الشعبية نجمة تزين سماء مدينة الخرطوم بحري

مرحبا Guest
اخر زيارك لك: 03-19-2024, 06:58 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
منبر الشعبية
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-11-2009, 02:32 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    بإذن الواحد الأحد معيد الضحية هناك

    وبعدين شايف البنات بكرة آخر إمتحان ليهم
                  

07-11-2009, 02:39 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: شمس الدين ساتى)

    والله ياشمس الدين البنات تعبانات شديد والامتحانات خلاص على وشك ...
    احتمال اكون معاك فى السودان فى نفس الوقت فى العيد ..
                  

07-11-2009, 02:44 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    بس معظمها سأقضيه بكوستى الشعبية

    بجيئها للسلام على الوالد وبإذن الله أمر عليكم

    فى منزلكم القديم
                  

07-11-2009, 02:52 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: شمس الدين ساتى)

    أحر التعازي للأخ نقد و الباشمهندس مجدى و جميع أفراد الأسرة..للفقيدة الرحمة و للأسرة الكريمة الصبر الجميل
    (انا لله و انا اليه راجعون)

    (عدل بواسطة الحاج حمد الحاج on 07-11-2009, 02:58 PM)

                  

07-11-2009, 02:53 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    وليد عبد اللطيف
    لو سمحت تلفون مجدي و تلفون نقد

    (عدل بواسطة الحاج حمد الحاج on 07-11-2009, 03:00 PM)

                  

07-11-2009, 02:53 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    شكرا للأخ المستشار حسن طه على اتصاله التلفوني مساء أمس و قد اتصل و هو جالس في الحديقة الجديدة التي تقع في الجزء الغربي لميدان الصداقة و هو عائد اليوم للدوحة بعد أن حضر زواج الأخ ياسر طه..شكرا سعادة المستشار.

    (عدل بواسطة الحاج حمد الحاج on 07-11-2009, 03:03 PM)

                  

07-11-2009, 02:54 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    شمس الدين تاني تعال بدري..مبروك الصفحة 56

    (عدل بواسطة الحاج حمد الحاج on 07-11-2009, 02:55 PM)

                  

07-11-2009, 02:55 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    لالالالالالا ياحاج دى خرخرة.. اصلكم المريخاب خرخارين ويومكم انشاء الله خلاص قرب ..
                  

07-11-2009, 02:57 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    خيانة

    خيانة

    خيانة
                  

07-11-2009, 02:54 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: شمس الدين ساتى)

    فيصل وحنين للشعبية ومخصص ليك جزء مخصوص ياشمس الدين ..
    بس يافيصل صلاح دعاية دا كان من لاعبى الشعلة المميزين اما ناس الفلاح فى الشعبية فجاء ذكرهم لى فوق شوية وتقريبا نفس الصحفحة اذا ما انقلبت فى حوار بينى وبين الاخ محمد حسن التريبيل ..
                  

07-11-2009, 02:57 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    Quote: الاخ (آبدون ) عابدون
    العقد الفريد من ابناء وبنات الشعبية
    سلام من الله عليكم ورحمته وبركاته

    اخى (آبدون ) جيتك صادي كما قالوا اهلنا الشوايقه وعبرك اقدم اعتذارى للاخ وليد عبد اللطيف الذى سقط اسمه من ضمن العقد الفريد الذين ذكرتهم في الرسالة السابقة يمكن عشان كان مسجل غياب فى الفترة التى كان فيها بالسودان والف حمد الله على السلامة اخيى وليد وبالفعل انت والابنه الدكتورة ستنا خضر كبرتونا لانه الذين ذكرتهم كانوا كابنائى بالشعبية وفى نفس الميدان الذى كنا نلعب فيه الدافورى وبالقرب منه كان فى مصلى صغير جوار منزل ناس عمك دللال بناه ابناء الشعبية باشراف عمنا سليمان الله يرحمه ابو ناس حمد النيل واسماعيل والفاتح بالتاكيد يمكن تكون مذكر هذا المصلى وايضا امامه كانت الحديقة التى امام منزل عمك غفار والله يا وليد رجعتنا زمن بعيد خلاص من خلال سردك ( ما عارف هل هذه الملاعب موجوده حتى اليوم اي الميدان الذى بقرب منزل عبدون ومحمد خضر الله يرحمه ) ولا
    ازيلت هذه الاشياء
    طبعا انا طولت شديد من الشعبية لكن لا زالت هذه المعالم عالقة بذهنى حتي اليوم ولن تنمحى ما دمت حيا
    نعود للبوست والله والله ثم والله يا اخ حمد عملت عملية ما عارف الواحد يعبر يقول شنو بس مافى شىء غير ما نقول الله يديك العافية ويطول عمرك ويديك الفى مرادك يارب يا كريم لانك جمعت ابناء الشعبية وبحرى عموم انت والاخ كمال كرار وعملت هذا الموقع ( ادبى اجتماعى ثقافى رياضى ) والواحد بيتخيل نفسه كانه بنادى الشعبية مجتمع مع الادباء والمثقفين والرياضين ومن الادباء الدكتور الاخ ( امير قناوى) والله يا دكتور تخيلت نفسى وكاننى بقرا للأديب الطيب صالح والله من جد انت تستحق ان تكون كاتب قصصى وعلى ما اعتقد فى واحد سبقنى بان قال عليك ان تجمع هذه القصص من رحل وخلافة فى كتيب ينشر ليطلع علية ابنائنا بالشعبية والتى تذخر بالادباء والشعراء امثالك اخى دكتور امير قناوى ورجائى ان لاتحرمنا من هذا الادب الجم ولك منى الشكر والتقدير
    الاخ وليد موثق البوست ارجو المعذرة وحاولت ان اعصر ذهنى لاتذكر ولكن يظهر ما فى فايدة الكبر حصل والمشاغل كترت معليش اخي وليد وارجو ان تستمر فى سردك الظريف وبالاخص وانت عائد من الشعبية وبالله كيف ناس الشعبية القدام منهم والجديد منهم وكيف زواج الاخوان
    وهل قابلت الاخ عز الدين محمد عثمان وماذا فعل وهل له عودة الى كندا أم لا
    الميدان دا يا وليد (علم )وعلم اولاد الشعبية الكورة قبل أن ينتقلوا او حتي يتكون فريق الصداقة وكان اللعب فيه بكورة الشراب ( دافورى ) او سداسيات لانه صغير ومن هذا الميدان نبعت فكرة تكوين فريق الصداقة وانتقلنا الى ميدان مدرسة الخشب والذى سمي بميدان الصداقة ولا زال حتى الان اما عن تكوين الفرق والاخ كبشور الكلام دا بعد ما انا تركت الشعبية وسكنت مع أهل زوجتى بالمزاد لكن كنت على اتصال مع فريق الصداقة وذلك قبل انشقاقه زمن مباريات مدارس الاحفاد بواسطة ( ابراهيم الشيخ ) وبعد استلام نادى الشعبية من الكيزان بعدها تكونت الفرق وصارت الرابطة حيث كنا فى الاول نتبع لرابطة المزاد المكونة بواسطة المدرب الاخ كمال حسب الله انفصلنا منهم وتكونت الفرق ( المارد الشعلة المجاهد الفلاح ولم تسعفنى الذاكرة لبقية الفرق ) وفعلا فريق الفلاح قد تكون من ابناء شمبات ولكن اكتمل عددهم من ابناء الشعبية وبالفعل كان فريق قوى لا يستهان به حيث كان اغلب ابناءه من الشعبية ومن خيرة الاعبين وكان منافس قوي واذكر من ضمنهم اللاعب صلاح دعاية ان لم تخني الذاكرة وبعد ان تكونت الرابطة انتقلت لشندي حيث كنت اعمل معلما بغرب شندي بمنطقة تسمى المغاوير
    ( مدرسة المغاوير المتوسطة بنات )
    وبالرغم عن ذلك كنت متابع مع الاخوان بلة حسونة والاخ عبد الصادق
    الاخ خالد درق الف حمد لله على سلامة الوالدة وانشاء الله ربنا يواليها بالعافية
    الاخ الفاضل لك التحية وارجو ان اكون قد اوفيت معليش اعذرنى الذاكرة خربانة شوية والعهد طال من الشعبية
    الاخ عزام لك التحية وشايفك قللت من بوست الشعبية ارجو ان تتحفنا من اقوال اهلنا ناس البطانه شايفك ليك دراية بشعرهم الجميل
    الاخ الدكتور امير تصور بعد ما قريت رسالة الاخ عماد الموثق المعروف لبحري عموم عن الوالد رحمه الله تذكرت والدك الرجل الجسور المقدام رحمه الله وهو من فطاحلة النقابيين بالشعبية وكان رجلا تشهد له الشعبية باسرها والله زمن يادكتور الشعبية امانة ما خرجت رجالا وابناء الرجال الله يديك العافية وارجو ان لا تنقطع عن الدرر التى تنثرها علينا ولنا لقاء ايضا عن موضوع بدين حيث اكتشفت بانه لك علاقة بجماعة لنا وانشاء الله فى اللقاء القادم
    الاخ شمس الدين لك التحية تصور انا شايقى لكن دخلت فى المحس والدناقلة لكن كيف ما عارف دي غلوتية ولا شنو ؟
    الابنة ستنا خضر لا اسكت الله لك حسا وينك من البوست انا عارف انك مشغولة كلنا والله انا الرسالة بقعد فيها يومين وثلاثة لكن لازم اكملها وبعض الاشياء تطير من الراس غايتو الذاكرة بقت خربانه تب بس الله يدي العافية ولك منى اجمل التحايا
    ياجماعة وين اخونا شكوكو كم مرة سلمنا عليهو وما عارف هل يذكرنى ولا لا وما سمعته منه اي تعليق
    اخونا سيد الحوش تحياتى لك والله يا حاج حمد الرسالة بقت تاخد يومين وثلاثة لاكماله للمشغولية فنرجو المعذرة وشكرا على الاطراء للصورة
    مش لسه شباب ولا رايك شنو ، وبالمناسبة مافى زول علق لحى هسع ولا عشان كبرنا زول جايب خبرنا مافى ( ترى بمزح) زى ما قالوا السعوديين والله مشتاقين للشعبية واهالى الشعبية واسأل الله ان يدينا العافية ونجتمع فى ساعة خير وبالشعبية
    اخونا البوب وينك يارجل الف مبروك للاخ ياسر انشاء الله هيصتو تمام تحياتى للوالدة والاخوان والعريس والأخ عماد والاخوات
    الاخ عابدون تحياتى ونسمع صوتك وخفف على عملك ابو الشموس الراجل من آنديكوم شوية شوية عليه
    معليش طولنا عليكم وارجو المعذرة لمن فاتنى ان اتذكرة او اذكر اسمه وله العتبى حتي يرضى

    والى اللقاء اخوكم / فيصل عبد الله محمود
    الرياض / المملكة العربية السعودية
                  

07-11-2009, 03:10 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    الأخ فيصل عبد الله
    Quote: اخونا سيد الحوش تحياتى لك والله يا حاج حمد الرسالة بقت تاخد يومين وثلاثة لاكماله للمشغولية فنرجو المعذرة وشكرا على الاطراء للصورة
    مش لسه شباب ولا رايك شنو

    شكرا لك على هذه الرسائل الممتعة و أرجو الا تنقطع رغم المشغوليات الكثيرة..و أكيد مهما تاخذ الرسالة ففي النهاية هي تسعد الكثيرين المتابعين للبوست..ما شاء الله الصورة يا فيصل شباب و محافظ ربنا يمتعك بالعافية..

    Quote: نعود للبوست والله والله ثم والله يا اخ حمد عملت عملية ما عارف الواحد يعبر يقول شنو بس مافى شىء غير ما نقول الله يديك العافية ويطول عمرك ويديك الفى مرادك يارب يا كريم لانك جمعت ابناء الشعبية وبحرى عموم انت والاخ كمال كرار وعملت هذا الموقع ( ادبى اجتماعى ثقافى رياضى ) والواحد بيتخيل نفسه كانه بنادى الشعبية مجتمع مع الادباء والمثقفين والرياضين

    بلا شك أخي فيصل هذا الجهد مشترك و أنا قمت فقط بفتح البوست و متابعته و لكن لو لاحظت كل الدرر المنثورة لآخرين..مع شكري و تقدير و أتمنى أن نستطيع تقديم شئ لهذا الحي العظيم
                  

07-11-2009, 07:02 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    شمس ...
    Quote: غايتو يا عزام الماقرا ليك نس أمرو ضايع
    لكن حكاية التعقيب دى لخبطنى فيها شديد
    والنصيحة كلامك منطقى شديد ..علا أنصار السنة
    (بالضمة يا أبدون يعنى ما بتاعتنا) حيعلنوا
    عليك الجهاد.. شد حيلك

    يا زول ما تقول كِده ... جِهاد شنو البعْلِنوهو فوقي
    والله أنا مِن زمااااان < الجِهاد > ده مُغلِبني أكان
    فريق رابطة الشعبِية أو العاملين وُكلاء ربُنا في الأرض ...
                  

07-12-2009, 07:14 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عزام حسن فرح)

    تعزية من الأخ صلاح عباس:
    Quote: الأخ الحاج السلام عليكم ورحمة الله وبركاته، وعلى جميع الأخوة رواد البوست،

    كما أبلغ تعازيّ الحارة للأخ مجدي نقد وجميع أفراد الأسرة، سائلاً الله للفقيدة الرحمة والمغفرة، ولهم الصبر والسلوان!
                  

07-12-2009, 07:32 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    رسالة من الأخ وليد عبد اللطيف:
    Quote: ياود قناوي
    تعرف ياغالي الان مسؤليتكم انت والاخوان صعبة جدا جدا في حياتكم وقوليّ ليه .لان لازم تكونوا على نفس الطريق الذي عطره والدكم بالسيرة العطرة والطريق صعب ومليان شوك .
    لان والدكم رحمة الله عليه عرف عنه كل الخصال الجميله واذكر ما اذكر شجاعته التي كنت اسمع عنها وانا صغير في ونسه البيت لكن قبل ما ادخل في الموضوع انا عايز اعرف انا كيف كنت بمشي من بيتنا الى بيتكم وانت تعلم بعد المسافة وبمشي بسرعة وبرجع وانا حامل وصايا الاصدقاء المرحوم قناوي والمرحوم عبد اللطيف والدنا والله الان لما اتذكر المسافة بس بتعب وكمان اذكر عرباتهم الاندروفر القديم ومامورياتهم والسراير التي تتطبق خلف السيارة
    اها ياصاحبي في زيارتي قمت مشيت الى اخوك عصام قناوي ووجدت المحل فاضي وامامه كمبيوتر ويسامر ابن خالته وصديق اخر لهم اندهشت مره واستحيت مره فتشجعت بالسؤال لماذا دكانك فارغ من اشرطة الكاسيت
    فعاينت يمين وعاينت يسار ياااااااااااااااااااالله فوجدت صورة المرحوم والدكم في جدار المحل من الداخل فتعال شوف شريط الذكريات . فرد عصام قناوي وقطع شريط الذكريات فضحك وقال ياعمي انت لسع من من زمن اشرطة الكاسيت الشغلة كله بالكمبيوتر لكن يا وليد العايزوا عندي وهاك تلفوني ولنا جلسة . فتكلمنا عن الاشرطة النادرة واغانيها فوجدتها معه ولم اجد الزمن لكي نلتقي واستلمها منه . المهم هو بخير ولكن يظهر شكله اصغر منك يعني محافظ على الشباب وليس فريق الشباب لسع .
    واشكر صديقي عماد عثمان على سرده واذا لم تعرفه فهو ساكن الشعبية وفي حيكم السابق وحددت له اين موقع بيتكم كان بالظبط .

    ودمتم ............. وليد عبد اللطيف
                  

07-12-2009, 09:40 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    حاج حمد سلامات....

    طبعا زي ما قلت ليك الباشمهندس/ أمجد كرار.. في طريقه للبلد...

    وغالبا ما يفتتح داره العامرة القديمة الجديدة بالشعبية...

    حقو تدفعوه وكده.. أو على الأقل خروف كارب... يمرقوا...

    تحياتي... الشعبية فوق..
                  

07-12-2009, 10:44 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Kamal Karrar)


    أهل الدار

    سلام

    رجعنا وانتظرونا....الكيس مليان
                  

07-12-2009, 12:44 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: حسن طه محمد)

    الشعبية فوق ـ
    .
    .
    .

    لحين ميسرة ..
                  

07-12-2009, 02:22 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Munir)

    منير
    Quote: الشعبية فوق ـ
    .
    .
    .

    لحين ميسرة ..

    يا باشمهندس الظاهر زتقة الكترونية شديييييدة..ربنا يعينك
                  

07-12-2009, 03:10 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)


    Quote: يا باشمهندس الظاهر زتقة الكترونية شديييييدة..ربنا يعينك

    الأخ الحاج ..والله ياخي تقول شنو .. الواحد بصراحة ما قادر يمارس حياته بصورة طبيعية .. زنقة طوااالي ..طواالي .. حدها وين الله أعلم !!..
    ياخي مرات الواحد يكتب كلمتين يقول يرد في بوست أو يفتح بوست جديد يقوم بعد ما يكتب ـ بالماوس طبعآ ـ أمسحه تاني وأمشي أشوف لي شغلة تانية متعطلة وأنسي البوست ـ لأنو الواحد أي كلمة يكتبها لازم يقعد ليها ويرد علي ردودها و..و وبقي الواحد لو جاء خاشي البورد يقرأ صفحة ويفط صفحة زاتو.. ..زي ماعارف براك ..
    اسه البوست ده تلقاهو عامل ليك full time job عديل كده .. :)

                  

07-12-2009, 03:45 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Munir)


    أها يا أخواننا مع الحكي والذكريات الجميلة دعونا شوية شوية نحشر كلام عن مقترحات ـ غير رسمية ـ لنجعل الشعبية حي نموذجي متميز ..
    يعني مثلآ معروف عندنا شارع النيم الجميل يعتبر مميز وقابل لأنو يكون نواة لثورة تشجير في كل الشوارع .. طيب خلونا مثلآ نشن حملة تشجيعية للتشجير .. وخلونا نقول إنو قدام كل بيت نزرع نخلة ونعمل منافسة في الشغلة دي .. ونخلي الشباب بتاعيننا لفترة كدة ينشغلوا بزراعة نخلة قدام البيت وكل واحد ينافس برعاية نخلته ، ونشوف النتيجة بعد 3 سنوات حتكون شنو..
    أفتكر لو تكونت لجنة ومشت لمجلس المدينة وطرحت الفكرة ممكن يقدروا يطلعوا منهم علي الأقل بحق الشتول و..و رايكم شنو؟؟ ..

    أنا في رأيي دائمآ إنو لازم نسعي لتغيير ـ وزمان برضو طرحنا مسألة نموذجية المدارس وقلنا مثلآ زي مدرسة الشعبية الابتدائية ـ جنوب/شمال ـ ممكن تبقي نقطة البداية حيث تصبح مدارس وجيهة شكلآ ومضمونآ وتصبح جاذبة حتي للمعلمين قبل التلاميذ .. يعني مثلآ حتي لو أجلنا تشجير الشوارع وبدينا بتشجير المدارس بحيث تصير المدارس واحات خضراء .. وهكذا ..

    وطريق الألف ميل يبدأ بخطوة ..


                  

07-12-2009, 04:14 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Munir)



    الأخ الحاج .. طبعآ الواحد لبس القناع عشان يعود لعهود الصبينة وخيال المغامرات والمجلات المصورة .. ياحليلها ..
    وأسأل ناس صلاح عباس ده كيف كانت شنط المدارس وأدراجنا في الابتدائي كانت مليانة مجلات سوبرمان والوطواط والبرق وطرزان وعيييك ..


                  

07-12-2009, 04:35 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Munir)


    أهو زي ما شايفين مرات مرات كدة الواحد ينفرد بالصفحة براهو ويكون ماشي وماشي وماشي .. وساعة يقرب للقون يجي شمس الدين يقلبها ويقوم عبدون يجقلب ..

    غايتو جنس غايتو..

                  

07-12-2009, 08:21 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Munir)

    يامنير القناع اللى انت لابسه دا قناع الشبح لو متذكر وهو اقرب لى قناع زورو لكنه قناع الشبح او الفارس المقنع لو متذكر مجلة بونانزا ...

    أها مشتاقين بالكوم يامنير وبعدين المرة دى نبرتك كدة نبرة زول تعبان من الشغل الكتير وانشاء الله ربنا يديك العافية بس لو الويكة عندك خلصت قول عوك عشان نرسل ليك شوال بالدى اتش ال .. عظمة يالويكة ..
                  

07-12-2009, 08:22 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    الاخ خالد درق يطمئن الاخوة والاخوات بأن والدته بخير والحمد لله ..

    Quote: الا خ /عابدون تحياتى



    الاخوان بالبوست سلام من الله عليكم



    الحمدالله الوالدة بخير وخرجت من المستشفى واشكر كل من اتصل واطمناء على صحتها





    ولكم الود



    خالد درق


                  

07-12-2009, 08:24 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    مبارك كنة قبل اى مشاركة جديدة ارجع لى ورا وجاوب على سؤال المسابقة وبعديها أدينا أخبار مدثر وفيصل بيسلم عليك وعلى العائلة وبيسأل من أخبار مدثر ..
                  

07-12-2009, 09:24 PM

أمير قناوي
<aأمير قناوي
تاريخ التسجيل: 01-24-2009
مجموع المشاركات: 618

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    التعازي للأخ مجدى نقد وللأسرة الكريمة وللفقيدة ندعوا المولى عز وجل أن يشملها برحمته وأن يدخل جناته وأن يبدلها داراً خيراً من دارها ..آمين. للأسرة الكريمة الصبر وحسن العزاء وإنا لله و انا اليه راجعون.

