحيّى .. منيرة الوجه
    وزي ماقالوا اهلنا
    السمح سمح لو قام من النوم
    والشين شين لو دلكو كل يوم

    انت للحسان عصفر يا نجومي
    وانت للرُجال زي حبل العاشميق
    وحبل العاشميق معروف قوي وما بقطعوا العاتي من الثيران
    لذا يستخد في ربط الأبقار .. ويصنع حبل العاشميق من ليف النخيل
    يبل ويعطن لكم يوم ثم يفتل في شكل حبل
    ومازالت عالقة بذاكرتي كيف كان يفتل الحبال أحمد دقال .. تلك الحركة ونهاية الحبل بين
    يديه مربوط بعود صغير يمكنه من لف الحبل حتى تقوى فتلته
    يكون طرف الحبل مثبت في وتد والاخر بين يديه ( الوتد عود يضرب في الارض ليثبت )
    كنت اقف الساعات انظر له وهو يقوم بفتل الحبال

    وهناك ايضاً حبل المريد ( ويصنع من صوف الغنم او غيرها )
    ويستخدم حبل العاشميق في ربط المحراث مع الكرب ( الكرب هو العود الطويل الذي يوضع فوق رقاب الثورين
    ويربط عليه المحراث بحبل عاشميق ..
    ايضاً تربط به ########يس الساقية مع بعضها البعض .. ( القادوس هو زير او قلة متوسطة الحجم تغرف من البحر وترمي في جدول الساقية لري المزرعة )

    وهناك الحبل العادي ويستخدم في ربط صغار الحيوانات كتالماعز والضأن وهو حبك عادي يفتل من سعف النخيل ...
    حبل التيل من الخيط
                   |Articles |News |مقالات |بيانات

18-03-2012, 07:25 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وأنتَّ يا عمسيب
    قادر وما بتجت لي عيب
    مابخاف
    أسمك لي الرُجال فرنيب
    وأنتَّ لي الضرس عرديب
    ومابخاف
    في المحاصة دموم


    سمعت ان فرنيب هذا كان رجل اشتهر بقوة بنيته البدنية وكان فارس لا يقارع
    ويضرب به المثل ( الله يعلم )

    تقول لأخيها انت في قوتك ومقدرتك على الاعداء زي عمسيب
    وأصلك ما بتختي عيب اي ما بتفضحني وسط الناس ..دائما رافع راسي فوق

    انت للرجال زي فرنيب هذا ( يهابوه ويخافوه )
    وانت لي الضرس عرديب اي مسكن
    وعادة يستخدم الناس لألآم الأسنان كل ما هو حار ليسكن الألم
    مثل الكرنفل والعرديب والتمابك وغيرها
                   |Articles |News |مقالات |بيانات

19-03-2012, 04:21 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    الفينا مشهودة

    كلمات الشاعر / محمد على ابوقطاطى
    لحن الموسيقار / برعي محمد دفع الله
    غناء الفنان / عبدالعزيز محمد داوؤد


    الفينا مشهودة عارفانا المكارم أنحنا بنقودا
    والحارة بنخوضا
    ******
    الزول بفتخر يباهي بالعندو
    نحن أسياد شهامة والكرم جندو
    ما في وسطنا واحداً ما انكرب زندو
    البعجز بيناتنا بنسندو
    الليلة بنخوضا
    ******
    ركابين عليهو الناصع أب غرة
    نتباشر وقت نلقى الكلام حرة
    ما بننفز يمين إن متنا فد مرة
    الخواف ما حر منو نتبرا
    الليلة بنخوضا
    *****
    للجار والصديق عشرتنا تتمنى
    بنصون الأمانة السيدا أمنا
    المغرور ندوسو ونعدموا الطنة
    شافعنا بيرى الموت في الركاب سنة





                   |Articles |News |مقالات |بيانات

19-03-2012, 04:52 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: Ahmed al Qurashi)

                   |Articles |News |مقالات |بيانات

19-03-2012, 05:14 PM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    ..
    .
    سلام يا ناس الانجمامه

    المنسي - القرشى - وضاحة
    وبقية العقد الفريد فى الصفحات السابقة ....ليكم وحشه ..


    --------------------

    اها واقفين وين فى الحماسة ولا نخش من طرف حسب المزاج ..

    مودتى ..
                   |Articles |News |مقالات |بيانات

19-03-2012, 05:54 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: Tabaldina)

    Quote: الفينا مشهودة


    ونحن بنقول يا قرشي الفيكم مشهودة
    ولك الشكر اجزله على المشاركات التي تدخل السرور لنفسي
    عندما ارى جهك الصبوح يضئ الصفحة

    عندي طلب
    لم اتمكن على الحصول لهذه الاغاني ( كلمات كاملة )
    الرجاء لو امكن ان تبحث في مكتبتك للأغاني عنها

    شدو ليك وركب فوق مهرك الجماح
    الوافر ضراعو
    عيال اب جويلي إتكمبلو وعرضو
    زينب تجر النم فوق دخري العيال جرعة عقود السم
    غير خالد ما ليك تنين
    والجايات اكثر
    ولا اقول ليك لو عندك اي اغاني للحماسة
    ممكن بنقوم بتفنيد مفردتها
    ولك مني كل الشكر والجزيل يا قرشي
                   |Articles |News |مقالات |بيانات

19-03-2012, 06:05 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    شمس المشارق
    والله كأنك قرأتي افكاري
    قبل دقائق كنت لأحمد القرشي رداً حسب الاسبقية
    في المداخلات وطلبت منه بعض الاغاني ومن ضمنها أغنية
    شدو ليك ركب فوق مهرك الجماح

    فإذا بي اجدها قد نزلت
    فيديو بصوت عصام محمد نور
    فلك الشكر يا ملكة

    ماعدمناك دوماً لك الشوق
                   |Articles |News |مقالات |بيانات

19-03-2012, 06:10 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: اها واقفين وين فى الحماسة ولا نخش من طرف حسب المزاج ..

    مودتى ..


    تبلدينا وقونقلوسكم انت
    لك السلاااام يا رجل وين هذه الغيبة الطولية
    والبعد عن المنبر

    يا زول خش من طرف تحمس وبالحماسة والمعاني الجميلة هات واغدق
    البوست

    لك التحية والمودة يا رائع
                   |Articles |News |مقالات |بيانات

19-03-2012, 06:25 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: ود عز وعوايل
    جدك بضبح الشايل
    مابخاف
    اضرب بكفك الطايل
    ماترا الجنزير سمح وخايل
    وما بخاف
    في المحاصة دموم


    وتستمر بت النجومي في وصف صفات اخوها الفارس عبدالرحمن النجومي
    وتقول دا ود عز وود العز هو الذي تربى في بيت اجاد الله عليهم بالنعم والخير
    نشأ النجومي في بيت كرم وطعام فنفسه بدينة زي مابقولوا اهلنا اي شبعان من خير اهله

    بدين كلمة يستخدمها اهلنا زمان عندما تقول لشخص تعال اكل ( لو صادف ان دخل عليك وانت تأكل )
    فعندما تدعوه للطعام .. يرد عليك
    بدين والله ( اي مآكل الحين )
    ما بشك ( حتى يطمئنك انه ما رفض طعامك من شك ..انه غير مطبوخ بطريقة جيدة .. )

    ثم تعرج لوصف أجداده وابائه وكيف كان كرمهم
    تقول ان جد النجومي كان ما ببخل لإكرام الضيف
    وانه كان بضبح الشايل
    والشايل ما تكون حامل من البهائم وهذا قمة الكرم ان يذبح مثل هذه وغي حين يكونوا الناس في انتظار جنينها الذي يضيف عدد للمراح .. وحتى هذه كان جد النجومي يجود بها للضيف

    اضرب بكفك الطائل
    اي اضرب من يتطاول ويتعدى عليك او على اهلك وانت كنت دوماً كدا
    وبعدها ترجع وتقول متحسرة لكن مع الحسرة فخر انه
    حتى الجنزير حلو فيك ولائق عليك رغم الاسر ويبين الجنزير كأنه عقد هيكل منضوم
                   |Articles |News |مقالات |بيانات

19-03-2012, 06:39 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غنيت وجبتَّ كلام
    هو عاصي ومابسوقو زمام
    ما بخاف
    أنتَّ لي الحمول خمام
    ظاهر هيبة الإسلام
    ومابخاف
    في المحاصة دموم


    وفي نهاية غناها وقولها تصف طبع اخوها وجسارته وكيف كان

    تقول انا بغني ليك وبقول شكرك وقولي صحيح الخلوق تشهد له
    كان عاصي اي يقود ولا ينقاد
    ما بسوقو زمام
    الزمام هو اللجام الذي تقاد به الدواب العاصية ( اي بالقوة )
    وتعني بقولها ما بسوقو زمام اي انه لا ينقاد لفعل شئ بتأثير من شخص لو هو اساساً غير مقتنع به

    وتقول له انت كنت عون وضراع الاهل وشايل حمل الاهل كلو فوق ضهرك ( للحمول خمام )
    يخم الشئ اي يحمل من طر ويخك من طرف وبكثرة
    وانت ظاهر باين ومعروف للملا زي الإسلام ( الدين الحنيف ) واضح وباين ومقنع إلا من أبا
                   |Articles |News |مقالات |بيانات

19-03-2012, 06:50 PM

Ahmed al Qurashi
<aAhmed al Qurashi
تاريخ التسجيل: 27-08-2006
مجموع المشاركات: 4262

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لك التحية عزيزي خالد ولضيوفك الكرام وللاخ العزيز تبلدينا

    الذي افتقدناه كثيرا في المنبر والتحية للأخت وضاحة



    للشاعر..عمر الحسين
    غناء الفنان / سيد خليفة


    شدوا لك ركب ..فوق مهرك الجمٌاح
    ضرغام الرجال... الفارس الجحجاح
    السم النقوع...للبدن نتٌاح
    تمساح الدميرة ..الما بكتلو سلاح
    إعصار المفازة ..للعيون كتٌاح
    المال ما بيهٌم ...إن كتر وإن راح
    ***
    بطناً جابتك والله ما بتندم
    ويا أسد الكداد الفي خلاكَ رزم
    ويا رعد الخريف الفوق سماك دمدم
    بابك ما انقفل ونارك تجيب اللٌم
    ما بتعزم تقول غير استريح حرٌم
    ***
    أبواتك جبير بيسدوا للعوجات
    ومطمورتك تكيل للخالة والعمات
    وفي الجود والكرم إيديك دوام بارزات
    ويا أب قلباً حديد في الحوبة ما بتنفات
    ***
    صدرك للصعاب دايماً بعرف العوم
    وفي وسط الفريق في الفارغة ما بتحوم
    لا تتلام ولا بتعرف تجيب اللوم
    تفخر بيك بنات البادية والخرطوم



                   |Articles |News |مقالات |بيانات

19-03-2012, 06:54 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: الفينا مشهودة

    كلمات الشاعر / محمد على ابوقطاطى
    لحن الموسيقار / برعي محمد دفع الله
    غناء الفنان / عبدالعزيز محمد داوؤد


    الفينا مشهودة عارفانا المكارم أنحنا بنقودا
    والحارة بنخوضا


    محمد علي ابوقطاطي من الشعراء المعروفين وله من القصيد الرصين
    ما يضعه بين صفوة الشعراء في السودان

    الفينا مشهودة
    اي نحن أهل السودان والحمد والمنة لله تركيبتنا أعجزت البشر ويشهد بها
    الداني والقاصي ويعرف ويعي تمام اننا اهل كرم ومكارم وحتى المكارم نفسها
    تعرف اننا نحن اهل السودان اهلها
    الفينا مشهودة وعارفانا المكارم ونحن بنقودا ( عمل خير )
    والحارة بنخوضا( في الحارة نضمنا كُتر )

    وهذا يذكرني بيت شعر
    يقول الشاعر فيه للمحدوح

    الحالاك تسوقو بي بي رزانة وروقا
    والعاداك حفر ليهو لي المخروقة

    اي نحن مع الزين زينين ووكت تحر وتجيب حقارة حفرنا لي العدو لي المحروقة

    الحالاك اي مع الزين حلو المعشر
    العاداك بتكتلو وتحفر لي وتفنو وحفر ماهلة عمقها يصل للمخروقة وهي اعلى الفخذ
    عظمة توجد اسفل البطن على الجنبين الايمن والايسر
                   |Articles |News |مقالات |بيانات

19-03-2012, 07:11 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: الزول بفتخر يباهي بالعندو
    نحن أسياد شهامة والكرم جندو
    ما في وسطنا واحداً ما انكرب زندو
    البعجز بيناتنا بنسندو
    الليلة بنخوضا


    كل زول بفتخر بي العندو في اهلو
    وكل فتاة بأباها معجبة وهذا حق الفخر مافيه شئ ان افتخر بأهل لكن دون ان اقلل من شأن الاخرين
    ولا حتى الاشارة لذلك بكلمة
    والعندنا نحن اهل السودان والله كتير وكتير شديد بس اخير نمسك في شديد وبعد التحولات الجديد التي دخلت علينا والسمح والزين هو الباقي ولنمسك ونعض عليه بالنواجز ودا ياهو دُخرينا والمدخور لا بترول لا ذهب بنفعنا نحن اهل السودان ويكفينا سمعتنا في الخارج السوداني دوماً برنجية
    وتعني كلمة برنجية انه حائز على الكأس ( في الفضل والمكارم وهذا برا كفى )

    البجينا بنكرمو وكرمنا دميرة والبنمشي لي بنكرمو بخلقنا
    ارجع لمعنى كلمة برنجي ( او برنجية )
    ومعناها باللغة التركية
    الأول
    واحد في اللغة التركية ( بير )
    والاول ( برنجي )
    اثنين في التركية ( إكي )
    والثاني ( إكنجي )

    ونحن اهل السودان معروفين اهل للشهامة والشهامة هو الميل مع الحق حيث مال
    وتقدم في الدفاع مع الحق وتقف معه مهما كلفك

    والكرم نحن جنوده نقدم عليه طائعين غير مجبورين

    نحن عامة السودانيين لاتجد بيننا ما خلقه غير ذلك
    انكرب زندو اي وقت الحارة بنقع في النار ولا نبالي
    وكل زول فينا بكرب زندو واتقدم .. الزند هو لحم الكتف
    اي : اي زول فينا وكت الحارة بشد ضراعو

    وحتى المتراخي ودا قليل بينا وكت يتباقص وينفدر بنسندو حتى يقف مع اهله
    وقت الحارة وندرجو
                   |Articles |News |مقالات |بيانات

19-03-2012, 07:18 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: لك التحية عزيزي خالد ولضيوفك الكرام وللاخ العزيز تبلدينا

    الذي افتقدناه كثيرا في المنبر والتحية للأخت وضاحة

    ماعدمناك يا احمد
    وياها الفيك مشهودة
    وانت المكارم بتقودا
    لك الشكر ويوم شكرك مايجي
    مودتي
                   |Articles |News |مقالات |بيانات

19-03-2012, 07:22 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    الفينا مشهودة

    بصوت عبدالعزيز داؤد


                   |Articles |News |مقالات |بيانات

19-03-2012, 07:25 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    الفينا مشهودة بصوت المجموعـــة


                   |Articles |News |مقالات |بيانات

19-03-2012, 07:44 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: ركابين عليهو الناصع أب غرة
    نتباشر وقت نلقى الكلام حرة
    ما بننفز يمين إن متنا فد مرة
    الخواف ما حر منو نتبرا
    الليلة بنخوضا


    الخيل .. مهر ولا فرس كان رمز للفارس
    الفارس اول ما يمتلكه الفرس

    يقول نحن راكبين علي الناصع ابـ غرة
    الناصع هو الفرس او المهرة ( الاصيل )
    ابـ غرة اي ماتعلو جبينه غرة وعادة تكون سوداء في الابيض منها
    وبيضاء في بقية الألوان
    وهذا هو الناصع ابـ غرة

    وقت الحارة وساعة الكوع يحر تنباشر ونجري للموت زوداً ودفاعاً عن ارضنا وعرضنا
    وما بنفر من الموت .. والموت قدر محتوم ونؤمن بذلك لذا بنثبت في ساحات الوغى والمحاص
    وحتى لو متنا كلنا

    الخواف بيننا لا مكان له ونتبرى منه
    قد يعيب البعض على الشاعر قول
    الخواف دا ماهو حر منو نتبرا

