العنوان الجديد للمنبر العام
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-19-2017, 01:02 PM الصفحة الرئيسية

منبر الشعبية
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

الشعبية نجمة تزين سماء مدينة الخرطوم بحري

10-03-2009, 03:46 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: عابدون محمد عابدون)

    Quote: الف حمد الله على السلامة من المرض اللعين اجارك الله وسلمك وعافاك وفى هذا الخصوص انا قريت حاجة جميلة للدكتور محمد عبد الله الريح ووصى بيها الناس وهى انو تداومى على قراءة سورة يسن فى التلت التانى من الليل كل يوم لمدة سبع ايام وفى كل مرة تدعى من الله انو يشفيكى ويبعد عنك المرض وهى نصيحة غالية ارجو ان تعملى عليها وربنا يحفظك ..

    مشكورين اخي عبدون على النصيحه
                   |Articles |News |مقالات |بيانات

10-03-2009, 04:08 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورسالة اخرى من دكتورة روما
    وهي توثق لناس حلتهم تحت عنوان
    ناس شارعنا‎

    Quote: انا عايزة اوثق لي ناس شارعنا نحنا بنسكن في الشارع البعد شارع النيم ولو مسكنا الشارع من مربوعنا في ناس خالتي الساتر وديل من السوكي وهي زوجه المرحوم عمكم عمر محمد نور
    ووالدة امنه وصفيه وزبيدة وكلنا بنتذكر افضال زبيدة وجمايلها لانها كانت ممرضه في مستشفى بحري وكانت بتساعد كل ناس الحي وكمان في نورة. خالتي الساتر ما عندها اولاد لكن كل اولاد الجيران اولادها وكان بيجيهم عمي مرحوم اخو خالتي الساتر وعندو حمارة وكان لما بيرد السلام بيقول ليك اهلا يا بت المك تربطهم صله مصاهرة مع ناس زينب عطا في حله الطابونة المرحوم حيدر كان متزوجا من امنه بت خالتي الساتر

    البيت البعدهم في البدايه يعني قبل سنه 89 كانوا ساكين فيه ناس عم حسين النوباوي وكان يعرف بي بيت ناس النوبه واولاده عاطف وعادل وعماد وبناتهم عايدة وعواطف وود اهلهم داوود وبعد ما رحلوا جوا ناس عمي ابراهيم وهم من ناس شمبات واهلهم في الصبابي واشتروا البيت و زوجته خالتي اسماء واولاده ابراهيم وطه وبناتهم منى واحلام والمرحومة ايمان وسلوى

    بعدين في بيتنا نحنا مريوماب من حله حمد وخوجلي اهل ابوي وامي مصرية اكبرنا المحامية امال وبعدين منال اختي زوجه العميد بشير الطاهر وبعدين انتصار والمحاميه هويدا والمحاميه حنان وبعدين منى وبعدين انا وبعدين محمود الجن وبي مناسبه محمود كان حارس مرمي في فريق الشعبيه وطلعت عليه نكته لانو اشترا ليه حافله وقالوا محمود بقا ما شاطر في حراست المرمى لانو بيعد عدد الفردات البتعملها حافلتو اثناء المبارة ما بتكون شغاله

    لغايت سنه 79 كانوا ساكينين معانا في نص البيت ناس عمك شفيق والادهم ناس مجدي وبعديهم سكنوا معانا ناس عمك عبد الحليم النجار وديل شوليقه جزازير من تنقسا ولدهم جارنا وهو عبده الو معلم بزة

    البيت البعدنا ناس عمكم ساتي عبد الحفيظ مؤذن الحلة وهم محس ووالدتهم خالتي نبويه الله يرحمها وهم الرشيد ودا خريج الخرطوم وتاج الدين والاخ شمس الدين واخواتهم الاستاذة ليلى ودي من بنات الحله الشطارات وخريجه الخرطوم انقليزي واختها اعتماد زوجه الاعلامي المعروف حسن في قناه الجزيرة وفي ماجدة ساتي موظفة كانت في شركة شيكان

    البيت البعدهم ناس عمي المرحوم ابراهيم مالك والمرحومة خالتكم اسماء بت حلت خوجلي وديل زينا مريوماب او لادهم المرحوم اسماعيم واسامه واسحق ويعقوب وبناتهم اكرام والاستاذة اشراقة مديرة مدرسة الشعبيه 3 متزوجه من الاخ ود الشعبيه عثمان على المدير وفي اسلام ورحاب وهاله وزينب

    البيت البعدهم لغايت بدايه التسعبينات كانو بيسكونو الاسرتين ناس عمك شريف وزجته ست حواء واولادهم حمادة وشهاب وبتهم بلقيس وفي الجزء التاني ناس عمي عبد الكريم الدنقلاوي وزوجته خالتي شريفة واولادهم محمد وعمر وهيثم وهشام وبناتهم نوال ودي كانت زميلة لي في المدرسة ومنال اختها والمرحومة هنو بعد داك اشترى البيت دا الاخ كمال اخو ناس عصام الفونس وسكن فيه هو وزجته واولاده

    البيت البعده ناس عمي ابو جبل بعد ما اتوفي اجروه وسكن فيه الاستاذ حسين جعفر وزوجته الدكتورة سلوى وكانت من ناس المزاد وبناته وكان نعم الجار وبيساعد في دروس محو الاميه وبيساعد اهل الحي

    البيت البعدهم ناس عمكم الظريف حسن درار وزوجته الحجة بت المنه واولاده ناس حمزة والعباس وبناته ناس كوثر والمرحومه واخلاص و بتو المخرجه في التلفزون السوداني مشاعرحسن درار واختها اميمه وبقيه اخواتهم الكبار

    بعدهم بيت ناس عمك المرحوم خليل شورة ناس توفيق وكريمة وهم رطانه ومن اطيب الناس الفي الشارع

    وبعدهم عمك حسين وناس خالتي المرحومة محاسن عباس اولادهم الصادق واحمد واخوانهم واخواتهم عوضيه شغاله في جامعه الخرطوم ومنى والصغيرونه هنو وحبوبتهم الحجة ام بليل

    البيت البعدهم ناس عمك عتمان وخالتكم رابعة واولادهم وبتهم فاطمه وزمان كان معاهم ناس خالدوة وسكينه ودي في عرسها جالبو عثمان الشفيع وكان حدث

    بعديهم الاستاذ هاشم الزبير

    لما نجب في البيوت المقابله ليهم في ناس
    زينه خالتكم ناس وكيل النيابة الاستاذة نبويه مفخرة الشعبيه واخواتها واخوانها واخوهم عبدون الله يرحمه بعدييهم في ناس عمي فارس ناس خالتكم زينب فارس اولادهم ناس امير واخوانه وبنتها منى

    بعديهم ناس عمك كافي وخالتك عشه وكانوا بيقولا ليها عشه النوبه وولادها المهذب ماجد واخواته ناس ساميه واخواتها

    بعديهم الحديقة وبعديهم مقابلين لينا عمكم الرائع على عبد الله الشايقي وزوجته خالتي نوره وديل ناسبو ناس الخليفة ومن اولادهم احمد ويسن وبناتهم عرفة وحنان وسميه وساميه ونجاة وبالمناسبة مناسبيتن ناس الحوري

    البيت البعدهم ناس عمك المرحوم سليمان الحوري وزجته خالتنا فاطمه بت الباوقه وهم مناصير من الباوقه واولادها جنابو على الحوري وهو نسيب ناس عمك على المدير وناسب ناس عمك على عبدالله ومتزوج من نجوى بت على المدير وهناك التاج وفيصل الحوري واسامه ووليد وزاهر واختهم الاخت اميرة ودي اتخرجت من الاحفاد

    البيت البعدهم ناس عمي الياس وخالتي الشول الله يرحممهم اولادهم احمد وكمال ومحمد وبناتها المرحومات فتحية واخلاص وفي الاخت مني ودي متزوجه من ناس حسن سرور وفي الاخت احلام خريجه الفرع

    الشارع انتهي ونبدا في نفس الشارع لقدام في ناس شوقي وشاذلي واختهم شرين وديل دناقله وبعدهم كان زمان بيت العميد عبد الرحيم الحوري شقيق العم سليمان الحوري وزوجته حيبوبه واولاده احمد ومحمد وعبد الله ودا سموهو على ابوي المرحوم عبد الله وكانت عندهم المرحومه نهله واتوفت وهي في سنه تانيه عام بعديها سكنت فيه واحدة من بنات ناس ليلى مراد

    البيت البعيدهو ناس عبد العزيز معليش الذاكرة خانتي في ان اتذكر اسمائهم لكن بتهم واحدة اسمها هويده

    بعدهم ناس خالتك ست النساء الله يرحمها واولادها ناس بري ومحمد وبناتها ناس ماجدة بطه وسارة وغادة ودي قرت معاي في المدرسة نعم الاهل والجيران

    لم نرجع لي باديت الشارع بنلقا ناس الرحمة خالتكم الرحمة واولادها جلال وعلى وبناتها ليلى وسلوى وبنات بتها ناس هويده وسعاد ونص البيت ساكنين فيهم ناس عبده الجزار وزوجته نفسيه اخت ناس طلب وعبد العظيم وبناتهماها لبني وبطه وايناس وولدها معلم بزة محمد البيت البعدهم اولادهم ناس مرتضى وتاني الذاكرة بتخوني

    البعدهم ناس عمي المرحوم عبد اللطيف سعيد وخالتي عشة وديل ناس الزين وعز الدين وعيسي وسيف ووليد واخواتهم ناس اخلاص والمحاميه عواطف عبد اللطيف وصديقه عمري مشاعر والمرحومة دكتورة رحاب وبرضو الزين مناسب ناس الشعبية

    واتذكر ناس ود الحسين ناس مريم وميرم وناس نهله عوض واخوها خالد وناس خالتي حرة وناس رحال
    المرة الجايه ح اتلكم عن الثنائيات الاتكونت بالصداقه بين ناس حينا

    معليش عن الاطاله لكن انا اكتب تحت شعار كان في جرة وطلع لبرة واني ما مصدقة اني باحكي عن احلا ناس واحلا اهل

    والله ياشمس الدين الدكتورة خطير الماعملناه انا وانت دكتورة روما قامت به
                   |Articles |News |مقالات |بيانات

10-03-2009, 04:14 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    مبروك الـ 70 يا وليد
                   |Articles |News |مقالات |بيانات

10-03-2009, 04:34 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ** وفى الطريق للإحتفال باليوبيل الماسى **
                   |Articles |News |مقالات |بيانات

10-03-2009, 04:42 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ** شخصيه من الشعبيه تحتاج الى التوثيق وإن جاء ذكرها فى هذا البوست عابراً هى:-
    ** الوالده فاطمه محمد الحسن (الدايه) - ففضلها على بحرى والشعبيه لاينكره إلا مُكابر ,, فهلا وثقنا لها ..

    ** تحضرنى بهذه المناسبه أن أحد الزملاء بالاميريه "2" عند تقديم طلبات الدخول الى الثانوى العالى فى زمن الناظر حسن الرشيد "السحار" كتب فى الطلب الرغبه الاولى (تعليم نسوى) والمقصود به طبعاً مدرسة الدايات بالشعبيه ,,
    ** فما كان من الناظر حسن الرشيد إلا أن حضر الينا فى الفصل وبطريقته التى يعرفها من درسهم :-
    ## يا (أ) ياسجم وقت داير تعليم نسوى ماتمشى لخالتك فاطمه محمد الحسن وتشيل ليها الشنطه بدل تخسر ابو ك ورقه خضرا (فئة الخمسن قرش) فى ذلك الزمان - فقام زميلنا بتعديل الرغبات وشطب كلمة تعليم نسوى..
    (ودام الود بيننا)
    (ابو محمد فؤاد)
                   |Articles |News |مقالات |بيانات

10-03-2009, 06:45 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: أجمل عيدية (Re: عبدالكريم أحمد الامين)



    أخي العزيز صلاح عباس ـ سلامات يا رفيق الدرب والصبا .. معقولة بس؟ .. يا صديقي العزيز أنا لم اقصد ابدآ الحجر علي المواضيع مهما كانت .. لكني أري أن فتح باب النقاش في هذا الموضوع ـ وهو موضوع كبير كما تعرف ـ ربما يغطي علي باقي المداخلات الخفيفة .. وأكيد قد أكون مخطئآ .. وإذا أدي لسوء تفاهم أنا الآن سحبت كلامي .. وأنا فكرتي الأساسية التي طرحتها لك في مداخلتي السابقة مفادها أن الحكم علي الأشياء ليس بالسهولة التي نتصورها .. وأنا غايتو مررت بمرحلة الإنكار لأفكار الصوفية وفلسفتهم منذ الثانوي العام ، حيث كنت اتحين حتي حصص الإنشاء الشفهية لأطرق الموضوع واتكلم فيه بدون علم ـ ولكني أحمد الله تعلمت أني كنت مسطح .. وتعلمت أني إن أردت التعلم فعلي بنظافة نفسي وتأديبها ـ وطبعآ هيهات ـ أنا وين وأهل التقي والورع وين .. وبداية المشوار تبدأ بالتواضع وهزيمة النفس من الكبر ـ الذي هو الخطيئة الابليسية الأولي .. حيث أن ابليس أبي أن يسجد لآدم استكبارآ ـ وهو نفس الكبر الذي لازم بني آدم ليترجم في عبارة "هو أحسن مني في شنو؟".. .. المهم يا صلاح زي ما شايف فقط ردي عليك لتعليل سوء التفاهم استهلك كل هذه الإنشاء الذي أعلم أنه لا يساوي قطرة في محيط النقاش الذي يمكن أن ينبهل والذي لا أجد نفسي كفؤآ للسباحة فيه ..

    وعلي قول عزيزنا أبو محمدفؤاد دام الود بيننا ..

    وشكرآ ياوليد الحنين علي تعليقك ـ وصلاح عباس ده فوق الراس من فوق .. ده زولآ أنا عرفته منذ مشاوير المدرسة من الشعبية جنوب .. نحن كنا نكثر الثرثرة طوال الدرب وهو يجيد الإصغاء والتبسم والتعليق أحيانآ في هدوء ورزانة .. ودي صورته المطبوعة في صفحات ذهني الأولي .. وطبعآ أخوك كان شغال طراحة .. في آخر اليوم الدراسي أوصل الجماعة ديل كلهم بيوتهم بدءآ بناس شارع المدارس ناس عماد عبدالله الطيب ده وبعد داك أوصل صلاح عباس لغاية خشم الباب ، ثم بعده اقطع الزلط متجهآ للشعبية شمال .. ومرات اشاقق بشوارع تانية أوصل ناس وليد عبدالحميد وابراهيم حسن والفاتح الامين وأحمدعلي خالد وفيصل عباس ابوشامة وعادل ميرغني اللباب ـ ديل ناس حلة النجوم ـ ومن هناك برضو اقطع الزلط شاقي حلة ناس عادل عثمان ثم أقطع ميدان الصداقة وعلي البيت ..ومرات مرات اوصل ناس المزاد وأجي راجع بشارع الكبري واوصل الصديق جمال المنا واواصل بشارع الشعبية لغاية البيت، وهكذا دواليب .. تقول لي شنو؟؟


                   |Articles |News |مقالات |بيانات

10-03-2009, 06:45 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: عبدالكريم أحمد الامين)

    ورساله من دكتورة روما عبد الله السيد
    Quote: شكر وشكر وشكر لي اخواني اولاد حلتي‎

    وليد ما قصرتا معاي ومعليش استحمل دي غربه 13 سنه انا ما عايزة افارق الجهاز وكاني خايفة من ان تضيع مني اي تفصيلة دا ما عارفه بيقوله عليه شنو
    من ما رايت البوست وانا تجمدت حياتي في فترة زمنية معينه لدرجة اني شامه نخله ناس الحوري وكسره خالتي الساتر وقراصه خالتي نوره وملاح خالتي

    اسما وفسيخ الحلبه وباميه عشه مرت عبد اللطيف وقرع ليلى ساتي وفول خالي السرة وطعمه امي ليلى المصريه ولقيمات خالتي الرضيه


    اخوي شمشي كيفك مشتاقين والله يا شمشي ما بتتخيل لما باقرا ليك مداخله يعني ما اتغيرتا كلو كلو يا شمس الدين

    والبركه في الجميع انا لما قدرتا اجي السودان في نوفمبر الفات مريت على بيتكم اسلم والله ما لقيت اي زول وحتى بيتنا بقا فاضي بس محمود الوالدة الحمد لله بخير وهي بتكون مع اخواتي بالتناوب الحمد لله بقت بخير بس النطق لسه ما اتحسن الحمد لله على كل حال ومبروك عل اعتماد البيت قريت الخير في البوست وفرحتا تستاهلوا كل الخير يا شمسي يا احلا عشرة واحلا اهل وح انزل ليك كميه من طرائفك انتا والاخ ربيع شريف والاخ جعفر حسن تلفونك دا ما بيرد بيضرب وما بترفعه انت ساعيهو لي شنو ارفع تلفونك يا شمسي واديني ايميلك نخش نتونس بالماسنجر رسل لي ايميلك في ايميلي الظاهر عندك بالمناسبة عرس هدى بت منال اختي قرب والعقبال لي اولادكم كلكم

    الاخ الفاضل عبدون العفو وهل يخفا الناس الطيبين شكرا ليك على الترحيب وحياك الله وذكرك في ملا خير من الذي ذكرتني فيه والنصيحه بتاعتك باذن اله التزم بيها وشكرا ليك يا اخوي وسلم لي على اسرتك والبركه فيكم وما قصرتوا معانا في البوست الروعه دا وباذن الله سوف اواظب على القراءة والشفاء باذن الله قريب



    يا جماعة اليوم وغدا عطله عندنا ح ابراكم بي ذكرياتي الا تمرقوا تشوفوا ليكم مكان تاني ما ذنبي اني باحب الشعبيه وما ذنبي انو الشعبيه رائعة مفروض بكرة اقوم امشي مدينه تانيه عشان الانتخابات انتخب لكن شكلي ما ح امشي لانو دي فرصة الواحد يكتب ليه كم حاجة من ذكريات الشعبيه الحلوة

    سلموا لي على كل ذرة تراب في الشعبيه وعلى كل صفقه نيم وعلى كل الناس بدون فرز

    اختكم روما
                   |Articles |News |مقالات |بيانات

10-03-2009, 07:15 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)



    رسالة من دكتورة روما عبد الله السيد

    الثنائيات في الحلة‎
    Quote: من:


    طبعا يا جماعة في الحلة بتاعتنا كان في ثنائيات وكانت جميلة وما ممكن تلقى واحد فيهم من دون التاني

    بالنسبة لي خالاتنا كانت في صداقه جميلة بين ناس بيت خالتنا الرحمه وبيت والمرحومه الحجة ام بليل


    وبين خالنتا بيت الاستاذة السرة بيت وخالتنا علويه زين العابدين ونتج عنه زواج الاستاذة المحامية حنان طه واخونا الوجيه عادل زين العابدين

    وبين بيت خالتنا فاطمة كيلة زوجه عمنا السر عبد النور و بيت ناس فاطمه ناس شوقي وشاذلي

    وبين بيتنا ناس عبد الله السيد
    وناس خالتي الشفه ناس عمكم حسين ناس الاستاذ عادل حسين والمحامي واخته نجاة حسين المحاميه واخوانه ناس خلف الله وناديه والاستاذة اعتدال وانصاف وديل ساكين جنب بيت ناس سجون الحلبية

    وكانت في صداقه وثنائيات بين بيت ناس عبد اللطيف وناس عم موسى

    وناس الحوري وناس على المدير ونتج زواج اخونا العقيد معاش على الحوري ونجوى على المدير

    وعلاقه ثنائيات بيت بيت ناس عمك حسن حميدان ناس جعفر واخوه فيصل رد الله غربته واخواتهم عزيزة ام المنذر واخته الكبيرة خالتي فتحيه والدة الصحفيه المشهورة الاستاذة منال عباس وناس بيت خالتي امنه بت ام درمان وناس بيت الخليفة ناس محمد الخليفة


    وفي صداقه قويه بين ناس عمك على عبدالله وبين بيت ناس الخليفة ونتج عنه زواج اخونا يسن على عبدالله من بت جيرانا الاخت صفيه

    وفي ثنائيات كانت موجودة بين الافراد يعني مثلا وليد عبد اللطيف وصديق موسى وشهرته صديق الضيق

    وبيني وبين الاخت مشاعر عبد اللطيف والاخت ام عشي وساميه على

    وبين اختي الاستاذة المحاميه حنان عبدالله وبين الاستاذة الصحفيه منال عباس والمحاميه نجاه حسين

    وبين اختي الاستاذة المحاميه هويدا عبد الله السيد و المحاميه ايمان معيطيب والاستاذة المحاميه عواطف عبد اللطيف والاستاذة المحاميه اميرة عبدالله بت خالتكم فطوم

    وبين اختي انتصار والاخت شهيرة عبد السلام لانهم قروا نفس الكليه في جامعه الاحفاد

    وبين اميرة سليمان الحوري ومشاعر محمد سعيد

    وبين بدويه عثمان الشيخ واحسان على المدير اخت المحامي حسن على المدير والاخ عثمان على المدير

    وبيني وبين الاخت عزة مختار حمدتو لاننا قرينا مع بعض في الاحفاد

    وبيني وبين الاخوات حكمه وسلافه بنات عايدة الكانوا بيسكنوا في البيت المواجه لي ناس عمك شريف ابو ناس ربيع

    الصداقه بين سارة ومروة بنات قريبي ام عشي بت زيبيدة وميادة بت اخت عاطف سكرة

    الصداقه والثنائي نورة عمر بت خالتي الساتر وسعاد بت ناس الرحمة


    الصداقه بين مني اختي ونهله عوض

    الصداقه بين الاخ شمس الدين ساتي و جابو ربيع شريف من جهة وبين حعفر حسن وشمسي ونجيب ابن خالتي شتله ولد عمت شمسي شارع المقابر

    الصداقه بين عمر الشيخ وناس وليد عبد اللطيف وصديق موسى

    الثنائي عبد الرحيم ود ناس ابو شيبه رحمه الله على والده وبين ولد ناس عمك عكاشه

    الصداقه بين الاستاذ عامر محمد الحسن والاستاذ كيخة وعملهم مع بعض في مدرسة الصبابي

    الصداقه بين اختي منال عبد الله السيد وناس التومات بنات حسن حسين شارع النيم

    الصداقه بين حنان طه وهاديه زين العابدين

    الصداقه بين انجم محي الدين بت الناظرة الاستاذة رقيه وبين عفراء هاشم بت الاستاذة بقاره

    الصداقه بين الاستاذة سميه بت الماذون وبين الاستاذة ليلى دفع الله

    الصداقه بين الدكتورة ستنا خدر وهناء زكريا في مرحلة الابيتدائي

    الصداقه بين سكينه عبدالله و الدكتورة الصيدليه هنادي الزبيرعمر زوجه الاستاذ المحامي ياسر عبدالله

    الصداقه بين محمد الضحيه وحسن ابو على حسن ودا المرحومه نايلة

    الصداقه بين مالك شريف ومحمد الخليفة

    الصداقه بين موافي ود ناس الخليفة و محمد حيدر ود ناس الساتر

    الصداقه بين هدى بشير بت منال اختي وترتيل حسن

    الصداقه بين الدكتورة امل على عبد النعيم والدكتورة سلافة محمود الفضلي

    الصداقه بين منى حسين اخت ناس الصادق وام عشي بت زبيدة

    الصداقه بين اميمه عبد الله بت خالتي فطوم وبين سماح بت عايدة

    الصداقه بين والدي المرحوم عبد الله السيد وبين عمنا عبد الحليم الى الدنقلاوي

    الصداقه بين عمنا الزبير وبين عمنا محمد صالح وعمنا محمد عمر وعمنا عكشاه رحمهم الله جميعا

    الصداقة بين وليد عبد اللطيف وعمر الزبير
    وغيرها من الثنائيات الجميلة التي كانت تمثل معاني عميقه وكنا اقرب لاخوة منا الى الجيران

    في المرة القادمة سوف اتحدث عن التصاهر الذي تم ف يحلتنا

    اختكم روما

    يعلم الله يادكتورة الليله نكتي لينا حاجات غريبة ولكن رغم هذه الثنائيات في المناسبات تجديهم
    قلب واحد ويظهر نسيتي اشهر ثنائية (فتحي موسى وسيف عبد اللطيف)
                   |Articles |News |مقالات |بيانات

10-03-2009, 07:28 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتورة روما عبد الله السيد
    المصاهرة في حلتنا‎
    Quote: البيت الجديد
    يا اهلنا عمدانه حديد

