طبعا و العهدة على سودانيزاونلاين الاجابة نعم ..بالحيل مطلوب و ابوه زاتو مطلوب اها الليلة لقيت تقرير من قناة العربية في بوست لهباني يتناول سيرة الفريق الدابي اها ملخص الشغلانه انو اسمو ورد في قائمة المطلوبين المائة لكن - خلّي بالك من لكن دي - تم اسقاط اسمه لعدم كفاية الأدلة طبعا مصادر سودانيز اونلاين اغفلت الحتة البعد لكن دي واكتفت بانه اسمو ورد في قائمة المطلوبين
عموما هي العربية شن عرّفها كمان يعني ح تعرف احسن من مصادر سودانيز عليه يبقى الفريق الدابي مطلوبا وعلى لائحة المحكمة الدولية حتى اشعار آخر أو حتى بوست آخر
01-09-2012, 04:36 PM
Elawad Elawad
تاريخ التسجيل: 01-20-2003
مجموع المشاركات: 7226
سلام يا ود البشرى. و إنت بتتفاصح كدا قايل اسمك مافي القائمة؟ يا زول في ناس في سودانيزأونلاين دي قايلين الدنيا كلها تدور حول المنبر العام و ناس بان كي مون و أوكامبو و أوباما و أمير قطر و غيرهم ما ببدو يومهم كان ما شافوا ناس البورد رأيهم شنو و آخر أخبار صلاح جادات فيها شنو.
01-09-2012, 04:50 PM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
Quote: عليه يبقى الفريق الدابي مطلوبا وعلى لائحة المحكمة الدولية
سـلام يا محمد زي ما لاحـظ أخونا عاطف، فقائمة المتهمين (مش المطلوبين) والتي كانت من ضمن المعلومات التي أحالت الأمم المتحدة أو مجلس الأمن قضية دارفور لمجكمة الجنايات الدولية، كانت حوالي تلتمية زول، وبعـد أن درست المحكمة أو المدعي العام الموضوع رست على 51 حسب ما سمعنا، ودي كلها (تسريبات) فاللائحة ما زالت سرية وحتى اليوم هناك أربعة فقط (مطلوبين) من ناس الحكومة: هارون، كوشيب، البشير وعبدالرحيم..أحياناً حتى أوامـر القبض زاتا ممكن تكون سرية حسب متطلبات الحالة، أو تقديرات المدعي العام.. عشان كدة ما أظن في زول يقدر يجـزم من في اللائحة ومن الذي أَسقط منها، لكن في النهاية الكـلام عن الدابي ما جا من فـراغ ويا عالم من غيره ستصدر أوامر قبض بحقهم.. (لو كلامي دي فيه غلط أرجـو من الأخ واصـل يصححو!)..
01-09-2012, 05:59 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلامات يا العوض ههههههههههه ياخي بالغت , اتخيلت فعلا منظر بان كيمون يفتح بوستات جادات اول حاجة الصباح ويطبعها و يرسلها للسكرتارية يترجموها ليه
عاطف يا هندسة .. يا عمي تلتمية اربعمية اهو عيسى قال ليك امهن وابوهن اربعة لغايى اسي
عيسى سلامات الفكرة من البوست مش المعلومة في رقبتها ومدى دقتها بل المقصود الطريقة الاتعرضت بيها و التدليس التم فيها من يوم اعلن عن ترأس الدابي للبعثة اغلب إن لم يكن كل البوستات التناولت سيرته جزمت ان الدابي مجرم حرب واحد مطلوبي المحكمة - يعني كمان معاها ادانة
01-09-2012, 06:29 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
هسى عليك الله يا محمد البشري فارق لو كان الدابى مطلوب او ما مطلوب??? زول من قلب النظام السودانى البيضرب فى شعبه من طرف..شيء فى دارفور و شيء فى جبال النوبة و شيء فى النيل الازرق. ممكن يكون ما مطلوب....لكن فى النهاية واقف يتفرج على الحاصل فى بلده و شايف الجاصل فى سوريا عادى* _____________________________ * "عادى" دى ذى "مطلوب" ....ما دقيقة. لانه بعد كم يوم الدابى قال ما كان قصد يقول كده
01-09-2012, 06:47 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: هسى عليك الله يا محمد البشري فارق لو كان الدابى مطلوب او ما مطلوب???
طبعا تفرق وفرق كبير جدا يا سمارت
قد يأتي يوم وتتاح فرصة لعقد محاكمات للنظام و كل من شارك فيه بما فيهم الدابي من تبرأه المحاكم لعدم كفاية الادلة - او اي سبب آخر- هل حنقول لا ما فرق زيو وزي من تمت ادانته ؟
الشبهات المثارة حول الدابى لم تات من فراغ فهو كان ذات يوم على راس الية كونها راس الدولة و كان لها سلطات فوق سلطات ولاة دارفور (لم يكونوا حينها منتخبين9 لا ارى وحها لمحاولة البعض هنا السخرية من ااتهامات سودانيز للدابى فمن جهة هذا المنبر ليس منصة قاضى فهو منبر اعلامى وجد المعارضون فيه فرصة للنيل من شخص محسوب على النظام نفس النظام الذى يضبح الناس عديييل و يحرق القرى و يشرد مئات الالاف من مواطنهم و فى نفس الوقت يوجد البعض هنا من رقيقى المشاعر و مرهفى الحس ممن يخشون جرح شعور اولئك القتلة بمجرد كلمات
Quote: هسى عليك الله يا محمد البشري فارق لو كان الدابى مطلوب او ما مطلوب???
سمارت يا سمارت إنتي الفهمتو من بوست صديقنا ود البشرى أنو بتكلم عن ( مصداقية المنبر ) المصداقية التي يتعامل بعضنا معها باستخفاف كبير حتى أضحت كـ ( الفريضة الغائبة )
ثم
تحياتي وسلامات
01-09-2012, 08:27 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
وعليكم السلام دكتور عوض كون المنبر ليس منصة قضاة لكن لا يعني هذا النيل من الانقاذ و رموزها بالباطل و الكذب الحقائق على الارض عن فساد الانقاذ تكفي وزيادة لا داعي لأن نكون مثل من راى هلال شوّال فلما شكرّوه و اثنوا على قوة بصره قال واها داك هلال تاني ولما تقول اننا نخشى على جرح مشاعر اولائك القتلة في الحالة القدامنا دي يا دكتور مدعي محكمة الجنايات بكل الامكانيات و الموارد التي توافرت ليه ما لقى ادلة كافية لإتهام الدابي فما بالك اصدرت حكم ادانتك و اعتبرته من القتلة من خلف كي بورد ؟ واحيلك لسؤالي لسمارت عن المحاكمات
هلا بيان وحمدالله ع السلامة الغريبة في الموضوع ان الدابي معين من الجامعة العربية ولا يمثل الانقاذ في هذه البعثة حتى نفهم ان ما تم نوع من النيل منه
01-10-2012, 08:33 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
Elawad
عاطف عمر
smart_ana2001
محمد عبد الماجد الصايم
فيس بوك
تويتر
انستقرام
يوتيوب
بنتيريست