Quote: والله التأخير خارج عن ارادتي فقد خضعت لعمليه جراحيه في الفكين الايمن والايسر استغرقت اربعه ساعات يوم الخميس الماضي 20 نوفمبر وتفاجأت بهذه الاخبار المحزنه..الحمدلله اتماثل للشفاء ولكن ببطء ولا استطيع الاكل..اما الكلام فبصعوبه لكن الحمدلله علي كل حال
الف حمدا لله على السلامة..
11-26-2008, 06:22 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
Quote: والله ياعبد الوهاب بعد الكلام القالوا صلاح عباس دا ... يعنى طلعت بتاع قروش ....
عابدون ياحبيب
انا والله رديت على صلاح وافتكرت الرد كدا شامل . . ياراجل استثمارات كدي اقرا ردي على صلاح عباس بتشوف فعلا حجم الاستثمارات . يا اخوي صلاح عباس دا ليهو خمسة سنين ما جا البلد دي فبالتالي بيكون برة الشبكة ياخوي دوام الحال من المحال والله يرحم ايام زمان كدي راجع مداخلتي الرديت بيها على صلاح انا ذاتي بقيت زول ماهية موظف بوقع في الدخول والخروج قال رجل اعمال قال زمان كنا بنعتمد على المعلومة وفهلوة اولاد الشعبية لكن الان المعلومة بقت متوفرة ومتاحة للجميع CD بخمسة حنيه ممكن يوفر ليك معلومات نحن ذاتنا ما عارفنها وبقى الفرق راس المال عندنا المعلومة وهم راس المال هم قدروا يحلوا مسألة المعلومة دي ونحن ما قدرنا نحل مشكلة راس المال هم قعدوا في السوق ونحن بقينا نوقع داخلين ومارقين سوق الاسبيرات سوق معقد يا عابدون .
دي صورة لمنزل رجل الاعمال :
لاحظ لابواب منزل رجل الاعمال ليها حوالى خمسة سنين بدون طلاء دا رجل اعمال شاقة ولا شنو انت ما تسال شكوكو خليهو يحكي ليك وبدرالين برضو .بالمناسبة الشجرة الورا ديك قصاد بيت ناس قرجة زميلنا في المنبر والحمد لله استرد عافيته تماما عاد للمنبر ببوست جميل . ويبقى السؤال ياعابدون مداخلتك دي هل يمكن اعتبارها زوغة عشان ما ترسل لينا حق الخروف ( مجرد سؤال برئ )
عابدون ياجميل منتظر مداخلتك آخر مرة لاقيت فيها شكوكو حكى لي كتير عنك وعن صديق مشترك بينكم صومالي الجنسية . يا اخي اعمل ليك صورة في البروفايل خلينا نشوفك ولو عندك اتصال بفيصل بلغو التحايا ولو معيد في الخرطوم بيكون تمام معاي ونلاقيك وكتر خيرك ياحبيب
11-26-2008, 07:50 PM
عمر عثمان
عمر عثمان
تاريخ التسجيل: 08-04-2008
مجموع المشاركات: 1583
أيوه يا وهبة باذن الله العيد في الخرطوم و سودانير مشكورة رغم الاخفاقات الكثيرة بتعمل عرض في العيدين تذكرة (جدة/الخرطوم/جدة) لمدة 14 يوم ب 1000 ريال فقط ..سوف اتصل بك عند حضوري.
11-26-2008, 10:30 PM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
Quote: عز الدين حاتم جن هسة قاعد معاى وبيقول ليك اول حاجة حمد الله على السلامة وتانيا قال ليك الحاصل شنو ناس الكضمى نقلوهم عندكم هناك ولا شنو ...
ياناس الشعبية الاخ حاتم عثمان ساتى بيسلم عليكم وانت بالذات يالحاج لما شاف صورتك دى استغرب ويادوب الظاهر زولك شعر بمرور الزمن ...
تحياتي للاخ حاتم والله مشتاقين ليه ولسه اشول ولا غير والله المشكله من بداية التسعينات والفك كان بيقفل شويه شويه لحدي ماقفل وبقيت مابقدر افتح خشمي الا نصف سنتمتر والدكاتره هنا وجدوا ان العظم امتد في النمو زياده ولكن لم تعرف الاسباب..والان تمت ازالة العظم الزائد باليمين والشمال والان الحمدلله استطيع ان افتح اكبر ولكن لانه لسه الجروح لم تبري وكذلك الوجه متورم من اثر العمليه والجروح والحكايه حتاخد ليها بين 10 ايام لاسبوعين لحدي ما اقدر اقيم الوضع.. بالمناسبه اخوي محي الدين في الخليج ربما الامارات وعندما اتاكد سوف اعطيك تلفونه باذن الله.. تحياتي للجميع ولافراد الاسره وللاخ حاتم جن
ولكم مودتي
11-27-2008, 04:46 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
وهبة صبحك الله بالخير والبركة ... والله ياوهبة انشاء الله فى اول فرصة انزل السودان حأتصل بيك عشان نتقابل ونتعارف ويكون بينا جسور من التواصل انشاء الله لأنو الزول الزيك بيخش القلب طوالى بدون استئذان ... أها الخروف السنة دى قالوا خرفان السودان فيها الفيروس بتاع جنون البقر عشان كدة مابننصح بالضحية والله ماقال ارموا بأنفسكم الى التهلكة يعنى اذا الخرفان عيانة تعمل حسابك ومافى داعى تعضى أقصد تضحى ...