    أخي فيصل عبد الله محمود أطيب تحية وجزيل الشكر علي كلامتك الطيبة عن الوالد رحمه الله وعن شخصي الضعيف . لا أدعي أني من الادباء ولكني أشكرك وأتمنى أن تتاح الظروف لمزيد من التوثيق لزمن الطفولة الجميل ولأيام الشعبية الحبيبة لكل رواد هذا البوست. أعرفك أخي بأن أخونا صلاح شكوكو بين الأهل في السودان هذه الأيام ، والدخول للنت في السودان أمر صعب ، ولولا ذلك لكان شكوكو أول المرحبين بك في دارك وبين أهلك في هذا الموقع. لك منى الود والتقدير.

    أخي الحبيب وليد عبداللطيف نحمد الله علي العود الحميد. إتصلت بأخي عصام وعلمت بزيارتك له في المحل ولك منه التحية. أخي رحم الله أباءنا من جيل العظماء وجزاهم عنا كل خير. لقد كان ذلك الجيل بحق جيل العطاء ، كان عامتهم من الكادحين ، أولاد البلد ، أعطوا للشعبية طابعها الجميل ولونها المميز. ولو نظرنا في كل بيت من بيوت الشعبية لوجدنا أباً عظيما وأماً عظيمة. إنه جيل فريد مكن الله للمرحوم إبراهيم عبود أن يجمعهم في حي واحد ، وجمع قلوبهم في صفاء ومحبة قل أن تراها في هذا الزمن. فلندع لمن رحل منهم لدار البقاء بالرحمة ولمن مد الله في عمره أن يبارك له فيه وأن يمتعه بالعافية.
    بمناسبة قولتك عن عصام (ولكن يظهر شكله اصغر منك) سأل أحدهم العباس رضي الله عنه : أيكم أكبر أنت أم محمد (ص) ؟ وكان يريد إحراجه بسؤاله . فقال العباس رضي الله عنه: هو أكبر مني ، بيد أني وُلدت قبله . قصة ذكرتني إياها مقالتك رغم إختلاف الموضوع والمغزى. وإلي لقاء إن شاء الله ، لكم ولأخي الحبيب الحاج وللغائبين أمثال صلاح أبودية وبدرالدين إسحاق وأخرين كل الود والأشواق.
    أخوكم أمير قناوي
    12.07.2009

    (عدل بواسطة أمير قناوي on 07-12-2009, 10:35 PM)

                  

07-12-2009, 11:19 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)


    كيفك يا عبدون ـ
    Quote: أها مشتاقين بالكوم يامنير
    العجب أنا :)..



    Quote: يامنير القناع اللى انت لابسه دا قناع الشبح لو متذكر وهو اقرب لى قناع زورو لكنه قناع الشبح او الفارس المقنع لو متذكر مجلة بونانزا ...
    والله يا عبدون نحن الظاهر لو كنا بنتعارف زمن المجلات دي كان حيكون في تبادل كبير لتلك التحف المصورة .
    والقناع يا عبدون زي ما شايف زي قناع زكور المع الوطواط . ويا سلام علي مجلاتنا المصورة : سوبرمان والفتي الجبار - مغامرات سوبرمان عندما كان فتي - وفرقة الابطال الجبابرة والحسناء الجبارة .. الوطواط ..البرق .. بونانزا .. الرجل المطاط .. طرزان .. ميكي وسوبر بندق وتان تان.. وكتب ارسين لوبين والقديس وهتشكوك واجاثا كريستي والهارب دكتور كمبل ـ والحقيقة مجلات بونانزا كانت شحيحة وأنا قدر ما كنت بفتشها ما بلقاها .. والمغامرين الخمسة والألغاز وكتب إحسان عبدالقدوس ويوسف السباعي وما ادراك ما مجلات العربي وآخر ساعة والمصور وصباح الخير وروز اليوسف وأكتوبر والشبكة والصياد وحواء وسمر و..و.. أي حاجة مطبوعة نلتهمها ـ ما عندنا قشة مرة .. وتلقي المجلة أو الكتاب صفحاته الأولي أو الأخيرة مقطعات أو مافيشة كلو كلو من كترة التداول والتبادل ..
    غايتو زمن كده تلقانا في الاجازات الصيفية قاطعين الميادين في عز الحر عشان نمشي نبادل مجلة بكتاب والواحد تلقاهو النهار كله بيقرأ ويقرأ ورادم المجلات والجرايد تحت المخدة ومحل ما ترفع مرتبة تلقي تحتها كوم مجلات ..
    .
    .

    بالمناسبة أتاري أنا كنت منفرد بالصفحة لأنو الناس متابعة الكورة .. طبعآ أنا بعدما لاحظت إنو البورد في حالة سكون مشيت قبلت علي التلفزيون لقيت كورة المريخ .. قلت أيوااا .. أتاريني أنا الوحيد الداقس .. أها مشيت كوعت اتفرج في الكورة ـ وطبعآ أنا أكتر حاجة بتغيظني في الكورة إنو يجيك فريق يغز ليك مسمار في فريقنا من بداية المباراة وبعد داك الكورة تقفل علي كدة باقي الزمن كله !! .. والواحد شاف ليك كمية المغسة الماسكة الجمهور ـ السحابته كانت شاحنة شحن شديد لكنها في الآخر اتفرقت ساي بدون ما تصب .. وأنا طبعآ من زمنكم داك يا عبدون تاني بقيت ما عندي شغلة بتشجيع كورة وما متابع زاتو الحاصل شنو .. أها الليلة قعدت اتفرج واسمع في الاسماء الغريبة دي ومنتظر الدرون الأبي ما يجي !!.. وشفت ليك الحارس بتاع رواندا يشيل ويتدردق ساي علي مهلتو ويؤخر في الكورة .. أدي واجبه علي أكمل وجه وحش اعصاب الجماهير حش العيش ..
    .
    .

    شكرآ يا عزيز علي offer الويكة المقدر، ومافي داعي للتعب ياخ .. والبامية هنا غايتو راقدة ننشف ونسحن الويكة .. ولو انعدمت بنكورك ليك ..أصلو طبعآ زي ما عارف نحن لو ما بلبلنا مصاريننا بملاحاتنا الاتربينا عليها ما بنحس بالأكل زاتو ..


                  

07-13-2009, 06:27 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Munir)

    منير:
    Quote: .. يعني مثلآ حتي لو أجلنا تشجير الشوارع وبدينا بتشجير المدارس بحيث تصير المدارس واحات خضراء .. وهكذا

    تعرف يا منير تشجير المدارس من الأشياء المهمة و لقد لفت نظري تشجير مدرسة الشعبية الابتدائية للأولاد فهي من هذه الناحية مشجرة تشجير جميل.

    الأستاذ أحمد يوسف الأمين- لاحظ التشجير-


                  

07-13-2009, 06:32 AM

عبدالوهاب علي الحاج
<aعبدالوهاب علي الحاج
تاريخ التسجيل: 07-03-2008
مجموع المشاركات: 10548

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    ياحجوج
    كيف اصبحت من تعب امبارح
                  

07-13-2009, 06:35 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    حاج حمد صباحاتك بخير...

    ما عارف الخبر ده نزلتوه ولا لسع...


    وهو خبر زواج كل من الأخوان/ مأمون فتح الرحمن

    و

    عبدالمنعم محمد أحمد أبودية...

    فقد كان الإثنان ركنيين منيعيين من أركان العزوبية

    وأنا أزف لهما التهانيء المتأخرة تأخر زواجيهما...

    مبروك النمو الطبيعي للشعبية...بعد أن اصبح توسيعها مستحيلا...

    سلام يا شعبية
                  

07-13-2009, 07:09 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Kamal Karrar)

    حاج حمد والجميع

    ما زالت المحاولات جارية لانزال الصور

    تحياتي
                  

07-13-2009, 07:13 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Kamal Karrar)

    عبد الوهاب علي الحاج
    Quote: ياحجوج
    كيف اصبحت من تعب امبارح

    ياخي أتراكو دا فعلا متعب..فريق استحق أن ينتصر.
    الأخ كمال كرار
    خبر زواج الأخ عبد المنعم نزل في وقته بل قبل الزواج بأيام بواسطة الأخ صلاح أبو دية و التهنئة مرة أخرى..شكرا لمرورك الأنيق.
                  

07-13-2009, 07:50 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    و رسالة من الأخ وليد عبد اللطيف:
    Quote: فيصل عبد الله محمود يا استاذي
    لو انت الزمن نساك
    انا ما بنسى
    ده جرحك مهما طول وغار
    مطبوع فيني بالذكرى
    ده جرحك ياغرام الروح
    لاطاب لا بدور يبره
    فيصل محمود والحمد لله افتكرتنا اخيرا وجل من لا ينسى ياحبيبي و صراحة بعد ذكرك لكل الاسماء عملت لي احباط وشلت هم قلت ياخي انا الراجل ده اكون نسيت شي ما من حقي او بدر مني شي غير مقصود دي صراحة وحتى علقت مع صديقي عماد عثمان على هذا الموضوع فقال لي اكيد اسمك سقط سهوا وقلت ياريت لان زي ما عارف انا لست من هواة الكتابة وفي مرة عند تسجيلي اسماء اقدم لاعبي في الشعبية سقطت اسماء غير مقصودة وعند قراءة البوست وجدت اسماء لم تسجل صراحة زعلت جدا وفيهم من وضع بصمته في حي الشعبية اذا كانت ثقافية او اجتماعية او رياضية وتمنيت في تلك اللحظة اي واحد يعمل مداخلة ويضيف على ما كتبته يعني على الاقل نكون عملنا تغطية كاملة صراحة في اشياء في البوست الواحد بيخاف منها وهي نسيان بعض الاشخاص او نقوم نكتب كلام وما يعجبهم المهم البينا عامرة وحسب ماذكرت .
    شوف ياغالي
    1- كمال حسب الله هو اصلا من ابناء (الجيلي والنية ) وفي يوم من الايام دربنا في منتخب الجامعات وله ابن لعب معنا بالسعودية والان محترف باليمن .
    2- صلاح دعاية رجل طيب كريم ونسيب المرحوم عادل نور الدائم وكلاهما يحرز اهدافه من الكورنر .
    3- بله حسونه له صداقة قديمة مع شقيقي الزين عبد اللطيف .
    4- عبد الصادق في يوم من الايام لعب بنادي شمبات وكان من اعمدته المهمة واخير عمل حكما .
    5- ودقناوي قاص من الدرجة الاولى وياريت يعلم بذلك ويمتعنا ويمتع صغارنا .
    6- الدكتورة ستنا يظهر مشغولة مع اضراس متل بتاعت عزام فرح كبيرة وقليدة .
    7- شمس الدين وعبدون ثنائي مبدع ورائع والاول له نوادر وطرائف كثيرة في الشعبية .
    8- الحاج حمد شهرته الان فاقت الحدود وتضررنا منها بعدم الرد على اتصالاتنا او الرجوع الينا .
    9-الشعبية وطن والوطن غالي وبها الكثير من الجميل .
    10- صورك جميلة ما تخاف لان الرجل في كل مرحلة من العمر له وسامة خاصة عكس المرأه .


    ودمتم ............ وليد عبد اللطيف

                  

07-13-2009, 08:20 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    الأخ صلاح عباس فقيري يواصل خواطره حول الحب والإيمان والغناء والقرآن : الحلقة الثانية
    الفقرة الأولى
    Quote: خواطر حول الحبّ والإيمان والغناء والقرآن
    الحلقة الثَّانية
    ===============================================
    وأذبت الأسى في جمال الوجود ودحوت الفؤاد واحةً للنشيد
    والضياء والظلال والشَّذى والورود والهوى والشباب والمنى والحنان
    من أغنية الصباح الجديد
    =========================================
    عزيزي القارئ
    في الحلقة الأولى من هذه الخواطر، وفي إطار التّنويه بأغنية "الصباح الجديد"، قلتُ:
    "إنّها أغنيةٌ تحكي على مستوى العاطفة والشُّعور مسيرةً إنسانيَّةً ظافرةً, يطمحُ كلُّ إنسانٍ ينبضُ قلبُهُ بالحياة إلى أن يُحقِّقها على مستوى الواقع، ومن خلال ذلك تنمو شخصيّتُه ويتكامل وجوده الإنسانيّ، ويكتشفُ في نفسه منجماً زاخراً بالقدرات والإمكانات. وبمثل هذا الجهدِ النّبيل يكون للحياة رونقٌ وبهاء، يجعلانها رغم كلِّ ضروب الإحباط، ساحةً للعمل والجهاد والعبادة ...".
    هذه الفكرة، وما يُرافقها من دفقٍ شعوريٍّ، هي المحورُ الذي تدور حوله هذه الخواطر.
    الأماني العذبة:
    لقد كان للأغنيات الجميلة دورٌ لا يُنكر في التّنويه بتلك الفكرة المحوريَّة، فبالإضافة إلى أغنية "الصباح الجديد" كانت هناك أُغنيةُ "الأماني العذبة" الّتي استثارَ بها كلٌّ من الشّاعر محمد علي أبو قطاطي والفنّان خليل إسماعيل، ذلكم الينبوع العاطفيّ الكبير، الّذي يموج في صدور كلِّ التّائقين لتحقيق أهدافٍ إنسانية كبيرةٍ في حياتهم:
    الأماني العذبة تتراقص حِيَالي والأمل بسّام يداعب في خيالي
    حُلمي بكرة، وذكرى أيَّامي الخوالي
    بكرة تتحقّق أماني والفؤاد يرتاح ويتبسَّم زماني
    ورغم أنّ هذه الأماني أو المعاني تلعب دور المحرّك للنّشاط الإنسانيّ، إلا أنّها لا تخلو من غموض، إذ تبدو للإنسان وهو في بواكير حياته وأولى مراحل الوعي بذاته، كالحُلم الهائم الكبير، الّذي يسعى لتحقيقه، وهو يخوض "معركة الحياة" بكلّ عنفوانها، مستهدفاً إثبات ذاته ووجوده في إطار مجتمعه الصَّغير، تائقاً إلى تحقيق الأماني الكبار التي يجيش بها صدره، والآمال التي يعقدُها عليه أهلُه.
    ويقيني أنّ هاشم صديق في الأغنية التي غنّاها له ابنُ البادية:
    عايز أكون
    عايز أكون بهجة ومسرة فى دروب البائسين
    ...
    عايز أكون أنا صدر حاني أبقى للمجروح طبيب
    أحضن الهايم مشرد واحضن العايش غريب
    واحضن الطفل اليتيم وابقى زى الأم حبيب
    ابقى فى عيونه ابتسامه وابقى فى ثغره الحليب
    كان يُحاول رسم بعض ملامح ذلك الحلم أو الطّموح الإنساني، بما أورده من إشاراتٍ حسية تُشير إلى كُنه تلك الأماني والمعاني، أو إلى حقيقةِ تلك المسيرة الإنسانية الظافرة، التي تعلّق بها الشَّابِّيّ، إنّها رغبةٌ في البذل والعطاء الإنسانيّ، إنه نزوعٌ إلى الاستعلاء على النّزعات الفرديّة والأنانية، إنه إثباتُ الذّات الإنسانية، لكن من خلال نكرانها!
    ثم في "أكتوبر الأخضر" نجد محمد المكي إبراهيم ومحمد وردي، يعملانِ على تحقيق ذات الرؤية الإنسانية الحُبلى بالإنجازات الكبيرة، لكن على صعيد الوعي الجمعيِّ هذه المرّة، فيقولان:
    كان أكتوبر في أمّتنا منذ الأزل كانَ خلف الصّبر والأحزان يحيا صامداً منتصراً
    نعم، إنّه مشروع التّغيير الإنسانيّ الكبير نفسِه، مجسّداً على صعيد وعي الأمّة كلها، وهي تحلُم بعطاءٍ أكتوبريٍّ غيداق!
    كان أكتوبر في أمّتنا منذ الأزل!
    عبارةٌ مكتنزة بالمعاني والرؤى العميقة، وبعاطفةٍ فيّاضة يلمسُها من عاش أيام أكتوبر، أو أيام الانتفاضة، ورأى كيف "سالت مشاعرُ الناس جداولَ" من المحبّة والطّيبة والتّوق إلى عالمٍ مزدانٍ بالقيم الإنسانية الرفيعة!
    ولكن!
    إحباطٌ مُدوٍّ!
    ونحنُ نعلم أنّ "أكتوبر" قد وُئدَ كما وُئدت من بعده الانتفاضة!
    وقبل ذلك: وُئدتِ تلك الآمالُ الكبيرةُ، الّتي طالما أسالت المدامع!
    نعم، وفي ظلّ مجتمعٍ رأسماليٍّ، تسود فيه القيم المادية، استحالت تلك الأمنياتُ العذبة في صدورنا إلى مجرّد تطلُّع لإحراز لقبٍ اجتماعيٍّ مرموق: أستاذ أو باشمهندس أو دكتور أو... أو حتّى أبو شنب (هههههههههه)! المُهم أن تثبت وجودك في المجتمع.
    فذلك يكفي في سدّ الجوعة المعنويّة! أمّا وشوشاتُ الضمير ونداءاتُ أعماقه البعيدة، فستستحيل إلى آهاتٍ عميقة تحكي آلام الفشل الذّريع، ولسوف تُمجِّدُها وتُحيي ذكراها أغنياتٌ حزينة:
    وذكرياتنا مهما كانت برضو ترديده بألم
    كيف بدت كيف انتهت واتبدّدت قُبَّال أوانها وكيف أمانينا الجميلة حلّت الآهات مكانها
    وكأنّي بخليل فرح، يختصر هذه المعاني في كلماتٍ قلائل:
    في سموم الصيف لاح له بارق لم يزل يرتاد المشارق
    كان مع الأحباب نجمه شارق ماله والأفلاك في الظلام!؟
    وكأنّ سيف الدين الدسوقي وإبراهيم عوض، في رائعتهما "المصير"، إنّما يسجلان اللحظات التاريخية التي حدث عندها ذلك الانكسار:
    ليه بنهرب من مصيرنا، ونقضى أيامنا في عذاب!؟
    ........................
    كنا فى ماضينا قوة تتحدى الصعاب! نقطع الليل المخيم ونمشى فى القفر اليباب!
    كنا للناس رمز طيبة وكنا عنوان الشباب!
    ورغم ما في الأغنية من روح التفاؤل المخيّم، لكنّ آهاتِ إبراهيم عوض، المنبعثة من أدائه الصَّادق، تكشف عن النّتيجة المأساويّة التي انتهى إليها ذلك الحبُّ، وذلك المشروع الّذي كان يحمله الحبيبان!
    وعموماً، بناءً على أنّ الطبيعةَ ترفضُ الفراغ والسّكون، فإنّنا سنلجأ إلى القيام بنشاطاتٍ تعويضيّة، فبالإضافة إلى سماع الأغنيات الجميلة، الّتي تذكّرنا بذلك الحلم، نُتابع الرّياضة المحلية أو العالمية، ولا بأس في شيء من الاهتمام بالشّأن السياسيّ الداخليّ أو الخارجيّ، فذلك على الأقل سيُتيح لنا التّنفيس عن ذاك الغبن المكنون، حيث نقوم بتوجيهِ زفراتٍ حارقةٍ من رصيد الإحباط المخزون نحو الآخرين سواءٌ كانوا أفراداً أو أحزاباً أو أنظمة سياسيةً!
    لقد كان فشلاً ذريعاً وإحباطاً مدوِّياً، سُمعت أصداؤه في طوايا الأنفس وأعماقها البعيدة، كما تردّدت أصداؤه في أركان نظامنا السياسي والاجتماعيّ، ليلحقَ جيلُنا بجيل الدكتور منصور خالد وصفوتِهِ التي أدمنت الفشل، والتي بعد بضع سنواتٍ من ثورة أكتوبر الشّعبية قامت بصناعة نظام مايو 1969م، ثمّ بعد بضع سنواتٍ من انتفاضة مارس أبريل، قامت بصناعة نظام يونيو 1989م.
    فالفشل هو الثمرةُ الطبيعية والحصاد المرّ، الّذي نجنيه في غياب ثقافة حيَّة، تستوعبُ تلك الطاقة الإنسانية الفطرية، وتوظّف العلوم والتجارب الإنسانية المعاصرة، لخدمة الإنسان فرداً أو مجتمعاً!

