|
|
 Re: الأخت الدكتورة ستنا خضر (Re: عابدون محمد عابدون)
|
Quote: احبائي واهلى الحنان بالنجمة التي تزين سماء بحري
اخي عبدون وبقية العقد الفريد
سلام الله عليكم ورحمة الله وبركاته
اولاً اخي حاج الحاج حمد كيف حالكم وكيف عامل مع ناس الحوش اخي اولا معليش جديد فى البوست ولم اعرف حتي الان مقرك هل انت بالسعودية بجدة بالرياض ولا بالدمام ولا فى قطر والله للان لا اعرف وحتي الاخ عبدون لم يذكر لي ثانياً لم تبدي اي رأي فى سردي لتكوين فريق الصداقة والصديق وايضا على الصور وهل تعرفت على ام ذي اخونا (آبدون ) مودر وداير ليك وكت حتى تتعرف على شخصي الضعيف وأتمنى ان تكون بالرياض حتى تتم مقابلتي لك حتى لو فى جدة انشاء الله ولك منى الف الف تحية واشكرك كثيرا على لم شمل اهل النجمة وتواصلهم كبيرهم وصغيرهم .نسائهم ورجالهم
اخي / شمس الشموس ود ساتى المحسي الاصيل والله اخى شمس صرت مدمن لهذا البوست حتى اضطلع على قفاشتكم انت والاخ (آبدون ) وبنتظر بفارق الصبر مداخلاتكم بحق انتو فاكهة البوست ضحكت كثيرا بقصة ( ياقوب ) وطبعا الراجل اتماشى مع ناس العاصمة . اما بخصوص الاخ محمد عباس فعلاً طلعت اوت لانة محمد عباس الانا بعرفه من بدين وله اخ ما زال معنا بالرياص وعلى فكرة المحس هنا بكثرة واذا حصل شىء على طول تسمع بالخبر ودا تشابه اسماء ربنا يديهو الصحة والعافية والرحمة لكل موتانا وأموات المسلمين . طبعا عشان انت دفعة (آبدون ) لم تعلق على السرد وحكاية تكوين فريق الصداقة ولا انت ما عندك شغله بالكورة على فكرة نادى سمت فعلا بالمزاد وبدرى كنت بمشى مع عبد الهادي محمد سليمان وعبد المنعم كاسو يمكن تعرفه واكيد لانه يمكن يكون قريبك لانه ناس هدهد اقربائك ولا شنو ؟وطبعا بتعرف مجدي عثمان عبد الوهاب دا اخو المدام وجار ناس هدهد ودا طوالى مع عادل محمد سليمان في نادي سمت والله زمان يا شمس ايام لن تتكرر وكان عهد زاهر اتمنى من الله سبحانه وتعالى ان يعيده ومافى شى عند الله بعيد قول امين وعلى فكرة عبد الناصر اخو منعم بتبوك وكان معنا بالرياض اطلت عليك فالمعذرة ولك منى عاطر التحايا والود
نعود للمجنونة طبعا بعد تكوين الرابطة قلت همتنا شوية وصارت الفرق كثيرة جدا بعدها انتقلت إلى منطقة شندي حيث عملت معلم بمنطقة المغاوير غرب شندي فقط كنت اعود لالتقط الاخبار وبعدها تم زواجي بالمزاد وصرت من سكان المزاد بالقرب من مستشفى احمد قاسم فقط كنت متفرج على المباريات بميدان الصداقة ومن شندي إلى السعودية حيث مكثت بالسعودية الى يومنا هذا وبالمناسبة لنا ذكريات كثيرة ولكن الذاكرة صارت خربة والكبر حصل فقط نريد من يلكزنا ويذكرنا المناسبات حتى تعود لنا الذاكرة حبه حبه والعافية درجات
اخي (آبدون ) فعلا اسم الحلفاوية ( نبوية ) وبرضة كان فى واحدة من المحس قريبت واحد كان ضابط اداري وعلى ما اعتقد اخوها وكذلك من اعضاء لجنة الكتائب والطلائع واحدة لهجته مصرية كانت تسكن مع ناس جوكو وبمناسبة جوكو وين عبد الرحيم وكذلك (قرشلى) وود اخوه الشاعر نسيت اسمه ورتبته شنو وعمك نور الدين وديل طبعا ناس حلتك تكون عارف اخبارهم وأنا ابالغ ليك شوية والله يا (آبدون ) انا من زمن الفيضان لحدى الان ما طبيت السودان ولاعندي حتى الفكرة
معليش اخواني واخواتى اثقلت بعض الشىء ولكن نسبة لطول المدة ولشوقي الشديد لاخبار الشعبية التى هى مرتع صبانا
لنا لقاء ولكن بعد ان اقرأ مداخلاتكم فالمعذرة لكم جميعا ومن فاتني ان اذكر اسمه
اخي سعادة المستشار اظهر حاولت الاتصال بك فلم افلح
محبتى ومودتى لكم جميعا
والسلام ختام
اخوكم فيصل عبد الله
|
| |
 
|
|
|
|
|
|
|
|
Re: الأخت الدكتورة ستنا خضر (Re: شمس الدين ساتى)
|
أختي الصغيره
ستنا
لكِ مني تحية يملؤها خالص الأماني أن يرفع الله شأنكِ
ويطهر قلبكِ ، ويملأ حياتكِ سعادة وطمأنينة وإيمانًا
الله وهبكِ نعمة في عملكِ تصلين بها إلى سعادةالمريض الذي
قد أعجزه الألم فتشفى بإذن الله على يديكِ
و ترجعين بسمةعليله وسقيم
تمسحين دمعة حزن قد أغرقت خديهما
اسم ستنا اجمل اسم فى الوجود لانه يحمل
اسم والداتى
تحياتى للاخوان
فائز والرائع عاطف بلو صاحب الانامل الذهبيه
متهم الله بالعافيه
| |
|
|
|
|
|
|
|
|
|
Re: الأخت الدكتورة ستنا خضر (Re: Mubarak kunna)
|
جوكو موجود فى الرياض معاكم مع اسماعيل سليمان وبرسى وكتير من شباب الشعبية اما عبد الرحيم فزولك خلاص بقى حبوبة وطبعا قرشى هسة على ما اعتقد عميد ولا عقيد فى الجيش ماعارف طبعا انا اتذكر الايام ديك كان لسة جديد فى الجيش وكان ادوهم رتبة رقيب فنى لكن قرشى راجل منظم فى حياته وعشان كدة استمر فى الجيش لغاية ماوصل لرتبة العميد العم عباس نور الدين اتوفى لرحمةالله قريب وكان نزل نعى هنا فى صفحات سابقة وماعرفت انت قاصد منو بالشاعر .. على العموم عبد المنعم عباس نور الدين كان عنده اهتمامات بالشعر وعملوا مجموعة منهم السر موسى وياسر عوض سليم وآخرين ..
| |
|
|
|
|
|
|
|
|
 Re: الأخت الدكتورة ستنا خضر (Re: شمس الدين ساتى)
|
Quote: أيوة ياعموش .. كنت بتقول فى شنو؟؟
شفت دى كيف ياعبد الكريم .. خليها ترفع ليهو الضغط |
ياعابدون
** مساءك خير..
** هو الشرير مُش عمل عملية تصحيح نظر ولى الحاصل شنو شايف النضاره مافى؟؟
** لكن من الصوره بتاعت الشجر ووسط الزهور متصور ,, أفتكر انوالعمليه مانجحت والنضاره إتكسرت...
## الشرير
** مساءك خير..
** قلت لى ناس (نــادى ســــمـــت) شغالين معاك بسياسة يلمها النمل يطاها الفيل.. والله عافى منهم.
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
الحاج فى الصورة برضو فى الاخ زروق عمر وهو شقيق صلاح عمر لكن يمكن يكون غير معروف لأنه عاش معظم حياته فى حلة حمد ..
الصورة التانية ياحاج فيها وقوفا : حمد العربى - ياسين وداعة
جلوسا : ابو عركى ( مدافع الشعلة وقتها ) - حسن بتاع الاستوديو - محجوب شابو
وحسن دا اللى انا قاصده انو كان يدير الاستوديو ..
بعدين ياجماعة عركى دا مافى اى زول كتب عنه حاجة قبل كدة ولا الاخوين وداعة ..
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
Quote: عبد الكريم ياخوى تصحيح نظر بس؟ دا عنده خلل عام ..
شفت نحن تعبانين فى الصفحة وجا فى النهاية قلبها ..
يقلب لونو.... |
عابدون
** ياخوى الزول دا الحاج من صفحة 48 عينو فى وظيفة قالب الصفحات البوستيه للشعبيه ..
** أها صاحبك بقى زى الزول البيتمشى فى الكبرى وشايل ليهو سبحه مما يصل 99 بيفكر يدق خلف ويرجع ,, صاحبك من الُمداخلات تصل للرقم 90 بتكون ماسكاهو ام هلا هلا ,, ويبدا يقول :- ياالله قلبت ياالله قلبت زى الزول المِشرك ليهو لطيره..
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: (Re: عبدالكريم أحمد الامين)
|
رحلة لأدغال الشمال:
" أبوي قال حنسافر البلد" , جملة كنا نسمعها في بداية كل إجازة صيف . يقولها أحد صبية الحي فرحاً لشوقه للبلد ولأقاربه الذين نأت بينهم وبينه المسافات , ويقولها صبي أخر بصوت حزين معتذر لعدم إمكانه المشاركة في المغامرات التى قررنا القيام بها. ولم يخطر ببالنا أيامها أن نحاول إقناع أحدهما بالبقاء , فقرار السفر للبلد لم يكن بأيدي الصبية , وإنما أصدرته جهات عليا لا تناقش قرارتها وإنما تؤخذ كأمر واقع وقدر محتوم. والبلد المذكور هنا لم يكن مكان بعينه سيلتقي عنده ذلك الصبيين , فهو قد يعني لأحدهما " الزومة" وللأخر " كوستي" , فلا سبيل للقاء الإثنين .
لم تصيبنا أيامها تلك القرارت المفاجئة بسفر أحد أفراد المجموعة للبلد بإحباط ولم تفلح في إفشال مخطاطتنا لإجازة صيفية حافلة بالأحداث. يسافر من سافر وننساهم إلى حين . ننسى من ودعنا منبسط الأسارير وننسى من فارقنا وعيناه تفيضان دمعاً. لم تكن مشغولياتنا تسمح بالإنجرار للعواطف والرومانسيات . كنا كرجال الأعمال منهمكين في إستغلال الوقت (أيام الإجازة) أفضل إستغلال.
كنت وأخي الأكبر نتمني في دواخلنا أن نقول يوماً لبقية الشلة: أبوي قال حنسافر البلد. وأن نسافر للبلد. ذلك البلد الذي لانعرفه إلا من حكايات أمي ومن روايات أقاربنا. بلد بعيد , بالغ البعد. يدل على بعده مظهرالقادمين منه يوم وصولهم. غبار كثيف يغطي الأبدان والوجوه حتي لا تكاد تتبين ملامحهم , وأعراض إجهاد بادية للعيان توحي بطول السفر. كانت ذكريات أمي عن جزيرتهم في الشمال تطلق العنان لمخيلاتنا فترى جنةًً تحيط جنباتها أشجار النخيل , وتغطي أرضها خضرة النجيل , يسعى بين أطرافها قوم ملائكي الخلق والخُلق. وتنزع الخيال من شطحاته مناظر القادمين من البلد وغبارهم وتعود به بعنف لأرض الواقع . روت أمي فيما روت ذكريات أخر زيارة لها للبلد . ولم أجد لتلك الأحداث صدىً في ذاكرتي رغم معايشتي لها (حسب رواية أمي) ولعل السبب كان حداثة سني , فقد كان عمري حينها نصف عام . كانت نفوسنا تتوق لرؤية تلك الجنة في أقصى الأرض ولرؤية مواقع تلك ألذكريات . وكانت مشغوليات أبي (رحمه الله) حائلاً دون تحقيق تلك الأمال.