11-27-2008, 04:49 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
الجزء الرابع من مشاركة الأخ عماد الدين عثمان توثيقا للفنان الكبير عبد الكريم الكابلي: مقاطع لبعض اغنياته :- - كيف يهون :- كيف يهون عندك خصامي وترضى من عيني تغيب وانت بيك اسرار سعادتي وانت اكتر من حبيب شفت بيك الدنيا نايرة وعشت فيك املي الخصيب . .
- كل يوم معانا :- كل يوم معانا وماقادرين نقول ليك انك في قلوبنا وكم نشتاق لعينيك حنانك ياحالم . . عشناك في الاماني وانت قريب معانا في سر الغرام . . اهديناك اغاني تنبع من دمانا ترمز ليك دوام . . فيها زهور جنينة في قلوبنا الحنينة الراجياك دوام . . كل ما نقول نصارحك يتجمد بيانا يغلبنا الكلام . . كم نشتاق لعينيك كم نشتاق لنقول ليك حنانك ياحالم . .
- ماذا يكون :- ماذا يكون ؟ حبيبتي ماذا يكون ؟ ياجرح دنياي الذي لايندمل يامن تركت القلب ينزف في أنين حسرات لحظات تولت في وجل كصدى يطير مضيعا عبر السنين ماذا يكون ؟ حبيبتي ماذا يكون ؟ . .
- عقبال بيك نفرح يازينة :- عقبال بيك نفرح يازينة نشرب شرباتك يازينة نوقد شمعاتك يازينة . . وهي من الأغنيات المليئة بالبساطة والفرحة وهي للشاعر إسحاق الحلنقي . . وهذه الأغنية كان يفتتح بها عبد الكريم الكابلي حفلاته في مناسبات الأعراس .
- امير :- زيد في صدودك وانا اسهر كتير ماتقلل غرورك انا عايزك امير انت امير علي وعلى قلبي الكبير . .
- سعاد :- دقت الدلوكة قلنا الدنيا مازالت بخير اهو ناس تعرس وتنبسط تككت سروالي الطويل سويت لو رقعات في الوسط من خشمي عضيت القميص اجري وازيد شوق وانط لامن وصلت الحفلة زاحمت الخلق وركزت شان البت سعاد . .
- كل الجمال :- كل الجمال ياغالي في لحظة مودة ونظرة عابرة بسمتك . .
- زينة وعاجباني :- زينة وعاجباني . . تعجب كل شاعر يلعب بالمشاعر عليها يهنيني ويقول زينة وعاجباني . . انا بي ريدا ناذر اني اكون مغامر وبكل غالي عندي اضحي ولا احاذر وبا لايام وبعدي وكل عزيز ونادر لانها لو عرفتو عفافا عليا قادر . .
- شمعة :- كم شمعة سالت فوق خدود الدمعة ضوت للعيون الفي السهر مجتمعة ترقص شمعتي الضواية ترقص وفي رقيصا حكاية من فصلين لاحلى رواية وفيها من البداية نهاية مشوار وانكتب لخيالا يبكي ويحكو حالو وحالا . .
- فتاة اليوم والغد :- أي صوت زار بالأمس خيالي طاف بالقلب وغنى للكمال واذاع الطهر في دنيا الجمال واشاع النور في سود الليالي انه صوتي انا . . انا ابنة النور انا اوتدري من انا . . .
- المرايا :- شوق ونغم وقلوب فرحانة . . ذوق وفهم وعيون سرحانة نور . . وزهور . . وعطور . . واستلم المجال صوت منساب بلور . . شبه ناس قلال خفة روح عصفور واشراقات جمال خلا قلوبنا طيور وحال ارواحنا حال .
- تاني ريدة :- تاني ريدة . . وكمان جديدة ياقلبي مالك في دروب دلالك تحكم علي بعيون سعيدة كانوا . . ماشفتو الغرام كأنو ما عشتو الحقيقة . . كانوا ماذقت المنام راح طيفو يتحرك دقيقة . . وتخلق معاذير للحبيب وتقول كمان كلمات رقيقة . . في ضحكتوا وفي بسمتوا وفي ضئ مواهبو وحسنو تتمنى الحديقة . .
- اكاد لا أصدق :- اكاد لا اصدق . . يا أنت يا أنت انني اكاد لا أصدق . . اهذه الحروف كل هذه الحروف خطها بنانك المنمق . .
- ياقمر دورين :- ياقمر دورين انا شفتك وين طبعا في الليل وفي ضفاير النيل في رمال سهرانة راجياك تسيل في عيون نعسانة غارقة في التكحيل في قلوب فرحانة عامرة بالتهليل في دموع الساقية يرنو ليها نخيل وكل ديل في وطني احبك ياوطني وهي ايضا من الأغنيات التي كتبها عبد الكريم الكابلي في الغربة . . وتنهي بالمقطع التالي :- ونبتهج نحن وصغارنا يا اصلنا ومبتدانا ويا حلاة مرتع صبانا وذكرياتنا ومشتهانا وانت فينا كبير وشوقنا ليك كتير والقوما ليك ياوطني . .