    البيت اتبنى
    يا اهلنا بالحب والمنى

    و يا عديلة يا بيضاء
    ويا ملايكه سيري معاه
    الليله شوين بي قودرت الله

    اغاني الفرح ترددت كثيرا في الشعبيه لكنها كان لها طعم اخر لما يكون العرسان الاتنين من الحله

    وبحكم التداخل بين اهل الشعبيه تمت بحمد الله الكثير من الزيجات الناجحة والمستمرة باذن الله واذكر منها على سبيل المثال

    زواج عادل زين العابدين من الاستاذة المحاميه حنان طه اخت الاستاذة السرة

    زواج العقيد معاش على سليمان الحوري من نجوى على المدير

    زواج ماهر اخو ناس عز الدين وخال عبد الحليم ومحمد وخالد بيتهم ملاصق ناس فيصل الدفشقو تزوج من المرحومة فاتن بت ابو الوفا

    زواج عبد الاله الديبروبي من حنان عثمان الشيخ

    زواج ماجد عبدالله من المرحومة حواء معطيب الملقبه بي حبوب

    زواج يسن على عبد الله من صفيه الخليفة

    زواج الفنان محمد محذوب من هاجر معيطيب

    زواج الزين عبد اللطيف من اخت ناس حسن طه في شارع السوق

    زواج اسامه سليمان الحوري من ابنه خاله فاطمه

    زواج حفيد عمكم على عبد الله من فاطمة على سليمان الحوري

    زواج ولد ناس حسن سرور من مني الياس


    زواج المرحوم حيدر ود ناس زينب عطا من امنه عمر بت خالتنا الساتر


    عقد قران الخير حيدر على بت خالته ام عشي

    دي الزواجات الانا باعرفها المرجو ان يواصل الاخوة لو في حالات تانيه من الزواج والمصاهرة بين سكان الشعبيه

    اختكم روما

    مهندس مجدي نقد ياربي دكتورة روما تكون متحدية ناس الزقازيق ولا شنو
    لكن يادكتورة اليوم اديتيني درس مجان وانا كنت فاكر حب الشعبية مختصر على الشباب فقط
                   |Articles |News |مقالات |بيانات

10-03-2009, 07:37 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    Quote: مبروك الـ 70 يا وليد

    ياوهبةحبيبنا
    دكتورة روما دي لاعب جديد من طراز امبيلي وسادمبا
    يازول بكره قلبنا معاكم تب
                   |Articles |News |مقالات |بيانات

10-03-2009, 07:49 PM

Emad Ahmed
<aEmad Ahmed
تاريخ التسجيل: 08-12-2009
مجموع المشاركات: 11520

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    يا مراحب بدكتورة مريم وهي فعلا اضافة كبيرة للبوست

    وذكرتني نشاط وليد عبد اللطيف عندما كان يرسل مساهماته عن طريق شباك حاج حمد

    سابقا

                   |Articles |News |مقالات |بيانات

10-03-2009, 07:51 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    رساله من دكتورة روما
    شخصيات اثرت في الحله‎


    Quote: الشخصيات كتيرة ح نبدا بي خالتي حكمو الله يرحمها

    الخاله حكمو هي من الشلاليه وكانت حلوة المعشر مشهورة بخفة الظل اولادها اسيا وعندها ولد اسمه طارق اخر عهدنا به انه كان في ليبيا

    كانت تسكن الخاله حكمو في شارع المقابر بجوار منزل ناس الواثق وعاكف

    الخاله حكمو كانت تسكن معاها اختها المرحومة نادية وبنتها رشا

    ولها اختها الخاله نصرة من سكان الدناقلة وييحكى عن الحاجه نصرة انها كانت تحب افتعال المشاكل وعندما لا تجد سببا للتعارك كانت تكحل احد حاجبيها وتترك التاني ولما يسالها احد لماذا هذا الحاجب غير مكحل تبدا في العراك معه وكانت الخاله حكمو من شيخات الزار وفي كثير من الاحيان

    كانت تدق الزار في بيتها وكنا نذهب الى هناك للفرجه وعندما كانت تمر في الطريق كنا نحيها وفي قلوبنا شي من الخوف

    الخوف من ان تسلط علينا احد الارياح وكانت تعرف ذلك وتضحك من سذاجتنا كانت طيبة القلب وكريمه واتذكر انها كانت توزع علينا بعد ان ينتهي الزار

    كل ما تبقا من حلويات او طعام وكنا ننتظر موعد الرجيبيه على احر من الجمر او يوم اللاربعاء والاحد من كل اسبوع لانهم مواعيد فتح العلبه وكنا لانعرف

    ماهي العلبه ولا يهمنا لماذا تفتح او من الذي اغلقها كل ما يهمنا انه في اليوم التالي سوف تجود علينا بالحلويات وبالفشار والتمر

    في احدى المرات واثناء دقت الزار حضر رجل وبدا في الرقص ولما وقع جائته الخاله حكمو تساله عن مطالبه ويرد عليها انه يريد فرسه جديدة اي زوجه جديدة

    وللمفارقه ان زوجته هي كانت صاحبت الزار وانها اثقلت عليه بالطلبات فلجا لتلك الحيلة

    رحم الله خالتنا حكمو الشلاليه
                   |Articles |News |مقالات |بيانات

10-03-2009, 07:56 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3278

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)



    يا سلام

    ترحيبي وحماسي للاخت مريم من اليونان،واود شكرها علي قلمها
    وذكرياتهاالمذهلة.
    اثرت اندهاشي،في تعقبك علي جيرانك فردا فرد مع ذكر لكافة الاعضاء في الاسر
    وهذا يدل علي مدي انفتاحك واجتماعياتك الثره بينهم.
    ولولا الظروف الطارده يقيني بانك كنتي ستكونيين بينهم بمثل ما خرج مداد قلمك يسطر
    في ذكراهم الحلوة.
    بالتاكيد لا تعرفييني،لكن اجعليني اقرب المسافات،منزلنا في طريقك الي مدرستك الاوسطي
    والثانوي،الي الخلف من منزل المرحوم شاطر،بلا شك احدي كريماته قد درست معك،كما
    جاء في سياق حديثك.
    ترحيبي للغايه بيك وارجو مواصلة ذكرياتك،كثيرون هنا مثلنا،علي احر من الجمر
    لقراة ذلك،خاصة باننا نعاني من ندرة لمثل قلمك.
    واجزله الشكر للحريف وليد لجذبه لقلم اختنا،اصلها مصطلحاته ولغته التي يفهمها
    ويعلمنا لفهمها،تسلم يا وليد لينا ولبناتك الحلوات.

    مودتي
                   |Articles |News |مقالات |بيانات

10-03-2009, 08:01 PM

أمير قناوي
<aأمير قناوي
تاريخ التسجيل: 01-24-2009
مجموع المشاركات: 547

للتواصل معنا

FaceBook
تويتر Twitter
YouTube


Re: أجمل عيدية (Re: الفاضل يسن عثمان)

    الأعزاء ناس الشعبية

    أبدأ بتهنئة حبيبنا العريس شهاب محمد عبدالدائم ، وندعوا له ببيت مال وعيال وبدوام الأفراح .. آمين

    وأرحب بالأخت روما عبدالله السيد بنت الشعبية الأصيلة والتي تفيض كلماتها حباً وحنيناً ووفاءاً لأهل الشعبية ، ونتمني أن يدوم التواصل مع إخوانها وإخواتها عبر البوست.

    أخي مجدي نقد
    عتابك في موضوع المنافسة مع ناس الزقازيق لا غبار عليه ، ولكني أعتقد أن الجميع قد أخذ الموضوع كدعابة لم يخالطها جد . وفي النهاية لن يغير عدد الصفحات في المحتوى . ولقد ذهبنا لزيارتهم بعد أتونا ضيوفاً ووجدناهم فعلاً أجدع ناس كما قالوا. وهذه المنافسة البريئة ليست أكثر من مباريات الرابطة ، ليس فيها صاعدون لدرجة أعلى وليس فيها هابطون. وأوافق الرأي في النهاية بأنها لاتتوافق مع أهداف المنبر ، وأعدك بعدم الإنسياق لأمثال هذه المنافسات في المستقبل إن شاء الله.

    أخي عماد أحمد
    جزاك الله خيراً لتناولك سيرة الخالدين في سجل الشرف محمد خيري أحمد ومحجوب عبدالحفيظ رحمهما الله وبارك في ذرياتهما ، فقد أعطيا لوطنهما عطاءاً كريماً ، نسأل الله أن يرفعهما به في أعلى الدرجات. وأتمني منك - كما سبقني أخي عبدالكريم - أن توثق للحاجة فاطمة محمد الحسن ، تلك المرأة العظيمة ، التي نكن لها تقديراً وحباً والي سبقت أيديها البيضاء لكل بيت من بيوت الشعبية.

    ولكم مني خالص الود.

    أخوكم أمير قناوي
    03.10.2009
                   |Articles |News |مقالات |بيانات

10-03-2009, 08:12 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3278

للتواصل معنا

FaceBook
تويتر Twitter
YouTube


Re: أجمل عيدية (Re: الفاضل يسن عثمان)



    استاذنا:شكوكو


    Quote: إنتهينا بالأمس من مراسم تأهيل الأخ (( شهاب ))
    وهو الآن بالقاهرة لقضاء شهر العسل


    تباريك وتهانينا لاخينا شهاب،وعقبال كل الاحباء
    ويجعله مسعود،وهي بيهو سعيده.
    افرحتنا الاخبار،وكنا نتمني ان نكون بينكم لمشاركتم الافراح.
    بالمناسبه،محمد عبد الصادق وصل استراليا قبيل العيد بفترة
    صغيرة.
    طبعا بيكون في حالات الاندهاش،بعد جولات فوزي وسامي بيهو
    علي سيدني،تطيب الاستراليا يامحمد بمقامك،وهي الكسبانه
    بحسابات الربح،والامارات خسران مرتيين،في الكورة،وبرحيلك.
    بعد دا مافي حجه،نتوقعكم في لندن لان المسافات الزمنيه تباعدت
    لكن المكانيه تقاربت.

    مودتي
                   |Articles |News |مقالات |بيانات

10-03-2009, 09:11 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4849

للتواصل معنا

FaceBook
تويتر Twitter
YouTube


Re: أجمل عيدية (Re: الفاضل يسن عثمان)

    منير يا عزيزي
    سلام الله عليك ورحمة منه وبركات
    ما فيش مشكلة، لا سوء تفاهم ولا أي شيء!
    خلاف عادي جداً، في موضوع لا يخلو أصلاً من الإثارة!
    في مرحلة معيّنة، لما اجتهدت في معرفة الصوفية، وعلمت من أحد الإخوة الأساتذة الفضلاء،
    وكان مدرس في مدرسة صالحين، من أبناء الجزيرة ، نسيت اسمه، توفاه الله، أسأل الله أن يرحمه ويغفر له،
    المهم هو متبع لإحدى الطرق الصوفية، دخلنا مع بعض في حوار، فدلّني على شيخه المقيم في مدني،
    فسافرت إليه، وبتّ معه ليلةً! وكان بيننا حوار طويل!
    وأنا في حكمي على أيّ مذهب لا أعتمد على أقوال الآخرين، إلا أن ألمس بنفسي أفكارهم وآراءهم ومواقفهم!
    والقضية عندي والله ما قضية ثقافة أو اطّلاع وكده، لمّا فكرت في معرفتهم، كنت أبحث عن سبيل النجاة،
    وأشوف هل يستحق هذا الاتجاه أن أُقدم له أغلى ما عندي، وأن أتخذ منه طريقاً إلى الآخرة، أو لا!
    وعموماً، أنا ألحظ أنّ الشباب الآن حيارى ما بين الاتجاه السلفي والاتجاه الصوفي!
    وأنا أقول كلّ منهما أخذ جانب من الدين، السلفيون "قرّفوه" لملموا كلّ قشوره، واحتفظوا بها، وقشوره طبعاً ليست سهلة،
    بينما المتصوّفة أخذوا لبه، ولكن هل تظل الثمرة في حال صلاح وبعد من الفساد، إذا ما أُخرجت من قشورها!
    الدين وحدة واحدة لا ينفصل فيها اللب عن القشر أصلاً!
    وبعدين موقفي من الصوفية، طبعاً ليس كموقف السلفيين، أنا كما قلت أميّز بين صوفية ملتزمة بالكتاب والسنة، وصوفية فلسفية
    متأثرة بمذاهب معروفة قبل الإسلام بالانحراف! وده كلو كلام لازم تكون معه الأدلة الكافية!
    يعني تقدر تقول ما عندي مشكلة مع الصوفية، لكنها كأي أتجاه لا تخلو من هؤلاء وأولئك!
    ورغم العمق الذي تتسم به الموضوعات المتعلقة بالصوفية، وكدة، لكني أرى أنه من السهل أن يتخذ الإنسان موقفاً مقنعاً،
    والإنسان لازم يتخذ موقف، عشان يتأكد من الطريق الذي يقود إلى الصراط المستقيم،
    والإنسان العادي، بفطرته يستطيع أن يحسم كثيراً من الأمور،
    عموماً، لا أريد أن أطيل، لكن الحوار معك سيكون ممتعاً جداً!
    وحتى لو اخذ مساحة الصفحة كلها، ما فيش واحد حيُصاب بالملل!
    لأن الموضوع حيويّ جداً، خاصة عند الدخول عليه من مداخل علمية!
    مع خالص حبّي لك!
                   |Articles |News |مقالات |بيانات

10-03-2009, 08:26 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: الفاضل يسن عثمان)

    Quote: يا سلام

    ترحيبي وحماسي للاخت مريم من اليونان،واود شكرها علي قلمها
    وذكرياتهاالمذهلة.
    اثرت اندهاشي،في تعقبك علي جيرانك فردا فرد مع ذكر لكافة الاعضاء في الاسر
    وهذا يدل علي مدي انفتاحك واجتماعياتك الثره بينهم.

    الفاضل ود الحبيب يسن
    تعرف دكتورة روما
    وهي صغيره في الحي
    كانت زوله بتاعت كسر وقراية
    وانا شخصيا ما كنت مفتكرها بهذه الكمية
    من التوثيق ومعرفة ناس الحي لدرجة تذكر ادق تفاصيله
    ويظهر انها مسكونه بالابداع .
                   |Articles |News |مقالات |بيانات

10-03-2009, 08:36 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    Quote: يا مراحب بدكتورة مريم وهي فعلا اضافة كبيرة للبوست

    وذكرتني نشاط وليد عبد اللطيف عندما كان يرسل مساهماته عن طريق شباك حاج حمد

    سابقا

    اخي وصديقي عماد
    هذه سنة الحياء ونحن خلاص كلاعبين شخنا
    ويجب فتح المجال للوجوه الصاعده بقوة
    ودكتورة مريم ممكن تشكل ثنائي خطير معاك في التوثيق
                   |Articles |News |مقالات |بيانات

10-03-2009, 08:39 PM

أمير قناوي
<aأمير قناوي
تاريخ التسجيل: 01-24-2009
مجموع المشاركات: 547

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)




    إستشارات طبية:
    برنامج تلفزيوني على الهواء.
    تقديم الأستاذ مسكين العربي.
    يجيب على أسئلة المشاهدين الدكتور أمير قناوي.

    ـ الأستاذ مسكين العربي: . السادة المشاهدون السلام عليكم ورحمة الله , دكتور أمير قناوي نرحب بك في هذه الحلقة الأولى من برنامج إستشارات طبية.
    ونبدأ بالسؤال الأول من الأخ ب.أ. من سوريا , يقول:
    نسمع كثيراً عن مرض الأستبطاح , فما هو هذا المرض , ومن يصيب , وما هي أعراضه , وهل يوجد علاج؟
    ـ د. أمير قناوي: داء الأستبطاح مرض نفسي وفكري إنتشر في السنيين الأخيرة بصورة ملحوظة في جميع أنحاء العالم وخاصة بعد إنهيار منظومة الإتحاد السوفيتي. وهو يصيب السياسيين في المقام الأول وخاصة في الدول العربية , وقد ينتقل عن طريق وسائل الإعلام للشعوب. وداء الأستبطاح يظهر في صور متعددة , ويمر بمراحل قد تتطور بمضي الزمن وتقدم العمر حتى تصبح صعبة العلاج. هناك عدة أعراض للمرض , يمكن إجمالها كما يلي: رغبة نفسية طاغية في تقبيل أحذية حكام الدول الغربية والإنبطاح المفاجئ عند رؤيتهم , لذلك يوصف المصاب بهذا المرض بالإنبطاحي. وهذه الرغبة تولد عند الإنبطاحي ميل جامح لإذلال أبناء بلده وتمريغ كرامتهم في التراب. والمراحل التي يمر بها المرض يمكن إجمالها كما يلي: مرحلة التدلل وفيها يبدأ المصاب في عدم رفض عروض الدول الغربية المنافية لمصلحة شعبه رفضاً كلياً ولكنه يشترط شروطاً شبه تعجيزية على الطرف الأخر. في المرحلة التالية , وهي ما تسمى بمرحلة التلين يميل المصاب للتخلي عن الشروط التعجيزية ويقبل بالعروض مقابل منافع شخصية. وفي المرحلة الأخيرة وهي ماتسمي بمرحلة التذلل يبادر المريض بتقديم عروض من تلقاء نفسه تضر بمصلحة شعبه دون مقابل.
    ـ الأستاذ مسكين العربي: شكراً دكتور أمير قناوي لهذا التوضيح. لدينا إتصال تلفوني من المشاهد ح. م. من مصر. تفضل يا أخ ح. م.
    ـ ح. م: ألو .. مين معاي ؟
    ـ الأستاذ مسكين العربي: أنت على الهواء مع برنامج إستشارات طبية , تفضل بطرح سؤالك.
    ـ ح. م: ممكن أكلم الدكتور منير الطنطاوي؟
    ـ د. أمير قناوي: نعم معك الدكتور أمير قناوي .
    ـ ح. م: ياخي إناوي .. طنطاوي .. هي فارئة ؟ , هو أنا عايز أطلعلك باسبور؟
    ـ د. أمير قناوي: عفواً .. تفضل بطرح السؤال. وراجاءأ أن تخفض صوت التلفزيون قليلاً , حتى نسمع السؤال.
    ـ ح. م: وكيف حاسمعك ياخي لما أوطي التلفزيون ؟
    ـ د. أمير قناوي: سوف تسمعني عبر التلفون.
    ـ ح. م: طيب ما علينا , نوطي التلفزيون , وله يا قمال .. يا قمال تعال وطي التلفزيون .. هو بيوطوه من أي داهية ؟....أهو وطينالك التلفزيون .. مبسوط كده؟
    ـ د. أمير قناوي: شكراً .. ماهو سؤالك؟
    ـ ح. م: سؤالي بيتعلأ بمرض الإسطنباح , وكنت عايز أعرف إذا كانت الأوقاع اللعندي دي من المرض ده؟
    ـ د. أمير قناوي: ماهي هذه الأوجاع؟
    ـ ح. م: يعني مرات كده بحس بإكتئاب لما ما حدش من أخوانا الخواقات يجي يزورني ويطمن عليا , ولا يسألني عن رأيي في موضوع. تعرف يا دكطور بشعر ساعتها وكأني مش مهم ونفسي بتغم عليا , ومبأش طايئ أشوف حد. واللي ألعن من كده لما يجيني واحد ويؤلي الناس مش لأيا رغيف. ناس هايفة ..همها بس في بطونها . في ديك الساعة بتجيلي رغبة إني أكسر الدنيا وبمسح بكرامة اللي قاني الأرض. تعتئد يا دكطور يكون عندي مرض الإسطنباح؟
    ـ د. أمير قناوي: هذه الأعراض التي ذكرتها من أعراض المرحلة المتأخرة لداء الأستبطاح وهي ماتسمي بمرحلة التذلل.
    ـ ح. م: طيب ومافيش علاق للمرض ده؟
    ـ د. أمير قناوي: كما ذكرت في مقدمة حديثي فإن علاج هذه المرحلة المتأخرة صعب , ولكنه ليس بالمستحيل. أول خطوة للعلاج هي الإستعانة بذكر الله وقراءة الآيات القرآنية التي تأمرنا بألا نهن ونضعف ونحن الأعلون..
    ـ ح. م: (مقاطعاً): إنت بتؤل أيه , هو أنت قاي تخطبلي؟ .. هو إنت دكتور ولا إمام قامع؟ .. , وله يا قمال .. تعال غيير الأنا بتاعة التلفزيون .. قايبلني واحد واعظ عامل دكطور؟....توووووووت....توووووووت..
    الأستاذ مسكين العربي: يبدو أننا قد فقدنا الإتصال مع الأخ ح.م.
    السادة المشاهدون نواصل بإذن الله الإجابة على أسئلتكم في الحلقة القادمة. نشكر الدكتور أمير قناوي , وهذا مسكين العربي يحييكم والسلام عليكم ورحمة الله.
                   |Articles |News |مقالات |بيانات

10-03-2009, 08:50 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    Quote: وهذه المنافسة البريئة ليست أكثر من مباريات الرابطة ، ليس فيها صاعدون لدرجة أعلى وليس فيها هابطون. وأوافق الرأي في النهاية بأنها لاتتوافق مع أهداف المنبر ، وأعدك بعدم الإنسياق لأمثال هذه المنافسات في المستقبل إن شاء الله.

    هههههههههههههههههههه هايا
    يادكتور الخصم ضعيف وامكانياته في الملاعب
    اربعة سنوات وشن جاب لجاب لامكانيات كم اوربعون سنه
    ممارسة دوري محلي وانجليزي وامريكي وعربي
    وجيب لينا الانداد حتى نتحداهم وهذا ليس تقليل عن امكانياتهم
    ولكن الاختلاف واضح وسبق ذكرته
    واوفقك الراي بعدم الانثياق لمثل هذه المنافسات
    حتى لانضعف قيمة البوست
                   |Articles |News |مقالات |بيانات

10-03-2009, 10:31 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    Quote: ـ ح. م: يعني مرات كده بحس بإكتئاب لما ما حدش من أخوانا الخواقات يجي يزورني ويطمن عليا , ولا يسألني عن رأيي في موضوع. تعرف يا دكطور بشعر ساعتها وكأني مش مهم ونفسي بتغم عليا , ومبأش طايئ أشوف حد. واللي ألعن من كده لما يجيني واحد ويؤلي الناس مش لأيا رغيف. ناس هايفة ..همها بس في بطونها . في ديك الساعة بتجيلي رغبة إني أكسر الدنيا وبمسح بكرامة اللي قاني الأرض. تعتئد يا دكطور يكون عندي مرض الإسطنباح؟

    يا دكتور والله دي دراما جاهزة
    يازول انت مافقت المخرجين ناس ابوعميره نفسهم
    وابراهيم الصحن .
    تعرف ياود قناوي
    معانا هنا في المكتب
    لما اولاد المصاريه يتونسوا
    تضحك وكانك بتشاهد في دراما حيه
    والله دا الاسطنباح زاتو
                   |Articles |News |مقالات |بيانات

10-04-2009, 04:03 AM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4849

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    أخونا العزيز الحاج
    مؤسس الشعبية الإسفيرية وراعيها!
    السلام عليكم ورحمة الله وبركاته
    ... لكن غيابك طال!!!
    المهم، إن شاء الله يعني إجازة موفقة وممتعة مع الأهل والخلان!
    على أيّ حال في انتظار تحقيقاتك ولقاءاتك وصورك!
    حاول تعمل ليك كم لقاء كدة مع منغستو ، أو يوسف المفك، أو ...
    مع تحايا كلّ أهل الدار الإسفيرية!
    ================================================================================
    الأخت الدكتورة مريم
    السلام عليكم ورحمة الله وبركاته
    ومرحباً بك في الشعبية الإسفيرية!
    وحقيقةً تمنّيت إنك في (الشعبية الحقيقية) كان تكوني من حلتنا،
    يعني من مربع 8/9، حلة الجهاد والزهرة، لأني كنتِ حتعملي إنعاش كبير للذاكرة
    بهذا البوح والكم الهائل من المعلومات، (والذي إن دلّ فإنما يدل)
    على حسن معاشرتك لأهل الحيّ، ومعايشتك لهمومهم وأفراحهم!
    وأتذكر كلامك مع "شمشي" أنك مشيتي لقيتي بيتهم فاضي، وكذلك بيتكم،
    يااااااه يعني إنت بتحكي عن الزمن الجميل الضائع!
    والسؤال: هل من الممكن استعادته؟
    غايتو الشعبية الإسفيرية دي بتدينا الأمل في ذلك!
    ويبقى السؤال: كيف يمكن ذلك، ما الذي يمكن تقديمه من أجل ذلك؟
    ما هو المطلوب بالضبط؟
    أجدد شكري لك وتقديري، يا دكتورة!
    =================================================================================
    Quote: ـ ح. م: ممكن أكلم الدكتور منير الطنطاوي؟
    ـ د. أمير قناوي: نعم معك الدكتور أمير قناوي .
    ـ ح. م: ياخي إناوي .. طنطاوي .. هي فارئة ؟ , هو أنا عايز أطلعلك باسبور؟
    ـ د. أمير قناوي: عفواً .. تفضل بطرح السؤال. ورجاءأ أن تخفض صوت التلفزيون قليلاً , حتى نسمع السؤال.
    ـ ح. م: وكيف حاسمعك ياخي لما أوطي التلفزيون ؟
    ـ د. أمير قناوي: سوف تسمعني عبر التلفون.