جمعت وأخي الأكبر يوماً أطراف الشجاعة والإقدام وقررنا مصارحة الوالد برغبتنا في زيارة البلد. ولم تكن الحجة هي معضلتنا , فالحجج لزيارة البلد من صلة الأرحام وما أشبه ذلك معلومة للجميع. ولكن كانت مشكلتنا في إقناعه بالسماح لنا بالسفر دون رقيب لجزيرة نائية يحيطها البحر(النيل) من كل جانب. وقد كانت تجاربه معنا فيما يتعلق بالذهاب للبحر دوماٌ مخيبة لآماله. كان يوصينا بعدم الذهاب للنيل , فلا تمضي أيام على الوصية إلا ونحن " راجعين في المغيرب للديار ما حد يشوفنا.. لا نشوفه .. لا يشوفنا" كما قال حمد الريح. ولم تكن تجارب أبي الشخصية مع أبيه (جدي رحمه الله) مدعاة لطمأنته على خلو الرحلة من الأخطار. فقد علم من أبيه رقة في القلب تجعله يري في الرحلة ضرباً من ضروب التفريط في واجب حمايته لنا من عواقب الطيش وحوادث الزمان.
لاندري كيف أقنعناه يومها, ولا ندري أي أيد خفيه تدخلت فجعلت المحال ممكنناً فقد وافقت أمي أيضا. لابد أن خالي قد أيد الفكرة , ومن غيره يستطيع إقناع أمي بمثل هذه الرحلة ؟. من فعلها وكيف ؟ تفاصيل ثانوية ، ليست هي لب الموضوع ، لاتهم التفاصيل ، فقط علينا ضرب الحديد وهو ساخن. بدأنا في الإستعدادات بسرعة مذهلة حتى نقطع الطريق أمام أي محاولات للتراجع. ولم نلتقط أنفاسنا حتى أشترى لنا أبي حقيبتن للسفر. حقيبتان من الجلد الطبيعي ، لولا تلك الظروف الإستثنائية لما أقنعنا أحد بحملهما. كان لهما لون غريب ، برتقالي ؟ .. من فعل هذا ؟. وهان علينا أمر الحقيبتين في سبيل السفر.
وجاء اليوم الموعود وذهبنا لموقف الباصات في أم درمان. ولم يكن في ذلك الموقف باصٌ حقيقي يستحق تلك التسمية. كانوا جميعاً من الممسوخين والأدعياء. لواري صنعت لنقل البضائع فحولها أطباء التجميل من سمكرية المنطقة الصناعية لحافلات لنقل الركاب وأسموها مجازاً وزوراً "بصات" . لم تكن تشبه المسمي إلا في الشكل الخارجي ولعل من صنعها من الخواجات لو علم بما سيؤول إليه مصيرها لأضاف لها بعض "مساعدات الياي" رفقاً بالركاب. كانت في تلك البصات مواضع تسمي بكراسي العظمة تقع مباشرة فوق إطارات الشاحنة وتمارس مع بالجالسين عليها أقصي أنواع التعذيب والتنكيل. ضربة تطير الراكب في الهواء تتبعها أخري "علي الطاير" وأخرى قبل أن تلامس أجسادهم الكرسي مرة أخري.
ودعنا المودعون وكانت بين المودعين عمتي المقيمة بالخرطوم. ولمن سأل عن سبب ذكري لعمتي بالذات فسيأتي التوضيح في تسلسل الأحداث.
أستغرقت الرحلة أربع وعشرين ساعة قضيناها بين طيران في سماء البص وتشبث بالمقاعد وإستراحات قصيرة أنعمت علينا بها رمال الصحراء حين غاص فيها البص حتي أخمص قدميه. ومع إشراقة شمس اليوم الثاني لرحلتنا إنطلق بوق الباص بموسيقى مميزة ، معلناً وصول الراحلة لنهاية مسيرها وتنفس من تبقى في الباص من المعذبين الصعداء ولفظت رئتاه بعض ما علق بها من غبار كثيف ، ووصلنا منزل عمنا الذي كان إبنه رفيقنا في الرحلة حتي تلك اللحظة.
نظرنا حولنا فلم نجد أثر للجنة الموعودة , رأينا رمالاُ تمتد مد البصر, ونخيلات متفرقة هنا وهناك. أين غابات النخيل ملتفة الأغصان ؟ وأين البساط النجيلي الأخضر ؟ وأين البحر ؟. نظر أخي لي ونظرت له ، وقرأ كل منا في عيني أخيه نفس المعنى ونفس التساؤل: هل في أمر خديعة .. خيانة ؟ .
ولم تهدأ النفوس حتى علمنا بعد السؤال أننا لم نصل غايتنا بعد. ونمنا ليلةً عصفت بها كوابيس وأحلام عن الخيانة وشماتة الأعداء. وإستيقظنا لنجد جدي (رحمه الله) قد جاء مبكراً لأخذنا للجزيرة ممتطياً حمارا ضخماً وقائداً من خلفه حمارا أخر أقل حجماً. أقبلنا نعانق جدنا بفرحة بالغة مردها حبنا العميق لشخصه الطيب وشعورنا بأنه أزال بمجيئه كل الهواجس. فالجزيرة إذن حقيقة. ركب جدي الحمار الضخم ووضع الحقيبتين أمامه وأركبني خلفه . وأمتطى أخي الحمار الأخر. وذكرتني جلستي خلف جدي برحلة الباص. كانت جلستي على مؤخرة ذلك الحمار الشاهق ، أنظر خلفي فأرى الهاوية ويتملكني الذعر، وألمح بطرف عيني أخي وقد تفرد بحمار لوحده فتمتعض نفسي لتلك المحسوبية. سار ركبنا وطال المسير حتى لاحت في الأفق مشارف خضرة كثيفة تنبئ عن إقترابنا من شاطئ النيل . ثم تجلى لنا سليل الفراديس بصفحته الفضية وبدا على البعد هادئاً وقوراً كشيخٍ غلبه النعاس وقت الظهيرة فنام قرير العين. وزادت رؤيتنا للنيل من سرعة الركب ودبت فيه شعلة من النشاط ، لعل مصدرها كان تعطش الحمارين للشرب . وحملنا قارب شراعي لجزيرة صغيرة أخبرنا جدي أنها جزيرة حديثة الولادة ، يستغلها سكان الجزيرة الأم للزراعة وتربية الماشية. وكان في إنتظارنا جمع من الناس ، جلهم من النساء والأولاد . تلقفتنا أيادي النساء قبل أن تلامس أقدامنا أرض الجزيرة وأنهالت علينا قبلات حارة من كل الإتجاهات وأرتفعت الأصوات بخليط من العبارات العربية والنوبية ، عبرت عن فرحتهم لمجيئنا مجتازين آلاف الأميال ، وعن حب لذوي القربى . وفي تلك المعمعة وأنا أحاول في خجل رد التحايا المنهالة علينا من شتى الأنحاء رأيتها تقف وهي تبتسم في حنان فأصابني دوار مباغت وأحسست ببرودة طاغية تدب في أطرافي من هول المفاجأة. كنت كمن يحلم وهو مستيقظ ، يتبادلني الواقفون بين تقبيل وتربيت على الأكتاف فلا أفهم مايحدث . إنقطعت أجهزة الإرسال والإستقبال في داخلي منذ رأيتها هناك ، تبتسم وتتصرف كبقية الخلق وكأن شيئاً لم يحدث ، وكأنها لا تعلم بما أصابني من ذهول لهذه المفارقة العجيبة. كيف أتت عمتي التي ودعتها بالأمس في أم درمان إلى هنا . ولماذا العناق والتقبيل وكأنها لم ترنا منذ سنين . ماهذا ؟ .. مؤامرة أخرى ؟ .. مقلب آخر ؟ .. ألا تنتهي المؤامرات والمقالب في هذه الرحلة المريبة ؟. هدأ روعي قليلاً وعادت بقية من عقلي لترتيب الفوضي التي أعملتها به وقع المفاجأة . أعدت النظر لمن تيقنت قبلها أنهاعمتي التي ودعتها بالأمس فتراءت لي أشياء لم أفطن لها في النظرة الأولي . إختلاف طفيف في الحجم واللون وفي دقائق أخرى . وإلتأم شمل فكري وأحسست بدفء عودة الروح ولامست قدمي أرض الجزيرة مرة أخرى. أدركت أنها إحدي عماتي اللاتي يعشن في البلد. قاطع الله هتشكوك وأجاثا كريستي أصبحت عقولنابسبب شغفها برواياتهما تجفل كظباء البوادي لأدنى الأسباب ، وترى في كل مفارقة مؤامرة مدبرة وأشياء غامضة لا تجلو كنهها إلا الصفحة الأخيرة من الرواية.
نواصل الرحلة في لقاء قادم ، إن شاء الله.
أخوكم أمير قناوي
23.06.2009
(عدل بواسطة أمير قناوي on 06-24-2009, 04:58 PM)
| |
|
|
|
|
|
|
|
|
|
Re: أمير الناس (Re: أمير قناوي)
|
ألم أقل لكم إن بيننا من هو الأديب الروائى
والأديب الأديب .. والله ناقصك بس يجى داخل عزام
يتم الناقصة .. والله دموعى نزلت مع هذه الذكريات
الجميلة ..
أين إبن خالى حامد ..عاشق جزيرة سمت ليتمها لنا
قهوة أم الحسن .. الباجة .. أبو ضلوع .. الطريق
الصحراوى..اللوارى..
لكن يا دكتور من سياق السرد أظنك سافرت البلد بعد
السبعينات.. لأن السفر كان قبلها باللوارى .. الواحد
يقعد فوق العفش والشمس فى راسو والرحلة كانت ثلاثة أيام
بلياليها...واصل بالله وذكرنا بى بلدنا الجميلة
| |
|
|
|
|
|
|
|
|
|
Re: أمير الناس (Re: شمس الدين ساتى)
|
عابدون:
| Quote: الحاج فى الصورة برضو فى الاخ زروق عمر وهو شقيق صلاح عمر لكن يمكن يكون غير معروف لأنه عاش معظم حياته فى حلة حمد .. |
يا عابدون الأخ زروق عمر معروف لدي لكن هو غير ظاهر بالصورة انما ظاهر جزء فقط.
