كتب الكاتب الفاتح جبرا المتوفرة بمعرض الدوحة
|
Re: هو في شنو؟ (Re: عماد الدين عبدالله)
|
** الـصـديـق أُسـامــه ســعـــد.. ** حـمـداً لله عـلـى سـلامـة الـمـدام ,, ومـبـروك الـمـولـود ,, ويـتـربـى فـى عـزكـم.. (ودام الود بيننا) (ابو محمد فؤاد)
| |
|
|
|
|
|
|
Re: هو في شنو؟ (Re: عماد الدين عبدالله)
|
شفت يا شمسي اساتذة زمان رجالتهم
سافين جوه الفصل والبيفتح خشمو
سوط العنج واربعة كبار للشيل
غايتو حكم القوي على الضعيف
والله السحار كنا بنخاف منه خوف الموت
بجنب مكتبه ما بنجي
تحياتي واحترامي
| |
|
|
|
|
|
|
Re: هو في شنو؟ (Re: شمس الدين ساتى)
|
يوم صاحبى المتصبين دا كان مربى شعره وطبعا عبدون شعره
سبيبى والناظر السحار قال ليهو بكرة تجى حالق عبدون قال كويس
اليوم التانى عبدون جاء ممسح شعرو بالفازلين ومكرفسو عشان مايظهر
كثير ..عمك السحار كشف لعبتو وطوالى نادى عمك حميدة يا عم حميدة
جيب مقص الشجر ..عمك ما كضب أداهو المقص ..السحار مسك المقص وطوالى
مشى لعبدون وكان داير يحلق ليهو جوة الفصل .والفصل يضحك
| |
|
|
|
|
|
|
Re: هو في شنو؟ (Re: عماد الدين عبدالله)
|
إنسجام وثنائية رائعة بين شمس الدين ساتي
والعمدة أسفرت عن إحراز الصفحة رقم 86 الف مبروك
وعقبال الصفحة رقم 1000 ..
عابدون شد حيلك وعايزين الصفحة تكون ليك انت ..
| |
|
|
|
|
|
|
Re: هو في شنو؟ (Re: Emad Ahmed)
|
إسمه محى الدين وكان مشهور بالصمت والهدوء
وفى يوم شاكل أستاذ أحمد النحيف وكان قرب يضربه جوة الفصل
والله تعرف ياعماد أحمد دعوتك لى عبدون عشان يقلب الصفحة الجاية
ليه ما عارف تذكرت هتاف الرد الرد السد السد ههههههههههههههه
تعرف الثنائية دى كانت نتيجة مؤامرة راح ضحيتها عبدون وعبد الكريم
| |
|
|
|
|
|
|
Re: هو في شنو؟ (Re: شمس الدين ساتى)
|
الليلة غايتو انا مساهر مع العمدة لغاية ما اقلب الصفحة دى ..
صحيح محى الدين حميدة كان معانا فى الفصل وكان رجل شديد التهذيب ولايكثر من الكلام وانشاء الله ربنا يمسيهو بالخير ويوفقه فى حياته ..
| |
|
|
|
|
|
|
Re: هو في شنو؟ (Re: عابدون محمد عابدون)
|
Quote: الاخ/ عابدون تحياتى
الاخوان بالبوست سلام
الاخ / اسامة سعد الف الف الف مبروك بقدوم الفارس محمد اسامة سعد وان شاءالله يتربى فى عزكم امين
ولك الود
اخوك خالد درق ... دبى
|
| |
|
|
|
|
|
|
Re: هو في شنو؟ (Re: عابدون محمد عابدون)
|
Quote: أبو محمد فؤاد تعال هنا نعمل ليك إكسبلانيشن للغياب دون عذر مقبول وينك غاتس يا أبو محمد فؤاد |
** صديقى الشرير "ودساتى".. ** مساءك الله بالخير.. ** قاعد أعمل ليك فى خته عشان تاخد الصرفه الاولى وماتمشى تفضحنا فى السودان وتعملا ديون والناس تشيل حالنا ونلقا الخبر فى جريدة الدار :- مُــغـتـرب بـحـراوى يـسـتـدين لـشراء خـروف الـعـيـد,,
Quote: والله حيرتنا .. سألت عنك طارق ميرغنى فى البوست التانى .. أنا هسا قلت الراجل سافر السودان .. السفر مقرر بس فلوس نهى نمشى ونجى مدلدلين يدينا غايتو بس حق الخروف تانى مافلى شي |
** طالما طلعت حق الخروف ,, غايتو ختة الامارات نخليها ليك فى الرجعه (كده كيف معاك) ؟؟؟ ** نحنا السودان بجينا ماقاعدين نسافر ليهو ..(ها ها ها ها) (ودام الود بيننا)
| |
|
|
|
|
|
|
Re: هو في شنو؟ (Re: عابدون محمد عابدون)
|
Quote: الاخوان عبدون وابو محمد فؤاد تحياتي والله شمسي اكان كداري اكان عوم العيد في كوستي في كوستي قروش في قروش مافي ما مهم تحياتي |
** د. عماد.. ** مساءك خير .. ## آخر الاخيار على شريط قناة النيل الازرق لصاحبى الشرير :- ## (ود ساتى :- من أُم الاولاد والاولاد يابابا لو الجماعه ماأدوك قروشك ماتجى ,, بس رسل حق الخروف ) (ودام الود بين الجميع)
| |
|
|
|
|
|
|
Re: هو في شنو؟ (Re: عزالدين عباس الفحل)
|
الاخوان ابو محمد فؤاد وعبدون
كان في لعب تحت تحت وضرب تحت
الحزام وخيانات في قلب الصفحة
ويشهد الجميع بانها لشمس الدين
وانتو جيتوا الصباح بالدبابات
واحتليتوها يعني في خيانات اماراتية
تحياتي واحترامي
| |
|
|
|
|
|
|
Re: هو في شنو؟ (Re: اسامة سعد)
|
Quote: الاخوان ابو محمد فؤاد وعبدون
كان في لعب تحت تحت وضرب تحت
الحزام وخيانات في قلب الصفحة
ويشهد الجميع بانها لشمس الدين
وانتو جيتوا الصباح بالدبابات
واحتليتوها يعني في خيانات اماراتية
تحياتي واحترامي |
ياعمدة الصفحة الناس بيساهروا ليها عشان يقلبوها وصاحبك دا بجى طاشى ساكت جايبه الهبوب ويقوم يشوت وتدخل القون .. أها معقولة كدة؟ هو ذاته لى هسة ماجايب خبر فى الحصل ولا ماعارف نفسه قلب الصفحة ..
محبتى ..
| |
|
|
|
|
|
|
Re: هو في شنو؟ (Re: عابدون محمد عابدون)
|
الحكاية دى ياعمدة ذكرتنى حاجة ظريفة انو زمان مشينا البحر وكنا مجموعة وأخوك قال يعمل فيها صياد بتاع سمك وقلت لغاية ما الجماعة يجهزوا الفطور احاول امارس هواية الصيد وكان عندى خيط ساكت ومربوط فيهو سنارة يعنى مافى اى نواحى فنية اها رميت السنارة وقاعد منتظر قاموا الجماعة يكوركوا لى للفطور وانا قمت مشيت عليهم وساحب السنارة والخيط فى الارض من وراى يعنى حتى ما اتلفت عشان اطبق الخيط ولما وصلت للجماعة شايفهم ميتين من الضحك وفى النهاية اكتشفت انو انا قبضت سمكة وجاريها بالواطة لغاية ماوصلت الجماعة وماشايفها ..