    الحر هو غير المملوك وليس الأسود
    وهو كذلك حر : اي خالص في خصاله
    وكل ذو مكارم وصفات طيبة هو حر
    ونحن في السودان ماعندنا حر وعبد .. ليس هناك انسان ملك لإنسان
    كلنا احرار
    ومسميات العبد للشخص الأسود هذا خطأ وعيب كبير وغلط
    وكانت عنجهية وجهوية فلننبذها
    ولما نجري خلف بنو الابيض وحتى لو دخلوا جحر ضب دخلنا خلفهم
    هم اعتبرو الاسود آلة مسخرة لخدمتهم وجلبوا إنسان افرييا ليخدمهم
    ودون مقابل واستعبدوه من غير وجه حق
    لما نفعل ذلك ونحن اهل دين وقيم
    منبوذ بيننا التسمية بهذا الفهم
    ولنعلم ان الحر بيننا هو سمح الخصال الصافي
    والصافي حر ..
    وهذا هو ماقصده الشاعر
    الخواف ماهو حر منو نتبرى
    ماقال الاسود لا يوجد بيننا
    قال الخواف ماحر

    استعجبت لما لاكها الفنان في المجموعة!!!!!!
    يقال هذا الحصان حر لو كان اصيل توجد فيه كل صفات المهر الجيدة
    وما سمعنا ان حصان اسود يمتلك كل الصفات الجيدة قالوا عنه غير حر


                   |Articles |News |مقالات |بيانات

20-03-2012, 06:34 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    الرحمة ورحمة الله واسعة ومغفرته اوسع
    لك الرحمة يا حميد
    أللهم اسكنه فسيح جناتك مع الصديقين والشهداء وحسن أولئك رفيقا
    أنت ولي ذلك والقادر عليه

    العزاء لكل الشعب السوداني لكل الكادحين عمال ومزارعين جمل حميد همهم
    تغنى باسمهم

    ومن الواسوق ابت تطلع
    ومن الأبرول ابت تطلع
    من المدفع طلع خاذوق
    خواذيق البلد كترت

    لك الرحمة يا انشدت لنوري
    نورة هي الشعب الكادح

    هي اقيفن نوري فيكن
    نور نقاحة الجروف
    نوري حلابة اللبيني
    للسغيرين والضيوف
    نوري ساعة يحر
    تنقلب نسمة وتطوف
    تدي للجيعان لقيمي
    وتدي للعطشان جغيمي
    وتكسي في الماسين عرايا
    وفوقا يتقطع هديمي

    نوري في الدونكا لدغت
    جا الفقير بالليل حواها

    تبكيك الجابرية الحزن إرثها يامن خلدتها حروف تنشد

    الجابرية تحي الشعب
    دايرين بوسطة ومدرسة اوسطى
    والشفخانة قصاد البوسطة

    تبيكيك النخيلة في الليل المهوووووول

    النخلة في الليل المهول
    وحِيدا في عو الرياح
    فارس يدارق في الرماح
    الجايا من كل إتجاه
    رُغم الجِراح
    شوف حالنا والزاد والسلاح
    راكز يصول
    لا أنّى لا حنى لي الجباه
    لاخان بصيرتو الإنتياه

    لك الرحمة والمغفرة
    تنوح ترثيك ست الدار بت أحمد ( ام التومات )
    زيني الزين
    أبـ حالاً زين

    نواحاتك ما بتنوم الليلي
    السرة بت عوض الكريم تبكيك دموعها فاصدا الخد

    وجات داخلّي
    زي مرقت غضب من جوف حليم
    في زمن صعب
    رمت السلام
    زي شنطة من كتف المسافر
    من التعب زي ردخا رب

    تبكيك كل كل نخلة في الشمال
    تبكيك كل زرة مكامدا في الصي البعيد
    تبكيك كل زبدة موجة في النيل العظيم
    تبكيك كل ابنوسة وباباية وبافرا مطبوخة للجاين بعد شقى يوم طويل
    يبكيك التبلدي والعطرون
    تبكيك التاكا وتوتيل والجروف في السواقي
    تبكيك كل دفرة سيل في الكربكان والعوتيب العاتي
    تبكيك ورش عطبرة والعمال رقد صوتهم واتوسد التقيلة تراب
    تبكيك كل قرى الوادي راقدة علة ضفة النيل القديم
    تبكيك بنية القراصة شايلا كراسا تستسق لي المدرسي
    يكيك كل الشعب وبدمع الشعب في قلوبنا خالد يا حميد
    وما مات من ترك
    تركت كبيرة وكبير فينا
    سوف تظل في قلوبنا ونحملك نسمة بادرة تداري اوجاعنا وألمنّا في الزمن الصعيب
    نعشك مشى والباقر ذكرك وذكرك مداد حرفك منقوش في العيون في القلوب جوة راقد بين طيات الحنايا
    لك الرحمة والمغفرة
    وإنا لله وإنا إليه راجعون


                   |Articles |News |مقالات |بيانات

20-03-2012, 06:40 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)



    السرة بت عوض الكريم
                   |Articles |News |مقالات |بيانات

20-03-2012, 07:01 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    موت المتلو نقصان للبلد في الجملة
    لسان ألمنا وحالنا هو البزيل الغُمّة
    خبر موتك فجع القلوب فجع وكيت عمّى
    رب يديك النعيم تتهنّا في وتنجما
    كُت ثابت في المبادي وتقود الحملة
    تبكيك البلود مابتفيق من هما
    حليل ست الدار وناس البلد من جمّا
    والتومات ينوحن نواح يسوي الزمّا
    حليل السرة موجعة مابتضوق ألما
    نوري وقع الخبر فتق القليب إندمّا
    يبكوك القريب وبعيد وخالة وعمة

    لك الرحمة
    نسأل الله ان يسكنك فسيح جناته

    إنا لله وإنا إليه راجعون
                   |Articles |News |مقالات |بيانات

20-03-2012, 07:29 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)



    يا الله
    ما أحلى الوطن
    حُلم السيح
    لآمن يكون إنساني
    زي صدر الرسول ماهل وهيط

    نقل اللقاء الأخير لحميد





                   |Articles |News |مقالات |بيانات

21-03-2012, 05:21 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة
                   |Articles |News |مقالات |بيانات

21-03-2012, 06:23 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: شدوا لك ركب ..فوق مهرك الجمٌاح


    نلاحظ ان الغالب الاعم من قصائد الحماسة والرثاء
    المهر يرد دوماً مو مهراً وبس بل العاصي .. الغليد .. ابـ غرة
    الجامح ..
    وهذا دليل قوة الفرس تدل على قوة مالكه
    لذا عندما وصف أمرء القيس فرسه ( وصفة بكل وصف جيد في الخيل )
    كميت يزل اللبد عن حال متنه
    كما زلت الصفواة بالمتنزلِ

    ضليع إذا استدبرته سد فرجه
    بضاف فويق الأرض ليس بأعزلِ

    شدولو الغليد ومتين
    شدوليك ركب فوق مهرك الجماح
    الفرس الجامح لا يركبه كل من هبًّ ودبَّ
    بدور لي فارساً يهجرو ويحكم مقوده للكر والفر معاً
    الكر وحده : ترمي نفسك في التهلكة
    الفر وحده جبن
    لكن الكر والفر في المعركة هو الدراية بفنون الحروب
    ان تعرف متى تكر ومتى تفر لتكر مرة اخرى وهكذا

    وهنا الشاعر يبين لنا ان الممدوح كان فارس وشدو لي وخرج راكب فوق مهر
    جامح وصعب الميراس


    Quote: ضرغام الرجال... الفارس الجحجاح

    بعدها بدأ يصف مميزات وصفات الراكب علي المهر الجامح
    ضرغام : اسد
    فارس مقدام جسور


    Quote: السم النقوع...للبدن نتٌاح


    وكما قلنا في السابق كان يوصف الرجل بكل ماهو ناجع فتاك مدمر
    يبين قوته
    ومن اجمل ما وجد من اوضاف
    قال ودبادي
    حامد عوج الطنضب النار مابتعدلو

    السم عندما يسري في الجسم .. قولو برا المسموم بكون بين نارين
    نار الحمى مسهرجا فوق بدنو ونار سرين السم في الجسد يحس كأن جسده كله ينتح
    ينتح اي يرتجف من شدة ألم ( ويحس النتحّا المسموم )



    Quote: تمساح الدميرة ..الما بكتلو سلاح


    في الدميرة ما بظهر إلا التمساح الكبير العشاري
    وقد كسب الاسم لانه بكون طويل ما يزيد من عشرة امتار
    وتمساح الدميرة يصعب حتى على صائدي التماسيح قتلة بي بديقة ولا بندق


    Quote: ياعصار المفازة ..للعيون كتٌاح

    العصار معروف وهو الريح القوي
    المفازة المكان الخلا .. القفار الذي لا تحميه مباني او نحوها من اشجار وجبال وغيرها
    مكان صحراء
    العجاج بكتح في العيون التقول موصى بس يقع في العين


    Quote: المال ما بيهٌم ...إن كتر وإن راح


    بعد كل تلك الاوصاف التي يقشعر البدن عند سماعها ( من هوشة لا من خوف )
    يقول الشاعر ان ممحدوحه فوق دا كلو راجل كريم ومابحسب للمال لو كان كتر ولا راح
    وما نقص مال من صدقة
    واكرام الضيوف في حد ذاته صدقة
    الكريم متصدق دوام وبدي وبضارّا ما لي شوفوني
                   |Articles |News |مقالات |بيانات

21-03-2012, 06:55 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: بطناً جابتك والله ما بتندم
    ويا أسد الكداد الفي خلاكَ رزم
    ويا رعد الخريف الفوق سماك دمدم
    بابك ما انقفل ونارك تجيب اللٌم
    ما بتعزم تقول غير استريح حرٌم


    ويستمر الشاعر في بيان محاسن الممدوح وفي كل مرة يبين بطريقة أو بأخرى
    بعض من خصاله بكناية بليغة

    قال لي : ماندمت امك على مولدك يعني بها دقر عينها وملئ فؤادها حب
    بجمل صفاته ماورثها وما اكتسبها من تربية سليمة
    بطناً جابتك والله ما بتندم
    حق والله في ولادة بس وجع بطن ( ابن عاق لوالديه ) دا عليك الله وجع بطن

    الكداد : موقع تكثر في الاسود ( اشجاره كثيفة )
    رزم : سمع زئيره في الخلا
    والخلاء المكان البعيد عن عمران وعادة تكثر فيه الحيوانات المفترسة
    اسد الكداد كناية عن قوته

    يا رعد الخريف .. الرعد بشرى بمطر المطر خير
    دمدم: اي دوت ( الرعد )
    والرعد المطر كناية عن كرمه
    يستمر يبرز كيف كان كرمه
    ويقول بابك ما انقفل .. فاتح مشرع مسارب الضي للضيوف
    وكما قلنا سابقاً قفل الباب وتربية الكلاب ( ابو الجرو ) كان يوضح وينم عن بخل اهل الدار
    الداير زول ما بقفل الباب
    نارك تجيب اللم
    اي نارو ديمة موقودة لطهي الطعام للضيوف
    واللم هم الجماعة من ضيوف وعابري سبيل

    وما بتحلف تقول غير استريح حرم
    وهذا هو طبع الممدوح من شدة كرمه حتى لو كان تعب ما بستريح قبل ان يكرم ضيوفه وفي كرمه لهم راحته
    مبتغاه
                   |Articles |News |مقالات |بيانات

21-03-2012, 07:40 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة
                   |Articles |News |مقالات |بيانات

21-03-2012, 07:53 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    هوي يا زول وضاحة دونها المقل

    ما تقول لي فجغ لطين او العجين

    العجين ال ............... اهلك
                   |Articles |News |مقالات |بيانات

21-03-2012, 08:09 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: الطيب شيقوق)

    وضااااااااااااااااااااااااااااااااااااااااااااااااحة ضوة القبيلة ومقنع الكاشفات

    ###### القنيض معاك يا ام عمرو
                   |Articles |News |مقالات |بيانات

22-03-2012, 04:14 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: الطيب شيقوق)

    Quote: هوي يا زول وضاحة دونها المقل

    ما تقول لي فجغ لطين او العجين

    العجين ال ............... اهلك


    وينن هن المقل
    فيك انت ولا في وضاحة

    لو وضاحة صدق ام لو فيك انت ديل قدود جلد مرق من يد ضباح مبشق

    تاني وضاحة تشمها قدحة توم عند الجيران

    الحرة كان كجرت مابترجع للمرعى لو سقوها زمزم

    اقعد كسر تلج لكن اخيتي السمتانة كلامها كُتر
    قول الروووووب
    قول
    الحال العلي حال العدو المسكين
    وحال الكتفو وسالين علي السكين
    وحال الفي البحر حايشنو تمساحين
    وحال الفي السجن ماقدرولو سنين

    هيييييييييييييييييع
    أنا
    اتمها واسكت افجخ في الطين

                   |Articles |News |مقالات |بيانات

22-03-2012, 05:42 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: ###### القنيض معاك يا ام عمرو


    هذا النوع من الكلاب ( الجرو لما يكبر لانو بكري عذبنا بالحذف الجبري ) يوجد في اليمن
    وهي كلاب لها صفات مميزة وتدرب على الصيد ولما تطلقو في القنيص مابجيك لا فاضي بجيب راس الصيد بجيبو

    يوجد هذا النوع من الكلاب في منطقة سلوق في اليمن
    لذلا تعرف بأسم ( الكب السلوقي )

    قال الخليل في قصيدة في الضواحي

    قوموا خلو الضيق في الجنايين
    شوفوا عز الصيد في العساين
    يلا نطرد نقنص نعاين
    النهار من حر الكماين
    ######ي ياجكجوم اصلو خاين
    شوفو كيف ببرا الملاين
    هبّا شالا وكشح المراح

    وهي دعوة لاهل المدن للتنزه في البادية حيث الهواء الطلق العليل
    البراح السمح الذي تهواه النفوس
    وكما هو معروف نزهة اهل المدن فقط في الجناين .. دعاهم للخروج للبادية والبادية تسع
    ماها ضيقة زي الجنايين منحشرين في فديدنات محدودة وتحت اشجار
    تعالوا للبادية تعالوا شوفوا منظر الصيد ( في العساين ) المناطق العالية شبه الهضاب
    الطريد والقنيص هي ( الصيد )
    ويصف ######ه جمجوم انه خائن في الصيد
    شوفوا كيف يبرى الملاين ( الملاين ) هي الجمع والمراح من الغزلان
    ###### الصيد لا يجري خلف القطيع عندما يطردهن بل يجري بمحازتها ثم كف يهجم ويقع بواحدة

    وعندما يصرع واحدة ترى الجمع من القطيع انكشح
    اي تفرق واندلق في الوادي زي لما تكشح من طست او نحوه

    الكلمات التي شطبها بكري دي ( ابو الجرو... جرقاس او بوبي كما نسميه )

    (عدل بواسطة خالد علي محجوب المنسي on 22-03-2012, 06:17 PM)

                   |Articles |News |مقالات |بيانات

22-03-2012, 06:37 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وضااااااااااااااااااااااااااااااااااااااااااااااااحة ضوة القبيلة ومقنع الكاشفات



    والله لو كسرت كل تلج السودان في رمضان

    مافي ليكا مافي ليكا العسسسسل دا

    وهي بتقول ليك

    الشايب دا الله بينو وبينو
    تطير الابرا وتقد ود عينو

    الشايب رسلتو لي الحمام
    الشايب دا لقاهو بارد ونام

    الشايب دا ايدو هباشا
    الشايب دا دقنو مقشاشة

    ههههههههههههههههه

    انا .................
    وهيييييييييع
                   |Articles |News |مقالات |بيانات

22-03-2012, 08:15 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: أبواتك جبير بيسدوا للعوجات



    يواصل الشاعر في مدح وذكر محاسن الممدوح وذكر محاسن ابائه واجداده
    قال ابواتك ويعني ابوك واجدادك صاعداً
    جبير : الجبارة هي رباط يستخدم في حالات الكسور في العظام
    الجبيرة عبارة عن قطعة من القماش ( لمنع الاحتكان بين اعواد جريد النخل وسطح الجلد )
    توضع من فوق قطعة القماش من اعلى بعد ان تلف جيداً اعواد الجريد بعد ان تبرئ بطريقة معينة
    وعادة تكون ستة اعواد وتثبت هذه الاعواد بشريط من القماش القوي ويحكم ربها حتى لا تتحرك
    وعادة يقوم بهذا العمل البصير ( والبصير شخص وهبة الله المعرفة لمثل هذه الامور ) علاج الفكك والورم والردوخ والكسور
    والشق في في العظم لكل علاجه الخاص به
    ومن مشاهير البصراء
    بت بتي في ام درمان عليها رحمة الله
    مسخرون ( نقادي في شندي ) عليه رحمة الله
    وفي حلتنا كان ابراهيم ود عبدالرحمن عليه رحمة الله
    يقول ان اهلك كانوا كالجبيرة وحكماء في حل كل عوج والعوج هو الخلاف
    كانوا اهل حل وربط
    وكلمتهم مسموعة بين الناس



    Quote: ومطمورتك تكيل للخالة والعمات


    المطمورة هي حفرة كبيرة تحفظ فيها الغلال بعد حصادها لحفظها من الرياح
    الامطار والشمس .. تغطى عادة )
    وقصد الشاعر هنا انه في وقت المحل انت بتوحود للخالة والعمة مما حفظت وقت
    الفائض