    والله يا أمير عندك موهبة بتاعة حكي كوميدي، سهل ممتنع! خالٍ من التكلف!
    ياريت لو تحاول تعمل عمل كبير، من عدة حلقات، وتبدأ بنشره في المنبر العام!
    الآن هذا النص يتحرك على المحور السياسي!
    وعندك في حكايات أب المحور التربوي!
    وأنا أرجو إنك تواصل في المحور التربوي، وتوسع دائرته بذكر كثير من النماذج المتنوّعة،
    وخاصة ما يرتبط منها بتجربتنا، من زمن الطفولة ولحد ما سافرنا في البعثات والاغتراب ...!
    يعني عندك بالتأكيد مشاهد كتيرة في ذاكرتك، تستطيع إبراز ما فيها من المفارقات
    بحسب الظرف الذي يحيط بها!
    وفقنا الله وإياك إلى ما يُحبّه ويرضاه!
    ==================================================================================
    وخالص التحايا لجميع أهل الدار! وكذلك الزوار!
                   |Articles |News |مقالات |بيانات

10-04-2009, 05:01 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: أجمل عيدية (Re: صلاح عباس فقير)

    Quote:
    الاخ / عابدون لك الود والاحترام

    الاخوان بالبوست الجميل السلام وعليكم ورحمة الله وبركاتة عدت لكم من تركيا بتقرير متواضع ربما يضيف لكم ولو معلومه واحده لمعلوماتكم عن تركيا

    كان قد قررت قضاء اجازة العيد فى تركيا وتحديداً فى جزيرة يلوا ولكن بما انه هذه هى السفره الاولى للعائله الى تركيا فقد ارت ان تكون وجهتنا ( اسطنبول فقط ) وذلك البرد قد دخل ودرجه الحرارة وصلت فى جزيرة يلوا 10 درجات ولاسيما وان معى طفلان ( يوسف 6 سنوات + وشهد 3 سنوات ) يحبان اللعب واللهو مما شجعنى على تغير البرنامج من اجل العائله الكريمه وايماناً منى بان السفره الناجحه هى التى تلبى جميع الاذواق وتخدم جميع الاطراف

    بعد ان حددت الوجهة ووضعت البرنامج المناسب لها عقدت اجتماع مع العائله لا طلاعهم على تفاصيل هذهالرحلة مستقل شعار ( اصرف مافى الجيب ياتيك مافى الغيب ) وهدفها اجازه سعيده لكل افراد العائله

    ثم قمت باجراء اتصالاتى بالاخ / محمد عبدرحمن ( عسليه ) من ابناء الشعبية جنوب مقيم فى تركيا منذ 10 سنوات منزلهم مقابل ميدان الزهراء وغريب من منزل الواثق صباح الخير ، وبالفعل قام مشكوراً باتخاذ الازام ورتب حجز الفندق وكان الفندق 4نجوم بسعر مغرى عجزت ان احصل اسعار اقل منها من خلال مكاتب السفر والسياحه اومن خلال الانترنت فجزاء الله خير الجزاء على ذلك

    وسوف نعود الى سيرة الاخ محمد عسليه وهو من ابناء الشعبية الحبيبة فى بلد المهجر

    معلومات اوليه :-

    مدت الرحلة من 23/9/2009 الى 1/10/2009 (8 ليالى ) فقط

    خط سير الرحلة

    دبى - اسطنبول - دبى

    شركة الطيران

    طيران الامارات

    تحديد موعد السفر فكان يوم الثلاتاء 23 /9/2009 رحلة مباشره من مطار دبى الدوليه الى مطار مصطفى كامل اتتورك اسطنبول الدوليه عند الساعه 35 /11 صباحاً وكما يعلم الكثير بان طيران الامارات ممتع وموريح لان جميع طائراتهم حديثه وراقيه من ناحية الخدمة ودقه فى المواعيد ووسائل الترفيه فى الاجواء

    وصلت مطار دبى الذى يبعد عن منزلى 7 دقايق ثم اخذت البوردنج كارد واعطيتعم الحقائب ثم تجولتا قليلاً فى السوق الحرة ومطار دبى رقم 3 الخاص بطيران الامارات طبعاً قمه فى الجمال انشاءالله مطار الخرطوم يبق زيوا ثم ركبنا الطايره واقلعت فى موعدها 35/11 صباحاً بتوقيت دبى الى اسطنبول مدينة الامبراطوريات الثلاثه كانت الرحلة مريحه وهادئه بلا مطبات جويه والحمدلله وانشغل يوسف وشهد فى الطايره بمتابعة الرسوم المتحركه

    تابعوا معى اليوم الاول واحداثه

    اخوكم خالد درق ... دبى


                   |Articles |News |مقالات |بيانات

10-04-2009, 05:10 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: أجمل عيدية (Re: عابدون محمد عابدون)

    Quote:
    الاخ / عابدون تحياتى

    اهل الشعبية التهنية بالصفحة 70 والمزيد يارب

    الاخ / وليد عبداللطيف مشكور وطبعاً اخوك ماقصر ضربت الطاجن والشاورما مع الجوا الجميل على مضيق البسفور وسوف اسرد ذلك انشاءالله

    مرحباً والف الف مليون ترحيب بالاخت الدكتورة / مريم عبدالله السيد ( روما ) نورتى البوست والحوش الكبير الشعبية ومشكوره على الذكريات الطيبة التى سرتيها عن اهل الشعبية الطيبين والمذيد يادكتورة وايضاً الحمدلله عى شفاك من المرض والله يديك الصحه والعافيه امين ولكى الود

    خالد درق ... دبى







                   |Articles |News |مقالات |بيانات

10-04-2009, 06:16 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: عابدون محمد عابدون)

    رساله من مهندس مجدي نقد
    ناس الشعبية الحلوين

    الوليد عبد اللطيف

    تحية طيبة,,

    اصدق التعازي لك من فقد عزيزاً و أحر التهاني لمن بشر بخبر سعيد خاصة حبيبنا أبو الشموس.

    الأستاذ صلاح شكوكو : مبروك للأخ شهاب و سعيدين أن تأتينا نسائم كلماتك بين الفينة و الأخرى فلا تطيل الغيبة.

    الأخ صلاح عباس : مشكور على السؤال و قد قادتني أسئلة الدكتور قناوي لدهاليز لا يعلم بها إلا الله خاصة سؤاله عن الجينات و الدور الذي تلعبه في التربية فأثرت الصمت لعلمي بان كليكما من المتخصصين و أعجبني دور القارئ و لكن إن كان و لابد فاني أتشرف بمحاورتكم..

    د.أمير قناوي : رُقي حد التعب ما تتحلى به من أخلاق يا دكتور و ليقيني أن الابن يربى كما تصاغ الجمل في اللغة فيسعدني أن احيي عبرك من كان وراء ذلك له الرحمة و المغفرة..مشكور على الرد الذي لا يأتي إلا من كريم يعرف قدر نفسه..

    الأخ خالد درق: حمد لله على السلامة .

    الدكتور عماد عبد الله : هي بركات الشهر الفضيل التي منة علينا بقلمك الرشيق.. و يكفيك طريقة نيلك للعضوية فهي تغني عن كل كلام..أخوك (سيوزنك) بس ما قديم زيكم كدا..

    الأخ صلاح عباس الفحل: تلعب على أوتار الكلمة كما كان يلعب الوليد بالكرة و أتمنى أن تكون قد شاهدته و هو يلعب حتى تعلم مدى إعجابي بكلماتك..مبروك انضمامك لركب الشعبية الاسفيري..

    الأخ أبو الشموس : شمس البوست ..يا أخي ألف سلامة ليك و لو جاءت متأخرة لأسباب خارجة عن إرادتي إلا أن خلقك الجميل يعشمني في أن أرسلها ألان..لك ودي و تقديري يا قريبي..

    الرهيب عبدون:أقنعتني انك تكتب كما تشاء بكل الأساليب من البسيط إلى العميق و مشكور على الرد الكافي و الوافي..

    صديقي حسن مضوي: حمد لله على السلامة و يا أخي عاديتنا بالكسل بتاعك و أسي وليد زعلان.. حلها..

    د.روما عبد الله:أهلا بك في دارك..لي قناعات راسخة باستجابة الأعضاء عند الإنسان, و كما تستجيب للمرض تستجيب للعلاج و من يملك مقدراتك سهل عليه أن يتجاوز كل الصعاب..ابقي عشرة على وصية الأخ عبدون..

    الأخ منير: لم أتشرف بمعرفتك إلا عبر هذا المنبر..سعيد بمعرفتك و أدبك في الحوار..

    الوزير عماد احمد : واصل هوايتك في التوثيق فهي بهار هذا البوست..

    الأخ الشيخ سيد احمد: الشعر الذي يقرضه المغيرة طه في خلقك و أدبك يشوقني للتعرف عليك عن كثب..تقبل تحياته فهو ما زال صائماً عن المشاركة إلا من خلف الكواليس..

    لكم كل الود,,

    مجدي نقد,,


    تخريمه : الكلام الفوق دا كلو قبل العشرة صفحات الأخيرة من البوست..
                   |Articles |News |مقالات |بيانات

10-04-2009, 06:20 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    صنودق الرسائل
    مليان شوق وحنية من الدكتوره روما
    وسوف ندعكم ترون ماذا تقول في ذكرياتها وتوثيقاتها الجميله
    النمش نسجل البت في الروضه ونجي (اها بدينا ياعبدون وياشمس في البرامج)
                   |Articles |News |مقالات |بيانات

10-04-2009, 07:32 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ومشاركة من دكتورة روما
    شحصيات اثرت في الشعبية
    لسيدة السرة

    تسكن في شارع النيم بين منزلي شيخ طويل وعمكم موسي وهي من ناس سنار اشتهرت بانها اول سيدة قادت العربيه في الشعبيه وكانت تعمل في الاحصاء وهي تتمتع بشخيصه قويه وساهمت في ارتقاء بالحي وساعدت كثيرا في استخراج شهادات التسنين او الميلاد لاهل الشعبيه وبمجرد ان نستخدم اسمها في الاحصاء كان هو جواز المرور لخدمه سريعة يقوم بها زملائها

    هي الاخت من ناحيه الام الحجة المرحومة بحر الصفاء للاستاذة حنان طه المحاميه وهي ابنه خالت الكبتن بشارة المعروف فهو ابن خالتها المرحومة بخيته وكانت ذكريات زواجه من اهم الاحداث خضصوصا وان السيرة كانت بالبابور ال جمهوريه مصر العربيه

    الله يدي العافيه لخالتنا السرة ويطول لينا في عمرها
                   |Articles |News |مقالات |بيانات

10-04-2009, 07:35 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتورة روما
    بعنوان شخصيات من حلتنا
    عمنا الزبير

    من اشهر اعمامنا الفي الشعبية عمنا المرحوم الزبير وكان بيتهم ماشا الله مشهور بالعلم والنجابه وكان من الناس البيشجعوا اولادهم على العلم واولاده واحفاده مفخرة لسكان الشعبيه ودائما لكما يكونوا ممتحنين بيكونوا منا وائل الطلبه ولا ننسى ابنته الدكتورة الصيدليه هنادي الزبير وانها حملت على عاتقها مسئوليه مدرسة بحر ي الحكومية القديمه في مسابقات المدارس واستحقت بفضلها المدرسة الكاس بجدارة وابنته الدكتورة سكينه وابنه مسيرة وعمر الزبير واخوانهم من فطالحة التميز الاكاديمي على مستوى السودان ولا ننسي ابناء ابنته خدوم ندي كانت من المتميزات في الداراسه و اخوها ابو ذر كذلك . زوجة عمنا هي المرحومة كلتوم وهي من السيدات الفاضلات في الحي مشهود لها بالكرم وحسن المعامله مع الجيران وكان ديوان عمنا الزبير لا يخلو من الضيوف وكان يجلس تحت ظل الشجرة ويعزم كل من يمر امامه على شاي او وجبه طعام وكان ينادينا كلنا عند السلام عيله حباب بتي او حباب ولدي وكان بشوشا ويساعد في كل مناسبات الحي

    سكن عمنا الزبير في شارع النيم مقابل للحديقة بجوار السوق اللهم اكرم مثواه وبدله اهلا خيرا من اهله
                   |Articles |News |مقالات |بيانات

10-04-2009, 07:37 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ومشاركة من دكتورة روما
    تحت عنوان شخصيات من حلتنا
    عمنا سليمان الحوري

    هو من المناصير من الباوقه عمل في السكة حديد سكن في شارعنا بين منزل عمكم الياس وعمنا علي عبد الله

    له من الابناء العقيد معاش على سليمان والتاج وفيصل الحوري ووليد وزاهر واسامه وابنه وحيدة هي الاخت المتميزة اميرة سليمان

    زوجته هي الخاله فاطمه بت الباوقه ساهم مساهمه فعاله في استخراج التصاريح للمسافرين من اهل الحي وباسعار مخفضة وكان يقوم بالحجز لكل سكان الحي الراغيبن في السفر وكان يوصي كل من في القطار على المسافرين من اهل الشعبيه ويحثهم على خدمتهم وتقديم العون لهم

    منزلهم كان قبله لكل اهالي الباوقه وكان لاينقطع عن منزلهم اهل الباوقه لكرام وصارت لنا معهم صلات من خلال اسرة عمنا سليمان الحوري وكانت لا تنقطع عن منزله

    خيرات الباوقة من بلح ودليب بالاضافه الى انه كان يعزم لنا عند اصابتنا بالعين او الصداع كان رجلا صالحا حبوبا يقابلك مبتسما هو شقيق العميد معاش عبد الرحيم الحوري وصهر مغني الباوقه ونجمها المشهور عبد الكريم الذي كان شقيق زوجهة عبد الرحيم الحوري وابن عمهم في نفس الوقت
                   |Articles |News |مقالات |بيانات

10-04-2009, 07:39 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورسالة من دكتورة روما
    تحت عنوان شخصيات من الشعبية
    الاستاذ محمد الحسن حسن صالح

    يسكن في البيت المواجه لمنزل الفنان الاستاذ هشام درماس هو معلم فاضل ساهم في نبوغ العديد من ابناء الحي

    كان يدرس الرياضيات بصورة جميلة حببت لنا علم الرياضيات من منا لا يذكر له نظريته التي يقول لنا فيها نودي البنات حوش البنات والاولاد حوش الاود عند شرحه للمعادلات وكانت طريقته تساعدنا على حل المسائل كان درس محمد الحسن من احلى الدروس وكنا نذهب في باديات الامر اليه في العصر كان في المدرسة القريبة من سوق سعد قشرة وبعدها انتقل الى مدرسة المزاد كان ياتيه الطلبه من كل انحاء بحري وكانت تدرس المواد مثل الانقليزي وكان يدرسها استاذ حسن لا اذكر اسم والده سامحوني ولكنه كان يسكن بالقرب من بيت ناس خالتي فريدة ام ناس سيسه في شارع ناس الحجة ست البنات قوقو

    وكانت تدرس العلوم والاحياء والمواد العلمية وكان محمد الحسن احيانا يشرخ مقرر التاريخ بصورة سلسلة وباسلوب فيه شي من الطرافه الامر الذي يشجع كل الطلاب على الاستذكار وكان ياخذ من ابناء الحي اسعار رمزية وكان يعفو عن الكثيرين ولا يطالب باجرة الدروس من ابناء الحي واتذكر عربيته البيضاء وصوت البوري المميز وابتسامته التي لا تفارقه كم منا عندما تظهر نتيجه الامتحان لم يمر على بيت الاستاذ محمد الحسن ونبشره بالنجاح اولا لانه من صناع النجاح في حلتنا


    تزوج استاذنا محمد الحسن من السيدة فايزة وله عدد من الابناء ومن اخواته اميرة التي تزوجت من الاخ عبد العظيم عثمان ولد حلتنا واخته امل وسارة وخالته وفي نفس الوقت زوجت ابيه المرحومة طيبه الذكر خالتنا شامه حسن صالح وكم كانت جملتها المحببه عندما نحيها ترد علينا اهلا يا حلاوة ناس رحمة الله على خالتنا شامة ويديك العافيه يا استاذنا محمد الحسن ودمت بخير استاذنا على كل ما قدمته للشعبيه
                   |Articles |News |مقالات |بيانات

10-04-2009, 07:41 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ومشاركة من دكتورة روما
    تحت عنوان اخوي وليد الكبر دخل

    اخوي وليد عبد اللطيف ذكرك الله بالشهادة وفعلا صداقه فتحي موسى وسيف عبد اللطيف من اجمل الصداقات

    في ملحق للتصاهربين سكان الشعبيه زواج الواثق اخو ناس عاكف ود عمك صالح في شارع المقابر من واحدة من بنات عمنا مرسال

    وزاج اخونا هارون موسي ود خالتنا المرحومة فاطمه موسى بيتهم فاتح في ناس عادل دوله في صف ناس الدفشقو من سعاد مرسال

    زواج واحد من اولاد خالتنا خديجة البقارية جيران ناس عمك فضل وعلى المدير وفاتحين في ناس خالتنا نساء ام الثعلب من حنانا محمد صالح الخالتها فاطمة صيمول في شارع المقابر جنب ناس عادل سكرة والمرحوم بدر الدين ديكه
    بالنسبه لينا للشعبيه فهو متاصل كلنا بنات او شباب بنحب الشعبيه ولغايت الان ما فينا انسان لما بياسلونا في اي مكان انتا من وين ما بنقول من اي قبيله في الاول ببنقول انا من الشعبيه بعدين بنعرف القبيلة يعني الشعبيه عندنا اقرب لينا من انتمائاتنا القبييه
                   |Articles |News |مقالات |بيانات

10-04-2009, 07:44 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتورة روما
    تحت عنوان
    اعراس لاتنسى
    تشتهر الشعبيه بان المناسبات فيها بتكون جميلة وكلها هجيج ولكن هناك اعراس ظلت في الذاكرة

    مثلا زواج صديق على صالح وما صاحبه من فنانين ومطربين

    وزواج الاخ الزين عبد الطيف

    وزواج الاخ محمد الشيخ في شارع المقابر على منال خوجلي لانه كان ايام الغزو بتاع العراق وما بيتنسي

    زواج اخت ناس ابراهيم الشيخ وعمر الشيخ التي تزوجت من عامر خوجلي وجابو في العرس الفنان وردي وكان حدث

    زواج ابن عمي ذو النون بابكر مقبول اخو ويه ابو هريرة

    زواج حنان على بت ست البنات قوقو من ولد ناس كمال البيه وما صاحب الزواج من اشياء مبهره

    زواج الاخ جعفر حسن من اولاد مربوعنا وكان زواجا استمر اربعه يوم

    زواج الاخت اعتماد ساتي عبد الحفيظ من الاعلامي الناجح حسن وحضره كل الاعلامين ومذيعي ومذيعات التلفزيون واهل الفن والصحافه

    زواج على سليمان الحوري والاخت نجوى على المدير لان في اليوم السابع للزواج كان في رحله للعرسان وغرق قريب ناس ربيع شريف وكان اسمه حسن في البحر ورجعنا من الرحلة والغربيه اصرار المرحوم على ان نردد في البص لما كانا ماشين الرحلة اغنيه الوليد الضيف غرقتنو كيف

    زواج الاخت الاستاذة اشراقه ابراهيم مالك والاخ عثمان على المدير لان الحاجه اسماء والدة اشراقه توفت يوم العقد

    روما

                   |Articles |News |مقالات |بيانات

10-04-2009, 07:47 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتورة روما
    تحت عنوان
    الشعبيه ايام الامتحانات
    طبعا يا اخوان الشعبية من اكتر المناطق المشهورة باولادها وبناتها المتميزين اكاديما وعيني باردة على الكل باتذكر انه في ايام الامتحانات كان الكل بيراجع مع بعض باتذكر ابي المرحوم عبد الله السيد كان بيلخص لينا المقرر وبنقرا مع بعض ولما تجي ايام الامتحانات بنلقا روحنا كل الناس الفي نفس الفصل بنشرح لي بعض وبنسمع لي بعض وخالاتنا ما بيقصرن معانا في الزلابيه والشاي باللبن وكنا بنزاكر لغايت بعد اذان العشا وننوم ويصحونا بدري عشان نقوم نراجع وكتير بيستحضرني منظر امهاتنا جاريات ورانا بالشاي وبيوصونا اننا نخت بالنا في السؤال وما نتسرع ولما نمشي المدرسة بنكون بنراجع مع بعض في الشارع وفي حوش المدرسة واستمرت العادة دي معانا لغايت ما خلصنا الجامعه كنا بنذاكر مع بعض واتذكر الكتيرين من الطلاب في الشعبيه كنا بنمشي معهد شمبات الزراعة نذاكر فيه وكانت فيه مكتبه وملا نرجع من الامتحان كاونوا اهلنا بيسالونا ولد ناس فلان امتحن كيف وا بت فلان ان شا ءالله تكون امتحنت كويس وعادي منظر الناس بتبيت مع بعض ايام الامتحانات عشان يصحوا يراجعوا بدري اتذكر اخواتي ناس حنان وهويدا كانوا بيذاكروا مع بيت ناس معيطيب ناس ايمان وهاجر معيطيب ومع اميرة عبد الله وكان ناس مولانا كنه بيذاكروا معاهم وناس المحامي شهاب محمد ادريس برضو كلهم بيمشوا كليه الزراعة يذاكروا فيها

    وكان محرم علينا التلفزيون ايام الامتحانات ولما يدونا ا لدرجات كنا بنكون عارفين درجات كل زول فينا ولما تطلع النتائج بيجوا امهاتنا من الحي وبيحضروا توزيع النتائج وهاك يا زغاريت بتلقا انو ما بس امي البتزعرت لي لكن كل الامهات والخالات الكل بيفرح ليك وبتكون حديث الحله لايام

    بالمناسبة في الشعبية كان وما يزال الطلبه متوفقين اتذكر لما بنكون في مدرسة او جامعه بندرس كانوا بيشلوا همنا الطلاب الما من الشعبيه لانو طلاب الشعبيه معروفين بيكونا جارين الدفعة وراهم وفي الكثيرين من ابناء الشعبيه الاصبحوا اعلام في مجالهم ورفعوا راس اهلهم وراسنا في الشعبيه اللهم ادم علينا نعمه التفوق والى الامام يا ناس الشعبيه
                   |Articles |News |مقالات |بيانات

10-04-2009, 07:49 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتورة روما
    حياكم الله يا اخواني اولاد الشعبيه‎
    الاخ الفاضل عماد احمد الشكر ليك في الاول والاخير ولكل اعضاء البوست والزوار كمان وحياك الله ما قصرتا اخوي وديل ناس الشعبيه الما بتيغابوا العرفه وما بينسوا الناس

    الاخ الكريم الفاضل يسن عثمان اهلا بيك وما قصرتا اخوي بالفعل قرت معانا الاخت فوزيه محمد شاطر في الابتدائي وهم بنات قمه في الادب والتهذيب وكل بيت ناس محمد شاطر ما بتخيروا عليك وكاما ن درست معانا الاخت سهام متوكل اخت ناس نزار متوكل والاخت منال ابراهيم وديل بيتهم ملاصق لي ناس نزار متوكل وفاتح في شارع مواصلات الشعبيه جنب بيت ناس سامبو واخوانه وبرضو الاخت رحاب عزمي والاخت هناء وديل ساكين في حله ناس عريبي في شارع المواصلات زاتو

    ومن الدفع البعدينا الاخوات نهي الامين اخت ناس عاطف الامين واختها المرحومة ما جدولين واختتم الصغيرة فاطمة الامين دي دفعت بت اختي هدى بشير وقرت معاي عبير على بت المرحومة ست البنات قوقو ا م ناس انعام وسعاد والمرحومة احسان وبرضو الاخت نفيسه وبيقولوا ليها سيسه ومنى بنت جيرانهم بت ناس خالتك صفيه جيران ناس قوقو بالحيطه اخت ناس بسمه

    الاخ قناوي حيا الله اصلك ومشكور على الترحيب وباذن الله الواحد الا الموت البيوقفو من البوست الروعة دا

    يا وليد عبد اللطيف لو قلتا ليك اني ما اتوقفتا من الساعة بالظهر الا للصلاة من الكتابه معليش ح اتعبك معاي لانو شوقي للشعبيه ما ليه حدود
    وانا باعرف ناس الشعبيه اكتر من اي شي في الدنيا لانهم اهلنا نحنا لانو ما كان عندنا خيلان في السودان عشان كده ناس الشعبيه هم البقو اهلنا وبالرغم من انو اهلى الوالد الله يرحمه في حله حمد وخوجلي او في بيت جدي في الصافيه لكن دا ما خلاهم ينافسوا ناس الشعبيه على محبتنا

    يا ناس ما اكون معاطاكم القربال الجديد ليهو شدة وباوعدكم اقلل من البري بس البيقنع عقلي شنو اليوم انا عامله اضراب مافي سوبر ماركت ولا اتبضعتا لانه في حضرت الشعبيه واهلها يطيب الجلوس ويحلا الكلام

    اختكم روما
                   |Articles |News |مقالات |بيانات

10-04-2009, 07:52 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    نخليكم تستريحوا وتذاكروا
    ماكتبته دكتورة روما
    ونشوف مشاركات الشباب
    وانطباعاتهم عن هذا اللاعب الجديد (دكتورة روما)
    ولسه كيس الرسائل مليان
                   |Articles |News |مقالات |بيانات

10-04-2009, 08:32 AM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ** ود عبداللطيف..
    ** صباحك خير ..
    *** بالله اللاعبه الجديده بت عبدالله السيد (د.روما) ,, عقد التسجيل بتاعا خليهو خمسه سنوات وديل اللعيبه النحنا كايسين ليهم من زمن توثيقاً للانسان والمكان ..
    (ودام الود بيننا)
    (ابو محمد فؤاد)
                   |Articles |News |مقالات |بيانات

10-04-2009, 08:47 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: عبدالكريم أحمد الامين)

    كتب ابومحمد فؤاد
    ==============================================

    ** ود عبداللطيف..
    ** صباحك خير ..
    *** بالله اللاعبه الجديده بت عبدالله السيد (د.روما) ,, عقد التسجيل بتاعا خليهو خمسه سنوات وديل اللعيبه النحنا كايسين ليهم من زمن توثيقاً للانسان والمكان ..
    (ودام الود بيننا)
    (ابو محمد فؤاد)
    =============================================
    يا ابومحمد فؤاد
    اللاعبه دي بالزات لازم يتعمل ليها تأمين مدى الحياه (بمناسة مشروع تأمين الرياضيين )
    تخيل الدكتورة ذكرت اسماء ما تتخيلها
    ومن بينها اناس تقف امامهم وتضرب لهم تعظيم سلام
    والله يرحم الاموات منهم والاحياء
    وانعشت الذاكره صراحه
    والشوال مليان مليان مليان
                   |Articles |News |مقالات |بيانات

10-04-2009, 11:05 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    كتب مهندس مجدي نقد
    =======================================
    تخريمه : الكلام الفوق دا كلو قبل العشرة صفحات الأخيرة من البوست..
    =======================================
    ياهندسه
    عشان مانهضم حق الناس
    كدى ارجع مره تانية للعشره صفحات السابقة
    ويكفي فيها استقبلنا اخونا عزالدين الفحل
    ودكتور عماد عبد الله الطيب
    وتوثيق للانسان الفنان الراحل المقيم محجوب عبد الحفيظ
                   |Articles |News |مقالات |بيانات

10-04-2009, 11:26 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ماشاء الله يادكتورة على هذا التدفق الجميل ومثل هذا الكلام لايصدر الا من انسان ملىء بالجمال والحب وانشاء الله ربنا يديم هذه المشاعر وهذا الحب ..