    (عدل بواسطة الحاج حمد الحاج on 07-13-2009, 08:24 AM)

                  

07-13-2009, 08:56 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    الأخ صلاح عباس فقيري يواصل خواطره حول الحب والإيمان والغناء والقرآن : الحلقة الثانية
    الفقرة الثانية
    Quote: الإسلام!
    وفي يقيني أنّ الرؤية الإسلامية تمدُّنا بالعناصر الكافية لبناء تلك الثقافة الإنسانية الحيّة، لأنها:
    أولاً: تعترف بذلك الينبوع الإنسانيِّ الفطري، وتحتفل بتلك الأشواق والآمال، وترسم لها طريقاً يُعين على تحقُّقها.
    ثانياً: تهتمُّ بعملية تحريك هذه الطاقة وتوليدها واستجاشتها من خلال الاستغراق في التّأمّل والذّكر والعبادةِ التي تحرّك ذلك المخزون العاطفي.
    ثالثاً: تُوجِّه إلى تجسيد تلك الطاقة في أعمالٍ إنسانيّة: تأمّل في قوله تعالى: ((ولا تستوي الحسنة ولا السيئة، ادفع بالتي هي أحسن، فإذا الذي بينك وبينه عداوة كأنه وليٌّ حميم))، وانظر إلى قوله -صلى الله عليه وسلم-: (واللهِ، لا يؤمنُ من باتَ شبعانَ وجاره جائع، وهو يعلم به)، ... الخ.
    رابعاً: لا تَحجر على الرؤى والأفكار الأخرى، بل تدعو إلى العلم والبحث والتّحقيق، وكما قيل: فالحكمة "ضالَّة المؤمن، أنَّى وجدها فهو أحقُّ الناس بها"!
    خامساً: تعمل على تحقيق أهدافها من خلال إثارة الاقتناع بها في نفوس المتّبِعينَ، وليس على سبيل الفرض والإملاء، ولذلك كانت الأعمالُ عند الله -عزّ وجلّ- لا تُقبلُ إلا بالنّيّات، يعني بأن يتعمّق إيمانُ العامل بها في نفسه أولاً.
    أصداء الفشل!
    وفي غياب الدّور الّذي كان ينبغي أن يقوم به (المثقّفونَ) من أجل توظيف تلك الطاقة الإنسانيّة الخيِّرَة وتحويلها إلى فكرة واقعيّةٍ قابلة للتّجسد؛ وجد أهلُ الفنّ والغناء أنفسهم في مقام الأساتذة ومرشدي الأمّة.
    وكما كان للغناءِ (يدٌ بيضاء) في الاحتفاء بتلك الطاقة الإنسانيّة الخيِّرة في بعض الأغنيات الجميلة، كذلك كان له الفضلُ في "احتضان بعض النّاجين من المجزرة الإنسانية الكبيرة"، من المُحبّين الصادقين، الّذين حماهم حبُّهم من الوقوع في تلك الهُوّة المادّية السّحيقة، فبقوا وبقيت جذوة تلك العاطفة الإنسانيّة فيهم متَّقدةً، ولكن بعد إبطال مفعولها الكلي، وحبسها داخل سجن الحياة العاطفية بين حبيبين، يعتبرُ أحدُهما الآخرَ غايته ومراده في الحياة، ليس لهما من غايةٍ وراء ذلك، أو كما قال أبوداود:
    مشاكلي بسيطة بالريدة بتُحلّ..
    إذن، بعد أن كانت تلك العاطفةُ الكبيرة، تدور في فلكٍ إنسانيّ رحب، تمّ اختزالُها في إطار "الرؤية الغنائية السائدة"، لتدور حول كوكب المرأة خاصّة، تعبيراً عن حبّها وما جعله الله فيها من الصفات المعنوية والجمالية.
    وبعد ما كان الحبُّ زاداً في طريق تحقيق تلك الأمنيات والأهداف الإنسانية الكبيرة، كما غنّى محمد الأمين من كلمات أبو آمنة حامد:
    في عيونُه فاض شوقن هتن لي حبّه للناس للوطن ما غيّرت ريدتُه السّنين وما بدّل إحساسُه الزّمن
    وشفنا المشاعر الحلوة في ساحاتنا بالآمال مشن
    صار الحبُّ هدفاً مطلوباً لذاته، وعملاً أنانيّاً، وبسبب ذلك صار أحدُ الحبيبين ساديّاً والآخر نرجسيّاً، وهذا واقعٌ تُعبّر عنه كثيرٌ من الأغنيات العاطفيّة، ومن ذلك ما غنّاه زيدان:
    ليه كل العذاب ليه كل الألم بزرع في المحبة وحصادي العشم
    .....
    الدرب المشيتو مشيتو عشانك عذب وزيد عذابك يا سلطان زمانك
    .....
    لو تعرف يا ظالم بحبك قدر إيه بحبك -والله عالم- ده حب احترت فيه
    .....
    قالو البهوى دايماً يا ما يشوف كتير وشفت غلاوتي عندك وحبّيت الألم
    البرتكان والرمان
    وفي غضون هذه الرؤية الغنائية السائدة، عكفت معظمُ الأغاني على دغدغة أحاسيس الشّباب ومشاعرهم! واستثارة عاطفة الحُبّ الفطريّة في نفوسهم البريَّة، واستلابها استلاباً غَرَزيّاً شهوانيّاً، من خلال التّنويه بجمال المرأة ومحاسنها ومفاتنها، وبالتّالي الحضّ والحثُّ على النَّظر إليها من أجل الاستمتاع بذلك الجمال.
    وهذه بعض النماذج:

    ففي عصر حقيبة الفنِّ (الخالدة)، كتب الشاعر سيد عبد العزيز:
    حاول يخفي نفسو شفناهُ شفناهُ وهل يخفَى القمر في سماهُ!
    وفي سبب نزول الوحي والإلهام، بهذه الأغنية، تحكي الرواية أنّ الشاعر ورفاقه كانوا مارّين في إحدى حواري أمدرمان، فوجدوا إحداهنّ تريد دفق "موية البلاعة"، فلما رأتهم دعاها حياؤها إلى الاستخفاء، ولكن...
    وفي الأغنية المشهورة: (اذكري أيام صفانا)، يقول الشّاعر محمد بشير عتيق متوسّلاً:
    يا أمير الحسن يا سامي المكانة أهدي لي تفاحة بس أو برتكانة
    فهي غير شك مرضية بيها أقتبس الضياء بل أذوق طعم الحياة!
    وأيضاً، من أغاني الحقيبة (الخالدة):
    الزمان زمانك أهدى لي من فضلك نظرة فى رمَّانك يا الفريد فى عصرك
    ثمّ إذا تقدّمنا خطوةً إلى الأمام، نجد وردي في (القمر بوبا) يُسهم في بناء هذه الرؤية، بشحنةٍ من الأوصاف الحسية، والمعاني الدائرة حول فلك المرأة وجسدها.
    ويخرق سمعنا كذلك نداء الأستاذ محمد الأمين:
    يا مُعاين من الشباك يا أحلى زول شفناك أرحم قلوبنا معاك...
    هذه بعض النماذج التي أريد من خلالها أن أؤكد فقط على أنّ الرؤية الغنائية السائدة التي يتلقّاها المتلقِّي، باتت تدور حول المرأة عموماً، ابتداءً من تقرير معاني الحبّ العذري العفيف، إلى إظهار مجرد الإعجاب والاستمتاع بجمال المرأة والرَّغبة في الغَرف من مَعين هذا الجمال نظراً فقط، كما قال:
    أنا ما بقطف زهورك بس بعاين بعيوني!
    أو أكثر من النَّظر، كما حدث يوم القبلة السكرى، ويوم الجمعة في شمبات.
    بل: وعبادةً ورسالةً في الحياة: كما غنّى رمضان حسن:
    حبّك مُنيتي وفرضي وسنّتي ناري وجنّتي
    وكما كاد حسين بازرعة أن يفعل:
    يا حبيبة بجمالك أنا مغرم والجحيم من فراقك ليّ أرحم
    يا حبيبة، لولا ربي وجهنم لعبدتك وسجدت بين يديك!
    وكما نادى المنادي: البعبده وين!
    إذن، فذلك الحبّ الذي كان ينبغي أن تسموَ به الحياةُ وترقَى، أصبح سجناً لإنسانية الإنسان، وقضاءً على استقلاله الذّاتي! حيث يرهن أغلى ما يملك ويجعله تحت رحمة إنسانٍ مثله، كما يُقرّر إدريس جماع وسيد خليفة "في ربيع الحب":
    ليس لى غير ابتساماتك من زاد وخمر بسمة منك تشع النور فى ظلمات دهري
    وتعيد الماء والأزهار فى صحراء عمري
    وكما يحكي سيف الدسوقي والجابري:
    وصرت بعدك يا حبيبى ذرة فى بحر الزمن بعت للآلام مواهبي بعتها بأبخس تمن
    فكان أن تسرَّبت كلّ هذه المعاني والقيم السلبية عبر هذه الرؤية الغنائية, ونتج عنها ما أصاب مجتمعنا من مظاهر التفسُّخ الخُلقي والسُّلوكيّ!
    نعم ثمَّةَ عوامل أخرى أودت بأخلاقنا وقيمنا: عوامل سياسية واقتصادية واجتماعية، ولكنَّ أخطرها على الإطلاق هو هذا الذي يتسلَّل خِلسةً, وعبر النَّغمةِ الجميلةِ إلى طوايا نفسك، منتهزاً لحظةَ ضعفٍ أو قهرٍ, لِيَدُسَّ في تربة القلب بذور اللامبالاة بالأخلاق والقيم!!
    بل كلُّ نظامٍ سياسيٍّ، إنّما كان انبثاقُه من قلب هذا المجتمع الّذي تربّى بهذه القيم! فهو وليدُه الشّرعيُّ!
                  

07-13-2009, 09:20 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    انت ياحاج وكت بتلعب باصات زى دى مدربكم المسكين دا أمبارح ماكان يجيبك بدل المرضانين ديل؟

    قال فريق الصفوة قال .... هيييييع زى مابيقول بانقا وهو ذاتو مريخابى الليلة بيكون لابد ساكت زى واحد أخونا لسة ماظهر ...
                  

07-13-2009, 10:07 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    الأخ صلاح عباس فقيري يواصل خواطره حول الحب والإيمان والغناء والقرآن : الحلقة الثانية
    الفقرة الثالثة
    Quote: ماذا علينا إذا نظرنا؟!

    إنّ القاعدة التي تقوم عليها هذه الرؤية الغنائية السّائدة كما رأينا، تتمثّل في النّظر والدّعوة إلى النَّظر إلى المرأة الجميلة، إذ إنّ هذا النظر هو السبيل لمعرفة مفاتنها ومحاسنها الحسّية!
    أو كما تساءل إدريس جمّاع مستنكراً:
    أعلى الجمال تغارُ منّا ماذا علينا إذا نظرنا؟!
    والواقع: إنّ النّاظر للمرأة الجميلة، يشعُر من وراء ذلك بلذّةٍ معنويّة، ومن وراء اللّذة المعنوية برغبةٍ في الوصل خفيّة، عبر نظرةٍ خائنة أو قبلة ماجنة أو ... الخ.
    هذا هو السّياق الطبيعيّ، ولا يحولُ دون تحقيقهِ إلا اعتباراتٌ أخرى كالخوف من رقابة الآخرين، أو كونُ الناظر منشغلاً بأمرٍ آخر، أو خشيتُُه من أن يَصفع خدّه كفٌّ صاعق، أو لأنه استهلك كلَّ رصيده الحِسِّيّ الفطري، ولم يعُد يُحرّكه مجرّدُ النَّظر ... الخ.
    اعتباراتٌ واقعية كثيرة جداً تحول دون هذا السبب ونتيجته الطبيعية! ولكنّها لا تمنع من التقاط صورةٍ، يتمّ حفظها في خلايا الذاكرة، ليُعادَ عرضُها لاحقا، في لحظات خلوة وفراغ!
    لذلك نلحظ أنّ الإسلام يتعامل مع هذا الأمر تعاملاً واقعيّاً وحازماً، يتمُّ توجيه المؤمن من خلاله إلى أن يغُضَّ بصره عند وُقوع أشعته على امرأة أجنبية؛ خشية أن يؤديَ ذلك إلى الوقوع في أسر الشهوة المستبدَّة، وبالتالي: خطر الاعتداء على حقّ الفرد أو على حقِّ المجتمع، ... فليغضّ بصره ابتداءً، ويحمي نفسه من الآلام والهموم والغموم التي طالما شكا منها الشعراء والمغنّون، والتي إنَّما تسبّبت ابتداءً عن النَّظر!
    ولنذكر قول الشاعر الحكيم:
    كم نظرةٍ فعلت بقلب صاحبها فعلَ السِّهام بلا قوسٍ ولا وترٍ
    يُسَرُّ ناظرُه ما ضلَّ خاطرُه، لا مرحباً بسرورٍ عاد بالضّررِ
    حقَّاً: لا مرحباً بسرورٍ عاد بالضرر، هكذا يُقرر "المنطق" أو العقل، ولكن هل تستجيب العاطفة أو القلب؟!
    تستجيبُ إذا تمّ استقطابها وتدويرُها حول محور الإيمان بالله عزَّ وجلَّ، عبر الصَّلوات والأذكار!
    بقيت الحلقة الأخيرة!
    صلاح عبّاس
    المدينة 13\7\2009م

    الأخ صلاح لبعض المشغوليات سوف أعود للتعليق بعد قراءة متأنية..شكرا لك
                  

07-13-2009, 10:28 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    رسالة من الأخ وليد عبد اللطيف بعنوان الشواية (وليد دا داير يجيب لينا هوا سخن زي ما بقولو العساكر):
    Quote: الشوّاية :-
    في يوم مع نهاية المغارب وبداية الليل دخلت الحلة فوجدت من بعيد دخان متصاعد فشّمرت وزدت السرعة واقول الطف يارب وعند وصولي لقيت الدخان ممزوج بروائح جميلة تعطر سماء الشعبية فضحكت بيني وبين نفسي وقلت المغتربين ليهم الله وعيشت السوق ومثل هذه المناظر محرومين منها صراحة وجدت الجو مكندك بالدخاخين والنجوم بدت تطلع تلالي وتلمع والملائكة مجتمعة لتوزيع الاجور والثواب فسألت الشباب الحاصل شنو قالوا والله نحن كل يوم في جنس ده وفلانه دي بالزات من الليل يدخل دي الحالة عشان كده مُسمنها الشوّاية فقلت ليهم
    دخان ام رشيم عاقباهو خُمرُو وطيبو
    جنب الحفرة جيت راجيها تقضي تسيبو
    الخلى العشوق من بوخها دارو طبيبو
    توب القرمصيص في جوفي سوه دبيبو

    الشباب ما فهموني لانهم لم يشوفوا دنيا اي لسع ما غنوا ليهم ياعديلة يابيضاء ويا ملايكة سيري معاه وهذه صراحة دنيا اخري وقيل ما قيل بها وكتب ما كتب فيها من اهلنا الزمان عن حفرة الدخان وفوائدها اتاري زمان حريم الحلة لما يشاكلوا (حسن الفحامي ) طلحك وشافك مسوس وما عارف شنو وشنو لكن والله معاهم حق .وحفرة الدخان توجد في كل بيوتنا اذا كانت في المدينة او الارياف وهذا مايميز النساء السودانيات عن باقي النساء في الدول العربية اي كل العالم وانا في نظري النساء السودانيات من افضل النساء بِرًا بأزواجهم يتحملون النار لكي يسعدوا ازواجهم بالساونة المجانية (حفرة الدخان ) والجيه في الهواء الطلق وعندما يبرد الليل (ستار ياليل ) فتحول الجسم الابيض الى مُصفر اي مُذهب والجسم الاسمر الى كاكاويا فيصبح الجسم مجلي ورائحتة طيبة .
    وزمان قبل فيضان ستة واربعبين الذي تغنى له (مبارك حسن بركات ) فنان الحقيبة عندما قال مخاطبا البحر وزعلان(كشفت العرائس ) كتب (ود المجذوب )قصيدتة المشهورة عن حفرة الدخان وقال
    وحفرة بدخان الطلح فاغنة === تندي الروادف تلوينا وتعطيرا
    لمحت فيه وما امعنت عارية === تخفي وتظهر مثل النجم مزعورا
    مدت بنانا به الحناء يانعة === ترد ثوبا الى النهدين محسورا
    قد لفها العطر لف الغيم منتشرا=== بدر الدجى وروى عن نورها نورا
    يزيد صفرتها لمعا وجدتها === صقلا وناهدها المشدود تدويرا

    الله يجازيك يا (ود المجذوب ) يعني المغتربين لازم يمشوا السودان عشان يشوفوا المنظر الجميل ده والقصيدة طويلة وهاكم دي كمان بتقول
    تبنت حفرتها السمحة جات تتدخّن
    اوقدت الطلح جاب بوخوا عكلت وسخّن
    ونادت صاحبتها قعدن يمين ما نخّن
    وبعد البوخه عجنن دلكتهن واتلخَن

    اقعد ساكت ياشمس الدين الكلام ده مهداه للاستاذ فيصل عبد الله محمود وديل زياده هاك
    تبنت حفرتها زيرا قديم وممتّن
    اوقدت الطلح بوخاتو للحيل بتّن
    ونادت صاحبتها ملصن دهوبن وختَن
    وبعد البوخة جرن التياب اتغتّن

    الله يديها العافية الشواية ويسعدها في حياتها اذا عبقت وعطرت سماء الشعبية بالروائح الجميلة وترد لها الروح عندما تحس انها قد تموت عطشا .
    قلت لي اخوي يا عبدون شمس الدين ماشي السودان في الضحية بس لو مشى حلت ناس (الشواية )قول ليهو اعمل حسابك الاولاد الهناك صغار وما عارفين حاجة وما فاهمين الحاصل شنو . ودي عشان خاطرك ياشمس بتقول
    دخان ام رشيم عاقباهو خُمرة ضُفرة
    زي كلب القنيص راجيها جنب الحفرة
    السبب البخلي الزول ينوم في الضُفرة
    توب القرمصيص ياهو البفك الشفرة

    والله ناسنا القدام عليهم حكم الدنيا ودي من عاداتنا وتراثنا الجميل والموضوع اي القصة طويلة عٍِلا شايف (ود حمد ) بأشر لي وهو يعلم بأني محمي من امريكا و بواسطة (ود الدكتور) والله ياجماعة الشعبية بقدر ما بها اشياء تحزن ولكن بها اشياء جميلة ورائعة وتفرح وللقصة بقية نتمها وللا. لا .
    ملحوظة
    قالوا المغتربين اكتشفوا ليهم حاجة اسمها الرحالة (حفرة دخان متحركة )

    ودمتم ....... وليد عبد اللطيف
                  

07-13-2009, 01:39 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    هو ياوليد انت قايل زولك عنده حيل لى دا .. ياخى دا ماشى يشوف الاولاد نجحوا ولا الامتحانات لسة وبالمرة يمشى يقيف على البيت الفى الوادى الاخضر مع البنايين ويجى آخر اليوم مغبش ومليان تراب ويصلى العشاء وعيك حصلونى بكرة الصباح ...

    أها وبالطريقة دى زوغان لما الاجازة ذاتها ياخوى وليد تزوغ وجرى على المطار .. الزول دا بيقولوا ليهو تعال المطار الساعة أربعة يقوم يمشى من الساعة تمانية صباحا ..
                  

07-13-2009, 01:44 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    طيب سؤال تانى والجايزة كارو موديل 2009 ..

    فى اى من فرق الرابطة لعب مكى حمد وماهى الخانة التى لعب فيها ...

    الحاج حمد ممنوع من الدخول هنا وبعدين انا شايف ناس سمير والمفك فى الحيطة هناك .. تعالوا لينا بالباب بتاع الحاج حمد وعنوانه موجود ..

    محمد حسن التريبيل ممكن تشارك خاصة انك قبل كدة كسبان كارو وعارفك مشيت بعتها لى أبو على وعملت مشكلة فى قهوة غلطان لأنو ابو على طوالى جا قدم استقالته من القهوة وقال عايز يبقى رجل اعمال ..
                  

07-13-2009, 02:03 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    فيصل عبد الله فى كلام كلو حنية وعواطف قوية .. الله يديك العافية يافيصل
    Quote:
    الاخ (آبدون ) سوري عبدون