د.أمير قناوي
أنت صاحب قلم مبدع..ياخي أنا قلت ناسبت الجنس الآري و نسيت اللغة العربية زاتها..لك التحية على هذا الابداع .. صاحبي عصام قناوي متحكر في حمار بمزااج و مخليك وراء جدك ممتلئ غيظا..لكن اتوقع تكون انتقمت من الحمار بعد وصولكم الجزيرة..متابعين و منتظرين.
| |
|
|
|
|
|
|
|
|
|
Re: أمير الناس (Re: الحاج حمد الحاج)
|
عابدون
** ياخوى الزول دا الحاج من صفحة 48 عينو فى وظيفة قالب الصفحات البوستيه للشعبيه ..
** أها صاحبك بقى زى الزول البيتمشى فى الكبرى وشايل ليهو سبحه مما يصل 99 بيفكر يدق خلف ويرجع ,, صاحبك من الُمداخلات تصل للرقم 90 بتكون ماسكاهو ام هلا هلا ,, ويبدا يقول :- ياالله قلبت ياالله قلبت زى الزول المِشرك ليهو لطيره..
(ودام الود بيننا)
(ابو محمد فؤاد)
ذكرتنى المرحوم خضر بشير..
كان عندما تغيب الشمس تلقاهو ماسك سبحة اللالوب الضخمة
وشاقى المقابر تجاه الشعبية .. وعندما يصل أول كباري الخور
يكر راجعا تجاه شمبات ويكرر ذلك حتى أذان العشاء بعدها يختفى
داخل شمبات..
بعدين وينك ياجدو عبدو (شفتها حلوة كيف)إنتا زعلتا ولا شنو
قلنا صاحبك ود الحورى بقا جد ما إنتا ياخ الزعل لزومو شنو
كما أرجو منك أن تكلم صاحبك ينزل صورة جديدة بدل يجدع لينا
صور الستينات دى.
| |
|
|
|
|
|
|
|
|
|
Re: أمير الناس (Re: شمس الدين ساتى)
|
Quote: كما أرجو منك أن تكلم صاحبك ينزل صورة جديدة بدل يجدع لينا
صور الستينات دى. |
الشرير (ودساتى)
** مساءك الله بالخير..
** عابدون هو ذات الشكل من أيام الاميريه "2" - مع شوية سُمنه , وطبعاً الكرش فى الخليج مُهمه عشان الواحد يخت فيها إيديهو فى الصلاه..
## عابدون:-
** طرش صوره حديثه للشرير عشان يأمن..
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: أمير الناس (Re: عبدالكريم أحمد الامين)
|
بعنى هو بقا مسلم وكمان مكرش عشان الصلاة
والله ضحكت ضحك فى قصة الكرش دى...
لكن ما أظن يعمل بكلامك ويطرش صورة جديدة
أنا فى وإنتا فى..
شايف صاحبك وود خالتك المهندس طارق ماسك
الإفتتاحيات فى الطراوة
| |
|
|
|
|
|
|
|
|
|
Re: أمير الناس (Re: عابدون محمد عابدون)
|
لكين غايتو عشان شمشرتك دى هاك الصورة دى قبل اسبوع كدة لما أسامة جا زيارة هنا فى أبوظبى ..
طبعا ياعبد الكريم ماحيصدق وحيقعد يغالط عشان يكبرنا زيو ...
| |
|
|
|
|
|
|
|
|
|
Re: أمير الناس (Re: صلاح شكوكو)
|
وليد عبد اللطيف في اجازة قصيرة بالسودان
صورة تضم د.هاشم البدري و عبد الرحيم (الضب) في مقدمة الصورة و في الخلف يظهر الأخ أحمد دينق (المزاد) و الأخ وليد عبد اللطيف و هو يعانق أحد الأخوان خلال اجازته السابقة ، الآن الأخ وليد بقضي اجازة قصيرة بالسودان و مستمتع بالشعبية و بحفاوة أصدقائه الكثر..التحية لهم جميعا
| |
|
|
|
|
|
|
|
|
|
Re: أمير الناس (Re: الحاج حمد الحاج)
|
صباحات الخير لكل الاحباء بالشعبية وخارجها وفى الشتات وانشاء الله ربنا يجمعنا جميعا ...
ياوليد من المهم تعمل " قعدة " كدة مع أحمد دينق دا وخليه يتكلم عن ذكرياته من بداية معرفته بالشعبية وناس الشعبية وعن حياته عامة لأنه الزول دا واحد من الناس اللى مفروض نوثق ليهم ..
| |
|
|
|
|
|
|
|
|
|
Re: الأمير شكوكو (Re: عابدون محمد عابدون)
|
شفت الإبداع الحاصل فى كتابات شكوكو وأمير يا عبدون
والله كان فكوك بى نبلة ما تحصلهم.. المصيبة إنو إنتا يرضو
من غير الناطقين بها ليه ما بقيت زيهم..
المرة الجاية بجى عزام يكمل لينا اللوحة الزاهية التى رسمها
لنا المبدعين شكوكو وأمير الناس...
والله تلقى ما فهمتا أيتها حاجة مما كتبه شكوكو الظاهر مخك بس
فى كرعيك (وكان زمان دا) هسا تلقا بقا فى كرشك على قول جدو
عبدو.. نزل الصورة
| |
|
|
|
|
|
|
|
|
|
Re: أمير الناس (Re: عابدون محمد عابدون)
|
عصرية في ميدان الرابطة:
الايام ديك مباريات الرابطة كانت قوية و المنافسة شديدة ، اذا في مباراة بين الصداقة و نجوم الشعبية أو الصداقة و المارد أو نجوم الشعبية و النسر أو الصديق او الشعلة او اي من الفرق الأخرى....زي هلال/مريخ ، مباريات سخنة يوم المباراة الناس من بدري تجي..ناس قاعدين في الواطة و ناس على الحجار و ناس جايبين كراسيهم من البيت..و تبدأ التعليقات بين جمهور الفريقين قبل بداية المباراة: الليلة الله يمرقكم..الليلة ضرب في المليان..الليلة في ناس كده ما ح تتعشى..و يتخلل ذلك تعليقات ظريفة..يجيك أبو اللول مع مشية الكلوجة بتاعتو ديك و الغبار طالع من بين رجلينو و ماسك ليهو غرطاس تسالي و يكورك: يا ناس الصداقة الكرابيج ديل لو ما جبتو قونكم من بدري ما عندهم أمان ديل شفاتت كورة أعملو حسابكم..واحد يكورك ليهو: يا أبو اللول أيام كنت بتلعب كنت بتقدر على الكرابيج ديل..الناس تضحك و يرد ابو اللول: يا زول نحن نيراننا معروفة ما في زول بيقيف قدامها لا كربوج لا غيرو ضرب في المليان..واحد تاني: لكن يا ابواللول ما بتتذكر كربوج لما حاورك جنب راية الكورنر و رماك هناك زي المضروب طلقة..الناس تضحك و واحد يكورك واااو حاوروهو..يرد لأبو اللول : علي الطلاق نحن البرمينا ما ولدوهو و جيبو الكورة هسع و جيبو مهاجمين رابطتكم كلها خليهم يقدروا يفوتو الخط دا و(و يرجع ورا شوية و يرسم خط على الأرض باصبعو) و ينفجر الجماعة ضحك شدييد. و برجع ليكم للعصرية.
| |
|
|
|
|
|
|
|
|
|
Re: الأخت الدكتورة ستنا خضر (Re: الفاضل يسن عثمان)
|
Quote:
الظاهر عليك،يا سجم الرماد مااتزكرتني،نحن درسنا سويا،في الابتدائي
وزمالئنا،الصادق علي الطاهر،جاركم من الخلف،والمرهف علي يحي علي باشري
وهو ايضا جيرانكم، شارع عثمان طيفور قلبين.
طيب ارجع بيك شويه،في احد الاعياد،ذهبنا سويا بمعية،ياسر سليمان<حكومه>
شقيق اسامه سليمان الاصغر،الي التلفزيون لمشاهدة احد البرامج مباشر
وفي شارع المتعرج المخيف للتلفزيون،وجدنا مجموعة من المشرديين،تحت الاشجار
يتسامرون،وقلت ليكم دي عصابة سيك ميك،دب الخوف فينا جميعا،فاذا،بياسر حكومه
وذكائه المعهود يلحظ احد الرجال من البعد،ويصيح ابوي ابوي اقيف،
لنطمئن،ونبعد الجماعه من طريقنا،وانتا من ديك وشابكني،سيك ميك،وانتشر الخبر
وعم القري.
اظنك تتذكر،الان،واتمني اكون استفزيت الذاكره،فيك،لتشتعل،بسردك.
دمت وتحياتي للصادق.
مودتي
|
اخي وصديقي الصدوق
الفاضل
معذره
واستمحنى عذرا
تشرق شمس يوم جديد وتغيب لكى تشرق من جديد
اكتب اليك ويدفعنى الشوق والحنين الى لقياك
أهديك سلامي وأشواقي
وحنين الشوق, فلقد طالت أيام التلاقى بيننا ,
وصارت الأيام شحاحا والليالي طوالا بعد أن كانت ملاحا وقصارا وكان التلاقى بيننا سجالا
وذكرياتنا التي تخالجنا , وطالما ظلت تداعبنا وتواسينا
أحمل إليك يا صاحبي أشواقا ثره وإني على ذكراك مازلت عاملا
أذكر شئ من الماضى الجميل فيسليني من أرق ليالى الاغتراب
وأتطلع إلى لقائك وادعوا الله
كتبت اليك هذه الامانه على عجلة من أمري حين مرّ طيفك في بالي ,أرجو ان تدثرها بين طيات قلبك
وإليك الشوق على طول العمر
خارج النص:-
الظاهر السجم الرماد ليالي الغربه
سوست افكاره
تحياتى للاخ ياسر
وتقبل سلام الصادق
| |
|
|
|
|
|
|
|
|
|
Re: الأخت الدكتورة ستنا خضر (Re: Mubarak kunna)
|
Quote: والله تلقى ما فهمتا أيتها حاجة مما كتبه شكوكو الظاهر مخك بس
فى كرعيك (وكان زمان دا) هسا تلقا بقا فى كرشك على قول جدو
عبدو.. نزل الصورة |
الصورة مانزلناها ليك فوق ... أمشى جيب النضارة وتعال عاين ماتعمل فيها صغير كدة مابتشوف
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
مبارك كنه
تسلم ياصاحب القلم الاريب.
سنيين عديده منذ،خروجي من السودان،للدراسه بالمغرب
ثم الهروب الي غربه اخري،المملكه المتحدة
كانما ياصديقي،نمت بصلة القرابه،لاحد الرحاله.
مع العلم يامبارك،ابان تواجدي بالسودان،لم ابت
خارج البيت اي ليله. وهكذا.
اليك كثير الاشواق،والصادق،والصدوق،علي يحي،وشقيقه عبدالفتاح
وعثمان قلبيين.
ولكل ابناء حي الفرسان،هكذا كنا نسميه.
للصادق شقيق<عصام> كان بيننا،ثم اختفي،في متاهات لندن
او غفل راجعا لقواعده،لا اعلم.
زودني باخباركم،فنحن عطشي لسيره،كان لنا فيها مراتع صبا،ومسقط راس.
وقص علينا،سيرة،صديقكم،المغفور له،طارق،ذلك الشهم،وابن الاوفياء.
نعلم مدي الالم،الذي يمكن ان يعتصركم،عند سردها،نسال له المغفرة
وحسن الثواب.