أها زولنا دا بيقلب فى الصفحات وماجايب ليها خبر ..
| |
|
|
|
|
|
|
Re: هو في شنو؟ (Re: عابدون محمد عابدون)
|
Quote: الاخ / عابدون تحياتى
اهل الشعبية سلام ومبروك الصفحة ال 86
الاخوان بالبوست ارسل الاخ /هشام درماس اميل وبسلام على الجميع
بلغ تحياتي وسلامي لجميع الاهل والاخوان الطيبين الحنان ببوست الشعبيه وتحيه خاصه للاخت الدكتورة مريم وبقول للاخ وليدعبداللطيف معليش عزام ده مامواخذ وطيب وعلي نياته لكم كل الود اخوكم دوما هشام درماس-الدوحه [email protected])واميل هشام
ولكم الود
اخوكم خالد درق ... دبى
|
| |
|
|
|
|
|
|
Re: هو في شنو؟ (Re: عابدون محمد عابدون)
|
أعزائي
لكم جميعا كل التحية والمحبة
الاخ هشام درماس يغريكم كثير السلام ويقول مشتاق ليكم كتير.
خبر المانشيت :
وافق المهندس بكري ابو بكر علي منح الفنان هشام درماس الباسوورد ليصبح عضوا فعالا بالمنبر.
والاخ هشام في انتظار الاستلام
وبهذه المناسبة يسعدنا ان ينضم عضو جديد من ابناء الشعبية للمنبر العام ويا ناس بوست الشعبية انتظروا منافسا شديد المراس .
شكرا للاخ بكري ابو بكر وتمنياتي الطيبة للاخ درماس والتهنئة له من القلب.
خليتكم بعافية.
| |
|
|
|
|
|
|
Re: هو في شنو؟ (Re: حسن طه محمد)
|
حسن طه:
Quote: خبر المانشيت :
وافق المهندس بكري ابو بكر علي منح الفنان هشام درماس الباسوورد ليصبح عضوا فعالا بالمنبر.
والاخ هشام في انتظار الاستلام |
مبروك مقدما و مرحبا بك يا هشام..
| |
|
|
|
|
|
|
Re: هو في شنو؟ (Re: حسن طه محمد)
|
دكتور عماد عبد الله ياخي انت الورود دي بتجيبها من وين قلت الخطه الجديد عايز اوزع ورود مابدل ما اوزع ابتسامات هههههههههههههههههههههههههههه بمناسبة الصفحة الجديده و عودة دجانقو (كما قال عاد ل ود الدكتور ) للحاج حمد
خالد درق كيفنك هذا رقم حاتم كربوج 00966551328088
| |
|
|
|
|
|
|
Re: هو في شنو؟ (Re: وليد عبد اللطيف)
|
صباح الخير عليكم جميعا
وليد يا فنان . ممكن أسأل حاجة محيرانى
أنا قلبت الصفحة دى رقم 86 بالأمس وكانت
مداخلتى فوق .يعنى الأولى..اليوم الصباح لقيت ليك
صاحبى العجوز إحتلاها ومداخلتى نزلت التالتة كيف حصل دا؟
عبد الكريم وعبدون ..موتوا بغيظكم السفر تأكد والقروش وصلت
روما العزيزة وينك..
الحاج حمد طبعا بتعرف مريم بت عبد الله السيد جيرانا أخت
محمود حارس مرمى فريق الشعبية.. هى فى اليونان مع زوجها
وجوازها يونانى وحضرت للدكتوراة فى الطب النفسى وهى أصغر بنات
المرحوم عبد الله السيد
| |
|
|
|
|
|
|
Re: هو في شنو؟ (Re: وليد عبد اللطيف)
|
Quote: أبدون ...
Quote: وبقول للاخ وليدعبداللطيف معليش عزام ده مامواخذ وطيب وعلي نياته
طَيِب في عينك ... ياخ إنت أي حاجة بِرسِلوها ليك بِتنزِلا طوااالي كِده ... إنت ما سِمعت " بِالمُراجعة " ما عِلمت بِحاجة إسمها " التنقيح " ما مر عليك أفعال " مقص الرقيب " ... معقول البِقولو هشام درماس تجيبو لينا بِضِبانتو ... سمِح ... إن شاءالله " عُمر البشير " يِموت ... أمِش عليك الله حدِثو ... خليهو يِغطتِس حجري ...
|
عزام قول بسم الله دا ما أنا ..
انت عارف انا احتمال اجى عندكم الدوحة واذا دا حصل غايتو بجى شايل مفراكة من النوع البسموهو الجماعة .... النفسا هدية منى لى بت ابراهيم لأنو الظاهر الدق بالمقشاشة ماقاعد يجيب نتيجة.. اها دا اللغم بتاع قطر اما اللغم فى السودان فكلمت البشير قولت ليهو عزام قال ليك انشاء الله تموت قام ضحك وقال كان بى قولو يشرب ...... وكان بى قول الله استغفر الله ..
| |
|
|
|
|
|
|
Re: هو في شنو؟ (Re: عماد الدين عبدالله)
|
Quote: دكتور عماد عبد الله ياخي انت الورود دي بتجيبها من وين قلت الخطه الجديد عايز اوزع ورود مابدل ما اوزع ابتسامات هههههههههههههههههههههههههههه |
الحبيب وليد
تحياتي واحترامي
الورود للحلوين الزيك بنجيبها
من مواقع كثيرة
اعمل بحث في قوقل عن بطاقات فلاش او صور فلاش
حسب النوع العايزه مثلا ( بطاقات فلاش تهنئة بالنجاح )
وبتظهر ليك كمية من المواقع واقعد نقي الشي العايزه
تخياتي واحترامي
| |
|
|
|
|
|
|
Re: هو في شنو؟ (Re: وليد عبد اللطيف)
|
حسن طه:
Quote: وافق المهندس بكري ابو بكر علي منح الفنان هشام درماس الباسوورد ليصبح عضوا فعالا بالمنبر.
والاخ هشام في انتظار الاستلام
|
ترحيبي بالصديق وابن الحارة هشام درماس بعضوية المنبر،ويشكل هشام اضافة نوعيه للمنبر وبوستنا. هنالك معلومة ذكرتها،د/روما،بان هشام كان يراسل مجلة الاطفال ماجد واضيف بان هشام في طفولته وكان نشطا واقام منتدي اصدقاء مجلة ماجد ببحري. ونشكر كل من ساهم ودعم ترشح هشام،لانه خلق توازنامعقولا بين المربعات ولكم اخي حسن طه جزيل الشكر والاحترام.
