|
Re: الشعبية نجمة تزين سماء مدينة الخرطوم بحري (Re: أمير قناوي)
|
يا حليلك يا عماد سايق براك .. ولا حتى بوليس حركة قلت لي؟ وين أختنا روما تقوم بالصفحة دي سداري وتوصلها المية. أمانة ما حيتمقلبوا ناس الرز باللبن. أيه رأيك كل واحد ينزل هسه 43 مداخلة ونقلبها ؟ .
عزام متخيل زي إنت لابد وبتسمع في الكلام !. طيب مافي مشكلة نخليك تقلبها إنت. وليد وشمس الدين ؟ . وليد السوق في السوق وشمس الدين في السودان. ما تخاف .. نزل 32 مداخلة بسرعة وخلي الباقي على عماد.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عماد الدين عبدالله)
|
Quote: يا حليلك يا عماد سايق براك .. ولا حتى بوليس حركة قلت لي؟ وين أختنا روما تقوم بالصفحة دي سداري وتوصلها المية. أمانة ما حيتمقلبوا ناس الرز باللبن. أيه رأيك كل واحد ينزل هسه 43 مداخلة ونقلبها ؟ . |
يا دكتور امير بتنا روما تجيك يومين تعود الناس عليها
وتعمل بيات شتوي قلنا ليها كل مرة ادي البوست طلة صغيرة
عشان ما يكون في انقطاع لكن برضو ما ظهرت الظاهر عليها
مزنوقة ربنا يكون في عونها لكن اكان ظهرت في باقي الليل
دا بنسلم الجماعة المية انت بس خليك قريب
اليوم جيت من الشغل بدري ومشيت جبت الخروف وجيت على البوست
قلبت الصفحة وما في زول ظهر انا ذاتي شكيت قلت في شئ حاصل
الناس دي كلها وين وقلت اجي راجع بعدين والحمد لله ظهرت انت
ومعاك الابداعات الجميلة لك كل شكرنا فعلا عمل جميل ومنسق
وهذا هو امير قناوي
تحياتي واحترامي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عماد الدين عبدالله)
|
ود قناوي ياخي ماعدمناك وده شغل كبير اها اناعملت تكبير للجريده وجميله جدا وناقصه بس كلام عن الرياضة في الشعبية ولان كان لها الاثر الكبير في تماسك اهل الشعبية بما انها كانت ملتقى تجمعهم شغل كبير كبير كبير وتشكر عليه
عماد عبد الله
Quote: ان شاء الله نجهز لك موضوع تحت عنوان
النقلة النوعية للشعبية الاسفيرية
بقيادة الربان ود حمد |
كلام سمح ياعماد
شباب الشعبية وتاني ياجماعة هطلت امطار تقيله في السعودية وكلها خير على الحجيج وسألنا على اخونا عز الدين الفحل وهو طيب والان بمنى وبيغريكم تحاياه من الاراضي المقدسه
ود قناوي ياخي انا كنت متأكد بأن هذا العمل ليس يكبر عندك وسوف تستبسطة زمان ياود قناوي في الاميريه (2) اهم شي في جريده الفصل لازم شخصي الضعيف يخط عنوان الجريده والعناوين الاخري واعمل على تخطيطها وتوزيعها حسب المواضيع المثيره والله زمن واليوم ذكرتنا له
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عماد الدين عبدالله)
|
Quote: عماد وود قناوي رايكم شنو نعمل على تجميد البوست الى ما بعد اجازة العيد لان الصفحة الميه سوف تكون حدث في المنبر ويجب كل الناس تشاهده وحسب كلامي مع الحاج حمد في الظهر بقول مسافر واقترح نعمل بوست تاني مثل (مبروك للشعبية الصفحة الميه ) والاحتفال يكون هناك ونعكس كل الجميل والانشطه في الشعبية داخل البوست بمساهمات الشباب
عماد ياخي حسب اتفاقنا معاك وحسب موافقتك انت من سيفتتح الصفحة الميه واخونا الحاج دعه يجهز لينا كلمة البوست
بعد العيد بعد العيد بعدالعيد (الصفحة المية |
اخي وليد طبعا تجميد البوست لازم يوافق عليه الجميع
لان الناس يتدخل على البوست وتدلي بدلوها لذلك لابد
من استشارتهم وكمان يكون في توضيح من الحاج حمد ليهم
انا ما عندي اي مشكلة بعد العيد او قبل العيد شوف
راي بقية الجماعة بعد طرح فكرتك عليهم ونجن معكم في
حلكم وترحالكم وفي البوست التاني ستجدنا باذن الله اول المشاركين
بخصوص افتتاح الصفحة المية طبعا الحاج هو الذي
جمعنا في هذا البوست وانا ارى انه احقنا في الاحتفال
بقص شريط هذه الصفحة المميزة وفي النهاية انا مع راي
المجموعة اللي تشوفهو نحنا بنعملوا
تحياتي واحترامي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عماد الدين عبدالله)
|
Quote: اخي وليد طبعا تجميد البوست لازم يوافق عليه الجميع
لان الناس يتدخل على البوست وتدلي بدلوها لذلك لابد
من استشارتهم وكمان يكون في توضيح من الحاج حمد ليهم
انا ما عندي اي مشكلة بعد العيد او قبل العيد |
وهو كذلك وانا من رايك في الحالتين مستعدين
ونتمنى لضيوفك عطله سعيده معكم وتسعدوا بزيارتهم ليكم
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: وليد عبد اللطيف)
|
Quote: وهو كذلك وانا من رايك في الحالتين مستعدين
ونتمنى لضيوفك عطله سعيده معكم وتسعدوا بزيارتهم ليكم |
شكرا يا ولي يا حبيب وتسلم لاخوك وما شاء الله عليك دائما مستعد حافظ صديق دا اخو ناس عاطف وياسر حسكة واكيد بتعرفهم وطبعا حافظ موهوب بتاع رسم وشطرنج وشارك في بطولات دولية للشطرنج وهو خريج جامعة السودان كلية العلوم التجارية محاسبة حاصل على الزمالة الامريكية للمحاسبين وقته كله كمبيوتر وقراية
تحياتي واحترامي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عماد الدين عبدالله)
|
يوم عرفة
يوم عرفة من أفضل الأيام عند المسلمين وهو يوافق 9 من الشهر الثاني عشر (ذو الحجة). يقف الحجاج يوم عرفة بعرفة وهو موقع قريب من مكة المكرمة. وهو أبعد المشاعر المقدسة من مكة إذ يبعد عنها 22 كم ، كما أنه خارج حدود الحرم.