    Quote: وفي الجود والكرم إيديك دوام بارزات

    اي في الكرم انت معروف ويديك تناول ديمة

    Quote: ويا أب قلباً حديد في الحوبة ما بتنفات

    ابـ قلباً حديد اي قلبك ثابت ومابتخاف
    انت وقت الحرب والحوبة مافي زول بلحقك في صد العداء
                   |Articles |News |مقالات |بيانات

23-03-2012, 06:51 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    أللهم ارحمه واغفر له
    أللهم اسكنه فسيح جنانك العُلى مع الصديقين والشهداء وحسن أولئك رفيقا
    نقد والشرف والعفة والشجاعة
    صفات لازمته وكل الشعب السوداني يحترمه ويقدره عليه الرحمة
    نقد والمواقف المبدأ والثبات صفات اضافت حب الشعب معاير لا توصف
    نقد والروح السودانية السمحة والتواضع وحسن المعشر جعلته يعتلي قلوب الكادحين
    نقد روح الثورة والمحارب الذي لم يلن جعلته في موضع احترام وتقدير الكل

    لك الرحمة يا نقد
    عاش للسودان يحمله في منفاه الذي يختار وفي اسره عندما يحشر بقوة وبطش خصومه
    لم ينحني ولم يفارق الدرب الذي خطه لنفسه من الصغر
    لم يكن همه ان يجلس في كرسي
    بل كان همه السودان اولاً واخيرا
    لك الرحمة يا نقد

    وإنا لله وإنا إليه راجعون
                   |Articles |News |مقالات |بيانات

23-03-2012, 02:45 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    ما ولعتَّ ناراً وانتو تقعوا فيها
    شن دايرين براي وأنا ناري مدفيها
    أحلف يمين دي الحلة متقفيها
    باكر من صباحي قبال يحس الفيها

    ولحين ميسرة بنرجع
                   |Articles |News |مقالات |بيانات

23-03-2012, 10:09 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: عينيك ياالصقر في الحارة مابتنوم

    الصفر معروف بقوة النظر ومن أعلى ( وهو في الجو )
    اي وقت الحارة والواجب انت مابتنوم ولا بتغمد ليك عين لو ما انقضى الامر


    Quote: صدرك للصعاب دايماً بعرف العوم


    المعنى القريب
    انه في الصعاب ( عندما يقع الانسان في الشيمة في البحر وهي صعبة شديد وبتأكل حتى الذي يجيد العوم والسباحة
    والشئ الوحيد لتفادي الشيمة هو ان توقف العوم بالاطراف وتزحف مبتعداً عنها سابح بالصدر .. وان لا تقامها تنزل معها كاتم نفسك وتخرج معها وتزحف مبتعداً منها بصرك )
    والمعنى البعيد وهو المراد انه الممدوح مابتقيف امامه مشكلة وإلا كان عنده الحل لها ويحل كربة من قصده في مشاكلهم الصعبة




    Quote: وفي وسط الفريق في الفارغة ما بتحوم

    وفي الحي مابتمشي في الفارغة ومقدودة
    وقتك للواجب


    Quote: لا تتلام ولا بتعرف تجيب اللوم


    ماسمعنا بي زول بلومك .. وانت ما بتسوي البجيب اللوم


    تفخر بيك بنات البادية والخرطوم
                   |Articles |News |مقالات |بيانات

24-03-2012, 06:06 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: خالد علي محجوب المنسي


    تاني وضاحة تشمها قدحة توم عند الجيران

    الحرة كان كجرت مابترجع للمرعى لو سقوها زمزم


    قول ليه

    أنت فاكر تاني أرجع لك واحاسبك
    لا يا ناكر دربي أصبح ما هو دربك
    كنت تحلم بالسعادة في كلمة مودة
    وهي غير ما إنت فاكر
    وهي في نبضة مشاعر
    في القلوب الما بترد أي طارق أي زائر
    شايلة هم الدنيا زاده ومالية كل الكون بشاير
    إجتمعنا علي المحبة في ثواني
    في طريق مفروشة بي حبي وحناني
    وافترقنا كل واحد في طريقه

    قلبي مفتوح للأحبة
    للجمال الأشجى روحي
    في شعوري سحره شبه
    ورسالة فني سامي
    تدعو للخير والمحبة
    إلا قلبك يا حبيبي
    لسه ما أدرك وشبه

    (عدل بواسطة وضاحة on 24-03-2012, 06:09 PM)
    (عدل بواسطة وضاحة on 24-03-2012, 06:14 PM)

                   |Articles |News |مقالات |بيانات

24-03-2012, 06:35 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: قلبي مفتوح للأحبة
    للجمال الأشجى روحي
    في شعوري سحره شبه
    ورسالة فني سامي
    تدعو للخير والمحبة
    إلا قلبك يا حبيبي
    لسه ما أدرك وشبه


    لك يا ذات القلب الطيب
    ماعارف ايه اقول

    لكن حقيقة قلبك مفتوح لي الاحبة
    تجردك لكلمة صديق نعرفه جيداً

    لك المودة
                   |Articles |News |مقالات |بيانات

25-03-2012, 05:03 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    كباس درايز ام حبر
    يا دابي الجبال
    قلبك صميم من حجر
    يا دود الوعر

    زينب تجر النم
    فوق تور العيال
    فارساً بكرف الدم
    يا دابي الجبال
    قلبك صميم من حجر
    يا دود الوعر

    في محكر بواش
    حاشهو ما بينزم
    صاتور الرجال
    جرعة عقود السم
    يا دابي الجبال
    قلبك صميم من حجر
    يا دود الوعر

    زينب تجر القول
    فوق شلبي العيال
    الوافر الشمبول
    يا دابي الجبال
    قلبك صميم من حجر
    يا دود الوعر

    الوافر الشمبول
    ياجبل الداير
    الما بينطلع لي زول
    قلبك صميم من حجر
    يا دود الوعر

    غنيت بغباش
    يا مطر السواري
    الهاب هبوب رشاش
    يا دابي الجبال
    قلبك صميم من حجر
    يا دود الوعر

    يا قصبت الفراش
    اللي الضلع قصاص
    سد دين قبيل ,
    قبل الناس تعرف الناس
    يا دابي الجبال
    قلبك صميم من حجر
    يا دود الوعر

    (عدل بواسطة خالد علي محجوب المنسي on 25-03-2012, 05:16 PM)
    (عدل بواسطة خالد علي محجوب المنسي on 25-03-2012, 06:00 PM)
    (عدل بواسطة خالد علي محجوب المنسي on 25-03-2012, 06:26 PM)

                   |Articles |News |مقالات |بيانات

25-03-2012, 06:01 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
                   |Articles |News |مقالات |بيانات

25-03-2012, 06:17 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    يا سلام يا وضاحة والله بفتش علي الاغنية
    ماخليت




                   |Articles |News |مقالات |بيانات

25-03-2012, 06:31 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    الشووووووووووووووووم احسن ليك تختا درب البنية دي

    ويا بنية احسن ليك تختي درب الزول دا

    انا حالف بام عبد الله اكان ما فكيتوا الدرب دا سكيني دي وعكازي المضبب بجيب خبر واحد فيكم
                   |Articles |News |مقالات |بيانات

25-03-2012, 06:42 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: الطيب شيقوق)

    Quote: كباس درايز ام حبر
    يا دابي الجبال
    قلبك صميم من حجر
    يا دود الوعر


    الكباس هو الذي يقوم هجعة ليل ليكرم ضيوف ويكون سيره بسرعة حتى يلحق
    وقيل كباس
    لانو بكون في عيونو عقاب نومويلتمس لقدميه الموضعا
    عشان كدي لو جيت تفتش في شئ بالليل يقال لك بتكابس في شنو

    دريزنة هي الاطناشر من كل شئ ( ويقال دستة )
    الحبر هي الحبار وهنا تعني بها كل ما يمكن ذبحه لاكرام ضيف
    حقيقة هنا لم يسعفني الحظ لمعرفة المعنى بالضبط لكن هذا فهمي لها
    وقد تكون زرايب ام حبر

    والله اعلم

    القلب الصميم هو القلب القوي وثابت ( لذا شبهته ان قلبه في كالحجر قوة وصم)

    والدود هنا تعني به الاسد
    والوعر المكان الوعر الموحش
                   |Articles |News |مقالات |بيانات

25-03-2012, 07:00 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    الشووووووووووووووووم احسن ليك تختا درب البنية دي

    ويا بنية احسن ليك تختي درب الزول دا

    انا حالف بام عبد الله اكان ما فكيتوا الدرب
    دا سكيني دي وعكازي المضبب بجيب خبر واحد في
    ==========================================

    في ذات مرة والممرات كثيرة يا شيقوق
    إتناقرو ودابرق والزرزور
    كل واحد عاوز اعرس ام قيردون

    فعرض القدال ( نوع من الطيور ) حال كل منهما لام قيردون

    ام قيردون الحاجة
    والليلة قالوا زواجا
    الدنيا هاجا وماجا
    عجمي عربي خواجة
    ام قيردون يا ام قيردون
    الليلة يومك ورينا فيهو فنون
    انتِ الجمال والدلال مكنون
    ريشك نعام في المسك معطون

    أهو الزرزور بي مال قرون
    لكنو عجوز كلو دقون
    ودأبرق مفلس مديون

    فردت ام قيردون وقالت

    مابين اتنين شباب ومال
    أميل يمين أميل شمال
    لكن
    كلام جميل كلام عُقال
    قالوا الشباب بجيب المال

    ومن هنا يا شيقوق بنقول ليك
    وين وين تلقوا زي دا
    ودأبرف مفلس والله أدا
    والزرزور كرشو برا

    فلم باق كرامتك زح بعيد لا يحرجوك
    والعجوز شن داير يكوس
    بس يعاين ويشبع مغوص

    (عدل بواسطة خالد علي محجوب المنسي on 26-03-2012, 07:04 PM)

                   |Articles |News |مقالات |بيانات

25-03-2012, 07:18 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: زينب تجر النم
    فوق تور العيال
    فارساً بكرف الدم
    يا دابي الجبال
    قلبك صميم من حجر
    يا دود الوعر



    زينب هو اسم الشاعرة
    تجر النم اي تقول الشعر مدحاً فيك

    التور بطبيعة الحال بكون اكبر حجماً من بقية القطيع
    التور العامية السودانية تطلق على ذكر القطيع من الأبقار او من الغزلان
    كما قال الخليل

    يا الطبيعة الواديك ساكن
    ومافي متلك قط في الاماكن
    يا جمال النال في ثراكن
    وياحلات البرعن اراكن
    بي قفاهن تور قرنو ماكن
    لا غشن لا شافن مساكن
    في الخزام والشيح والبراح

    وتور العيال تقصد بها انه كان اكبر منهم حجماً
    ويفوق اندادو قوة ومنعة
    فارساً يكرف الدم
    وهذا فعل الكثير من الحيوانات مثال :
    الثور الهايج
    وكذلك الحيتان ( القرش مثلا )
    عندما تشم الدم تزيد هياج
    فشبهته بلك الحيوات انه عندما يشم ( يكرف ) الدم بزيد
    في هياجه وقوته

    (عدل بواسطة خالد علي محجوب المنسي on 25-03-2012, 07:46 PM)

                   |Articles |News |مقالات |بيانات

25-03-2012, 07:44 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: فلم باق كرامتك زح بعيد لا يحرجوك
    والعجوز شن داير يكوس
    بس يعاين ويشبع مغوص


    هههههههههههههههههههههههههههههههههها

    ود المنسي يا المافى منك

    والله شدة ما ضحكت لما شرقت بالشاى

    الله يخليك لى يا مك

    بالله بى قرجتك دى ادى الباب دا تكية ما يجى الكليب دا خاشى انجمامتنا الحلوة دى


    وإن جاك ادى فريد طقة علشان يطير تانى ما يجينا تانى

                   |Articles |News |مقالات |بيانات

25-03-2012, 08:11 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: في محكر بواش
    حاشهو ما بينزم
    صاتور الرجال
    جرعة عقود السم
    يا دابي الجبال
    قلبك صميم من حجر
    يا دود الوعر


    محكر مجلس ( تحكّر ) اي جلس القرفصاء
    محكر بواش
    قد تكون تعني بها البوش اي الوليمة
    وقد تكون تقصد بها محكر شخص له مجلسه الخاص اسمه بواش
    وانا ارجح انها تقصد مجلس الانجليز
    حاشاهو ما بنزم اي مافي زول بقدر يزمّو ويقهمو

    الصاطور ( الساطور ) هو شبه السيف لكنه قصير
    فهو زي الساطور الماضي السنين لرقاب الرجال ( قطع كف )

    الجرعة هي مقدار من سائل دواء او غيره
    لكن هنا تقول ان الممدوح للرجال زي جرعة عقود السم
    العقود هي النشا
    ماء بالطحين ( يطبخ ) مع بعض الاضافات
    وتطبخ للمرأة عند الولادة
                   |Articles |News |مقالات |بيانات

25-03-2012, 07:57 PM

أبوبكر أبوالقاسم
<aأبوبكر أبوالقاسم
تاريخ التسجيل: 27-11-2007
مجموع المشاركات: 2716

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    سلامــــى للجميع

    Quote:
    تصف ان الجنزير فيه كان باهي ولائق
    ويشبة هيكل سلسل منظوم بعناية


    تعرفت قبل مدة على مهنى مجيد لمهنته وهى صناعة العصارات البلدية فى المنطقة الصناعية الخرطوم ... وكان ساخراً لدرجة بعيدة ... اسمه (بدوى الطاهر بدوى) ... ومكانه يقع فى الركن المقابل لإمدادات الطبية (خلفها) ... كان عنده ولد اسمه (الطاهر)
    فحكى إنو يوم أستاذ سأل ولده عن إسمه ... فقال ليهو:
    الطاهر بدوى االطاهر بدوى) ..
    فردّ عليهو الأستاذ قائلا : جنزير يعنى !!!!

    Quote:
    Quote: صدرك للصعاب دايماً بعرف العوم


    دى طبعاً ناس البردانة ما بعرفوها.... بعرفوها ناس البحر

    عوم الصـــدر هو أصعب أنواع العوم ... وهو مقياس لإجادة العوم ... فالعوم العادى يكون بتناسق إخراج اليد اليمنى وضرب الرجل اليسرى فى ذات الوقت ... وكذلك اليد اليسرى مع الرجل اليمنى ...