مودتي
| |
|
|
|
|
|
|
Re: هو في شنو؟ (Re: الفاضل يسن عثمان)
|
Quote: ياعمدة الصفحة الناس بيساهروا ليها عشان يقلبوها وصاحبك دا بجى طاشى ساكت جايبه الهبوب ويقوم يشوت وتدخل القون .. أها معقولة كدة؟ هو ذاته لى هسة ماجايب خبر فى الحصل ولا ماعارف نفسه قلب الصفحة .. |
عبدون تحياتي
يااخي شمس دا الايام دي ما بنوم
بيعد في الايام الباقية للسفر
بعد ما لما الكاش
والصفحة قلبها مع سبق الاصرار والترصد
وهو مسكين وصغير ما بقدر عليكم انت
وابو محمد فؤاد
تحياتي واحترامي
| |
|
|
|
|
|
|
Re: هو في شنو؟ (Re: وليد عبد اللطيف)
|
عزّ الدين عباس الفحل سلام الله ورحمته وبركاته عليك وعلى جميع أفراد الأسرة الكريمة، خاصّةً الأمورة علا! وطبعاً الوالدة العزيزة، إذا كنت نسيت المرة الفاتت ما تنسى أسه!
Quote: وانفجرت الضحكةعالية وقطعت الاذان وقلت بصوت مخنــوق ( لا اله الا الله ) ( ختمت الاذان ) ( من غير مواصلته ) وماهي الا لحظات ووجدت عم عمر ( المؤذن ) امامي يحمل العصي ويحاول ضربي ، فتركت ( المايك ) واطلقت ساقي جاريا الي منزلنا، وانا اكاد اسقط من كثــرة الضحك |
أضحكتنا أضحك الله سنك!
| |
|
|
|
|
|
|
Re: هو في شنو؟ (Re: عابدون محمد عابدون)
|
Quote: الا خ / عابدون سلام
الاخوان بالبوست تحياتى
الاخ / وليد عبداللطيف مشكور على تلفون حاتم كربوج وقد قمت بالاتصال بها وتبدلنا اطراف الحديث والزكريات الجميله عن الشعبية الحبيبة وهذه هى فايدة بوست الشعبية حيث الترابط بين ابناء الشعبية فى الداخل والخارج ودمتى ياشعبية ولك الود اخى وليد
اخوكم خالد درق ... دبى
|
| |
|
|
|
|
|
|
Re: هو في شنو؟ (Re: عماد الدين عبدالله)
|
المستشار خالد عثمان أحمد ( كراكة ) ابن الشعبية جنوب له مساهمات جميلة
في بوست بحري طراوة ونقطتف منها هذا الموضوع عن اللاعب عز الدين الصبابي ..
أتمنى أن يجود علينا الأخ خالد بكتاباته الرائعة في بوستي الشعبية نجمة وبحري طراوة .
مع خالص تحياتي
Quote: عز الدين الصبابي
ولد عز الدين محمد خير ( الصبابي ) في نهاية الخمسينات (إرتباطه بالصبابي في التسمية جاء لأنه لعب بفريق الصبابي في الدرجة الثالثة حينها) ، تخرج من جامعة القاهرة فرع الخرطوم و بدأ حياته العمليه بالقضاء الواقف (المحاماه) ثم إنضم للهيئه القضائيه وعاد مرة أُخرى للمحاماه ، ومن طرائف عز الدين الصبابي يحكي أنه أثناء عمله بالقضايا بمحكمة الدروشاب وكان ذلك في اليوم التالي لمقتل الفنان خوجلي عثمان ، لاحظ عز الدين أن أحد الأشخاص كان يأتي كل فترة ليتاوق من شباك مكتب عز الدين ، ثم يذهب وما يلبث أن يعود مرة أخرى ، تكرر هذا الأمر عدة مرات مما أدخل الريبة في نفس عز الدين وظن بالرجل الظنون وأنه ربما كان إرهابياً ، فنادى عز الدين عسكري المحكمة وطلب منه أن يحضر الرجل أمامه ، وبالفعل جاء الرجل وقال لعز الدين (إنت عز الدين الصبابي بتاع الموردة) فرد عليه عز الدين (أيوة) فقال له الرجل ما عرفتني قال عز الدين (لا) فقال الرجل : تتذكر لمن جيت الشمالية منطقة الغابة (هذا الحدث كان له أكثر من خمسة عشرة سنة) ، أها أنا الكنت كبيت ليكم الشاي !!!
وتلك الإضافة كانت من عبد الكريم احمد الامين ( ابو محمد فؤاد ) : ومن أجمل اللحظات التي يمكنك أن تقتضيها مع الصبابي هي غرفة المحامين بمحكمة بحرى المدنيه جوار سوق الخضار,, وذلك في وقت ماكان يُسمي بالفطور الدائرى وهو :- أن يقوم أحد الزملاء او الزميلات بطلب فطور له/ لها أو مع آخرين ويتأخر الفطور وتكون لديك جلسات فتذهب اليها ,, فيمكن أن يفطر بهذا الفطور آخرون ولكنهم يقومون بطلب نفس الطلبات التي أكلوها للقادمون الجُددأو لمن طلب الفطور الاول , وكان هنالك زميل درس القانون ولم يعمل به ولديه تاكسي ساعته مظبوطه مع الفطور في الغرفه فطلبت أنا وعزالدين فطوراً فؤجئنا بصاحبنا التكاسي قضي علي الاخضر واليابس , ولم يقم بطلب الفطور الدائرى ,, فما كان من عزالدين إلا أن قال له :- بطريقتك دى يوم بتقتل زول في الغرفه دى أو يقتلك زول . |
| |
|
|
|
|
|
|
Re: هو في شنو؟ (Re: وليد عبد اللطيف)
|
ولي ...
Quote: ياعبدون خلاص الله يسامحو انا اتصلت علية 3 مرات ولم يرد كنت عايز اديهو ليك من رشات محسن خالد ديك وكلام ما بينكتب |
يا زول طريقتك في الإتِصال عَينه ... حرم عَينه ... مرة الساعة 30ر3 بعد الظُهر ... مرة الساعة 30ر10 مساءً ... مرة قبل الفجرِية ... إنت يا زول شغال في السواري ولا شنو؟ ... أمانةً عليك دي أوقات بِتصِلو فيها ... هسِع ما مُمكِن أتصِل بِطريقتك دي مع أوباما ظاتووو وأقول لِلخلِق " أبى يِرُد علي " يا زول عاوِز تناضِم معاي إتصِل بين شاهي المغرب والعشا ... وأبعِد قدر الإمكان مِن الخمايِس بِالليل والجِمع بِالصباح ويوم عاشوراء ... كدي تاني تعال دُق الباب ده فِي مِتِل الأوقات دي ... ومُحسِن خالِد طايِر في السما دي ... أنا راجيهو بس يِقوم مِن الوِرده الماسكاهو ... قالو مُتحسِس شوية ... كفارة لي
| |
|
|
|
|
|
|
Re: هو في شنو؟ (Re: عزام حسن فرح)
|
آبدون ...