التسمية وسميت عرفة بهذا الاسم، لأنها المكان الذي التقى فيه آدم وحواء بعد إهباطهما إلى الارض
حدوده وهذا المكان محدد بحدود شرعية، لا يجوز الوقوف خارجها، ومن أهم هذه الحدود حد طبيعي هو وادي عرنة. وهو وادي جاف يقع غرب عرفة وهوالحد الأساسي لها. ثم إن باقي المكان يتخذ شكل قوس واسع محدد بالجبال من جميع الجهات بينما تتميز أرضه بالانبساط. هذا اليوم يمثل أهم أركان الحج في الإسلام، حتى وصفه النبي صلى الله عليه وآله وسلم بقوله (الحج عرفة) - رواه الترمذي وأبو داود - وهذا أسلوب قصر وحصر وتخصيص للدلالة على أهمية هذا الركن.
و يوم عرفة من الأيام الفاضلة، تجاب فيه الدعوات، وتقال العثرات، ويباهي الله فيه الملائكة بأهل عرفات، وهو يوم عظَّم الله أمره، ورفع على الأيام قدره. وهو يوم إكمال الدين وإتمام النعمة، ويوم مغفرة الذنوب والعتق من النيران.
من فضائل يوم عرفة :
(1) إنه يوم إكمال الدين وإتمام النعمة ففي الصحيحين عن عمر بن الخطاب أن رجلاً من اليهود قال له: يا أمير المؤمنين، آية في كتابكم تقرؤونها، لو علينا معشر اليهود نزلت لاتخذنا ذلك اليوم عيداً، قال أي آية؟ قال : {الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً}المائدة قال عمر: قد عرفنا ذلك اليوم والمكان الذي نزلت فيه على النبي صلى الله عليه وسلم، وهو قائم بعرفة يوم الجمعة.
(2) قال صلى الله عليه وسلم: (يوم عرفة ويوم النحر وأيام التشريق عيدنا أهل الإسلام وهي أيام أكل وشرب ) "رواه أهل السّنن" وقد روي عن عمر بن الخطاب أنه قال: (نزلت –أي آية (اليوم أكملت)- في يوم الجمعة ويوم عرفة، وكلاهما بحمد الله لنا عيد).
(3) إنه يوم أقسم الله به : والعظيم لا يقسم إلا بعظيم، فهو اليوم المشهود في قول القرآن : {وَشَاهِدٍ وَمَشْهُودٍ }البروج. فعن أبي هريرة أن النبي صلى الله عليه وسلم قال: (اليوم الموعود : يوم القيامة، واليوم المشهود : يوم عرفة ، والشاهد : يوم الجمعة) رواه الترمذي وحسنه الألباني.
وهو الوتر الذي أقسم الله به في قوله: {وَالشَّفْعِ وَالْوَتْرِ }الفجر. قال ابن عباس: الشفع يوم الأضحى، والوتر يوم عرفة، وهو قول عكرمة والضحاك.
(4) أن صيامه يكفر سنتين: فقد ورد عن أبي قتادة أن رسول الله صلى الله عليه وسلم سئل عن صوم يوم عرفة فقال: (يكفر السنة الماضية والسنة القابلة) رواه مسلم.
وهذا إنما يستحب لغير الحاج، أما الحاج فلا يسن له صيام يوم عرفة؛ لأن النبي صلى الله عليه وسلم ترك صومه، وروي عنه أنه نهى عن صوم يوم عرفة بعرفة.
قال الإمام النووي عن صوم أيام العشر: "انه مستحب استحبابا شديدا " .
وقال عليه الصلاة والسلام: ( ما من عبد يصوم يوما في سبيل الله إلا باعد الله بذلك اليوم وجهه عن النار سبعين خريفا) متفق عليه .
(5) أنه اليوم الذي أخذ الله فيه الميثاق على ذرية آدم. فعن ابن عباس _ما_ قال: قال رسول الله صلى الله عليه وسلم: (إن الله أخذ الميثاق من ظهر آدم بِنَعْمان- يعني عرفة- وأخرج من صلبه كل ذرية ذرأها، فنثرهم بين يديه كالذّر، ثم كلمهم قِبَلا، قال:{ أَلَسْتُ بِرَبِّكُمْ قَالُواْ بَلَى شَهِدْنَا أَن تَقُولُواْ يَوْمَ الْقِيَامَةِ إِنَّا كُنَّا عَنْ هَذَا غَافِلِينَ } {أَوْ تَقُولُواْ إِنَّمَا أَشْرَكَ آبَاؤُنَا مِن قَبْلُ وَكُنَّا ذُرِّيَّةً مِّن بَعْدِهِمْ أَفَتُهْلِكُنَا بِمَا فَعَلَ الْمُبْطِلُونَ } (الأعراف: 172 ، 173) رواه أحمد وصححه الألباني.
فما أعظمه من يوم! وما أعظمه من ميثاق !
(6) أنه يوم مغفرة الذنوب والعتق من النار والمباهاة بأهل الموقف: ففي صحيح مسلم عن عائشة _ا_ عن النبي صلى الله عليه وسلم قال: ( ما من يوم أكثر من أن يعتق الله فيه عبدأ من النار من يوم عرفة، وإنه ليدنو ثم يباهي بهم الملائكة فيقول: ما أراد هؤلاء؟).