الأخ الحاج حمد سلامات و ان شاء الله كل شي على مايرام
التحية للأخ عماد الدين عثمان ومشاركته الثرة لقد وفر على كثير من الأجتهاد للحصول على كل هذه المعلومات بس كلمنا شوية عن عماد نفسه وهل تربطه صلة دم بالأستاذ الكابلى؟ لأنه الكابلى عنده ود أخته اسمه عماد وكان ساكن مع خاله(الكابلى) فى شارع المدارس؟
11-27-2008, 08:48 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
Quote: بس كلمنا شوية عن عماد نفسه وهل تربطه صلة دم بالأستاذ الكابلى؟ لأنه الكابلى عنده ود أخته اسمه عماد وكان ساكن مع خاله(الكابلى) فى شارع المدارس؟
عماد لا تربطه صلة قرابة بكابلي و تربطه صلة قرابة مع ناس هاشم سمكة من ناحية و مع اولاد موسى (محمد موسى و عاطف موسى) من ناحية أخرى..سوف أترك عماد ليحدثكم عن نفسه.
- شذى زهر :- شذى زهر ولا زهر . . فأين الظل والنهر ربيع رياضنا ولى . . أمن اعطافك النشر نعم انت الربيع لنا . . وانت النور والعطر وانت السحر مقتدرا . . وهل غير الهوى سحر وبي سكر تملكني . . واعجب كيف بي سكر ردد الخمر عن شفتي . . لعل جمالك الخمر خذي الدنيا باجمعها . . حبيب واحد ذخر إذا ضاءت مطالعه . .فكل سمائنا بدر خذو دنياكم هذه . . فدنياواتنا كثر . .
- اغلى من لؤلؤة :- اغلى من لؤلؤة بضة صيدت من شط البحرين لحن يروي مصرع فضة ذات العينين الطيبتين . .
- نالت على يدها :- نالت على يدها مالم تنله يدي نقشا على معصم اوهت به جلدي كانه طرق نمل في اناملها او روضة رصعتها السحب بالبرد . .
- اراك عصي الدمع :-
اراك عصي الدمع شيمتك الصبر اما للهوى نهي عليك ولا امر . .
- الليل عاد :-
الليل عاد والشوق زاد ياحبيبي كيفن عاد ويبقى بعاد كل نصيبي الليل عاد والشوق رجعني لايامك وانت معاي أيام كنا نشيد ونبني احلى ظروف بحروف ضواية أيام حسنك لون فني يشهد ليك ياحبيبي غناي كنت علي ياجميل بتميل ديمه تقول مشتاق لرضاي . .
- من قلبي عقبالك :-
من قلبي عقبالك ياراسي يازين ياحشمة وجمال يفرح كل عين كان بالعين وصالك شايفه كتير علي . .
- كسلا :- نضر الله وجه ذاك الساقي انه بالرحيق حل وثاقي فتراءى الجمال مزدوج الآشراق يشجي معدد الآفاق كسلا اشرقت بها وشمس وجدي فهي في الحق جنة الإشراق . . وتلك الأغنية للشاعر توفيق صالح جبريل حيث كتب المقطع الأول منها في العام 1936 م واكمل القصيدة بعد عشرون عاما في العام 1956 م .
- اكيد اكيد حنتقابل :-
اكيد اكيد حنتقابل تصدق امال وطول آجال ونتقابل وبتعرف كيف يا أجمل طيف ضيعنا سنين مابنتقابل . . يا أمل وثاب واماني قرون ياسحر غلاب ياسهر حيكون ونتقابل لو انت سراب تلقاني ظنون لو انت عذاب انا كلي فنون ونتقابل . .
- اغلى من عيني :-
يا أغلى من عيني واحلى من ابتسامة واحن من المحنة في رقة كلامه بعادك طال . . بعادك طال . . سنواصل بقية مشاركة الأخ عماد عثمان..شكرا يا عمدة
11-29-2008, 00:01 AM
صلاح شكوكو
صلاح شكوكو
تاريخ التسجيل: 11-19-2005
مجموع المشاركات: 4484
Quote: والله المشكله من بداية التسعينات والفك كان بيقفل شويه شويه لحدي ماقفل وبقيت مابقدر افتح خشمي الا نصف سنتمتر والدكاتره هنا وجدوا ان العظم امتد في النمو زياده ولكن لم تعرف الاسباب..والان تمت ازالة العظم الزائد باليمين والشمال والان الحمدلله استطيع ان افتح اكبر ولكن لانه لسه الجروح لم تبري وكذلك الوجه متورم من اثر العمليه والجروح والحكايه حتاخد ليها بين 10 ايام لاسبوعين لحدي ما اقدر اقيم الوضع..
سلامة فكك أخي عز الدين حمد الله على السلامة يازول مش الحمد لله إنت في كندا ؟؟ لو كنت هنا كان شالوا ليك الزائدة الدودية بدل العظم الزائد في الفك ..
العظمة الزايدة دي جات من وين كمان ؟؟ حمد الله على السلامة وربنا يشفيك
..
11-29-2008, 06:38 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
Quote: وعلى ذات المنافسة تمكن الشعبية من الفوز على حلة حمد 6/5 في المباراة التي استضافها ملعب المولد ببحري وتعتبر المباراة شبه ودية بالنسبة للفريقين خاصة بعد أن حسم فريق الكدرو أمر الصعود للدرجة الثانية ببحري مبكراً.