    العقد الفريد ابناء وبنات الشعبية
    السلام عليكم ورحمة الله وبركاته

    اخي عبدون اسمح لى أن ابدأ هذه المرة بالاخ وليد الاخ وليد عبد اللطيف معاه حق فيما قال وفى الاخر عذرنى لانه سبق ان نسي بعض الاشخاص الذين كان لهم القدح المعلى فى تكوين فرق الشعبية وكما قال جل من لا ينسى ومن ضمن الاشخاص شخصى الضعيف وكذلك الاخ حمد النيل سليمان وهو ايضا من مؤسسي فريق الصداقة زمن ناس جحر والمفك وعلى سيوده وعبد المنعم بين وكباشى وهلم جرا طبعا لايسع المجال لذكرهم وهذا مثال بسيط اخى وليد الاخ عماد ايضا يمكن لا يذكرنى او يمكن لا يذكر لاعبي فريق الصداقة احب اعرفك الشخص الذى يذكر تماما هو ( البوب) المستشار حسن طه بالنسبة للاخ عماد طبعا الاخ هاشم السمكة هو ابن عمه وقد تلقى تعليمه بالخرطوم القديمة وحيث انه كان الدفعة الوراي قد يجوز انه يعلم اننى كنت من ضمن لاعبي فريق الخرطوم القديمة مع الاخ قرن شطه والاخ احمد ادم والاخ ود الجاك لاعب القوز والذى كان الدفعة القدامنا بسنتين على ما اعتقد وكذلك لاعب النيل المعروف يوسف محمد يوسف ابو
    صلعة ) وهو موجود الان بجدة
    او قد يجوزالاخ عماد لا يذكر لاعبى الشعبية ولا حتى انت يا اخ وليد حيث ذكر الكثيرين لاعبى الشعبية ولكن لم يذكر اسمى ولا حتى حمد النيل ضمن لاعبي الصداقة وهناك ايضا كان فى شخص له صلة بالشعبية لعب من ضمن فريق الصداقة لم يذكر اسمه وهو الاخ ( موسى الجيو ) لاعب الزهرة المعروف وهو الان معنا بالرياض ايضا هذا الشخص لعب بالصداقة مع على سيوده وجحر وبله حسونه والعقد الفريد من ابناء الشعبية وهناك الاخ سلامه الصادق ويعلم تمام العلم لانه اقرب شخص لمنزلنا
    الاخ وليد والاخ عماد فعلا جل من لا ينسى ولكن رسالتك بعثت فينا الذكريات وجعلتنا نتلمس بعض الشىء من العهد الزاهر متمنيا لك التوفيق اخي وليد وارجو ان تستمر فى سردك الجميل
    الاخ حاج حمد والله فعلا الواحد لما يرجع للبوست وبالاخص للوراء يتذكر اشياء جميله جدا وما تنسى الشعبية انجبت ماشاء الله جيل مثقف ولا زالت تنجب والدليل على ذلك هولاء المتداخلين بالبوست من ابناء الشعبية ربنا يديم الود والمحبة بيننا ولك منى اجمل التحيايا والعرفان
    على فكرة لم يتطرق اى حد ولا حتى تعليق على ما سردته من الواقع الذى كنا نعيشه بالشعبية وذلك يدل على انه لا يوجد احد من الابنا والاخوان والاخوات حضر ذلك الزمن الزاهر الا القليل منهم والذى يكتفى فقط بالقراءة
    اخي عبدون صلاح دعاية كان بلعب فى الشعلة صاح انا ما قلت ليك الذاكرة خربت لكن فى بعض من اللاعبين بتتحول من فريق لفريق اخر هل تذكر منهم والله انا قدر ما حاولت اتذكر بعض الاخوان لم استطيع وبالاخص الجيل دا وقليل جدا من قابلتهم
    الاخ عماد ارجو ان تطل علينا مرة مرة من خلال بوست الشعبية لانه الشعبية برضه من بحرى وارجو ان تتحفنا بما توثقه لبحرى وارجو ان تعطى الشعبية حقها من التوثيق جزاك الله خيرا كما ارجو ان تبلغ تحياتنا للاخ محمد وزوجته اقبال وطبعا اول مرة اعرف انه اقبال شقيقتك والله ذى ما قلت تربطكم بزوجتى قرابه شديده بالتاكيد يا عماد نكون تقابلنا لكن طول المدة خربت الذاكرة متمنيا من الله ان يجمعنا فى ساعة خير وانشاء الله اذا حضرت لجدة سوف ازورك باذن الله وكذلك الحاج حمد ونتعرف على من بجدة من اهل النجمة انشاء الله
    وعلى فكرة كنت فى اجازة بدرى وحضرت حفل تخريج الاخ هاشم وكان بالفنان ترباس وعلى ما اعتقد وما متاكد تمام غنى فى الحفل الاخ المرحوم محمد عثمان نقد لو تذكره الله يرحمه كان صديق شخصى وحضرنا للمملكة انا وهو فى طائرة واحدة رحمه الله رحمة واسعة
    اخى عماد ارجو ان لا تنقطع ولك منى الف تحية ودام الود بيننا كما يحلو للاخ العزيز سعادة المستشار (ابو محمد فؤاد ) الذى كان له الفضل بعد الله سبحانه وتعالى فى ان يجمعنى بالبوب ومن ثم بالاخوان ببوست الشعبية وان كان مرة مرة نشوف تعليقاته ببوست الشعبية
    لك منى الف تحية اخى عبد الكريم
    الاخ الدكتور ( امير قناوى ) بالنسبة للوالد هذه حقيقة ولقد عاصرنا عهده الزاهر. بالنسبة لمنطقة بدين احب ان اديك معلومه اول شخص قابلته من منطقة بدين بجدة واستضافى لانة يمت بصلة قرابة اى نسب لاهل زوجتى هو العم ( على قورتى )وكذلك عباس قورتى وعبد الكريم قورتى رحمهم الله رحمة واسعة هولاء الناس من بدين وصلة القرابة هى ( عباس قورتى ) متزوج بنت عمة زوجتى وهي شقيقة البروفيسور محمد سعيد محمد على الملقب ب( حربي ) وهو الان مدير المواصفات والقاييس بالسودان وعبد الكريم قورتى متزوج بنت على قورتى
    ما عارف بتعرف الناس ديل ولا يمكن تكون صغير وما مشيت البلد كتير شفت يا دكتور البوست دا عمل شنو وصل القريب وقرب البعيد
    حاج حمد دا الله يديهو العافية ويطول عمرة يارب ويكتر من اجره لانه دى صلة رحم والرسول (ص) وصى بصلة الرحم وايضا قال لا يدخل الجنة قاطع رحم ودا اجر طبعا صلة الرحم ما بالضرورة تكون بالزيارة انشاء الله عبر الهاتف ولا بالكتابة المهم تكون وصلت وربنا يديم المحبة والالفة بيننا وبين ابناء الحوش وبرة الحوش.ولنا لقاء
    اخونا شمس وينك مشيت السودان ولا شالتك نومه يظهر كدا لانة الافتتاحية برضه اخده حاج حمد مما يدل على سرحانك ولا نومتك ارجو ان تظهر ولا حاج حمد المرة دى عمل خيانه وصحبك يشد من اذره وصحبك يعافر داير ليه طريقة لكن انت وحاج حمد ما اديتوه فرصة عليكم الله حنو عليه مرة وخلوه يتنفس حبه لك تحياتى
    اخونا الفاضل ياسين وينك مسجل غياب وين اسئلتك
    الابنة ستنا كيفك ذى ما قال اخونا وليد مشغولة مع الاضراس ولا شنو على فكرة قربنا خلاص لعمل الطقم انشاء الله تكونى متمرسة فى عمل الطقوم ولا بس شغالة مع قلع الاضراس ولك اجمل التحايا ولاسرتك الكريمة ولنا لقاء انشاء الله
    برضه يا وليد من العقد الفريد والقلبه على الشعبية الاخ منير الله يديهو العافية وهو من الاسماء التى سقطت سهوا وما خفى اعظم
    لك التحية اخى منير وارجو المعذرة
    وين الحاج عبد الوهاب حبة كليمات وخلاص والله ذى ما قال الدكتور امير حكاية النت فى السودان صعبة والله حكاية لك التحايا اخى عبد الوهاب ولمن بالشعبية من الجيل الزاهر
    اظن اطلت الحديث وارجو ان لا اكون قد اثقلت
    لكم جميعا عقدى الفريد ابناء وبنات الشعبية التحية والمحبة ودمتم فى رعاية الله وحفظه
    والسلام ختام
    اخوكم / فيصل عبد الله محمود



    طبعا يافيصل أشهر من انتقل من فريق لفريق فى الرابطة كان جيمس عبد المنعم بين حيث انتقل من الصداقة للصديق كحارس مرمى وتعملق كما لم يتعملق من قبل ثم برضو حامد رحال الذى انتقل من الشعلة للصديق وبرضو لقى من الشهرة مالم يجدها فى اى مكان آخر ..

    أها ياحاج حمد ضيف للقائمة دى من عندك ..

    وبرضو يافيصل لو متذكر عبد الحميد كباشى أظنو وقتها كان انتقل من فريق من فرق الدناقلة للصداقة فى الشعبية ..
                  

07-13-2009, 09:53 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)



    كتب الاستاذ:فيصل


    Quote: اخونا الفاضل ياسين وينك مسجل غياب وين اسئلتك


    تسلم يا استاذنا،الذاكره،ماشاءالله،درر من عبق وذكريات الشعبيه
    وشخوصها،تتناثر بين سيان قلمك الرائع للدهشه.
    اسئلتي،عديده في ماضي محبوبتنا الشعبيه،في الشق الرياضي
    من هم اول من كانوا في مجلس الرابطة،وتوزيعهم.
    في الشق الاخر،وابان نجاح حركة هاشم العطافي بدايات السبعينات
    احتفل عدد من الاباء بالحركه،وكانت احتفاليتهم مشهوره،اشارت
    اليها بعض المصادر،من هم واين كان.
    اجتماعيا،فترتكم كانت خصبة،بالاحتفال بالزيجات،ليال طوال
    من بالذاكره،زيجته عالقة في مخيلتكم.
    بالشخوص نقدر نلامس جزء من ماضي جميل،وتنير جانبا مهما
    للاجيال القادمه.

    ودمتم استاذنا.
                  

07-13-2009, 10:20 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الفاضل يسن عثمان)



    خالد درق:


    Quote: الحمدالله الوالدة بخير وخرجت من المستشفى واشكر كل من اتصل واطمناء على صحتها



    تمنياتي يا خالد،بدوام الصحة والعافية للوالدة الغاليه
    ويمتعها بالشفاء وموفؤر السلامه. ويجعلك بارا كما عهدناك بها.

    سوف اعود بالتعقيب علي خواطر صلاح عباس،التي اثارت الشجون
    واحيه علي سلاسة اسلوبه.

    دمتم
                  

07-14-2009, 04:53 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الفاضل يسن عثمان)

    صباح الخير على الجميع وشكرا ياوليد على المهاتفة خفيفة الظل ..

    أها زى ماقلت ليك عزام دا طول ماعمل لينا شىء كارب كدة بس يجى يعاين ويمشى ودايرينه يقلع مراكيبه ويقعد ويشرب القهوة هنا معانا ...
                  

07-14-2009, 05:48 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    تمنياتنا يا خالد للوالدة بدوام الصحة والعافية.... طمنا

    تحياتنا لها ولجميع افراد الاسرة
                  

07-14-2009, 10:44 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: حسن طه محمد)

    عزام عليك الله شوف الكومر داك مالو اظنه وحلان ...
                  

07-14-2009, 12:12 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    رسالة شكر من الأخ مجدي نقد و الأسرة:
    Quote: الإخوة رواد بوست الشعبية



    بارك الله فيكم وجزأكم عنا ألف خير على مواساتكم لنا في وفاة المرحومة( نفرين نقد), وأدعو الله أن يتقبلها و أن يغفر لها ويرحمها ويسكنها فسيح جناته مع الصديقين والشهداء والصالحين....... و اسأله عز وجل أن لا يريكم مكروهاً في عزيز لديكم ،،،،،



    مجدي نقد و الأسرة ,,,,
                  

07-14-2009, 01:10 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    رسالة من الأخ وليد عبد اللطيف:
    Quote: كتب عابدون محمد عابدون

    طيب سؤال تانى والجايزة كارو موديل 2009 ..

    فى اى من فرق الرابطة لعب مكى حمد وماهى الخانة التى لعب فيها ...

    ياود عبدون سبق وكتبت عن هذا اللاعب (مكي حمد ) تعرف ناس زمان ديل قصة وانا شفته في ايامه الاخير هذا اللاعب وما سبق حكاوي لاتكذبها الاذن وعشان كده استفاد منه (حاج حمد ) كثيرا في مسيرته الكروية بالحي ياخي ديل ليهم قصة وقصة جميلة مع منقستو (سيل توثنامي ) وكل ما يجتمع العواجيز يحكون عنها والله تضحك تضحك ولما تضحك كدى الناس بعد ما تعرف الاجابة بحكي ليكم القصة .
    تعرف اخي عابدون وجدت الاستاذ محمد حسن التربيل عنده ذاكرة ما شاء الله عليها وممكن الناس تسفيد منه كثيرا في التوثيق لمنطقة الشعبية . التقول كان واضع سريره تحت حيطة محطة المواصلات ياخي ده الونسة متذكرها . تحياتي له وتحياتي للاخ جمال حسن التريبيل .
    فيصل عبدالله محمود استاذنا

    بالله ياريت لو تسجل رقم تلفونك وشكرا على المعلومات القيمة واكيد ابن الوز عوام
    ود حمد
    تعرف لو في المريخ كان في لعيبة زي ناس مكي حمد ومنقستو والعجب ماكان فضحونا كده اليوم الهلالاب والمريخاب بالكورة العشوائية والله يصلح الحال .
    ودمتم ............ وليد عبد اللطيف
                  

07-14-2009, 01:39 PM

Mubarak kunna
<aMubarak kunna
تاريخ التسجيل: 11-14-2006
مجموع المشاركات: 499

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    Quote: . بالنسبة لمنطقة بدين احب ان اديك معلومه
    اول شخص قابلته من منطقة بدين بجدة واستضافى
    لانة يمت بصلة قرابة اى نسب لاهل زوجتى
    هو العم ( على قورتى )وكذلك عباس قورتى وعبد الكريم قورتى رحمهم الله رحمة واسعة
    وعبد الكريم قورتى متزوج بنت على قورتى




    الكريم

    فيصل عبد الله محمود

    الناس ديل اهلى تب

    وللمعلوميه عندهم ابن عمهم ويدعى
    انور محمد على قورتى من سكان الشعبيه

    وتحياتى الى الفاتح عبدالمجيدقورتى
    ومصطفى الاخ الاصغر للمرحوم عبدالكريم

    مبارك كنه
                  

07-14-2009, 02:00 PM

Mubarak kunna
<aMubarak kunna
تاريخ التسجيل: 11-14-2006
مجموع المشاركات: 499

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    Quote:
    كان فى فريق ناشئين يعتبر نواه لتزويد فريق الصديق بالناشئين
    غير فريق الهلال بتاع الحلة والفريق دا كان مدربه المرحوم حسن صالح
    .. السؤال يامبارك وين كان الميدان اللى لعبوا فيهو هؤلاء الناشئين
    ومن هم فى ذلك الوقت ... ممكن يامبارك تستعين بى عم هناى داك عشان
    الزمن داك اكيد كنت فى اللفة ..



    ابدون

    الاخ الاكبر

    والله انا فعلا كنت فى اللفه

    لكن بتذكر انوا فريق الهلال الميدان بتاعهم كان

    جوار منزلكم

    وبتذكر انوا مدثر شقيقي الاكبر كان من ضمن لعيبه فريق الهلال

    وبتذكر مدثر كان دفعه فيصل وكانت بينهم صداقه غير عاديه حتى

    صداقتهم امتدت الى الاسر

    بس الدنيا تجمع وتفرق والغربه هى الاسواء حال

    وتحيااااااااااتى للكريم فيصل




    اخوكم

    مبارك كنه




    السعال صعب
                  

07-14-2009, 03:58 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: Mubarak kunna)

    مبارك كيفنك والبركة الجيت ..

    أها الفريق اللى انا بقصده كان قبل فريق الهلال وكان اسمه اشبال الصديق وكان الميدان بتاعنا لما تطلع من بيتكم وتتجه شرقا عند المكوجى " اذا كان لسة موجود " يعنى بالضبط وانت جاى من عند بيت ناس باقرين متجه شمالا تجى لى اول صف بتاع بيوت واللى بيفتح شمالا ومن الجانب التانى بيوت عادية ماتابعة للشعبية وكان فيها " أم كدوس " مالك عايز تجيب لينا الهوا هسة شمس الدين يشم ريحة العرقى يجى جارى .. المهم كان فى ميدان صغير بين بيوت الشعبية والبيوت اللى بتفتح عليها ولو متذكر ناس عبد الغفار ومصطفى وعابدون واخوهم الصغير النقر بيوتهم كان بتفتح على الميدان الصغير دا وهسة على ما اعتقد اتبنت فيهو بيوت ..

    اها دا كان ميدان اشبال الصديق وكان المدرب حسن صالح هجان رحمة الله عليه وكان يشرف على التدريب برضو عبد الرحمن سيودة الله يمسيهو بالخير والعافية فى بعض الاحيان بإعتبار انه من لجنة فريق الصديق ...
                  

07-15-2009, 03:13 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    Quote: الاخ /عابدون تحيه طيبه



    الاخوان بالبوست الجميل اشواقى وسلامى الشديد



    الحمدالله عدت الى دبى بعد الاطمنان على صحته الوالده ومشكورين الاخوان الذين سالوا عن احوال الوالده ولهم كل الود



    الاخ مجدى نقد تقبل احره التعزي فى وفاة شقيقتكم وانا لله وانا اليه راجعون







    الاخ /حسن طه الحمدالله الوالده الحين بخير وكل الاسره بصحه ومبروك زواج الاخ ياسر . بس سوق الشعبية زاد سوء



    الاخوان بالبوست الشعبية بخير والناس طيبين وفيها الكثير من الود



    المستشار عبدالكريم ابو محمد فؤاد مشكور على الاتصال والاطمنان على الوالده



    خالد درق دبى



                  

07-15-2009, 05:42 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    Quote: بس سوق الشعبية زاد سوء


    خالد

    كلامك أعلاه صحيح 100%... بل أعتقد أن سوق الشعبية أصبح كارثة بكل المقاييس

    قمت بأخذ صور كثيرة للسوق والتي تؤكد سوء الحال.

    للأسف لم استطع انزالها بالبوست رغم الاستعانة بصديقي عزام.

    ساكرر المحاولة.

    هل تعلمون أن اكثر من 300 أو 400 شخص ( من الشماسة كما يسمونهم ) يأتون كل ليلة للمبيت في برندات السوق حسبما علمت من أكثر من شخص.

    بطبيعة الحال لا يغيب عن بالكم ما لذلك من تداعيات خطيرة.

    الكلام عن سوء الأحوال بالشعبية في كثير من المسائل يطول ويطول.

    والله المستعان.

    دمتم،،،
                  

07-15-2009, 05:54 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: حسن طه محمد)

    حمد الله على السلامة ياحسن وانشاء الله بيت مال وعيال لى ياسر ..

    أها بالنسبة للسوق المحلية عملت شنو عشان تحد من حكاية عدم الانضباط وانفلات المحلات يمينا وشمالا وكميات القاذورات .. أن انو الاخ سلامة كان يستطيع عمل شىء اذا تم لفت نظره لذلك ..
    انا بقول " اذا تم لفت نظره " ياحسن بإعتبار انو الناس اتعودت على هذه الاشياء وصارت جزء من الحياه العامة اليومية واصبحوا لايشعرون بمدى الانحدار الحاصل لكن المحلية برضو تشارك بنسبة كبيرة فى الحاصل بمنحها تصاريح ورخص ممارسة للاعمال بدون اى شروط وبدون تنظيم وحتى بدون مراجعة النظافة العامة ولفت نظرهم الى الاهتمام بها ثم موضوع الشماسة برضو دا موضوع لاعلاج له الا بمعالجة موضوع هؤلاء الشماشة من قبل الجهات الرسمية فى الدولة بإستيعابهم فى عجلة المجتمع وتوفير وظائف لهم والاهتمام بهم ..
                  

07-15-2009, 07:16 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    رسالة من الأخ وليد عبد اللطيف:
    Quote: ===============================================
    وأذبت الأسى في جمال الوجود ودحوت الفؤاد واحةً للنشيد
    والضياء والظلال والشَّذى والورود والهوى والشباب والمنى والحنان
    من أغنية الصباح الجديد
    =========================================

    ياود عباس فقيرى
    وانت الصباح الباكر وانت الغروب الباسم
    يديك العافية ياخوي وين ما تقبل يارائع والله متعتنا واتحفتنا بالجميل .
    سعادة المستشار حسن طه

    الف حمد الله على السلامة وهذه المقدمة تذكرني يوم زواجك من بنت العم محي الدين عندما غناها الفنان (محمد وري ) في حلة المارد (حمد الله الف على السلامة وبلا وانجلا )هل تذكرها بالله قوم بانزال صور العريس (ياسر طه )لكي نوثق له في بوست الشعبية
    الاخ خالد درق

    بالله كيف اخبارك واخبار الوالدة وبركة طبت وجيتنا طيب اهلا وسهلا بيك .

    استاذنا فيصل عبد الله
    سبق وذكرت اسم (موسى الجيو )مع (الحاج حمد) و(سمير جورج )وقلت ثلاثيتهم كانوا يلبسون مقاس كدارة واحد ومن الطرائف عندما تم تسجيل موسى الجيو في فريق الزهرة امدرمان وكان لازم يكون له كدارة ممتازة فدور في الحلة ولم يجد مقاسة ووجد الحل عند سمير جورج .والغريبة تذكرنا هذه الطرفة انا وسمير عند اجازتي عندما تذكرنا اخونا (موسى الجيو ) اللاعب الرشيق الفنان
    اخونا عبدون
    عرفت من اتصالي امس على شمس الدين انه الان بعمل في لياقات زي ما عارف الجري في السودان والتعب هناك ومتابعة عمال البناء في منزله زي مابتقول.
    اما عزام فرح الان جاري ما بين حلقة الخضار والبيت وانت تعلم بكرمه الحاتمي .وهو يعلم ماذا اقصد


    ودمتم .......... وليد عبد اللطيف
                  

07-15-2009, 09:12 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    Quote: وبلا وانجلا )هل تذكرها بالله


    أخي وليد

    وهل ينسي مثل هذا اليوم؟؟؟؟

    بدأها وردي ب " قلت أرحل " وانهاها ب " بلا وانجلي " وغناها مرتين مما دعا أحد أصدقائي القضاة في ذاك الوقت وهو مولانا الفاتح مهدي وكان أحد الحضور الي سؤالي وانا العريس جالس علي " الكوشة مع أم العيال حاليا " هل دي حفلة زواج ولا ليلة سياسية ؟؟

    ولا زماتن يا وليد..

    مع تحياتي لكم وللفنان الكبير وردي .

    أما صور العريس ياسر

    فحاولت انزالها وانزال صور السوق وناس السوق ولكن اكتشفت ان حجم الصور أكبر من الحجم المطلوب لتحميل الصور بالبوست.

    بعض المعالجات الفنية جارية لاتمكن من انزالها ان شاء الله.

    دمتم،،
                  

07-15-2009, 09:25 AM

عزالدين محمد عثمان
<aعزالدين محمد عثمان
تاريخ التسجيل: 07-13-2006
مجموع المشاركات: 1268

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    السلام للجميع
    ماشغلني عن البوست مرض عمي عبدالمجيد شقيق الوالد
    والذي انتقل الي الرفيق الاعلي
    يومالاثنين 13 يوليو بعد صراع طويل
    مع المرض... له الرحمه والمغفره ونسأل
    المولي عز وجل ان يتقبله مع الصديقين
    والشهداء وان يكرم نزله ويوسع قبره وان
    تكون الجنة مثواه وان يصبر العائله علي
    فقده فقد كان الركن الركين والذي يجمع
    الكل تحت جناحه..ونسال الله ان يجعلها
    اخر الاحزان وان لايريكم مكروه في عزيز لديكم

    إنا لله وإنا إليه راجعون ولا حول ولا قوة إلا بالله
    العلي العظيم
                  

07-15-2009, 10:08 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عزالدين محمد عثمان)

    الأخ عز الدين محمد عثمان

    البركة فيكم و أحسن الله عزاؤكم...للفقيد الرحمة و للأسرة الكريمة الصبر الجميل (انا لله و انا اليه راجعون)
    حسن طه:
    Quote: خالد

    كلامك أعلاه صحيح 100%... بل أعتقد أن سوق الشعبية أصبح كارثة بكل المقاييس

    قمت بأخذ صور كثيرة للسوق والتي تؤكد سوء الحال.

    للأسف لم استطع انزالها بالبوست رغم الاستعانة بصديقي عزام.