قال ابنُ عبدُ البر : وهذا يدلُ على أنهم مغفورٌ لهم لأنه لا يباهي بأهل الخطايا إلا بعد التوبة والغفران والله أعلم أهـ .
وعن ابن عمر أن النبي صلى الله عليه وسلم قال: ( إن الله يباهي ملائكته عشية عرفة بأهل عرفة، فيقول: انظروا إلى عبادي، أتوني شعثا غبراً) رواه أحمد وصححه الألباني. وسُئل فضيلة الشيخ بن عثيمين ( ) : لماذا يدعو الإنسان ولا يستجاب له ؟ والله عز وجل يقول: { ادْعُونِي أَسْتَجِبْ لَكُمْ } ؟ فاجاب فضيلته عن اسباب إجابة الدعاء وموانع الدعاء ، فقال : " هذا الرجل كان مسافراً والسفر غالباً من أسباب الإجابة لأن الإنسان في السفر يشعر بالحاجة إلى الله عز وجل والضرورة إليه أكثر مما إذا كان مقيماً في أهله، وأشعث أغبر كأنه غير معني بنفسه كأن أهم شيء عنده أن يلتجىء إلى الله ويدعوه على أي حال كان هو سواء كان أشعث أغبر أم مترفاً، والشعث والغبر له أثر في الإجابة كما في الحديث الذي روي عن النبي صلى الله عليه وسلم أن الله ينزل إلى السماء الدنيا عشية عرفة يباهي الملائكة بالواقفين فيها يقول: " أتوني شعثاً غبراً ضاحين من كل فج عميق" هـ . وذكر شيخ الإسلام ابن تيمية : فقال : ( الشُّعْث: هو اغبرار الرأس, والغَبَرُ: هو التراب، والغُبْرة: لونه) فإنه من المعلوم أن الحجيج عشية عرفة ينزل على قلوبهم من الإيمان والرحمة والنور والبركة ما لا يمكن التعبير عنه، لكن ليس هذا الذي في قلوبهم هو الذي يدنو إلى السماء الدنيا، ويباهي الملائكة بالحجيج )هـ
فعلى المسلم أن يحرصَ على العمل الصالح لا سيما في هذا اليوم العظيم من ذكرٍ ودعاءٍ وقراءةٍ وصلاةٍ وصدقةٍ لعله أن يحظى من الله بالمغفرة والعتق من النار .
فقد ذكر ابنُ رجب - – في اللطائف : أن العتقَ من النار عام لجميع المسلمين .
وذكر ابن القيم في كتابه: (زاد المعاد في هدي خير العباد ) ج1 فقال : "أنه في يوم عرفة يدنو الرّبُّ تبارك والله عشيةَ مِن أهل الموقف، ثم يُباهي بهم الملائكة فيقول: (مَا أَرَادَ هؤُلاءِ، أُشْهِدُكُم أنِّي قَدْ غَفَرْتُ لَهُم) وتحصلُ مع دنوه منهم تبارك والله ساعةُ الإِجابة التي لاَ يَرُدُّ فيها سائل يسأل خيراً فيقربُون منه بدعائه والتضرع إليه في تلك الساعة، ويقرُب منهم الله نوعين من القُرب، أحدهما: قربُ الإِجابة المحققة في تلك الساعة، والثاني: قربه الخاص من أهل عرفة، ومباهاتُه بهم ملائكته، فتستشعِرُ قلوبُ أهل الإِيمان بهذه الأمور، فتزداد قوة إلى قوتها، وفرحاً وسروراً وابتهاجاً ورجاء لفضل ربها وكرمه، فبهذه الوجوه وغيرها فُضِّلَتْ وقفةُ يومِ الجمعة على غيرها " هــ . وذكر السعدي في تفسيره للآية الكريمة : " وليال عشر " من سورة الفجر فقال : "في أيام عشر ذي الحجة، الوقوف بعرفة، الذي يغفر الله فيه لعباده مغفرة يحزن لها الشيطان، فما رئي الشيطان أحقر ولا أدحر منه في يوم عرفة، لما يرى من تنزل الأملاك والرحمة من الله لعباده، ويقع فيها كثير من أفعال الحج والعمرة، وهذه أشياء معظمة، مستحقة ، لأن يقسم الله بها "هـ . قال اللّه الله: ( وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ )الحج28. الآية. قال ابن عباس والشافعي والجمهور: هي أيامُ العشر. وقال النووي في كتابه (الاذكار ) : ( واعلم أنه يُستحبُّ الإِكثار من الأذكار في هذا العشر زيادةً على غيره، ويُستحب من ذلك في يوم عرفة أكثر من باقي العشر ) هـ أما من لم يتيسر له الحج فهو كما قال أحد السلف: " من فاته في هذا العام القيام بعرفة فليقم لله بحقه الذي عَرَفَه، ومن عجز عن المبيت بمزدلفة، فليُبيِّت عزمه على طاعة الله وقد قرَّبه وأزلفه ، ومن لم يقدر على نحر هديه بمنى فليذبح هواه هنا وقد بلغ المُنى ، من لم يصلْ إلى البيت لأنه منه بعيد فليقصد رب البيت فإنه أقرب إلى من دعاه من حبل الوريد".
مناسك يوم عرفة باختصار فإن شعائر هذا اليوم تبدأ بعد أن يصلي الحجاج صلاة الفجر في منى (التي تبعد 7 كم عن مكة) فينتظرون إلى شروق الشمس، ثم يسلكون بعدها طريقهم إلى عرفة وهم يرددون التلبية (لبيك اللهم لبيك لبيك لا شريك لك لبيك إن الحمد والنعمة لك والملك لا شريك لك)، ويقضون فيها النهار كله حتى غروب الشمس، حيث يدعون الله ويذكرونه ويبتهلون إليه كثيرا. مقتدين في ذلك بفعل النبي صلى الله عليه وآله وسلم. ويتخلل اليوم خطبة يلقيها إمام الحجاج (كتب الفقه تفترض أن هذا الإمام هو خليفة المسلمين أو من ينوب عنه) ويستمعون إليها عند زوال الشمس (الوقت الذي قبل صلاة الظهر بخمس دقائق - وهو وقت انعدام الظلال) ثم يصلون خلفه الظهر والعصر جمعا وقصرا. بأذان واحد وإقامتين. والسنة أن يصلي الحجاج في مسجد نمرة.