Quote: عزام قول بسم الله دا ما أنا .. |
ياخ ما تِسْتَوعبني شِوية ... أنا عارِف الكلام ده ما كلامك ... ده كلام هشام درماس ... علشان كِده قُلت ليك :
Quote: إنت أي حاجة بِرسِلوها ليك بِتنزِلا طوااالي كِده ... إنت ما سِمعت " بِالمُراجعة " ما عِلمت بِحاجة إسمها " التنقيح " ما مر عليك أفعال " مقص الرقيب " ... معقول البِقولو هشام درماس تجيبو لينا بِضِبانتو ... |
| |
|
|
|
|
|
|
Re: هو في شنو؟ (Re: وليد عبد اللطيف)
|
Quote: عبد الكريم وعبدون ..موتوا بغيظكم السفر تأكد والقروش وصلت |
** الشرير "ودساتى" ** مساءك خير.. ## بركه الجمعت..(الله فكانا من الخته) ## وزى مابقولو السُتره والفضيحه مُتباريات ,, اهو الله أنقذك من الديون ,, ومن عنوان صحيفة الدار ,, وتمشى وتجى بالسلامه ,, وكتر من أكل السمك والشمام الاول عشان الكلوسترول وماتمشى ترعا لينا فى اللحم مع عامل السن النتائج غير محموده ,, والشمام عشان الهضم ,, نِهى مويات ,, نِهى مويات..(ودام الود بيننا) (ابو محمد فؤاد)
| |
|
|
|
|
|
|
Re: هو في شنو؟ (Re: عابدون محمد عابدون)
|
Quote: آبدون ...
Quote: عزام قول بسم الله دا ما أنا ..
ياخ ما تِسْتَوعبني شِوية ... أنا عارِف الكلام ده ما كلامك ... ده كلام هشام درماس ... علشان كِده قُلت ليك :
Quote: إنت أي حاجة بِرسِلوها ليك بِتنزِلا طوااالي كِده ... إنت ما سِمعت " بِالمُراجعة " ما عِلمت بِحاجة إسمها " التنقيح " ما مر عليك أفعال " مقص الرقيب " ... معقول البِقولو هشام درماس تجيبو لينا بِضِبانتو ...
|
ايوة كدة انعدل كويس .. ناس ماتجى الا بالمفراكة ..
ياوليد الزول القلتو لى دا قصته شنو انا سامع اسمه كتير هنا ..
| |
|
|
|
|
|
|
Re: هو في شنو؟ (Re: عابدون محمد عابدون)
|
عشان تعيد فى الدوحة بالبريانى
العيد فى الدوحة بكون مع حسن أبو الحسن
نمشى من الصباح بعد الصلاة أنا وإبنه وضاح
لسوق الغنم نعزل أكبر خروف نوديهو المسلخ
ونجيبو البيت فى كيس . شفتا مساخة العيد برا السودان
ياخ أنحنا كان ماوقفنا جنب الضباح وقعدنا ننظر يبقى
فايدة الخروف شنو.. تلفون حسن جمع معاكم ولا .
ياعبدون كان نسيت أستاذ عنتر تكون بالغتا.. الكان
بيدينا العلوم ..بعدين كان بيجلد قرب الباب خارج الفصل
وأنا جيت مارى من الخلف العصاية جاتنى فى عينى اليمين
حتى دخلت المستشفى بتاع بحرى 18 يوم والرشيد أخوى مشى شاكل
وقرب يضربه .. بعدها جائنى الأستاذ فى المستشفى واعتذر لى
| |
|
|
|
|
|
|
Re: هو في شنو؟ (Re: شمس الدين ساتى)
|
شمس ...
Quote: العيد فى الدوحة بكون مع حسن أبو الحسن نمشى من الصباح بعد الصلاة أنا وإبنه وضاح لسوق الغنم نعزل أكبر خروف نوديهو المسلخ ونجيبو البيت فى كيس . شفتا مساخة العيد برا السودان |
بِالله نحنا حالتنا شينه قدُر ده ... (وش ببكي) والله غايتو جِنِس غايتو ... الواحِد مِن الله يِقسِم ليهو تِذيكرة وشِنيطة يِدفِس في بطُنا كم هِدمه وشِشِب يِقنِب يِيشتِن عيد الفاتُم ... عيدكُم في الحقيقة مسيخ ... صلاتكُم شي حار السيخ ... خروفكُم ما بِسوي طبيخ ...
| |
|
|
|
|
|
|
Re: هو في شنو؟ (Re: صلاح عباس فقير)
|
عزيـــزي صـــلاح عباس فقيري
حياك الله
اصدقك القول في نفس اللحظة المرة السابقة اخبرت الوالدة العزيزة انو الاخ صـــلاح عباس فقيري بهديك السلام من المدينة المنورة ، وعلي طول ردت الوالدة العزيزة عليك السلام وقالت ( ربنا يحفظك من كل سوء ، ويرد غربتك الي اهلك سالما ) . * موضوع ( الاذان ) وايام الطفولةالشقية مازلت اذكره الي هذا اللحظة كلما سمعت الاذان كانه حدث بالامس القريب . * الامـورة ( عـــلا ) تهديك اجمل التحايا ( يا عمــــو صـــلاح ) ..
مع خالص الاشواق
عزالدين عباس الفحل ابــوظبــي
| |
|
|
|
|
|
|
Re: هو في شنو؟ (Re: عزالدين عباس الفحل)
|
الاخ الفاضل عماد عبدالله
حياك الله
عزيزي ارجو منك ان تقرا موضوع ( مــوقــف مضحــك للغــايـة فـي الشعبيــة جنــوب مربـــع رقـم 9 / 8 ) ، في نفس هذه الصفحة . * الف شكر ياغالي علي مجهودك في رفع صورة الابنة ( عـــلا ) وهي انبسطت اشد الانبساط عندما رات صورتها تعبر الاثير .
مع خالص الاشواق
عزالدين عباس الفحل ابــوظبـي
| |
|
|
|
|
|
|
Re: هو في شنو؟ (Re: عزالدين عباس الفحل)
|
اخــوي عابدون محمد عابدون
حياك الله
الغالي قرات مداخلتك وكل مداخلات الاخوة الافاضل ، لكني لم اجد الفرصة للرد عليك من كثرة ضغط الشغل وانعدام الوقت عندي والحمدلله . * بعدين السكوت علامات الرضا وربتا يخلي ليك اولادك ويعطيهم الصحة والعافية .
مع خالص الاشواق
عزالدين عباس الفحل ابــوظبـي
| |
|
|
|
|
|
|
Re: هو في شنو؟ (Re: عزالدين عباس الفحل)
|
اخـــوي وليد عبداللطيف
حياك الله
انا منتظر مداخلتك الشيقة لموضوع ( موقف مضحك للغاية في الشعبية جنوب مربع 9 /8 ، وحاليا انا قاعد في المكتب والساعة الان في ابوظبي 35 : 11 مساء ، من يوم الاربعاء .