    أكيد حالة السوق حالة سيئة و الصور التالية تؤكد ذلك لحين عودة الأخ حسن طه و انزال الصور الجديدة



                  

07-15-2009, 10:17 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    رسالة من الدكتورة ستنا متطرقة فيها لقصة طريفة عن حناكيش الجامعة و ناس الشهادة العربية:
    Quote: بسم الله الرحمن الرحيم
    سلام الله عليكم
    تعازيٌ الحارة للاخوان االمهندس مجدي والاخ نقد وللاخوات العزيزات في وفاة شقيقتهم أدعو الله أن
    (يتقبلها ويغفر لها ويسكنها فسيح جناته مع الصديقين والشهداء(إنا لله وإنا اليه راجعون
    الاخ خالد درق حمدالله علي سلامة الوالدة وربنا يواليها بالعافية
    شكرا الاخوان فيصل و وليد علي السؤال فقد كنت مريضة في الايام الماضية والحمدلله هسي تمام يعني ما
    مشغوليات اضراس ياوليد ،أختك في البلد دي ست بيت بس، وحاضرين للطقم يافيصل ،كتب (عباس قورتي )متزوج بنت عمة زوجتي وهي شقيقة بروفيسر محمد سعيد حربيبعرف منهم فتحية سعيد بنتها عواطف معنا هنا بالدوحة لنا صلة قرابة مع والدها وزي ما قلت البوست وصل القريب وقرب البعيد
    تعليق علي كلامك يا وليد وناس شهادة عربية وحناكيش الجامعة ذكرتني موقف جميل جدا مع زميلة ،كنت من
    رواد المواصلات وكل اثنين عندنا محاضرة الساعة 7ص مع العميد ومواصلات الشعبية الصباح كانت صعبة جدا بحاول بقدر الامكان اكون مبكرة لكن مافي فايدة معظم السواقين ما كانوا بقيفوا للطلبة ماعارفة كنا مميزين
    بالنسبة ليهم (الكمساري والله يا معلم نحن سايقين فصل كرهونا المواصلات زاتو ونحن المعنين ساكتين ساي يعني كان بشوفوا شغلهم بالخسارة معانا)في مرة صادفت دفار قلت ما باليد حيلة نحاول نوصل قبل العميد وطبعا المحطة الرئيسية كانت أبو جنزيرمشيت سريع جدا للكلية وصلت في الزمن المناسب لكن نفسي كان مقطوع وإسترت مع العميد لأول مرة ،كنا معروفين لمعظم الدكاترة لأن الدفعة كانت بسيطة المهم بعد المحاضرة قعدنا مجموعة وكنا بنتونس ومن ضمن التعاليق جيتي البدري قلت ليهم لو وريتكم جيت بشنو حاتضحكو ياجماعة جيت بي دفار واحدة من الحناكيش الدفار ده شنو ؟عاينتة ليها قلت ليها انت جادة ولا بتهظري وهي تشيل وتحلف والله ما بعرفو قلت ليها صحي تشوفي وين بتجي بعربية مع السواق والمنشية ما أعتقد فيها الحاجات دي وما تحلفي مصدقاك وصفنا ليها الدفار ومعي زميلي قال لي في داعي تحرجينا قلت ليه دي معالم البلد لازم تعرفها ونص عمرك ضايع وكلام من النوع ده
    حمدالله علي السلامة لسعادة المستشار الاخ حسن ومبروك للاخ ياسر وبيت مال وعيال
    أضع قلمي مستأذنة لا مستغنية
    ودمتم جميعا
    اختكم ستناخضر

    الف حمدا على سلامة دكتورتنا و ربنا يمتعك دائما بالصحة و العافية..
                  

07-15-2009, 10:58 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)


    التعازي القلبية الحارة للاخوة عزالدين ومجدي ونقد وخوانهم الكرام وجميع افراد الاسرتين الكريمتين.

    ونسال الله ان يتغمد موتانا جميعا بالرحمة والمغفرة

    ولا حول ولا قوة الا بالله.

    انا لله وانا اليه راجعون.

    شكرا للدكتورة ستنا علي التهنئة بزواج الاخ ياسر طه ونسال الله ان يجعل ايامنا كلها افراحا.

    دمتم،،
                  

07-15-2009, 11:02 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    و يواصل الأخ وليد عبد اللطيف:
    Quote: إنا لله وإنا إليه راجعون ولا حول ولا قوة إلا بالله
    العلي العظيم
    الاخ الفاضل / عز الدين محمد عثمان
    البركة فيكم وتعازينا لكل الاسرة ومـتأسف جدا لعدم لقانا في الاجازة القصير
    بالرغم من ان جيت حلتكم ووجدت ابن ياسر سليم المهم نسيبكم دردشنا انا وعدلي حسن جبارة وسألته عن اخباركم ولم يسعفني الوقت لزيارتك يا غالي .

    ودمتم ........... وليد عبد اللطيف
                  

07-15-2009, 01:29 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: الحاج حمد الحاج)

    لاحولة ولاقوة الا بالله العلى العظيم ..
    خاص العزاء للاخ عز الدين والعم محمد عثمان والوالدة الكريمة والاخوان فردا فردا ..
    انا لله وانا اليه راجعون
                  

07-15-2009, 02:14 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عماد عثمان أحمد (Re: عابدون محمد عابدون)

    لاحولة ولاقوة الا بالله العلى العظيم ..
    خاص العزاء للاخ عز الدين والعم محمد عثمان والوالدة الكريمة والاخوان فردا فردا ..
    انا لله وانا اليه راجعون

    فيصل عابدون
                  

07-15-2009, 04:31 PM

أمير قناوي
<aأمير قناوي
تاريخ التسجيل: 01-24-2009
مجموع المشاركات: 618

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عابدون محمد عابدون)

    الأخ العزيز عزالدين محمد عثمان
    نترحم علي روح المغفور له بإذن الله العم عبدالمجيد والعزاء موصول للأسرة ولجميع الأهل. ونتضرع للمولى عز وجل ونسأله:
    اللهم أجعل قبره روضةً من رياض الجّنّة ولا تجعله حفرة من حفر النار، اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته اللهم ألحقه بالشُّهداء ، اللهم أفتح عليه نافذة من الجّنّة وأجعل قبره روضةً من رياضه وإنّا لله وإنّا إليه راجعون.
    أحسن الله عزأكم وألهمكم صبراً جميلاً .
    أخوك وقريبك أمير قناوي
    15.07.2009
                  

07-15-2009, 10:58 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: أمير قناوي)

    رسالة من الأخ حسن عثمان مضوي
    وصلتني عبر بريدي الالكتروني رسالة من الأخ حسن عثمان مضوي (شقيق عادل الجقود) و هو سوف يعرف نفسه في نهاية الرسالة ، الأخ حسن سوف يساهم بالكتابة و التوثيق لجيل يهمنا تواجده بيننا:
    Quote: الاخ الاكبر حاج حمد المحترم


    اولاً اشكر لكم حسن ضيافتكم للشعبية واهلها الكرام وصدق النطق وقال الشعبية نجمة تنير سماء بحري والذوق والفهم في ............ ، يكفيني فخراً ان معلومات المنتدى وصلتني من أخي وصديقي العزيز المهندس مجدي نقد عند زيارتي له في منزله العامر بالدمام انا وزوجتي وابنائي قبل شهر تقريباً وحفاوته هو وزوجته بنت الشعبية الاصيلة وكذلك حفاوة الاخ المغيرة وزوجته والرائع صلاح سلك. في تلك اللحظات ومع تلك الحفاوة كل من لا علاقة له بالشعبية سيعرف ما معنى الشعبية فهي الاخاء والمحبة والتألف وعمرها لا غربة ولا بعد ستتمكن في ما نحمله من دواخلنا لعشق للشعبية، لذلك مهما شكرت كل من كتب في هذا المنتدى فلن اوفيه حقه ولكنني اقول له يكفي انك ابن الشعبية البار وال تنجب الشعبية الا اناس يعرف الزمان بهم وتهابهم كل المجتمعات وذلك للثقافة التي تربينا عليها وللحياة الاجتماعية التي عشناها ولم ندرك معناها إلا بعد غيابنا عن الوطن الكبير والوطن الصغير

    ارجو ان تسمحوا لي بالبدء بالاعتذار بأنني ساكون عضواً خاملاً في متابعة المنتدى ، لان الوسيلة المثلى للتواصل معي عبر الهاتف اكثر من حضارة الانترنت (وذلك نسبة لضغوط العمل التي تمنعنى من قضاء اي اوقات على الانترنت وايضاً لانني وفي بلاد الغربة اصبحت علاقتي القوية بالعمل فقط وقتلت حالي فيها هرباً من التفكيرفي الاهل وفي كل شي جميل حتى دخولي على المنتدى الذي غير مفاهيمي. عندما اخطرني اخي مجدى وعدته خيراً بالدخول على المنتدى والتنسيق لتوثيق فترة جيلنا وقيامنا في ذاك الوقت بتكوين رابطة طلاب الشعبية شمال ( في عهد الرابطة قام اكبر تخريج تشهده الشعبية) سنحاول توثيق تلك الفترة لأناس همهم الاول الشعبية دون النظر لاي قبيلة تنتمى او اي طائفة تتبع رغم من انكم ستعانون معي حيث ان الغربة جعلتني اصاب بمرض الزهايمر. استميحكم عذراً في إنهاء رسالتي. التي بدأتها بالحديث عن طريقة معرفتي بهذا المنتدى والتي سانهيها بالتعريف عن نفسي


    الاسم: حسن عثمان حسن مضوي

    - الحلة: الصداقة (على شارع الظلط)- الاخ الاكبر -عادل الجقود- من جيراننا : عاطف كوجاك- يقع منزلنا مقابل منزل اولا موسى- ابراهيم موسى-محمد عبدالمجيد(حمدتو)-رمزي-شهاب موسى-ننوس

    الالقاب: حسن سنينة/ برش

    تاريخ الميلاد: 16 يناير 1973

    العمل: مدير مالي وإداري- شركة العظم والسديري محاسبون ومراجعون قانونيون-عضو كروهوروث الدولية)

    السكن: الرياض-المملكة العربية السعودية

    من دفعتي: المهندس مجدي نقد، -الاستاذ احمد يوسق-الاستاذ طارق محمد موسى-طبعاً د. ستنا وخالد درق من الدفعات التي تكبرنا معرفة -

    الحالة الاجتماعية: متزوج( من شدة علاقتي بالشعبية حتى الزوجة منها) - اب لابنان - باسل 4 سنوات- فارس 1 سنة

    جوال: 00966501275403


    اخيراً تقبلوا مداخلتي هذه وشكري لكل من ساهم في انجاح هذا العمل، وتحياتي للكل بدون فرز او تمييز
                  

07-16-2009, 05:18 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    تحية صباحية للجميع وتحية خاصة للاخ حسن عثمان مضوى وأقول ليهو أهلا وسهلا بيك بين أهلك وأصحابك ويازول المهم تكون معانا مشارك خامل ولا عامل ونحن حندفرك كدة عشان تكون مشارك فعال وننتظر ابداعاتك ..

    تانى حاجة ياجماعة وين المستشار عبد الكريم ابو محمد فؤاد الذى غاب عنا فى الصفحات الفائتة؟ وانشاء الله يكون بخير وعافية ..

    برضو بقول للدكتورة ستنا صباح الخيرات وانشاء الله تكونوا على مايرام وياستى اتحركى واتلحلحى وفتشى شغل عشانتساعدى الراجل دا وتختصروا سنين الغربة وانشاء الله ربنا يوفقكم ..

    ياوليد مما فكيت الدخان فى الصفحة دى زولى داك تانى ماظهر اصلو دخان ولا بف باف؟

    الحاج حمد وما السبت ببعيد جهزوا حالكم يابطيخاب ...انا غايتو يوم السبت دا ماقادر انتظر لما يجى وانتظرنى بعد المباراه ..
                  

07-16-2009, 05:38 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عابدون محمد عابدون)

    دخان شنو يا عجوز

    الغبار منعنى من الخروج والربو أتعبنى شديد

    اليومين الفاتو .. ياخ دى إثنين مليار طن

    غايتو قطر أخف وطأة من ناس العراق والسعودية

    عز الدين محمد عثمان .. أحسن الله عزائكم فى وفاة

    العم عبد المجيد..

    آل نقد

    أحسن الله عزائكم فى فقدكم..

    ود جقود

    حسب وصفك أنت فى نفس الصف بتاع قريبى سمير إدريس

    مرحبا بك فى الحوش الكبير..

    المستشار حسن طه

    ألف مبروك زواج شقيقك

    لسه فى باقى من الربو ..أعذرونى
                  

07-16-2009, 05:55 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: شمس الدين ساتى)

    ربو بس؟؟

    عايز تعمل فيها شباب؟
    طيب أخبار الرطوبة شنو يامنتهى؟

    شمس الدين ارجع لى ورا شوية واقرأ الكلام اللى انا كتبته لى مبارك كنة فيهو حاجة حتعجبك ..
                  

07-16-2009, 09:48 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عابدون محمد عابدون)
                  

07-16-2009, 09:52 AM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عابدون محمد عابدون)

    Quote: تانى حاجة ياجماعة وين المستشار عبد الكريم ابو محمد فؤاد الذى غاب عنا فى الصفحات الفائتة؟ وانشاء الله يكون بخير وعافية ..

    الاخوين عابدون و وليد عبداللطيف.
    ** صباحكم خير .
    ## وإن جاءت مُتأخره نُبارك الوصول للرقم 56 ولما يجى رمضان الشعبيه حتكون فى الستينات وذلك هو تاريخ تشييدها وربنا يرحمك ياعبود على النجمه التى تتوسط جيد بحرى ست الهوى والطراوه والتى كانت ولازالت تمثل السودان بكل أطيافه وقبائله فى ود وحب ووئام ..
    ** ومشكورين على السؤال ..
    ** كنت أواجه مُشكله تقنبه يعنى لاغبار ولا كتاحه ولاربو ولا نضارتى رايحه ..
    ** إتحلت فى جانب والجانب الآخر عنوانى البريدى إتلحس ,, والعندو العنوان القديم يُضيف بعد حرف الـ M حرف N وبقية العنوان كماهو ..
    (ودام الود بيننا)
    (ابو محمد فؤاد)

    (عدل بواسطة عبدالكريم أحمد الامين on 07-16-2009, 11:42 AM)

                  

07-16-2009, 10:40 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عبدالكريم أحمد الامين)

    يستجيب الأخ حسن عثمان مضوي لطلبنا مشكورا و يبدأ مشاركاته :
    Quote: الاخ الاكبر حاج حمد المحترم

    شكراً على سرعة الاستجابة واتمنى ان اكون عند حسن الظن وجندى من جنود ابناء الشعبية الاوفياء للمساعدة في تحسينها واعادتها لصورتها القديمة بكل ماهو جميل بها. ولجميع الاخوة شكراً على حفاوة الاستقبال ومرفق طيه بعض الكلمات التي تجيش في قلبي واحببت ان اكتبها لكم


    اخوكم حسن عثمان مضوي

    و يرفق هذه الرسالة:
    Quote: بسم الله الرحمن الرحيم

    الإخوة الكرام:

    قالوا الماعندو كبير يفتش ليهو كبير، وبالجد مهما شكرناكم على جهودكم لن نوافيكم حقكم فأنتم بالجد الشعبية بكل معانيها، ما وصل إليه أبناء جيلنا من الشعبية بشتى ضروبه لم يقتصر فيها أمر التربية على أهلنا فقد شارك في ذلك الجميع من أهل الشعبية بما فيها انتم. فقد تعلمنا منذ صغرنا أن نحترم الكبير وذلك عبر درس صغير حيث يتم تنبيهك من اقرب شخص في الطريق من والى السوق لتحمل أغراض حبوبة ناس فلان أو أي شخص طاعن في السن في طريقك، وفي المواصلات تكون النظرات شذراً إذا تصادف انك جالس وهنالك شخص اكبر منك واقفاً وقد يصيح احدهم قوم ياود مضوي للحاج / الحاجة. تعلمنا أن لا نلعب بعد المدرسة حفاظاً على صحتنا ووذلك تم عن طريق التوجيه من أي شخص يعبر الطريق من أبناء الشعبية وأخص بالتحديد في منطقتنا إخواننا الكبار من أولاد المارد أو الصداقة رغم تأكدي بأن هذا يحدث في سائر بقاع الشعبية وفي جميع أطرافها . كذلك كان من العيب عليك إذا جيت البيت وأنت مدقوق في الشارع بواسطة احد الكبار نتيجة تصرف طائش بدر منك فذلك معناه انك سوف تأخذ علقة ساخنة أخرى من أسرتك ( مش ذي الآن أرجل راجل يسأل ود الجيران أو يوبخه أو يضربه) وكذلك أصبحت الثقة في ود الجيران معدومة.

    في صعيد الحياة الاجتماعية كنا عندما نجلس في ميدان الرابطة نستمتع بالحوارات والقفشات التي تتداول بين أطراف الميدان الأربعة بين مدربي فرق الأحياء أو ظرفائها ، وبالرغم من سخونة المباراة أو الخلافات الكروية التي تحدث تجدهم يجتمعون ويتسامرون مساءاً في أي طرف من أطراف الحي وكأنهم جميعاً أبناء حي واحد أو أبناء عمومة ( بالجد الشعبية بقتنا كلنا قرايب) وحتى الواحد يسمع بوفاة هنا أو هناك لا يضع في اعتباره هذا من حلة الزهرة ولا دة من حلة الصديق بل جميع أبناء الشعبية تجدهم موجودون في العزاء وكذلك الحال في الأفراح.

    هذه أمثلة ولا تمثل إلا الجزء الضئيل من أن تربيتنا في الشعبية كان أساسها انتم إخوتي الكبار فقد تعلمنا منكم كل ما ساعدنا في تكملة مشوار حياتنا وتحقيقنا لأي نجاح، لذلك مهما قلنا من درر أو كلمات نثر في حقكم فإنها تتوارى خجلاً أمامكم.

    أحببت أن أقول هذا الحديث قبل أن اسرد لكم في المرة القادمة قصة تكوين رابطة طلاب الشعبية شمال بالجامعات والمعاهد العليا بكل جوانبها لتعرفوا أن هنالك ايادى خفية لها الغرض في تدمير الشعبية ( أقول كلامي هذا دون أي ارتباطات سياسية لي بأي جهة) ، وطالما أن البادرة بدأت مرة أخرى في لم شمل أبناء الشعبية فأتمنى أن لا نفرح المرة القادمة بالصفحة (57) بل معها بفعل حول أحداث أي تغيير في أي من السلبيات التي تعيشها الشعبية بتكوين أي كيان لحل مشاكل الشعبية بواسطة أبناء الشعبية نفسهم واهم شي إن يكونوا جميعاً من أبناء الشعبية المخلصين دون تحقيق أي مآرب سياسية مقابل خدماتهم للمنطقة( شكلي دخلت في اللحم الحي). نريد أن نكون أكثر وضوحاً في طرح أو حل مشاكلنا فبصورة عامة كنت لمدة (5) أيام بالسودان قبل أسبوع واعلم تماماً أن هنالك صراع خفي لجهات لتتبنى الأفكار النيرة منكم وخوفكم على الشعبية لتنسب للبعض منهم أو لهم جميعاً ( ولا اقصد بذلك إخوتنا أبناء الشعبية المخلصين) بل الطفليات التي بدأت تستشري في الشعبية.

    أناشدكم إخوتي الكبار بما لكم من خبرة وتجارب وكما تعودنا منكم إنكم قدوتنا في إنارة الطريق والبحث عن حلول أكثر جدية وعلى جيلنا وبمساعدة جيلكم أن يقوم بالتنسيق وتنفيذ الرؤى التي يمكنها أن تحدث التغيير الذي نطلبه.

    أسف جميعاً إخوتي قد لا أجيد ترتيب وتنسيق الكلمات ولكن هي كلمات أحببت أن أقولها بصدق من قلبي ورغبة في أن هذا الشمل الذي جمع أن يكون له دور فعال بمثل دوره الفعال الآن على المنتدى.

    ياجماعة بصراحة أنا مامتخيل اسكن بعيد من الشعبية أو أولادي مايتربوا ذي ما أتربيت أو إنهم لا يحسوا بالأمان في الحي الذي تربي وترعرع فيه والدهم. ولكم جميعاً اعتذر إذا حديثي كان خارج السياق أو قاسي بعض الشئ.

    وللبقية .....حديث

    ملاحظة:

    نحن شوايقة وساكنين بالفعل في نفس صف بيت الأخ سمير جورج ( الله يمتعه بالعافية هو وأهله).




    نحن شوايقة وساكنين بالفعل في نفس صف بيت الأخ سمير جورج ( الله يمتعه بالعافية هو وأهله)

    شكرا حسن و نحن طماعين نقول هل من مزيد؟

    (عدل بواسطة الحاج حمد الحاج on 07-16-2009, 10:47 AM)

                  

07-16-2009, 10:45 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    Quote: الاخ / عابدون تحياتى

    الاخوان بالبوست الجميل سلام من الله عليكم



    الاخ / عزالدين محمد عثمان العزاء الحار فى وفاة عمك وانا لله وانا اليه رجعوان



    الاخ / حسن سنينة مرحبا بك فى الحوش الكبير الشعبية الحبيبه ومنتظرنك تتحفنا بالتوثيق الجميل كما عهدناك



    الاخ وليد عبداللطيف شكرا على سوالك عنى



    ولكم الود



    خالد درق


                  

07-17-2009, 04:08 AM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عابدون محمد عابدون)

    انشاء الله ربنا يجعلها جمعة مباركة للجميع ...

    عز الدين أخبارك شنو؟
                  

07-17-2009, 04:37 PM

عزالدين محمد عثمان
<aعزالدين محمد عثمان
تاريخ التسجيل: 07-13-2006
مجموع المشاركات: 1268

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عابدون محمد عابدون)

    نشكر كل من واسانا في فقيد الاسره العم عبدالمجيد
    ونتمني ان تكون اخر احزان الجميع..