اليكم مزيد التحايا والود.
| |
|
|
|
|
|
|
|
|
|
Re: الأخت الدكتورة ستنا خضر (Re: الفاضل يسن عثمان)
|
طارق محمد سعيد
Quote: سلام ناس الحوش وكل الحيشان
حوش الرجال وحوش النسوان..
والحمد لله عملنا لينا حوش نسوان |
العود احمد
تراحيب عديده،بعودة الاخ طارق،وكنا نفتقده،بالفترة السابقه
وهللت،بين ظهرانينا،وعطرت المكان،والبوست.
اوصل ودي واشواقي للوالد والوالده،وهاشم المريخي الكبير.
نتابع اخباره من المريخ،لكما الود.
مودتي
| |
|
|
|
|
|
|
|
|
|
Re: الأخت الدكتورة ستنا خضر (Re: الفاضل يسن عثمان)
|
دعوة كريمة من الأرباب صلاح عثمان (كراكة) و مشجعي المريخ بجدة لحضور تكريم السيد / جمال الوالي بفندق (انتركونتننتال – جدة):
بدعوة كريمة من الأخ صلاح عثمان و مشجعي المريخ بجدة حضرت لالأمس بفندق الانتركوننتنتال – جدة حفل العشاء المقام على شرف السيد / جمال الوالي رئيس نادي المريخ و هي كانت فرصة للقاء بالأخ صلاح عثمان الذي يتابع بوست الشعبية و أبدى بعض الملاحظات التي من شأنها دفع البوست و سوف اتطرق لها لاحقا..الشكر للأخ صلاح عثمان
الأرباب صلاح عثمان (ما شاء الله يا أبو صلاح)
السيد / جمال الوالي وجد ترحيب كبير من الحضور
جانب من الحضور يتوسطهم السيد / جمال الوالي
| |
|
|
|
|
|
|
|
|
|
Re: الرحلة (Re: الحاج حمد الحاج)
|
الإخوة الأعزاء لكم التحية
أخي شمس الدين شكراً للمتابعة وللتعليق اللطيف ، أرجو أن يتداخل بقية الأخوة كما إقترحت مشكوراً لإكمال ما غاب عني لطول الزمن من تفاصيل تلك الرحلة . وقد كان السفر للشمالية أو لمناطق ريفية أخرى في السودان في ذلك الزمان حدث تأريخي لمن ولدوا أو نشأؤا في الشعبية. وكانوا يعودون محملين بالإضافة لما لذ وطاب من منتجات تلك المناطق بكم هائل من الذكريات والمغامرات الحقيقية والوهمية ، يثرون به ردحاً من الزمان ليالي السمر بجانب عمود النور وفي الأيام القمرية .
أخي الأكبر شكوكو قرأت تعليقك وأعدت قراءة قصتي فوجدتها تتدارى خجلاً أمام روعة التعليق . لقد مدحت كلامتي المتواضعة بكلامات عميقة وعبارات راقية ، وأوردت معاني أعيد قرأتها لأستمتع بما فيها من إبداع. ولولا أن أتهم بالتحيز لذوي قرابتي لأطنبت في المدح ، وأكتفي بحمد الله الذي جعل فينا قلمك النضير وقلبك الكبير. ولك التحية من المدام ومن سامي وأحمد .
أخي سيد الحوش الحاج
أطارت تلك المفاجأة (والحادثة وقعت كما رويتها) كل رغبة في الإنتقام من الحمار من قلبي ، وكل شعور بالإضطهاد . ولا أزال كلما قابلت عمتي التي قابلتها في البلد أتذكر تلك الحادثة . أتمنى أن تتاح الفرصة لمواصلة رواية تفاصيل تلك الرحلة قبل الأرشفة الربع سنوية.
وطبعاً في الحته دي ما بتحتاج وصية ، وليظل علم البوست عالياً خفاقاً .. أو كما قال أبوعاج رحمه الله رحمةً واسعة.
تحياتي للغائبين المفتقدين ، من كان منهم في زيارة الأهل أو سفريات أخرى ولمن كان مشغولاً بإمتحاناته أو إمتحانات العيال.
أخوكم أمير قناوي
26.06.2009
| |
|
|
|
|
|
|
|
|
|
Re: الأخت الدكتورة ستنا خضر (Re: الفاضل يسن عثمان)
|
الاخ / الفاضل .. الفاضل
تحياتى لك والاسره
والله الانقطاع عن البوست ليس بسبب المشغوليه ...
ولكن اعترف بانه تقصير فى حق هذا الانتماء الجميل ..
لان الانتماء لهذا الوطن الصغير اكبر من كل المغشوليات
ولكن الوعد انشاء الله بالوصل الجميل
تحياتى لكل ابناء الشعبيه بالخارج من رواد الحوش او من يقف على باب الانتظار
| |
|
|
|
|
|
|
|
|
|
Re: الأخت الدكتورة ستنا خضر (Re: Tarig Mohamed Saeed)
|
الاخ / الحاج حمد
تحياتى لك ولكل الاخوان بجده ( الاخ / عصام مامون . الاخ / سامى على مختار والبقيه )
التقيت الاخوان اسامه سليمان ووليد عبد اللطيف
وانشاء الله موعودون بجلسه شعباويه تفاكريه تضم الاخوان
اسامه سليمان والاخ وليد والاخ عمر محمد عثمان والاخ بدر الدين اسحاق والاخ غبد الوهاب
وجنابو صلاح .
وهذه دعوه للجميع بالداخل
| |
|
|
|
|
|
|
|
|
|
Re: الأخت الدكتورة ستنا خضر (Re: Tarig Mohamed Saeed)
|
Quote: الأخ /عابدون تحياتى وجمعه مباركه
اهل الشعبية الطيبين سلامى واشواقى
اخى عابدون عبرك اهدى تحياتى الى الاخ مبارك كنه واقول له ان مربع 5/4 يامبارك موجود بدواخلنا من ذكريات وايام طفوله جميله ..واحب ان اقول لك بأن بالمربع شخصيات لها مواقف جميله لاتنس منهم فى شارعكم على المكوجى نعم هو ليس من ابناء المربع الاصلين ولكن مع طول جلوس فى الحى انصهر معهم واصبح واحد من سكان المربع ..وله موقف جميل معنا فى يوم من ايام الشتاء البارده والناس فى احل نوام
اتى حرامى الى منزلنا واخذ شنطه واثناء هروبه ,واذا بعلى بالشارع ذهب الى الفرن وعندما شهدها الحرامى
اخذ يجرى وعلى يجرى وراءه حتا مقابر شمبات واخيرا ترك الحرامى الشنطه وهرب وارجع على الشنطه الينا ..له التحيه من البعد ولا ادرى ان كان موجود ولا قادر المربع
ويضا يامبارك بشارعكم يوجد لاعب حريف وفنان فى كرة القدم هو خالد التوم بس كان يحب العب مع اولاد شمبات والصافيه ولهذا السبب ماكان ظهر فى رابطة الشعبية . وعثمان قلبين المصور البارع وخلف منزلكم اولاد احمد الطاهر بقيادة المقدام حاتم وخالد ومجدى ونبيل وعصام والصادق وبهذه المناسبه بلغ سلامى الى الاخ الصادق وحمدلله على سلامته لوصوله بلاد العم سام ونتمنى له اقامه طيبه ..اخى مبارك وسوف تتوالى الذكريات تباعا عن المربع ان شاء الله ولك الود
اخى امير قناوى
تحياتى لك يا رائع بجد عندما قراءت سردك لى رحلتك الى البلد وانا بقرأ احسست بانى جالس معك فى الباص فى كرسى العظمه ومسافر الى بلدكم من جمال وصفك الى الرحله من ام درمان وحتا البلد يالك من فنان فى الكتابه واتمناء ان تواصل فى الابداع فى بواست الشعبية كى نستمتع يافنان لك الاحترام دوما
الاخ /الفاضل يسن
تحياتى وسلامى اعرفك ان عصام احمد الطاهر الحين بالسودان وتزواج واستقر وشغال فى السودان
ولكم الود
اخوكم خالد درق
|
تحية صباحية منى ومن خالد درق ..
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
رسالة من الأخ صلاح عباس يتناول فيها ذكريات الأخ أمير قناوي و ذكرياته شخصيا في زيارة البلد:
Quote: سلام الله عليك ورحمة الله وبركاته، وعلى جميع الإخوة أبناء الحي، ممّن يُتابع هذا البوست، وأخصّ اخوتنا في حلة الجهاد والزهرة بمزيد من التحية!
وعلى الإخوة المشاركين في البوست، وأخص الأخت الدكتورة ستنا، وأقول لها: قريباً بإذن الله تتواصل حلقات الخواطر، بعد الفراغ من بعض المشاغل.
وعلى أخي أمير قناوي، شاكراً له إثارة كوامن الحنين إلى البلد من خلال سرده الشّيق لأول رحلة يقوم بها (خرطومنجي) للبلد! وطبعاً (خرطومنجي) هو الاسم الذي يطلقه أهلنا الطيبون علينا نحن الذين نشأنا في الخرطوم. وحقيقةً حسدتُّكم على أنّ رحلتكم إلى البلد كانت في وقتٍ مبكر، مقارنةً برحلتي التي كانت في سنة ألفين، ولمدة أسبوعٍ واحد فقط، والشعور بأنّ البلد جنّة لله في الأرض هو الذي دفعكم إلى التبكير، وهذا الشعور لم يكن عندي مطلقاً، ولكنّي وجدته يعيش بقوة في وجداني، عند زيارتها، وندمت على أنّي لم يُتح لي أن أزورها منذ الصغر، وكنت من أعماقي أقول: كما أنّ إبليس أخرج آدم من الجنة، كذلك هو قد تسبّب في إخراج (الآدَمْري) من (الجزيرة) ، طبعاً (الآدمري) في لسان أهلنا يعني (الناس).
وتحيّاتي للأخ وليد، وهو يعيش هذه الأيام وسط حفاوة الأهل والأصدقاء، حمد الله على السلامة، وأتوقع منك يا وليد أن تعقد حوارات مستفيضة مع كوكبة من نجوم العهد الذهبي في الرابطة: يوسف المفك، جحر، علي سيوده، صلاح حبشي، ... إلى آخر العقد النّضيد!
(ودام الود بيننا) كما يقول المستشار عبد الكريم، له التحية! |
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
والله مستمتعين غاية المتعة مع كتابات أمير البسيطة الجميلة والمعبرة لكن يا أمير الجماعة فى البلد مااكلوك ملاح " كداد " ؟ ولا وانت راجع ماشيلوك قراصة البلح؟
طبعا دى حاجات كانت زمان ايام سفر اللوارى وقهوة أم الحسن ..
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
طرفة عن محمود أنقي:
في اتصال هاتفي مع الخ عبد المنعم كضلو حكى لي طرفة عن الاخ محمود أنقي ، قال لي بعد تسجيل أنقي في الامك صرفوا ليهو معدات رياضية جديدة من ضمنها فانلة ناصعة البياض و فيها لمعة ، صاحبك أول تمرين للكتيبة جاء لابس الفانلة البيضاء و جاتو كورة ثبتها بي صدرو و طبعا الكورة وسخانة لاحظ انها عملت علامة على الفانلة الجديدة نسى الكورة و اتشغل بتنظيف الفانلة طوالي المهاجم شال الكورة و جري على القون و قووووون و أنقي ينظف في الفانلة.
| |
|
|
|
|
|
|
|
|
 Re: الأخت الدكتورة ستنا خضر (Re: الحاج حمد الحاج)
|
| Quote: ياوليد من المهم تعمل " قعدة " كدة مع أحمد دينق دا وخليه يتكلم عن ذكرياته من بداية معرفته بالشعبية وناس الشعبية وعن حياته عامة لأنه الزول دا واحد من الناس اللى مفروض نوثق ليهم |
ياعابدون
** هذا ماطلبته فى صفحة "53":-
وزير الدوله للتوثيق والسياحه والثقافه - ود عبداللطيف ..