مع خالص الود
عزالدين عباس الفحل ابـوظبـي
| |
|
|
|
|
|
|
Re: هو في شنو؟ (Re: عزالدين عباس الفحل)
|
اخي الغالي ابو عــــــلا
ماشاء الله على الذاكرة والله الواحد مات من الضحك
واتذكرت الزاوية وعمي عمر الذي كان يحرص ويصر
على الشباب في رفع الآذان وعامر صديق كان من
اكثر الشباب رفعا للآذان يا لها من ايام
وهسع بنات عمنا عبدالله الصوفي ما شاء الله عليهم
ربنا يعطيهم الصحة والعافية وربنا يعطي عمنا
عبدالله الصوفي والوالدة خضرة الصحة والعافية
تحياتي واحترامي
| |
|
|
|
|
|
|
Re: هو في شنو؟ (Re: عماد الدين عبدالله)
|
الدكتور عماد عبدالله
حياك الله
نعم الاخ ( عامر صديق ) كان يرفع الاذان في الزاوية باستمرار ، وصوته جميل للغاية ، والحمد لله الزاوية بقت مسجـــد كبير ، واخر تكييف وعمنا ( عبدالله الصوفي ) ربنا يديه الصحة والعافية اخر مره شفتو عندما زار الوالد في منزلنا في مناسبة في البيت وكانت ليلة ممتعة مع ( اولاد حاج الماحي ) وبحضور جميع الاهل والجيران بالشعبية ، وكلما ارتفع الاذان كلما تذكرت ذلك الموقف المضحك . والاخ ( عامر صديق محمد ابو زيد ) موجود في السعودية في منطقة حائل علي بعد ثلاث ساعات والنصف من المدينة المنورة ، وعامر قابلته اخر مرة في السعودية في المدينة المنورة قبل عامين
مع خالص الود
عزالدين عباس الفحل ابــوظبـي
| |
|
|
|
|
|
|
Re: هو في شنو؟ (Re: عابدون محمد عابدون)
|
Quote: الاخ / عابدون تحياتى
اهل الشعبية السلام وعليكم ورحمة الله وبركاتة
اخوتى :- نتفقد بعض الاخوان فى البوست لهم زمن ماظهرو فى البوست ان شاء الله المانع خير وهم
الاخت / الدكتورة روما
الاخ / الدكتور امير قناوى
الاخ / مبارك كنه
الاخت / الدكتورة ستنا
الاخ / المهندس مجدى نقد
الاخ / سيد احمد الشيخ
الاخ / بدرالدين اسحاق
وارجوا المعزره لمن لم نزكر اسمها
ولكم الود والاحترام
اخوكم خالد درق ... دبى
|
| |
|
|
|
|
|
|
Re: هو في شنو؟ (Re: عابدون محمد عابدون)
|
ياجماعة انا عندى اقتراح وعايز رايكم فيهو ..
أحم .. احم ياقول منير ..
طبعا البوست زى ماعارفين عدد الصفحات عملت ستة وثمانين صفحة من الذكريات الذهبية واقتراحى ياسادة انو نقوم نطبع الصفحات دى فى كتاب ياسعادة المستشار حسن طه ونحصر اعدادنا الموجودين هنا ونرسل لكل واحد نسخته مقابل مائة ريال ومايعادلها بالعملات الاخرى ويتم ارسال هذه المبالغ للاخ اسامة سليمان فى الشعبية لاكمال الاعمال الناقصة ..
الخطوة الاولى رايكم فى الكلام دى الخطوة التانية حصر اعداد الناس وعناوينهم الخطوة التالتة البدء بالخطوات العملية فى الطبع من اعداد للصفحات والديزاين للغلاف والخطوة دى انا برشح عمدتنا فى السعودية وعمدتنا فى قطر بقوة لأخذ رأيهم واقتراحهم فى موضوع الغلاف وبعد كدة نتوكل .. تكلفة الطبع وعدد النسخ طبعا حتكون على حساب اشتراكات الافراد ..
أها رايكم شنو؟
| |
|
|
|
|
|
|
Re: هو في شنو؟ (Re: عابدون محمد عابدون)
|
Quote: الاخ / عابدون تحياتى
اهل الشعبية السلام وعليكم ورحمة الله وبركاتة
اخوتى :- نتفقد بعض الاخوان فى البوست لهم زمن ماظهرو فى البوست ان شاء الله المانع خير وهم
الاخت / الدكتورة روما
الاخ / الدكتور امير قناوى
الاخ / مبارك كنه
الاخت / الدكتورة ستنا
الاخ / المهندس مجدى نقد
الاخ / سيد احمد الشيخ
الاخ / بدرالدين اسحاق
وارجوا المعزره لمن لم نزكر اسمها
ولكم الود والاحترام
اخوكم خالد درق ... دبى |
الأخ خالد درق
ياسلام عليك ياأصيل
الأخ فيصل عبد الله غائب ايضا لفترة طويلة عن البوست وتعود أسباب
غيابه لسرقة سيارته وبداخلها جهاز اللاب توب ويعدكم بالعودة
قريبا ويرسل تحياته للجميع ..
وربنا يعوضك خير اخي فيصل والجاتك في سيارتك سامحتك .
| |
|
|
|
|
|
|
Re: هو في شنو؟ (Re: Emad Ahmed)
|
Quote: موقف لي في حلتكم يازول في مره اولا د من الشعبية متحدين اولاد حلتكم كوره وكنا صغار فدعوني المتحدين اشاركهم فرحبت بالفكره ويازول اول ماعبرنا شارع الذلط من جهتنا وتخطينا الشارع الاول وماشي تحت الحيطه لحرارة الشمس يازول تجيني ليك موية حمام من احدي البيت بالحيطه والله اخوك اصبح كلو صوف وصوف حمام حقيقي وطبعا رجعت البيت وتخيل المشوار ولم اشارك احبائي التحدي |
الاخ الحبيب ولي
اها دا آخر المشي تحت الحيط
وحق الناس الماشي تتحداهم
ربنا حلاهم من ولي الحريف
بموية حمام ظريف
تحياتي واحترامي
| |
|
|
|
|
|
|
Re: هو في شنو؟ (Re: عماد الدين عبدالله)
|
Quote: طبعا البوست زى ماعارفين عدد الصفحات عملت ستة وثمانين صفحة من الذكريات الذهبية واقتراحى ياسادة انو نقوم نطبع الصفحات دى فى كتاب ياسعادة المستشار حسن طه ونحصر اعدادنا الموجودين هنا ونرسل لكل واحد نسخته مقابل مائة ريال ومايعادلها بالعملات الاخرى ويتم ارسال هذه المبالغ للاخ اسامة سليمان فى الشعبية لاكمال الاعمال الناقصة ..