    عوم الصدر ليس فيه إخراج لليدين حيث تقوم اليدين سوياً بإزاحة الماء للخلف بالتزامن مع ضرب الرجلين سوياً ... ولا بد من قوة اليدين والرجلين مع سِعة الصدر ... فكذلك المعارك تحتاج لمثل هذه القوة وطول النفس (الثبات).... لهذا جاء الدعاء
    فى الآية ( رَبَّنَا أَفْرِغْ عَلَيْنَا صَبْرًا وَثَبِّتْ أَقْدَامَنَا وَانصُرْنَا عَلَى الْقَوْم الكافرين)

    لا يفوتنى الترحم على محمد الحسن سالم حميد ونقد ... فلهما الرحمة والمغفرة وتقبلهما الله بقبول حسن.
                   |Articles |News |مقالات |بيانات

25-03-2012, 08:53 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: أبوبكر أبوالقاسم)

    Quote: زينب تجر القول
    فوق شلبي العيال
    الوافر الشمبول
    يا دابي الجبال
    قلبك صميم من حجر
    يا دود الوعر

    الوافر الشمبول
    ياجبل الداير
    الما بينطلع لي زول
    قلبك صميم من حجر
    يا دود الوعر


    زينب تقول الشعر مدحا فيك
    يا شلبي العيال اي يا افضلهم
    يا الثابت زي جبل الداير الما بنطلع
                   |Articles |News |مقالات |بيانات

25-03-2012, 09:00 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وإن جاك ادى فريد طقة علشان يطير تانى ما يجينا تانى


    هو فضلت فوقو روح يا وضاحة
    بقى يترجف زي عنقريب العدة القديم
                   |Articles |News |مقالات |بيانات

25-03-2012, 09:27 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    ابوالقاسم حبابك ياجافي
    بقت كعب بالحيل وغيابك كتر
    اي والله ناس البردانة مابعرفو جنس النضمي دا
    وعوم الرجال دفير
    وفي هذا قال الشاعر محمد بادي العكودابي
    وهو ذاك الطبيب الجميل يداوي الجسد والروح شعرا

    هوى يا وليد ...
    حصل شارفت دغشا بدرى
    فوق حجرة مخانق النيل
    فى سنة تساب
    حزم القيف وطفح الكيل
    وشوفتا الهيبة فوق اسيادا
    والشخرى البكتل الحيل
    وشفتا الجارى يحفر فى صدر كوكبنا
    بس داير يشقو عديل
    بصدرو متحزم
    ومتلقف صفوف فى صفوف
    يحاكى الخيل
    ومويتو الهايجة تبلع جب
    وتجقم فى مدالق السيل
    وفوق الرملة منشري العشارى طويل
    معشعش بين نوايبو الطير
    وحليلو جزايرو جاها النيل
    وحالف ما يخلى فيها شبير
    حزم اطرافه يكسر فيها
    بالهدام وينحر فيها بالقرقير
    وبكرة يموصها يشرب طينها
    يزرع فيها شلالات هدير وهدير

    وتكسح مركب النواتى عايمى
    على قرون الموج جناحها كسير
    رواسيها مالى اصابعوا فى المجداف
    يقوم لافوق
    ويجى من تانى فوق الدفة
    رافع ايدو
    ينده فى جملة الصلاح واهل الخير
    هناك الموت يمين شافوهو شوف العين
    مافى شفيع ومافى مجير
    تقول الزول يعرف اجلو
    ومكان موتو
    لولا إنو ما كشفو الإله لى غير
    عاد ما دام رقاب الموج تمد لسناتا
    فوق للحيف تكب الصير
    وشن فضل بلا الغرق البدون ناعى
    وفعلا كانوا يا هو مصير
    ومشت المركب الغرقان بين موجتين
    وطفروا منها النواتا
    قلب اللُجة قالوا اخير
    تماسيحاً يقالدوا الموج يصارعوا
    عتاوة العرق الكتالو مرير
    ساعة يعمو بالضرعات
    وساعة بس دفير
    صدورن ضُمة ماتبلت
    ولو قطير
    ديل يا وليد ولاد النيل
    رضو الهيجة من صدروا
    ومن الطيبة رضعوا كتير

    الواحد فعايلو كتر ونضمو دقاق
    نهرتوا تسوى الفاق ومر لا ضاقوه لا بنضاق

    (عدل بواسطة خالد علي محجوب المنسي on 25-03-2012, 09:40 PM)

                   |Articles |News |مقالات |بيانات

25-03-2012, 09:49 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة من الله بنرجع لو مدَّ الله في العمر
                   |Articles |News |مقالات |بيانات

26-03-2012, 06:08 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    رمية اغنية زينب تجر النم

    الرمية من شعر الشاغر
    إبراهيم ود أبـ شوارب

    وهذه الابيات لها قصة

    أبيات الرمية

    إبراهيم ثبات عقلي المقوي يقيني
    أهلي إترحلّو وكترت لهاله ديني
    ديل سبعين مضن عُقب جيتك تديني
    حلحلها الديون لمن تفتح عيني

    وخرتّو إمتثال صاحبي المتم كيفي
    إبراهيم ثبات عقلي ودرقتي وسيفي
    مطمورة غلاي مؤنة خريفي وصيفي
    سترة حالي في نسايا وجنايا وضيفي


    كان إبراهيم ود أبـ شوارب نظم قصيدتيني ذكر فيها ناس كان لهم دور
    في الحياة ولهم صفات امتازوا بها من شجاعة وكرم وقضائل حميدة
    وسقط في تلك الاشعار ان يذكر اهم الناس وهو
    إبراهيم صديقه العزيز
    وكان إبراهيم هذا يعرف باسم قلاب البضائع .. وايضاً له اسم اخر وصف به
    لكرمه وحبه للضيوف ( عرف بــ عوج الدرب )
    كان يحني مسار الناس حتى يمروا ببيته ويكرمهم

    وعندما ذكروا لقلاب البضائع ان ابـ شوارب لم يذكرك في صصيدته المدح فيها جل الناس
    سمع ابـ شوارب وحبَّ يطيب من خاطره فنظم فيه تلك الابيات وانه أخره عن قصد ليفرد له
    هذه الابيات ... وهذا قمة الادب والحب الصادق للصديق والاخ
    ان تطيب خاطره عندما تتلوم في .. واللوم بجي بالغفلات
                   |Articles |News |مقالات |بيانات

26-03-2012, 06:25 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غنيت بغباش
    يا مطر السواري
    الهاب هبوب رشاش
    يا دابي الجبال
    قلبك صميم من حجر
    يا دود الوعر

    يا قصب الفراش
    اللي الضلع قصاص
    سد دين قبيل ,
    قبل الناس تعرف الناس
    يا دابي الجبال
    قلبك صميم من حجر
    يا دود الوعر


    تشبهه بمطر السواري في كرمة
    وماشاء الله مطر السواري غزير
    ومطر السواري
    يسمي اهل السودان كل مطر حسب وقت نزولها وتاريخها في فصل الخريف باسم
    ومنها مطر السواري
    وعادة بتكون معها هبوب وزيفة وتصب بالليل

    وكما للمطر اسماء للبروق اسماء ومنها
    القبلي .. برق السماك
    وغيرها

    دابي الجبال : هو الثعبان هنا لكن عادة ثعبان الجبال سام وفتاك

    قصب الفراش
    تعني بها انه اي زي الحصير في العنقريب لا يريح في الرقاد
    بصبح الزول ضلعه مقصقصة من الألم

    سيد دينن قبيل
    قبل الناس تعرف الناس
    اي انه له الحق عند الناس لكن ما بسأل عنه
    قبل الناس ماتعرف الفضل وتعمل في خلق الله

                   |Articles |News |مقالات |بيانات

26-03-2012, 06:48 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: هوى يا وليد ...
    حصل شارفت دغشا بدرى
    فوق حجرة مخانق النيل
    فى سنة تساب
    حزم القيف وطفح الكيل
    وشوفتا الهيبة فوق اسيادا
    والشخرى البكتل الحيل


    شارف ( إتشرف ) عندما يمد عنقه ليرى شئ
    مدة الرقبة بتكون بطريقة محددة
    فيقال له بتشرف مالك

    وشارف اي قرب واقترب من مكان ( معين )
    شارف البحر اي مشى قربه واقترب منه ودنى

    الدغش : هو الصباح الباكر

    حجرة النيل : هي المكان العميق منه ( وهنا يقصد حصل وصلت وشارفت لذاك المكان العميق )
    مخانق النيل : المكان الذي يضيق فيه النيل وهنا بتكون الامواج قوية وبتشيل زولا تف
    وهنا يغلب البحر عوامو ( اي المتمرس علي العوم )

    وشفت الهيبة في جنيات رضعوا من صدر النيل
    الشخر : هو شخري جريان النيل عندما تتلاطم امواجه
    يكتل الحيل : يكتل الحيل اي يتعب عوامه من عتاوة الامواج
    وقد يكون بقصد بها تكتل الحيل من الخوف
    يقول ليك والله خاف لما حيلو مات
                   |Articles |News |مقالات |بيانات

26-03-2012, 07:18 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لك يا وضاحة حنين بقدر حنين تلك الاوتار
    شوقنا ليك يا شمس المشارق
    ومحل رهيفة تنقد
    جيب سكينك وتعال يا السجمان

    أنا الما بتبن الجارات واخون الحرة
    وماني دغور بيوت بعقب وأحل الصرة
    باذل ضراعي للفارس العنود ومشرة
    وجنبي عُكازي للقاصدني قاعد برا

    هييييييييييييييييييييييع
    امرق لي برا تعال



                   |Articles |News |مقالات |بيانات

27-03-2012, 05:50 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وشفتا الجارى يحفر فى صدر كوكبنا
    بس داير يشقو عديل
    بصدرو متحزم
    ومتلقف صفوف فى صفوف
    يحاكى الخيل
    ومويتو الهايجة تبلع جب
    وتجقم فى مدالق السيل
    وفوق الرملة منشري العشارى طويل
    معشعش بين نوايبو الطير
    وحليلو جزايرو جاها النيل
    وحالف ما يخلى فيها شبير
    حزم اطرافه يكسر فيها
    بالهدام وينحر فيها بالقرقير
    وبكرة يموصها يشرب طينها
    يزرع فيها شلالات هدير وهدير


    الجاري يحفر في صدر كوكبنا
    يقصد بها النيل العظيم .. هناك عشق عجيب بين السوداني وهذا النيل العظيم
    على ضفافه هواهم من مياهه سقاهم
    من الزرع والضرع ملجأهم وملاذهم ولا بديل
    البركة فيه وفي معتقادتهم قديما العريس والعروس لما زارو البحر بشهارو
    في قاعه بروتينهم ( اسماك )
    منافع النيل لا تعد ولا تحصر

    بصدرو متحزم
    ومتلقف صفوف فى صفوف
    يحاكى الخيل

    ويقصد هنا ايضا النيل
    وكيف جريانه متحزم ومتلزم ويحاكي في سيره وجريان
    الخيل بخطوات منتظمة حركة وصوتا

    ومويتو الهايجة تبلع جب
    وتجقم فى مدالق السيل

    البحر قالوا بشيل عوامو
    والبحر قدار لا يؤمن

    الشيمة وتحدثنا عنها من قبل
    وعادة تكون الشيمة في الاماكن العميقة
    وهذا العمق ينشأ من فعل البشر والطبيعة احيانا
    بفعل البشر
    مكان السواقي والكمائن بكون عميق ( اقصد الكمائن القديمة لما تغمر مياه
    النيل مكانها .. هو اساساً مكان حفر )
    الساقية او مكان الساقية القديم بكون بفعل غرف الماء ونزول ال########يس هذا الفعل تنشأ منه حفرة
    وبفعل الطبيعة المناطق التي يصب فيها السيل
    السيل لما ينحدر يكون انحداره بقوة يسبب حفر وعمق في مكان المصب
    مدالق السيل : دلق الشئ اي كبه ( ودفقه بالعامية ) كشحه
    مدالق السيل اي المكان تنكشح فيه مياه السيل

    وفوق الرملة منشري العشارى طويل
    معشعش بين نوايبو الطير
    وحليلو جزايرو جاها النيل
    وحالف ما يخلى فيها شبير
    العشاري : هو التمساح ويطلق هذا الاسم على التمساح الكبير الذي يزيد
    عن عشرة امتار
    تمساح طويل منشر في الرمل قرب القيف ( الشاطئ )
    في زمن التساب والفيضان بتملي مجرى النهر ويغطي كل الجزر الصغير التي تتكون
    في زمن المحل قبل الفيضان .. وهذه الجزر كان التمساح يقضي فيها وقت راحته
    .. وفي زمن الفيضان ماعندو غير القيف وعادة القيف طرف النهر يكون رملي

    معشعش في نوايبو الطير اي كأن الطير يسكن في انيابه
    وهذا النوع من الطيور معروف وهو صديق التمساح ( بعلاقة المنفعة )
    وبارك الله في من نفع واستنفع
    ينظف للتمساح انيابه من بقاية الاكل
    وفي نفس الوقت يقتات هو من هذا الفتات

    القرقير : يقرقر الشئ اي يحفره ويحدث فيه حفرة
    وهذا فعل النيل مع الجزر عندما يتعبئ المجرى بالمياة ويزيد حجم المياه على
    النيل مافي بديل غير يقرقر حواف الجزر حتى يفضي مازاد من مياه فيها
    ويكسر برا المجرى ليغطي ما تيسر له خارج المجرى ( المساحة قرب الشاطئ
    وهذه تعرف بالجروف وهي مناطق حصبة بفعل تغطية مياه النيل كل سنة
    وبعد ان تنحسر مياه النيل يبقى فيها الطمي وهذا ما يخصب تلك الاراضي









                   |Articles |News |مقالات |بيانات

27-03-2012, 06:24 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    [
    Quote: B]وتكسح مركب النواتى عايمى
    على قرون الموج جناحها كسير


    تكسح : اي تسير وتمشي
    وهي كلمة عامية
    كسح اي مشى
    ويستمر ودبادي يصف في الحال للبحر وقدره وللعرفوا البحر
    هنا صورة جمالية ولوحة بديعة يصور لنا فيها .. في زمن فيضان
    كيف حال تلك المركب
    والنواتي : هو من يمسك بالدفة ويوجه المركب
    ويقال له ايضاً الرواسي
    اي الريس .. وقائد المركب وموجهها
    عايمي : طافية على سطح البحر
    قرون الموج : الموجة في سيرها تكون مرتفعة تدفع التي امامها بقوة مستمدة
    الله الذي هيأ لها ان يكون المجرى منحدر في اتجاه معين
    وشكل الأمواج مرتفعة عن سطح البحر فعلاً يشبه قرون الحيوانات
    لكن كيف كان سير تلك المركب
    كانت تسير مقاومة الامواج العاتية كفعل الطير كسير الجناح



    Quote: رواسيها مالى اصابعوا فى المجداف
    يقوم لافوق
    ويجى من تانى فوق الدفة


    الرواسي كما قلنا هو قائد المركب
    مالي اصابعوا في المجداف
    المجداف هو عودي التجيف ( تساعد في سير المركب )
    الرواسي كان يقاوم فعل الامواج العاتية وسرعة جريان النهر
    ويقاوم بقوة في المجداف حتى تفلت منه المركب ويلفحها التيار
    وعادة الرواسي في الاوقات العادية يكون تجديفه وهو جالس
    لكن في هذا اليوم ومع قوة الامواج وسرعة الجريان
    تغير حال تجديفه يقوم لي فوق ويجي من تاني في الدفة يوجه قبلتها
    وانا بكتب بتخيل في ذاك المنظر وكأنه انامي اراه الآن






    Quote: رافع ايدو
    ينده فى جملة الصلاح واهل الخير


    لما الحال استحال معه
    رفع يديه ينده ويدعو ( النجاة )
    من يدعو جملة الصلاح واهل الخير ويعني بهم الفقرا والصالحين
    وكان الاحرى به ان يدعو رب الصالحين ( الله تعالى )


    Quote: هناك الموت يمين شافوهو شوف العين
    مافى شفيع ومافى مجير
    تقول الزول يعرف اجلو
    ومكان موتو
    لولا إنو ما كشفو الإله لى غير


    هناك ... اين؟ في البحر وقت الفيضان يقصد
    الزول بشوف الموت عديل
    في وسط الموية البمرقك منو ؟ والبجازف عشان يدخل يلحقك منو ؟
    مافي من يشفع لك ولا من يجيرك اي يعاونك

    هناك تقول الزول يعرف أجلو ووقت موتو
    لكن الأجل ما كشفو الله لاحد
    تشوف الموت وتنجا تكون طيب وشديد كف تضربك سيارة
    أجلك ومكان موتك ( قدر محتوم )


    Quote: عاد ما دام رقاب الموج تمد لسناتا
    فوق للحيف تكب الصير
    وشن فضل بلا الغرق البدون ناعى
    وفعلا كانوا يا هو مصير


    هنا وصف ودبادي الامواج تتعالى وتنزل زي رقبة ( العنق )
    تمتد لسانها مشبه لها ( الامواج ) كأنها حيات ( ثعابين )
    الحيف : اي حافة المركب
    تتطاير المياه داخل المركب ولو إمتلأت المركب وثقل وزنها وياهو الغرق

    البدون ناعي : اي لا احد ينعيك وقتها
    وفعلا هذا كان مصير تلك المركب كسيرة الجناح في نهاية الامر
    إمتلأت بالماء
                   |Articles |News |مقالات |بيانات

27-03-2012, 07:02 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: ومشت المركب الغرقان بين موجتين

    وسارت المركب بعد إتمسحت بالماء وإتملت لي عينا
    سارت بين موجتين ( ونازلة لي تحت لقاع النهر )


    Quote: وطفروا منها النواتا
    قلب اللُجة قالوا اخير


    ما كان هناك مفر . البفضل ويبقى في المركب ياهو الغرقان معاها لا محال ...
    مافي غير تلاقي اجلك لو كنت لا تعرف العوم او تنزل البحر افضل ليك لو كنت تجيد
    العوم ( علَّ النجاة تبقى )
    فعلاً هذا كان ما اقدم عليه النواتا لما شافوا مركبهم تغرق
    وكان لسان حالهم يقول
    قلب اللُجة اخير من البقاء لعل في اللُجة نقدر ان نقاوم وتكون النجاة
    وفعلاً طفروا من المركب


    Quote: تماسيحاً يقالدوا الموج
    يصارعوا عتاوة العرق الكتالو مرير
    ساعة يعمو بالضرعات
    وساعة بس دفير
    صدورن ضُمة ماتبلت
    ولو قطير


    كانوا في عومهم زي التمسايح ( والتمساح وليد الموية )
    وبدأ صراعهم عوم مع قوة التيار وشدة جريان الماء وعتاوة الامواج
    ومقاومة التيار ( يعرف بأسم العرق ) كانت مريرة وصعبة حتى للذي يجيد العوم

    فكان عومهم مرة بالضرعات
    ومرة دفير اي يترك جسده للتيار ( العرق ) ويكون طافي ولو حسَّ الغرق يحرك ارجله وضرعاته مرة اخرى