    شكرا ياباشمهندس مجدى .. هسع صاحبنا يجى ناطى بالحيطة ويقول ليك الزول دا ساقط انشاء ..

    ياوليد طالما لسة بتدفع للروضة ماعندك مشكلة لكن حاول الحق ليك قطعة واطة فى الوادى الاخضر ولا ام ضريوة قبل الجريوات ديل مايكبروا لانه تانى الريال من جيبك وللهوا..
                   |Articles |News |مقالات |بيانات

10-04-2009, 11:51 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: عابدون محمد عابدون)

    رساله من دكتورة روما

    يا اخواني انا حابه اتكلم عن العيد في الشعبيه لو سمحتوا لي

    الشعبيه عيدها من اجمل الاعياد والاستعدادات بتبدا قبل الوقفه من الخبيز وطبعا مشوار الفرن اساسي كان كنا بنودي الكعك فرن الشعبيه لكن البسكويت والبتي فور كنا بنوديهم طابونه شمبات عشان ما يتحرقوا لانهم بيستخدموا الحطب وطبعا موضوع وفرصه بنستناها من العيد للعيد واتذكر خالتنا السرف قربيت ناس عمنا الخليفة في عيد خبزت ليها بتي فور ومن ريحته وهي جابياهو الفرن مع بتها اشتياق ريحته ماشا الله عليه وهي قادله وقاشرة بي خبيزها قام بتاع الفرن طلع ليهم صواني بتشبه صوانيها لكنها حرقانه الساعة الخالتي السرف وهي شايقيه تسكل لينا وتقول وااا فليلي طبعا الجو اتنشن لانو القاعدين كلنا ما ح نسلم من اننا ادينا الخبيز عين والحمد لله بعد ما خالتي السرف فاقت من الغمرة لقت ان دي ما صوانيها

    بعد برنامج الخبيز بيجي برنامج النضافة وبنطلع كل الدولاليب والهدوم الجواها على الرغم من اني باتسال ليه ما كنا بنطلعها مرة واحدة المهم نقعد نغسل في الحيط والشبابيك دا في حاله مافي امكانيه لضرب البيت بوهيه او جير وبما ان الحاله الاقتصادية دايما ما كانت بتسمح كنا بنغسل الحيط والشبابيك وبرجع السراير والكراسي مطرحها وكان كل البنات بتجمع في بيت ناس معين نخلص منهم ونجي على البيت التاني زي في الخبيز كل الناس بيخلصوا خبيز ناس فلان ونبدا في خبيز الجار التاني تكافل في الشعبيه كنا يد واحدة

    وما انسا مشوار السوق وكان سوق الزنكي او ما يعرف بي سعد قشرة برنامج والغربيه كلنا ما كنا بنقدر نشتري كل الاغراض لكن بنمشي تحت شعار الشوف ما كتل الغزال وكبيرنا الكان بيقدر يشتري مثلا منكير وقلم كحل مع بعض والغربيه كنا حتى في المسائل دي بنقسمها مع بعض ما باتذكر انو كان في شي الواحد يقدر يقول دا بتاعي براي

    وكنا بنتحنن والله انا لغايه سنه تالته عام باتحنن رجليني وايديني وبحننوا لينا شعرنا في العيد واتذكر نحوم بالحنه وتكون مربوطه بي كيس نايلو ومن الحر تسيح تلاقبنا يوم العيد محنين شعرنا ورقبتنا كمان

    نجي ليوم الوقفة طبعا شي اساسي انو نقش خشم الباب وان كان بناجلوا لي صباح العيد عشان تكون البلاعات الله اكرمكم ادفقت والشارع نقشوا بي مزاج وكنا بننتظر يوم العيد متين اجي وفي صباح العيد كانت في حركة بنعملها كل البنات وبنتفق عليها لازم وشي مؤكد انو لما اجو اولاد الحلة اعايدو علينا في البيوت نكون لسه بي البكر في الراس او ما لبسنا هدوم العيد وبنعمل سيناريوهات وتعليمه كيف تقدري تعملي انك اتخلعتي من منظر الرجال وهم داخلين والغربيه تمت كتير من الزواجات بالشكل دا لانو البت البتكون لسه ما لبست من نضافت العيد معانتا انها هميمه ايام يا جماعة

    وفطور العيد من الاشياء المقدسة وبعديها بنمرق لما كنا صغار نعايد الجيران وباتذكر لما كنا صغار كانت القشرة يعملوا لينا قوصه في شعرنا ولكن نسبه لطبيعت الشعرو تلقى القوصة دي بعد شويه من الشلاقة والحر بقت شكلها غريب ولما كبرنا بقينا نعمل السيناريو بتاع دخلت الاولاد وازرونا لسه ما غيرنا بي هدوم العيد

    والغريبه كنا بنحرص نعايد على جيرانا قبل ما نمشي للاهل في حله حمد وخوجلي وباتذكر طلعت النسوان الصباح المقابر ووصلاة العيد كانت بتكون في الميدان بتاع الشعبيه جنوب وفي الميدان القدام مدرسه الشعبيه 3 و 4 وباتذكر خالتي الشول لانها اول سيدة حجت في الحي كانت بتحرص انها تؤدي الصلاة وخالتي نساء ام ناس الثعلب بتجي مارة بالشارع الله يرحمها وبتعايدنا وتقول لينا السنه الجايه عرايس

    نرجع لدعوات العيد كنا بنوق ل السنه الجايه خبيزك براك او خورفك براك وربنا يديك ود الحلال البيسر البال والغربيه ما كان في اي عريس بيجي الا في الوقت المناسب

    العيد دايما بيكون مناسبة لمناسبات تانية زي الزواج او ختان الاطفال

    الله يجعل ايامكم كلها اعياد

    روما
                   |Articles |News |مقالات |بيانات

10-04-2009, 11:55 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتوره روما
    الرحمة والفاتحة على كل امواتنا واموات المسلمين

    بيت البكا في الشعبيه كان لديه طقوس فلما نسمع السكلي بنعرف ان هنالك من توفي وتلحف اقرب توب وتجري تشوف الحاصل وكل البنات في الحي

    حتى الما متزوجات كن بنمشي بيت البكا وكلنا بلنبس تياب حتى الصغار مننا احتراما للمناسبة الحزينه وكنا بنقدم الشاي والمويه الباردة على المعزين والخالات بيعملن الاكل والبنات كنا مسئولات عن غسيل الكبابي والعدة لدرجه ان اهل المتوفي ما كانوا بيمدوا ايدهم على اي شي لان الجيران متواجدين والاولاد في الصيوان بيساعدو بينقلوا الصواني والكبابي وترامس الشاي وبيجبوا لينا العدة للغسيل وبينقفوا البلاعات الله يكرمكم لان الغالبيه في ذلك الزمان في الشعبيه ما كان في سفونات

    والجميع متكافلين في الحي فيتم جمع الكشف والنساء كن يجلملن بي جرادال السكر والشاي او يحضرن مع ذلك صواني من بيوتهن تكون للمعزين سواء رجال او نساء وفي كتير من الاحيان لما الناس الرجال بترجع من المقابر بنلقا انو الجارات هن البيعملن جرادل العصير يعني ناس البكا بس يهتموا بتلقي العزاء

    وبقصه البكا ء مرة امي الله يطول في عمرها خالتكم ليلى المصريه ايام ما طلع قرار انو المصرين داخل السودان يقعدوا بي اقامات المهم الوالد الله يرحمه وداها يطلعوا ليها اوراقها قام الضابط قال ليها انتي ما سودانيه انتي اجنبيه المهم صادف انو في بكا في الحي امي لغايت اللحظة كلامها مصري بس مرات بتحب تثبت انها سودانيه بالعشرة المهم حسب كلام الضابط معاها هي اخدت الموضوع شخصي وزعلت كيف يقول ليها انتي ما سودانيه وجات بيت البكا لقتو ليك حار وطبعا حسب الضغط النفسي من صدمت انها اجنبيه حبت تثبت انها سودانيه وبدت في الوصيف وشفناها داخله والساعة الكربت ليك التوب في نصها وبدت البكا الليله يا ود اومي يا حليليك يا قمل الشيل يا عامود البيت المهم سخنت ليك وانفعلت وهي سامعه النسوان بيوصفن قومي فجاة واتجلي وقالت الليلة مات النوار وفصلت ما قدرت تتم وبقت تعاين في الناس والغربيه انهم كانوا صانين لما هي بتوصف الكل كان ساكت ودايرين يشوفوا اخرها المهم مشت حانا اختي جنبها وبقت تملي فيها لانقاذ الموقف قالت ليها قولي مات النوار واتبقا العوار وبدت امي الوصف تاني ونجحت في انها تقول مات النوار ولما جات لي قعد العوار تاني فصلت وقالت لي حنانا يا بت ايه مات النوار وااعد العورين وبقت تاشر على ناس البكا وقالت ليها ينفع اقول للنالس انهم عورين يعني طبعا الناس اتفقعت بالضحك لانه العزاء كان خبر والماتت كانت سيدة الله يرحمها والغربيه امي ما متسوعبه ليه اناس بتضحك لغايت ما لمينا فيها وفهمناها الحاصل الكويس ناس البكا عارفنها وما زعلوا لانها وصفتهم بالعوار ورحم الله الجميع

                   |Articles |News |مقالات |بيانات

10-04-2009, 11:55 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: أجمل عيدية (Re: عابدون محمد عابدون)


    ياسلام .. شكرآ يا وليد علي بريدك الالكتروني الذي أتي لنا بالدكتورة روما التي نفشت البوست بالحكي الحقيقي .. وشكرآ ليك يا دكتورة علي هذه الذكريات وهذه الأسماء الكثيرة في حياتنا التي جابت لينا الشعبية قدام عيوننا .. وطبعآ أخواتنا أكثر ارتباطآ بالحي لأنهن يقضين فيه أغلب الوقت .. مش زي ناس وليد ، الواحد فيهم تلقاه لافي اليوم كله من شارع لشارع والعصرية كلها جارين وراء الكورة شئ حلة صداقة وشئ حلة الصديق وشئ وراء حلة النجوم ويجي بالليل دايخ ما يكون عارف الحاصل في حلة الهدف شنو ..

    يا جماعة ركزوا واركزوا وجيبوا لينا زي كلام الدكتورة ده ..

                   |Articles |News |مقالات |بيانات

10-04-2009, 11:59 AM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: أجمل عيدية (Re: Munir)

    Quote: ـ د. أمير قناوي: كما ذكرت في مقدمة حديثي فإن علاج هذه المرحلة المتأخرة صعب , ولكنه ليس بالمستحيل. أول خطوة للعلاج هي الإستعانة بذكر الله وقراءة الآيات القرآنية التي تأمرنا بألا نهن ونضعف ونحن الأعلون..
    ـ ح. م: (مقاطعاً): إنت بتؤل أيه , هو أنت قاي تخطبلي؟ .. هو إنت دكتور ولا إمام قامع؟ .. , وله يا قمال .. تعال غيير الأنا بتاعة التلفزيون .. قايبلني واحد واعظ عامل دكطور؟....توووووووت....توووووووت..


    روعة يا أمير ..
                   |Articles |News |مقالات |بيانات

10-04-2009, 12:00 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: Munir)

    كتب منير سيزر
    =================================================================

    ياسلام .. شكرآ يا وليد علي بريدك الالكتروني الذي أتي لنا بالدكتورة روما التي نفشت البوست بالحكي الحقيقي .. وشكرآ ليك يا دكتورة علي هذه الذكريات وهذه الأسماء الكثيرة في حياتنا التي جابت لينا الشعبية قدام عيوننا .. وطبعآ أخواتنا أكثر ارتباطآ بالحي لأنهن يقضين فيه أغلب الوقت .. مش زي ناس وليد ، الواحد فيهم تلقاه لافي اليوم كله من شارع لشارع والعصرية كلها جارين وراء الكورة شئ حلة صداقة وشئ حلة الصديق وشئ وراء حلة النجوم ويجي بالليل دايخ ما يكون عارف الحاصل في حلة الهدف شنو ..

    يا جماعة ركزوا واركزوا وجيبوا لينا زي كلام الدكتورة ده ..
    ===================================================================
    هاهاهاها
    والله كلام هو كان جري نصاح يا قول امي تنقا تنقا تنقا وليد في كل كوشة تلقى (من كوشة الصداقه لكوشة الصديق ومنها الى كوشة الزهره )
    لكن صراحة الدكتورة فعلا تحير ويديها العافية
    ورجعتنا محل ما بدينا
                   |Articles |News |مقالات |بيانات

10-04-2009, 12:02 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    عمنا عثمان يوسف المازون
    ورساله من دكتورة روما
    شخصيات من حلتنا
    هو مازون الحله وساكن في شارع النيم بجنب ناس عمنا صلاح الدين ومواجهة لعمنا شيخ طويل الرجل مشهود له الصلاح والحكمة او لاده ناس محمد واحمد وبناته الكبيرة ام ناس ياسر وخالد وسارة بالمناسبة سارة دي قرت معاي لغايت ما رحلوا الحاج يوسف من بناته الاستاذه سميه ولها دوركبير في التعليم في الشعبيه وكانت استاذتنا في مدرسه عوض ساتي المتوسطه وبته التانيه الاخت سهام

    وهم اهل ناس علوب الساكينين في شارع ناس عمي محمد عمر وجيران عمكم محمد صالح ابو ناس الفاتح تيته

    نرجع لي عمنا المازون كان دايما يحرص على اداء الصلاة في زاويه المربع التابع لحلتنا وياتي الى الزاويه وكانت رؤيته محببه للقلوب وهو رجل هادي الطبع قليل الكلام بشوش الوجه دوما يرتدى جلبابه الابيض وعمامته ويحمل عصا في يده

    هو رجل كريم وتذكر انه ان يحمل معه دوم بلح وفول سوداني في جيوبه وكرمالله وكان يوزع على اهل الحي التنر الذي كان ياتيه من البلد كم هي جميلة الشعبيه باهلها وناسها واعمامنا الذين لا يتكررون ونادرا ما يجود الزمان بهذه الكوكبه من البشر وفي مكان واحد
                   |Articles |News |مقالات |بيانات

10-04-2009, 12:06 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    سالة من دكتورة روما
    رجعتي من الاجازة
    اخوي صلاح عباس فقير البركه في الشوفه معاكم وما قصرتا اخوي وفعلا لما مشيت بيتنا بعد فترة طويلة من الغربه رجعتا في سنه 2005 بس عشان اودع اهلي لاني اكتشفتا اني مصابه بالمرض وجيت الحلة في الاول لقيت اني في المنطقه اتغيرت المباني بس نفس الحنيه ونفس الطيبه الجيران البيسالموك بيقلدوك وترمي الحمل عليهم انا جيت قلتا دي اخر مرة ح اركب فيها الطيارة وانا بين الركاب لانو المرة الجايه اكيد ح اكون في صندوق


    حتى اني كنت متالمه لكن ما كنت بابين للناس انا مالي او اني على مشارف عمليات المهم رجعت لكن في ال12 يوم ديل اتذودتا بمخزون كبير من الحنية وكل الجيران جوني واتلمينا وساهرنا لغايت الفجر واي اكله كان نفسي فيها عملوها لي خالاتي جيرانا ما قصروا معاي وقلنا وعدنا وحكينا ما كان نفسي انوم ولا ابلع الحبوب المسكنه للالم لانو دي فرصه ما بتتعوض انك تكون بين ناس بيحبوك وناس اهلك حسيت اني بخونهم لاني عييت وما قادرة اقول ليهم او اشتكي عشان ما ازعلهم حتى ناس بيتنا ما حاولتا اشعرهم باي شي وكنتا باحاول اني اكون عاديه والبيت ما كان بيفضى من الناس لدرجة قلتا رب هنا رب هناك احسن الواحد لو مات اكون وسط ناسه


    لما حسيت اني ما قادرة وان العد التنازلي بدا ولازم امشي ارجع ودعتا الشعبيه بي عيون قلبي وحضنتا كل زول فيها بي روحي ما كنتا عايزة عيوني تنقفل ولا ترمش عشان ما بيضيع على منظر ولو كان مالوف عندي ولما خلاص حسيت اني ما قادرة من الالم سافرتا وبديت رحلة العلاج الحمد لله وكل مرة لما باطلع من عمليه كنتا باتمنا اشوف اي زول من اهلي ناس الشعبيه اكون برا غرفة العمليات او يكون اخر شي اشوفو قبل العمليه وكنتا باتخيل لو بقيت كويسه ح ارجع تاني واعمل كرامه في الشعبيه واحكي ليهم كيف كنت متصبرة وكيف انهم كلهم كانوا معاي



    لما ربنا من على بالشفا السنه الفاتت وجا يوم 20-11 الفات انا كنتا في المستشفى والدكتور بلغني انو الفحوصات عال وسالته باقدر اركب طيارة قال لي وليه لا لو بتصدقوني حجزتا وما رجعتا بيتي لدرجه ان زوجي قال لي طيب نمشي البيت نجيب ليك شنطه وانا قلتا لا ما عايزة اي شنط بس عايزة اوصل امشي اشوف الشعبيه وناسها
    واشوف قبر ابوي الله يرحمه ابوي اتوفى في 06-12 - 2006 وانا ما حضرتا العزاء بالصدفة لقينا حجز ضربتا على صديقة سوريه عندها مكتب حجز وقلتا ليها سهى انا عايزة امشي السودان وما قصرت ولقت لي حجز بس بعد ساعتين البارة شنو لو مشينا البيت رجعنا اجيب شي وما في طريقة الا نمشي بالمترو من اثينا للمطار ولما كان المترو بيمر بالمناطق كنتا في جواي باقول الليلة انا ماشه لعروس المناطق لي لتي لي حبيبتي الشعبية تجوا شنو انتو في روعه الشعبيه وامكن تكونا عمارات وبنيه تحيتيه لكن ما فيكم ناس الحله الطيبين


    ضربتا تلفون من المطار لاهلي اسلم عليهم وما قلتا اني جايه وحلفتا زوجي ما يضرب لاني عايزة اعملها مفاجاه حتى صحباتي الهنا ما ودعتهم ركبتا الطيارة بدون شنط بس كيس الادويه بتاعي زوجي بقا مستغرب وقال لي اني يا مجنونة يا انا المجنون وكنتا مبسوطه اني ما قلتا لي اهلي اني جايه وانا في الطريق اليهم بعد اقل من 16 ساعة ح اكون معاهم واتخيلتا منظرهم لما الز الباب وهم يشوفوني وكنتا مبسوطه واتضحك في الطيارة وحاسه انو الرحلة دي لي انا براي لانو مافي زول في الطيارة مبسوط بجيته البلدج قدري وكان نفسي اقول لي كل الناس انا ماشه اشوف اهلي وناس حلتنا



    وجيت الشعبيه اول شي عملتو مشيت لي ناس خالتي عشة اعزي في رحاب وجواي شي بيقول لي طيب انا حسا بقيت كويسه امكن يكون موضوع وفاة رحاب دا كزب والقاها تفتح الباب او القاها بتلعب مع بتها او بتشاغل واحد من ناس بيتهم وللاسف خزلتني نفسي وما لقيت رحاب لكن لقيت كميه من الوجع والدموع الطالعه من قلوب اهلهاولقيت مكان كبير خلته فاضي ما بيملاهو اي زول تاني الا هي لانها كانت متفرده ومتميزة وهي الكانت بتدي الاشياء معاني من ذوقها وادبها ومعاملتها الحسنه مع الناس وتواضعها واخلاقها الحلوة ووشها الجميل الطيب وابتسامتها الما شفناها من غيرها وضحكتها واللازمة بتاعتها كلمه والله لما كانت بتتكلم كانت بتقول كلمه والله كتير ولازمة تانيه كلمه اصو شنو الله يرحمك يا اختي رحاب ويبارك ليك في بتك



    وبعدها جيت بيتنا وكانت الضربه التانيه وين امي وين ابوي وكلمتو انتو جيتو وين عمي سليمان الحوري وهو جاي من السكه حديد وشايل معاه كيس بيدنا الفيه قبل ما يصل بيته وين ايمان بت ناس خالتي اسماء وين صلاتها الكنا بنسمعها وصوت بكاها لما كانت بتقرا القران وين حجة الشول ابو جبل وكلامها عن الحج و صلاتها على الرسول صلى الله عليه وسلم وين حجة ام بليل بضحكتها وين بدر الدين ديكا وسلامو وهمو كلو يطور الحي وين عمي سيد احمد وقعدتو تحت النيم بتاعهم وين عمي الياس وين عمنا ود الحسين وابوي لما بيكونوا قاعدين في الناصيه جنب دكان عم الياس واجيهم عمنا عبد الحليم ويبدوا في نقاش سياسي في النهايه بتنصر فيه الشعبيه لانو بينتهي لما عمي ساتي عبد الحفيظ يبدا في رفع اذان المغرب وتلقا كل اعمامي رجال حلتنا قامو وبسرعه كانهم شباب في العشرين قاموا مشو الزاويه ووين عمي ساتي واذانه وصوته قبل الاذان لما بيقول لي اولاد الله يلا يا ولد ح ارفع الاذان ولما اجرب المكرفون وين اولاد حلتنا وين ناس شمسي وفيصل الحوري واولاد ابو شيبه وين ناس وليد وصديق وعمر الشيخ وين بنات الحله حسيت انو انا يتيمه بالجد ما بس لانو والدي الله يرحمه اتوفى لانو الناس الجيت اتحامى فيهم مافيشين