الخطوة الاولى رايكم فى الكلام دى الخطوة التانية حصر اعداد الناس وعناوينهم الخطوة التالتة البدء بالخطوات العملية فى الطبع من اعداد للصفحات والديزاين للغلاف والخطوة دى انا برشح عمدتنا فى السعودية وعمدتنا فى قطر بقوة لأخذ رأيهم واقتراحهم فى موضوع الغلاف وبعد كدة نتوكل .. تكلفة الطبع وعدد النسخ طبعا حتكون على حساب اشتراكات الافراد .. |
الاخ العزيز عبدون
الخطوة الاولى كلام جميل جدا
الخطوة الثانية نبدا بالحصر وانا برشح الموهوب وليد
ويستعينة بمن يراهم مناسبين
الخطوة الثالثة والله نحنا من ايدكم دي لايدكم دي ورهن
اشارتكم في اي شئ
تحياتي واحترامي
| |
|
|
|
|
|
|
Re: هو في شنو؟ (Re: عماد الدين عبدالله)
|
دكتور عماد ياخي كان معانا واحد ظريف اسمو (مرضي ) وكان في حلتكم بيقرب ليك وبالمناسبة اتصلت على ود النادر وهاك ياذكريات وياضحك ولم يعرفني الا لما جبت سيرة الكورة وهو بخير وما تشيل همو طال ماهو قريب مننا
| |
|
|
|
|
|
|
Re: هو في شنو؟ (Re: عزام حسن فرح)
|
الاخوة جميعا
تحايا بلا حدود
واقتراح عبدون جميل شديد
ومع 86 صفحة قد يبدو ال editing صعب شوية وعايز وقت طويل
ممكن الصفحات تتقسم علي الناس للتلخيص.
هل من اقتراحات اخري لتنفيذ اقتراح عبدون؟؟
دمتم
| |
|
|
|
|
|
|
Re: هو في شنو؟ (Re: حسن طه محمد)
|
أبدون ... مولانا / هسن تاها ...
إقتراح الأول جميل ... مُوافِق مُعالجة الثاني منطِقِية ... مُوافِق
(1) نحصِر الناس المُوافقة على الفِكرة (100 رِيال) (إقتِراح آبدون) (2) نَوزِع الصفحات على الناس المُوافقة (إقْتِراح مَولانا / هسن تاها)
وأنا بفتكِر إنو نثبِت المُفيد ... يعني الحاجات التَوثيقِية ... الذِكريات الجميلة (الجميلة بس وحيات أبوكُم ... يعني حِكاية إنو بدرالدين إسحاق كان بِدُق فينا طُوال سِتة سنوات وبِياخُد مِنا الفطور ... ماف داعي ليها ... عيب ... والله عيب ... بدل ما حفيدي يِقول جدي قاوم الديكتاتورِية في زمنو ، يِقول أكان بِدُقوهو وبِشيلو مِنو فطور المدرسة ... عيب ... إخْتشو) ... نحفظ المُداخلات البِتِتكلم عن معالِم وتاريخ الشعبِية ... الأعلام ... الشخصِيات ... الذِكريات ... عن أبَواتنا ... أُمهاتنا ... أخواتنا ... إلخ يعني عملِية تنقيح
أها نبدأ
أنا مُوافِق على الـ(100 رِيال) + تَوزيع حفظ الصفحات على الناس ...
الصفحات بقترِح إنو تُحفظ كالآتي :- مثلاً عزام خصصو ليهو يِحفظ الصفحات مِن الصفحة رقم (30) إلى الصفحة رقم (40) يِحفظا في ورقة وورد عادِية (يِظلِل المُداخلة الفي بوست الشعبِية نجمة ... /ومِن داخِل التظليل بِزِر الماوس الأيمن يِختار نسخ/يِمشي يِفتح ليهو صفحة وورد عادِية وبِزِر الماوس الأيمن يِختار لصق) ويِكتِب في صفحة الوورد كعِنوان لِشُغلو : صفحات مُدرجة في الكِتاب المُقترح مِن صفحة رقم (30) إلى صفحة رقم (40) وتكون مُنقحة ... والمُداخلات البِفتكِر عزام إنها ما مُهِمة برضو يِحفظا لكِن في صفحة وورد تانِية تحت إسم : صفحات غَير مُدرجة في الكِتاب المُقترح مِن صفحة رقم (30) إلى صفحة رقم (40) وبعدين يِرسِلا عزام إلى عِنوان بريد إلِكتِروني مُعَين (أبدون مثلاً لأنو صاحِب الفِكرة وعلشان نشْغِلو شوية لِغاية ما شمس يرجع لِقطر ... الزول ده أكان ما شغلناها حرم عِلا يِصوط لينا الفِجه دي صُواطا) ... والمبالِغ تُجمع بِتحويل بنكي في حِساب مَن سيقوم بِطِباعة الكِتاب ، البقترِح إنو يِكون إسمو نفس إسم البوست ده (الشعبِية نجمة تُزَيِن سماء الخُرطوم بحري) ومُقدِمة عن مُحتوى الكِتاب وصاحِب فِكرة البوست (مُمكِن نذكُر أسماء الناس السِنهُم كبير ... ما قصدي حاجة ... بس لِلتَوثيق ... وكِده)
| |
|
|
|
|
|
|
Re: هو في شنو؟ (Re: عزام حسن فرح)
|
Quote: ياجماعة انا عندى اقتراح وعايز رايكم فيهو ..
أحم .. احم ياقول منير ..
طبعا البوست زى ماعارفين عدد الصفحات عملت ستة وثمانين صفحة من الذكريات الذهبية واقتراحى ياسادة انو نقوم نطبع الصفحات دى فى كتاب ياسعادة المستشار حسن طه ونحصر اعدادنا الموجودين هنا ونرسل لكل واحد نسخته مقابل مائة ريال ومايعادلها بالعملات الاخرى ويتم ارسال هذه المبالغ للاخ اسامة سليمان فى الشعبية لاكمال الاعمال الناقصة ..
الخطوة الاولى رايكم فى الكلام دى الخطوة التانية حصر اعداد الناس وعناوينهم الخطوة التالتة البدء بالخطوات العملية فى الطبع من اعداد للصفحات والديزاين للغلاف والخطوة دى انا برشح عمدتنا فى السعودية وعمدتنا فى قطر بقوة لأخذ رأيهم واقتراحهم فى موضوع الغلاف وبعد كدة نتوكل .. تكلفة الطبع وعدد النسخ طبعا حتكون على حساب اشتراكات الافراد ..
أها رايكم شنو؟ |
الأخ عابدون
مساء الخير
كلام جميل جدآ ولكني ارى :
1 / بان هنالك الكثير الذي لم يكتب عن الشعبية .
2 / البوست يحتاج تنقيح .
3/ أرى تاجيل تلك الفكرة الرائعة قليلا ولنتريث
حتى ياتي الكتاب بصورة وافية تليق وعظمة الشعبية
في قلوبنا.
وللحديث بقية انشاء الله .