    الاخ عابدون اخباري مابتطمن لاني فشلت في ان اعود
    للعمل بعد ان فصلوني للمره الثانيه واهو لي
    اكثر من اربعه شهور رافع شكوي ولكن بدون فايده..
    عشان كده اديتم انذار لحدي اخر الشهر اذا رجعوني
    فبها والا فسوف احضر للخليج اخد لي شهر..اذا
    لقيت وظيفه بركلس والا فسوف اعود لي بلدي كندا..

    ولكو تحياتي ومودتي
                  

07-18-2009, 07:01 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عزالدين محمد عثمان)

    رسالة من الأخت الدكتورة ستنا خضر:
    Quote: بسم الله الرحمن الرحيم
    يسعد مساءكم اخواني
    اخي عزالدين محمد عثمان أحسن الله عزاءكم وربنا يرحمه ويغفر له ويجعله مع الصديقين والشهداء ويجعلها آخر الاحزان( إنا لله وإنا اليه راجعون
    مرحب بيك أخونا حسن عثمان مضوي ربنا يرد غربتنا ونتلاقي ،بتذكر التخريج العملتو الرابطة كان حدث في الشعبية ،وما تتكاسل واصل في المراسلة ،تحياتي للمدام
    أخي عابدون كيفنك ،التفتيش حاصل وربنا يهون،وسنين الغربة قربنا نختصرة وربنا يوفقنا جميعا ويرد غربتنا
    وسلامتك يا شمس الدين من الربو، ده غبار اخير منو غبار عطبرة ،ربنا يديك العافية
    ودمتم جميعا
    أختكم ستنا خضر
                  

07-18-2009, 07:25 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    Quote: الاخ / عابدون تحية طيبة



    اهل الشعبية الطيبين سلام



    اخى حسن سنينة والاخوان بالبوست نعم هنالك صراع خفى لجهات تتبنى الافكار النيرة ولااظن ان العلم يستطيع أن يصل الى خفايا النفس البشرية ’او ان يحيط بما يدور فى خباياها .وعند زيارتى القصيرة للشعبية وشاهدة لما وصل اليه حال السوق وباقى المرافق العامة بالشعبية لاذم من حل وحل سريع ...ولوحرص كل واحد منا على حل كما يجب حلها لسادت كل الفضائل على وجه البسيطه , ولارتاح الجميع . انه مطلبنا جميعا . كى تصبح الشعبية زاهية بين احياء بحرى



    ولكن توقفنا عند الوجه السلبى ، واهمالنا الوجه الاجابى لايجب أن نغفلها ايضا .اننا لسنا أقل سوءا من الاخرين لكن من منا يعرف ذلك ؟؟ وكم عدد الذين يعرفون ذلك منا

    اخوتى الشعبية بخير بس قليل من الجد والفعل وان شاءالله كل شى بخير .. والله المستعان



    ولكم الود

    اخوكم خالد درق



                  

07-19-2009, 07:18 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عابدون محمد عابدون)

    حكايات .... العدد 708 السبت 4 يوليو 2009م


    تحت عنوان توثيق وتصوير أورد الأخ صلاح حمد ( هل اخوك يا حاج ؟؟ ) وفي صفحة كاملة تحقيقا مصورا عن سوق الشعبية.

    صورت هذه الصفحة لانقلها لكم بكاملها ولكن لاسباب فنية لم اتمكن.

    أنقل لكم هنا بعضا مما جاء في هذه الصفحة.


    (- سوق الشعبية بحري .... من طحنية عبد العظيم حركة حتي الفسيخ الدايت

    - عويناتك ود اللمين خرجت من هنا ( طبعا هذه الأغنية من تاليف صديقي العزيز مبارك بشير ).

    اليكم بعض الصور التي جاءت بالصفحة:

    هنا ميكانيكي السيارات عوض بشير

    أينما تذهب تجد الأحباش يقدمون المكيفات ( طبعا قهوة وشاي ).

    وللنساء مكان في سوق الشعبية ( في رايي اكتر من الرجال ).

    في سوق الشعبية يمكنك لقاء النجار معتز عمر

    العم علي عبد العزيز بائع الخبز

    حاتم الصديق

    أبدل عوض عثمان نشاطه من ورشة النجارة الي مشغل المغلق

    العم احمد عبد الله أقدم ساكني الشعبية

    الترزي مختار سليمان

    بائع الخضار من الحرس القديم - عبد الكريم

    مطعم ابو عزة

    صاحب زريبة الشعبية محمد احمد

    العم دهب اقدم جزار بسوق الشعبية

    النقلتي يحي عبد الله

    المعلم حب الدين في ورشته بسوق الشعبية ).



    ونواصل

    دمتم،،
                  

07-19-2009, 08:29 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: حسن طه محمد)

    حسن طه:
    Quote: تحت عنوان توثيق وتصوير أورد الأخ صلاح حمد ( هل اخوك يا حاج ؟؟ ) وفي صفحة كاملة تحقيقا مصورا عن سوق الشعبية.

    لا أعتقد ان هو صلاح حمد شقيقي لأنه ليس له اهتمامات صحفية و قد يكون تطابق أسماء و سوف أتأكد من المعلومة..
                  

07-19-2009, 10:22 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    رسالة من الأخ وليد عبد اللطيف:
    Quote: دكتورة ستنا :

    سلامات ياطيبة وكفارة وسلامتك وزي كلام اهلنا الدناقلة (الدور العين الشديد ) والف لاباس عليك بعدين ياخي حسب كلام مولانا خالد المبشر يوم لقيناك مع زوجته قال انك مسافره ابوظبي او قطر وانا افتكرت مشيتك للخليج للعمل المهم ربنا يوفقك يعني شوية تعب كده ان شاء الله تحصّلي فرصة طيبة .
    تعرفي عماد عثمان الموثق الكبير طلع قريبك في الحلقة الاخيرة .
    والله بس ما عارفين نجازي ود حمد بشنو (بالله الشقي زي المغنطيس ) ما جمع الناس دي زي شنو اقول ليك وتاني ناس الشعبية رجعوا لعاداتهم القديمة التأخي والمحبة والوئام .
    حسن عثمان مضوي :

    الشاب الظريف المقابل الظلط بيتو
    ناداني اشر ليّ سلاني ماسليتو
    شفت الحبيب حتى النوم ابيتو

    اخونا حسن مرحب بيك معانا في بيتك وسمعنا بتخريجكم وانبسطنا جدا لانكم حققتو الذي فشلنا فيه من قبل اي ظروف البلد تغيرت ياخي قبل ايامنا الاخيرة في الجامعة كنا بنمشيها بالف جنيه ناكل ونشرب وندخل يوم مفتوح بهجة وطرب ونرجع بثلاثة الاف جنية والناس تبيع دعم الكتب بمبالغ مغرية يعني تكون متجدع ليك كده عشرة يوم في الجامعة وانت مبحبحها مع الشباب وازيدك كمان كنا بنمشي نذاكر مع طلبة جامعة الخرطوم ويازول تشيل صحنك بكل عين قوية وتضرب معاهم السمك والكبده والحليب لمن عملنا جضوم زي كدايس المستشفيات شفت بس الايام الاخيرة تغير الوضع بدرجة مخيفة حتى كل الروابط توقفت باصاتها في الجامعة .
    المكالمة معك والله كانت جميلة وعايزنك تعذب لينا حاج حمد شوية وترسل مشاركاتك للبوست .
    حبايبنا بالشعبية :

    سلامات بالجملة وشوق كمية ويظهر لحقنا المستشار ابو محمد فؤاد ومشاكل التقنية وتعطل الاتصال ببوست الشعبية من يوم الاربعاء السابق يعني لاقراية لا مشاركات لكن هي جنس جهجه .
    فتناكم بعافية .

    ودمتم ........... وليد عبد اللطيف
                  

07-19-2009, 07:58 PM

عابدون محمد عابدون
<aعابدون محمد عابدون
تاريخ التسجيل: 07-30-2008
مجموع المشاركات: 2607

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    Quote: الاخ آبدون ( اوب سوري) عبدون
    العقد الفريد بنجوم الشعبية الاخوان والاخوات
    سلام من الله عليكم ورحمته وبركاته
    اخي عبدون اولاً ارسل أحر التعازى للاخ عزالدين محمد عثمان فى وفاة العم عبد المجيد
    انا لله وانا اليه راجعون اللهم تقبله مع الصديقين والشهداء واكرم نزله ووسع في قبرةواغسله بالماء والثلج والبر د
    ونقه كما ينقى الثوب الابيض من الدنس
    وارسل احر التعازي للوالد محمد عثمان والاخوان والاخوات وجميع افراد الاسرة الكريمة
    اخى عز الدين منذ زمن وانا اسأل عنك وعن احوالك ولكن يظهر الايام دى ما متابع البوست وذلك كما ذكرت لمشغولية رجوعك للعمل وكذلك وفاة العم عبد المجيد الله يرحمه يا خوي حكاية ترجع العمل دي احسن تقنع وترجع لكندا احسن ليك او تحاول من جديد بدول الخليج افضل واسأل الله ان يحقق لك ما تصبو اليه متمنيا لك التوفيق ولو مريت على الرياض اتصل

    سعادة المستشار ( البوب ) الف حمد لله على السلامة والف مبروك للاخ ياسر وبرضه اظنك ما رجعت لورا لقراءة ما فاتك من رسائل والله سألت منك واخذت التلفون من عبدون واتصلت عليك ووجدت التليفون مقفول وعلى ما اعتقد الوقت دا كنت في السودان وطبعا شفت الصور وعرفت انك بالسودان الف حمد لله على السلامه وكما قلت الكيس مليان ونحن فى شوق شديد لاخبار الاهل بالشعبيةواخبار عماد والاخوان والاخوات طبعا هيصتو تمام مع الاخ ياسر متمنياً له التوفيق

    الاخ وليد موثق العهود وكاتب العقود لك منى الف تحيه واشكرك جزيل الشكر على اتصالك وسؤالك الدائم مافى شك انت اخير مننا لسه شباب ومتذكر كل كبيرة وصغيرة عن الشعبية وما تنسى معاك الاخ عماد كبير الموثقين لبحرى باجمعها الله يديهو العافية ويديك العافية اخى وليد الهدية وصلت وانا من زمان قلت الشعبية دى فيها الفنان والشاعر والاديب والمثقف المبدع وكلامك دا يا وليد حلو شديد والله يا ياوليد فعلا الواحد لو عايز يستمتع يقوم يفتح بوست الشعبية ويمتع نفسه بالونسة والشعر والقفشات زي ما بيعمل الاخ شمس الدين الملقب من قبل سعادة المستشار ابو محمد فؤاد ( الشرير) والاخ عبدون والله متعه ما بعدها متعه كمان قصص الاخ الدكتور امير قناوي وكمان الان خواطر الاخ عباس فقيرى وله التحية الاخ وليد تلفونى 00966556456917

    الاخ عبدون فعلا عبد المنعم بين نقل من الصداقة للصديق لانه فى الوقت دا كان عندنا الاخ عبد الحميد كباشى الحارس وطبعا برضه كان عطاباقرين السبب وطبعا عبد الحميد سد محل عبد المنعم بين ومرة مرة كان بيتمرن معانا الاخ اللاعب الخلوق يوسف بين إلى ان صار الاخ عبد الحميد كباشى حارس لفريق التحرير ورحال دا انا ما اتذكرته لكن بسمع بيه وعلى ما اظن من الجيل الورانا خالص طبعا فى ناس انا ما متذكرهم خالص معليش الذاكرة خربت حبه الله يدي العافية

    الاخ الفاضل ياسين
    لك تحياتى اما سؤالك عن مجلس الرابطة هم الاخ / عطا باقرين وبدر الدين ديكة الله يرحمه والاخ الاستاذ المربى الجليل عيسى الحبيب ومدرب غير عبد المنعم فيسبا برضه اسمه عبد المنعم ولكن لا اذكر اسم والده وبابكر باقرين والاخ عبد الصادق والاخ حسن صالح الله يرحمه والاخ حسن السنجك ولكن لا اذكر بالتحديد توزيعهم بل كانو شباب فى قمة النشاط وهم الذين بدأ بهم نادى الشعبية المجاور للمصحة وايضا كان هناك عنصر نسائي من ضمنهم بنات حلفاويات يذكر اسمائهم الاخ عبدون وكانت على راسهم المناضلة المعروفة بالشعبية الاخت ملكة محمد نور اما الاعبين فطبعا قبل الانشقاق كانت الصداقة وبعدها الصديق ومن ثم تكونت عدة فرق المارد الشعلة الخ ....وبهم تكونت رابطة الشعبية فى هذا الوقت انتقلت انا بعد زواجى الى المزاد وقلت زياراتى للشعبية وبعدها الى غرب شندى اما بخصوص الزواج الجماعى فلااذكر يمكن تم ذلك عندما كنت خارج الخرطوم بحري وكان ذلك فى عام 1975 بالتحديد ولكن بالرغم من ذلك كنت مواصل بالشعبية من وقت لاخر وما تنسى صلة الرحم لك تحياتى وارجو ان اكون قد وفقت

    الاخ الدكتور / أمير قناوى مسجل غياب عن الروائع ارجو ان يكون غيابك لتحضير رائعة من الروائع عسى ولعل ان تتحفنا بها لاننا فى شوق شديد ارجو ان يكون ذلك لك عاطر التحايا والود

    الابنة الدكتورة / ستنا خضر لك اجمل التحايا وذى ما قالوا اخوانا السعوديين انشاء الله ما تشوفى شر ( سلامات ) والف حمد الله على السلامة شوفتى البوست عمل شنو ذى ما قلت ليك وصل القريب وقرب البعيد اها طلعنا اهل لحم ودم طبعا ومسئولة من الخير كيف العم زبير انشاء الله صحته كويسة وكيف ناس مصطفى والاخت عواطف وهل فتحية سعيد معكم الايام دي لك تحياتى وكذلك لمصطفى وزوجته عواطف وانشاء الله ربنا يواليك بالعافيةلك واسرتك ولنا لقاء ان شاء الله وربنا يدى العافية

    الاخ مبارك كنه لك تحياتى انت زى الدكتورة ستنا تعرفت عن طريق النت وانت الظاهر ليك قرابة بالدكتور صلاح كنه وهو طبعا ذى ما قلت من الاهل وجمعتنا به ايام حلوة بالرياض وهو والاخ فضل عكاشة والاخ محمد شباب والمرحوم اخوه عبد الكريم اما الاخ الفاتح فهو بخير ويعمل سكرتير بشركة بيت الرياض وكذلك معنا ابن عثمان على قورتى ( ماذن ) اكيد ديل اهلك تب ذى ما قلت لك اجمل تحياتى وارجو ان تواصل ما تنقطع اخى مبارك

    اخى ابدون واخى الحاج حمد لكم تحياتى والله يديكم العافية والله دا عمل ما ساهل ربنا يؤجركم عليه
    يا جماعة والله ما صاح منكم الراجل تعبان وبالرغم من تعبه واصل الله يديهو العافية ويقومه بالسلامة الا وهو الاخ شمس الشموس والذى يضىء هذا البوست دائما وابدا وكذلك سعادة المستشار ابو محمد فؤاد والقفشات الحلوه والله فاكهة البوست لكم جميعا المودة والمحبة ودمتم فى رعاية الله وحفظه وإلى اللقاء والسلام ختام

    اخوكم ابدا / فيصل عبد الله محمود
    المملكة العربية السعودية / الرياض



    ابو محمد فؤاد الأيام دى كمبيوتره ممكون ونحن فى انتظار عودته بعد ماينتهى من مشاكل جهازه الفنية
    أما صاحبنا داك فمشكلته فى تاريخ الصلاحية ودى ماعندها علاج ..
                  

07-20-2009, 06:10 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عابدون محمد عابدون)

    Quote: سعادة المستشار ( البوب ) الف حمد لله على السلامة والف مبروك للاخ ياسر وبرضه اظنك ما رجعت لورا لقراءة ما فاتك من رسائل والله سألت منك واخذت التلفون من عبدون واتصلت عليك ووجدت التليفون مقفول وعلى ما اعتقد الوقت دا كنت في السودان وطبعا شفت الصور وعرفت انك بالسودان الف حمد لله على السلامه وكما قلت الكيس مليان ونحن فى شوق شديد لاخبار الاهل بالشعبيةواخبار عماد والاخوان والاخوات طبعا هيصتو تمام مع الاخ ياسر متمنياً له التوفيق


    أخي العزيز فيصل عبد الله

    شكرا علي التهنئةونسال الله ان يجعل ايامنا كلها أفراحا.

    كانت اجازتي في السودان قصيرة ولا تخفي عليكم مشغوليات وانشغالات السودان.لذا لم اكن للاسف متابعا ما يكتب في البوست.

    بحمد الله رجعت الي الدوحة وتركت العيال يتنسموا الهمبريب مع امطار الخرطوم.يعني عزوبية وسلق بيض.

    تحياتي للاسرة الكريمة.

    دمتم،،
                  

07-20-2009, 06:29 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: حسن طه محمد)

    رسالة من الأخ وليد عبد اللطيف:
    Quote: سعادة المستشار قال :
    أخي وليد

    وهل ينسي مثل هذا اليوم؟؟؟؟

    بدأها وردي ب " قلت أرحل " وانهاها ب " بلا وانجلي " وغناها مرتين مما دعا أحد أصدقائي القضاة في ذاك الوقت وهو مولانا الفاتح مهدي وكان أحد الحضور الي سؤالي وانا العريس جالس علي " الكوشة مع أم العيال حاليا " هل دي حفلة زواج ولا ليلة سياسية ؟؟

    ولا زماتن يا وليد..

    ذكراها دايما شاغلة بالي
    في كل ليلة اي ليلة في الليالي
    لهيجة حالي وعسلاني
    وده فلاني الفلاني
    كله زول اي زول مع التاني
    الا انا المعاكساني
    فعلا كما قال صديقك الفاتح مهدي كانت ليلة سياسية استمتعت بها الشعبية و(حلة المارد خاصة ) وظل الحدث للان في الذاكرة من روعته وفعلا في هذه المناسبة شاهدت مجموعة من القيادات الحزبية في ذلك الوقت وفي ناس امكن تكون لم تصلهم الدعوه ولكن عظمة الحدث في تلك الايام تركهم يؤكدون حضورهم ومن طرائف الحفلة قال الموسيقار محمد وردي عشان اغني لازم مسرح واشترط ان يكون سطحة ترلات
    وابدع فيها ( الفنان وردي) وتجلى بالجلاء والانجلاء وكررها اكثر من مره ومن اناقة وردي وتفاعله مع الحدث فخلع البدلة معلقها في الكرسي من خلفه ومرتديا قميص حرير بني وفعلا هو فنان افريقيا الاول ولو كنت مكانك كنت ارسلت واحد الصباح بدري للاذاعة والتلفزيون لكي يقوم باذاعة بيان (ايها الشعب السوداني الابي البطل ) وكنا سميناها ثورة ( ود البوب ) والان كان يكون فريق الشعبية في الدرجة الاولى وتحول سوق الشعبية الى سوق فاخر من طوابق (مول الشعبية )
    وهل تصدق شريط حفل زواجك موثق عندي ودائما عندما نحب ان تداعبنا الذكريات اقوم بتشغيله ومن الجميل زمان كان يسألون الصغار (هديل وملاذ ) عندما اشغل الشريط يسألون امهم نحن كنا وين ياماما ليه ما حضرنا الحفلة .
    ولا زمانن ياود البوب
    ملحوظة

    الحفل القادم سوف نتطرق الى زواج حرس الرئيس السابق جعفر نميري (صديق على صالح ) في حلة الشعلة
                  

07-20-2009, 06:14 AM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: عابدون محمد عابدون)

    أما صاحبنا داك فمشكلته فى تاريخ الصلاحية ودى ماعندها علاج

    فى دى متساوين

    ويمكن أنا أحسن منك .. نزل صورتك عشان نعمل مقارنة

    بعدين يا أخوانا عملتو شنو فى موضوع المساهمات

    تحياتى للغائبين والأخ فيصل وتشكراتى للدكتورة ستنا
                  

07-20-2009, 06:36 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: شمس الدين ساتى)

    و رسالة من الأخ حسن عثمان مضوي و به يكون عند وعده ببذل الجهد للمشاركة الفعالة في البوست و قد أرسل مشاركة من حلقتين:
    اخوتي الأعزاء المحترمين

    أشكر كل من إتصل بي او كتب يستقبلني ، وحفاوة الاستقبال هي من كرم ابناء الشعبية وليست دخيلة عليهم. ساحاول جاهداً ان استمر في الكتابة ويكون هنالك تواصل اجيال وان اترك الكسل بالرغم من أنه ليس كسلاً ( لكن لقمة العيش في الغربة حارة) وربنا يقدرنا على مجازاة اخونا حاج حمد وبالجد على قول الاخ وليد ( مغنطيس) عرف يجمعنا وانشاء الله مانفترق مرة اخرى في مدن الضياع

    اخوكم حسن عثمان مضوي

    Quote: بسم الله الرحمن الرحيم

    الحلقة الأولى
    تصوروا كيف يكون الحال
    لو ماكنت من الشعبية وأهل الحارة ما أهلي


    إن سبب كتاباتي هذه يعود للقصة التي كتبها العزيز والغالي م. مجدي نقد عن السؤال الذي طرح له من كبار الحي ( انتو عملتوا شنو) وهذا ماعملناهـ اخوتي في زمن من الصعب أن تعمل به شيئا.