منقول
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عماد الدين عبدالله)
|
Quote: الصورة الجميلة بتاعت الطفل، فعلا كما قال اخي عادل لاولاد،المرحوم محمد عثمان فضل،فقط اختلف مع عادل،في انها للمرحوم حاتم او الحريف اشرف محمد عثمان. |
اخواني عادل والفاضل هذه الصورة لي وعندها عمري خمسة سنوات تقريبا ولكن دعونا نترحم على اخونا حاتم وذكرتوني هذه الشخصية الطيبة التي تتسم بالهدوء الدايم وعندما اتيت السعودية وجدت سيرته الطيبه من شباب السعودية ويحكون عن تميزه في الكوره واخلاقة الحميدة رحمة الله رحمة واسعة واسكنه فسيح جناتة
Quote: أنا غايتو بكون مساعد وأدفرونى لى أى حاجة تشوفوها مناسبة ماعندى مشكلة بس ما يكون فى الفترة الصباحية لغاية ستة مساءا وقبل ما اضرب الرز باللبن الساعة عشرة ونص بالليل .. |
ياعبدون ياخي والله انت الخير والبركة ويكفينا تواضعك وروحك الطيبة وحب الناس كلها ليك
عماد عبد الله اديك العافية وان شاء الله الحج القادم مشرقنا
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: وليد عبد اللطيف)
|
الاهـــل هــنا...
الاهـل بالشعبية...
كــل ســــنة وانتــم بـخـير ..
وعـــيـدمبــارك ...
ولحجاج البيت الحرام .. نكتب (بالظــهرة) على ابواب المنازل ..
حجا مبــرورا ... وســعيا مـشـكورا...
يا داخل هـ>ا الدار... صــلى على النبى المختار...
وتــقبـل الله ...
* الغياب الطويل اثر على المتابعة.. والبوســت قايم صـوف
وعجاجتو فى الســما .. وكما يقول المتثقفة ؟؟ قــد مرت (صفحات) كثيرة
تحت (الجـسر) الغياب؟؟ نتمنى ان نكون بينكم دوام..
* الاستعداد للاحتــفال بالعيد المئوى لميلاد صفحات بوست الشعبية...
تحمل فى طياتها كثير من المفاجاة السارة ... ومقدما نقول عقبال (الشمعة)
الصفحة الالف قريبا.. والتحايا للشعبية من الخور للمدارس ؟؟
عادل على صالح
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: أمير قناوي)
|
المشهد ..
مسجد الشعبية الكبير
ميدان الرابطة
ميدان النجوم
مسجد شيخ حسين نصر الدين
مسجد حلتنــا ( مربع 8/9 )
اى مسجد / سهلــة فى الشعبية
وتتهادى التكبيرات منذ صلاة الصبح ( اعلانــا بإنقطاع تكبير الحجاج وبدأ مسيرة تكبيرة غير الحجاج )
الله اكبر الله اكبر الله اكبر
لا اله الا الله
الله اكبر الله اكبر ولله الحمد
الله اكبر كبيرا والحمد لله كثيرا
وسبحان الله بكرة واصيلا
لا اله الا الله
نصر عبده وصدق وعده
واعز جنده وهزم الاحزاب وحده
لا اله الا الله
التهانـــــى بالعيد ...
السنة الجاية فى عرفات
كل سنة وانت طيب
كل عام وانتم بخير
تقبل الله منــا ومنكم
العفو لله والرسول
جــرد الحســاب للاحباب والصحاب ..
العفو لله والرسول
للكبير والصغير
للرجل والمراة
وكل عام وانتم اهل شعبية الخير بالف خير
وانشاء الله فى جــكة العيد دى نقلــب الصفحـــة
تهانــى خاصــــة ..
عمنــا عباس فقير ( وهو يستقبل هذا العيد دون امنــا علوية عليها رحمات الله وبركاتــه )
عمنــا محمد سعيد
عمنا عمر ابكر ( المؤذن )
عمنــا عز الدين الترزى
عمنــا محمد لطيف ( سوق الشعبية )
الخليفــة عبد المحمود
عمنــا بانقــا ادريـــس
ترمــــة :
وكمان عمنـــا عبد الوهاب على الحاج ( وهبــــة )
امهاتنـــا الفضليات كلهم دون فـرز
معايدة دفعـــة :
عزام حسن فرح
صلاح محمد صلاح ( ابو ديـــة )
امير عبد الله نصر قناوى
مجدى كنــه ( منتسب للدفعة )
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: بدر الدين اسحاق احمد)
|
كل عام وانتم بخير يا ناس الشعبيه
عيدكم بخيت ومبارك
من المدارس لغايت الخور ومن شارع المعونه لغايت الشارع الفصل بينا وبين ناس الهجرة
وين ما تكونوا ربنا يحقق الاماني
القابل العيد وهو مريض ربنا يشفيه اللسه طالب ربنا ينجحه
الما معرس ربنا يديهو الفي بالو
المتزوج ربنا يهدي سره
الما عندو عيال ربنا يقسم ليهو ويرضيه
العندو عيال ربنا يبارك ليهو فيهم
الماشغال ربنا يرزقو بالشغل الدايرو
والشغال ربنا يذيدو من نعمته
الداير اسافر ربنا يكتب سلامته
والداير يرجع من السفر ربنا يرفع قدمو
الما اشتري بيت ربنا يديهو
والعندو بيت ربنا يبارك ليهو
الداير يحجج والدينو ربنا يحقق ليهو امنيته
وكل الدايرنو ربنا يبارك فيهو ويقربو ليكم
العفو والعافيه يا جماعه
لو حصل زعلتا اي واحد فيكم اعفو لي
واتمنى ليكم كل السرور في العيد ليكم ولكل من يعز عليكم
روما
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: مريم عبد الله)
|
Quote: ليكي يا ريل احلا عيد ليكي
تكوني بين خلاتك وخيلانك شمعه منورة
كل اخلاق وسماحه المرحومة امك تجي فيكي
دعاء حبوبتك ومحبة خالاتك وخيلانك يقدمك
كل سنه وانتي بخير يا ريل |
اختي روما كتر الف خيرك على الدعوات الصالحات وربنا يقبل كا دعواتك .. بالنسبة لريل بنتنا كان لازم نسفرها الى حبوبتها القاهره لانهاكانت تشكي دايما من جنباتهاوحسب التشخيص اتضح انها مجرد التهابات في القولون وصرف لها علاج وهي الان الحمد لله ...