تحياتي
| |
|
|
|
|
|
|
Re: هو في شنو؟ (Re: Emad Ahmed)
|
Quote: ختامآ أخي عماد دعني أشيد بالتوثيق الجميل الذي درجت عليه وفي إنتظار توثيقك للراحل "أحمد المصطفى" ..أتمنى لك كامل التوفيق وسأظل متابعآ لتوثيقك كما أعتقد أنه حال الكثيرين. ولك من الود أكمله |
اخي الاديب الشيخ سيد احمد
تحياتي
الفنان الراحل احمد المصطفى في الربع القادم لانه احد الزملاء
فاتح حاليا بوست في المنبر العام وستجد فيه كل مايسرك انشاء الله
ولك من الود اكمله
| |
|
|
|
|
|
|
Re: هو في شنو؟ (Re: Emad Ahmed)
|
استراحة الخميس
الفنان المبدع محمد ميرغني
ولد الفنان المبدع ميرغني محمد ابنعوف مجذوب الشهير بـ ( محمد ميرغني ) في حي السيد مكي بمدينة امدرمان في العام 1945 م وبدأ دراسته الأولية بمدرسة شيخ أمين بجوار سينما الوطنية بالخرطوم بحري وأكمل تعليمه بمدارس الأحفاد با مدرمان ومعهد التربية بشندي والذي تخرج منه مدرسا ومارس مهنة التدريس وتردد على عدد من المدارس.
| |
|
|
|
|
|
|
Re: هو في شنو؟ (Re: Emad Ahmed)
|
بدأ حياته الفنية بإجازة صوته في العام 1965 م وكانت لجنة إجازة الأصوات تضم في عضويتها الأساتذة إسماعيل عبد المعين وأحمد مرجان ومحمد عبد القادر والماحي إسماعيل ومكي سيد أحمد مقررا للجنة و الأغنيات التي تغنى بها أمام اللجنة وكانت جواز مرور صوته هي أغنيات انا والأشواق للشاعر السر دوليب وهي أول اغنياته الخاصة و البديع هواك سباني للشاعر ابوصلاح و أنة المجروح للشاعر سيد عبد العزيز و حبيبي انا فرحان للشاعر الجاغريو. . أول ظهور له عبر الأجهزة الإعلامية كان من خلال الإذاعة السودانية عبر برنامج أشكال وألوان للمذيع احمد الزبير في العام 1965 م . . وتعتبر فترة الستينيات هي الفترة الذهبية للغناء السوداني وكانت الساحة الغنائية تعج بالعمالقة أمثال احمد المصطفى وخضر بشير وحسن عطية وعثمان الشفيع وعثمان حسين وابوداؤود والتاج مصطفى وإبراهيم عوض ووردي والجابري وكابلي وغيرهم من القمم الفنية ولكن استطاع الفنان محمد ميرغني أن يشق طريقه وسط هؤلا العمالقة وان يقدم نفسه بصورة قوية لأنه يمتلك مقومات الفنان الأصيل وذلك بحسن اختياره للكلمة المنتقاة والألحان المعبرة وأدائه التطريبي الرائع الأخاذ ليتمكن من تقديم شخصيته الفنية ويضع بصمته الخاصة وهو ماأتاح له أن يكون احد فناني المقدمة في مجال الأغنية السودانية الحديثة .
| |
|
|
|
|
|
|
Re: هو في شنو؟ (Re: Emad Ahmed)
|
التحق بالمعهد العالي للموسيقى والمسرح في العام 1969 م إيمانا منه بضرورة التأهيل العلمي الأكاديمي الذي يصقل ويضيف الكثير للفنان في مسيرته الفنية .. ومن دفعته من زملائه في تلك الفترة بالمعهد العالي للموسيقي والمسرح الراحل علي ميرغني والملحن الماحي سليمان و الفنان عثمان مصطفى والملحن محمد سراج الدين والملحن عمر الشاعر وتخرج في العام 1974 م .
| |
|
|
|
|
|
|
Re: هو في شنو؟ (Re: Emad Ahmed)
|
من الفنانين المدركين لرسالته الفنية النبيلة فنجده يقوم بتشجيع الأصوات والمواهب الجديدة من اجل أن يكون هناك تواصل للأجيال ونتلمس ذلك في حضوره لكثير من حلقات برنامج نجوم الغد فنجده مشاركا بالغناء ومرشدا وموجها لأبنائه من مواهب برنامج نجوم الغد .
| |
|
|
|
|
|
|
Re: هو في شنو؟ (Re: Emad Ahmed)
|
يمتاز بالوفاء والاحترام الشديد لزملائه الفنانين اللذين سبقوه في المجال الفني وفي ذلك يقول إذا قارنا أداءنا بما قدمه كبار الفنانين فنحن لانزال نحبو في ظلهم الوارف ونتنفس ألحانهم أمثال ابوداؤود وعثمان الشفيع وعثمان حسين ونحن لازلنا صفرا على الشمال مقارنة بإنتاجهم الكبير وهم رحلوا بأجسادهم ولكنهم خالدين بيننا بابداعاتهم ). ذلك الحديث الطيب يدل على أصـالة وتواضع ووفاء الفنان الإنسان محمد ميرغني . . وهذا ماسطره يراع الفنان محمد ميرغني في ذكرى الراحل المقيم احمد المصطفى في جريدة الصحافة في تاريخ 26/10/2000 م
حكايتي مع المغنى والأستاذ احمد المصطفى
في حي السيد مكي بأمدرمان تفتحت مشاعرنا وأحاسيسنا وحلقت أرواحنا في سماوات الإبداع الفني والأدبي والإجتماعي حيث كان الكروان كرومة والأديب الشاعر دكتور كامل الباقر والشاعر إسماعيل عبد الرحيم الذي كتب أغنية فؤادي لحمد المصطفى وصاحب الإنشاد الشعري الفريد الأستاذ احمد عمر الشيخ والشاعر الخالد حسن عوض أبو العلا وكانت أماسينا معطرة باريج المتصوفه الفواح وبالإنشاد والذكر ترتقي الأرواح أعلى درجات السمو . . جاء أحمد المصطفى وكان التلاقي مع الشاعر حسن عوض أبو العلا كان أحمد المصطفى فنانا مغنيا كاملا في صفته لان معلمه ألأستاذ محمد عبد الوهاب حاذق ذو طبع تام صحيح الأداء وصفات المغني التي عرفها الحسن بن احمد بن علي الكاتب المتوفي 625 هـ تصف الأستاذ أحمد المصطفى وتقول : ( الكامل في هذه الصناعة من طرب فأطرب وغنى فادى وحكى وروى وكان كله بصر بما أتى ) إن فنانا الخالد هو الموصوف بهذا الخلال , الطبع والاقتدار والشجا والمعرفة . . شدنا المبدع أحمد المصطفى إليه من خلال هذه المزايا . . كان الأستاذ أحمد المصطفى يغني فيصيب ويملأ الألحان بانفاسه فيستوفي السقم ويحس مقاطعه الطويلة والقصيرة في دراية ومعرفة . أحببته منذ نعومة دواخلي وصدق احساسي الطفولي سرى في وجداننا و سحرنا , أسرنا وجرى فنه فينا مجرى الدم . . لازلت إلى اليوم أذكر أول نغما من صوته وانا طفل اتسلق أعمدة شباك منزل المرحوم حسن عوض أبو العلا الكائن بالقرب من منزلنا بحي السيد مكي وكان يردد ( أنسى الفؤاد ياقاسي واذ هواي ياناسي حياني حب ومآسي قاسيت كتير وبعاني ) كانت هذه هي الشرارة الأولى في دوران حركة الإبداع بيني وبين الأستاذ أحمد فكان أن تنسمته شربته حفظته فنا حقيقيا يملأ الجوانح ويسكن الوجدان . . علمنا الأستاذ فنون أدب الغناء , علمنا سلوكيات الفنان , علمنا كيف نغني ونختار الغناء علمنا وعلمنا وعلمنا . . وعلمني انا علمني . . لك الرحمة والمغفرة أستاذي ومعلمي الرائع .