    صدورن ضُمّة ماإتبلت
    الزول العوام بعوم وصدروا لا تبلله الماء
    ولا حتى قطرات قليلة


    Quote: ديل يا وليد ولاد النيل
    رضو الهيجة من صدروا
    ومن الطيبة رضعوا كتير
    الواحد فعايلو كتر ونضمو دقاق

    نهرتوا تسوى الفاق ومر لا ضاقوه لا بنضاق

    أنت قايلهم شنو وليدات بندر ديل يا وليد ولاد النيل منذ ولادتهم ياهو نيلهم
    فيه ملعبهم
    وعاركو النيل في كل سكناته وهيجانه وهم اطفال .. صبيان .. كبار
    ورضعوا اليبة من صدر النيل الطيب

    ايوا طيبين لكن ساعة الجد الواحد فيهم مابتعرفو
    فعايلو كُتر .. كُتر اي لا تتوقعها ولا تعرفها عنه يكون طيب شديد
    لكن كان زعل ( صعب )
    ما بكتر الكلام ( نضمو دُقاق .. شوية )
    والسواي اصلو ماحداث
    ونهرتو اي عندما ينتر صائح
    صوته يجيب للزول الفاق ( ابوالشهيق
    ومر اصلو ما بنضاق ( لا تستطيع تذوقه .. مر في تلك اللحظات )
                   |Articles |News |مقالات |بيانات

27-03-2012, 07:40 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة بنرجع
                   |Articles |News |مقالات |بيانات

28-03-2012, 05:41 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    تصحيح معلومة وإن شاء الله نكون اصبنا
    في التصحيح ( مايكون صححنا الغلط بالخطأ )

    النواتا : هم الحواتا اي صائدي الاسماك وهذه مهنتهم ليس هواة
    يسم الفرد منهم نواتي

    الرواسي هو قائد المركب وماسك الدفة
                   |Articles |News |مقالات |بيانات

28-03-2012, 06:40 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    بالحيل آ جني
    للشاعر محمد ود سعيد ودبادي العكودابي

    وهو من الشعراء اللذين اغرمنا بشعرهم منذ نعومة اظافرنا
    عندما كان يقدم برنامج تلفزيوني ( تلفزيون السودان ) قبل الفضائيات

    شاعر له الباع الطويل في كتابة الشعر بالعامية
    ومن اشهر قصائد
    التي نحن بصددها الآن
    أنـــا أخو البت اللكعت
    وقصيدة هـــــوي ياوليد
    قصيدة الشيخ ود الشايقي
    قصيدة بت الخير ( نظمها ايم دراسته في الجامعة وقد ملئ الشوق للبلد عبه )
    قصيد يا سكان القصر العالي سلااام
    وغيرها من القصائد


    انـــا أخو البت اللكعت

    أنا أخو البت اللكعت قرن الخمرة النازة
    على وردان الصبوة الراكزة
    الجنيات الهازة .. صدورن لازة ورقّ النص زي خيت الشلة
    بالحيل آ جني إيه والله

    الجنيات الحزمو الجبة
    وعرق الشتوي عليهم نايا و صب
    قول ما دل .. رجالا حصدوا الحبة
    عيشهن هادو انكال واتعبّ
    ومنو كتير في الواطا انكبّ
    وباقي مصوبر واقف قبة
    الحمد آلاف .. الشكر آلاف
    الحمد آلاف الشكر آلاف
    العيش الرقد أصناف أصناف
    الولد الكال.. عزام .. حلاف...ضياف
    الرزق الجانا مدلة.. الحلق الجاف اتبلة
    بالحيل آ جني إيه والله

    الوادي الجانا مترقن
    مدّ جناحو الطايل شرقا وغربا
    القبلي بروقو على القلعات يضّربن
    الدكن البعدن قربن
    فوق صنقور المحلة الطالت كبن
    قول للمحلة بيوتك خربن
    قول ما دلة.. الحلف الجاف اتبلّ
    بالحيل آ جني إيه والله

    مرحاتنا شرابهن يوت ماغبن
    شبعانات في الشقل أب شوك ما شبن
    الحمل ولدن وربن
    حلماتن تقلن.. جرّن.. فوق سيقانن كبن
    اللبن العاتم في ضرعاتن جبّن
    المغصة إن كان ضرعاتن خربن
    القرعة آ وليد .. السعن آ بنية
    القربة كمان... كبوها المية
    المغصة إن كان ضرعاتن خربن
    شوفو النعمة السالت فوق قيزان الرملة
    ناس البندر لبن الشاي بالعملة

    سمح الخمج الفوق أسيادو
    سمح العز المن أجدادو
    الجنيات المشو ما عادو
    كان بالردة أكان اتنادو
    غرب حامد وشرق بلة
    كانوا بحلبو الضرع الدلة
    كانوا بحضرو الخير القدحو معلا
    الجنيات ما كفرت بنعمة الله
    بالحيل آ جني إيه والله

    ذات في يوم والغيمة تهتّف مطرا نقّع
    فوق نوار الطلح الفقع
    ريحة البرد إن جاتك عطرا فايت خمر الفوق أردافا مجضع
    شفنا الوادي يقشقش في دمعات الليل
    والتعل الشايل بدا يتفقع

    تلب حامد فوق مخلوفة أب زور واتربع
    طلق الرسن أب زمة وسوّا خبيبا بدّع
    هوّد في رقّاب الصي
    لا قوه ثلاثة زبيدية
    خالفين سيقانن فوق السنكيت ورقاب ألبل بيناتن مرخية
    محجوبات بالخرز الفصلو السوميت
    كل واحد درقة وسيف وطبنجية وباقي جرابن مليان دلميت
    الجنيات اتقبلو وضاقو الحارة وضاقو المرة
    وكان حجازن صقر الجو
    حامد كان عارفين ضاقوه رجال قبالكن
    شوفو أرزاقكم أخير من ضو
    حامد عوج الطندب آ وليدات
    عوج الطندب نار القصب الهبلت ما بتعدلو
    شوفو شلوخو تلاتة مطارق رقدن
    وكل تلاتة يمين سياف اتقبلو
    حبوب القارح ... ما دلة
    ولدا ما ختالن زلة
    شن قولك فيهو عليك الله
    بالحيل آ جني إيه والله

    وينا مراتع الدرت الباسط دايما ببكي عليهن
    وين بنوت الحلة البكّر عصرا بدري يسون في شاهيهن
    بعد الليل ما يهّود ونحن نهّود.. عاد أماتن ينادن ليهن
    نمشي على القيزان نتقادم.. أقيس الخطوة مع التاتاي ومشيهن
    والله البعد الحاصل ما نساني
    وحاتكن في قمراتنا بشوفو وشيهن
    الا النضم أب غنة اللهج السكر وين بلقاهو
    بنات الريل الدوب ليهن
    الخوف يا ناس كان يبقى الشوق الحاصل بينا معشعش فيهن
    مقنع سابل وين بلقاهو
    طرفا ذابل وين بلقاهو
    وعين بتدنقر من واليهن
    الوجنات الشعّن بقّن
    ود العين النايم زرقن
    مو زايغ رسيان وميقّن
    زولن كان خدران ومحقّن
    من الشوفة عروقو يطقّن
    كان الدنيا بصح تتخلا
    كن بركن معاهن فوق رملاة الحلة
    الا كمان بنشوفا مذلة
    الجنيات الغابت جابت
    إنت الجيب بس قايلو قميص افرنجي وكرتونات كرملّة
    لا لا وحاتك حاشا وكلا
    ديل يوم عادوا اتلافو الجاهل بحقوق الله
    ديل كم لحقو البشهق ضايق وداوو العلة
    الولد الجايس حقايب سفرو تقال.. تقال من جنس كتاب ومجلة
    الحكمة النضم إياهو الكان.. الحكمة الولد اتوضا وصلّ
    عادة البلد الدخلت فيهم سكنت .. سكنت ماب تتخلا
    نحن كما طارين الحلة ودرنا الطلة
    نشيلا معاهم فرح وميتة
    حلاة الموت كان في عبدلة
                   |Articles |News |مقالات |بيانات

28-03-2012, 06:59 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: أنا أخو البت اللكعت قرن الخمرة النازة
    على وردان الصبوة الراكزة
    الجنيات الهازة .. صدورن لازة ورقّ النص زي خيت الشلة
    بالحيل آ جني إيه والله


    جرت عادة ارجل لما يتنبر ( يفتخر )
    والتنبر دائما يكون ناتج من استفزاز تعرض له
    ومهما كان نوع هذا الاستفزاز مزحاً او جد حينها يتنبر الرجل
    وعادة يتنبر بعرضه
    ويقول انا ابوك يا فلانة
    انا اخوك يا فلانة

    والقصد من تنبره بنته او اخته هنا مرده
    يحب ان يثبت عكس الكلام الذي قيل فيه او سمع احد قاله

    وأذكر عندما كنت في مرحلة الدراسة ( الإبتدائة ) مرة وانا ماشي ناس خالي مررت بيوت كانت
    تشتغل في الخمور البلدية ووجدت شخصين على وشك ان يقع الخلاف بينهم ..احدهم يتعدى والاخر يطيب من خاطره .. روق آ زول .. استهدى بالله يا زول .. اكفا الشر يا ودالناس
    والاخر يتمادى شدني هذا المشهد ( كيوريزتي الطفولة )
    المهم عندما تمادى ذاك المفتري على صاحبه .. وقف الرجل الذي كان يود انيقصر الشر
    وقف علي طولوا وقال لي :
    انا اخو زينب
    أنا ابو البنيات
    وكفتو بعصاتو
    جابو رب واقع كاضم ما بجر نفس
    ذكرت هذه القصة لتقريب المعنى مثلا ( تضرب في مواقف مثل هذه وقد تقال فقط لكي يبدأ كلام كما فعل ودبادي )

    معدنه انه اخو بنيات يقدّر ويحرص على صون كرماتهنَّ في كل حديثه وافعاله
    إلتقيت به في مرة وانا في الثانوية في رحلة لرابطة بناء جنوب شندي بالجامعة( الخرتوم )
    وكانت الرحلة في الفكي هاشم وفعلاً ودبادي اخو بنيات رجل بكل معاني كلمة الرجل واخو بنات
                   |Articles |News |مقالات |بيانات

28-03-2012, 07:39 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: أنا أخو البت اللكعت قرن الخمرة النازة
    على وردان الصبوة الراكزة
    الجنيات الهازة ..
    صدورن لازة ورقّ النص زي خيت الشلة
    بالحيل آ جني إيه والله



    انـــا اخو البت
    هذا كما قلنا بتنبر
    والاخت ليست معناه الشقيقة وبس
    كل بنات الحلة هنَّ اخواتك وعرضهن عرضك ( حليل زمان )
    وليت كل جميل يعود

    قال شاعر
    أنا رحل الكحل وكتين إميّل
    أنا المرض البخلي العين تسيّل
    أنا الدابي كان رصد للزول يعيقو
    وأنا المأمون علي بنات فريقو

    الصبوة : اي الصبيان ( الجنيات )
    راكزا : اي ركزوا للسوط العنجاوي )

    وهنا تنبر ودبادي بالسمحة في البنوت ساعة الحفلة
    انبرت للرقيص في الدارة الدلوكا تهبك
    وفوق ابواتي بجر
    حديثاً صاح مو فَشُر

    الجنيات متصفين في روق للبطان ( ضرب الصوط )
    والشبال بي حقو أي البركز بستحق شبال منها ( من تلك البنت التي تنبر بها الشاعر )

    فقال انا خو تلك البنت ( متنبر ومفتخرا )
    اخو البت اللكعت يرسم الصورة الجمالية لرقتها كأنها خطوات سير المتردد لي قدام ولي ورا

    قرن الخمر :: اي ضفيرة شعرها المعونة بالخمرة ( العطر المعروف )
    نازا اي مسيلة من ضفائرها وعنقها تسطل الواعي ورزين


    الحنيات الهازا : عادة بعد ان يركز الجنى للسوط وياخد عرضتو مع الرفاقا
    بمشي رافع يده مبشر ابشرن بالخير ويشيل الشبال من البنت البترقص
    ووصف ما كل صبي بركز للسوط وصف من يركزوا للسوط ماشاء الله عليهم صدورم لازا
    وحتى لو كان الواحد منهم نحيف ( تراه فتزدريه وفي اثوابه أسداً هصور )
    وزاد في الوصف لولئك الجنيات حتى يوضح لنا
    ان ما كل من يركز للسوط لازم ان يكون متين وقوي
    ديل ترى الواحد منهم نحيف في بنية جسده وصدو لازي لي برا
    ورق النص زي خيت الشلة
    ورق النص : هي دقة دهب قديمة ( عبارة عن مجموعة من انصاف الجنية الانجليزي )
    ترص بطرقة جميلة وتنسج بخيط الشلة
    وخيط الشلة هو ذاك الخيط البنغالي ذو الالوان الزاهية كان تتطرز
    والمناديل تنسج في المنسج منه الطواقي

    والمعنى الكمل
    انه يتفاخر ويتنبر بتلك البنية الجميلة
    ترمي بضفيرة شعرها على رقاب واعناق الجنيات الركزوا وجو ياخد الشبال
    ترمي بشعرها المعطر بالخمرة فوق اعناقهم .. الجنى البشيل الشبال
    صدرو لازي متبختر في مشيته
                   |Articles |News |مقالات |بيانات

28-03-2012, 07:10 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: لك يا وضاحة حنين بقدر حنين تلك الاوتار
    شوقنا ليك يا شمس المشارق
    ومحل رهيفة تنقد
    جيب سكينك وتعال يا السجمان

    أنا الما بتبن الجارات واخون الحرة
    وماني دغور بيوت بعقب وأحل الصرة
    باذل ضراعي للفارس العنود ومشرة
    وجنبي عُكازي للقاصدني قاعد برا

    هييييييييييييييييييييييع
    امرق لي برا تعال


    ود المنسي

    سلامات يا خلاصة الخير الفي الناس
    و ترياق الزمن المتعافي
    سلامات يا زول يا رائع
    سلامات عوافي



                   |Articles |News |مقالات |بيانات

29-03-2012, 11:46 AM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: ود المنسي

    سلامات يا خلاصة الخير الفي الناس
    و ترياق الزمن المتعافي


    الغريبة الساعة جنبك تبدو أقصر دقيقة
    الدقيقة وأنت مافي مرة ومابنقدر نطيقة

    الشوق ودموع الشوق ولهفة الاشواق لشخصك الجميل

    تحياتي ومودتي
    الاغنية صادفت هوى في نفسي

    لك الشكر والتقدير
    شمس المشارق وعبير البوست
                   |Articles |News |مقالات |بيانات

29-03-2012, 07:01 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: الجنيات الحزمو الجبة
    وعرق الشتوي عليهم نايا و صب


    الجبة هي قميص بلدي يلبسه المزارع ( لباس عمل )
    وعادة يكون من القماش ذو اللون الكاكي وقد يكون من الدمورية او غيرها
    وعرفت بالجبة او الشمارة .. وهي ملائمة للعمل تراب وطين وماء وزيوت وابورات

    في هذا المقطع من القصيدة يبين لنا الشاعر
    دور المزارعين في تلك المناطق
    عند الموسم كيف يستعدوا له .. واشار لذلك بتعبير جميل ( حزموا الجبة )
    وحزم الجبة اي شمروا عن ساعدهم لكي ينجح موسم زرعهم ويأتي أُكله
    وحزموا الجبة التي تصبب عليها عرق الشتاء

    كلمة عراقي ( وهو القميص البلدي التي نلبسه في البيت او تحت الجلباب )
    جاء هذا الاسم من التعرق عليه
    عادة نلبسه حتى لا تبلل الجلابيب بالعرق
    لان العراقي يمتص العرق ( وعادة يكون من قماش خيطي قطني قابل لامتصاص العرق )


    Quote: قول ما دل ..


    ما دلَّ
    ( مادلَّ عليك )
    لفظ معناه او يقابله لفظ عفارم عليك او عفارم عليهم
    وتنعني : عافي منك أو عافي منهم
    اصل كلمة عفارم : تركي ومعناه نفسه عافي منك او اقرب
    ( برافو ) وهذا المعنى لها ادقَّ



    Quote: رجالا حصدوا الحبة
    عيشهن هادو انكال واتعبّ
    ومنو كتير في الواطا انكبّ
    وباقي مصوبر واقف قبة


    هبوا وزرعوا وتعبوا وانتجوا
    الحبة : اي كل انواع العيوش والبقوليات
    وبالمناسبة تلك المناطق التي نشأ فيها ودبادي
    برزت في مجال زراعة البقوليات من فاصوليا وفول وغيرها
    وايضاً زراعة كل انواع البهارات من شمار وكُسبرة وغيها
    وزراعة التقاوي .. بالاضافة للبستنة والعلف

    يصف الشاعر كيف كانت هبة المزارعين وقت الموسم وكيف كدحوا لناجح الموسم
    وكانت النتيجة عيوش بكل انواعها كالوها ( انكال ) وعبوها في شولات ( إتعبأ )
    وكيف فاض الحصاد حتى تركوا الكثير منه في الارض كرما للطيور

    الصوبرة : هي طريقة بدائية لحفظ المحصول من العيوش ( تفرش فرشة من مشمع او نحوه ويكب فيها العيش
    ويكون في شكل قبة ويغطى بمسمع اخر ومن الطير والرياح والمطر وحرارة الشمس
    وبعدها يحفظوا في المطمورة قوت لهم والفائض يبيعه عندما يجد السعر المناسب.