كل عام وجميع اهل الشعبية بخير
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: وليد عبد اللطيف)
|
اخوي وليد
كل سنه وانت طيب وربنا يخلي ليك ست الجاه ست الناس ام اسيل ويخلي ليك البنيات
والف لا باس على ريل الحلوة وربنا يشفي لينا امنا حجه عشة
تلفونها ما بيجي معاي بس باحاول لغايت ما احصلها واعيد عليها
عيدكم هنا يا اولاد عبد اللطيف سعيد وبن ما تكونوا ربنا يغتي عليكم وعلى عيالكم
اختكم روما
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
دكتورة روما .. عيدك سعيد وكل سنة انتي طيبة انت وزوجك وكل الاسرة الكبيرة في الشعبية وحلة حمد وأينما كانوا .. وربنا يحقق كل أمنياتك ..
وليد الحنين.. كل عام وانتم بخير مع اسرتك الصغيرة وامتدادها الكبير ـ وسلام معطر للأمورات أسيل ولجين ..
الفانتوم كل سنة وانت طيب يا ود عبدالله الطيب .. وربنا يحقق جميع الأمنيات ويغمرك أنت والأسرة في بحور الهناء والسعادة ..
عبدون العزيز ، وينك يا زول وعامل كيف مع وهبة والخروف .. شايفه عامل زغبير من الخروف ـ تجيهو بي جاي يمرق بهناك .. الله يجعل ايامكم كلها أعياد ..
سيد الحوش يا أخواننا نفذ كلامه ورجع تاني يعيد في السودان مع زولك داك يا عبدون واللا شنو؟ .. إن شاء الله البركة التباريهم محل ما يقبلوا ..
عادل عثمان عيدك سعيد وايامك خضر إن شاء الله ، وربنا يحقق الأماني ..
دكتور أمير قناوي إن شاء الله تكون في أتم الفرحة والصحة وسط اسرتك ووليداتك ببركة العيد السعيد ..
عزيزي معاوية محمد الحسن ، كل سنة وانت طيب ،ولعلك ما رجعت تاني البلد تعيد هناك؟ .. ليك المودة قيساب قيساب ..
عزام فرح الله يفرحك ووليداتك ببشائر العيد ويعود عليكم بالصحة والسلام ..
عبدالكريم الماكيكي تعود الأيام عليك بالصحة والسلام وتزوج محمدفؤاد وتفرح بأولاده..
ناس أمريكا، اسامة سعد وعادل علي صالح .. جعل الله ايامكم كلها افراح وعيدية مع اسركم الكريمة وربنا يجمع الجميع في اسعد الأوقات ..
الأكارم صلاح عباس وعزالدين الفحل .. ارسلوا لنا دعوات ونفحات أرض الحرمين الزاكية .. وكل سنة وانتم طيبين وبألف خير مع الأسرة الصغيرة والكبيرة ..
ولدنا الشاب بدرالدين اسحق ودفعته ودابودية وينكم ما ظاهرين .. جننتوا العضة ياخ .. كل عام وانتم بخير ..
أستاذنا البروف عبدالرحمن ، نرسل لك اعطر التحايا المباركة بمناسبة العيد وكل سنة وانت طيب ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
Quote: عبدون العزيز ، وينك يا زول وعامل كيف مع وهبة والخروف .. شايفه عامل زغبير من الخروف ـ تجيهو بي جاي يمرق بهناك .. الله يجعل ايامكم كلها أعياد .. |
منير يا حبيبنا كل سنة وانت طيب يازول عبدون كبر اللفة مني عديل قلت ليهو اول ما تصل السودان اديني هلو واديتو الرقم وحاتك عيدية ساي ما اتصل عيد علي لكن بتوقع اتصالو بعد العيد بعد ما يزول الخطر ههههه
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبدالوهاب علي الحاج)
|
...
[B]التحية والتقدير لكل الأخوة رواد هذا البوست وتهنئةمن الاعماق للجميع دونما تبعيض متمنين للجميع نواضر الود والتقدير وربنا يحقق المنى ======== وجدت هذه الصورة القديمة في البوست ولما كانت مشتركة مع آخرين وودت ان افردهاوتكملة النقص الذي فيها بحكم المشاركةفقد تكون عزيرة لصاحبها او أو ذويه خاصة وأن قدمها ربما يجعلها عزيرة على الأحباء نواضر ودي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبدالوهاب علي الحاج)
|
أخي العزيز عبدالوهاب .. طابت أيامك كل عام جديد يا رفيق الرياضيات تخصص وحلال المتطابقات وحساب المثلثات .. ياخي قصة الخروف دي شايفنها مدورة ليها سنة وما وصلتوا فيها لإتفاق .. لكين عارفك يا الحبيب لو قمت علي الشغلانة إلا تحلف تضبح تور ..