ناس الشعبيه بدون فرز..
## هنالك شخص هو من المزاد جنوب لكنه مُتيم بالشعبيه ومُقيم بها لم نوثق له أخونا الخلوق الكوتش :- أحمد دين .. هلا فعلتم ؟
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: الأخت الدكتورة ستنا خضر (Re: عبدالكريم أحمد الامين)
|
صحيح ياعبد الكريم وانا بناء على كلامك فى الصفحات السابقة وتحديدا صفحة 53 زى ماذكرت طلبت من اخونا وليد يعمل البيلوغرافيا دى عن احمد دين وهى ضرورية كنوع من التوثيق للشخصيات المؤثرة او البارزة فى مجالات الحياه المختلفة فى الشعبية والمزاد وحقو ياعبد الكريم تدى نفس اقتراحك للاخ كمال كرار بى هناك رغم انى شايف انو الاخوة بى هناك مامقصرين برضو ..
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
رسالة من الأخت الدكتورة ستنا خضر و هي أيضا لها ذكريات جميلة في رحلتها للبلد و لكن بذكاء تركت الساحة للأخ د.أمير قناوي ليكمل رحلته و بعدها يا دكتورة سوف نطلب منك تكملة ذكرياتك :
Quote: بسم الله الرحمن الرحيم
الاخوان الاعزاء سلام الله عليكم
أحييك أخي مبارك وشكرا علي دعواتك ،وربنا يخلي ليك الوالدة ويديها الصحة والعافية
كغيري أخي د. أمير استمتعت بكتابتك وذكريات رحلة للبلد ،وتذكرت رحلتي لبلدي (قرنتي) في منتصف التسعينات كنت أول مرة اسافر وأصطحبني عمي معه قضينا ليلة جميلة في الصحراء أقول جميلة لأن الباص كان كلو أهلي وكنا ذاهبين لحضور زواج وكان العريس معنا وأتخيل الرقيص والغناء وبعدها نمنا من التعب ومع نسمات الصباح تحرك الباص الي ان وصل مدينة دنقلا ومنها عدينا بالبنطون لبلدنا عندما أطلق السائق صافرته دلالة علي وصوله خرج الجميع للقيانا وما أحلي اللقاء ناس كلها طيبة وحنية وقضينا أيام جميلة
ما دايرة أفسد عليك تكملة رحلتك مؤكد هناك تشابه في الاحداث تعبيرك واسلوبك في السرد يمنعاني من المواصلة، لك الشكر أخي دكتور أمير وفي إنتظار البقية
سلام اخي عبدون وتحياتي للاخوان فيصل ويوسف اكيد قضي إجازة ممتعة معكم
الاخ فيصل لسة شباب الاولاد ما كبروك ربنا يحفظهم ليك ولوالدتهم
ولكم كل الود
ستنا خضر |
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
الله يخليك يادكتورة وهم برضو يبادلوك التحية لكين بينى وبينك يوسف ماعجبه ايقاع الحياه هنا وكان عاصر نفسه ساكت أها أنا قمت قلت أشوف أخوى دا مبسوط معانا ولا كيف قمت قلت ليهو أها يايوسف الشهر الأول خلص وعايزين نمشى نجدد ليك الشهر التانى أها وعينك ماتشوف الا النور الزول حلف اول خميس قدامنا يسافر فيهو وماحيقعد ساعة زيادة ...
ناس السودان الغربة صعبة عليهم وانشاء الله ربنا يجمع الناس كلها بى أهلها ..
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
وينكم...
نايمين لغاية البوست نزل درجة ثانية
أسها يا بريش...
جزيرة بدين من أكبر الجزر بالشمالية
وبها أربعة عموديات .. إلا أن جزيرة سمت
تتفوق عليها بالإرتفاع... ففى كل الفيضانات
المدمرة التى أغرقت الجزر بما فيها جزيرة
بدين ..سلمت جزيرة سمت من الغرق لإرتفاعها
الشاهق..
جمعية سمت الخيرية ومن خلال إشتراكات الأعضاء
ساهمت فى تطوير الجزيرة فعملت على بناء مستشفى
ومدارس حتى الثانوية.. كما أدخلت خدمات المياه
والكهرباء بشراء مولدات كبيرة تستفيد منها كل
القرى داخل الجزيرة ..كما جلبت معدية لترحيل
الأهل من وإلى الجزيرة (وكله من إشتراكات الأعصاء
دون عون من الحكومة-مركزية كانت أو ولائية)
مشكلة المستشفى حسب ما علمت عدم وجود الطبيب المقيم
| |
|
|
|
|
|
|
|
|
|
Re: الأخت الدكتورة ستنا خضر (Re: عمر عثمان)
|
عندما قرأت هذا المقال عرفت لماذا يزداد حبنا لشعبيتنا يوما بعد يوم ، و رغم أن المقال قد يكون فيهو جانب طرفة و أداها كوزة زي ما بيقولوا الجماعة الا أن الفكرة العامة للمقال وصلت أترككم لقراءة المقال ثم التعليق:
--------------------------------------------------------------------------------
Quote: حنان سكليب!!
ساخر سبيل
الفاتح جبرا
ملاح قرع وبامية مفروكة وكسرة وصحن سلطة و(ملاحة) ... ده كان الأكل فى بيوت البكا قبل أن يصبح (البكاء ذاتو) مظهر إجتماعى ونوع من أنواع (الفشخرة) بعد أن اجتاحت البلد أعداد مهولة من (المليارديرات الجدد) أصبحت تؤثر سلوكياً على بقية الطبقات الأخرى حتى صارت (الفاتحة) هى الفرق الوحيد بين الأتراح والأفراح!
عندما توفى رجل الأعمال (حسن يورو) قامت أسرته بفتح أبواب (الفيلا) الفاخرة لأفواج المعزين علاوة على (صيوان) ضخم نصب بطول الشارع العريض مزود بعدد مهول من مكيفات الهواء تغطى أرضيته (السجاد) لزوم (عدم الغبار وكده)!
عند موعد الغداء انتشر أفراد يرتدون زياً موحداً يحملون (صوانى الأكل) النيكل الناصعة التى ترتاح بداخلها أطباق المشويات والمحمرات والمقبلات وقطع الرغيف الفاخر بينما وضعت امام كل صينية عدد من زجاجات المياه المعدنية البااااردة!
فى صالون النساء جلست سوسو (فى الأصل ست البنات قبل أن يصبح حسن يورو رجل أعمال) جلست على سرير خشبى مستورد عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن (ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية) تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية!
- كلمتى (عوضية ردحى)؟
همست (سوسو) لجارتها وصديقتها (نوسة) والتى مالت قريبا منها وهى تجيبها:
- والله (عوضية ردحى) دى قالو عندها مناسبت بكاء فى (مدنى) سافرت مشت ليها، قمت مشيت لى (هاجر حى ووب) قالو ليا عندها إرتباط خارجى فى (دبى) فى واحد من ناس الجالية مات هناك أها فى الأخير مشيت كلمت ليكى (حنان سكليب) لقينا ما عندها ارتباط ووقعت العقد مع مدير أعمالا! وأديتو مليون عربون مقدم.
- وشالت منك البيانات!
- أديتا ليها كووولها.. المرحوم كان شغال شنو؟ وعندو كم عمارة؟ وقاعد يتبرع لى ياتو (نادى) وإشترى ليهم كم (لاعب)؟ وعربيتو الراكبا نوعا شنو؟ وموبايلو الشايلو موديلو كم؟
- انتهت مجموعات النساء من تناول طعام الغداء الفندقى (الما خمج) ثم جئن لهن بالتحلية (باسطة وبسبوسة وكنافة وعين جمل وأم على) شئ باللوز وشئ بالجوز وشئ يالما بعرفو شنو داااك وبعد أن (ضربن) بدأن فى زحزحة الكراسى (البامبو) والجلوس كيمان كيمان (للشمارات) وهن يمسكن بثرامس الشاى (المذهبة) المتشابهة (الكبيرة حقت الشاى والصغيرة للجبنة) التى تفوح من (فناجينها) رائحة (المستكا)..
وفجأة دخلت إلى الصالون شابة (آخر شياكة) ذات مظهر يطابق كثيرا مظهر مغنيات هذا الزمان يمشى خلفها ستة (شابات آخريات) من نفس الشاكلة يرتدين زياً موحداً وهن يرفعن أياديهن عاليا فى حركات متتابعة ويصحن بصوت كالجرس يشق عنان السماء:
- ووووب ووووب وووووووووووووووووووووووووووووووووووووووووووووووووو ب..
- ثم تبدأ (حنان سكليب) فى السكلى و(الوصف) وهن يرددن خلفها:
- ووووب عليا والله ليا يا حسن يوروو يا البتدى البتدورو والما بتدورو
ووووب عليا والله ليا يا صغير وجاهل يا البتجيب القروش بالساهل
يا ود امي.. هيء يء يء يء .
- الكورس : وووب ... وووب ...ووووووووب
- الليله يا حليلك يا زين الرجال ياملك الدولار يا البتستر الحال
الليله يا حليلك يا البتشيل من البنوك وتشتت قبال ما يلحقوك
يا ود امي.. هيء يء يء يء ..
- الكورس: وووب ... وووب ...ووووووووب
- الليلة وينك إنتا يا الإسبليت هبوبك والهمر ركوبك
الليله وينك إنتا يا البنيت المقصورة وركبت النافورة
الليله وينك إنتا يا أب جيوب منفخة وأب عربية مصفحة
يا ود امي.. هيء يء يء يء ..
- الكورس: وووب ... وووب ...ووووووووب
- يا حليلك الليله يا البتفك الصعيبة ويا البتسجل اللعيبة
يا حليلك الليله يا جوكى البنوك يا التهريبك بالسنبوك
يا ود امي.. هيء يء يء يء ..
- الكورس: وووب ... وووب ...ووووووووب
- ثم تعدل (حنان سكليب) توبا الشفون (الترانسبيرنت) الكان واقع وتنظر للكورس خلفها نظرة الفنان الذى يود أن (يختم) الأغنية فيبدأن فى (تحرير) البكاء ويرفعن أصواتهن ويضربن بأياديهن ليبدين زينتهن (دهب دبى وكده) ... ووووووووووووب وب وب وب ووووووووب ثم يتوقفن فى لحظة واحدة بإشارة من (حنان سكليب)! التى تجلس على أقرب كرسى وتتناول علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكييف ثم تلتفت إلى النسوة اللواتى كن فى الصالون يتابعون (فاصل السكليب) قائلة:
- قبلكن وحدكن.. جنس بخلن عليكن .. أول مرة أمشى ليا (بيت بكا) ما ينقطوا ليا فيهو!! |
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
هل هذا يحدث فى السودان؟
هى حصلت حتى يجيبوا نواحة كمان
لا أصدق ؟ معليش الفشخرة فى الأكل
والترطيب مبلوعة ..لكن نجيب واحدة تبكى بدلا عننا
غير ممكن تحصل .. عشان كدا أحسن لينا حينا المتكاتف
والذى صار زى مجتمع القرية..التوادد والتراحم والتكافل
كله موجود فى شعبيتنا والبموت فيها تلقا الحلة كلها
وقفت مع أهله والغريب طوالى بيتعرف..