تلميذك / محمد ميرغني
| |
|
|
|
|
|
|
Re: هو في شنو؟ (Re: Emad Ahmed)
|
الفنان محمد ميرغني في حضرة عميد الفن الراحل المقيم أحمد المصطفى بمنزله ويظهر في الصورة
العازف الراحل علي ميرغني وهو يشارك بالعزف . . وتضم الصورة ايضا العازف عبد الله عربي
والراحل المقيم محجوب عبد الحفيظ إستماعا . .
| |
|
|
|
|
|
|
Re: هو في شنو؟ (Re: Emad Ahmed)
|
اشتهر بأنه لاعب كرة قدم ممتاز بنادي الأمير البحراوي وتميز بالسرعة وبمهاراته الفنية العالية وكان يشغل خانة الجناح الأيمن وجمـع بين ( الكفر والوتر ) ومن عاصرهم بنادي الأمير خلال تلك الفترة عمر ابوشمة وعبد الله بركية وإبراهيم عمر وسمير حسن بابكر وعبد القادراشولي وغيرهم وساهم مع زملائه في صعود الأمير في العام 1961 م الى دوري الدرجة الأولى . . وهو من محبي نادي الهلال العاصمي ومن المداومين على حضور مبارياته من داخل الإستاد . . ولاعبه المفضل الراحل الرهيف الحريف شيخ إدريس كباشي ( أفضل مدافع في تاريخ الكرة السودانية ) ويربط الكثيرون بينهما ويقولون من باب التشبيه : كورة شيخ إدريس تشبه غناء محمد ميرغني . اوبمعنى أخر من لم يشاهد شيخ إدريس كباشي يلعب فليستمع إلى غناء الفنان محمد ميرغني .
| |
|
|
|
|
|
|
Re: هو في شنو؟ (Re: Emad Ahmed)
|
يعمل الآن بإذاعة ( fm 104 ) ببحري جوار نادي الإتحاد البحراوي مديرا لقسم الموسيقى والملكية الفكرية . . متزوج وله من الأبناء بكري وعلي ووليد ومن البنات سلمى وسارة .
| |
|
|
|
|
|
|
Re: هو في شنو؟ (Re: Emad Ahmed)
|
الأغنيات :-
الشاعر إسماعيل حسن :- اشتقت ليك , حنان الدنيا , عيونك ديل , غريب , أفراح البلد .
الشاعر التجاني حاج موسى :- تباريح الهوى , حلو العيون , الكانوا قبلك , ياطير ياراجع لعشك , انا حبيتك آنت . ليلتين علي .
الشاعر مصطفى سند :- عشان خاطرنا .
الشاعر صلاح أحمد إبراهيم :- سهمك الفتاك .
الشاعر السر أحمد قدور :- حنيني إليك .
الشاعر حسن الزبير :- لابتفاصلي لابتواصلي , حالك باهي . الريدة , ولا الصابر انا ولا الباكي . جرح الحب .
الشاعر كامل عبد الماجد :- أخليك .
الشاعر عبد العزيز سيد احمد :- حبابن جن .
الشاعر صديق مدثر :- سبأ .
الشاعر علي شبيكة :- شفتك وابتهجت .
الشاعر محمد بشير عتيق :- شذى الياسمين .
الشاعر عثمان خالد :- سمحة سمحة الصيدة .
الشاعر صلاح حاج سعيد :- ما قلنا ليك , لوكان عصيت .
الشاعر السر دوليب :- لو قدرت تغيب علي , انا والأشــواق , مابتقدر تتوب ياقلبي , مين فكرك ياحبيب .
الشاعر محمد عبد القادر أبوشورة :- عاطفة وحنان , احترت فيك .
الشاعر و ( عازف الكمان ) علي ميرغني :- ست البنات .
الشاعر السر سيد احمد :- لو تعرفي حتى الوردة .
الشاعر حدربي محمد سعد :- النازلة ماشة على البحر .
الشاعر سعد الدين إبراهيم :- حبيبي كلما , الشارع الخالي .
الشاعر فضل الله محمد :- المطارات .
الشاعر عمر محمود خالد :- لما تضحك ياجميل .
من أغنيات الحقيبة والتي دائما مايتغنى بها الفنان محمد ميرغني ( ارجوك يانسيم روح ليه ) رائعة
محمد بشير عتيق وكرومة وأغنية البديع الهواك سباني للشاعر ابوصلاح وكرومة.
| |
|
|
|
|
|
|
Re: هو في شنو؟ (Re: Emad Ahmed)
|
ارتبط الملحن حسن بابكر بثنائية وثيقة مع صديقه الفنان محمد ميرغني أثمرت عن عدد من الدرر الرائعة
حيث قام بتلحين العديد من الأغنيات له ومنها ( اشتقت ليك , حنان الدنيا , عيونك ديل , عشان
خاطرنا , سهمك الفتاك , لابتفاصلي لابتواصلي , غريب , حالك باهي , حبابن جن , الريدة , سمحة سمحة
الصيدة , ما قلنا ليك , مابتقدر تتوب , لو قدرت تغيب علي , انا والأشواق , مين فكرك ياحبيب , لو
كان عصيت , احترت فيك , ولا الصابر انا ولا الباكي . بتلفحك . ورة هواك . أحلى مافي الدنيا
ريدنا ) .
الفنان الراحل المقيم العاقب محمد حسن لحن له أغنيتي حنيني إليك , شذى الياسمين .
الفنان السني الضوي لحن له أغنيتي شفتك وابتهجت , عاطفة وحنان .
الملحن محمد سراج الدين لحن له أغنية تباريح الهوى .
الملحن احمد الفكي لحن له أغنية أخليك .
الملحن وعازف الكمان المشهور عبد الله عربي لحن له أغنيات سبأ , أفراح البلد , ست البنات .
الشاعر التجاني حاج موسى :- حلو العيون .
الملحن وعازف الايقاع عبيد محمد أحمد :- المليحة .
الدكتور شوقي : بالصدفة شفتك في تعز ( وهو ملحن يمني ) .
اللحن الوحيد للفنان محمد ميرغني أغنية ليلتين علي للشاعر التجاني حاج موسى .
| |
|
|
|
|
|
|
Re: هو في شنو؟ (Re: Emad Ahmed)
|
ولازالت مسيرة الفنان محمد ميرغني حبلى بالجديد الرائع ومن أغنياته الجديدة :-
انا حبيبك للشاعر التجاني حاج موسى .
انت معاي للشاعر خالد شقوري .
بتلفحك للشاعرة مشاعر عثمان الجلال .
عنواني ملامحك للشاعرة مها .
وردة هواك للشاعر سعد الدين إبراهيم .
أحلى مافي الدنيا ريدنا للشاعرة بثينة رجب .
شقى الأيام للشاعرة أمنة خيري .
بالصدفة شفتك في تعز للشاعر محمد أحمد سوركتي في أول تعاون فني بينهما .
المليحة للشاعر محمد بابكر المبشر .
| |
|
|
|
|
|
|
|