وبالمناسبة الصفحة الفاتت جيت رميت لينا اغنية روعة ومشيت وأنا قعدت معلق فيها الايام الفاتت كلها .. وسدة بسدة أنا أهديك اغنية الطيب عبدالله دي "أرض الحبيب" وإن شاء الله تعجبك ياخ .. ومعليش إذا كنت فرضتها عليكم .. . . . بعدين يا اخواننا شايف سهار الليل غائبين .. الشئ متختخين بالضلع والعضة واللا شنو؟..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبدالوهاب علي الحاج)
|
Quote: بعدين يا اخواننا شايف سهار الليل غائبين .. الشئ متختخين بالضلع والعضة واللا شنو؟.. |
مساء الخيرات لجميع الشعبياب والزوار الكرام
اخي منير كل عام وانت والاسرة بالف خير
والله فعلا متختخين بالضلع والعضة ومتواجد
معنا في زيارة لقطر الاخ حافظ صديق واسرته
طبعا هو متزوج اخت علي خضر علي الحسن
عشان كدا انا مسجل غياب ما في وقت للدخول
لكن دي طلة صغيرة
تحياتي للجميع
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عماد الدين عبدالله)
|
Quote: صديقي العزيز الفانتوم عماد .. بالله سلم لي شديد علي أخي العزيز حافظ ولبنت عمي زوجته وقل ليهم كل سنة والجميع طيبين .. وكيف أخبار الأخ عامر وكذا عادل الأكبر؟ ... وإنت بالمناسبة أنا لسه جاييك في قصة سفرك للزومة وحنعمل ليك استجواب تعيد لينا الشريط كله بالكهرباء.. |
الاخ والعزيز الغالي منير سلامك واصل للاخ حافظ وبنت عمك خضر واولادهم الاخ عامر صديق بالسعودية مدينة حايل هو واولاده الاخ عادل صديق موجود بالسودان ويسكن السامراب والله يا منير رحلتنا للزومة كانت متعة وان شاء الله نعيد ليكم الشريط بس خلي العيد ينتهي وعلى ما اعتقد احمد اخوك كان موجود ايضا في تلك الايام في الزومة تحياتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Emad Ahmed)
|
ناس الشعبية يا رائعين كلكم وبدون فرز عيد مبارك عليكم وينعاد عليكم إنشاء الله والاماني تتحقق والناس مبسوطة وملمومة يارب نتابع سير بوستكم العامر بكل حب مبروك وصولكم الميل 99 وعقبال الميل رقم 100 انا من الحوش الجنبكم ( ناس الزقازيق ) لمن وصلنا الميل ال 100 بكري ابوبكر ما قصر معانا ادانا حوش اكبر وبرندات اعرض واوسع عقبالكم لكم كل الحب والتحية
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: مريم عبد الله)
|
دكتورة:روما كل عام وانتم بخير،ويحقق امانيك ومحمد معك ويجعل ايامكم كلها اعياد وعيديه خاصة لكل شقيقاتك والوالدة الغاليه. وان شاءالله تامين وسالمين. طبعا يا روما نحن هسه ماشين نستلم خروفنا،ومرحب بيك انتي ومحمد،كلها فردة كعب اليونان من بريطانيا،كدة فكري في الموضوع دي،والعرض مغري لانو والدة سارة زوجتي معنا اليومين ديل.في انتظار البنوته. يعني شفتي الاعياد كيف،عيد الاضحي،ترقب المولودة،عيد الكريسماس> بعد دي ماعندك حجه.
تسلمي روما.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Adil Osman)
|
الفاضل يسن
عامر يا اخوي وحمد الله على سلامه الحجه ام سارة شرفتي يا خاله
وسلم لي على ست الذووق سارونه وربنا يقومها ليك بالسلامه
ويارب يتربى في عزكم المولود الف مبروك يا اخوي
ماشاء الله وعيني باردة وحصوة في عين الما بيصلي على النبي
والله فكرة كلها فردة كعب ومن حسا دا وعد اول جيه لي لي بريطانيا
والله اجي عندكم خلاص عندي بيت اختي سارة واخوي الفاضل
كل سنه وانت طيب وضبيحتك مقبوله يا سيد الشباب
سلم لي على سارة وعلى الحجه وعلى كل المعاك وتقبلوا سلام واحترام محمد
ربنا يغتي عليك ومليون ماشاء اللع عليكم يالفاضل
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الفاضل يسن عثمان)
|
الفاضل يسن
تسلم يا كريم الاصل وبيتك عامر دايما لامي الناس عندك
تسلم ليك زوجتك وربنا يخليك ليها ويقومها بالسلامه
وكل الفي مرادك ربنا يديك و يجبر ربنا بي خاطرك ويعليك
وما يحوجك لي شي وباذن الله ووعد يسالني منه ربنا
اول زيارة لي بريطانيا اجيكم شرف لي يا خوي اتعرف بيك
وبي اسرتك ربنا يعدلها عليك وين ما تقبل
اريتو بيت العمر والهنا والمنى يا اخوي
روما
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الفاضل يسن عثمان)
|
خالد درق:
تشرفت بمكالمة هاتفيه من دبي مع الاخ الودود خالد درق تهاني وعيديه من زول يعجز يراعي هذا عن وصف نبله وتوادده الشكر اليك يا خالد وعلي مشاعرك الفاضله. والشكر ايضا لود حمد الحاج الذي جعل ذلك ممكنا،للتواصل والمحبة التي تولدت من البوست. وكل عام ومزيد من التواصل والمحبة بيننا،ابناء وبنات الحي الفريد الشعبية. مودتي.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عفاف علي ميرغني)
|
الأعزاء الأخوة والأخوات أعاد الله علينا وعليكم العيد باليمن والخير البركات . من أخي عصام قناوي للجميع وفي المقدمة دفعته (الحاج حمد ، منير عبدالرحيم ، عماد الطيب ، عزالدين الفحل ، أحمد بابكر، صلاح عباس فقيري) ، ولصلاح شكوكو ووليد أطيب التهاني والأماني بعيد الأضحى المبارك. وهو يتابع ما تخطه أقلامكم المبدعة ويستعيد معكم ذكريات الشعبية . والدعاء (من عصام ومني) لعزالدين الفحل بحج مبرور وسعي مشكور وذنب مغفور، وللفاضل ياسين ببنوتة صالحة يقرالله بها عين أبويها .. آمين.