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
أمسيات نادي الشعبية:
نادي الشعبية شهد فترة نشاط كبير..الجميع من عصريات الكورة للبيت الواحد يوري وشو و ياخد ليهو دش سريع و النادي..لو عاوز تلعب كوشتينة لازم تجي بدري تحجز..لو بتلعب بنق بنق لازم تجي بدري تحجز..النادي بعد المغرب خلية نحل..تدخل من البوابة الرئيسية..يمينك نجيلة خضراء..بعدها التلفزيون..ترى رواد المسلسل و أغلبهم من تجار السوق أو مباراة كرة قدم و في الحالة دي كل الكراسي تكون مليانة..من المدخل الرئيسي يسارك ميدان السلة..الملعب مضاء من المغرب..كرة سلة أو كرة طائرة..نشاط كبير جري و تعليقات..الشعبية كان لها فريق كرة طائرة أحرز كثير من البطولات و أصبح من الفرق المعروفة على مستوى العاصمة بل و خارجها..مجموعة من الشباب تفوقت في اللعبة..العجائز تربيزتهم معروفة و محجوزة و تعليقات جميلة..العم مصطفى شريف..الشاعر أبو آمنة حامد.. العم آدم والد التاج..العم النعيم..العم قسم الله..ربنا يرحمهم..تعليقات و روح شبابية..المرأة كانت تشارك بهمة و نشاط في الأنشطة الاجتماعية..غرفة للاجتماعات..غرفة للمرأة..الجريدة الحائطية قمة الاخراج ذلك ان وارءها المبدع حبشي..خطوط و مادة ثقافية..الآن تم تشييد النادي و أصبحت المباني ملائمة لعودة النشاط كما كان في السابق..فهل يمكن أن يحدث ذلك؟ ليته يحدث ليجد الشباب مكان لممارسة نشاطه بدلا عن الحدائق التي شيدت في الأحياء و جعلت كل أولاد حلة يمارسون نشاطهم المحدود بلعب الكوشتينة و أضعفت العلاقات ، اذ أن العلاقات تتوطد بين أولاد المربع الواحد عكس النادي الذي يجمع كل أولاد الشعبية و يوطد علاقاتهم الاجتماعية أكثر.
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
بدعوة كريمه من الوجيه
طارق محمد سعيد
اجتمع الاخوه بفندق قصر الصداقة
بحلة حمد امسية امس
جلسه رائعه ضمت
السيد المستشار
اسامه سليمان
بدر الدين اسحق
عبد الوهاب الحاج
وليد عبد اللطيف
طارق محمد سعيد
عمر محمد عثمان
والصور لاحقا
| |
|
|
|
|
|
|
|
|
|
Re: الأخت الدكتورة ستنا خضر (Re: عمر عثمان)
|
الباشمهندس عمر محمد عثمان:
Quote: بدعوة كريمه من الوجيه
طارق محمد سعيد
اجتمع الاخوه بفندق قصر الصداقة
بحلة حمد امسية امس
جلسه رائعه ضمت
السيد المستشار
اسامه سليمان
بدر الدين اسحق
عبد الوهاب الحاج
وليد عبد اللطيف
طارق محمد سعيد
عمر محمد عثمان
والصور لاحقا |
أولا التحية للوجيه طارق محمد سعيد على هذا الكرم و هذا ليس غريبا عليه و ثانيا أتمنى أن تكون الجلسة فرصة للاتفاق على انجاز ما يعود بالنفع على الشعبية و أهلها و ثالثا في انتظارالصور.
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
سعدت اليوم بمقابلة الأخ بكري عباس فقيري مصادفة بأحد البنوك بجدة و قد تعرف علي الأخ بكري و تبادلنا التحايا و كان لقاء سريع اذ أن دوري في الخدمة داخل البنك كان قد حل..الشكر له و هو من المتابعين للبوست و قد طلبت منه المشاركة بالكتابة لنا و لكن هو يقول الجماعة ما مقصرين و معاكم ناس كتابين و نحن بنقرأ و هو دفعة أمير قناوي و بدر الدين اسحاق.
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
رسالة من الأخ خالد المبشر:
رسالة وصلتني عبر بريدي الالكتروني من الأخ خالد المبشر (حلة الصديق):
Quote:
انا خالد المبشر او خالد ملك
من حلة الصديق ومن الجيل الوسط
يعنى دفعة نقد عبد الحليم من حلة الجقدلى
وعبد الواحد جيب الله وتاج الدين شقيق عزالدين الصبابى
والحوار عجبنى برغم انى مستقر فى الشعبية فى حلة الصديق شارع ناس اسامة سعد شقيق الراحل العزيز/سامى
الا ان اشواقى مع من هم خارج الوطن ، لفت انتباهى مشاركتكم عن فاطمة الداية تلك المرأة الرائعة اتمنى لها دوام الصحة
واتمنى من الاخوة المقيمين بالشعبية ان يكرموها عرفاناُ وتقديراُ لدورها العظيم |
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
خبر هام ياجماعة ..
Quote: هام جدا للجميع :
من يقرأ هذا الخبر يعتبر مؤتمنا في توصيله للجميع، وهـو أن أمريكا منعت بيع منتجات شركة( كورن فلكس ) داخل الولايات المتحدة وذلك لأنها تسبب السرطان في المخ وثبتت تلك الدراسة على عينة كبيرة من الأطفال لذلك لابد لهم من تصريف بضاعتهم في السوق العربية ..!!
أيضا :
المنتجات الد نماركيه التي كتب عليها صنع في الدنمارك تم تغييرها إلي صنع الاتحاد الأوروبي لحل مشكله المقاطعة وجميع المنتجات الدنماركيه تبدأ بالرقم 000076 وهو الرقم الذي يوجد على أي منتج ...انشرها نصرة للحبيب صلى الله عليه وسلم ..
منقول |
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
Quote: الأخ /عابدون السلام وعليك ورحمة الله وبركات
الاخوان بالبوست واهل الشعبية تحياتى وسلامى الحار
الاخ /خالد المبشر (مولان ) لك كل الاحترام والاشواق انا خالد عبدالله (درق ) لو تزكر حادثى مع ناصر ابن الشاعر الله يرحمه (عوض حسن احمد ) فى الشعبية كنت انت القاضى ,وانا معك فى فكرة تكريم فاطمة الداية تلك المرأة الرائعة ونطلب من الشباب الهمه فى تكريم كل مبدع فى الشعبية الجميله
ولكم الود
خالد درق دبى
|
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
Quote: أها ياحاج عشان نكون
عمليين أنا
من رأى خالد فى
انو نقوم بعمل
تكريم |
سلام
انا معكم قلبا وقالبا
بس السؤال هل التكريم الى اشخاص معينه
عذرا كما فى بوستكم الرائع عن شخصيات معينه
فى الشعبيه ومربعات معينه؟!
وكيف يتم ذلك التكريم وكيف يتم حصر المكرمين
لكم التحيه
اللاخ عابدون تحياتى للرائع فيصل عابدون ويوسف
لك مني التحيه والود
اخوكم
مبارك محمد عبدالكريم خيري
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
...
غدا إن شاء الباري الكريم . سأكون بالخرطوم مساءا
في ملمس وجداني بأرض النيلين ..
ولا أدري كيف ستسمح لنا الظروف التفاعل معكم رغم أننا
سنجاهد الظروف لقراءة كتاباتكم النيرة ..
من هنا ومن هناك لكم التحية
..
| |
|
|
|
|
|
|
|
|
|
Re: الأخت الدكتورة ستنا خضر (Re: صلاح شكوكو)
|
شكوكو:
Quote: غدا إن شاء الباري الكريم . سأكون بالخرطوم مساءا
في ملمس وجداني بأرض النيلين ..
|
العود احمد يا استاذنا
قرار ان كنا لا نعرف دواعيه ومسبباته
الا ان الصواب جانبكم فيه،فالمحك والمغزي
العيش في مسقط الراس،ومن هم بالغربة،يعرفون
ذلك،اما من بالداخل يعتبرونه ضربا من الخيال
يوفقكم ويسدد خطاكم،ليصلك بالاهل والاصدقاء
بالسلامة.
تحياتنا لكل الاهل والاصدقاء.
مودتي
| |
|
|
|
|
|
|
|
|
|
Re: الأخت الدكتورة ستنا خضر (Re: الفاضل يسن عثمان)
|
Quote:
الأخ /عابدون تحياتى
ناس الشعبية سلام وتحياتى لكم
الاخ / صلاح شكوكو لك الود وتصل ارض الشعبية بالف سلامه وعافيه , وان شاءالله ترجع وتتحفنا باتوثيقك الجميل يارائع
ولكم الود
خالد درق
|
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
صلاح شكوكو
Quote: إن شاء الباري الكريم . سأكون بالخرطوم مساءا
في ملمس وجداني بأرض النيلين ..
ولا أدري كيف ستسمح لنا الظروف التفاعل معكم رغم أننا
سنجاهد الظروف لقراءة كتاباتكم النيرة ..
من هنا ومن هناك لكم التحية |
الأخ صلاح شكوكو و لك تحياتي و تمنياتي لك بأوقات طيبة و كل التوفيق في أرض الوطن الحبيب.
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
رسالة من الأخ وليد عبد اللطيف تحمل ريحة الشعبية الحبيبة:
Quote: سيد الحوش والشعباوية الطيبين
الشعبية بخير وكل الاهل بخير عملنا زيارات ماكوكية وتغطية لكل ناس الشعبية من كراكة ( الصادق ) الى (عصام قناوي )
ومن (المفك الى سلامة حلة الصديق )
الشعبية مرات تحزن ومرات تفرح الشعبية جميلة بجمال اهلها والحمير في محلها والاوساخ في محلها والتفاصيل عند الحضور الى جده .
شمس مازال متصدر الافتتاحية يظهر بظهور الراحل المقيم عثمان حسين ( ودي قصتنا ياشمس ) .
(احمد دينق الشعبية احمد دينق المزاد احمد دينق بحري كلها احمد دينق الاستاذ التفاصيل والسرد عند الحضور ).
والله وحشتونا معليش الجري في السودان مبالغة .
ومبالغة دي اغنية هابطه الان في السودان وبشكر الاخ نقد لاتاحة الفرصة والكتابة من بيته العامر الجديد ونقول له الف مبروك ( المنزل الجديد ) بالشعبية وكما قال اخونا نقد من عشق الشعبية لم يستطع السكن خارجها وتقبلوا تحياته وتحياتي للاخ مجدي نقد بالدمام .
ودمتم ............... وليد عبد اللطيف |
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
## عودة وهبه بتذكرنى بعودة ديجانقو ,, متوقعه 04/07/2009 على حساب توقعات الإرصاد الاسفيرى..
(ودام الود بيينا)
(ابو محمد فؤاد - دبى)
Re: اذا الناس متذكره زميلنا عبد الوهاب علي الحاج تدخل هنا ]
********************************************************************************************
** معقوله لى هسى لاشقنا الحُصان ولى سمعنا الطلقات ,, لكن قال ليك :- المُظاهرات من كل الكبارى البتربط العاصمه ببحرى مُتجهه للشعبيه , وصينية المُلتقى مكان إلتقاء الناس الجايه من شمال بحرى ..
## مرحباً بعودة الحبيب وهـــــــــــبـــــــــه..(( عودة ديجانقو)) بسينمات بكرى الإسفيريه ,, أخراج :- ود الحلفايا ود ابوبكر ,, إنتاج العوض المسلمى ..
** اول مية تذكره مجاناً..
(ودام الود بيننا)
(ابو محمد فؤاد - دبى)
Re: اخيرا عاد الضوء الشارد عبدالوهاب علي الحاج للمنبر
| |
|
|
|
|
|
|
|
|
|
Re: الأخت الدكتورة ستنا خضر (Re: عبدالكريم أحمد الامين)
|
Quote: الأخ / عابدون تحيه طيبه
الاخوان بالشعبية سلام
نعى اليم
توفت الى رحمة الله مساء اليوم بالشعبية شقيقة الاخوان مجدى معطيب ومحمد معطيب وامير معطيب (حلة الشعله )منزلهم جوار بقالة قرين كورنر ..تغمدها الله بواسع رحمته (وان لله وان اليه راجعون
خالد درق
|
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
أحر التعازي لآل معيطيب:
أحر التعازي لآل معيطيب في وفاة شقيقتهم عليه الرحمة و المغفرة.. للأسرة الكريمة و الجيران بالشعبية الصبر و حسن العزاء (انا لله و انا اليه راجعون)..لقد كان الفقد كبيرا على آل معيطيب خاصة و أنهم قد فقدوا احدى شقيقاتهم قبل فترة قصيرة و لكن هكذا أمر الله..أسأل الله لهم الصبر الجميل.
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
الحاج حمد سلام ليك ولكل الأحباب في الشعبية...
بعد أن أقدم واجب العزاء في وفاة أسرة آل معيطيب وأترحم على فقيدتهم...
أقول ليكم حمد لله على سلامة الإبن البار / وهبة..وقول ليه يا عمك أعمل حسابك
وخليك ماشي بجنب الحيط ..وسيبك من الكلام البجيب الهواء ...
| |
|
|
|
|
|
|
|
|
|
Re: الأخت الدكتورة ستنا خضر (Re: شمس الدين ساتى)
|
ناس الشعبية الحلوين
سلام من الله عليكم ورحمة وبركات تتنزل عليكم
رحمة الله تتنزل على الفقيدة شقيقة ناس معيطيب
....................
وحمدا لله على سلامة الوجيــه وهبـــه ...
.....
عزام تلفونك عاجلا لموضوع البيت ...
الحاج حمد ( لمن تشرئب الاعناق شكرا الا لـــك وانت تبحر بنــا فى بحــر هذا المنبر بإقتدار )
| |
|
|
|
|
|
|
|
|
|
Re: الأخت الدكتورة ستنا خضر (Re: بدر الدين اسحاق احمد)
|
رسالة من الأخ وليد عبد اللطيف:
Quote: اخواني احبائي
قلوبنا مع اسرة العم (معيطيب ) ودعواتنا لهم بالصبر على هذا الفقد العظيم والرحمه والمغفره على والدتنا (نعمات المصرية )وكانت لنا في الحي بمثابة ام للجميع كما كان بناتها المرحومات (حنان وحواء ) التي حدثت وفاتهم دون فارق زمن كبير كانوا لنا نعمة الاخوات فكان لازم علي الواحد ياحاج حمد زيارتهم بواجب التعزية فقابلت امير معيطيب وقبل امس وانا مسافر قابلت شقيقتهم (هاجر ) زوجة الاستاذ (محمد مجذوب و)هي حزينة على فراق امها وشقيقاتها ( حنان معيطيب ودكتورة رحاب عبد اللطيف ) فقلت لها هذا هو حال الدنيا وشرحت لها بأنهقد نزلت تعزية سابقة في الانترنت من شباب الشعبية وما كان عندها علم بذلك وصراحة شكرتكم للعمل الاخوي الرائع والدموع تغمر عينيها ولم تعلم ان سيل فراق الاحبة لم يتوقف واليوم تفقد احد شقيقاتها وهي حواء (حبوب ) كما كنا نناديها وندلعها وبالله ياجماعة ويا أخوان دعواتكم لهم بالصبر والرحمة والمغفرة .
الدكتورة رحاب خليفة :-
والله ما عارف اقول ليك شنو غير البركة فيكم واحسن الله عزاكم وربنا يوفقك .ولنا لقاء وما تمشي بعيد لان الاجواء مغيمة بالحزن لفراق احدي شقايقاتنا في الحي وزميلتنا بالجامعة .وعايز اقول ليك ما تبقي رقراق (ياشمس يا ضل ) ومافي داعي للخوف لتربية العيال .
ياودحمد
في جلسة مع اشقائي (عزالدين والزين ) كان لازم نجيب سيرة من فقدناهم في الحي ومره علينا ذكر احد اصدقائه وهو ( المرحوم محمود احمد محمد علي ) والذي حدثت وفاته يوم 4/7/1973 وابكى كل سكان الحي شيبا وشباب فقال الزين والله كل ما اصلي اتذكر صديقي محمود واترحم علية فكان لازم نعمل له مفاجأة ونخرج له من الارشيف نعي في احدى الصحف السودانية من فريق الهدف وشباب الحي بالشعبية وهذا لدماثة اخلاق المرحوم في الحي كما سمعنا عنه .
مرفق صورة المرحوم ( محمود احمد محمد علي )فقيد حي الشعبية من احدى الجرائد السودانية في عام 4/7/1973 م
|
| |
|
|
|
|
|
|
|
|
|
Re: الأخت الدكتورة ستنا خضر (Re: garjah)
|
قرجة:
Quote: التحابا لكم جميعا يا احباب واعتذر لكم على طول الغياب
والتعازي للاخ الصديق العزيز أحمد عبدالله / فاطيما في وفاة حرمه نسال الله العلي القدير ان يرحمها برحمته التي وسعت كل شئ ويجعل الجنة متقلبها ومسواها وان يجعل البركة في ذريتهماوالتعازي لاسرة المرحومة شقيقها وشقيقاتها والجيران جميعاولاسرة الاستاذ أحمد واصدقائه . ولكم رواد بوست الشعبية |
التعازي للأخ أحمد عبد الله في هذا الفقد العظيم ، أسأل الله لها الرحمة و المغفرة و البركة في الأخ أحمد و ذريتها و التعازي موصولة للأسرة الكريمة (انا لله و انا اليه راجعون).
الأخ قرجة حمدا لله على السلامة فقد افتقدنا قلمك لفترة طويلة..
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
فاتنى أن أعزى صديقى وزميلى السابق وجارى
الأخ أحمد عبد الله ووالله ما كنت أعرف أنه متزوج
من المرحومة لولا أن وليد هاتفنى اليوم وأخبرنى
بأن ماجد هو زوج المرحومة .. خالص العزاء للصديق
المهذب ماجد والبركة فى أولاده.. وشكرا وليد
| |
|
|
|
|
|
|
|
|
|
Re: الأخت الدكتورة ستنا خضر (Re: عزام حسن فرح)
|
| Quote: الرُبُع ده حقي ... |
ود حسن فرح
** جُمعتك مُباركه..
** تستاهلو ,, مشكلتك تبقى فى الشرير "ودساتى" قالب الصفحات الاسفيريه لبوست الشعبيه ,, اصلو حاجز إى ربع لافى فى هذا الفضاء ..
(ودا الود بيننا)
(ابو محمد فؤاد )
| |
|
|
|
|
|
|
|
|
|
Re: الأخت الدكتورة ستنا خضر (Re: عبدالكريم أحمد الامين)
|
الشكر و التقدير للباشمهندس بكري أبو بكر:
كل الشكر و التقدير للأخ الباشمهندس بكري أبو بكر على نقل البوست للربع الثالث لعام 2009م و الشكر موصول لكل من ساهم في ذلك من ابناء الشعبية الأوفياء ..و لتبقى الشعبية ذلك الحي العملاق..
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
وليد عبد اللطيف حمدا لله على السلامة:
عاد الى الغربة قادما من الوطن الأخ وليد عبد اللطيف و نورت بقدومه مدينة جدة ، وليد عاد بالكثير عن الشعبية و سوف يقوم بتنشيط البوست و انتظروا مساهماته الثرة..حمدا لله على السلامة يا ولي
| |
|
|
|
|
|
|
|
|
|
Re: الأخت الدكتورة ستنا خضر (Re: عبدالكريم أحمد الامين)
|
رسالة من الأخ وليد عبد اللطيف و هي أول مشاركة بعد عودته من السودان:
Quote: اخترت من دون العيون ياغالية عينيك اعشقا
واخترت شوفتك كل يوم ولو حتى شوفتك اسرقا
لكني مالاقي الفرح لا في البعاد لافي اللقاء
وما من هواك انا اصلي عاد خلقوني من طين الشقا
انا مديت كتير حبل الصبر لمن فقدتنا اولو
ومن غير صبر بقدر اساي ياغالية شانك بحملو
وبس لو سمحتي ومره بس داير قليبك اسألو
حافظ معزتو زي زمان ولا الحصل كان بدّلو
والله يانور العيون ما اصعب سفر سفر الامل
تلقاك تعاين في الهدف وما داري انت متين تصل
كل الدروب جربتها سافرت فيها عشان اصل
وفي كل مره الف واعود من تاني في نفس المحل
سيبي العواطف ديك بعيد وانسي ريدك وقولي لي
ايه الفرق لو زول زرع اماله في اخصب لدي
والتاني روح للبعيد واختارلو يامحبوبه صي
حايخصب الاول اكيد والتاني زي حالتي العلي
________
وانا حالتي العلي اخخخخخخخخخخ من فراق الشعبية
بالله استقبل الباص ده يامنير (سيزر ) في دعوه من الاخ (مختار عبد الصمد ) مدير مطعم سيدي بيه وفيها قابلت قريبك محمد احمد الشايقي وقال لي ياخي منير ده (عالِم )فضحكت ورديت عليهو عالِم (زراة ) قال لي نعم .وقال انك جاي السودان قريب وبالسلامه ياعم .
ومن الطرائف عندما اتى الاخ الفاضل (اسامه سليمان الشايقي) لزيارتي فوجدني بسمع بالعربية فنان الشايقية (عبد الرحيم البركل ) وكنت واضع معي كيس بلح في العربية لزوم البلد وكدا فقال لي والله ما فضل ليك الا تضع (سفة صعود ) كمان عشان تكمل الباقي وطبعا هو شديد الملاحظة وقوي الذاكرة فذكرني وقال ياخي (عزام فرح )ظلمك لما قال غناك كله من زهرة الاغاني فضحكت ورديت ياخي (عزام ) ده واحد مخرف وماعارف للان هو من ياتو جيل ونحن بصدد عمل طقم اسنان له عالي الجودة بواسطة دكتورة (ستنا )بالدوحة فضحك اخونا اسامة فقال لا ياخي (عزام )ده لسع صغير وشكله اصغر من شمس الدين بسنة او سنتين .