    والمطمورة عبارة عن حفرة كبير لتخزين الحبوب وتغطى بمشمع
    وهي تقوم بدور الصومعة ( طبعاً دي حديثة )



    Quote: الحمد آلاف .. الشكر آلاف
    الحمد آلاف الشكر آلاف


    وهنا تظهر نزعة الشاعر الدينية
    الشكر والحمد على النعم .. اول شئ ان تشكر وتحمد الله
    على النعمة الجاتك والحمد والشكر لله يزيد البركة وكثرة الاستغفار تفتح باب الرزق


    Quote: العيش الرقد أصناف أصناف
    الولد الكال..
    عزام .. حلاف...ضياف
    الرزق الجانا مدلة..
    الحلق الجاف اتبلة
    بالحيل آ جني إيه والله


    ويستمر الشاعر ويوضح لنا كيف كان موسم حصادهم
    خير وبركة ووفرة في الحبوب حصدوها ( نعمة وخير )
    وكما يصف الولد ويعني بكلمة ولد الصبي سواء كان يعمل في حقل ابيه او حقله
    انه ذاك الولد الكريم البحلف ( والله وحرم تقعد )
    ويعود لحمد لله وشكره ويقول شوفوا يا ناس كيف الله واعطانا هذا الرزق الوفير
    الذي جبر حالنا بعد ايام صعاب

    واتبلت حلوقنا بعد جفاف من شُح الغلال
    بالحيل آجني .. اي والله
    كلمة بالحيل : تأكيد لكلمة نعم
    اي نعم والله
                   |Articles |News |مقالات |بيانات

29-03-2012, 07:52 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: مرحاتنا شرابهن يوت ماغبن
    شبعانات في الشقل أب شوك ما شبن


    المراح : السعية من البهائم ( أبل .. بقر .. ضأن ماعز وغيرها )
    ويستمر يصف في ذلك الموسم والخير الجاهم من السماء
    عند نزول المطر .. رويت الوديان فكستها الخضرة زينة والخلا نمت فيه كل نبتة خير لي المراح ..
    زرعوا وحصدوا .. كسوا وليداتم وولايهم وإكسوا هم
    كثرة النعم من خضار في الارض كان مرعى خصب للسعية من بهائم ترعى وهي ماشى من تحت ارجلها ( ليس كزمن
    المحل تشب في الشقل لتأكل من ورقة ما يسد جوعها)
    الشغل : هي الشجيرات القصيرة وتكثر فيها الاشواك
    وحكمة الله ترى الماعز يشب ويقف على ارجله الخلفية ليصل لاوراق الشقل



    Quote: الحمل ولدن وربن
    حلماتن تقلن.. جرّن..
    فوق سيقانن كبن
    اللبن العاتم في ضرعاتن جبّن
    المغصة إن كان ضرعاتن خربن
    القرعة آ وليد .. السعن آ بنية
    القربة كمان... كبوها المية
    المغصة إن كان ضرعاتن خربن
    شوفو النعمة السالت فوق قيزان الرملة
    ناس البندر لبن الشاي بالعملة


    في ذلك الموسم والخير وفير .. الكانن حمّل من البهائم ولدن
    حلماتهن اي ثديهن .. تعبأ باللبن خير وبركة وترى الحليب يسيل على أرجلهن عند العودة من المرعى
    وشدة ما كان الخير وفير ماعرفوا يودوا اللبن وين .. حيناً قد يجبن في ثديهن .. وطبعاً دا بحصل لو ما حلبوهن
    ويصف كيف الحال والخير وفير وكيف عند عودة البائم يتصاايح الناس للحليب
    القرعة آوليد
    القرعة هي : نوع ثمر نبات في شكل الكرة تشق لنصفين وتستخدم ( كدن ) الصغير منها يستخدم لشراب الماء والحليب والروب ( الغباشة )
    والكبير يستخدم كأناء لحليب البقر والماعز والضأن .. وقد تستخد القرعة كاملة بعد فتحة في اعلاها ( يخشوا فيها الروب لانتاج الزبدة والسمنة .. وباقي الروب يكون غباشة ( يشربوها )
    السعن : هو جلد بهيمة الماعز الصغير ( العتود ) يدبغ ويخاط بالجلد مكان فتحات الارجل ويستخدم ايضاً لخش الروب وتجميع الزبدة التي بدورها توضع في نار هادئة لانتاج السمنة البلدية ...
    والقربة : من جلد الخروف او ماعز كبير او العجول تدبع وتخاط ايضاً في شكل السعن بخيط من جلد في مكان الارجل وتستخدم لخفظ الماء وتبريده .. تعلق في شعبة او شجرة في مكان مكشوف ( يضربها النسيم والهواء )

    يصف لنا كيف الخير كتر عليهم وربنا رزقهم بخير وفير حتى إتحيروا اين يخفظوا ولم تكفي كل ماعندهم من اواني
    قرعة .. سعن .. قربة الماء ..
    وبالغ الشاعر حتى يوضح لنا كثرة الخير ان الحليب سال علي قيزان الرملة
    وتحسر لناس المدن ( البندر ) .. انو كيف خيرهم وفير وماعارفين وين يحفظوا ووين ويودوا
    ناس البندر بشتروا اللبن بالقروش
                   |Articles |News |مقالات |بيانات

29-03-2012, 09:19 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)



    وسعيد العيشتو جنب طينو وتمرتو
    يا حلاوة العيش في مناطق ما عرفت
    تكنولوجيا العصر
                   |Articles |News |مقالات |بيانات

30-03-2012, 05:26 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: سمح الخمج الفوق أسيادو
    سمح العز المن أجدادو
    الجنيات المشو ما عادو
    كان بالردة أكان اتنادو
    غرب حامد وشرق بلة
    كانوا بحلبو الضرع الدلة
    كانوا بحضرو الخير القدحو معلا
    الجنيات ما كفرت بنعمة الله
    بالحيل آ جني إيه والله



    هنا نرى الشاعر ناغم ومؤنب للشباب اللذين تركوا البلد
    وبعدوا عنها من أجل طلب الرزق ( سواء كان خارج السودان .. او غربة في الوطن (( البندر )) .. )
    ويمني نفسه ويقول :
    ليت هولاء الشباب شافوا النعمة الفوقا البلد واهل البلد وليتهم تنادوا وتكاتفوا وعزموا العودة للبلد
    ويقول تشتتوا أولادنا في البلاد شرقاً وغربا ( غرب حامد وشرق بلة )
    ليتهم عادوا البلد كان حلبوا البهائم الحلماتهن صبن وجبن اللبن فيهن ومالاقي البحلبو
    كان حضروا معانا الخير الوفير النزل علينا رحمة من الله

    لكن وا اسفي ديل جنيات كفروا بنعمة الله وكفروا
    الخير في بلدهم ويفتشوا لي عند الغير

    الخمج : هو الاسراف
                   |Articles |News |مقالات |بيانات

30-03-2012, 06:16 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    المك جمعتك مبارك


    الله على علوش حلموا لزيز


    الاحلى منو الدبك والحمام الفيها
                   |Articles |News |مقالات |بيانات

30-03-2012, 07:27 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: الله على علوش حلموا لزيز

    الاحلى منو الدبك والحمام الفيها


    وحليب البقرة واصوات العصافير والديك
    تذكر الزول بالقرية وطيبة القرية
    وقت الحلب ( حلب البهائم دغشاً بدري )

    ويا النازلة ماشة علي البحر
    ساعة الحلب .. ساعة الشمس
    يادوب بتطلع من بين الغصون

    وسعيد العيشتو جنب طينو وتمرتو

    (عدل بواسطة خالد علي محجوب المنسي on 30-03-2012, 09:26 PM)

                   |Articles |News |مقالات |بيانات

30-03-2012, 08:22 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)



    فوق ديل
    البنية لكعت بي قرن الخمرة النازة
    فوق رقاب الصبوة الراكزة
                   |Articles |News |مقالات |بيانات

30-03-2012, 09:46 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: ذات في يوم
    والغيمة تهتّف مطرا نقّع
    فوق نوار الطلح الفقع
    ريحة البرم إن جاتك
    عطرا فايت خُمر الفوق أردافا مجضع
    شفنا الوادي يقشقش في دمعات الليل
    والتعل الشايل بدا يتفقع



    ويستمر الشاعر يبين لنا كيف كانت تلك الايام
    الخير وفير المطر غزير الضرع ملئ والزرع مفتح

    نوار الطلح : وهي الزهرة بشارة لثمار
    ونوار الطلح أصفر

    البرم ايضاً نوار
    وفعلاً عند نزول المطر الشدر شايل النوار تنبعث روائح طيبة
    تشتهيها النفس
    ولا يضاهيها حتى ذاك العطر المحبب للسودانيين ( الخُمرة )
    يقول الشاعر ان رائحة البرم ونوار الطلح مع المطر تفوق خمرة تطيب ارداف شابة جميلة
                   |Articles |News |مقالات |بيانات

31-03-2012, 06:42 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: تلب حامد فوق مخلوفة أب زور واتربع
    طلق الرسن أب زمة وسوّا خبيبا بدّع
    هوّد في رقّاب الصي


    نزول المطر بشارة خير لاهل الزرع والضرع .. وعند بداية الرشاش في مبكر
    هذا يبشر بخريف يسر البال ويستر الحال .. والناس هناك بتكون مصنقعة لي السماء
    راجين خير الله تعالى من سمائه العلى ...
    والناس هناك لهم من الفراسة ما تمليه عليه فراستهم ومعرفتهم ان يستبشروا خيراً
    بالخريف الزين ...
    وعندها تبدأ الرحلة أن يسدر الناس ببهائمهم للخلا حيث المراعي الغنية وهناك تحمل وتلد البهائم
    وتكون العودة بعد نهاية الخريف .. واسباب السدرة للخلا ...
    هناك لايكلفهم الرعي .. يرعو ساكت من خير الله
    لذا نرى الشاعر ودبادي يوضح لنا سدرت ( حامد للخلا يحجز لي مرعى من بدري ويسابق )
    تلب حامد :: اي نط وركب فوق بعيرو ( الجمل )
    والمخلوف : هو سرج الجمل ( لانو جرت العادة .. يخلف رجله من ركب الجمل )
    أبـ زور : هو البعير ( الجمل )
    كلنا نعرف كيف يتربع الانسان اي يخلف رجل ( كراع ) فوق رجل
    الرسن : هو مقود الجمل
    للحصان والحمار يعرف باللجام

    والخبيب : هو جري الجمل ( وبدع اي اجاد واحسن .. ابدع )

    هوّد فوق رقاب الصي : الصي هو الخلا
    اي تعمق في الخلا
    والخلا زي ماقلنا سابقاهو المكان الغير مأهول بالناس
    قد يوجد به بعض الناس لكن رُحل ( اي يحلون ويسكنون لحين ثم يرحلون
    الخلاء في غير وقت الامطار قاسي وجاف وما بنعقد
    والخلا تعني مكان فاضي من البشر



    Quote: لا قوه ثلاثة زبيدية
    خالفين سيقانن فوق السنكيت
    ورقاب ألبل بيناتن مرخية
    محجوبات بالخرز الفصلو السوميت
    كل واحد درقة وسيف وطبنجية
    وباقي جرابن مليان دلميت


    حامد في طريقه ( في الخلا )
    ومعروف الخلا في الماضي قلع ونهب وهمبته ولا يخلو الطريق في الخلا من قطاع طريق
    ومهاجرية همابته
    لذا يذهب الناس في رفقة ومسلحين
    لكن حامد هذا يبدو انه فارس وبمشي الردب التخافو الناس وحيد

    اها حامد في طريقو قابلوا ثلاثة زبيدية قطع شك مهاجرية وقطاع طريق يريدوا ان يسلبوه بعيره
    وماله ان وجد ...وكانوا ثلاثتهم خالفين سيقانهم في السنكين ( الجزء الادنى لرقبة الجمل )
    وفوق رقاب جمالهم معلقين حجبات وحجبات منضومة في خيط متين من الجلد وبين كل حجاب واخر فصلة
    موضوع فيها سوميت
    السوميت في شكل انوب بطول 3 إلى 5 سنتمتر ( والسوميت من الحجار الكريمة ولونه جميل )

    الحجبات : حسب معتقدهم تحجب البهية او البشر من العين
    وقد نهى الرسول الكريم صلى الله عليه وسلم من لبس الحجاب ( التميمة )

    كل واحد من الزبيدية الثلاثة شايل درقة وسيف وطبنجية
    والدرقة معروفة .. شكلها دائري ولها مقبض وتصنع من الحيد الصلب او سبيكة
    النحاس
    الطبنجية : هي المسدس
    طبنجة المفرد منها
    واحيانا يطلقوا على السلاح البندقية ( طبنجية )

    الجراب هو بشكل شنطة مصنوع من الجلد مفتوح في محلين (يوضع بحيث يتدلى على جنبتي الجمل )
    وتكون الفتحات لاعلى حتى لا يقع ما يوضع في داخله

    وكانت جربات الزبيدة مليانة بالدنميت
    الدنميت ( مفرقعات بارودية )


                   |Articles |News |مقالات |بيانات

31-03-2012, 07:11 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: الجنيات اتقبلو وضاقو الحارة وضاقو المرة
    وكان حجازن صقر الجو


    الجنيات إتقبلو ( اي تقابلوا وبدت المبارزة والقتال )
    الـ 3 زبيدية ناوين القلع وحامد ناوي الدفاع عن املاكه
    ومافي معين ولا حجاز .. الحجاز الوسيط الذي يوقف القتال
    في الخلا بس تأكل نارك المو قدر الضرب القتال ما يشمي برا ( وحيد )
    في مبارزتهم ديك ضاقوا المرة .. الزبيدة معروفين في مبارزة السيف وفنونه
    وحامد مو هين وليّن قدر الضرب الدواس
    حجازم كان صقر الجو منتظر ان يموت من يموت لأكله ويقتات من جثته



    Quote: حامد كان عارفين ضاقوه رجال قبالكن
    شوفو أرزاقكم أخير من ضو
    حامد عوج الطندب آ وليدات
    عوج الطندب
    نار القصب الهبلت ما بتعدلو
    شوفو شلوخو تلاتة مطارق رقدن


    هنا يصف جسارة حامد وشجاعته
    انتو يا زبيدة ماكُن عارفين حامد
    عرفوا رجال من قبلكم تعاركوا معه ( مابنقدر )
    احسن لكم ان تتركوه وشوفو رزكم في زولاً تاني دا ( حامد ما بتقدروا علي )
    حامد زي عوج الطندب
    ويقصد بها ان عود الطندب دائما بكون غير مستقيم ( معوج )
    وحتى النار القوية الملهلبة ما بتعدلوا
    وقال ( نار القصب الهبلت مابتعدلو )
    لانو الناس كانت تقوم العيد هي لينة بالنار ( يعرّض للنار ويقوم باليد حتى يستقيم .. عديل )

    شلوخو تلاتا مطارق
    الشلخ المطارق ( شلوخ رفيعة في شكل العدد 111 )


    Quote: وكل تلاتة يمين سياف اتقبلو
    حبوب القارح ... ما دلة
    ولدا ما ختالن زلة
    شن قولك فيهو عليك الله
    بالحيل آ جني إيه والله


    يستمر يوصف في مبارزة حامد مع الزبيدية
    انو كان يبارزهم ويدق ضرب سيوفهم ويبدع في ذلك

    حبوب آ القارح
    اي عافي منك يا الضحكر الجاسر الشجاع

    ما دللا ( مادلة )
    لفظ يقال حين الاعجاب بشخص
    تقول زولا قارح
    زول شجاع
    زول ضكر
    زول كريم
    وتعقب بكلمة مادللا

    ولداً ما ختالن زلة
    اي انه لم يخيب رجا امو واخواتو وعولو من النساء
    لانو المراة دائماً تتنبر وتفتخر برجالها لما يثبت وكت الحارة

    اها دا حامد انا قلت في كدا
    انتو شن قولكم في ؟
                   |Articles |News |مقالات |بيانات

31-03-2012, 07:19 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
                   |Articles |News |مقالات |بيانات

31-03-2012, 07:46 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    Quote: وينا مراتع الدرت الباسط
    دايما ببكي عليهن


    وهنا في هذا المقطع من القصيدة عاد الشاعر يبكي غربته
    في الخرتوم وهاجت به الذكرى للدار واهل الدور
    وين مراتع الدرت الباسط
    مراتع صبانا وشبتنا
    المرتع هو مكان اللعب واللهو
    وانا دوام طاري للذكريات الحلوة
    وببكي على كل لحظة جميلة في صبانا


    Quote: وين بنوت الحلة البكّر
    عصرا بدري يسون في شاهيهن
    بعد الليل ما يهّود
    ونحن نهّود..
    عاد أماتن ينادن ليهن
    نمشي على القيزان نتقادم..
    أقيس الخطوة مع التاتاي ومشيهن


    ويستمر في ذكرياته
    وين بنوت الحلّة البُكر : الابكار
    وكيف كنا من عصراً بدري
    وقت البراد والجو حلو عصرية كيف كان تلقاهن شادات الشاي في ضل رامي
    من اوضة والحوش مفرش بالعناقريب والسراير .. مقشوش ومرشوش

    ولما الليل يفلل ويهود اي الليل يسرح وتدخل الضلمة .. نحن نهود ونسرح
    وفي داك الحين : اي عندما الليل يهود .. اماتن بشفقن عليهن وبخافن عليهن وتسمع المنادّا
    يافلانة ( خلاص تعالي البيت ) عووووك يا فلانة اسرعي تعالي
    يا سلام كان زمن جميل الرصبي مأمون علي بنات فريقو ما بتسمع بي واحد سوا العيب والشين مع
    واحدة .... كان حبهم عزري وطاهر وكانت الثقة بين الناس كبيرة وما ثقة نشأت من فراغ لكن
    كان الصبيان اخوان بنات ومافي واحد بتعدى علي بت فريقوا مهما كان ...