أختي روما عيد مبارك وربنا يحقق الأماني وشكراً على الزيارة الكريمة. تفدياً للأثار الضارة للإكثار من أكل اللحوم والشحوم نطالب بجكة سريعة في "الويك إند" تبدأ في الملتقى وتعبر التلات كباري وتوصلنا مكان الإحتفال بالصفة المية في حوش الحاج حمد. نرحب بعودة الغائبين ومجئ المهنئين: عامر باضاوي ، كمال الشادي وعفاف علي مرغني.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: مريم عبد الله)
|
عزيزنا أمير قناوي بلغ سلامنا الشديد للصديق عصام قناوي ، وإن شاء الله تعود الأيام بالصحة والسلام .. طولنا من شوفتك يا عصام ..
الفاضل يسين كل سنة وانت طيب، والتهانئ موصولة للأخ الودود خالد درق ..
روما صباحاتك بيض .. والقابلة بإذن الله معيدة في الشعبية ..
أختنا عفاف مرحبآ بالطلة البهية وألف مرحبآ بالأخ كمال الشادي.. مرحبآ بالزقازيقاب وجعل الله كل أيامكم أعياد.. . . . ________________
أها يا أخواننا أنا الآن بجهز في شعوري لأني مسافر بكرة بدري لمدة اسبوع ـ لإيطاليا تاني يا روما ـ فبالله ما تنسونا من دعواتكم ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
وصل قادما من المملكة العربية السعودية الاخ..سيف الدين حسن وفى يوم العيد ..مساءا وصل قادما من الولايات المتحدة..الاخ هشام حسن محمد الحسن وهما الان..فى البيت الكبير.. بيت الحاج حسن محمد الحسن التريبيل. وانا من هنا اشراكهم الفرحة بالعيد السعيد ولجميع افراد الاسرة..فالشعبية من اجمل الاماكن..التى قضيت فيها سنينا رائعة ولكم جميعا بورداب الشعبية التحايا وتهانى لكم بالعيد السعيد ودائما تامين وسالمين..,فى امان الله
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عزام حسن فرح)
|
Quote: بحكم المشاركةفقد تكون عزيرة لصاحبها او أو ذويه خاصة وأن قدمها ربما يجعلها عزيرة على الأحباء |
استاذنا شكوكو كل سنه وانت طيبة وتحياتي للحاجة وكل الاخوان والاخوات ولاصحابي شيشي وشهاب ياخي بالغت في الصورة عديل
اخواني واهلي الطيبين اقتربنا للصفحة المية ومن المؤسف لم نتفق على شكلها الى الان وهذا يدل على اشياء كثيره وسبق طرحنا كم راي ولم نجد الردود من الاخوان ونحن ماعايزين في يوم من الايام يكون بيناتنا من يفرض رايو. وعن نفسي انا بعزي مثل هذه الاشياء لعدم المدير او الامير او المشرف وطبعا اخونا الحاج زي ماعارفين في السودان وهو بشوف كل الناس واحد ولكنه اعطي القيادة لكل افراد البوست لذلك للان ماقادرين نتفق على شيء واضح وامكن يكون كمان في معظم الاشياء لم نتفق رغم الحب الكبير الذي بيننا ويجمعنا. وهنا لانبحث عن الشهره بل نبحث عن المفيد لنقدمه للناس وانا بقترح يكون اخونا عابدون محمد عابدون يكون هو المشرف او المدير وينظم لينا الشغله بحكم انه اكثر المتابعين بينناالى حين وصول اخونا ود حمد ونحن معكم في كل ماترونه مناسب
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: وليد عبد اللطيف)
|
عزام فرح اخوي
عيدكم سعيد وبخيت ينعاد عليكم بالخير يا ود القبايل
وعامر يا ود الشيخ في بيتك دوم الضيوف مكرومين
العفو والعافيه يخلي ليك بت ابراهيم شمعه مضويه
ويحفظ ليك اسرتك
علا مسعول من الخير الليله لندن كلها عنكم الجابيك بي هنا شنو
اريتا لندن السرور العظمة
روما
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: مريم عبد الله)
|
كيفك ياروما .. شكرآ جزيلآ لك علي الدعوات الصالحات وعلي الأغنية الجميلة ..
طبعآ السفرة دي كان مفروض تكون الاربعاء الفاتت كما قلت لكم ولكني أجلتها للأثنين .. والله الحقيقة أنا منقبض ومدبرس من هذه السفريات .. ولكن لازم امشي .. لأني بمشي أساعد في test لدائرة الكترونية قمنا بتصميمها هنا ويتم تجريبها هناك .. فأدعي لينا بالتوفيق ..
يا ريت لو الواحد كان بيلقي فرصة للنزهة والسياحة.. الحاصل إني من المطار وللشركة طوالي وشغل يستمر الي ساعة متأخرة ـ مرات الساعة 9 مساء .. واليوم البعده كذلك من 9 لـ9 وهكذا طول فترة بقائي هناك وذلك ايضآ الحصل في السفرات الفاتت ..
الزول لو كان لاقي فرصة كان ساق الأولاد معاه يمرقهم شوية .. لكين بي وين عاد؟.. بس قولي ربنا يعدي الشغلة دي علي خير وتوفيق .. الباقي كله هين ..
أها إن بقي الله أحيانا نشوفكم الويك إند الجاي ، وإن كمان عمرنا انتهي في اليومين ديل ما تنسونا من الدعوات ..
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: Munir)
|
نادية عثمان بركة الجبتك بوست الشعبية بعد غياب طويل. ههههه. كل سنة وانتى طيبة وشكرآ على ردك
Quote: عادل عثمان ود أبوي
مالقيت الكلام عني هنا وينوووووو؟ ههههه |
الكلام القلتو ليك فى البوست بتاعك تلقيهو فى صفحة 98. ومعاهو فيديو.