تعرف (ياودحمد )ما يعجبني في الاخ اسامة سليمان رغم وضعه المرموق والحساس الان بل لم يتغير ابدا هو نفسه كما تربينا سوياً في الشعبية ولم ينسى ابناء الشعبية من كرمه ويقوم بتوظيف الشباب من يجد له فرصة عمل وهذا ما عرفته من ابناء الحي عنه .
وقبل يومين من حبه للشعبية بيحفر اساس بيته الجديد قريب من ناس (احمد عيسي )ودعواتكم له بالتوفيق ان شاء الله .
يا(حاج حمد )والله الان اصبحت انت اشهر من (اوبرا وينفري ) بالشعبية لان البوست صراحة وجد قبول كل الشباب والشابات وانا كمان عملت زيادة اعلام للمتابعة والمشاركة وجزاك الله الف خير .
ودمتم .......... وليد عبد اللطيف |
وليد عبد اللطيف:
| Quote: يا(حاج حمد )والله الان اصبحت انت اشهر من (اوبرا وينفري ) بالشعبية لان البوست صراحة وجد قبول كل الشباب والشابات وانا كمان عملت زيادة اعلام للمتابعة والمشاركة وجزاك الله الف خير . |
يا عابدون و شمس الدين أسمعوا الكلام دا كويس قال ليكم أشهر من أوبرا زاتها..عبيد كبااار
اقول للأخ وليد نجاح البوست هو نجاح للجميع و أنا كان دوري فتح البوست و بعض المتابعة و الشكر لكل من ساهم بحرفة او كلمة او متابعة و لي قدام من اجل الشعبية الحي العظيم..
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
رحم الله محمود واسكنه مع الصالحين فى اعالى الجنان ..
والله قعدت طول اليوم أفكر فى محمود لغاية ما الذاكرة جابت الملف كامل ودا تاريخ بعيد وعلى ما أعتقد إنه محمود حيكون فى ذاكرة عدد قليل من الناس هنا.. منهم زولى داك .. ابو عيون مصدية ..
| |
|
|
|
|
|
|
|
|
|
Re: الأخت الدكتورة ستنا خضر (Re: عابدون محمد عابدون)
|
.... وصلاح الزبير بى هناك ..
أما سعادة المستشار حسن طه فأراهن بى بيتى الفى المايقوما إنه مابيكون بيعرفه .. لى سبب إنه فى الزمن داك حسن طه كانت علاقاته مركزة على ناس بحرى الدناقلة والختمية والمزاد ..
| |
|
|
|
|
|
|
|
|
|
Re: الأخت الدكتورة ستنا خضر (Re: Mubarak kunna)
|
رحم الله محمود وأخويه زروق وأشول
ياعابدون .. لقد جاورنا هذه الأسرة الكريمة
لعدة سنوات .عند قدومنا من كوستى إستأجر لنا
خالى المرحوم عبد الله حامد منزل السيدة أمنة بنت وهب
وهو المنزل الخلفى لأسرة محمود ويقع ناحية الغرب من منزل
والد أصدقائنا محمد وأحمد وعبد الله وعمر وأسامة(سليمان)
كان لاعب حريف ومهذب غاية التهذيب .. لديهم إخوة أصغر
سنا منهم .. كمال والآخر نسيت إسمه أظن جمال وهو الأصغر فى
العائلة لا أدرى أين خم الآن .. رحم الله جميع أمواتنا . آمين
| |
|
|
|
|
|
|
|
|
|
Re: الأخت الدكتورة ستنا خضر (Re: شمس الدين ساتى)
|
تعزية من أولاد محمد حسن التريبيل:
اتصل بي مشكورا الأخ محمد حسن التريبيل ناقلا تعازي سيف الدين و جمال و محمد حسن التريبيل لآل معيطيب و للأخ أحمد عبد الله سآلين الله الرحمة و المغفرة للفقيدة و للأسرة الصبر الجميل و حسن العزاء..
شكرا محمد حسن و اولاد حسن التريبيل..
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
رسالة من الأخ وليد عبد اللطيف:
Quote: نسألك السلامة يالله
نسألك العافية يالله
نسألك الشفاء يالله
والدة اخونا (خالد درق ) الان طريحت العناية المركّزه بالمستشفى بالخرطوم الف سلامة ياخالد وادعوا لها بالشفاء ياخوانا .
اخواني وحبايبي ناس الشعبية
معليش لو دخلنا عليكم توووووش من غيرتحايا وسلامات علكم كلكم طيبين وياناس هناي وهنايا انتو بخير.
والكلام عن الشعبية كتير فيهو الجميل وفيهو كمان البقطع القلب وبفشفش المراره وربنا يصلح الحال .
ياود حمد :-
اول مادخلت الشعبية لقيت ليك جميع الرجال خارج منازلهم وامهاتنا خارج منازلهم وكذلك الشباب والاطفال ناس في حدائق البيوت وناس تحت الشجر وناس تحت العوميد اخوك طبعا اتخلع قلت ياربي الحاصل شنو في الشعبية .ياربي راجين جنازة .ياربي راجين خبر . انزعجت جدا وجريت اقرب واحد وقلت ليهو الحاصل شنو .قال لي ياعمك نحنا طوالي كده الحال واقف .كهرباء قاطعه مويه مافي علاج مافي تعليم مافي . ومن الطرائف دخلوا حرامية الحلة وجدوا الشباب بايتين ونايمين في الحديقة والبيوت فاضية من اهلها بسرعة اللصوص طلعوا من البيوت وقالوا دا كمين .والله شفت ناس ماشين حزنت عليهم تشاهد اجساد واشباح متحركه من غير هويه ومن غير روح ناس سارحه وسارحه ساكت ماشين وين ما معروف ولمتين ما معروف .وربنا يصلح الحال
ياودحمد :-
دا ما كلام في السياسة لاني اصلا ما بحب الساسة والسياسة بحب الناس تعيش في سلام وابسط سبل العيش تكون متوفره ليهم .
ومن اغرب الاشياء عندنا في السودان المتعلمين هم من دمّروا البلد ورجعوها للخلف وانا ما بقول حزب معين ولا حكومه معينة دا مجرد راي ياخي نحن العالِم عندنا ما بيطور نفسه وتستفيد منه البلد تجده مهتم باشياء فارغة جدا .تجدهم في القعدات وجارين وطايرين خلف الفنانات من بلد لبلد .وربنا يهديهم .
خبر طازة :-
حمارة عمنا الولي ولدة بسوق الشعبية (دحش ) جميل ابيض على رمادي بس ماقدرت احضر السبوع والاربيعن كنا ضربنا الرز باللبن وان شاءالله يتربى في عز الشعبية ويشيل اسمو وبكدا عدد الحمير زاد والعِز اهل .
اما الرواكيب في السوق ياجماعه خلوها زي ما هي لان الناس ديل بياخدو منهم رسوم . والرسوم دي لو ما دفعوها ولد فلان كيف يسافر ويقرأ في الخارج ويركب عربية على موديل السنه .
ودا حال كل الشعب السوداني . والله شعب مايستاهل البهدله شعب كريم هميم .ولم تعرف قيمة السوداني الا لما تخرج خارج السودان والناس تتعامل معك من خلال جنسك وبلدك قبل كل شي .
ابومحمد فؤاد:-
كيف يارجل ياطيب والشكر الجزيل لحسن الاستقبال وطبعا قابلت العريس (محمدو ) قريبك ودي قصة برسلها ليك ولطارق ميرغني شقيق العريس وبالله خليك حنين مع شمس الدين شوية طبعا امس قابلني البوست بتاعي فدخلت علية فضحكت جدا جدا لثلاثيتكم انت وعابدون وشمس الدين وبالطريقة دي بتشغلونا وتشغلوا نفسكم عن بوست الشعبية وبورداب جده مصنفين بتاعين مشاكل وسياسة يعني ما تتعبوا روحكم مع بكري وبعدين خلوني في احضان ود حمد وانا مرتاح كده ومعليش لعدم متابعة البوست بتاعي لاني وجدت به شخصيات مهمه كان لازم الواحد يرد التحية ليهم مثل (ياسر علوب ) وبقول ليهو يستحيل ننساك.وهل يخفى القمر . |
| |
|
|
|
|
|
|
|
|
|
Re: الأخت الدكتورة ستنا خضر (Re: الحاج حمد الحاج)
|
و يواصل الأخ وليد عبد اللطيف ذكريات أيام جميلة:
Quote: طارق محمد سعيد (الوجيه )
بكرمه المعتاد قدم لنا دعوه بقصر الصداقه ويالها من دعوه بعد فتره وزمن طويل وفي هذه الجلسه رجعت بي الذكريات الى كم وعشرين سنه لم اجلس بين الثنائي الجميل طارق وعمر ودالدكتور فتوسطتهم وسرحنا بذكرياتنا الجميله والماضي السمح وطبعا انا كنت عامل ليهم مفاجأة وواضع عود بكري الصبابي خلف العربية لان حسب علمي وفي حديث سابق مع عمرعرفت ان طارق محمد سعيد بمقدرتة العزف على العود .
الجلسة تضم
1-حسن طه المستشار الضخم
2-اسامه سليمان الرجل الهميم
3-عبد الوهاب الرجل الفخيم
4-بدر الدين اسحاق الواسع الصدر
5-طارق سعيد نافح عطر الزهر
6- عمر عثمان الرجل السكر
وكم تمنيت حضور (صلاح ابوديه ) الجلسة الجميلة التي لم تكتمل لمناقشة هموم الشعبية وقضاياها وكان عدم اكمال الجلسة من اسبابها نزول لاعبي دورة سيكافا بالفندق وملاحقتنا بالتلفونات من قبل الحريم لشخصي الضعيف ولعمر ود الدكتور (رن رن رن كرهونا ) لانهم سامعين في السودان البنات بقولو (المويه غرف والرجال ختف )مساكين فاكرين السودان زي بلاد الغربة .
فضحك (اسامه سليمان )لهذا الوضع وقال الحريم في السودان الراجل لو غاب يومين امكن ما تسأل عليهو الزوجه وممكن تقول الزوجه ياريت تقابلوا واحده وتقاسمني هم الراجل .ها ها ها .
رايكم شنو يادكتورة (ستنا ) ودكتورة (رحاب خليفة ) في الحاصل دا ومنو الصاح الرجال ام النساء .
ملحوظة للشباب :-
ما شايفكم عملتوا مبارك حسن بركات يعني قلتو مبروك لزواج (ياسر طه )شقيق المستشار (حسن طه ) نقول الف مبروك وبيت مال وعيال الى ان تصلكم التفاصيل بالصور .
ودمتم ......... وليد عبد اللطيف |
| |
|
|
|
|
|
|
| |
عابدون محمد عابدون
Mubarak kunna
شمس الدين ساتى
الحاج حمد الحاج
عبدالكريم أحمد الامين
أمير قناوي
صلاح شكوكو
الفاضل يسن عثمان
عمر عثمان
عبدالوهاب علي الحاج
Kamal Karrar
بدر الدين اسحاق احمد
garjah
عزام حسن فرح
فيس بوك
تويتر
انستقرام
يوتيوب
بنتيريست