    نمسي علي القيزان نتقادم
    اي لما المنادّا تكتر اها بعد بنرجع علي الحلة عابرين قيزان رمال مهيلة
    وفي تلك اللحظة كنت اتأملهن وكيف مشيتهن ( يتهادن في المشية )
    زي مشي الطفل الصغير اليا دوب بتعلم في المشي تاتي .. وهذا التعبير اجاد فيه الشاعر
    حين شبه مشية البنات يتهادن فيها بمشي الطفل اليا دوب بتعلم في المشي امه او ابوه ممسك به ويردد له تاتي تاتي تاتي


                   |Articles |News |مقالات |بيانات

31-03-2012, 07:53 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: هاك اخدلك عرضة كية فى الحاسدنا

    يا تسماح الكرد الما متلك ولد

    بعرض وبصوقر كمان
    بس انتِ ( القلبة يجيهيها يا بلالي اللول لولي انا )
    ألكعي وارمي قرن الخُمرة النازة علي
    وردان الصبوة الركزا

    هييييييع يا شيقوق لو ماعجبك اشرب واروى من البحر جوووووووووت

    والمحلي داخل عطبرا
    والكشافة يا قطر المسا
    تسلمي يا وضاحة

    (عدل بواسطة خالد علي محجوب المنسي on 01-04-2012, 06:59 PM)

                   |Articles |News |مقالات |بيانات

01-04-2012, 06:49 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة
                   |Articles |News |مقالات |بيانات

01-04-2012, 07:31 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    والله البعد الحاصل ما نساني
    وحاتكن في قمراتنا بشوفو وشيهن


    رغم البعد عن الحلة وحور الحلة
    لكن إن نسيت ما نسيت عيون الصيد
    بشوف في قمر بهل وشياتن وجمال وشياتن



    الا النضم أب غنة اللهج
    السكر وين بلقاهو
    بنات الريل الدوب ليهن
    الخوف يا ناس كان يبقى الشوق الحاصل
    بينا معشعش فيهن


    ايوا ما نسيت لكن النضم ابـ غنّة ولهجة دلع
    وكلامهم اللحلو منضوم ومرصوص ( وين بلقى )
    بنات الريل الصيد وين بلقاهن
    شوف جمال عشق الناس ديل الحبيبة مابرضى النسمة تهب عليها
    علها تزعجها .. هو مشتاق لكن خاف ان يكون بقدر شوقه لهنَّ
    ان يكنَّ هنَّ مشتاقت كمان زي ما معشعش فينا الشوق يكون معشعش فيهن
    عشعش : اي سكن ( عامية ) ومشتقة من عُش الطير يبنيه ليسكن فيه


    مقنع سابل وين بلقاهو
    طرفا ذابل وين بلقاهو
    وعين بتدنقر من واليهن


    المقنع : هو الثوب السواداني تلبسه المرأة لتستر جسمها وتغطي به رأسها
    وسابل اي نازل مغطي السيقان المتبورة ولا تسمع للحجل وشاش إذا انصرفت
    ( منزق مع الساق )
    الوبول غير محمود إلا في الطرف وهو صفة جمال ( الطرف الزابل )
    العين البتدنقر من واليها
    قمة الادب الاخترام للولي اباً كان او عم او خال أو اخ اكبر منها


    الوجنات الشعّن بقّن
    ود العين النايم زرقن
    مو زايغ رسيان وميقّن
    زولن كان خدران ومحقّن
    من الشوفة عروقو يطقّن
    كان الدنيا بصح تتخلا
    كن بركن معاهن فوق رملاة الحلة
    الا كمان بنشوفا مذلة


    أحبو واحب نوناتو
    نوناتو الفي وجناتو

    الوجنة هي الخد
    النونة هي طفقة في الخد عند حركة الفم ضاحك او مبتسم
    وجناتن يبقن بق الرتينة في الليلة الظلماء
    ود العين هو بؤبؤ العين
    موزايغ : يعني عينها مي طايرة وهوجا
    راسي اي مستقر
    ومتيقنة وراضية بي قسمتها وتنتظرها ما بتشالق وتخفف
    وزولن : اي عاشقهن
    حتى لو كان مريض غازن لي الدرب والحقن ومخدّر من ألم او بنج
    لو شافهن يجري الدم في عروقه بالشوفة ( تسمع طقطقت العروق عند سريان دمه من شوفتهن )

    هاجت بي الذكريات والشوق
    وكان الدنيا دي الواحد طلقها كان جلس معاهن في الحلة وخلا دراستو وعلمو
    يبل شوقو فيهن
    لكن دا مابجي الجلوس في الحلة وجهل الهدف مزلة وعيب
                   |Articles |News |مقالات |بيانات

02-04-2012, 06:33 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: الجنيات العادت جابت
    إنت الجيب بس قايلو قميص افرنجي وكرتونات كرملّة


    هنا يتحدث عن عيال الريف ( ولاد الريف ) المغتربين والمغربين قسوة
    عن أهلهم واحبابهم .. ما دعاهم للغربة إلا علم او تحسين حالهم وحال
    اسرهم .. بعد الضيق الحصل .. تعاقبت السنوات العجاف .. انا اسميها
    نقطة العودة ويتنا عدنا للمكان الذي تركنا فيه الانجليز عندما خرجوا
    سنة 1956 .. عدنا متدحرجين وبسرعة وللحضيض ( عاد لي وين ؟؟ )
    هل تصدقوا ان السودان من أوائل الدول التي كان فيها تراك !!!
    هل تصدقوا ان السودان كان فيه ( call box ) في الشوارع وحتى في الاقاليم
    هل تصدقوا ان السيد الشريف حسين الهندي عليه رحمة الله اقترح على البرلمان
    في يوم من الايام إجازة بند العطالة ( عندما كان وزير مالية ) دي ما بتصدق
    العاطل يصرف راتب
    هل تصدقوا في يوم من الايام كان في البيت يكون بس شغال رب الاسرة وعمرو مــا
    إستدان مبلغ ليسد رمق أهل بيته .. شايل البيت وربما يتجود على الجار والفقير
    هل تصدقوا في يوم الايام كان معلم الأبتدائية يلبس بدلة وكرفتا
    الكتير والمثير كنا عليه .. الكثير والمثير مــا نحن عليه
    لله في خلقه شئون
    الله تعالى لا يظلم أحد بل نحن اللذين ظلمنا أنفسنا فسلط الله علينا جنده
    جند لا تخافه ولا ترحمنا ( طقمة نميري .. وبعدها الانقاذ )
    وما زلنا نظلم ونجور
    سمينا الرشوة : اكرامية وساطة
    سمينا الفهلوة والسفحي واللفحي شطارة
    سمينا الغدر والحفر تثبيت القدم
    سمينا الكذب واباحة مال الدولة ( دعوني اعيش )
    سمينا ختف اللقمة إن حفّت من جنحين الملك إن رفّت
    سيدا يموت بي الفاق ( تمكنا )
    سمينا شغل المافية في السوق استيراد وتصدير ( السوق عاوز كدا والشاطر بقيف والضعيف بقع )
    مسميات وافعال ما انزل الله بها سلطان .. ونرفع ايدينا للسماء بالدعاء ,, أنّا يستجاب لنا
    ويادينا تلطخت بحق اليتيم والفقير والمسكين .. نفعل الحرام ونستحله ويبقى عادي

    كل هذه الاسباب وغيرها مجتمعة كانت الدافع لشباب السودان للخروج من البلد
    والجنيات العادت جابت وأنت الجيب قايلو قميص افرنجي وكرتونات كرملا

    يصف حال عودة الجنيات من خارج البلاد
    وكيف كانت عودتهم شايلين التقيل لاهلهم
    انت قيل بجيبة الملابس والماكنتوش .. وقد رمز لذلك ( بالقميص الافرنجي وكرتونات الكرملا )


    Quote: لا لا ..... حاشا وكلا
    ديل يوم عادوا
    اتلافو الجاهل بحقوق الله
    ديل كم لحقو البشهق ضايق وداوو العلة


    ديل ( الجنيات العادت ) ماسو كدي
    سو شنو يا ودبادي
    ديل يوم عادوا إتلافوا الجاهل بي حقوق الله
    إتلافوا : اي لحقوا
    ديل كم لحقوا وساعدوا في علاج مريض ( بشهق يخرج في الروح ) جابوا لي الدواء
    وعرضوا لاحسن الاطباء


    Quote: الولد الجايس حقايب سفرو تقال..
    تقال من جنس كتاب ومجلة
    الحكمة النضم إياهو الكان..
    الحكمة الولد اتوضا وصلّ
    عادة البلد الدخلت فيهم سكنت ..
    سكنت ماب تتخلا


    ديل جو من برا وشايلين شنط ( حقائب ) تقيلة جد
    لكن فيها شنو فيها ما يسر ويفرح شئ مفيد ..
    حكمة الله رغم بعدهم عن أهلهم وعن الرقيب ماسكين في دينهم قوي
    ( إتوضأ وصلى )
    ودي عادة أهلهم وتربية أسرهم( تربية دينية)


    Quote: نحن كما طارين الحلة
    ودرنا الطلة
    نشيلا معاهم فرح وميتة
    حلاة الموت كان في عبدلة


    يرجع من تاني ويتذكر كيف شوقه للبلد بحالها وشوقو للترابلة اهلو
    ويقول نحن كمان طارين الحلة والرجعة
    ودايرين نطل ونشوف الاهل والبلد ونكون معاهم في فرحهم وترحهم
    وما مهم نأكل البياكلوها ونشرب الشربوها ونموت سوا
    ويا حلات الموت لو في عبدله
    عبدله : هي قرية الشاعر محمد بادي جوار حجر العسل ( الشلال السادس )
    شلال السبلوقة
                   |Articles |News |مقالات |بيانات

02-04-2012, 07:28 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    تمســــاح جزاير الكرد


    اداء البيعو

    تمساح جزاير الكرد بتقض الغرض ( وفي العامية الغرد ) قلب الضاد دال ودي بلاغة
    انتَّ بتشيل بي وكد مامتلك ولد

    تمساح جزاير الكرد بتقضى الغرد
    انت بتشيل بي وكد ما متلك ولد

    غني وشكريهو يا ام وضيباً حز
    بحر الاتبراوي الساقي الرجال بي النز
    العشاما بتجي أدمت ليهم حق
    غردي إن ما اتقضى خلي دار نهد


    غني وشكريهو يا شمعة القنديل
    من قومة الجهل ماهو التليف وعوير
    الأسد ان نتر طارد النمر والفيل
    عرش يا أبـ كريق علي البماثلو قليل

    وغني شكريهو يا ام وضيباً كوم
    من قومة الجهل علي ماقدل فوق لوم
    ابـ زيطاً طلع وشقق جبال الروم
    وفي بربر هناك ابو البشير مفهوم
    ******************************

    وبعده خلف بالخفيف
    يا بلالي .. اللول لولي أنـــا

    يا بلالي الليل ليلي انا
    يا بلالي اللول لوي انا

    يا وزينة عومي الموج رسّى
    يا بلالي اللول لوي انــا
    البريدو إبرا من الشفى
    يا بلالي ........
    دا البريدو طوّل مننا
    يا بلالي .........
    دا البلال عجب عينيا جا
    يا بلالي .........
    ياحورية سوي المقدرة
    يابلالي ........
    دا البريد يبرا من الشقى
    يا بلالي ..........
    الكشافة ياقطر المسا
    يا بلالي ...........
    وساتر حالو فوق عدمو ولقّى








    (عدل بواسطة خالد علي محجوب المنسي on 03-04-2012, 07:12 PM)
    (عدل بواسطة خالد علي محجوب المنسي on 04-04-2012, 06:04 PM)

                   |Articles |News |مقالات |بيانات

03-04-2012, 05:43 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غني وشكريهو يا ام وضيباً حز
    بحر الاتبراوي الساقي الرجال بي النز
    العشاما بتجي أدمت ليهم حق
    غردي إن ما اتقضى خلي دار نهد


    الشعر .. الديس .. الروبة كلها اسماء لشعر المرأة
    وعندنا في السودان يعتبر من مقايس الجمال طول الشعر
    ومع اني لا اعتبره مقياس للجمال المهم عندي يكون متناسق مع ومهذب بطريقة
    تروق لي وليس للعامة ..
    الذوق فطري واالفطرة مفروض لا مجاري فيها عجب الناس
    قد يعجبني ما لا يعجب اخر ( دا مزاجي .... وداك مزاجو )
    لكن نحن حتى في مزاجنا نجامل حين ونخشى حيناً ان يقال لنا والله انت مافاهم حاجة
    فاهم شنو دا مزاجي كدي
    بتحب ابوالامين ؟ لا ما بحب اسمع لي
    يقال لك والله انت ماعندك ذوق سمعي ( لذا الناس كلها تحب ابوالامين عشان يكون عندها ذوق سمعي
    ويقال له انت راقي )
    والسودانيين جبلوا على ذلك ولا أعرف السر
    الصابونة لوكس
    المعجون سيقنال
    الشاي لبتون
    السجائر بنسون
    الحنة حنة التاج
    وحتى الما بحب ابو الامين لازم يحبو ( ولو .... دا متخلف )
    الشعر قيل فيه الكثير من الشعر
    نعم الديس ( الشعر كانت له محاسنه في الماضي ) لما كانت تنثني الفتاة في رقصتها
    ( رقيص الرقبة ) وتحاكي الحمامة في هديلها وتموج وتموع حتى يتدلّى شعرها فوق الكفل

    وقال شاعر :
    لآحم كتفو كفلو وماتلقى العفر
    يمم ديسو درعو وفي بعضو إنضفر

    وقبل الاصباغ ( معروف لون شعرنا وعيوننا تتناسب مع لون بشرتنا )
    لكن شفت في الخرطوم بت صابغة شعرها اشقر
    دا مامعقول يا ربي دي جنت ولا ودرت
    ياربي مافي زول اداها راسها وختا ليها قلبها بين شطورها
    دا كلام شنو ؟
    شقراء سودانية
    والحكمة عيونها من السواد مالت تحاكي اليل البهيم وغاب نجمه والقمر

    للعلم فقط حتى في اوروبا الشفراء توصف بالغباء السازجة ويتندرون بها
    قد يكون يكون لا يجوز هذا الوصف لكن ديل هم وهم احرار في رأيهم
    نعم اثبتو لها صفة واحدة كل شقراء جميلة خلقة سخنة في الجماع لكنها غبية وساذجة
    في حياة وليس لها هموم في الدنيا غير متعة جسدها ( هذا ليس رأي انا بل انقل
    وجهة نظر قوم )

    وما اجمل الشعر عندما يتناسب مع بقية اعضاء الجسم عيون ولون بشرة
    شوف تلك الصورة واللوحة البديعة لما ترى بنت بلون زينب وشعرها اسود وعيونها سود
    ما اجملها وما احسنها
    الحديث في الشعر يطول ويطول
    ولكن ما اجمل تلك المغنية الامريكية( لا اعرف اسمها انا عندي مشكلة مع حفظ الاسماء )
    لما ظهر مرة حالقة شعرها ( صلعة ) والله عجبتني عجب
    لذا قلت انا ليست عندي ضروري ان يكون الشعر طويل ومسبسب
    مايهمني ان يكون الشعر خلقة وبعدها تحاول صاحبته ان تجعله مناسب ( بالتسريحة )
    مع بقية اعضاء جسمها ( عيونها .. لون بشرتها .. جسدها )
    برضو كنت استاء عندما ارى اوروبية قدر الفيل ولابسا برمودا استرتش ( لحم في شوال او كيس
    كبير خامنو )
    التناسق والتناغم نغمة
                   |Articles |News |مقالات |بيانات