Quote: الغريبه يا حاج حمد انو ما في زول سالني من صورة البروفايل ده منو؟ والمناسبه شنو؟ مع انو زولكم رحمةالله عليه واكتر من احب الشعبيه وناس الشعبيه .ازيد ولا خلاص....!!!!
الباشمهندس طارق ميرغنى كيف ياطارق ؟ كدى لو رجعت لبحرى ست الهوى والطراوه ص.(23) بتلقي إجابه علي ماذكرته. وهى صورة الاديب الشاعر المرهف ابن الشرق أبــو آمــنــه حــامـــد وهو متزوج من الشعبيه , وعلي ماأذكر أُستاذه كانت بمدرسة بنات الشعبيه وإن لم تخني الذاكره هي الاستاذه أمينه مصطفي..
** من ضمن ماقدمه لشاعر أبو آمنه حامد لبحرى والشعبيه أنه أهدى الهلال لاعبين من الشعبيه هما :- اسامه بيكوس والحارس العملاق حافظ (ود حبوبه) ومصطفي كومي ..
*** ياناس الشعبيه لو معلوماتي دى غلط صححوها..
11-29-2008, 01:24 PM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
Quote: الغريبه يا حاج حمد انو ما في زول سالني من صورة البروفايل ده منو؟ والمناسبه شنو؟ مع انو زولكم رحمةالله عليه واكتر من احب الشعبيه وناس
الشعبيه .ازيد ولا خلاص....!!!!
الأخ طارق ميرغني البحراوي الأصيل الشكر لك على وضع صورة الشاعر أبو آمنة حامد و قد كتبنا و سنكتب عنه ، فقد عاش بيننا في الشعبية و كان فاكهة المجالس و هناك كثير من الذكريات حتى للمشاركين في البوست مع الأديب المرحوم أبو آمنة حامد و قد سبق أن شاركنا ابنه جمال الذي يقيم بلندن في هذا البوست و هو من المتابعين له..
الأخ عبد الكريم الأمين شكرا للمرور و لهذه المعلومات عن شاعرنا أبو آمنة حامد..
11-29-2008, 04:25 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
تمتلك بعض الخواطر حواس الفرد منا يهيم فى دواخل الذات يسترجع مكنونات الماضى يمزجها بلحظات الحاضر لتنساب الرؤى الدافئة كمياه دائمة العذوبة اللحظة الاتية تبقى مبتسمة مؤكدة ان للماضى حضورا قويا فى الذاكرة فى نهاية الستينات وفى زواج الشاعر المبدع الذى صاغ قصيدة سال من شعرها الذهب الاستاذ ابو امنة حامد ورغم اننا اطفال صغار الا اننا استمتعنا بليلة من ليالى الخرطوم العامرة بالجمال والهدوء والطبع السمح فقد تغنى فى الحفل ثنائى العاصمة وقدما اروع اغنياتهما ثم كان الفنان الشاب المبدع الذى بدا يلمع فى سماء الغناء السودانى فى ذلك الحين المطرب الخلاق الحلو الاداء والتطريب محمد ميرغنى الذى شدا باغنية مين فكرك ومن ثم اغنية انا والاشواق والتى فى اى لحظة استمع اليها انتقل بخيالى الى تلك الليلة.. الغناء والرقص والجمال السودانى والطبع السمح رغم سنى الطفولة كنا نذوب طربا بروائع الغناء السودانى (انا والاشواق فى بعدك بقينا اكتر من حبايب) الشوق والشجن فى لحظة الفراق والبعاد يؤكد مدى الالتزام العاطفى الحاد (مابنغيب عن بعض ابدا زى اعز اتنين حبايب) (كنت فاكر الشوق يغيب لحظة واحدة عن فؤادى) (وبالزمن يتلاشى وجدى وقلبى يسلاك فى بعادى) لحظة الابداع تكتمل والصورة فى تلك اللحظة مثبتة على حامل يترنح طربا ويمتلىء حتى الافاضة البعد يجعل الارواح تتلاقى تتزين قبل هنيهات اللقاء الغوص فى اعماق النفس لامتصاص رحيق الاحرف اى متعة هذه بل اى راحة نفسية تسكن دواخل العاشق البسمة هى برواز متنقل تكتسى جوانبه بالحميمية المتاصلة لحظة سرقت من الزمن المتعجل بالرحيل كيف للشوق ان يغيب لحظة واحدة عن قلب يزدان بالرؤى حتى الحواف يستنطق الصمت المطبق و..دهشة منسابة كموجة راحلة للزمن ان يسابق ثوانيه المتعجلة.. بالباقاء يستبقى الوجد من التلاشى فى البعاد القلب يرتهن نبضاته حتى لاتفاجئه بالنسيان (شوقى قال لى مستحيل مرة يتحقق مرادى) (وذى خلى الوفى واطباع حبيبى المابعادى) يرتقى الشوق برؤاه لتحدد معالم الطريق المخضر بشجيرات الوفاء الموصل الى نقطة محددة ترتاح بين الرعشة والنبضة لايعادى..