    عندما كنا في المرحلة الثانوية ( أغلبنا درس بمدرسة بحري الحكومية) كنا نلتقي جميعاً في اغلب الأحيان في منزلي ، نتسامر ونغنى ولا نحمل أي ضغينة للدنيا بل كانت تملأنا الحياة تفاؤلاً وفرحة. نتيجة هذا الترابط الأخوي بيننا جميعاً نبعت فكرة تكوين رابطة الإخوة وتكاد نقول أنها تشمل جميع أحياء الشعبية شمال ففي حلة الجهاد يوجد أكرم بكري وعمار منصور وفي الصديق يوجد عثمان حسن جبارة(جسبورة) وناجي محمد الحسن وإبراهيم إسماعيل والفلاح بها د. هاشم البدري والشعلة سامي سيد جعفر ومجدي نقد والصداقة طارق محمد احمد موسى ومحسن كامل وشخصي الضعيف والمارد بشرى محمد عثمان وهنالك خالد ومحمد عبدون . وقد تطورت الرابطة لتصبح أسرية وليست علاقة سباب ببعضهم البعض وكنا وماذلنا أخوان بكل ماتحويه هذه الكلمة من معنى لأن همنا واحد وإذا مرت بأي احد منا مشكلة يتحمل وزرها الجميع لحين إيجاد حل لها.

    بعدها تطورت العلاقات مع دخول الجامعة وسفر بعضنا للدراسة في الخارج فتوقفت الرابطة كرابطة ولكن ظلت العلاقات مستمرة بين المتواجدين والذين أبعدتهم ظروف الدراسة عنا، وتكونت معارف أخرى بين الذين تكاد تكون أفكارهم متقاربة فتوثقت علاقتنا مع د. عبدالخالق ود. عبدالعزيز ومجدي احمد الطاهر ومتوكل التجاني وعصام والكثير من أبناء الشعبية ذوي الرأي السديد.

    نبعت فكرة رابطة طلاب الشعبية شمال بالجامعات والمعاهد العليا في إحدى الجلسات التي تضم مجموعة من الشباب ومنهم د. عبدالخالق و د. عبدالعزيز ومجدي احمد الطاهر ومتوكل التجاني وبعض الشباب أمام بقالة ناس د. عبدالخالق ( فاتحين في طابونة الشعبية في المربع الممتد خلف سوق الشعبية حتى بقالة عبد السلام) ووجدت الفكرة قبول الجميع وأيضا قبول الذين لم يحضروا ولادة هذه الفكرة.

    تم الدعوة لأول اجتماع في الحديقة التي بحي الشعلة ولم تجد التجاوب العالي في الحضور وتكررت الاجتماعات وانضم الكثيرون ليشهدوا ولادة اللجنة التمهيدية للرابطة والتي اذكر منهم: الأخ مهدي ( والدته السيدة خديجة التي لديها معمل فاتح في ميدان الرابطة سابقاً) ويفتح منزله مقابل ناس سامي سيد جعفر على ما أظن – د. اميمة حسن الأمين جارتنا وفي نفس صف بيتنا – اميمة ربيع مقابل منزل سمير جورج- حسن محمد عبدالقيوم ( الشارع الورانا بحلة المارد) -المهندسة سهام الباقر في حلة المارد جارة عادل محمد عثمان حاج رحمة- متوكل التجاني وعصام بحلة الفلاح – مرتضى وعبدالرحمن الطاهر من حلة الهدف- عواطف خضر أخت كلاً من عاطف بلو واختنا د. ستنا – وفي نفس شارعهم كلاً من نازك ومنال على ما أظن وأخوها كان عسكري واسمه إبراهيم ( آثار الزهايمر بدت تظهر). وبالمناسبة الرجاء توصيل تحياتي للأخوات جميعاً لكل من يعرفهم لأننا نحن الشباب مازلنا والحمدلله متواصلين أما البنات فقد تفرقت بنا سبل الحياة عندما توقفت الرابطة.

    هذا العقد الفريد على ما اذكر كان يمثل اللجنة التمهيدية للرابطة والتي تم الاتفاق عليه من قبل الكثيرين من الذين حضروا الاجتماعات المتتالية وكانت مهمتهم حصر جميع الطلاب والطالبات بمنطقة الشعبية شمال ودعوتهم للجمعية العمومية لتكوين الرابطة. والمهمة الأكبر إحضار الإذن من الجهات الأمنية واللجنة الشعبية وكذلك اتحاد الطلاب ليكون لدينا الصبغة القانونية للدعوة للإجتماع. وطبعاً هنالك جنود أوفياء كان لهم القدح المعلى في مساندتنا للقيام بهذه الأعمال قد اذكر بعض الأسماء في وقتها وقد أنسى البعض منهم فلهم العتبى حتى يرضوا وليتمنوا لي عاجل الشفاء في مصابي الجلل ( الزهايمر) والله يقطع الغربة وسنينها في ماعملته بي.
                  

07-20-2009, 08:09 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    أخ وليد

    بمناسبة وردي

    بعد انتهاء الحفل جلس استاذ وردي مع بعض معارفه من حضور الحفل في أحد المنازل .

    حينها طلب مني وردي الحضور للجلوس معهم وعاتبني كيف يتم الحجز عن طريق اتحاد الفنانين رغم الصلة والمعرفة الشخصية بيني وبينه.ذكرت له بانني لم اقم بالحجز بل هم افراد العائلة لمعرفتهم المسبقة بالعلاقة الاخوية بيننا ولمعرفتهم بحبي لفنه.

    عموما جلسنا ودخلنا في ونسة ومناقشات حول انتفاضة ابريل وكما قد لا يخفي عليك يا وليد انها كانت اول حفلة خاصة للاستاذ وردي بعد خروجه من السجن بعد الانتفاضة.

    امتدت الجلسة واخوكم نسي العرس والجماعة يبحثوا عني لزوم " الجرتق ".

    أذكر انني غيرت البدلة ولبست الجلابية داخل احد التكاسي.

    والله زمان يا وليد والعذر لقراء البوست الأحباب .

    _________________________________

    مما جاء من نكات في صفحة التحقيق عن الشعبية:

    ( من نكات حي الشعبية الشهيرة تلك التي تحكي عن مولانا أحمد وداعة الله مؤذن مسجد الختمية وكان مشهورا بالرد السريع والذكاء اللماح . وكان زبونا لاحدي النساء اللائي يبعن الفسيخ في سوق الشعبية. وعندما أصيب بالضغط منعه الدكتور من أكل الفسيخ لأن به الكثير من الملح . وقد اثر امتناعه عن شراء الفسيخ في زبونته لأنه كان يشتري منها بكميات كبيرة. وذات مرة مر مولانا أحمد أمامها فقالت له مازحة :
    - يا أحمد تعال الليلة عندنا فسيخ منزوع الملح.
    فنظر اليهاوأجابها علي الفور :

    - أحي أنا حتي الفسيخ بقي فيهو ( دايت ) !

    ونواصل

    دمتم،،
                  

07-20-2009, 11:26 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: حسن طه محمد)

    حسن طه:
    Quote: مما جاء من نكات في صفحة التحقيق عن الشعبية:

    النكتة أوردها الأستاذ جعفر عباس عندما كتب عن بوست الشعبية في عموده (زاوية منفرجة) و كانت بعنوان الشعبية غطت على المغامرة و يقصد أن الاهتمام ببوست الشعبية كان أكبر من الاهتمام بالهجوم على أم درمان:

    Quote:
    Quote: الشعبية غطت على المغامرة


    جعفر عباس
    الصحفيون يبحثون دائما عن جنازة لـ»يشبعوا لطم» كما يقول المصريون، وأعتقد ان نصف الصحف العربية ستختفي من الوجود - غير مأسوف عليها - إذا قامت دولة فلسطينية، وفرملت الولايات المتحدة نفسها وتوقفت عن حشر أنفها القميء في شؤون الدول الأخرى.. بعبارة أخرى فإن البلاوي المتلتلة التي يعاني منها العرب والأفارقة - وقد ابتلانا الله بالانتماء الى الفريقين ولا اعتراض في حكمه - هذه البلاوي هي مصدر فرفشة ونعنشة الصحف.. وفي السودان (عيني باردة) لدينا مصائب بالكوم، حتى بات مقتل عشرين او ثلاثين شخصا في معارك قبلية أمراً لا يستحق أكثر من سطرين او ثلاثة في أية صحيفة.. ثم جاءت مغامرة حركة العدل والمساواة الأخيرة، فوجد الكتاب الصحفيون فيها مادة يلوكونها على مدى أشهر.. مقالات مستنسخة في معظمها لا تحتاج لقراءة أكثر من ثلاث منها.. كلام معاد ومكرور (recycled ) تستخدم فيه مدفعية الحيل البلاغية التي جعلت اللغة العربية مادة منفرة في المدارس.. وما يحزنني حقا هو أن يستغل البعض أحداثا مأساوية بشعة لتسويق الذات.. امتطاء صهوة عمود صحفي أمر سهل وهناك مئات الآلاف الذين يقدرون على الكتابة على نحو يفوق قدراتنا نحن أصحاب الأعمدة الناصية المزينة بصورنا المزورة، ولكن يمنعهم عن ممارستها الحياء او القرف أو لأنهم يتحلون بفضيلة التواضع التي تجعل المرء يحس - كلما قرأ واستوعب وتوسع أفقه - بأنه ما زال «جاهلا».. وبالمناسبة فإن مقالي الذي نشر هنا الأسبوع الماضي بعنوان «استقيل يا خليل» تعرض لتدخل من قبل جهة ما أضافت إليه فقرات في آخره!!!

    المهم أن كثرة اللت والعجن الصحفي حول موضوع أحداث (10) مايو - دون أن تكون هناك أية إضافة الى ما هو متداول من معلومات عنها - جعلني أنا الذي أقرأ الصحف السودانية على الانترنت - اهرب منها الى منتديات الانترنت.. وهناك أيضا وجدت مواويل من كل نوع عن العدل والمساواة.. ولولا ان كمبيوتري جديد لضربت رأسي به حتى ينكسر الإثنان! وفجأة توقفت عند بوست للاستاذ حاج حمد عن حي الشعبية في الخرطوم بحري، واكتشفت ان هناك آلافاً مؤلفة مثلي تبحث عن مادة او كلام يريحها من سيرة 10 مايو و25 مايو.. حتى كتابة هذه السطور قرأ البوست (45) ألف شخص وقدم المئات مداخلات! وهو ما لم تحظ به عشرات البوستات عن تلك الأحداث مجتمعة،.. ما معنى هذا؟ معناه أن الناس تريد فض هذه السيرة.. ما حصل، حصل وانتهى وإذا لم يكن هناك معلومة جديدة فارحمونا.. ومعناه ان للشعبية «شعبية» واسعة.. توقفت عند كثير من المداخلات وتذكرت فترة جميلة من عمري عشتها في ذلك الحي .. الخرطوم بحري أحب مدن العاصمة المثلثة الى قلبي.. مدينة رايقة وحسنة التخطيط والأهم من كل ذلك أنها لم تكن قط مسرحا لأي قتال حول السلطة عبر تاريخ السودان المدون، وحتى وحدات الجيش الموجودة فيها تكنولوجية وغير قتالية (النقل والإشارة)..

    وكما جاء في بوست حاج حمد فحي الشعبية يشبه الولايات المتحدة لكونه القدر (الحَلَّة) الذي انصهرت فيه عناصر الطبخة السودانية (melting pot ) شايقية على محس على رباطاب على نوباويين على عبابدة.. فيه انتهت الولاءات الجهوية والقبلية وصار سكانه «شعبيون».. لعله الحي الوحيد في الخرطوم بحري الذي لم يشهد غزوا خارجيا بمعنى ان كل بيت يسكنه مالكوه الأصليون.. في البوست طرفة حلوة عن أخينا احمد وداعة مؤذن مسجد الختمية الذي كان يحب الفسيخ ويشتريه بكميات تجارية من إحدى السيدات، وبعد ان منعه الطبيب من الفسيخ لكثرة الملح فيه بعد إصابته بارتفاع ضغط الدم تضررت بائعة الفسيخ، وذات يوم قالت له: عندي فسيخ منزوع الملح، فرد عليها ببديهته الحاضرة دوما: الفسيخ كمان بقى فيهو دايت؟
                  

07-20-2009, 11:44 AM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    Quote: ابو محمد فؤاد الأيام دى كمبيوتره ممكون ونحن فى انتظار عودته بعد ماينتهى من مشاكل جهازه الفنية أما صاحبنا داك فمشكلته فى تاريخ الصلاحية ودى ماعندها علاج ..

    عابدون
    ود عبداللطيف.
    ** مشكورين على تفقد الاحوال..
    ** إستعنا بصديق وليبيا فتحت ..

    ## الشرير "ودساتى" الاولاد قالوا ليك أحسن ماتجى ورسل ليهم التذاكر ونتلاقى فى تركيا او ماليزيا او سوريا على أقل تقدير لافيها ضرائب ولا زكاه ولا جبايات أُخرى منها ترفيه ومنها توفير ..
    ## أفتكر إقتراح وجيه وعملى ...
    (ودام الود بيننا)
    (ابو محمد فؤاد)
                  

07-20-2009, 12:39 PM

Munir
<aMunir
تاريخ التسجيل: 02-11-2002
مجموع المشاركات: 10496

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)


    Quote: أو كما قال أبوداود:
    مشاكلي بسيطة بالريدة بتُحلّ..


    بعده تأجيل لقراءة مشاركة الأخ العزيز صلاح عباس - لأني عارف إنها دايرة ليها روقة - جيت الليلة قعدت استمتعت بذلك الغوص الجميل للأخ صلاح وتناوله الجميل لدنيا النغمات والكلمات الملحنة والتي غالبآ ما يغطي النغم واللحن علي المعاني العميقة والمتنوعة التي تحويها ـ فتسطيحنا وطفونا علي دنيا الأغاني واكتفاؤنا بجاذبية الألحان وصوت وأداء الفنان دائمآ ما يحجب عنا الكلمات والمعاني ـ إلا لمن تقع ليهو فوق جرح ـ :) ..
    وأقول أنه لأول مرة اتمعن في هذه النماذج التي ربطها صلاح مع بعضها بتسلسل بارع وسرد رائع ، فوجدت أني قد فاتتني ثروة كان يجب أن أغوص لأنهل منها في بحور المعاني التي تغطيها الطبول والمزامير ..
    فشكرآ ياصلاح للفت أنظارنا لهذا الجمال ..

    وتحضرني هنا طرفة من أخونا محمد حسن ـ أبوعبدة ـ وكنا دائمآ نسير معآ راجلين إلي المدرسة ـ وتردد حينآ ما مقاطع من أغاني العندليب زيدان ابراهيم ومنها :
    أقول اصبر علي الهجران ..اقول انساك لا بد..
    اشوف بس طرفك النعسان .. تخونني القوة والشدة ..
    فعلق ابوعبدة بعد ترديد المقطع: الزبون استاذ فيزياء ؟؟!! وطبعآ ده كان أيام الإمتحانات وما ادراك ما حساب القوة والطاقة وناس فرق الجهد وشدة التيار .. :) ..

                  

07-20-2009, 09:41 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: Munir)

    الحلقة الثانية من مشاركة الأخ حسن عثمان مضوي
    Quote: بسم الله الرحمن الرحيم

    الحلقة الثانية
    تصوروا كيف يكون الحال
    لو ماكنت من الشعبية وأهل الحارة ما أهلي


    بدأت حملة حصر الطلاب ( تقريباً هذه الأحداث في عام 1995م) وشارك في تلك الحملة طارق محمد أحمد موسى وخالد حسن تريبيل وسارة احمد الشيخ وأختها وشهلاء نمر وتيسير أخت عاطف وشذى أخت مهدي وكل من طلبنا منه مساعدتنا فقد كان الجميع يرغب في المساعدة ، وتم حصر جميع طلاب وطالبات الجامعات بمنطقة الشعبية شمال وفي نفس الفترة بدأ العمل في الحصول على موافقة اللجنة الشعبية والتي تمت على مضض خصوصاً أن خوفنا كان على البنات الذين معنا حيث كانت الاجتماعات في تلك الفترة مكثفة بغرض إنهاء الأعمال في أسرع وقت ممكن وطبعاً كنا نتعرض لمضايقات من الجهات الأمنية ولكن ليس بالصورة العلنية . بعدها قمنا بتقديم ملفنا لإتحاد الطلاب وبدأ مشوار التحدي من تحويلنا من جهة إلى أخرى ومن شخص لأخر ومن المحلية للولاية وأخيراً تم استلام الملف للمراجعة ومن ثم البت فيه.

    طبعاً طال الانتظار ولكن دون جدوى تذكر ( بمعنى اصح وضع الملف في الدرج) ولكن كانت عزيمتنا وغيرتنا على الشعبية اكبر من مخاوفنا وأكبر من أي تحرشات كانت تحدث معنا، فقمنا بزيارة لإتحاد الطلاب واتضح أنهم يقومون بعمل فحص بواسطة الأجهزة الأمنية لشخصيات اللجنة وكان لهم مندوب لمنطقة الشعبيـــــــــــة ( احتفظ بالاسم لدواعي أمنية- ياجماعة عاوز امشي إجازة قريب) هو المسئول عن الموافقة على طلبنا. تم عقد جلسة طارئة واتخذ القرار بأنه لا سبيل سوى المواجهة وتم اختياري لتلك المواجهة لأنو لساني شويــــــة حلو ( ماشايقي). وجلست انتظر صاحب الشأن الرفيع أمام منزله حتى قارب الزمن على الساعة الثانية عشر ليلاً وحضر صاحب السمو وهو يقود دراجة نارية وكان أول مرة نلتقي فطلبت منه أن يعطيني من زمنه الغالي والثمين بضع دقائق، وصراحة ما أعجبني فيه الصراحة المتناهية في نقاشه معي حول خوفهم من اللجنة ومن الموافقة على الرابطة خصوصاً وان الشعبية شمال تعتبر منطقة مغلقة للمعارضة ولا يثقون في أحد بها، وتم فرض سؤال شخصي أنني ضد الحكومة ولا معها وكنت أكثر وضوحاً ( في تلك اللحظة تذكرت حبوبتي مهيرة) وقلت أن ضدكم نسبة لبعض أرائي الشخصية وهذا لا يمت بصلة بكوني سكرتير الرابطة وليس لي الحق في فرضه على احد وكذلك حال باقي الزملاء إذا كانوا معكم أو ضدكم وأيضا اعلم تماماً أن لكم عيوناً في اللجنة وخارج اللجنة وبالتالي ستعلمون تماماً إذا كان نشاطنا يحمل أي صبغة سياسية أم أننا أبناء الشعبية ونود خدمتها لا أكثر ولا أقل ( صدقوا حنكي كان قوي) طبعاً ثاني يوم صدرت الموافقة بتكوين رابطة طلاب الشعبية شمال بالجامعات والمعاهد العليا وتم تحديد يوم لانعقاد الجمعية العمومية.

    ذي مابقولوا تم انعقاد الجمعية العمومية بنفس المكان الذي شهد أول بذرة للرابطة ( تحياتي لأبناء الشعلة جميعاً) بالعون الذاتي الموية من ناس فلان والكراسي من جمعية ناس فلان وناس فلان وخلافه والحمدلله كان أبناء الشعبية عند حسن الظن فقد اكتمل النصاب وفاض وكان الوضع مريحاً والنقاش حول مسؤدة لائحة الدستور للرابطة ومناقشته تم بصورة علمية وراقية ولم يعكر صفو ذلك الاجتماع سوى بعض المداخلات والاعتراضات التي تمت من بعض الخريجين الذي حضروا الاجتماع وكان ردنا أننا اعلم بالطلاب ولكن حصر الخريجين قد يستغرق وقتاً أطول وأنهم من بداية عملنا كانوا على علم بعملنا ولم يأتي أحد ويقترح إضافتهم أو خلافه وثانياً أول الغيث قطرة فإذا تكونت الرابطة لا يمكننا العمل دون الاستعانة بإخواننا الأكبر منا والحمدلله تفهم من اعترضوا ذلك وكانوا عند حسن الظن في تهدئة الجو من جديد. وأخيراً جاء وقت التصويت على لائحة الدستور وتم إجازتها دون إضافة أو حذف لأن تجهيزها كان بمعونة الجميع ومن قبل الدعوة للجمعية وتم اقتراح أن تواصل اللجنة التمهيدية العمل وتم التثنية على ذلك وتم التصويت بالإجماع على ذلك لدرجة حيرت مندوب اتحدا الطلاب السودانيين في الاتفاق بين كل هذه العناصر دون أي خلافـــــــات ( عيني باردة علينا ياناس الشعبية). وتكونت رابطة طلاب الشعبية بالجامعات والمعاهد العليا وهي لا تمتلك ولا جنيهاً ولا أصول ولا موقع بل تمتلك عزم أهل الشعبية وهو اكبر كنز ولا يضاهيه مالاً ولا جاهـ( والله وأنا بكتب خنقتني العبرة لأنو أن تحكي شي وحضور تلك اللحظات الرائعة شي آخر).
                  

