الشعبية نجمة تزين سماء مدينة الخرطوم بحري

Quote: معليش ياحاج في مداخله لعابدون عن الجمعه في الشعبية لم تنزل . ياجماعة الخير القضيه وما فيها اول اشكر مجدي كنه على التواضع ويقيمنا افضل منه ولكن لاتنسو مجدي رجل اعلامي محنك ومحصحص وفوق هذا رجل رياضي من الدرجه الاولي وبسرعة اقنعكم ياحاجنا وياعابدون وهو يعرف من اين تأكل الكتف يتلاعب بالحديث كما كان يغازل الكره ( تقول قريب الترابي ) ياخي ده نحن ابعدنا شوكو عشان جاره قام ادخله مره اخرى وكما تعلمون النبي صلى الله عليه وسلم وصى بسابع جار ولكن برضو الاستاذ شكوكو سوف يقف مع الحق .وانا اعلم جيدا اننا لم نسطيع مجاراته لذلك ادخلناكم طرف في القضية وانتو اهل لها ولكن شايف اقنعكم بأول رد .ياجماعه مجدي ايام الجامعة ونحن عندنا ميزانية تفوق بتاعت البيت الابيض الامريكي ولم يصرف في الرياضه شي بحجة التوفير بس كان يجيب حلة من بيتهم وحلة من بيت ناس شكوكو ويعمل لينا فته ويقول ياجماعة البركه هنا.تخيلو المنظر وطبعا نحن متعودين على نظام المعسكرات تقوم تطلع في راسه فكره جنونية ويقنع بنات الرابطه بعمل اكل للرياضيين وكما تعلمون بناتنا صراحة كانو ارجل مننا واليوم داك الاكل اشكال والوان وبعد ده اذا في لاعب قصر يأكلو فول وله طرفه مع جمال فرفور قال له ياجمال انت احسن تشوف مجال الغناء نسبة لتواضع مستواه في تلك المباراه ويظهر اخونا جمال صدق الكلام .والان اصبح فنان الشباب الاول .ومجدي كنه يذكرنا ابوالعائله رئيس نادي المريخ . بعدين ياحاج شايفك قلت الارسنال وبرشلونه اذا الانجليز هم من اخترعو لعبة كرة القدم لم ينالو كأس العالم الا مره واحده ولا تنسى عندنا في الشعبية فرق النجوم والمارد والصداقه والصديق كان فيهم فطاحله ونحن شربنا عصارة فنهم ومسكو بايدينا . وفعلا ياحاج كلامك صاح انا كان عندي راتب من سلاح المظلات وراتب من السجون وراتب من شركة حجار ولكن كما تعلم قروش الكوره وحوافز التسجيل للجميع واولهم مشجعنا ابو اللول.ولي حادثه اخرى في نفس المجال وانت ياحاج وياعابدون تعرفون حركات الاداريين . في يوم من الايام يجيني في البيت ياسر ابورقة ووليد النقر شقيق مصطفي النقر وقالو لي على الكوارتي عايزك مشيت معاهم وعملو معي اجتماع لكي العب لفريق الشاطي امدرمان اربعة مباريات واتفقنا على مبلغ اربعمائة وخمسون الف وقلت لهم حقي كاش ( بول حمار ) يقوم وليد النقر يستقل المعرفه ويقول استلم ثلاثمائة وخمسون والمائة شيك بأسمي محدد التاريخ فقبلت وحزرته وموعد الشيك قبل المباراه الثانية فمشيت البنك وجدت الشيك من غير رصيد طوالي مشيت قسم بحري وعملت امر قبض لوليد النقر صديقي وهم توقعو لم اتي المباراه وخيبت ظنهم وخجل وليد النقر من تصرفة واخدني على جنب وقال تعال بكره بنك ام درمان واستلم حقك . فرديت عليه ياوليد دي حركات ادارات وماكان تدخل نفسك وهاك امر القبض بتاعك فضحك وقال ياوليد بحري انا صديقك .بس زي مجدي كنه ماقابلني ياخي ده يقنع الحجر وممكن يقول ليك انت ما اسمك حاج حمد وانت ما اسمك عابدون يعني لازم لجنتكم لتقتصو حقنا لازم تفوق حد زكاءه وللمره الثانية بقول ليكم حقنا ملك من وقف خلفنا طيلة مسيرتنا الكروية وكل ما نقف في منصات التتويج نتذكر الفضل يرجع للذين سبقونا في هذا المجال من شباب الحي المعطاء . (مرفق صورة مجدي كنه الزعيم الاداري الاعلامي المحنك المحصحص متوسط ابناء رابطة جنوب بحري )

Quote: ياحاج انا بكتب هذه الرساله والضحك عتاني والله يفتحها عليك محل ماتقبل ومحل وما تشرق وتغرب بكلام الحبوبات طال ما جبت لينا محمود قرميده الراجل العسل في الشاشة وانت عسل اكثر منه فرحتنا واضحكتنا ومحمود قرميدة مره في عصرية الشعبية البهية والحديث مفتوح عن البيوت الجميلة التي شيدت في جنينة فنوس قال وبطريقه جميله تعرفوا الناس ديل بعدين لو جاهم حرامي يأشرو على الشعبية ويقولو جانا من السكن العشوائي ده ( وهو صاحب هذه الرواية ).