من ترنم بحروف منضومة بخيط من نسيم (واى لحظة بعيدة عنك ضايعة من ايان زمانى) الزمن لحظاته فى اتصال دوائر غير مرئية لاتحتسب وهناك اسراب من الغيوم الراحلة فى محاولة للاتصال الضياع هو تميمة البعد روائع منسكبة شال من حرير ابريق من الذهب كل هذه التصاوير مستانسة المكان والزمن ضاحك بلحظاته المستعجلة (وكل يوم كان لى قربك اتمنى لو احياه تانى) (وكم رسالة ياحبيبى بسطره احكى بالبعد يا ناسينى) (بين حروفه اشوف خيالك وانت تتبسم لعينى) كثيرا مانامت الانغام فى الوتر وكثيرا ماضمت الارواح انغاما لم تعزف بعد كثيرة هى الرقصات فى ساحات النفس ودائما عزف الوجود سويا (وقبل ما اختم كلامى اتمنى لو ردك يجينى) التحليق فى شفافية الوجود امتزاج الروح بالروح النبض بالنبض الاوتار بالنغم الامتزاج قطرة بقطرة نظرة بنظرة ضحكة من شفاه القمر تلك اللحظات من الزمن كالضوء من اى مكات اتى فنسجناه خيطا بخيط همسة بهمسة بسمة ببوح طفولى اليف وابحرنا بمجداف الروح واستسقينا بساقية المحبة ونهلنا من القصائد حتى الشجى وضحكنا سويا حتى الشجن وانا والاشواق فى بعدك بقينا اكتر من حبايب
انا والاشواق نشرت بصحيفة الخرطوم الرياضى كانت تصدر من القاهرة..وذلك فى منتصف التسعينيات الراحل ابو امنة حامد احد اعلامنا الثقافية له الرحمة لا انسى فى تلك الليلة كنت بصحبة ابناء عمى سيف الدين وجمال حسن وكانت الفرقة المصاحبة للغناء تتكون على ما اعتقد من ثلاث كمنجات وايقاع واكورديون وفى اليوم الثانى..كانت الصبحية بالفنان الراحل بادى محمد الطيب الذى غنى بصوته الاخاذ..اغانى مازالت بالذاكرة ..فكما قلت من قبل فالشعبية من الاحياء الحبيبة والاثيرة للنفس..فقد قضيت بها سنين من ازهى سنوات العمر فالتحية لهذا الحى الخالد..ولرموزه ومبدعيه
11-29-2008, 05:57 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: سلامة فكك أخي عز الدين حمد الله على السلامة يازول مش الحمد لله إنت في كندا ؟؟ لو كنت هنا كان شالوا ليك الزائدة الدودية بدل العظم الزائد في الفك ..
العظمة الزايدة دي جات من وين كمان ؟؟ حمد الله على السلامة وربنا يشفيك
الاخ الاكرم صلاح سلامي واشواقي الله يسلمك وامين..والله الحكايه انه حتي الاطباء ماعارفين السبب لكن قدر مكتوب..وزي ماقلت الحمدلله انه الواحد في كندا ..وانا عندما زرت السودان في يونيو الفات ده سمعت قصص وحكاوي عن اخطاء العلاج في السودان تقشعر لها الابدان.. تحياتي لجميع الاهل ولك مودتي
الاخ عابدون محي الدين في ابوظبي ونازل مع واحد صحبه اسمه عادل من حلة حمد اظن مهندس مدني زميله في الجامعه وعندما احصل علي التلفون ح اديك ليه طوالي انشاء الله.. تحياتي للاهل ولك مودتي
11-29-2008, 10:44 PM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
في مثل هذه الأثناء إبان فترة الطفوله ,,يكون سيد المواضيع المطروحه هو الخروف..يبدأ الكل في تذكر العيد السابق ..فيبدأ التباهي بالحجم واللون : أحدهم :نحن خروفنا إلا نادو ليه الجيران عشان ينزلو معانا آخر:نحن مشينا نادينا عم "صديق"(العم صديق أبوزيد) كان سائق "تراكتور" ..وهي دلاله من المتحدث على حجم الخروف.
من طرائف تلك الفترة ..كان الكل يتحدث عن نوع "خروفه".. وكان أحدهم لم يأتي والده بالخروف بعد..فسأله أحدهم:إنتو ما جبتو خروف ليه أبوي قال بعدين بعدين متين يعني ياخي إنت مالك..أبوي قال مابجيبو هسه عشان مايقوم يموت علينا ساي قال إموت قال..يازول إنتو ماعندكم خروف ولا حاجه..أقول ليك تعمل شنو (بعد الناس ينومو أمشي جنب حيطة الجيران وأقعد كورك "باع" "باع"" باع"..ولمن يصحو الصباح قول ليهم مات. الجميل في الأمر أن والده أوفى بعهده وأتى بالخروف الماخمج..فتهللت أسارير أخونا وإنفجر في صيحات هستيرية..خروفنا جا ..خروفنا جا. فعلق أحدهم ..خروفكم ده كان مغترب ولا شنو ولكم من الود أكمله
11-30-2008, 12:27 PM
Adil Osman
Adil Osman
تاريخ التسجيل: 07-27-2002
مجموع المشاركات: 10208
الاخ عزالدين محمد عثمان سلامتك ياخ. ربنا يواليك بالعافية.
الاخ الحاج حمد سلامات اقترح ان يرسل لك المشاركون فى هذا البوست والقراء من ابناء الشعبية تلفوناتهم وعناوينهم وايميلاتهم لتكوين قاعدة بيانات ومجموعة بريدية يمكن ارسالها لكل الاخوة. سأرسل لك الآن ايميل بمعلوماتى.
عيد سعيد للجميع.