بالمناسبة دى حاشرح للشباب هنا مناداتك لى ب (عادل عثمان ود ابوى).
انا من اطلقت هذا اللقب على نادية اول ما تعاملت معها فى هذا المنبر منذ سنوات. لأنه اسمها نادية عثمان وانا اسمى عادل عثمان بقيت اقول ليها عندما اتداخل معها فى البوستات ( نادية عثمان اختى بت ابوى). ونادية بدورها صارت تنادينى بعادل ود ابوى عثمان.
نادية شاركت هنا مرة او مرتين واختفت. يا ريت تدينا طلة كلما سمح وقتك. وتنضمى الى قائمة المساهمات المنتظمات هنا د. ستنا خضر و د. مريم عبد الله.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: وليد عبد اللطيف)
|
قال أخي وليد: - اقتربنا للصفحة المية ومن المؤسف لم نتفق على شكلها الى الان - وانا بقترح يكون اخونا عابدون محمد عابدون يكون هو المشرف او المدير وينظم لينا الشغله بحكم انه اكثر المتابعين بينناالى حين وصول اخونا ود حمد.
أعتقد إنو نحن إتفقنا إنو تكون الصفحة المية بصورة مميزة ، وإنو كل الإخوة والأخوات ترسل مشاركات متميزة بهذه المناسبة تحمل عنوان مميز، وتركنا إختيار العنوان للجميع ، وكان هناك إقتراح للأخ عبدون بإسم الشعبية بين الماضي والمستقبل (إذا لم تخني الذاكرة) ثنى عليه وليد (إذا لم تخني الذاكرة) . وكان هناك إقتراح بإعادة نشر المواضيع التي أعجبت الناس في الصفحات السابقة . والإقتراحات كثيرة ولكن المشكلة كما قال وليد ما عندنا زول يحسم في هذه الأمور.
لذلك أؤيد إقتراحه بتوكيل الأمر للأخ عبدون (إذا كان موافق) ليقرر نيابة عن الجميع في كيفية الإحتفاء بالصفحة المئوية. وحتى لايضيع هذا الإقتراح في الزحمة أستسمح الجميع باعتبارهم موافقين إذا لم يبدوا إعتراضا قبل سماع رأي عبدون.
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبدالوهاب علي الحاج)
|
عبد المنعم سيد احمد:
Quote: وصل قادما من المملكة العربية السعودية الاخ..سيف الدين حسن وفى يوم العيد ..مساءا وصل قادما من الولايات المتحدة..الاخ هشام حسن محمد الحسن وهما الان..فى البيت الكبير.. بيت الحاج حسن محمد الحسن التريبيل.
|
التحية لاولاد الوالد الشهم،المرحوم حسن تربيل،والتهنية والتباريك بعيد الاضحي المبارك،اليهم<صلاح وسيف ومحمد وهشام وخالد وعمر> اول فطور ليوم العيد،كان بمنزلهم يخرج بعد الصلاة بسويعات قليله، والوالد المرحوم،يقابض من الشارع المعيدين لمشاركتهم الفطور. تظل هذه الذكري عالقة بذهني،او العيد بالسودان مرتبط لدي بذاك المنزل العامر اهله. اهل الكرم لا تحسب عندهم الاشياء،يبادرون بالخير بما لا تعلم اياديهم اليسري ما قدمته اليمني. التهاني بالعيد لسيف الدين وهشام ولكم اخي عبد المنعم.
مودتي
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: الفاضل يسن عثمان)
|
الجميل الفاضل يسن كل سنة وانت والاسرة بالف خير وشكرا لهذ الحديث الطيب.. فالشعبية اقمت فيها بمنزل والدى الراحل الحاج حسن ايام دراستى بمدرسة بيت الامانة الثانوية وكنا نتحرك سويا انا وجمال حسن من الشعبية لنفترق بالمحطة الاوسطى بامدرمان..بجمالها الاخاذ اذهب جنوبا لبيت الامانة..ويتجه اخى جمال شملا لمدرسة المهدية. ولا انسى..تلك المباراة التى حضرناها سويا..والتى جمعت مدرسة بيت الامانة ..وهى فى كامل عدتها وعتادها من النجوم مع المهدية..وكان وسطها ..رشيد المهدية..وعادل امين..وكعادة مدرستنا التى لا تقهر ..فزنا فى تلك المباراة الشهيرة وواصلنا حتى الظفر بكاس البطولة التى احتكرناها لمدة ثلاث اعوام..وهى مدة دراستى ببيت الامانة. ولك التحية ..لحديثك الطيب..فوالدنا الحاج حسن..كان عليه الرحمة الرجل القبيلة
| |
|
|
|
|
|
|
Re: الشعبية نجمة تزين سماء مدينة الخرطوم بحري (Re: عبد المنعم سيد احمد)
|
Quote: وكنا نتحرك سويا انا وجمال حسن من الشعبية لنفترق بالمحطة الاوسطى بامدرمان..بجمالها الاخاذ اذهب جنوبا لبيت الامانة..ويتجه اخى جمال شملا لمدرسة المهدية |
تعرف يا عبد المنعم في سردي لابناء المرحوم تربيل،سقط سهوا وعمدا،اسم جمال،لانه ارتبط عندي بالاغتراب الطويل يالعراق،حتي نسينا شكله.هذ سهوا،اما عمدا جمال الذي التقيته في 2006 بالسودان،لم يحضر الاعياد الكثيرة التي تشكلت في وعينا،بكرم اهله وجودهم ربما لصغرنا،وربما لحب الوالد الرؤف تربيل،لكل من هم في اعمار اولاده،وبلاشك كان يحفنا،ذلك الحنان و كنا في منتصف الدائرة.قلبت علينا مواجع فقد المحب. اللهم ارحم الوالد تربيل ووالدي يسن عثمان واسكنهما فسيح الجنان يارب العالمين.
مودتي
| |
|
|
|
|
|
|
|