07-20-2009, 09:53 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    و يواصل الأخ حسن عثمان مضوي مشاركاته و هذه الحلقة الثالثة:
    الاخ حاج حمد المحترم
    على حسب وعدي لكم ، وبناء على توصية الاخ وليد عبداللطيف بأن اجننك لذلك قمت بإنهاء توثيق فترة الرابطة ، واتمنى ان اكون قد اوفيت لتلك الفترة حقها. طبعاً استفدت ان الاجواء هادئة بالعمل هذه الايام فاحببت ان انهيه حتى لا احنث بوعدي لكم

    اخواني بالشعبية

    العزاء لمن فقد عزيز لديه، والتهاني لمن دخل قفص الزوجية_ والف سلامة لمن المت به وعكة صحية- والتحايا القلبية لمن هم بالف خير وربنا يديم الصحة على الجميع ويرجعنا سالمين

    اخوكم حسن مضوي


    Quote: بسم الله الرحمن الرحيم

    الحلقة الثالثة

    تصوروا كيف يكون الحال
    لو ماكنت من الشعبية وأهل الحارة ما أهلي


    وبدأت رابطة طلاب الشعبية شمال بالجامعات والمعاهد العليا قانونياً وكما أسلفنا الذكر بدون أي أصول ملموسة أو أرصدة نقدية . ( هنالك واحدة معنا باللجنة التنفيذية تسكن بحلة الهدف ومن قبل كانت تسكن بحلة المارد وهي وأسرتها من الذين استوطنوا بالشعبية عن طريق إيجارهم كل مرة في حي من إحيائها ولكن ضاع اسمها منى فلها العتبى) كانت الخطة الموضوعة كيفية التعريف عن الرابطة لأهلها وصادف أن تلك الفترة هي فترة الصيف فتم الاقتراح على بدء الكورس الصيفي لطلاب الشهادة الثانوية ( الذين في ثانية ثانوية وسينزلون بعد الإجازة لثالثة ثانوي) ( استهدفنا تلك الفئة لكي تحمل الراية فيما بعد ) وطبعاً التكلفة بسيطة جداً علينا الحفاظ على موقع الكورس ( مدرسة البنات) وكان لجهود الأستاذة إخلاص باقرين معنا في هذا الموضوع كبيرة جداً ، وطبعاً تمام إعداد جول لشباب الرابطة لملء الأزيار يومياً مساء ( كانت هنالك مشكلة موية بالمدرسة) والحفاظ على النظام العام ( كل هذه الشروط المطلوب تنفيذها) أم الأساتذة فقد أثبتت الشعبية أن بها فحول من العلماء بشتى الضروب فلم تواجهنا أي مشكلة في أي مادة أو شغلها بواسطة أي أستاذ وكان الجميع على قدر المسئولية وتحملوها بالكامل مع بعض الهنات البسيطة التي تحدث في أي عمل عام. ونجح الكورس بحمدالله نجاحاً باهراً وحقق مانصبو له من تعريف للرابطة. وحتى تلك اللحظة توجد سكرتارية مالية ولكن دون جدوى فكيف لنا أن نجمع تبرعات أو خلافه قبل أن نوصل فكرنا للجميع ، فكان حتى تلك الفترة أي أعمال تحتاج لنقود نقوم بطريقتنا الخاصة بتغطية العمل دون إظهار أننا نعاني من أي ضائقة مالية لأن الهدف العام كان أكبر من تلك المشاكل.

    بعد نجاح الكورس قمنا مباشرة بالإعداد ليوم ثقافي بالحديقة التي توجد مقابل المركز الصحي، وكان ذاك اليوم شي لا يوصف فقد شارك الجميع في الرسم والنحت والحياكة وتم التبرع لنا من دار الكتب السودانية بمكتبـــــة ( شكراً أخونا عادل مصطفي اخو حارس الصداقة سابقاً حسونة) والكثير من الأشياء وتم ختم اليوم بحفل غنائي بواسطة فرقة البنات ( تم تدريبهم بواسطة الأخ عبدالناصر سعد ) وتوزيع الجوائز للمتفوقين في الكورس ( هل تصدقوا بأن كل هذه الأشياء من أبناء الشعبية وبالجهد الذاتي).

    بهذه الأعمال تأكدنا تماماً بأننا قد قمنا بتحقيق النجاح تلو النجاح وان اسمنا تم التعريف عنه بالصورة السليمة وأصبح معروفاً لأغلب سكان الحي، لان ذلك الكورس واليوم الثقافي يعتبر كل بيت بالشعبية شمال قد شارك فيه بصورة أو بأخرى.

    أصبحت اجتماعاتنا تناقش كيفية تجميع الأموال وتحقيق أهداف أكبر للرابطة. وتم التصويت على اقتراح عمل تخريج لطلاب الشعبية شمال والاحتفال بهم. وصدقوني كان اجتماع عاصف وكانت الغلبة لمن تبنوا الاقتـــراح كان يكمن الخوف من المعترضين من انه لا يوجد سيولة وهدف مثل هذا إما سيوصل بنا للسما أو يخسف بالرابطة الوليدة. طبعاً بدأ التجهيز للاقتراح الذي فاز وبدأ حصر الخريجين والتنسيق لكافة البرامج وكنا نجلس كل يوم نضحك حيث أن كل شي لهذا اليوم يحتاج لمبلغ مالي وكنا حتى تلك اللحظات لا نملك حتى حق فتة الفول عشان نتعشى بعد تجوالنا للبحث عن لبسه التخريج ومن سيحيي الحفلــة ( صدقوا كنا طماعين نعمل اجتماعات مع أستاذنا ابوعركي البخيت والأستاذ الكبير ود الأمين ونحن لو قال الحفلة بألف جنيه ماعندنا). المهم كان أكثر مايحزننا أن الذين صوتوا للقرار أو البعض منهم لم يفعل شيئا وظل يتفرج ( لا ادري هل كانت هنالك ادوار سياسية خفية) أم أشياء أخرى ستظل بين كل شخص والخالق ونيته في إسقاط أو إنجاح الرابطـــة( لان الذين قاموا بهذا العمل هم الذين عارضوا هذا القرار ووقفوا ضده). الحمد لله مجموعة من الذين يدرسون خارج العاصمة اخذوا مصاريفهم وتم تسليمها لموضوع التخريج وكل إنسان وذكائه وعلاقاته قام بتجميع مايمكن تجميعه ( لم يتم تجميع أي مبالغ باسم الرابطة) أصبحت المسألة أن رابطة الشعبية تكون أو لا تكون وتحدي لنا ولعزم الذين من حولنا من أعضاء الرابطة وأبناء الشعبية الأوفياء فهل نجح من كانوا يودون أن يدمرونا وظنوا أن أبناء الشعبية بهذه السهولة قد يستكينوا أو يستسلموا . هيهات ثم هيهات أن ينجحوا في ذلك.
                  

07-20-2009, 10:05 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    الحلقة الرابعة من مشاركات الأخ حسن عثمان مضوي:
    Quote: بسم الله الرحمن الرحيم

    الحلقة الرابعة

    تصوروا كيف يكون الحال
    لو ماكنت من الشعبية وأهل الحارة ما أهلي


    جاء اليوم الموعود وكانت الحركة دائبة مابين موقع بداية الحدث (مدرسة البنات –مقابل ميدان الرابطة) ومابين موقع الاحتفال (نادي دار الأطباء بشارع النيل) وتم الاستعداد بالكامل واصطف موكب الخريجين وقت صلاة العصر وأمامهم الفرقة الموسيقية بسلاح المهندسين من امدرمان وسيارات المرور( النجدة) وتحرك الموكب من ميدان الرابطة مروراً بمنزل المرحوم السيد محمد نور الدين ( وفاء وعرفان) مروراً بميدان الصداقة ليبدأ مشواره من الزلط( مابين حلة الصداقة والمارد ) وخرجت الشعبية عن بكرة أبيها لتحتفي بأبنائها وكانت الزغاريد تملأ جوانب شارع الشعبية وأهازيج الفرح تنطلق من الفرقة الموسيقي يعلوها التصفيق الحار من كل أهلنا بالشعبية وكلمات الشكر والثناء من أمهاتنا وحبوباتنا وآبائنا التي مازالت ترن في إذني ( باعتبار إننا منظمي التخريج ومسئولي تنسيق الموكب) والكل يهتف بالشعبية ووصل الموكب إلى شارع المعونة حيث تنتظرنا الباصات التي ستقل الخريجين وباصات ستقل الأهالي وأصبحت المؤسسة موقع حدث للشعبية وكانت السيارات العابرة والقادمة تشاركنا ذاك الفرح ورايات رابطة الشعبية مرفوعة عالية تبين أن هؤلاء هم أبناء الشعبية وأننا قدر صنع المستحيل لأن رابطنا واحد حبنا الأبدي للشعبية.

    وصل الجميع لدار الأطباء وبدأ الحفل بكلمات رائعة من الرائع المرحوم الأستاذ الشاعر ابوآمنة حامد حيث قال ( لقد ولدت رابطة الشعبية بأسنانها ) وكان له كلام مؤثر عن الشعبية وعن طبائع أهلها . وقد تم تغطية ذلك اليوم بزخم إعلامي من الصحف ومن التلفزيون الوطني ( هنالك برنامج في الفترة المسائية يتم فيه تغطية مثل هذه الاحتفاليات وقاموا بتغطيته ونشره بالتلفاز) وتم إلقاء بعض الكلمات من الرابطة وتم توزيع الشهادات وكان الحفل بفرقة أولاد البيت ( اقلهم تكلفة). لم تكمل مجموعة من الشباب المشاركين في إعداد هذا اليوم البرنامج نسبة لتعرضهم لمضايقات بواسطة بعض الأجهزة والحضور والاستفسار عنهم فتم تهريبهم من اجل عدم قتل فرحة اليوم والذي وبحمد الله انتهى على خير.

    طبعاً شي بمثل هذا الحجم من المستحيل نكون قدرنا بمواردنا الذاتية فقط أن نكمله، فقد قمنا بتأجيـــر الكافتريا ( طبعت غطت مصاريف النادي فقط) وكان هنالك تذاكر لأي خريج يزيد عدد أفراد أسرته عن (3) (حسب ظني أو خمسة ما متذكر) وكذلك الذين حضروا من مناطق أخرى وكان ذلك يتم خفية حتى لا نتعرض لمشاكل مع المحلية أو الضرائب وغطت نوعاً ما الوضع. ولكن كانت هنالك ديون على الرابطة ويجب إعادة المبالغ لمن أخذت منهم وبطبع أهل الشعبية لا بنأكل حق زول ولا نرضى الاهانة حتى لو ما أكلنا نحن.

    ثاني يوم تم إعادة ملابس التخريج والكراسي وكل مستلزمات حفل التخريج وكذلك إعادة ترتيب المدرسة وخلافه، تم عقد اجتماع اللجنة التنفيذية وكان الاقتراح الاستفادة من نجاح التخريج وذلك لإشراك الأهالي في مساعدتنا من الخروج من الأزمة المالية وتم تقسيمنا لفرق لتغطية الأحياء والبدء في عملية جمع التبرعات للرابطة حتى يتسنى لنا تسديد الديون والوقوف على أرجلنا للمرحلة القادمة. وبالفعل بدأ العمل وكان التجاوب من أهلنا منقطع النظير فلم نطرق منزل في الشعبية إلا وجدنا التفاعل التام معنا ( والله في بيوت قسموا معانا حق حلة ملاحهم لثاني يوم) وطبعاً نحن في ظرف (48) ساعة كدنا ننهي الديون التي على الرابطة. ولكن يظهر أن هنالك جهات صدمت من هذا النجاح الباهر والتفاف أهل الشعبية حولنا ولم نصبح رابطة بل أصبحت الشعبية كلها في وعي وتجاوب منقطع النظير مع هذا الكيان. فتم إخطارنا بواسطة اللجنة الشعبية ومندوب اتحاد الطلاب بأنه تم إيقاف الرابطة لأن رئيسها قد أصبح عضواً في اللجنة الشعبية وهذا جمع بين وظيفتين. وطبعاً اترك لكم تقييم ذلك الوضع ولا أود الخوض ( اللبيب بالإشارة يفهم) ولكن كما أسلفنا أنهم بكل الأحوال كانوا يريدون أن يروا هل سنستطيع النجاح وإذا نجحنا يستخدموا أسلحتهم في إيقافنا. وطبعاً كان التحذير والتهديد واضح من اللجنة الشعبية والأمنية أن قيام أي اجتماع لنا يعتبر غير قانوني وسنتعرض للاعتقال باعتبار انه تجمع. وظللنا فترة من الزمن في وجود رقابة بجميع أنواعها وتهديدات غير مباشرة لأسرنا وحاولنا المستحيل مع اتحاد الطلاب ولكن دون جدوى لأن المعلومات التي لديهم أننا أصبحنا قوة لا يستهان بها. فهل تم قتل مفهوم الكيان من أذهان أهل الشعبية ومن أبنائها.
                  

07-20-2009, 10:15 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    الحلقة الخامسة (الأخيرة) من مشاركات الأخ حسن عثمان مضوي:
    Quote: بسم الله الرحمن الرحيم

    الحلقة الأخيرة
    تصوروا كيف يكون الحال
    لو ماكنت من الشعبية وأهل الحارة ما أهلي


    الحمد لله ظل الكيان موجود في أذهان الجميع وكان يتم ذكر الرابطة بكل خير وكان الجميع يسأل لماذا توقفت وماذا حدث.

    من زرع بذرة فإنه يحصد يوماً من الأيام ثمارها وهذا ما حدث بالشعبية فالذين قمنا بعمل كورس صيفي لهم من طلاب المرحلة الثانوية أبان عمل الرابطة دخلوا الجامعات وكان اقتناعهم بالفكر والمبدأ الذي قامت به الرابطة متواصل لأننا كما أسلفنا الذكر أننا جميعاً نتفق في حبنا للشعبية. واذكر انه تم عقد إحدى اجتماعاتهم لدينا بمنزلنا وذلك كنوع من الاحتفاء بي لأنني كنت سأغادر في تلك الفترة مهاجراً لأرض البترول والأحلام بعد عدة أيـــــــــــام(السعودية) ( وكان الحلم سراب ووهم) ( تقريباً الاجتماع كان يوم 01 مارس 2000م) وبالفعل كانوا قدر المسئولية ولديهم الرغبة في المواصلة واذكر منهم على سبيل المثال وليس الحصر : وليد احمد صباح الخير ( بوب) – أكرم ( خاله محمد الطري بحلة الصداقة) – هشام ميرغني ( اخو ناصر ميرغني- يفتح في مبدان الصداقة) – ميمي من حلة الصديق –ميرفت احمد الطاهر- إسماعيل ابن أخت إبراهيم إسماعيل

    لا أود أن اسرق حق آخرين في سرد وتوثيق عملهم لذلك أتمنى أن يتواصل ذاك الجيل الذي بدأ بعدنا العمل وحسب علمي لم يكتب لهم النجاح مثلنا ، خصوصاً وان علاقتي من ذاك الوقت أصبحت مثل أي مغترب الهم الأول جمع الريالات ومحاولة المحافظة قدر المستطاع على علاقاتنا ولكن ليس بمثل القوة الأولى.

    فهكذا يا صديقي المهندس مجدي نقد ، هذا ما عملناه في فترة وجودك وفي فترة تحصيلك للعلم في بلاد الفرنجة ( على قول المسلسلات الدينية) والتي كنت مشاركاً بها لو ما بوجودك بقلبك وبوجدانك معنا وبفكرنا الذي كنا نحمله كلنا في بوتقة واحدة. فهل بما تم نكون قد اجبنا على تساؤل أبائنا؟

    هذا يا سادتي مأتم من أبناء الشعبية عندما تجمعوا في كيان واحد وهم طلاب وكانوا يستلموا مصروفهم من أهاليهم، والآن وقد تجمعنا والحمد لله مرة أخرى في كيان واحد ماذا سنفعل؟ أم هذا التجمع هو بداية الانطلاق للإجابة على السؤال الذي يدور بخلد كل واحد منا ماذا يجب علينا أن نفعل لنرد الجميل للشعبية؟
                  

07-20-2009, 10:20 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    الأخ حسن عثمان مضوي
    شكرا لك على هذه المشاركات الثرة و التي وثقت بها لرابطة أبناء و بنات الشعبية بالجامعات و قد أوردت كثير من الأحداث و المجهودات كانت غائبة عنا و ذلك لتواجد الكثيرين خلال هذه الفترة خارج السودان و لا بد من الاشادة بمجهودات أبناء الشعبية و أرجو أن تكون دافع لطلاب الشعبية بالجامعات لمواصلة هذه الجهود..
                  

07-20-2009, 10:30 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    رسالة من الأخ وليد عبد اللطيف:
    Quote: ود حمد الرائع :
    تعرف ياحاج لما الواحد يفتح النت ونلاقي نفسنا متصدرين الصفحة الاولى يادوب الواحد يرتاح ويقدر يشتغل بنفس يعني شركتنا كان تديك حافز لتحفيزك لنا بالعمل .
    كتب ود حمد في بوست خارجي :
    يا زول ناس الهلال لي هسع ما مصدقين طلعوا بالتعادل...ديل مفروض باخدوا تلاتة نظيفة..الهلال ظهر انو فريق فتة و ظهر ان الاعلام الهلالي يحاول بناء فريق على صفحات الجرائد..

    Quote: انا بتكلم عن المستوى

    شفت الفرق بين مستوى الفريقين

    والله فريقكم ده الا تلعبوا فيه في نيالا


    في نيالا زاتو لو لعبوا ضد منتخب كلمة ما بغلبوا..

    طبعا ياود حمد شفت مباراتكم مع الهلال يادوب امس ووجدت ان المريخ كان اقرب للنصر وفي الحتة دي بالزات عايزين راي احد اقطاب المريخ المهمين برابطة المريخ بجده وهو الارباب (صلاح كراكة ) وعرفت في الحلقة الاخيرة انه من انشط الاعضاء ومساهماته المالية الكبيرة .
    والله ياعبدون :
    الله مرقنا بكرامة البليله يازول الناس لو ظبتو دفاعهم ورصوهم كويس تاني مافي زول بقدر عليهم واولهم الهلال بس بيني وبينك ثقافتهم الكروية ضعيفة لولاها المباراة لها شكل تاني اقل شي بحسابات الكورة
    4/صفر لصالح المريخ
    وكدى نسالك وين اخونا الجميل (عبد الوهاب ) صاحبك من الزنقة دي (زنقة كلب في طاحونه )
    فيصل عبدالله محمود استاذنا :
    لو تعرف غلاوة الريد
    كان حنيت علي مره وكان حركت عجلاتك

    والشعبية غالية علينا ياستاذنا الواحد بيهترش بالمداخلات من اجل الظهور وان يكون مع الناس في الشبكة وبس نحن وين والتوثيق وين ياعمي ونحن عندنا مبدعين في الشعبية امثال شكوكو وود قناوي وود البوب
    ومحمد حسن التربيل وشخصك وباقي العقد الفريد .المهم ان شاء الله الهدية عجبتك وخفت شمس الدين يشاركك فيها .
    ولو تعرف لما مشيت الشعبية في الاجازة القصيرة وجدت المهارات معدومه عند الصغارفي منطقة الشعبية وقلت الواحد حسب علاقاتة يقوم بتسجيلهم الى بعض الاندية وزي ما عارف الكورة اصبحت بالواسطة .
    ونعرج لود حمد تاني :
    بالله يا ود حمد ان شاء الله تكتب السلام عليكم عليكم السلام في كل مره عشان نكون متصدرين الصفحة الاولى . وحاول طلع لينا الارباب صاحبك (صلاح كراكة )


    ودمتم ........... وليد عبد اللطيف
                  

07-20-2009, 10:35 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    الأخ وليد عبد اللطيف:
    ياخي انت راجل رياضي و روحك رياضية و تحب اللعبة الجميلة ما زي جماعة كده مع تحياتي للأخ عبد الوهاب علي الحاج ، ياخي لازم نكاوي الهلالاب ديل شوية و رغمانو الكورة كلها كانت فتة لكن المريخ كان الأقرب للفوز..
                  

07-20-2009, 10:51 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    خواطر الأخ صلاح عباس فقيري
    لقد استمتعت بقراءة لم تكتمل للحلقة الثانية من خواطر الأخ صلاح عباس فقيري بعنوان
    خواطر حول الحبّ والإيمان والغناء والقرآن

    و هي تعبر عن امكانيات أدبية للأخ صلاح تشمل القراءة و الاستماع و التفكر..

    و خلال قراءة لمشاركة الأخ حسن عثمان مضوي ربطت بين المجهودات التي ذكرها و هو يتطرق لرابطة أبناء و بنات الشعبية بالجامعات و هذه العبارة التي ذكرها الأخ صلاح عباس و هو يتحدث عن أغنية "الصباح الجديد"

    Quote: في الحلقة الأولى من هذه الخواطر، وفي إطار التّنويه بأغنية "الصباح الجديد"، قلتُ:
    "إنّها أغنيةٌ تحكي على مستوى العاطفة والشُّعور مسيرةً إنسانيَّةً ظافرةً, يطمحُ كلُّ إنسانٍ ينبضُ قلبُهُ بالحياة إلى أن يُحقِّقها على مستوى الواقع، ومن خلال ذلك تنمو شخصيّتُه ويتكامل وجوده الإنسانيّ، ويكتشفُ في نفسه منجماً زاخراً بالقدرات والإمكانات. وبمثل هذا الجهدِ النّبيل يكون للحياة رونقٌ وبهاء، يجعلانها رغم كلِّ ضروب الإحباط، ساحةً للعمل والجهاد والعبادة ...".
                  

07-20-2009, 11:03 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    كمال كرار
    Quote: طبعا زي ما قلت ليك الباشمهندس/ أمجد كرار.. في طريقه للبلد...

    وغالبا ما يفتتح داره العامرة القديمة الجديدة بالشعبية...

    حقو تدفعوه وكده.. أو على الأقل خروف كارب... يمرقوا...

    تحياتي... الشعبية فوق..


    أكيد دي فرصة نضرب لينا لحم ضان ملح و بين و بينك لو طلع من الجماعة في السودان لما يرجع جدة بنخلص حقنا..كمال شكرا على المرور فرغم انشغالك ببوست بحري طراوة ما مقصر مع الشعبية (قول لي نقدر نقصر صلة دم و نسب)
                  

07-20-2009, 11:14 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    المداخلة التالية للأخ عبد الوهاب بعد مباراة المريخ و أتراكو و التي انهزم فيها فريق المريخ في المباراة النهائية لكاس سيكافا
    Quote: ياحجوج
    كيف اصبحت من تعب امبارح

    و بعد مباراة هلال مريخ أول أمس نسأل عبد الوهاب
    يا وهبة كيف اصبحت بعد تعب أول أمبارح
                  

07-20-2009, 11:25 PM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: عزالدين محمد عثمان (Re: الحاج حمد الحاج)

    فيصل عبد الله
    Quote: الاخ عزام لك التحية وشايفك قللت من بوست الشعبية ارجو ان تتحفنا من اقوال اهلنا ناس البطانه شايفك ليك دراية بشعرهم الجميل

    يا زول هو كان فاضي و جا بي جاي زول مبدع لكن فاضي لي من محسن خالد
                  


1 صفحة 56 „‰ 110:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de