11-30-2008, 01:20 PM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
Quote: الاخ الحاج حمد سلامات اقترح ان يرسل لك المشاركون فى هذا البوست والقراء من ابناء الشعبية تلفوناتهم وعناوينهم وايميلاتهم لتكوين قاعدة بيانات ومجموعة بريدية يمكن ارسالها لكل الاخوة. سأرسل لك الآن ايميل بمعلوماتى.
اقتراح جميل لبناء قاعدة بيانات تعين في مزيدمن الترابط..التحية لك أخي عادل..
11-30-2008, 01:56 PM
حسن طه محمد
حسن طه محمد
تاريخ التسجيل: 03-01-2007
مجموع المشاركات: 3653
Quote: بعد مداخلتي معاك بتاعة الخروف ديك وعرضي لصورة المنزل الحزين يبدو انها اثارت عطف بعض المتصفحين اتصل بي واحد من الرقم 0097143755587 وقال الخروف عليهو تصدق وانا شاكي انو يكون فيصل محمد عابدون المهم ياصاحب الرقم انا اتصرفت في القروش الكنت خاتيها للخروف وكان عملت اي حركة غير مسئولة بشيل الرقم دا ودربي عديل على لاهاي .
العزيز وهبه زولك دا من رقم التلفون بتاعو شغال في قناة الشروق وهى بمدينة دبي للاعلام بر دبي ,, شوف منو من اولاد الشعبيه شغال في قناة الشروق ورسل لي وكالة عشان نتولي ليك موضوع حق الخروف قبل دخول العيد.. ودام الود بيننا.. (ابو محمد فؤاد - دبي)
12-01-2008, 03:44 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: كرومة والله كنت شاكي فيهو وابى يوريني اسمو لكن بعد دا ياهو ياجمال الوالي الخروف مرق شكرا للمعلومة ياكرومة وكان معيد في الخرطوم معزوم في الخروف دا اها لقيتني كبف !!!!
العزيز وهبه اها إنت لقيتني كبف !!!! للاسف مُعيد في دبي ,, لكن قبل العيد نصيبي في الخروف المُرتقب تعزم بيهو الجماعه البيحلموا بنتيجة الكره قبل ماتتلعب عشاء دسم ويفضل أن يكون يوم 02/12/2008 حتي يستمر تأثير هذه الاحلام الجميله بس ماعارف الاخت إيمان صالح يرسلو ليها العشا بارسيل ؟؟!!... وإنت عارف وأنا عارف والعارف لايُعرف وموعدنا الخميس 04/12/2008 صفقه ورقيص وكسير مواسير..
12-01-2008, 04:21 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
بس ماعارف الاخت إيمان صالح يرسلو ليها العشا بارسيل ؟؟!!... هي يا عبد الكريم اريتك طيب انا يا ود امي يوم الخميس عازماكم انا دي العشا جهزوا المراكب والعوامات بس
12-01-2008, 10:02 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
الاخ علاء الدين علي مختار ( محشية ) وهو يبلغ كل اهل الحي وناس البوست المعانا والبتاوقو التحايا والمكالمة امتدت لزمن طويل استعدنا فيها ذكريات كثيرة .
علاء الدين على الرغم من سكنو في شمال لكن نحن بنعتبرو جنوبي وواحد من اهم الجنوبيون وعلاء الدين رجل مرح طيب القلب يبهج نفسو دائما وكل الذين من حوله له التحية والشكر الجزيل على هذا الاتصال والتواصل الاثيري ونتمنى له التوفيق والصحة ودوام العافية له ولاسرته الصغيرة .
12-02-2008, 00:40 AM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
الراقى عبد الوهاب على الحاج لك كل التقدير والود والتحايا..لاهدائنا هذه الاغنية الرائعة..روعة هذا التواصل الانيق ارتبطت لدى هذه الاغنية الحبيبة دائما بحى الشعبيةوبانسانها الجميل محبتى
12-02-2008, 06:26 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
الأخ عادل محمد عثمان مشكورا أرسلالتفاصيل الخاصة به و قد سبقه شقيقه الباشمهندس عمر - دبي و الأن تثنية و تطبيق لاقتراح الأخ عادل محمد عثمان أرسل الأخ صلاح عباس هذه الرسالة و مشكور عليها: أخي الحاج سلام الله عليك ورحمته وبركاته وبعد أولاً أقول للجميع: كل عام وأنتم بخير، وإن شاء الله القابلة على أمنياتكم! ثانياً، استجابة لاقتراح الأخ عادل، هذه بطاقة شخصيتي: صلاح عباس فقير، أعمل "مراجع لغوي" للكتب عموماً ورسائل الماجستير والدكتوراه، أو في الحقيقة بدأت في ممارسة هذا العمل رسميا منذ فترة قصيرة، وأنوي التفرغ له. متزوج ولي طفلتان: إسراء وشيماء، مكان الإقامة: المدينة المنورة. جوال: 0568117816 إيميل: [email protected] والملاحظ أن اقتراح عادل عثمان هو تطبيق عملي لاقتراح أسامة سعد الداعي إلى التعاون بين الإخوان والاستفادة من مؤهلات وإمكانيات بعضهم بعضا، إذن فهذه المعلومات من جانبي هي إعلان عن العمل الّذي أقوم به، ويمكن بإذن الله أن أمد يد العون لمن يحتاج إليَّ في عملي من أهل الحي، كما يمكنني أن أقوم بهذا العمل عموماً عبر الإنترنت، وعليكم واجب الدعاية! ودمتم
12-02-2008, 08:03 AM
عمر عثمان
عمر عثمان
تاريخ التسجيل: 08-04-2008
مجموع المشاركات: 1583
هاتفني من استراليا الاخ العزيز فوزي يسن عثمان شقيق الاخوة فيصل يسن وفهمي والفاضل وسامي وهو مستمتع جدا ببوست الشعبيه ويسلم عليكم فردا فردا ووعد بالمشاركه عبر ايميل الاخ الحاج واميلي
12-03-2008, 04:51 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
Quote: ياخوى لعبة البيت المامتموم دى لعبة مكشوفة هسة لو جينا قيمناهو بى حالتو دى ما اقل من سبعمية .... اكمل ولا خلاص حتجيب الخروف؟
عابدون صاحبي
معليش ما شفت المداخلة بتاعتك دي لكن ياعمك الشعبية جنوب كلها بتجيب 700 والله انت متفائل انا طبعا لو ادوني 800 ما بفرط فيهو لكن كلام سوق ما بجيبها الا في حالة واحدة تقوم الحكومة تجن وتسمي شارع بيتنا امتداد شارع الجمهورية او البرلمان وفي الحالة دي ما بكتب تاني في البوست دا وبعمل لي بوست براي وبسميهو ( الشعبية جمهورية ) فيصل يصل بالسلامة ان شاء الله عشان نشوف موضوع الخروف دا وكان اجل الجية امانة ما اتسيكنا انا والعيال التحريات دلت ان صاحب الرقم المتصل من قناة الشروق وصدقني تعب معاي .