03-04-2012, 07:04 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غني وشكريهو يا ام وضيباً حز
    بحر الاتبراوي الساقي الرجال بي النز
    العشاما بتجي أدمت ليهم حق
    غردي إن ما اتقضى خلي دار نهد


    من مجرى الكلام في القصيدة يتضح جلياً ان الشاعر / الشاعرة كان له طلب ورجاء لدي
    الممدوح لذا مدحه او مدحته بهذه القصيدة
    تبدا أو يبدأ قوله
    طالب/ طالبة من السمحة في البنوت ان تغني وتشكرو وتقول فيه سمح القول


    غني وجيبي النم وقولي مدحا في فيه الشكر يا ذات الشعر الطويل
    بحر الاتبراوي : كناية عن فيض كرمه ######اه
    وبعطي من طرف وما بعاين كما الاتبراوي ساقي كل الناس
    فالممدوح كرمه مغطي كل الرجال
    والعشمان بجي لي ودوام ليهم فرج ومعين
    لو قضيت لي غرضي الذي اعنية ان شاء كل دار جعل تنهد وتتدمر
    ويظهر ان الممدوح جعلي لذا هبشته في اللحم الحي
                   |Articles |News |مقالات |بيانات

03-04-2012, 07:21 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: تمساح جزاير الكرد بتغضى الغرد
    انت بتشيل بي وكد ما متلك ولد

    أأسف هذا هو البيت الاول من القصيدة


    سوف اعتبر القائلة مرأة لان جم او معظم غناء الحماسة نظمنه نساء
    تبدأ مدحها له وتقول
    وحبت ان تصفة بالقوة لذا شبههته بالتمساح ( تمساح جزاير الكرد )
    التمساح راسي في الجزر وهي الفترة التي ينجم فيها التمساح بعدما يشبع
    ويكون بدين ومالي بطنو

    وتعرج حتى تبين مقصدها
    وتقول له انت معروف ما قصدك زول وخاب امله ورجائه فيك
    معروف بتقضى غرض من قصدك .. وانت بتشيل كل الحمول ودا شئ اكيد ومعروف
    ( بتشيل بي وكد .. اي بالتأكيد )
    ومافي زي ولد
                   |Articles |News |مقالات |بيانات

04-04-2012, 06:00 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غني وشكريهو يا شمعة القنديل
    من قومة الجهل ماهو التليف وعوير
    الاسد ان نتر طارد النمر والفيل
    عرش يا أبـ كريق علي البماثلو قليل


    شمعة القنديل : تقصد بالقنديل الفانوس او الرتينة
    الشمعة هي الشريط الذي يضئ عندما يتشبع بالزيت او الكاروسين
    وشمعة القنديل استخدمتها الشاعرة مجازا وتقصد البنت السمة الباقا
    زي شمعة القنديل

    وأنت يا علي ( الممدوح ) من شبيت زولاً فالح وشاطر ماك التليف ( اي العوقة الاهبل الغشيم )

    وانت زي الاسد ( بتسك وتطرد النمر والفيل ) شبهته بالاسد في قوته
    وان الرجال لي حدهم يهابوه ويخافوه ( والبلم في ويقع في يدو بكردو )
    عرش اي ابني فوق اساس ابوتك وابواتك تلوب باعهم طائل وفيهم كل الصفات الجميلة

    ابـ كريق : هو التمساح
    وات يا علي مافي راجل بماثلك في صفاتك
                   |Articles |News |مقالات |بيانات

04-04-2012, 06:18 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: وغني شكريهو يا ام وضيباً كوم
    من قومة الجهل علي ماقدل فوق لوم
    ابـ زيطاً طلع وشقق جبال الروم
    وفي بربر هناك ابو البشير مفهوم


    ام وضيب كوم : اي البنت ذات الشعر الطويل وكثيف ( صفة جمال طول الشعر وغزارته )
    وات يا علي معروف دقرتا عيني من شبيت نشأت ما في زول لامك لانك دوام بتسوي الزين
    وتب مابتسوي الشين ( كيف يلومك وكعب البلومك )

    زيط اي سيط : الزيط والسيط هي الشهرة ( زول مشهور ومعروف للناس اجمعين )
    وشهرتك وخبرك وصل لحد جبال الروم في اوروبا
    وفي بربر انت معروف يا ابو البشير ( يظهر ان علي هذا له ابن اسمه البشير او كنيته ابوالبشير )
                   |Articles |News |مقالات |بيانات

04-04-2012, 06:45 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: يا بلالي الليل ليلي انا
    يا بلالي اللول لوي انا

    يا وزينة عومي الموج رسّى
    يا بلالي اللول لوي انــا
    البريدو إبرا من الشفى
    يا بلالي ........
    دا البريدو طوّل مننا
    يا بلالي .........
    دا البلال عجب عينيا جا
    يا بلالي .........
    ياحورية سوي المقدرة
    يابلالي ........
    دا البريد يبرا من الشقى
    يا بلالي ..........
    الكشافة ياقطر المسا
    يا بلالي ...........
    وساتر حالو فوق عدمو ولقّى


    بلالي : طما قلنا في موضع سابق البلال هو : ماء مع شوية زيت او دهن كركار
    يستخدم في المساط قديما وقد يكون ماء شاء حيناً يضاف إليه حبة دهن
    وفائدته يجعل المشاط سهل بتلين الشعر
    ويقال للشخص الذي يلين القاسية بلالي
    يعني لما تنادي امرة جنى او صبي او سخص
    تعال يا بلالي اي : يامن تزيل وجعي وضيقي وتحل كربي والقاسية علي تهونها

    يبرا : اي يبرئ من كل شر

    الكشافة ياقطر المساء
    وهذا كان زمان
    كان في قطار بتحرك من عطبرة للخرطوم يومياً بالليل وقطار صغير من عربة او اثنين
    غالباً ويعرف هذا القطار بـــ ( الكشافة ) هكذا اطلق عليه الناس هذا الاسم

    يا وزينة عومي : الوزينة استخدمتها مجاز وتعني البنت
    عومي اي حاكي عوم الوز في رقيصك

    ويا حورية سوي المقدرة
    الحورية ( من حور الجنان )
    والمقدرة : اي ما يعجب ويسر الناظر

    ساتر حالو في عدمو ولقّى
    اي زول مستور بي الفي والمافي مستور حاله وفوق دا
    كريم وهميم
                   |Articles |News |مقالات |بيانات

04-04-2012, 06:59 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    قصيدة عاجبني الكريم
    اداء أحمد الفرجوني .. الامين البنا .. عاصم البنا



                   |Articles |News |مقالات |بيانات

05-04-2012, 04:54 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    كلمات القصيدة

    اولا الرمية او الرباعيات ( الدوبيت )

    نحن أهل السودان نحن الكتير معروفنا
    مابنرمي ستار من القراب وضيوفنا
    ناساً كُتار ضايقين ملاقي سيوفنا
    تتباشر صقور الجو محل ماتشوفنا

    اهلي الليلة ياريح جيب لي اخبارم
    قالت لي مبسوطين ونعمة ديارم
    ياحليلم كتير البضاروا من شين جارم
    وبعد الهجعة لي الضيفان بتوقد نارم

    كلمات الاغنية

    عاجبني الكريم البسند الضعفا
    رباي اليتامى ومركز الضيفان

    البارح صحيت بعد المساهر نام
    بي عيني بشوف برق الكرم قِدام
    سايق الخير كتير هاطل سحابو امام
    إسند في الضعاف وبربي في الايتام
    اسمك عيسى ياقشاش دموع الهام
    كم حليت كرب فرجت امراً هام

    غني وشكريهو الليلة يا بنية
    فارساًحمرا عينو وزين اخو بنية
    لي الاخوان مدفق خيرو ماشوية
    إيدو تملي تدفع ماها ملوية
    عطاي بي الالوف ومابدي بالمية
    وبي حاكم الزمن نار الكرم حية

    من ماقام صغير مابمشي في الفارغات
    للجار والعشير هو الدخري في الحوبات
    ستار العروض البرفع والواقعات
    صاين عرضو راخص مالو لي الشكرات
    دابي الكركرا اسد الخلا ابـ عاجات
    مدخور ياالمشكر لي البلية ان جات

    غني وشكريهو ياخدة الليمون
    صنديد الرجال مابنقدر بي هون
    ياالحر المأصل يادهب شيبون
    ياضو الرفاقّا اللي العروض مأمون
    سموك اللزوم القاطع المسموم
    قضاي العروض اللي الفقر صابون

    تمساح اتبرا الحجر ورود القيف
    يانمر الفروع في الغابة ماكا طريف
    يا الضُل الضليل الفي هجيرة الصيف
    لي الرايدك محنة ولي المعاديك سيف
    يا شدر الهنا الشايل الثمر عليف
    حق الشكرة صح عيسى البتم الكيف

    عنت ليك بنيةً موجت ديسا
    غنت ليك سعاد والدر وبلقيسا
    الخير والكرم عندك وقف ديسا
    ياضو القبيلة الحقتو الريسة
    من تجي لي الرجال الحارة بتقيسا
    الباقين نجوم إلا القمر عيسى
































    (عدل بواسطة خالد علي محجوب المنسي on 05-04-2012, 08:30 PM)

                   |Articles |News |مقالات |بيانات

05-04-2012, 06:31 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: عاجبني الكريم البسند الضعفا
    رباي اليتامى ومركز الضيفان


    الكرم صفة الرجل الشهم
    نلاحظ ان كل اغاني الحماسة والشكر اشتهرت
    وما شهرتها من فراغ
    الصدق في كلماتها والتي تدعو للفضيلة
    كفالة اليتيم
    صون العروض وسترها
    الشجاعةوالباسلة
    الشهامة
    الكرم
    حماية الضعيف والمحتاج
    الدفاع عن المستجير

    كلها صفات وفضائل وتلك هي الرجولة
    من يحملها يصف بأنه رجل
    وهناك فرق
    بين الرجولة والذكورة
    والفرق واضح بين
    ليس كل ذكر رجل لكن كل رجل ذكر
                   |Articles |News |مقالات |بيانات

06-04-2012, 04:51 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

                   |Articles |News |مقالات |بيانات

06-04-2012, 07:40 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: وضاحة)

    حبيبي تعال .. تعال نتلم

    وهي من أغاني البنات والتي تعرف ومصنفة في خانة أغاني السباتة
    ويرجع الاسم ( أغاني السباتة لانو البنات زمان)
    كنّ عندما ( يعنن ) يجلسن في سباتة او برش لذا سميت بأغاني السباتة

    واغاني السباتة في من المعاني الجميلة كم لا يستهان به
    تغنن للمعلم والمهندس والطيب والجزار والممرض والضابط وكل مهنة مجدنها

    * المعلم
    يا الماشي لي باريس
    جيب لي معاكا عريس
    شرطاً يكون لبيس
    ومن هيئة التدريس

    * الطبيب
    يا الله لي الدكتور من العملية
    اعمل حسابك البنج شوية
    الليلة ماجا وسميري جبي قالوا جا

    * الجزار
    يا الله لي الجزار من الفرار
    أعمل حسابك الضم طيار
    الليلة ماجا وسمير عجبي قالوا جا

    * الممرض
    البانسلين يا تمرجي
    ونادوا الحكيم يا تمرجي

    دياشا دياشا
    الجيش نقلو فتاشا

    الديش علامتو الريش
    والكثير والكثير من القضايا في المجتمع تغنن لها البنات في السباتا
    ولها دور كبير اغاني السباتة ولوقت قريب
    لكن في الايام دي طلعت من المنحنى وجابت ليها حديث لا يقبله المجتمع وإن تفاعل
    معه الرجراجة
    راجل المرة حلو حلا وغيرها من الاغاني
    لا اقول الهابطة لكن اقول الغير مهذبة



                   |Articles |News |مقالات |بيانات

07-04-2012, 06:04 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: البارح صحيت بعد المساهر نام
    بي عيني بشوف برق الكرم قِدام
    سايق الخير كتير هاطل سحابو امام
    إسند في الضعاف وبربي في الايتام
    اسمك عيسى ياقشاش دموع الهام
    كم حليت كرب فرجت امراً هام


    البارح : اي امس وبعض الناس تقول امبارح
    بي عيني بشوف برق الكرم قدام تشبه الممدوح كأنه البرق سائق السحاب امامه
    لتهطل مطر في مكان ماء
    وجرت العادة تشبيه الكرم بالبحر والمطر والسيل ( كلو خير )
    هاطل سحابة امام كرمو كابي لي قدام الليلة
    إسند في الضعاف .. يراشي الضعيف ويفش الظالم
    وهو كافل لليتامى
    اسم الممدوح عيسى
    قشاش دمو الهام
    كلمت قشاش دموع تعني : انه يرد للمظلوم حقه ويمسح الدمعة من عين بكت من ظلم
    او ياتي بالثأر لمن بكت على اخ او زوج او اب ويمسح دمعتها بعد أن يأخذ لها بثأرها
    ممن تعدى عليها
    وانت ياك حلال الكرب المصائب العظام وياك مفرج كل امر قاسي وعقدة صعيبة
                   |Articles |News |مقالات |بيانات

07-04-2012, 06:19 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: غني وشكريهو الليلة يا بنية
    فارساًحمرا عينو وزين اخو بنية
    لي الاخوان مدفق خيرو ماشوية
    إيدو تملي تدفع ماها ملوية
    عطاي بي الالوف ومابدي بالمية
    وبي حاكم الزمن نار الكرم حية


    يستحق ويستاهل شكرك ومدحك يا السمحة في البنوت فغني له وشكري اذكري الجميل من صفاته
    وهو أهل لذلك
    دا فارس عينو حمرا ( تخيف العدو )
    وزين ودود لي البخاوي ويأخي

    الحالاك تسوقو بسماحة وروقا
    والعداك حفرك ليهو لي المخروقة

    وبين الاخوان والاهل تجديه ذاك الشهم الكريم خيرو كلو لاخوانه واهله
    يدو دوام تدفع ما بنفزر وكت الحاجة لماله وما بتأخر وكت الحاجة لي ضراعو
    دوام قدامي
    ومدتو وعطيته ماشوية بدي بالالاف ما بدي القليلة
    واها الزمان بشهد كيف داره مفتوحة ونارها ضاوية مابتنطفي لكرم الضيفان
                   |Articles |News |مقالات |بيانات

07-04-2012, 06:49 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    Quote: من ماقام صغير مابمشي في الفارغات
    للجار والعشير هو الدخري في الحوبات
    ستار العروض البرفع والواقعات
    صاين عرضو راخص مالو لي الشكرات
    دابي الكركرا اسد الخلا ابـ عاجات
    مدخور ياالمشكر لي البلية ان جات


    حكمة الله في كل مكان وفي زمان
    في الحي تجد جنى شابي وقايم مافي طريق باقي الجنون
    ماسك الدرب من بدري ولداً قارح مادلا
    ومابمشي لي الفارغة
    الفارغة هي الشئ الذي لا ثمرة وفائدة منه
    سيرة الناس .. قعاد الشدر .. لعب الكتشينة مع العيال وغيرها من
    الامور التي لا تقدم بل تأخر
    عيسى همو كان من قام صغير للجار والناس العشير هو المدخور الذي ينجدهم يوم الحوبة اي يوم يحتاجون
    له الحوبة هي يوم الحارة والدواس العراك وساعة الكوع يحر ( ساحة المحاص )

    عيسى هو البستر العرض وهو البرفع التقيلة ان وقعت ( ومابتصل الواطا )
    عفارم عليك ولداً ما ختالن زلة
    شن قولكم في ما شاء الله علي

    صاين لي العروض ولا يساوم فيها يدافع عنها دفاع المستميت
    وفي الكرم بازل مالو وخيرو مدفق

    ووقت الجد والحارة هو زي الاسد الضارب الشابك من شدر
    وهو دوام مشكر في كل بلوة ومصيبة تقع علي الناس هو البتصدى لها وهو البردها
    عافي منك يا جبل الحديد
                   |Articles |News |مقالات |بيانات

07-04-2012, 07:13 PM

خالد علي محجوب المنسي
<aخالد علي محجوب المنسي
تاريخ التسجيل: 09-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)

    لحين ميسرة
                   |Articles |News |مقالات |بيانات


[رد على الموضوع] صفحة 6 „‰ 16:   <<  1 2 3 4 5 6 7 8 9 10 11 12 13 14 15 16  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de