الشعبية نجمة تزين سماء مدينة الخرطوم بحري

Quote: بسم الله الرحمن الرحيم الله لا جاب زعل يا عزام ، اذا صدقت موضوع الصورة الجماعة ديلاك البخليهم يصدقو شنو!الانت وصفتهم ديل القالو هاك سن الغزال وادينا سن الحمار ولا شنو !!(غليده ونجيضة) سنونهم منظر يعني ضحكني تشبيهك البليغ(متل العنقريب المقلوب) والله انت عندك المحن،مرة جاني حاج كبير في عيادة حاج الصافي وبعد التشخيص الضرس داير ليه خلع انتي ما بتقدري عليه نادي لي زميلك خلي الاقلعو ياحاج الحكاية ما عضلات بعد معانة شديدة اتخلع قال لي يا بتي ضروسي وبعرفها نحن شاربين لبن الابل والسمن قلت ليه يعني الكالسيوم كله عندكم بقي يضحك زي كلامك السمح ده يا وليد يا اخوي ما بقدر اجاريك فيه!!اضيف ليك في حلتنا دكتورة اشراقة حسن ادريس طبيبة اطفال في مستشفي احمد قاسم بيتهم مقاصد بيت ناس امام مصطفي ودي صديقة الطفولة وفي بنت عمها ناهد نوري ادريس بيطرية وهي شقيقة ادريس نوري واختها شيرين دكتورة تحاليل طبية (قول ما شاءالله)شوفت دعوات كانكيج كيف،بتزكر دعواته دي حتي في الاجازات يعني في اي موسم الله يرحمه ويحسن اليه شكرا اخواني الفاضل يسن والاستاذ صلاح شكوكو طولنا من كتاباتك الرائعة وعبرك تحياتي للاستاذ عزالدين الصبابي عرفته عن طريق شقيقي عاطف اخونا عبدون الصنة شنو سلمتنا الراية واختفيت ،الاخ عزالدين من سؤال وليد عن الحارث اخوك اظنني اصبت في معرفتك فالحارث معروف في الحلة تحياتي ودمتم ستنا خضر