12-03-2008, 06:32 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
Quote: هاتفني من استراليا الاخ العزيز فوزي يسن عثمان شقيق الاخوة فيصل يسن وفهمي والفاضل وسامي وهو مستمتع جدا ببوست الشعبيه ويسلم عليكم فردا فردا ووعد بالمشاركه عبر ايميل الاخ الحاج واميلي
مرحبا بالأخ فوزي يس و مرحبا بمشاركاته..
12-03-2008, 06:50 AM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2698
والدته الحاجه الفضلى "ست النساء",,أخوانه سراج..بهاء ..عبدالرحيم"برعي"..خالد..محمد..وله من الاخوات واحده...كان الفقيد دمث الأخلاق إجتماعي من الطراز الأول..وبالرغم من أن هناك مساحة من العمر فيما بيننا إلا أنه كان يطويها بأريحيته وتواضعه الجم..من أبناء جيله الأستاذ"شكوكو"..سيف حسن..عزالدين الصبابي..وثلة الجهاد في تلك الفترة. غيبه الموت في الحادث الأشهر الذي كان في جسر شمبات في منتصف الثمانينات ..حين هوت العربه التي كانت تقله هو ومن معه في النيل عبر حاجز الجسر..فإحتواه النيل في جوفه لبرهه ثم ما لبث أن أخرجه للأعلى ..إكرامآ له. اللهم أرحم سيف النصر..وأغفر له..وأجعله من أصحاب اليمين..وأحشره اللهم في زمرة الصديقين والشهداء وحسن أؤلئك رفيقآ
12-03-2008, 08:46 AM
صلاح أبودية
صلاح أبودية
تاريخ التسجيل: 03-29-2008
مجموع المشاركات: 4557
اسامة( سعد النور) سعد Osama Saad مستقر فى امريكا (من زمااااااااان) اعمل بشركة عالمية كبيرة متخصصة فى كل ما له علاقة بالكيمياء (Chemistry, Chemical Technology, Biotechnology, Pharmaceutical and Laboratory and Analysis Equipment) - Sigma-Aldrich.com الشركة تقوم بتوفير المواد الكيماوية للشركات وتقريبا كل الجامعات الأمريكية ومعاهد البحوث العلمية و كذالك بقية انحاء لعالم.
اعمل فى مجال ضبض الجودة (Quality Control)
متزوج و عندى هبة و سعد
عادل محمد عثمان محتجى و قال ما عرفته بزوجتى لما اتصل بى؟ الزول ده ماداير الدق ................ كيف يعنى يسأل من مرتى؟
اسمها منى من المزاد وهى قانونية وكانت تعمل فى مكتب الأستاذ فيصل عبدالغنى سلام المحامى (من المزاد)
Quote: ابو صلاح كل سنة وانت طيب وينك ياخ مالك ما ظاهر وامورك ماشة كيف ؟
مشاغل الدنيا وتفاصيل يصعب حصرها تحت عنوان والغريب أن بعضها ينشطر دون إعلان ليعلن عن متاهة أخرى وفي إتجاه مختلف .. والبعض الآخر منها .. روتين لم يعرف كيف يختزل الأشياء وحتى تتحول الحياة عندنا الى (( نظام )) سنحتاج الى سعة في الوقت وربما شيء من الإنتظار المر ..
لكن هكذا هو السودان .. إن لم يكن كذلك فقد نكهة مميزة تدلل عليه
شكرا لك أخي وهبة وكل سنه وإنت طيب وللجميع مودتي
..
