الشعبية نجمة تزين سماء مدينة الخرطوم بحري

Quote: بسم الله الرحمن الرحيم ربنا يديك والحاجة العافية وطول العمر ونترحم علي روح اختنا رحاب وفعلا ده زمن جميل بالحيل يا وليد،العم نوري ربنا يديه العافية راجل نكتة بتذكره لما عمل بدكان عم سيد لكن عمله كخضرجي دي عرفتها منك،اذكر في الاعياد بعد الصلاة ياتي مهنئا بالعيد كل سنة وانت طيب ياعم نوري والقابلة في عرفات -عرفات دي بدري عليها نحن لسة شباب القابلة عريس ونقعد نضحك وحالة السوق الان يرثي لها حسب الصور النزلها الاخ الحاج حمد ،عموما انا ما كنت من رواده يعني يادوب اجيب فحم او ادقق دقيق وكلام لازم يطحنوا وراه قمح او قدامو قمح كنت بسمعها من الحاجة كتير، اختك كانت من رواد الطابونة والزحمة الشديدة والصحيان من بدري خصوصا في الاجازات دي اشياء في الذاكرة لاتنسي واذكر مرة في زحمة شديدة وانا عاملة فيها شفتة اتعلقت بالباب وشايلة الكيس وياعم التاج ادينا الجماعة بالزحمة والمدافرة ضغطوني ضغطة شديدة وحصل لي فكك في ركبتي واتذكر كان الدنيا رمضان وعيد الفطر علي الابواب ودوني للحاجة زينب اشري يديها العافية اكيد كنتو من روادها بعد اي اصابة من دافوري مسخن!!وحاج عكاشةالله يرحمه والبلح مكومو بطريقة جميلة وكل نوع علي حدة كان بفرش في مصطبة الطابونة،وايام الخبيز ونحن شايلين الصواني علي رؤوسنا والله يا وليد فعلا ايام لاتنسي، هسي بقي الخبيز في البيت أو نشتري جاهز انا راجية يا الحاج خبر تسمية سعد قشرة بقشرة،ويا عبدون رقم الحطابي غير مستخدم حاليا 0097150... ده الانت نزلته ،تحياتي للعريس ولكم كل الود ستنا بت خضر