    ما قادرة اوصف شعوري وامي مافي في البيت وين صوتها وكلامها المصري ولهجتها السودانيه المكسرة وين اخواتي وين ضحكنا وين سرايرنا الكتيرة الكانت ماليه الحوش وين لمتنا ساعة الغداء على صحن فته او ملاح رجله ولقيت البيت ماجر نصو والنص التاني ما فيه اي زول ما بيتصدقوا كيف كانت الغصه لما تحس انو خلاص في اشياء اتغيرت وما بترجع
    جريت طلعتا من البيت بسرعة دخلتا بيت ناس عمي ساتي عبد الحفيظ كاني باستجير بيهم وبرضو وجدتا انو الدنيا بتخزلني مرة تانيه ومافي اي زول وين صوت عمي ساتي ولهجتو المحسيه المحببهوين صوت الباب لما بيفتحوا وين ماجدة ساتي وبناتها وين سحورة وين ناس قلوبه احمد وشذي وين ست ليلى ساتي وقرايتها للقصص الانقليزيه وين اعتماد ووين الرشيد وتاج الدين وشمسي


    قعدتا تحت الشجرة وبكيت بكيت بكا اكتر من البكيتو ايام مرضي اكتر من البكيتو لما جاء اول عيد لي في الغربه اكتر من لما حصلتا على شهادتي وما كان في زول بيزغرت لي لاني اتعودتا لما انحج بالقا كل ناس حلتي معاي واكتر لما باشوف شي وباتمانه لي ناسي واهلي في الشعبيه انهم كلهم يكونوا معاي بكيت اكتر من يوم ما بكيت لما عرفتا بوفاة ابوي وانا في الغربه وعلى فراش المرض لقيت نفسي روما الطفله بس المرة دي مافي زول من ناس الحله ح يقطعني الظلط عشان امشي الروضه ولا واحد من اولاد الجيران ح يديني كوز مويه من الزير الفي المزيرة الما قادرة احصلها ولا خاله من خالتي الجيران ح يدني صحن اكل زياردة لما يجوني بنات صحباتي من الجامعة ادرسن معاي ولا اعمامي رجال الحلة لما الكلاب تسكنا بنتحاما فيهم


    واتلمو الشفع انا ما باعرفهم هم اولاد منو وبقوا يسالوني مالك بتبكي انتي من وين وليه بتبكي وانا ابكي لاني ما عارفاهم هم اولاد منو في الجيران بس وجوه ما غريبه على زكرتني اكتر بي طفوله جميلة قضيتها في الشعبيه وهم كلما ياسالوني انا ابكي ذيادة من الغربه ومن الحله الاتغيرت ومن البيوت الفضت ومن اني ما عارفه هم اولاد منو خجلتا من نفسي معقول انا وصلتا درجة ما اعرف اولاد اخواتي واخواني من ناس الحله


    وجروا كلموا اهلهم انو في بت متفنه تحت الشجرة وبتبكي ومرقو الجيران على صوت بكاي تحت الشجرة وبقينا نبكي مع بعض ما عارفه كان بيعزوا فيني ولا باعزيهم انا كل الكانوا في الشارع الكانوا مارين الكل بيقلد بعض الكل بيبكي حسيت وقتها انو الشعبيه لسه موجوده نحنا بنتغير لكن الشعبيه هي زي ما هي كل جيل بيسلم الرايه للبعدهم وبتفضل المحنه والطبيه والخوة النضيفه والجيرة البتتحول مع الزمن لي علاقه اقوي من روابط الدم او القرابه


    في اجازتي قعدتا تقريبا 19 يوم كانوا كافيات انهم يمدوا لي السانهم انو الاحباب رحلوا اتنو البيوت فضت لكن انا اتحاميت في الشعبيه ومديت لساني وقلتا ليهم انو الاحباب سكنوا في قوبنا وما بيطلعوا منها وانو البيوت الفضت اشترت جوه نفوسنا تمليك وما بتطلع منها وانو في ختم في قلب كل زول في الشعبيه مكتوب عليه انا من الشعبيه انا ود الشعبيه انا بامشي لكن الشعبيه هي البيتفضل نحنا بنكبر والشعبيه لسه شابه

    معليش على وصلة النكد دي يا صلاح فقيري


    اخوي خالد درق الله يعافيك وما يجيك شر ويغتي عليك انت واسرتك وانا الباشكركم كلكم هنا ولسه على الولاء لامنا الشعبيه وما بنقيف من البوست باذن الله





    روما
                   |Articles |News |مقالات |بيانات

10-04-2009, 12:08 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    رساله من دكتورة روما
    شخيات من حلتنا
    اخوي المهندس مجدي نقد حيا الله اصلك وكلامك صحيح ولاذن الله باعمل بنصيحه اخوي عبدون وشكرا ليك وربنا يديك العافيه وتحياتي لاسرتك

    نواصل في شخصيات حلتنا

    الليه نتكلم عن خالتي سجون الحلبيه وبيتهم بجوار بيت ناي عمكم حسين خلف الله ناس المحامي عادل حسين واخته المحامية نجاة حسين

    خالتي سجون سيدة بيضاء جميلة ودمها خفيف وكانت صداميه لكن قبلها ابيض لها من الابناء احمد واميرة واماني طراف اخوها عمكم المرحوم حسوبه وبناتو ناس مريا وحباب والصغيرونه امنه ودي كانت بتجي المدرسه طوالى مع حباب اختها

    خالتي سجون عرست عمنا حسن الفحامي وهي بت الحجة سيدة واختها فايزة ومن محبتها لي عمنا حسن كانت بتحلف بيه وتقول وحيات حسن


    اتذكر لما حسوبه عمل ليه طربيزة لبيع الفول في سوق الشعبيه كانت بتهم امنه صغيونه و
    دايما تجي تخش الفصل تعد جنب اختها حباب وبقت خالتي سجون تفتش فيها وكنا نحنا ممتحنين في سنه سادسه وبنراجع في التاريخ انو محمد على فتح السودان وكانت معانا بتهم حباب في المدرسه قامت جات خالتي سجون تشوفها عشان تمشي تفتش امنه معاها ولما لقت امنه معاها و المدرسة بتراجع لينا هدت وبما ان خالتي سجون ما بتعرف تقنب ساكته قامت قالت لي امنه شفتي الحج محمد على دا قدر يفتح دكان لانها سمعت كلمه سودان زي دكان لانو بته الصغيرة ما كانتش تمشي اي فجة بدون ما تكلم عمتها قامت امنه ردت قالت ليها ابوي ما عايز يفتح دكان هو عاير يفتح طربيزة بس


    ومرة ولدها احمد قال ليها يما نسافر العمرة والمهم مشوا وسالوا عن التكاليف خالتي سجون لقتها كتيرة وبقوا الناس يسالوها يا سجون ليه ما قمتي العمرة لانو ولدها احمد اي زول بلقاهو بيكلموا انهم قايمين العمرة المهم لما كتر عليها السوال قالت للناس لقيت قروش العمرة كتيرة احن نقوم مصر ونجيب بضاعه بتكون التلكفه ارخص من العمرة

    عرست لي بناتها وللدها احمد ولما مات اخوها حسوبه بكوه في الشعبيه بالرغم من انه كان رحل مع اولاده الحاج يوسف كانت ما بتحب ينادوها الا بسجون الحلبيه سقا الله تلك الايام يا جماعة

    روما
                   |Articles |News |مقالات |بيانات

10-04-2009, 12:08 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    يا وليد وين عماد عبدالله ..

    بطارياتك نزلت يا عماد واللا شنو؟؟ .. الواحد يدوه باصويرد يجي جاري وجاري وجاري لغاية ما نفسه ينقطع وبعد داك نقعد نفتش فيهو بالفتاشة ..

    و شمس الدين كمان جنن الرز باللبن زاتو ..
    وبمناسبة الرز باللبن أنا الليلة ناوي لي علي شعيرية ..
                   |Articles |News |مقالات |بيانات

10-04-2009, 12:11 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: Munir)

    ورساله من دكتورة روما
    شخصيات من حلتنا
    بيت ناس الحلبه الفي شارع ناس عمنا ادم الضو قريبي

    كان بيتهم مليان على طول وهم ماشا الله اسرة كثيرة العدد ربنا يخليهم حبوبتهم الحجة سندس سيدة قصيرة وبيضاء وطيبه المعشر كانت دينمو البيت ولدها عمنا محجوب الحلبي وكان عازف في فرقة الاستاذ خدر بشير وكان بيجي عندهم كتير. محجوب كان يجيد الكثير من المهن فلو احتجتا لي لحام بيعرف ولي كهربجي بيعرف ولي حداد برضو بيعرف وفي بيتنا كنا مسمينه مستشار امي الرسمي لانها ما بتشتري اي شي الا لما محجوب يمشي ويعاينهم ويفاصل ليها في السعر

    زوجته بختيه وابناته التومات منال وانتصار ولده عوض وهو زي ابوه ماشا الله بيفهم في اشياء كثيرة وهو ولد من الاولاد المهذبين في الحي وصاحب موافي ولد ناس الخليفة واتذكر لما مات ابو ناس موافي عوض ولد محجوب الحلبي زعل عليه وكان ما بيخلي اي زول يشاكل مع موافي وكان ما بيعرف ينطق كلمه يتيم وكان بيقول اتيم في مرة الاستاذه احسان جارتهم اخت ناس محمد جيران ناس عمك شريف احتاجت ليهم ترسلهم قام عوض قال ليها انا ح اسوق معاي صحبي موافي لكن تدي لي موافي حق المواصلات قالمت قالت ليهو وليه لي موافي بس حق المواصلات قال ليها لانو اتيم وكل ما كان يمشي الزراعة يجيب ليمون مثلا وبيبعو او يجيب المنقا ويبيعها ومرة محمد الكابوي ولد امنه بت ناس الساتر اخو ناس مكي والخير مشا يشتري منو وقال ليهو رخص لي المنقا قام قال ليهو ما باقدر لاني مشارك موافي وهو اتيم وكان محمد الكابوي والده الله يرحمه عمكم حيدر متوفي من فترة بسيطه وقال ليه طيب موافي ابوه مات وانا ابوي مشا اغترب في ليبيا

    من بنات الحجه سندس الخاله روضه ودي متزوجه وساكنه في حله خوجلي والخاله التايه

    خالتي سندس كانت هي وخالتي طوكر جارتهم زي الاخوات وطوالى مع بعض حجة سندس سيدة مكافحة زي العديد من امهاتنا في الشعبيه استطاعت ان تربي ابائها واحفادها بالحلال فسيخ خالتي سندس لا يعلا عليه ما اظن في فسيخ بنفس الجودة بتاعت فسيخها واتذكر انها سيدة ما كانت بتضيع وقتها لانها طول اليوم كانت بتشتغل واتذكر كانت بتمشي لي ام درمان تجيب السمك من المورده وتجي شايلاهو رحم الله خالتي سندس
                   |Articles |News |مقالات |بيانات

10-04-2009, 12:13 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    يامنير
    بطارية دكتور عماد عبد الله في البنشر
    ها هاها ها
                   |Articles |News |مقالات |بيانات

10-04-2009, 12:14 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    رساله من دكتورة روما
    الاجازة كيف بنقضيها في الشعبية
    اخوي عبد الكريم احمد الامين ابو محمد فؤاد السلام عليكم شكرا ليكم وبتدوني اكتر من حقي بالعكس انا الباشكركم انكم ادوتني فرصه اني اقدم شي بسيط لي ناس حلتنا وهم ناس ليهم دين على ومعروف ربنل يخلي ليك ولدك وتشوفه طيار يارب وعريس وتفرح بيه وبعياله

    نرجع لي الاجازة كيف كنا بنقضيها بعد المدرسه ما بتقفل كنا بنطلع كتبا لي اخوانا الاصغر مننا ونوزع الكراسات وناخد من الاكبر منا كتبهم استعداد للسنه الجايه ولانه قصص النجاح بتستمر كتير في الحي تلقا الدنيا كلها عارفاك جيت الكم وماشي سنه كم ومعظمنا بتكون الاجازة فرصه لي الناس النازلين سنه اولى عام اتعلموفيها حروف الانقليزي والارقام ويتعلم يكتب اسمه بالانقليزي ولما كبرنا شويه بقينا نقرا الروايات بتاعت احسان عبد القدوس ويوسف السباعي ونجيب محفوظ وشويه شويه قفزنا اننا نقرا قصص بالانقليزي والفضل لي اختنا واستاذتنا ليلى ساتي اخت شمس الدين ساتي كانت بتحرص على مدنا بالكتب زتناقشنا فيها وباتذكر كانت لما تشوف واحد في الحله عنده بوادر تفوق في اللغه تبدا تذاكر معاه وتعلمه النطق الصحيح انا مدينه ليها كتير وجميلها على كبير

    بالنسبه لينا البنات كنا بنقضي الاجازة في شي مفيد وكنا بنات شارعنا بنجيب من عمك سليمان الترزي وعمك خدر الترزي وديل مكاناتهم في برندة عمنا محمد سعيد ناس عبد القدوس عنما خدر كان من سكان شمبات وهو قليل الكلام كان بيلبس جلبايه وجنو يمدح او يقرا قران ومهما قلتا ليهو كان بس بيبتسم عمنا سليمان كان من ناس الغرب وجمو يلبس بنطلون وقميص واتذكرو بي بنطلون شارلستون وقميص تحرمني منك واتذكر لما عرس عزم ناس الشعبيه المهم كنا بنمشي نجيب منهم الجلاليب نخيط العواميد حقتها وكنا كل البنات بعد الفطور بنقعد في بيت ناس خالتي الساتر او في بيتنا ونخيط وهاك يا ونسه ونغني او نقلد الناس او نحكي بالمسلسل والغربيه كل يوم كان بتكون في موضوع شكل في الونسه وما كنا بنزهج لان عدننا كبير والكل عنده كلام وكل واحدة تسابق عشان تخيط اكبر عدد من الجلاليب وكان بيدونا وقتها ريال على العمود وكان ثروة في ذلك الزمان الخياطه كانت بتكون 3 يوم السبت والاتين والتلات

    يوم الاربعاء ما بنخيط لاننا من بعد الفطور بنمشي نقيف في الصف في المكتبه الفي المؤسسه جنب باتا الزمان لانو بتجي مجله ماجد وكثيرا ما كنا بنحصلها لانها ما كانت بتجي باعداد كتيرة واتزكر كل مرة نقص ونرسل اين فضولي وما بنفوز والغريبه ما بنقنع وتاني نرسل وكنا زي عيال النوبه حافظين قصص كسلان جدا وشقيقه رشود وقصص دانه وشمسه وزكيه الزكيه

    من قروش العواميد بنشتري برضو مجله ميكي والميكي جيب ومجله الصبيان البنات ما كنا بنحب مجله سمير كتير وبرضو بنشتري المغاميرن الخمسه والشياطين ال13 لاغايت ما جوا ناس بشير سكونا في الشعبيه في الشارع القبل المقابر مواجهين لي بيت ناس قلة ومرتضي اولاد فطوم واستاذ بشير عمل لينا مكتبه في الشعبيه وبنقدر نستلف منها الالغاز وظهرت روايات عبير ورجل المستحيل وكبرنا بقينا نقرا مجله الموعد وحواء


    يوم السبت والخميس بنمشي بيت ناس حسين هبري الكان في الهجرة لانو كان في خلوة بنقعد في الجنينه وبنتعلم القران وكان بيدوسنا شيوخ بيجوبوهم من بلدهم جزهم الله خير وكان بيكتب لينا القران في لوح ونحنا ننقله في الكراسات ولازم تجي حافظ والا الشيخ باجلدك وكنا بنتسابق في الحفظ وكان اهلنا بيكونا مبسوطين وبقينا مرات لما نكون ما دايرين نعمل شي نتجج بانو عندنا حفظ لي سور معينه
    ويم الخميس العصر بنغسل شعرنا ودا كان برنامج ثابت في الاجازة ولما تكون المدارس فاتحة بنغسل شعرنا يوم الجمعه

    الاجازة برضو كانت فرصه نتعلم فيها الطبيخ والحمد لله لانو الييوت في الشعبيه ماشا الله عددنا كبير فيها فبتلقى ما بس امك البتعلمك لانو اخواتك الكبار وبنات الجيران بيعلمونا واتذكر كنا بنجيب لينا جمرة نار وعلبه صلصه فاضيه وبصله صغيرونه وحبه زيت وملح ونعملهم حله وننتظر والغربيه كنا بنكون فرحانين وكل زول بيجيب شي من بيتهم اكيد بالدس وكم مرة حلتنا انكشحت ولما تنجض بنتقسمها امكن يطلع ليك اقل من لقمه لكن كان طعمها شي تاني

    كنا كل يوم يوم الخميس بنغسل شعرنا ويمشطونا بنات الحله كل زول يمشط اخوه وكانت احسن واحد في المشيط سعاد بت ناس الرحمة ونورة بت ناس الساتر وكنا بنتعلم المشاط في شعر اخواتنا الاصغر مننا وبكدا ترتاح امهاتنا مننا طول الاسبوع

    برضو باتذكر كنا بنعمل بنات ام لعاب برانا ونخيطهم ونحرق ليها رجليها عشان تكون سوداء في القدم نظام انها عامله حنا ونركب ليها شعر ونخيتو ليها

    على ذكر الشعر كنا نقص من شعرنا وكتير دقونا لاننا كنا بنقص جزء كبير عشان نركبه للي بت ام لعاب ولما ذاد الجلد لجانا اننا نقص شعر من واحدة من الغنم وكنا نتلم على الغنمايه ونقص ليها شعرها اتذكر في بت في شارع ناس استاذه اخلاص باقرين كان اسمها ام زين وكانت احسن من يمسك الغناميه ويقص ليك منها داك ي يالشعر الما خمج وكانت ام زين خبيرة روسيه في المساله دي لانها بتمسك الغنمايه من خشمها وتخت رجل الغناميه تحت رجلها يعني كانت بتستخدم تكتيك ولما نركب الشعر لي بت ام لعاب كنا نجيب لينا جمرة نار ونسخن معلقه ونكوي ليه شعرها لما نتشاكل النبز كان بيكون امشي بت ام لعابك الشعرها شعر غنم

    بقصه المكوة لما كنا صغار كان في مسرحية اسمها هالي حبيبتي لي الراحل فواد المهندس المهم البت الممثله معاه شعرها مفرود وقمنا قلنا عايزين شعرنا زيها وجبنا مكوه الفحم وبدينا نكوي شعرنا لكن المكوه اتفتحت واتبهدل الجمر بقينا نجري نطفي في شعرنا وفي الحريقة الله ستر منها

    باتذكر جميلة بت ناس حاج على اليماني الكانو ساكنين في بيت ناس عمنا علة عبدالله في مربوعنا كان شعرها اسود وطويل وبالتاكيد ناعم واحنا مستغربين ليه نحنا شعرنا غير كده ومرة قالت لينا انها بتشرب زيت سمسم عشان كده شعرها ناعم صدقناها ونحنا ما عارفين انو زيت السمسم دا بيجيبوا ابوها الحاج على اليماني عشان بيبيعه في الدكان وجبنا زيت السمسم ونشيل ونشرب يومها ودونا مركز صحي الشعبيه من الحصل علينا وبرضو ما تبنا وبقينا نكوي القوصه بي الملعقة المسخننها في الجمر

    مره قلته في كلامي في العيد عن القوصه وكان دايما يوم الوقفه نكويها بي المغلقه ونلفها بي البكر وغليبا ما بيكون من خرتوش مويه بنفطعه ونحشيهو ورق جرايد ونلف بيهو القوصه والغربيه بعد شويه القوصه بتبقى شي غريب اي شي سموه الا انها بعيدة تماما عن الشبه مع القوصه

    في الاجازة لما يجي وقت الغدا كل زول بيمشي بيتم وبعد الغداء نتلما تاني وبنقعد المرة دي هادين لانو ابهاتنا بيكونا رجعوا من الشغل وبلنعب لعبه الحروف انك تكتب اسم ولد واسم بت واسم جماد واسم نبات واسم خضار وفاكهة او اسم بلد بي حرف معين وكنا بنعد كم مرة الزول فاز او كنا بنلعب لعبه الاملاء انك تملي التانين شي ونلعب مدرسه مدرسه لما ياذن المغرب كان بتكون دي النهايه كل زول بيمشي بيتهم وما بينتقابل الا تاني يوم الصباح لكن الونسه بتكون شغاله يعني تتونس مع بنات الجيران وانت في سريرك وهم راقدين في حوشهم وبستمع صوت التلفزيون عندهم وبنكون متابعين المسلسل او السهرة واحلا سهرة يوم الخميس سينما سينما او مرات بتكون تمثيليه وبنركز لانو تاني يوم ح نمثلها


    ايام جميلة ربنا يدي الناس البعدنا ايام احلا منها


    روما
                   |Articles |News |مقالات |بيانات

10-04-2009, 12:16 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتورة روما
    شخصيات من حلتنا
    ناس محمد سعيد سيد الدكان

    عمنا محمد سعيد كانوا ساكنين في البيت الساكن فيه عمنا عبد الحليم الى كما يلقب في الحي وهم من الشماليه رطانه ومعمنا محمد سعيد كانت عنده شلوخ خفيفة وبيلبس نضارات وعراقي وطاقيه في راسه من اولاده عمر الكبير ودا عرس ليه بت اهلهم ومكانت اسمها ادريسه ولما جابو العروةس من البلد كانت بتمرق تلعب معانا في الشارع وكنا مستغربين على اسمها لانه اسمها ادريسه

    ولي عمنا محمد سعيد ولد تاني اسمه سعيد وهو شاب نحيف وطويل القامه وولد تاني اسمه عبد القدوس ودا كان دفعت ناس عادل النقر ووليد ولد سليمان الحوري امتاز اولاد عمنا محمد سعيد بالتهذيب والورع وكان سعيد صديق لي المرحوم ناصر ود حاج على اليماني واتذكر يوم ما غرق ناصر كيف ان العم محمد سعيد بكا عليه كانه واحد من اولاده

    كانوا يشتغلون بالتجارة وعندهم دكان في سوق الشعبيه وكان عمنا محمد
    حمد سعيد رجل كريم وطيب وكان يدين الناس واتذكر انهم لما جابوا في دكانهم مكنه تعمل العصير مثلج وكان حدث في الشعبيه

    رحلوا الى الدناقله افتكر

    الله يطراكم بالخير يا ناس محمد سعيد وين ما تكونوا

    روما
                   |Articles |News |مقالات |بيانات

10-04-2009, 12:34 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    بلدي وان جارت عليّ عزيزة
    اهلي وان ضنّو عليّ كرام
    وبكده تكون كل رسايل الدكتورة خلصت بس في واحده رايحه مني
    ولكن الله يرد غربتك يادكتورة ويديك الفي مراد ياعشاي بلهجة حبوتك عشه
    وتأترة جدا لمجموع الرسايل التي وصلتني والكثير منها لم اتطلع عليه
    وهي تفيض شوق وحنية والان عرفت لماذا كانت تبكي عندما تحادثني
    الدكتورة الطيبة وهي تحفظ المعشرالطيب لاهل الحي الطيبين
    =========
    مهندس مجدي نقد
    ادهشتني الدكتورة بكمية رسائلها وتعرف كلها
    من يوم امس من الساعة 2ظهرا الى الساعة 10 مساء
    ولكن كسل مني وانزلتها في يومين
    وانا اذا رديت على مجمل رسائلها لان كلها لي بها مداخلات
    امكن انا فقط ارد في عشرة صفحات وما بال الاخرين
    تقولي شنو وتقولي منو














    _________________________________________
    حفظك الله اختنا روما
                   |Articles |News |مقالات |بيانات

10-04-2009, 12:55 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    يادكتورة فى حاجة واحدة انتى شمشى دا ماتقولى ليهو اخوى دا زول قدر جدك هسة يفهم كلمة اخوى دى انو قدرك اصلو زول سلباط عشان كدة خليه يعرف نفسه عشان كدة قولى ليهو ياعمو ولا ياجدو وبعدين ماتخافى منه ولا تجامليهو لأنه بيصدق طوالى ..
                   |Articles |News |مقالات |بيانات

10-04-2009, 12:46 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    فاتني أن احمدل السلامة لأختنا دكتورة مريم ـ فلم أكن قد إطلعت علي الصفحة السابقة بداية رسائلها .. حمدلله ألف علي سلامتك يا دكتورة وربنا يديم عليك الصحة والعافية التامة ..
                   |Articles |News |مقالات |بيانات

10-04-2009, 01:18 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: Munir)

    كتبت دكتورة روما
    ==========================================================================
    اخوي عبد الكريم احمد الامين ابو محمد فؤاد السلام عليكم شكرا ليكم وبتدوني اكتر من حقي بالعكس انا الباشكركم انكم ادوتني فرصه اني اقدم شي بسيط لي ناس حلتنا وهم ناس ليهم دين على ومعروف ربنل يخلي ليك ولدك وتشوفه طيار يارب وعريس وتفرح بيه وبعياله
    =================================================================
    والله يادكتورة روما الناس ديل اليوم الكلام معاهم إلا بعد الساعة عشره مساء
    (والله يكون في عونهم)
    اليوم الهلال × مازمبي
                   |Articles |News |مقالات |بيانات

10-04-2009, 02:10 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من الدكتورة روما
    اخواني اولاد الشعبية الرائعين
    اخوي وليد عبد اللطيف الف مبروك تسجيل الحلوة في الروضه وعقبال ما تسجل ليها في الدراسات العليا قو ل امين وما قصرتا معاي يا وليد او على قول المرحومة ولي الشكر ليك لاني باكتب من خلالك الله يبارك ليك يا جناي يا وليدي على قول خالتي عشة اطول لينا في عمرها ويخدر ليك الكيبورد بتاعك يا ولد حشاي


    الاخ قناوي القصة ممتعة اقسم بالله عشنا معاك كاننا فيها ماشا الله عليك كتباتك كل واحدة اجمل من السبقتها



    اخوي منير اهلا بيك وما قصرتا وحياك الله فعلا نحن البنات ما كنا بنطلع كتير زيكم لذلك بتلقانا متواصلين مع بعض من منازلهم




    اخوي عبدون شمسي دا لازم نرفع معنوياته ونقول ليه اخوي عارف انا بتاعت علم نفس ويهمني انو يكون مرتاح ومتوازن لانه ماشا الله الناس بيورثوهم البيوت وشمسي ورث لينا الرطوبه والضغط اجي كمان اقول ليه يا جدو ولا يا عمو يقوم يدوخ نقوم نتبالا بيهو وننشده فوقو الكلام دا شعرا ما عندنا ليهو رقبه بالمناسبة شمسي دا من اظرف الناس خلوني اخد نفس واجي احكي ليكم بعض من النوادر احكي يا شمسي ولا تديني رشوة تسكتني




    الليلة يا جماعة اول مرة في حياتي انتخب ومشيت لي مدينه اسمها سونيو حوالى 45 كليو من قلب اثينا لاننا تابعين للسجل المدني فيها واول مرة في حياتي انتخب في الانتخابات البرلمانيه ومشيت تنقن تنقن خشيت ومعاي زوجي في امان الله الانتخابات يا كافي البلا لا مويه بيدوا ولا زول يغمت ليك قروش عشان تنتخبو ديل شنو الناس لا سندويتش ولا بلح ولا اي شي بري قبلوم وحدون ديل ولا مكرفونات سمعنا ولا طلعوا مداعي بس اللهم الا الملصقات في الشوارع وجوابات تجينا على عنوان البيت



    وياكافي البلا وقايد المحن مافي لا رمز الجردل ولا رمز الساطور ما عارفه ليه اتزكرتا التتي كورا وناس عبد السلام سيد البقاله الفي شارع السوق وناس عمكم عبد الله ابوناس محمد الضحية ابو ناس ريم وسكينه ناس مدرسه تعليم السواقه وناس المرحومة ملكه الشلاليه اخت خالتنا رازقه واستاذ حسين جعفر وجاني شكل النادي بتاع الشعبيه والمكرفونات في البوكسي الكاشف واغاني وردي الكانو بيختوها انا ما حصل انتخبتا في السودان لما جات الانتخابات كان اسمي ساقط وزعلتا وكشفتا راسي ودعيت الله يبلغني انتخب في يوم ما باتذكر انتخابات الطلبه لكن لاننا كنا في الاحفاد ما كان عندنا اتحاد ولا انتخابات تمشي تقرا وتطلب الله على قول المرحوم يوسف بدري

    لا والله مرة كونا مع شذى حسين بت الاستاذه خديجه الهادي جمعية وكنا في بحري القديمة الثانويه وباتزكر عملنا انتخابات لكن شذى كانت ما خدا المساله هزار وبعدها بقينا من صينيه لي صينيه نسك في يوسف عبد الفتاح عشان يدعم لينا الجمعيه ونابنا طلع على شونه على قول امي ليلى المصريه

    اول مرة كنتا انتخب فيها هنا كانت انتخابات اتحاد الطلبه لما كنت في سنه اللغة وكنتا فرحانه لانها كانت اول مرة لي اعرف شنو هي الانتخابات

    وتاني انتخبتا كم مرة في انتخابات النقابه هنا

    اللليله ادونا اللائحة وشالوا مننا اثبات الشخصيه ودخلنا ورا الستاره ويا جماعة اتاريه بس الاسماء بتاعت كل حزب في قائمه يعني لو غلطتا صوتك بيمشي للتانين ومكتوب ليك مممكن تحتفظ بالقلم لانو في كميه من الاقلام مختوته اكيد ما حرجتهم ولا خليتهم يحنسوني او يحلفوا على واخدتا القلم اختكم بتحب ترضي على الناس


    زعلانه منهم ما في تزوير ولا اي زول بيحنسك تديهو ديل شنو ديل يغيزوا ولما جينا مارقين لا شكله ولا ناس بتضارب ولا بتتنابز اتزكرتا الجقدلي وقلتا لي زوجي التقول الانتخابات دي خبر


    بالمناسبه في دكتور سوداني في كريت مرشح ضمن حزب الباسوك اسمه الدكتور على ابراهيم وهو طبيب قلب ومن اولاد المسليمه ودي اول مرة يترشح اجنبي متجنس ومن اصول اجنبيه في اليونان

    ويا وليد الليلة تاني ح اكتب من خلالك لانو من بكرة يوم عمل

    روما
    ===================================================
    لكن الليله ياعابدون حقو تدفع للدكتورة روما ولقيت فرصه في صاحبك شمس الدين
                   |Articles |News |مقالات |بيانات

10-04-2009, 03:07 PM

Munir
<aMunir
تاريخ التسجيل: 02-11-2002
مجموع المشاركات: 9974

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)


    Quote: بالمناسبه في دكتور سوداني في كريت مرشح ضمن حزب الباسوك اسمه الدكتور على ابراهيم وهو طبيب قلب ومن اولاد المسليمه ودي اول مرة يترشح اجنبي متجنس ومن اصول اجنبيه في اليونان
    ياسلام والله يا دكتورة من سيرة اليونان اتذكرت الدكتور علي ابراهيم ـ وكنت تعرفت عليه بالصدفة في سنة 2001 ـ كنت في مؤتمر في جزيرة كريت (ريذمونا) وقضيت اسبوع هناك .. يوم بالعصرية كنت بتمشي بالكورنيش ، وفجأة برز أمامي شاب طويل القامة ذو ملامح سودانية ـ عاين لي وعاينت ليهو وهو يمر جنبي .. وبعد تلاتة خطوات ألتفت وعاينت لقيتو هو برضو اتلفت ـ فضحكنا ورجعنا سلمنا علي بعض وتعارفنا .. وطوالي عزمني علي فنجان قهوة في فندق فخم هو نفس الفندق الكان فيهو المؤتمر ـ وعزمني برضو تاني يوم غداء وأكرمني غاية الكرم .. وكان الغداء في أحد المطاعم فلاحظت أن صاحب المطعم والجرسون يعاينو لينا ساي .. أنا قلت الجماعة ديل ما لهم؟؟ .. وعرفت السبب في الآخر إنهم يعرفون الدكتور وامتنعوا عن استلام حساب الغداء .. وعرفت أن الدكتور علي ابراهيم من اشهر الشخصيات هناك حيث عرف بتفانيه وشطارته في جراحة القلب علي مستوي اليونان .. وأذكر أنه حينما كان جالسآ معي يتلقي عدة مهاتفات من مرضي تعالجوا علي يديه واحيانآ من المستشفي في شئون مستعجلة .. وأذكر أني ايضآ كنت يومآ أتجول في أحد المحلات وبسبب شكلي الغريب استوقفتني أحدي صاحبات المحال وسألتني من وين ـ قلت ليها من السودان ، فذكرت لي أنهم في هذه المدينة يعرفون أشهر اخصائيي جراحة القلب السوداني علي ابراهيم وهم ممنونون له بالشكر وأنه لو ترشح انتخابات عنهم لفاز .. وهو فعلآ من معرفة يومين عرفت أنه أخو أخوان ..

    وأثناء تناولنا القهوة قعدنا ندردش عن السودان وأخبار السودان ، وجاءت سيرة هدايا المغتربين وخمخيم الشنط مليئة بالهدايا للأهل والأصحاب فحكي لي أن احد اصحابه قال مرة عاوز يسافر إجازة ومحتار يشيل شنو ويخلي شنو .. ده يرضي وده يزعل و .. وفي الآخر قرر إنه يشيل ليهم كورة وقال يقول ليهم هاكم ألعبوا بها سوا ... ههههه ..

                   |Articles |News |مقالات |بيانات

10-04-2009, 02:37 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4849

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    Quote: بعد ان حددت الوجهة ووضعت البرنامج المناسب لها عقدت اجتماع مع العائله لا طلاعهم على تفاصيل هذه الرحلة مستقل شعار ( اصرف مافى الجيب ياتيك مافى الغيب ) وهدفها اجازه سعيده لكل افراد العائله
    خالص التحايا للأخ خالد درق، وإن شاء الله قضيتو إجازة سعيدة!
    Quote: الأخ صلاح عباس : مشكور على السؤال و قد قادتني أسئلة الدكتور قناوي لدهاليز لا يعلم بها إلا الله خاصة سؤاله عن الجينات و الدور الذي تلعبه في التربية فأثرت الصمت لعلمي بان كليكما من المتخصصين و أعجبني دور القارئ و لكن إن كان و لابد فاني أتشرف بمحاورتكم..
    يلا يا مجدي بسرعة، شوّقتنا، في انتظارك!
    والله بدون مجاملة: نحن برضو نتشرف بمحاورتك!
    (بيد أنّ) رماح النقد مسنونة وجاهزة! وما فيش مجاملة (هههههههه)

    (عدل بواسطة صلاح عباس فقير on 10-04-2009, 03:32 PM)

                   |Articles |News |مقالات |بيانات

10-04-2009, 03:02 PM

صلاح عباس فقير
<aصلاح عباس فقير
تاريخ التسجيل: 08-08-2009
مجموع المشاركات: 4849

للتواصل معنا

FaceBook
تويتر Twitter
YouTube


Re: أجمل عيدية (Re: صلاح عباس فقير)

    مؤونة عامٍ من الود
    يا جماعة والله ما شاء الله الدكتورة مريم عندها مكنون من العاطفة والشوق للشعبية،
    لو وزع على أهلها جميعاً لكفاهم مؤونة عام كامل من الود والحنية!
    وأتحدّى واحد يقرأ هذه الكلمات، بدون أن تثير شجونه، بل وأن تسيل دموعه!
    وهي كلمات تحكي فيها رحلتها من اليونان إلى الشعبية، لمّا أن منّ الله عليها بالشفاء،
    كانت طريحة سرير المستشفى ولما أبلغها الطبيب بأنها بحمد الله قد عوفيت،
    تخيّلوا من المستشفى رأساً، إلى المطار ثم الشعبية!
    رفضت أن تعود إلى البيت لكي تستعد للسفر وتحمل حقائبها، ...
    بدافع الشوق العارم للشعبية، .... لم يكن في يدها حقيبة، ولكن فقط كيس الدواء،
    وسوف أذكر لكم كلماتها وهي تصف الساعات الأولى من وصولها إلى الشعبية، مع تجاوز بعض التفاصيل، تقول:
    Quote: وجيت الشعبيه: اول شي عملتو مشيت لي ناس خالتي عشة اعزي في رحاب، .......
    ==================================================================================================
    وبعدها جيت بيتنا وكانت الضربه التانيه/ وين امي/ وين ابوي وكلمتو: انتو جيتو/ وين عمي سليمان الحوري
    وهو جاي من السكه حديد وشايل معاه كيس بديناالفيه قبل ما يصل بيته/ وين ايمان بت ناس خالتي اسماء/
    وين صلاتها الكنا بنسمعها وصوت بكاها لما كانت بتقرا القران/ وين .../ وين ... / ... / ... / ...
    ==================================================================================================
    جريت طلعتا من البيت بسرعة دخلتا بيت ناس عمي ساتي عبد الحفيظ كاني باستجير بيهم
    وبرضو وجدتا انو الدنيا بتخزلني مرة تانيه/ ومافي اي زول/ وين صوت عمي ساتي ولهجتو المحسيه المحببه؟
    وين صوت الباب لما بيفنحوا..../
    ==================================================================================================
    قعدتا تحت الشجرة وبكيت بكيت بكا اكتر من البكيتو ايام مرضي/ اكتر من البكيتو لما جاء اول عيد لي في
    الغربه/ اكتر من لما حصلتا على شهادتي وما كان في زول بيزغرت لي.....
    ==================================================================================================
    واتلمو الشفع انا ما باعرفهم هم اولاد منو/ وبقوا يسالوني مالك بتبكي؟ انتي من وين؟ وليه بتبكي؟ وانا
    ابكي لاني ما عارفاهم هم اولاد منو في الجيران/ ...... وهم كلما يسالوني انا ابكي زيادة من الغربه
    ومن الحله الاتغيرت ومن البيوت الفضت ومن اني ما عارفه هم اولاد منو/ خجلتا من نفسي معقول انا وصلتا
    درجة ما اعرف اولاد اخواتي واخواني من ناس الحله
    ==================================================================================================
    وجروا كلموا اهلهم انو في بت متفنه تحت الشجرة وبتبكي/ ومرقو الجيران على صوت بكاي تحت الشجرة/ وبقينا
    نبكي مع بعض/ ما عارفه كان بيعزوا فيني ولا باعزيهم/ .......
    ==================================================================================================
    في اجازتي قعدتا تقريبا 19 يوم كانوا كافيات انهم يمدوا لي لسانهم: انو الاحباب رحلوا/ إنو البيوت فضت/
    لكن انا اتحاميت في الشعبيه ومديت لساني وقلتا ليهم: انو الاحباب سكنوا في قلوبنا وما بيطلعوا منها /
    وانو البيوت الفضت اشترت جوه نفوسنا تمليك وما بتطلع منها/ وانو في ختم في قلب كل زول في الشعبيه
    مكتوب عليه: انا من الشعبيه .......

    ولا أنسى أن أقول للدكتورة: حمدالله على السلامة، وأجر وعافية إن شاء الله!

    (عدل بواسطة صلاح عباس فقير on 10-04-2009, 03:12 PM)
    (عدل بواسطة صلاح عباس فقير on 10-05-2009, 02:57 PM)
    (عدل بواسطة صلاح عباس فقير on 10-06-2009, 12:08 PM)

                   |Articles |News |مقالات |بيانات

10-04-2009, 04:58 PM

عزالدين عباس الفحل
<aعزالدين عباس الفحل
تاريخ التسجيل: 09-26-2009
مجموع المشاركات: 11776

للتواصل معنا

FaceBook
تويتر Twitter
YouTube


Re: أجمل عيدية (Re: صلاح عباس فقير)

    الاخــــــوة الاعـــزاء اهــل الشعبية في داخل الســــودان .
    الاخـــــوة في ارض المهـــــجر .
    ســــــــــــــــــــــــــــــــــــــــلام.
    *** الدكتورة روما نحن سعداء بهذا الكم الهايل من المداخلات .
    *** الاخ منـــــير يا غالي كم انا في شوق الي قلمك الناضج الغض
    *** الاخ خالد درق - دبي . والله ما نسيتك والف حمدالله علي السلامة .
    *** الاخ صلاح شكوكو الف مبروك علي الاخ شهاب وان شاء الله بيت مال وعيال.
    *** الغالي وليد ما شاء الله علي النشاط الشديد



    عزالدين عباس الفحل
    ابوظبي
                   |Articles |News |مقالات |بيانات

10-04-2009, 04:58 PM

عزالدين عباس الفحل
<aعزالدين عباس الفحل
تاريخ التسجيل: 09-26-2009
مجموع المشاركات: 11776

للتواصل معنا

FaceBook
تويتر Twitter
YouTube


Re: أجمل عيدية (Re: صلاح عباس فقير)

    الاخــــــوة الاعـــزاء اهــل الشعبية في داخل الســــودان .
    الاخـــــوة في ارض المهـــــجر .
    ســــــــــــــــــــــــــــــــــــــــلام.
    *** الدكتورة روما نحن سعداء بهذا الكم الهايل من المداخلات .
    *** الاخ منـــــير يا غالي كم انا في شوق الي قلمك الناضج الغض
    *** الاخ خالد درق - دبي . والله ما نسيتك والف حمدالله علي السلامة .
    *** الاخ صلاح شكوكو الف مبروك علي الاخ شهاب وان شاء الله بيت مال وعيال.
    *** الغالي وليد ما شاء الله علي النشاط الشديد



    عزالدين عباس الفحل
    ابوظبي
                   |Articles |News |مقالات |بيانات

10-04-2009, 08:31 PM

عماد الدين عبدالله
<aعماد الدين عبدالله
تاريخ التسجيل: 09-10-2009
مجموع المشاركات: 3675

للتواصل معنا

FaceBook
تويتر Twitter
YouTube


Re: أجمل عيدية (Re: عزالدين عباس الفحل)

    الترحيييييييييب الحاااااااااااار بـ
    د . روما عبد الله السيد
    وبقول الف حمدا لله على سلامتك
    أسف جدا الترحيب متأخر لانني امس
    لم ادخل على البوست لبعض الظروف
    القاهرة
    ومن قبيل مع مداخلاتك
    وربنا يديك العافية
                   |Articles |News |مقالات |بيانات

10-04-2009, 08:45 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: عماد الدين عبدالله)

    Quote: لم ادخل على البوست لبعض الظروف
    القاهرة

    دكتور عماد عبد الله
    يازول ماعوايدك
    البركه بالشوفه

    (عدل بواسطة وليد عبد اللطيف on 10-04-2009, 09:01 PM)

                   |Articles |News |مقالات |بيانات

10-04-2009, 08:54 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتورة روما
    مساء الورد يا احلا ناس
    Quote: وليد اخوي قلتا لي كبو الزوغه الناس ديل وين يرحوا مني انا قاعدة لابدة جنب باب المتصفح في المنبر

    الاخ منير فعلا الدكتور على ابراهيم من اعلام كريت ودي اول مرة في تاريخ اليونان ان يتم ترشيح اجنبي
    ومن الجيل الاول ومسلم كمان للبرلمان

    الدكتور على هو نشيط جدا وكان متسجل مع حزب الباسوك من اكتر من 25 سنه وحزب الباسوك هو الحزب الذي انشائه الزعيم يورغوس بابا اندييريووو وهو حزب يساري وباذن الله انا متابعة النتائج ح اخبرك عن النتيجه بالذات بالنسبه للدكتور وهو مشهور في جزيرة كريت ومن الدكاترة الشاطرين في مجال القلب انا باكتب وفاتحة التلفزيون باشوف النتائج البدت تظهر لان المراكز الانتخابيه فتحت من الساعة 7 الصباح لغايت الساعة 7 مساء وبدت النتائج في بعض الدوائر في الظهور

    السنه دي اتغير القانون لاننا الحصلنا على الجنسيه في شهر مايو دا سمحوا لينا بالانتخاب بالرغم انو ما مرت 6 شهور على التجنس بتاعنا وشكلو حزب الباسوك مكتسح لانو الحزب الحاكم كان حزب النيااا ذيموقراتييااا وترجمتها الدمقراطيه الجديدة ديل عبوا الناس ودي تاني انخابات تاتي قبل وقتها الانتخابات هنا كل 4 سنواتوعملواه بدري عن موعدها نسبه للحرائق الكانت في اليونان وان كان في فضيحه ىرسوة اخدوها ناس شكره سيمينس وكانوا داخلين فيها وزراء لدرجه ان في وزير حالو الانتحار بعد ما كان بعض الاعلامين بيهددوه وعملوا الانتخابات في 2007 في سبتمبر كانت اخر الانتخابات والان بعد سنتين فقط تاني جات الانتخابات

    وفي الحزب الشيوعي وديل ما بيجيبوا في كل مرة اكتر من 4 او 5 نواب على اكبر الفروض ورئيسة الحزب سيدة اسمها اليكا بابا ريقااا وفي سودانين كتار شغالين في مطبعة الحزب الشيوعي لكن بعد ما جوا السودانين من سوريا ولبنان ودا فليم تاني كبير عريض ومعاهم الاثيوبيات طردوا كل السودانين وشغلوا الحبش ما علينا

    وفي حزب اللاااوووص وبيعني حزب الشعب وديل عنصرين بيطالبوا بطرد الاجانب وهم حذب ديني متعصب وبيفتكروا اي بني ادم لا يدين بالديانه المسيحيه الاورسوذوكسيه هو لا يستحق ان يكون انسان وديل عندهم جناح عسكري اسمه مجموعه الخريسي افقي وبيحيوا زي ناس النازيين ومرات لو لقوا الاجانب بيضربوهم بس الكويس ان الشرطه والقانون صعب معاهم وديل بتدعمهم الكنيسه


    الاخ صلاح عباس فقير شكرا ليك كدا بتديني اكتر من ما استحق زالله انا لما كتبتا الكلام دا لو قلتا ليك كميه البكا وانا باكتب والحمد لله الربنا منا علي بالشفاء وربنا يشفي كل مريض بالمناسبه باقوم بكتابه كتاب عن المرحلة دي ومشيت فيه كتير والحمد لله بالرغم من الالم والضغط النفسي والبدني الا ان ربنا قواني وصبرني الحمد لله

    واهو جينا تاني ولقيناكم بالجد لما شفتا المنبر بالصدفه وبقيت اتصفح ولقيت البوست بقيت زي المهوسه ما قادرة اصدق وكل ما اقرا ان الارشفه جايه اخاف كنتا في سباق اني اقرا كل المشاركات لان كل مشاركه هي اشخاص وناس مننا وفينا ومن لحمنا الحي واماكن عزيزة علينا

    احب اشكر اخونا الحاج حمد مهندس البوست والاب الروحي للفكرة بتاعت التوثيق وفي ميزان حسناتك انك جمعتنا على الخير واتلمينا تاني في الشعبيه الاسفيريه القدرتو انتو بمجهودكم ان تحولوها لينا الى احداث لما نقرا اي مشاركه نحس انها زي الشريط امام عيونا ربنا يعلي من قدرك يا حاج حمد

    الى الجميع شكرا ليكم و امسيه سعيدة عليكم وين ما تكونوا

    اختكم روما
                   |Articles |News |مقالات |بيانات

10-04-2009, 08:56 PM

عماد الدين عبدالله
<aعماد الدين عبدالله
تاريخ التسجيل: 09-10-2009
مجموع المشاركات: 3675

للتواصل معنا

FaceBook
تويتر Twitter
YouTube


Re: أجمل عيدية (Re: عماد الدين عبدالله)

    Quote: الدكتور عماد عبد الله : هي بركات الشهر الفضيل التي منة علينا بقلمك الرشيق.. و يكفيك طريقة نيلك للعضوية فهي تغني عن كل كلام..أخوك (سيوزنك) بس ما قديم زيكم كدا..

    الاخ العزيز مجدي نقد لك كل الود يا سلام عليك ( كاك ديلا ) الترجمة علي الشريط يا شباب كيف حالك ( خرشو ) جيد بعد دا لقيت لي راس
    حربة واصل فى السرد عن السيوز ( الاتحاد ) ونحن بندردق ليك وانت شوت ( وعقبال تجينا بالباب )
    لك تحياتي



    Quote: *** بالله اللاعبه الجديده بت عبدالله السيد (د.روما) ,, عقد التسجيل بتاعا خليهو خمسه سنوات وديل اللعيبه النحنا كايسين ليهم من زمن توثيقاً للانسان والمكان ..

    ابو محمد فؤاد لك كل الود خمسة سنوات شنو بالكلام الفوق دا تسجيل مدى الحياة راؤول غونزاليس وربنا يديها الصحةوالعافية



    Quote: يا وليد وين عماد عبدالله ..

    بطارياتك نزلت يا عماد واللا شنو؟؟ .. الواحد يدوه باصويرد يجي جاري وجاري وجاري لغاية ما نفسه ينقطع وبعد داك نقعد نفتش فيهو بالفتاشة ..

    اووووووهـ منيرنا وحبيبنا دي بطارية اسيي ديلكو ما بتنزل باخوي واخوك
    ظروف قاهرة حالت بين تواجدي امس واهو جيتكم ناطي في وردية الليل خفاش بس




    Quote: يامنير
    بطارية دكتور عماد عبد الله في البنشر
    ها هاها ها

    ولي يا حبيبي رفيق الليل نغيب يوم واحد
    تبهتوني بكلام قدر دا وكمان تودوني البنشر
    يعني اكان غبت ثلاثة ايام كان وديتوني التشليح
    تحياتي
                   |Articles |News |مقالات |بيانات

10-04-2009, 09:08 PM

عماد الدين عبدالله
<aعماد الدين عبدالله
تاريخ التسجيل: 09-10-2009
مجموع المشاركات: 3675

للتواصل معنا

FaceBook
تويتر Twitter
YouTube


Re: أجمل عيدية (Re: عماد الدين عبدالله)

    Quote: دكتور عماد عبد الله
    يازول ماعاويدك
    البركه بالشوفه

    عزيزنا وحبيبنا ورفيق ليلنا
    وليد
    شوفتكم تبل الروح والله شعرت بفراغ كبير جدا
    في اليوم الفات لعدم دخولي للبوست
    واليوم كانت فرحتي كبيرة جدا لوجود
    اختنا دكتورة روما ربنا يديها الصحة
    والعافية وهي اضافة حقيقية لهذا البوست
    وان شاء الله بقيت الاخوات يحزون حزوها
    لكي كل التحايا وانتي تعطرين هذا البوست
                   |Articles |News |مقالات |بيانات

10-04-2009, 09:17 PM

عماد الدين عبدالله
<aعماد الدين عبدالله
تاريخ التسجيل: 09-10-2009
مجموع المشاركات: 3675

للتواصل معنا

FaceBook
تويتر Twitter
YouTube


Re: أجمل عيدية (Re: عماد الدين عبدالله)

    Quote: ـ ح. م: يعني مرات كده بحس بإكتئاب لما ما حدش من أخوانا الخواقات يجي يزورني ويطمن عليا , ولا يسألني عن رأيي في موضوع. تعرف يا دكطور بشعر ساعتها وكأني مش مهم ونفسي بتغم عليا , ومبأش طايئ أشوف حد. واللي ألعن من كده لما يجيني واحد ويؤلي الناس مش لأيا رغيف. ناس هايفة ..همها بس في بطونها . في ديك الساعة بتجيلي رغبة إني أكسر الدنيا وبمسح بكرامة اللي قاني الأرض. تعتئد يا دكطور يكون عندي مرض الإسطنباح؟
    ـ د. أمير قناوي: هذه الأعراض التي ذكرتها من أعراض المرحلة المتأخرة لداء الأستبطاح وهي ماتسمي بمرحلة التذلل.
    ـ ح. م: طيب ومافيش علاق للمرض ده؟
    ـ د. أمير قناوي: كما ذكرت في مقدمة حديثي فإن علاج هذه المرحلة المتأخرة صعب , ولكنه ليس بالمستحيل. أول خطوة للعلاج هي الإستعانة بذكر الله وقراءة الآيات القرآنية التي تأمرنا بألا نهن ونضعف ونحن الأعلون..
    ـ ح. م: (مقاطعاً): إنت بتؤل أيه , هو أنت قاي تخطبلي؟ .. هو إنت دكتور ولا إمام قامع؟ .. , وله يا قمال .. تعال غيير الأنا بتاعة التلفزيون .. قايبلني واحد واعظ عامل دكطور؟....توووووووت....توووووووت..

    ابداااااااع يا دكتور
    والله انا اقرا واضحك ياخي جننت الناس ديل جن
    شوف اللهجة مبالغة يا دكتور انت بطريقتك دي
    بتضع عادل امام في الرف واصل ابداعك ونحن
    متابعيييييييين
    تحياتي

    (عدل بواسطة عماد الدين عبدالله on 10-04-2009, 09:25 PM)

                   |Articles |News |مقالات |بيانات

10-04-2009, 09:09 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: عماد الدين عبدالله)

    ورساله من دكتورة روما تحت عنوان
    طرفة من بيتنا

    Quote: اخوي عز الدين عباس الفحل حيا الله اصلك الكريم ووين ما تكون تحياتي لاسرتك وربنا يخليكم لبعض

    يا جماعه بتتذكروا عياد النقادي الكان بيبيع الفرد والكستور راجل بيجي الحله وما معروف هو من وين هو من اولاود الريف ولا من اولاد النقادة المهم كنا بنقول ليه عياد النقادي كان قصير القامة
    بيلبس جلابيه ما شفنهاه بغيرها ولونها كان بيكون زي رمادي وبيلف العمة على طريقة الصعايدة المهم عمنا عياد كان بيلف على بيوت الحلة وحافظ الناس وبيعرف متين يجي ويعرض بضاعته وكان بيقسط على قسطين وليس اكثر وكان بيجيب الفراد لي خالاتنا وقماش الدموريه للمراتب ولما تكون في مناسبه في الحي هو البيجيب كان بعض الملايات عشان يشتروها منه ومافي زول عارفه وين ساكن وما حصل مرة جاب لي اي زول سيرة عن اسرته او هو متزوج ولا لا

    المهم في يوم ما محمود الجن اخوي كان يادابك سنونو اتكسرت وقامت وكان شيطان لدرجه بعيدة عمك عياد جا وبقا يفاصل في الوالدة وفي خالتنا نورة زوجة عمكم على عبدالله ومحمود مجننو في البقجه بتاعته والراجل اشيل البقجه من هنا واوديها هناك ويا محمود الله يهديك يرضيك ابدا محمود عامل مجنون ومواصل قامت جات امي طالعه ولقتو بينهر في محمود قامت عاتبته فقا قال ليها -هو دا ابنك يا ليلى

    وهنا محمود اخوي ابنسط وابتسم وطلعت سنونو وكانوا كبار شويه المهم قام محمود اتشالق ورده عليه وقال ليهو ايوة انا ولد ليلى قام عم عياد قال لي امي وطيب ليه سنونه قد سنون الحمار كده

    ولاغايت الان نحنا ماسكنها لي محمود



    طرفة تانيه عن الوالده مرة في مدرسة الشعبيه 3 كان عندنا مدرسه اسمها ست امنه وهي من بنات حي ام درمان وكانت صعبه وكل ما تلقاني تدقني حتى لو ما عملتا ليها شي وكانت في مدرسه تانيه اسمها ست ناديه مبارك برضو من بنات ام درمان ودي كانت تحبني جدا وكانت بتسمح لي اشرب من زير المدرسات ( وقتها قشرة كبيرة وحاجه كبيرة جدا انو في طالبه تدخل وتشرب من زير المدرسات ) المهم ست امنه دي منجضاني كل ما تشوفني لو ما دقتي تكفتني وانا ما عارفه السبب وبقيت ما احب امشي المدرسه

    بقيت اتمارض وما احب امشي المدرسه لما جات ست ناديه في البيت واتكلمت معاي اها منها امي محبه مع ست ناديه مبارك وهاك يا طعمية لي ست ناديه ومشبك مصري وما خلت ليها صينية كنافة لانها شاعرة بالجميل العملتوا لي ست ناديه المهم عرفنا من ست حواء سبب انها مكجناني ليه وكان سبب لا عتوت لي فيه ولا سخله المهم مرة امي جات المدرسه وجابت لي ست ناديه مش كارب قامت ست امنه قالت لي امي ايي انتي ناديه دي البتحبيها واحنا ليه انتي قايلانا واقعين بي قد القفه امي ردت عليها وقالت ليها هو انتي اصلن ميتن الحطاك في الاوووفه روحي اقري كدا

    طبعا ما ح احكي ليكم عن شكل المدرسه ولا عن المكتب الانفقعوا بالضحك

    روما
                   |Articles |News |مقالات |بيانات

10-04-2009, 09:20 PM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10571

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    Quote: يا جماعه بتتذكروا عياد النقادي الكان بيبيع الفرد والكستور راجل بيجي الحله وما معروف هو من وين هو من اولاود الريف ولا من اولاد النقادة المهم كنا بنقول ليه عياد النقادي كان قصير القامة
    بيلبس جلابيه ما شفنهاه بغيرها ولونها كان بيكون زي رمادي وبيلف العمة على طريقة الصعايدة المهم عمنا عياد كان بيلف على بيوت الحلة وحافظ الناس وبيعرف متين يجي ويعرض بضاعته وكان بيقسط على قسطين وليس اكثر وكان بيجيب الفراد لي خالاتنا وقماش الدموريه للمراتب ولما تكون في مناسبه في الحي هو البيجيب كان بعض الملايات عشان يشتروها منه ومافي زول عارفه وين ساكن وما حصل مرة جاب لي اي زول سيرة عن اسرته او هو متزوج ولا لا
    الدكتورة روما تحياتي
    عمك عياد نقادي ونقادي دي معناتا من نقادة ونقادة دي في صعيد مصر هم ثلاثة قوميات ان جاز التعبير تاني في الاسايطة والخمايمة ديل الصعايدة الجوا السودان وغالبيتهم مسيحيين وجوا السودان هربا من الاضطهاد الديني .
    عمك عياد متزوج ورب اسرة ويسكن حي المسالمة بأم درمان هسه بقى عجوز وخلى تجارة الفراد انا لاقيتو قريب
    ومرحب باطلالتك
                   |Articles |News |مقالات |بيانات

10-04-2009, 09:22 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتورة روما تحت عنوان
    امتحانات اللجنه في سنه سادسه‎
    Quote: خلاص الامتحانات قربت ولجنه وارقام جلوس وهيصه وتلقانا بنحفظ في رقم الجلوس اكتر من حفظنا للمحفوظات المهم ودنا كلنا مدرسه عشمانه احنا وناس مدرسه الشعبيه 4

    وبنات عشمانه كانوا زي من طينه تانيه معظمهم
    النعمة ظاهرة عليهم واحنا يا كافي البلا كبيرنا معاه سندويتش فول وشايفين ليك بنات مدرسه عشمانه معظمهم بيجيبوهم بي عربات وبيشتروا الحاجه الباردة زي الما حاصل شي وبيعزموا بعض والحق يقال اهلنا ايام الامتحانات بيوفروا لينا حق حاجة باردة مرة واحدة بس وبقينا عشان نبين اننا ما اقل نمشي نشتري حاجه بادة على دفعات ونشرب مع بعض وكان من طالبات مدرسه عشمانه بنات مشاهير زي نعمه الكابلي وعبير مكي سناده ورشا محجوب ودي ساكنه جنب اشواق الكابلي وعزة عبد ه جارتهم وعزة زروق ورحاب صلاح مطر والتومات نهي ونهله بنات خوجلي صالحين وهيام شوقي ورنا صالح مطر نسابت اخونا ربيع احمد ابراهيم اخو ناس الاستاذ المحامي مجي ابراهيم واحمد ابراهيم الساكين قريب من بيت الكابلي وهبه احمد ابراهيم ونهله عبد المنعم المغنيه في عقد الجلاد ودي كانت جنها تغني لمايكل جاكسون ونحنا ناس قريحتي راحت ما فاهمين انها بتغني بالانقليزي طبعا احنا جاين كداري من الشعبيه وبالنسبه لينا دي موسم الهجرة الى عشمانه عباره
    عن اجهاد نفسي اكتر منه بدني لاننا شافين البنات وكل واحدة زمزيه في يدها واحنا ناس ازيار



    المهم دخلتنا المدرسه وحاسين بالغربه واول مرة يدخلونا بي البطاقات طبعا ما ادونا البطاقات في يدنا لانو ست ام سلمه قسم السيد في شارع النيم كانت معاها البطاقات عشان ما نروحها قلنا يا رحمن واتوكلنا على الله وبدت الامتحانات 5 يوم في عين الما بيصلي على النبي والظريف كل ناس مدرسه لما بيراجعوا ماكانوا ما بيسموحوا للناس المن المدرسة التانيه يسمعوهم لما اشوف فليم اجني وكيف ان الفرقه بيتلموا عشان قبل المبارة الكوتش يقول ليهم اخر التعليمات باتذكر امتحانات اللجنة بتاعت سنه سادسه



    وبنات مدرسه عشمانه لو مشينا في الحوش بيقولوا لينا دي مدرساتنا المهم اتفقنا اخر يوم نتشاكل معاهم وفعلا اتكشحنا بالتراب معاهم والغريبه اول مرة نحنا وبنات الشعبيه 4 نتحد وجينا من هناك شعرنا كلو تراب والشرابات من ابيض قلبت لي بيج والشدد مقطعه ما من الشكله لا لانها استحملت معانا من سنه خامسه



    لما كان بنرجع بيوتنا من الامتحانات كان في كميه من الدلع والكستر ما عارفه ليه كان مربوط مقدار محبت الاهل بالكستر امكن عشان كنا بناكلو لما بنكون عيانين واهلنا
    حولينا المهم والتغذيه متوصين بينا ايام الامتحانات ما قصروا اهلنا معانا



    لما طلعت النتيجه كان يوم عجيب باشوف ناس جابوا اقل مني والناس فرحانين ليهم وانا المدرسات جنس شكله معاي التقول عملتا لي شي عجيب لاني ما زاعوني في العشرة الاوائل وخيبتا امل مدرساتي لاني جبتا 241 بس كنت فرحانه اني ح بقيت كبيرة وح البس البني وفي نفس الوقت كنتا زعلانه لانو كل الناس بتعاتب فيني الوحيد الفرحني كان عمنا الزبير التوم طيب الله ثراه اشترى لي كسين حلاوة ووزعتهم على الناس واختنا وجارتنا ست ليلى ساتي ادتني كتاب ريدار ولما رجعتا شارعنا لقيت خالتي الساتر وخالتي فاطمه وخاتي الشول واقفات مع امي الكانت بتبكي لاني مرقتا من العشرة الاوائل ولما شافوني بقوا يزغرتوا لي وبيني وبينكم انا فرحتا ومن يومها باحب الزغاريت وامي امام الهجمة الزغروتيه من خالاتي قالت لي تعالي يا بت الكلب وبقت تزغرت ودموعها تجري


    ومن هنا بدت مرحلة تانيه عندي واحساس بالمسئوليه و عرفتا يعني شنو خيبة امل وانو النجاح خشم بيوت

    روما
                   |Articles |News |مقالات |بيانات

10-04-2009, 10:31 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3278

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)



    اختنا:روما

    Quote: وبنات عشمانه كانوا زي من طينه تانيه معظمهم
    النعمة ظاهرة عليهم واحنا يا كافي البلا كبيرنا معاه سندويتش فول وشايفين ليك بنات مدرسه عشمانه معظمهم بيجيبوهم بي عربات وبيشتروا الحاجه الباردة زي الما حاصل شي وبيعزموا بعض والحق يقال اهلنا ايام الامتحانات بيوفروا لينا حق حاجة باردة مرة واحدة بس وبقينا عشان نبين اننا ما اقل نمشي نشتري حاجه بادة على دفعات ونشرب مع بعض وكان من طالبات مدرسه عشمانه بنات مشاهير زي نعمه الكابلي وعبير مكي سناده ورشا محجوب ودي ساكنه جنب اشواق الكابلي وعزة عبد ه جارتهم وعزة زروق ورحاب صلاح مطر والتومات نهي ونهله بنات خوجلي صالحين وهيام شوقي ورنا صالح مطر نسابت اخونا ربيع احمد ابراهيم اخو ناس الاستاذ المحامي مجي ابراهيم واحمد ابراهيم الساكين قريب من بيت الكابلي وهبه احمد ابراهيم ونهله عبد المنعم المغنيه في عقد الجلاد ودي كانت جنها تغني لمايكل جاكسون ونحنا ناس قريحتي راحت ما فاهمين انها بتغني بالانقليزي طبعا احنا جاين كداري من الشعبيه وبالنسبه لينا دي موسم الهجرة الى عشمانه عباره

    كما ذكر،منير نقلتي لينا الشعبيه امام اعيننا،التحيه لك ولكل الاسماء التي ذكرت
    جنابو ربيع ابراهيم دفعه،وجاري عاطف الامين بالنرويج،وشقيقته دفعتك نهي بمكه
    غيابي طال من الشعبيه بس مازي منير،الانا متاكد بيكون بيقراء مقالتك دس تسع
    مرات،ادهشتينا كلنا بحفظك للاسماء والمواقف،واصلي مستمتعيين بسردك
    انقلي تحياتنا لزوجك واسرتك.


    مودتي
                   |Articles |News |مقالات |بيانات

10-04-2009, 11:29 PM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    الاخت العزيزة د. مريم (روما).
    من النادر ان ابقى صاحيآ الى هذا الوقت وتانى يوم يوم عمل .
    ولكننى ومنذ دخلت البوست قبل حوالى 3 ساعات لم افط سطر واحد
    من كتاباتك الدسمة والمخلصة التى تجيش حبآ ووفاءآ للمكان الذى نشأتى فيه.
    وصبّ دمعى وانا اقرأ قصة شفائك وعودتك الى الشعبية ومقالدتك الاحياء والاموات.
    سلامتك الف سلامة، والعافية تبراك وتظللك.

    كتاباتك مدهشة. كأنك تحملين كاميرا سينمائية. مشينا معاك وضحكنا وقرينا وبكينا
    واكلنا وشربنا ودرسنا ولعبنا.
    فمن عاشوا فى الشعبية يعرفون ما تقولين. ويحسون ما تحسين. ويتأملون ما تتأملين.
    وتجاوزوا ازمات المرض ورحيل الاحباب، لا بقوة العزيمة الفردية وحسب، ولكن
    بتضامن الناس معهم ووقوف الناس معهم فى السراء وفى الضراء.

    احييك يا دكتورة واتمنى ان تواصلى هذه الكتابة الحميمة والمعبرة والصادقة .
    واحييك على خفة دمك وظرافتك. والتحية لزوجك.

    اخوك عادل محمد عثمان، من جيل كمال الزبير التوم وحسين عبد الحليم فى حيّكم الضاج بالحياة والحكمة
                   |Articles |News |مقالات |بيانات

10-05-2009, 05:26 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: Adil Osman)

    كتب الاستاذ عادل عثمان (ود الدكتور )
    =============================================================
    احييك يا دكتورة واتمنى ان تواصلى هذه الكتابة الحميمة والمعبرة والصادقة .
    واحييك على خفة دمك وظرافتك. والتحية لزوجك.

    اخوك عادل محمد عثمان، من جيل كمال الزبير التوم وحسين عبد الحليم فى حيّكم الضاج بالحياة والحكمة
    ================================================================
    بالله عادل عثمان ياخوي
    ريحني من الدكتورة دي زي ما ريحت حاج حمد مني
    معقول 27 رساله في سبعة ساعات د ه حب شنو ده
    دي الشعبية ولا واشنطن .
    ----
    وكما قال الفنان ابوداؤود
    في حب ياخوانا اكتر من كده
    خلاص انا حبي فات اخر مد ا
    وعندي حبيبة عايز اسعدا
    وحبيبتنا الشعبية تستاهل اكتر من كدا
                   |Articles |News |مقالات |بيانات

10-05-2009, 05:33 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    هدية لكل الهلالاب ولكل عشاق الكره السودانية المهزوزة
    اجمل تعليق من اسامه عبد الجليل
    ======

    كفارة لـ جمال و الف لا باس ، و هو زول بيحب الشعر و كده نهديهو
    =========

    سنتر الخرطوم
    و السهر بالكوم

    شوفو كورتنا
    الخمسة ماركتنا
    مازيمبى غلبتنا
    و فى استادنا فضحتنا

    يا عوض دكااااااااااااام
    كلام ما تمام يا عوض دكام!!


    =========
    يا اخى جمال ده تقول قلبو كان حاسس بالكارثة دى !!! شبكنا ليك ناس المريخ يجو لينا الملعب و نمسك يدين بعض
    و نغنى سوا و و و و ، غايتو الله يعينو الليلة ، دخلو التاريخ خمسة فى ملعبهم ، سنترو الكورة ست مرات !!!!
                   |Articles |News |مقالات |بيانات

10-05-2009, 05:51 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    كتب حبيبنا وهبه
    ========================================
    الدكتورة روما تحياتي
    عمك عياد نقادي ونقادي دي معناتا من نقادة ونقادة دي في صعيد مصر هم ثلاثة قوميات ان جاز التعبير تاني في الاسايطة والخمايمة ديل الصعايدة الجوا السودان وغالبيتهم مسيحيين وجوا السودان هربا من الاضطهاد الديني .
    عمك عياد متزوج ورب اسرة ويسكن حي المسالمة بأم درمان هسه بقى عجوز وخلى تجارة الفراد انا لاقيتو قريب
    ومرحب باطلالتك
    ======================================
    قادر الله ياوهبة
    قالوا الحب متاعب وانا طالب زياده (مشكور على زيادة تحليل اصل النقاده)
    ----
    وكما قال فنانا ابوداؤود
    توب الكرب الجابوه النقادة
    وفوق الجيد انا ببقى ليك قلادة
    العجب حبيبي









    --------------------------------------------------------
    عياد النقادي قصة طويله وما تحلو إلا من خشم دكتور قناوي لانه يستطيع تقليد اللهجه

    (عدل بواسطة وليد عبد اللطيف on 10-05-2009, 06:15 AM)

                   |Articles |News |مقالات |بيانات

10-05-2009, 05:54 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    كتب ابو محمد فؤاد
    ========================================================
    *** بالله اللاعبه الجديده بت عبدالله السيد (د.روما) ,, عقد التسجيل بتاعا خليهو خمسه سنوات وديل اللعيبه النحنا كايسين ليهم من زمن توثيقاً للانسان والمكان ..
    (ودام الود بيننا)
    (ابو محمد فؤاد)
    =======================================================
    يا ابومحمد فؤاد انت كنت متوقع الهزيمة بالخمسه ولا شنو
    خمسه سنوات = خمسه اهداف
                   |Articles |News |مقالات |بيانات

10-05-2009, 06:17 AM

عزالدين عباس الفحل
<aعزالدين عباس الفحل
تاريخ التسجيل: 09-26-2009
مجموع المشاركات: 11776

للتواصل معنا

FaceBook
تويتر Twitter
YouTube


Re: أجمل عيدية (Re: Adil Osman)

    مدرسة الشعبية الابتدائية جنوب

    في يوم من ايام الشتاء القارص في السودان والايدي المباركة الطهورة مشققةالجوانب وعليها خرائط من اللون الدكن الاسودوالكريمات اللعينة الحمقي بعيدة المنال، كان درس العصر اجباري للجميع ونحن بين مد مصاريفهالباهظة علي الاباء وعناد الزمن والحاح المدرسين في تحصيل الرسوم ، في غمرة تلك الثواني كان الفصل ( ب) يعج بالاصوات والضحكات العالية و رغم خوفنا من كابة العقاب المر الشديد ، شحذت همتي ووقفت خارج الفصل انادي ببراءة الطفولةاستاذ سمير واستاذ جورج وكانا اصدقاء انذاك بمل فمي صرخت من علي البعد ( يا استاذ سمير ، يا استاذ جورج تعالوا الفصل مهرجل ) اخذت اكرر الصراخ ولاحياة لمن تنادي وفجاة ظهر استاذ جورج ووجدي امام الباب سالني من الذي كان ينادي علي ، قلت له انا فماكان منه الا ان ضربني كف عنيف علي خدي المغتسل بماء زمزم، وهذه عادة الاساتذة بالعقاب العنيف الذي لا يرحم، ثم دخل استاذ جورج الفصل وطلب من الجميع الانصراف ، رجعنا الي البيوت وذلك الكف الظالم وقد ظهرت اصابعه علي خدي بغبار الطبشير الملون، من ذلك اليوم وصورة الاستاذ جورج لا تفارق مخيلتي ، وها هو الدهر بين كر وفر وقدماي تقودني الي الخليج العربي وعلي شاطئة الميمون وبخار الاقدار يقودني يوما الي ادارة الجمارك في ابوظبي عند شارع الميناء، كنت ابحث عن موضوع ما، سالتهم عن اي سوداني قالوا لي هناك علي الطاولة، وفجاءة وامام اعين الانبهار اجد نفسي وجها لوجه اماما الاستاذ جورج لم يتغير قيد انملة، سالته بفراستي المعهوده انت الاستاذ جورج ، وبلهجة السودانيين وهو ابيض اللون قال نعم وكيف عرفتني، قلت له انت كنت تعمل في مدرسة المساكن الشعبية الابتدائية جنوب ، قال والدهشة تعلوه، وخلال دقائق عرفته بنفسي وحكيت له ذلك الكف اللعين الظالم، فضحك كثيرا كثيرا كاد ان يسقط علي الارض ، ثم سالني وانت وين شغال ، قلت له شغال مهندس في دائرة الماء والكهرباء في شارع الجوازات هنا في ابوظبي، فما كان منه الا ان اخذني الي زملائه بكل فخر قائلا ( يا جماعة انا كنت يوما ما بدرس هذا الفتي في الابتدائي والحمدلله يشغل وظيفة مرموقة هنا في ابوظبي ، ما شاء الله الكتـــــــــــوف اتلاحقـــــت ) ، ثم دارت رحي الذكريات وسالني اولا عن الاساتذه سمير وطه وحسن والفضل قلت من من الطلبه تذكرهم ؟ قال ( اتذكر من الطلبة الشطار والمشاغبين فقط . مثل الطالب منير واحمد علي خالد. وخالد حسن. ثم طالب لا اذكره كان يصطاد الغربان والحدي من علي اسوار المدرسة ). وجلست مع استاذي جورج وطلب مني ان اعف عن ذلك الكـــــف قلت له والذكر الحكيم في سورة يوسف يتلي بصوت امام البيت العتيق في الحرم المكي الشريف ( قال تثريب عليكم اليوم يغفر الله لكم وهو ارحم الراحمين)..





    عزالدين عباس الفحل
    ابوظبي
                   |Articles |News |مقالات |بيانات

10-05-2009, 06:33 AM

عزالدين عباس الفحل
<aعزالدين عباس الفحل
تاريخ التسجيل: 09-26-2009
مجموع المشاركات: 11776

للتواصل معنا

FaceBook
تويتر Twitter
YouTube


Re: أجمل عيدية (Re: عزالدين عباس الفحل)

    اخـــوي / وليد عبداللطيف

    حيــــــــاك الله

    *** اولا صورة الامورة الصغيرة الظاهرة في البوست ، دي اكيد لجـــين ، صـــاح .
    *** ما احلي هذه الصورة ، وعندي بتي ( علا ) احتجت قالت لاذم يضعو ليها صورتها في البوست .
    *** لكن ياوليد ما عارف كيف اضع الصورة حتي اشبع رغبتها .
    *** ثانيا بسال من غير حياء كيفية تكبير الحروف وزيادة سملكتها ، البرنامج عندي هو فيستا .
    وهو برنامج معقد جدا .
    *** تحياتي للدكتورة روما وقل ليها هل من مزيد ، بارك الله فيك .





    عزالدين عباس الفحل
    ابوظبي
                   |Articles |News |مقالات |بيانات

10-05-2009, 06:52 AM

عزالدين عباس الفحل
<aعزالدين عباس الفحل
تاريخ التسجيل: 09-26-2009
مجموع المشاركات: 11776

للتواصل معنا

FaceBook
تويتر Twitter
YouTube


Re: أجمل عيدية (Re: عزالدين عباس الفحل)



    في مكالمة هاتفية من الاخ المهندس / ابراهيم الدسوقي بولاية فيرجينيا بامريــكا .
    يهدي السلام الي كل اهل الشعبية والزملاء السابقين بمدرسة بحري الثانوية العليا .
    والمهندس ابراهيم الدسوقي من رعيل الشعبية شمال وابن خالت الدكتور اللامع ياسر حنفي .
    ومشهور عن الدسوقي انه كان نابغة عصره بذاكرة غضة سريعة الحفظ .







    عزالدين عباس الفحل
    ابوظبي
                   |Articles |News |مقالات |بيانات

10-05-2009, 06:59 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: عزالدين عباس الفحل)

    كتب استاذنا عزالدين الفحل
    ===========================================================

    *** اولا صورة الامورة الصغيرة الظاهرة في البوست ، دي اكيد لجـــين ، صـــاح .
    *** ما احلي هذه الصورة ، وعندي بتي ( علا ) احتجت قالت لاذم يضعو ليها صورتها في البوست .
    *** لكن ياوليد ما عارف كيف اضع الصورة حتي اشبع رغبتها .
    ==========================================================
    نعم هي صورة لجين وقلنا لازم نشبع رغبتها لانها اعترضت على صورة اختها وقالت اشمعنا انا .
    وربنا يحفظك ويحفظ علا وتشيل اسمها وتكون دايما الى العلا
    اما بخصوص الحاجات الفنية
    وهبة استاذنا يظهر تأخر على برامج الدراسه الجماعية
    وممكن تضع تلفونك لان بالهاتف افضل
    ===========
    وهبه حبيبنا
    الهزائم عاديه وماذا كنتم تتوقعون
    وماحدث واقع ولازم الناس ترضاه
    وخلينا نشوف دروسنا افضل
                   |Articles |News |مقالات |بيانات

10-05-2009, 07:03 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    الف مراحب
    بالنابغة الاستاذ عزالدين الدسوقي (فرجينيا )
    وهنا يطيب الجلوس معك ياغالي
                   |Articles |News |مقالات |بيانات

10-05-2009, 07:27 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ورساله من دكتورة روما
    في شخصيات من حليتنا
    عمنا عبد اللطيف سعيد طيب الله ثراه

    عمنا عبد اللطيف حلو المعشر من الشماليه على الرغم من اغترابه في الامارات الا انه عندما يعود يزور كل جيرانه في الحي وياتي محملا بالهدايا وعندما ياتي عمنا عبد اللطيف تكون مناسبة فالرجل بيته بيت كرم حتى في عدم وجوده في السودان هو والد الاخوان الكرام الزين وعز الدين وعيسى وسيف ووليد ومن بناته الاخوات اخلاص والمحاميه الاخت عواطف عبد اللطيف ومشاعر والدكتورة المرحومة رحاب

    اشتهر عمنا عبد اللطيف انه ربى اولاده على الكرم وما ذكر او اسم احد ن ابانئه الا وذكر الادب والاخلاق وحقا كان ولا يزال بيت عمنا عبد اللطيف سعيد منبع للتهذيب واخوان واخوات يحلف الناس بحياتهم وبيت كرم تكرم فيه باخلاقهم وطيب المعشر والاصل الكريم قبل ان تكرم بموائدهم العامرة الفاخرة

    زوجته الخاله عشه احدى النساء التي تعادل الف رجل عرفناها باخلاقها الكريمة وبيدها الممدوة للكل في كل المناسبات بيتهم مفتوح لكل ناس الحله وكانت لا تتوانى في احضار حليها لكي تلبسها بنات الحي في الافراح الاستاذة عواطف دوما في خدمه اهل الحي والدكتورة المرحومة كانت تسهر الليل في خدمة جيرانها لا انسى لها عندما حضرت في صيف 2003 انها كانت تاتي في الفجر لكي تعطي والدتي الحجة ليلى المصريه الحقنه ولكم استشرتها في ايام محنتي الصحيه وما بخلت على بالمعلومات وقبل ذلك الدعاء

    اليوم الذي جاء فيه خبر وفاته كان يوما اسود على الحي كلنا احسسنا باليتم فالرجل كان اب للجميع وقد ساهم في ان يحصل العديد من ابناء الحي على فرص عمل في الامارات اتذكر المرحومة وكانت عائدة من المدرسه كانت في المتوسط وكنا ننتظر حضورها لكي نبلغها حتى لا تتفاجا وما استطعنا فبادرتنا ابوي مالو على الرغم من اننا لم نقل ليها اي شي عرفت لوحدها كان قلبها حاسي واتذكر ابنته الحاميه عواطف والتي رقدت في بيتنا كيف كانت تصحو من الحقنه المهدئة وتصرخ لان عمنا عبد اللطبف كان والد فوق العادة كان حنونا على اولاده يعاملهم كاصدقاء لهم واتذكر تواجد الدكتور محمود الدروبي الذي اشرف على اعطائها الدربات وكم كان متاثرا

    و استمر العزاء لايام لكثرة اعداد المعزين وكان عمي عبد اللطيف سعيد مثلما كان كريما في حياته وبيته مفتوح ظل بيته مفتوحا بعد مماته للضيوف واهل الحي

    اللهم ارحم عمنا عبد اللطيف سعيد وابنته الدكتورة رحاب

    وباذن الله لي عودة للتوثيق للدكتورة رحاب
                   |Articles |News |مقالات |بيانات

10-05-2009, 07:30 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    كتبن دكتورة روما
    ============================================================

    اللهم ارحم عمنا عبد اللطيف سعيد وابنته الدكتورة رحاب

    وباذن الله لي عودة للتوثيق للدكتورة رحاب
    ============================================================
    مشكورة اختي روما
    والبركه في امة محمد
    والله يرحم جميع موتانا
                   |Articles |News |مقالات |بيانات

10-05-2009, 07:30 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2744

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    معليش يا أخوانا .. النت كان قاطع من الأمس

    د. روما تحياتى وشوقى الكثير

    تعرفى أنا كنت فقط أقرأ مداخلاتك وسردك وتوثيقك

    الجميل عن سكان مربوعنا الجميل ..وأدمعت عيناى

    وأنا أقرأ حديثك عن البكاء تحت الشجرة قرب منزلنا

    والله أنا مريت بنفس التجربة . وقد كنت مندهشا . وفى يوم

    جلست قرب والدى سارحا .وهو طبعا سارح حتى ما شعر بأنى بالقرب منه

    ثم نادانى شقيقك محمود من فوق الحائط(وكثيرا ما يناكف والدى)

    قال لى والله لو قدت جنبو ليوم القيامة ما بجيب خبرك..

    وعند جلوسى خارج المنزل تحت الشجرة شاهدت عدد هائل من الصبية

    دون أن أعرف واحدا منهم ..وكلهم طبعا أولاد أولاد الجيران

    أصدقاء وصديقات الزمن الجميل..

    محزن والله فقدنا لأحبابنا من الأمهات والآباء رحمهم الله جميعا

    وهكذا هى الحياة تعطى لتأخذ وتبقى الصلات والعشرة النبيلة

    والجيرة الطيبة..

    تليفونى كنت قد غيرت شريحته والآن رجعت للشريحة القديمة

    والرقم هو 6549315

    والبريد هو

    [email protected]
    [email protected]

    (عدل بواسطة شمس الدين ساتى on 10-05-2009, 07:34 AM)

                   |Articles |News |مقالات |بيانات

10-05-2009, 07:58 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: شمس الدين ساتى)

    شمس الدين ساتي
    نهدي خماسية ابو الامين لكل الهلالاب ببوست الشعبية
    ====
    خمسة سنين معاك يا زينة الأيام
    يا نوّارة الحلوين مرّت حِلوة زي أنسام
    وزي أحلام صبيّة نديّة، زي ياسمين
    وزي لهفة بعيد مشتاق
    يلاقي أحبّته الغايبن
    خمسة سنين
    ودرب الريد معاك أخضر
    خمسة سنين، بريدك كل يوم أكتر
    أحاول مرّة بس أنساك
    عشان يا غالية أتذّكر
    أجي وألقاك، ديمة معاي
    وألقى هواك ملك دنياي
    وفي أعماقي إتحكّّر
                   |Articles |News |مقالات |بيانات

10-05-2009, 09:23 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    ياوهبة انا جاى السودان افتش كداراتى وانت عليك تشوف لى صلاح ادريس
    وقول ليهو فى زول خطير جاى السودان فى اجازة
    وليك على تاخد 5% من السمسرة ..

    ياخى الكرور ديل انا هسة بى حالتى البيقول عليها صاحبى شمشى ممكن العب أحسن منهم ..

    (عدل بواسطة عابدون محمد عابدون on 10-05-2009, 09:25 AM)

                   |Articles |News |مقالات |بيانات

10-05-2009, 09:28 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: أجمل عيدية (Re: عابدون محمد عابدون)

    ابو محمد فؤاد صاحبك شمس الدين اذا الحكاية فيها ضرائب ورسوم حيزوغ من الشغلة اصلو
    عنده حساسية من حاجة اسمها ادفع .. ماشايف الايام دى الضغط والسكرى بتاعينه
    مرتفعين اصلو دا موسم الدفع هناك فى المدارس والجامعات ..

    (عدل بواسطة عابدون محمد عابدون on 10-05-2009, 09:29 AM)

                   |Articles |News |مقالات |بيانات

10-05-2009, 09:46 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: عابدون محمد عابدون)

    كتب اخي عبدون
    ==================================================
    ياخى الكرور ديل انا هسة بى حالتى البيقول عليها صاحبى شمشى ممكن العب أحسن منهم ..
    =================================================
    ياحليل زمنك
                   |Articles |News |مقالات |بيانات

10-05-2009, 10:45 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    تمرينين مع الكتيبة ياوليد ونكون فى الفورمة ..

    ياوهبة اظهر وبان ياخى الحكاية ماعاد فيها .. كلنا فى الهوا ..
                   |Articles |News |مقالات |بيانات

10-05-2009, 11:43 AM

Adil Osman
<aAdil Osman
تاريخ التسجيل: 07-27-2002
مجموع المشاركات: 10193

للتواصل معنا

FaceBook
تويتر Twitter
YouTube


Re: أجمل عيدية (Re: عابدون محمد عابدون)

    الاخ العزيز صلاح عباس فقير
    تحية طيبة
    ارجو ان تقلل طول عنوان مداخلتك الجميلة هنا Re: أجمل عيدية فقد صار البوست اكبر من حجم شاشة الكمبيوتر الأمر الذى يجعل القراءة فيها مشقة قليلآ.


    الاخ العزيز وليد عبد اللطيف
    تحية طيبة
    كتابات د. روما جميلة وموثقة وحنينة. إذا رغبت د. مريم فى نيل عضوية هذا المنتدى سنكتب كلنا نثنى طلب عضويتها.
    ارجو ان يسمح لها الوقت بالمشاركة هنا بباصوردها ومن الباب لا من الشباك. مع العلم ان ابواب وشبابيك هذا البوست
    مفتوحة على الشارع، والشارع فاتح فى قلوبنا، وقلوبنا مساكن شعبية.
                   |Articles |News |مقالات |بيانات

10-05-2009, 11:57 AM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: Adil Osman)

    كتب الاستاذ عادل
    ======================================================
    الاخ العزيز وليد عبد اللطيف
    تحية طيبة
    كتابات د. روما جميلة وموثقة وحنينة. إذا رغبت د. مريم فى نيل عضوية هذا المنتدى سنكتب كلنا نثنى طلب عضويتها.
    ارجو ان يسمح لها الوقت بالمشاركة هنا بباصوردها ومن الباب لا من الشباك. مع العلم ان ابواب وشبابيك هذا البوست
    مفتوحة على الشارع، والشارع فاتح فى قلوبنا، وقلوبنا مساكن شعبية.
    =======================================================
    مشكور اخي عادل للمبادره منك الدور والباقي على عبدون يفتح 2 بوست (دكتورة ستنا ) و( دكتورة روما )
    وبعد داك نستفيد من علاقات اخونا الاستاذ عادل عثمان








    -----------------------------------------------------------
    يديك العافية اخي عادل ونحن محتاجين لاكبر قدر من الشباب

    (عدل بواسطة وليد عبد اللطيف on 10-05-2009, 11:58 AM)

                   |Articles |News |مقالات |بيانات

10-05-2009, 12:13 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    اخبار الشعبية
    جأنا من مراسلنا سيد الحوش ود حمد وحسب مشاهداته لافراح هذيمة
    الهلال بخماسية قاسية تزينت السماء باللالعاب النارية وتوزيع الحلوى
    واصوات البوري الفرحه بقيادة دكتور خالد شقيق حلوبي
    وعدم ظهور مرتضى رشوان وكل الهلالاب بساحة ميدان الصداقه
    لكي يتقبلوا تعازي الهزيمة

    sudansudansudansudansudansudansudansudansudansudansudansudansudansudansudansudansudan11.jpg

    صورة كابتن الهلال هيثم مصطفى

    sudansudansudansudansudansudansudansudansudansudansudan27.jpg
                   |Articles |News |مقالات |بيانات

10-05-2009, 01:14 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2744

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    العزيزة.د. روما

    أولا حمدا لله على سلامتك

    اليوم فقط رجعت للوراء وقرأت قصة

    السرطان ولكن لم أسمع به من قبل

    والحمد لله الذى شفاك..تحياتى لأسرتك

    وإعتماد وزوجها بيسلموا عليك كتير

    تحياتى
                   |Articles |News |مقالات |بيانات

10-05-2009, 04:45 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: أجمل عيدية (Re: شمس الدين ساتى)

    Quote: عماد الدين عبدالله

    الاخ العزيز صلاح شكوكو
    الف حمدا لله بسلامة الوصول
    والف مبروك للاخ شهاب
    وان شاء الله بيت مال وعيال


    Quote: منير
    وكما نزف التهنئة لأخينا الأصغر شهاب شكوكو علي الزواج ـ ويا صلاح قول ليهو يللا انكرب واتحزم .. وربنا يتمم بالخير


    Quote: الشيح سيد أحمد
    الأكرم "شكوكو"
    سلام من الله تعالى عليكم ورحمات وبركات...خالص التهاني بمقدم العيد السعيد
    ..وتمتد تهنئتنا لنبارك تأهيل أخونا شهاب ...سائلين المواى أن يبارك زواجهم ويرزقهم الذرية الصالحة الطيبة المعافاة
    ولكم من الود أكمل
    [QU
    Quote: المهندس مجدي نقد
    الأستاذ صلاح شكوكو : مبروك للأخ شهاب و سعيدين أن تأتينا نسائم كلماتك بين الفينة و الأخرى فلا تطيل الغيبة
    Quote: عزالدين الفحل الاخ صلاح شكوكو الف مبروك علي الاخ شهاب وان شاء الله بيت مال وعيال



الأخوة الأكارم الأحباء
الرائع عماد الدين عبد الله
منير المنير
الشيخ الشيخ
الوليد عبداللطيف
المهندس مجدي نقد
الفحل عزالدين

نواضر الود
وعسجد الكلام وأطايب المنى
نحفها بهالات من التقدير المعطر بأريج الحب
ونهديها لقلوبكم التي تتوسد الفرح .. وكمالات الفرح أن تتمناه أن يغشى الناس ويغشاك ..
نشكر مشاعركم الرقيقة والرقراقة والتي دونها لايكون للفرح مذاق
ونتمنى أن تسوق لكم الأيام لطائف منه في كل مدارج دنياواتكم

ترفرف الفرحة في الجوانج بجلال المناسبة
نتمنى أن تصدق كل أحلامكم
وتستحيل أمانيكم الى واقع معاش
مع عظيم ودنا وتقديرنا لكم
وكل المودة

..
                   |Articles |News |مقالات |بيانات

10-05-2009, 04:50 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: أجمل عيدية (Re: شمس الدين ساتى)

    Quote: عماد الدين عبدالله

    الاخ العزيز صلاح شكوكو
    الف حمدا لله بسلامة الوصول
    والف مبروك للاخ شهاب
    وان شاء الله بيت مال وعيال


    Quote: منير
    وكما نزف التهنئة لأخينا الأصغر شهاب شكوكو علي الزواج ـ ويا صلاح قول ليهو يللا انكرب واتحزم .. وربنا يتمم بالخير


    Quote: الشيح سيد أحمد
    الأكرم "شكوكو"
    سلام من الله تعالى عليكم ورحمات وبركات...خالص التهاني بمقدم العيد السعيد
    ..وتمتد تهنئتنا لنبارك تأهيل أخونا شهاب ...سائلين المواى أن يبارك زواجهم ويرزقهم الذرية الصالحة الطيبة المعافاة
    ولكم من الود أكمل
    [QU
    Quote: المهندس مجدي نقد
    الأستاذ صلاح شكوكو : مبروك للأخ شهاب و سعيدين أن تأتينا نسائم كلماتك بين الفينة و الأخرى فلا تطيل الغيبة
    Quote: عزالدين الفحل الاخ صلاح شكوكو الف مبروك علي الاخ شهاب وان شاء الله بيت مال وعيال



الأخوة الأكارم الأحباء
الرائع عماد الدين عبد الله
منير المنير
الشيخ الشيخ
الوليد عبداللطيف
المهندس مجدي نقد
الفحل عزالدين

نواضر الود
وعسجد الكلام وأطايب المنى
نحفها بهالات من التقدير المعطر بأريج الحب
ونهديها لقلوبكم التي تتوسد الفرح .. وكمالات الفرح أن تتمناه أن يغشى الناس ويغشاك ..
نشكر مشاعركم الرقيقة والرقراقة والتي دونها لايكون للفرح مذاق
ونتمنى أن تسوق لكم الأيام لطائف منه في كل مدارج دنياواتكم

ترفرف الفرحة في الجوانج بجلال المناسبة
نتمنى أن تصدق كل أحلامكم
وتستحيل أمانيكم الى واقع معاش
مع عظيم ودنا وتقديرنا لكم
وكل المودة

..
                   |Articles |News |مقالات |بيانات

10-05-2009, 05:05 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: أجمل عيدية (Re: صلاح شكوكو)

    الأخوة الأكارم الأحباء
    الرائع عماد الدين عبد الله
    منير المنير
    الشيخ الشيخ
    الوليد عبداللطيف
    المهندس مجدي نقد
    الفحل عزالدين

    نواضر الود
    وعسجد الكلام وأطايب المنى
    نحفها بهالات من التقدير المعطر بأريج الحب
    ونهديها لقلوبكم التي تتوسد الفرح .. وكمالات الفرح أن تتمناه أن يغشى الناس ويغشاك ..
    نشكر مشاعركم الرقيقة والرقراقة والتي دونها لايكون للفرح مذاق
    ونتمنى أن تسوق لكم الأيام لطائف منه في كل مدارج دنياواتكم

    ترفرف الفرحة في الجوانج بجلال المناسبة
    نتمنى أن تصدق كل أحلامكم
    وتستحيل أمانيكم الى واقع معاش
    مع عظيم ودنا وتقديرنا لكم
    وكل المودة
                   |Articles |News |مقالات |بيانات

10-05-2009, 05:06 PM

على محمد على بشير
<aعلى محمد على بشير
تاريخ التسجيل: 08-07-2005
مجموع المشاركات: 9076

للتواصل معنا

FaceBook
تويتر Twitter
YouTube


Re: أجمل عيدية (Re: صلاح شكوكو)

    سلام على الناس الحلوين
    ووينك يا وليد

    بعدين عليك الله شيل رجلك من البنزين شويه
    لانو وهبه دا طافش من البورد كلو ,, يجى يلقى موضوع الكوره دا
    يقوم يطفش تانى

    Quote: ناس محمد سعيد سيد الدكان


    داير اقول ليك ديل ماناس محمد عثمان فقيرى ابو حاتم وايهاب
    لكن لقيت الاسامى مختلفه قمت عملت استوب
    ياخ ما توصف لينا الدكان حقهم زمان

    الله يرحم ناصر اليمانى ..
                   |Articles |News |مقالات |بيانات

10-05-2009, 05:53 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: على محمد على بشير)

    Quote: سلام على الناس الحلوين
    ووينك يا وليد

    اها ولد حلتنا وزمن طفولتنا
    حتى ناسنا الطيبين مابننساهم
    الزول الكان وجيه ده ساكيهوا لي زمن
    وزمان شفناه كان بعمل مداخلات للشعبية
    بس ايدنا ماكانت لاحقة
    وبعداك باريتو في كل بوست واليوم الفتح بوست قبضت عليهو
    بالثابته وجريتو عشان نفتو في حوشنا.
    نتسالم ونتقالد ونحكي عن حرينه وشليل وين راح
    وسكج بكج ولعب البلي والجله والكداندلك واولاد رحال
    واولاد نوري والمرحوم جلال وعادل جغبوري
    وهل حب اولاد الشعبية زمن الجهل من الممكن يتنسي
    __________
    النوصفلك دكان ناس محمد سعيد
    طبعا بعد مارحتلوا ناس عمر محمد سعيد مؤجرين دكانهم ده الغريبة
    من واحد شمباتي اسمو حسن وله ولد اسمو محمد وكان دكانهم ده الدكان
    الناصية المقابل لدكاكين فقيري والمرحوم ناصر اليماني

    (عدل بواسطة وليد عبد اللطيف on 10-05-2009, 06:03 PM)

                   |Articles |News |مقالات |بيانات

10-05-2009, 06:24 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6733

للتواصل معنا

FaceBook
تويتر Twitter
YouTube


Re: أجمل عيدية (Re: وليد عبد اللطيف)

    Quote: نواضر الود
    وعسجد الكلام وأطايب المنى
    نحفها بهالات من التقدير المعطر بأريج الحب
    ونهديها لقلوبكم التي تتوسد الفرح .. وكمالات الفرح أن تتمناه أن يغشى الناس

    ابو النواضر ان شاء الله لقيت الاهل طيبين
    والف تحايا لي اخونا مجدي كنه
    وادينا اخباره
                   |Articles |News |مقالات |بيانات

1 صفحة 70 „‰ 110:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de