12-03-2008, 03:13 PM
الشيخ سيد أحمد
الشيخ سيد أحمد
تاريخ التسجيل: 07-14-2008
مجموع المشاركات: 2698
ولدنا وهبة شكلك كده كنت( بكاى شديد) فياعزيزى عندما اقمت بالشعبية..كنت ادرس بمدرسة بيت الامانة الثانوية عندما كانت امدرمان مرتع الحسان فتأمل وان كانت اغنية انا والاشواق ارتبطت لدى بالطفولة..فقد اتيت زائرا ذلك اليوم..وكانت صدفة ان احظ بليلة من ليالى العمر فتخيل طفل تاسره اغنية مكسرين فما بالك به فى ايام الصبا ومين فكرك ياحبيب..ومين الهداك اليا اغنية اخرى..تسرى مسرى الدم سلمت( ياولدنا) اشتهرت بهذه الكلمة لفترة..عندما كنت انادى بها كل الاصحاب ومن كل الاعمار وهذه العروسة الحلوة محجوزة.
12-03-2008, 10:13 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: الأستاذ "شكوكو" طبعآ العيد بعد غيبه في السودان له نكهه خاصه.كن بخير
الشيخ (( الشيخ )) لك الود مدرارا والتهنئة أزهارا وكل سنه وإنت طيب والأسره وكل الذين حولك مودة وإصطفاء
------------------
العيد بعد ترحال طويل يصبح حالة والحالة كما البداوة ليست جنسا او قبيلة بل نمط من انماط الحياة ..
ودنقلاوي ليست نسبا الى قبيلة لأن لا قبيلة أهلها دنقلاويون بل هي نسب الى مدينة ... وهي ( دنقلا ) .. بهذا المعيار يكون الدنقلاويون مكينون في المكان . ولا يماثل ذلك إلا (( كوستاوي )) في هذا المنبر .
وهكذا يأتي فرحنا بالعيد بلون مختلف عن فرح الآخرين ولعلك أدركت هذا المعنى وصفا .. لأن العيد الوطني حولكم حالة لا تلامس وجدانكم إلا من باب أنها (( إجازة ))
دامت مرافيك مخضرة نضرة وعيدك سعيد
..
12-04-2008, 05:07 AM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
الشيخ سيد احمد .. كل سنة وانت والاسرة بألف خير وعافية ... اتمنى نتقابل مع بعض ولازم فى يوم نتقابل ونقعد قعدة حلوة كدة مع بعض انشاء الله وطبعا فى كمية من اولاد الشعبية سواء فى دبى او ابوظبى .. انا كنت اتصلت على الاخ عمر عثمان وإتعارفنا وكان حوار طويل وشيق وحصل تعارف بينا من جديد وعندكم فى دبى برضو من اولاد الشعبية صلاح عمر واخوهو زروق وفيصل عابدون وفى الشارقة طارق برسى وفى ابوظبى كتير من الشباب ... تلفونى هو 5221747 - 050
12-04-2008, 03:45 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
Quote: الشكر لك على هذا الأدب الراقي و التحية لك..
لك كل التقدير والود الحاج حمد وكل سنة انت وزوارك الكرام بالف خير..وعيد سعيد للاهل بالشعبية اجتهدوا معنا..حتى يشرف هذا البوست الاخ..ياسر حامد صاحب القلم الرصين محبتى للجميع
12-06-2008, 03:54 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
الى كل اخوانى اهل الشعبيه التى علمتنا الاخاء والصدق مع الجار الذى هو في الشعبيه اقرب من ذوي القربى في المكان وربما في القلب فلنوسع صدورنا لبعضنا ونعرف ان الدنيا فانيه ولا يبقى الا العمل الصالح فاذا كنا كذلك في السودان فما احوجنا الى ذلك في الغربه كل عام وانتم بخير جميعا واخص اخي عبد الوهاب صاحب القلب الواسع والنكته الحاضره ولكم جميعا خاطرة كتبتها قابلة للنقد والتصويب في الهواء الطلق القادم دعاشا من جهة جروف وزراعة الكبري واطلب منكم جميعا ان نتصافى في هذا العيد وايام ذى الحجة المباركه واليكم الخاطرة التي كتبت وكل عام وانتم بخير
يغادر صباحا ككل يوم في ساعته تلك ويعبر واحة وصحراء ثم صحراء تقوده الى هاويه عن يمينه وهاويه عن يساره ممتطيا تلك الفارهه ذات الدفع الرباعي والموديل الاحدث. في طريقه ذاك تعبر امامه قطعان من جمال فلج المعلا ثم عند مروره بالزبير يقابل قطعانا من الابقار تمشي على مهل وهوينا يرقبها تعبر الطريق الاسفلتي ولا يهمها ان تأخرت عن العمل فأنت في نظرها اداة من ادوات هدمت عيشها الهاديء وحولته الى ضوضاء. ويسمعها عرفه الخدار تسري عبر الاثير في دربك فوقو نمشي ونمشي كان شوك كان رمالن هشي
عند وصوله يحيونه ويرفعون الايادي وقبلها يرفعون ذاك الحاجز الحديدي كأنك تدخل ثكنة عسكريه. يحييه ذلك الهندي المسكين ويضع الماء البارد والشاى الاحمر كما يفعل كل صباح يرشف ويتامل في حال هذا الذي اتى من بلاد بعيدة كما اتيت انت اتى يافعا ليشيخ هاهنا كما تشيخ ولعله يغني بالاوردو كما يغني محمد جباره بالشايقي الله يا فارض الفروض الخمسي تشرق في ربوعنا الشمسي في عزالنا لا تتغشي يورينا الله يوم تتفشي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة