روزمين عثمان الصَيَاد أم هي فيلوميلا أوفيد ؟؟؟؟؟؟؟؟؟؟؟؟؟؟

Quote: يتخيّل لي أبلغ حاجة تتقال هنا أنامُ ملأ جفوني عن شواردها و يسهرُ الخلق جراها و يختصم ؟ ما عارف كتبتو صاح البيت بتاع المتنبي دة واللا لا أنا عندي تجربة شخصية حصلت هنا من خلال تفسير لي نص أظنو شعري أتهموني فيه بالعنف اللفظي وإرتكاب الفولات مع سيدنا النبي وفي نفس الوقت أنا سيدنا النبي ما كان في بالي ولو بمقدر (صلعم) والتجربة التانية كانت نص أتكتب بطريقة فطرية و يمكن لاوعي بيه وبي ظروفو وبي حاجات كتيرة بتحصل و بتعمل حاجة زي التليباثي ياربي تلباثي دي في محلها !! ويصادف أن يقوم صديق بقراءة النص و يكتشف كما قال حاجات حسيت إنها أكتشفت لتوّها وبالجد حسّيت إنو صادق جداً ونبّهني لزقاقات مدهشة في جغرافية النص وبعدها نصّبتو مرآة لنصوصي وقررت اول نص شعري أكتبو و يعجبني أديه ليه فحصل إني كتبت لي حاجة بعنوان إجهاض لاوعي الزول قنديل لي وعيو ونبض الحلم المارق منك فيه ملامح من صحيانك وعلي طول رسلت ليه الكلام صاحبنا فسّر لي النص بطريقة ما عندها أيي علاقة بي الكلام يعني قدم لي دراسة نقدية علي طريقة كلام الطير في الباقير وأكتشفت إنو كلامو الأول كان صدفة زي ما أتولدت الحاجات الإبداعية في النص الأول برضو بمحض الصدفة ــ هسة زي أشعار الأخت روز يمكن تكون هي لما كانت بتكتب كانت حاسة حاجة تانية غير صاحبتكم الجبتوها لينا هنا في مطلع الدراسة النقدية وزي ما أنا كنت عاكس الكورة في النص الأول و قامت خشت قون يعني عادي بتحصل ! وبعدين شعر المدرسة الحديثة دي أظنو ما مفروض سيدو يقعد يفسر فيه للناس البعجبو كتّر خيرو و البشوفو كلام فارغ برضو كتّر ألف خيرو ياخ الكتابة دي ولادة عديل كدة الواحد يتوحوح النص كلو ويجي المولود يسب ليه الدين! وما دايماً النقد بطلع علي طريقة المتنبي حين قال (إبن جِنّي أعرفُ بشعري مني) إبن جني دة ممكن كورتو تفك ويصرّج ف ما لازم يكون أساسي العمر كلو عموماً طوّلت عليكم و أنا هسة بإعتباري لي حوالي كم و أربعين ساعة من السهر ممكن اكون بقول لي كلام خارم بارم لكن برضو بفضّل لما زول يعمل ليه مهرجان لي إنسان بحبو لو في واحد زهجان منو يخلي الحفلة لما تنتهي ويقول ليه طالعني الخلا ودة أدب الحرب البعرفو أنا أنا هسة في كم أنثي هنا صراحة ما عندي وُد معاهم لكن بحاول أتفادي المخاشنة اللفظية معاهن عشان إعتبارات أنثوية الأنثي مكانها فوق الرؤوس !

Quote: يا واطى!

Quote: ممكن تسحب تعليقاتك فى البوست دا وانا مستعدة أسحب الألقاء سبب ازعاجك رغم أني كنت مخلياهو كدليل براءة مما رميتني به وعلشان أي زول يسمع ويحكم بنفسو ..لكن أبدا ما مشكلة ..أنا مستعدة أمسح هل أنت مستعد للمسح ما دام بكري ما قادر يحمي أعضاءه ويصون كرامتهم ؟

Quote: والله يا بدرالدين ما عارف اقول ليك شنو ... من ناحية انو الفنانات بيذوقن مرارات عندنا فى السودان دى صدقت فيها

Quote: أىّ زول المديدة حرقتو يكشحا فى الواطا ... بلاش لعب عيال معاكم

Quote: كدى جيب اقتباس للقبح والتناقض عشان اعرف انت قاصد شنو ... (وأىّ زول جايى يقول القبح والكراهية والغلّ والحقد والتحرش وهلم جرا من المسميات يجيب اقتباسو معاهو ... لأنو كدا عيب)

Quote: فعلا يا تبارك أنا اتوقفت من قراءة البوست لأنك بتشطح واتكلمت معاك فى التلفون عن البنات وقهرهن ..ياخى أنا اعتذرت عن "مساخاتك" لى روزمين بالبين وبالمغتى ...كتبت فى البوست الطويل داك واعتذرت ليها عن دخلاتك الغريبة دى اتكلمت مع روزمين فى المسينجر وهى بتشهد على كده ..وكانت رقيقة ولطيفة لكن فى الحقيقة كانت متضايقة جدا من مداخلاتك .. بالله يا تبارك احترمنى أنا واحترم كل البنات المشغولات بالابداع وأديها فرصة ..لو غلطت قوليها غلطتى بدون اسنفزاز واثارة غلاغل ... بدون ما تستنفر غضبها وغضب الناس البحبوها ياخى خليك حساس فى طرحك لأنو الألم الشفناه من العامة نحن نسوان الادب والفن ما يستاهل الطاقة الاتبذلت فيه ..ده ضياع زمن بس... أوعك تقولى لو فى حاجة ما عا ج ب ا نى ما أقولها؟ ده منبر يفترض انه للحوار ..الحوار النضيف العفيف ..ما للحط من احساس الناس أو منتوجهم خصوصا البنات ..انت أخو بنات وبنات مشغولات بأشياء قلما تنشغل بيها البنات عموما ...بنات سلكن طريق صعب وخطر ومحفوف بالمشاق وانت فاهمنى كويس مع انى قلت ليك الكلام ده أو ما يشبههو فى التلفون لكن بقولو هنا عشان أنصف روزمين ..وأنصف الناس البقروا فينى وفيك وبقروا فيها ...وانور القراء من ظلمة اللبس والكيل بمكيالين انا ما معاك يا تبارك فى وقفتك ضد روزمين ...رايك فيها وصل زمااااان ...الكلام البايخ ده لزومة شنو؟ ولروزمين التحية والانحناء ... تماما كما لرشأ ....

Quote: مع انى قلت ليك الكلام ده أو ما يشبههو فى التلفون لكن بقولو هنا عشان أنصف روزمين ..وأنصف الناس البقروا فينى وفيك وبقروا فيها ...وانور القراء من ظلمة اللبس والكيل بمكيالين انا ما معاك يا تبارك فى وقفتك ضد روزمين ...رايك فيها وصل زمااااان ...الكلام البايخ ده لزومة شنو؟ ولروزمين التحية والانحناء ... تماما كما لرشأ .

Quote: الأخ متشاكل مع المدام ولاّ حاجة

Quote: هسى اعتذار محمد فرح دا فش غبينتى شوية وخلاّنى أفكّر ... هل ممكن نوجد أرضيات مشتركة لى اختلافاتنا لو اتفقنا على الحد الأدنى فى طريقة التعامل ... لأنو واضح انو محمد فرح معجب بى رشا فنّياً ومختلف معاها سياسياً ... طيب الإختلاف السياسى ما عيب، البيخلّى التعبير عنه بهذا القبح شنو؟ أكيد ما الشيطان ... لاكين عدم التزامنا بى مبادئ تحكم تعاملنا مع بعض ... زى التناقض بتاع انّو يكون عندنا دستور تعددى بينص على احترام الآخر ... ومعاهو قوانين "نظام عام" عملها الأساسى هو إهانة الآخر وخرق الدستور الذى يحميه ... طيب زى ديل نصل معاهم لى أرضيات مشتركة كيف؟

Quote: روزامين ... والله ما عارف اقول ليك شنو ... انا رايى فى شعرك سلبى من الأول ... والليلة بالإلقاء دا ... رايى فيك بقى سلبى جداً جداً كشاعرة ... المسألة دى - صدّقى أو لا تصدّقى - مافيها أى بعد شخصى أو مشاعر من أىّ نوع ... الأسلوب الساخر أسلوبى - للأسف - وما مقصود بيه التعبير عن ضغينة أو غلّ شخصى ... لاكين نحن كلّنا - إسفيرياً - لا نعدو كوننا مواضيع قراءة ... شعر ... نقد ... سخرية .... ثورة ... حكمة ... وكما ترين ... كلّ أنواع الكتابة وحرية الرأى فى هذه المساحة الأسفيرية ... وكان يمكننى أن أعتب عليكِ تناول كتابتى كاستهداف شخصى غير مبرر ... ولكننى أقدّر سوء وقع سخريتى عليكِ ... فأجد لكِ العذر ... الشخصيات العامة من مثقفين وسياسيين وغيرهم ... يلاقون ما يلاقون كرد فعل لطرحهم فى الساحة العامة .... فأتمنى أن تتحلّى بالصبر حيال ما يواجهك من نقد (جاد أو ساخر) طالما أن خيارك أن تقرضى الشعر ... وتنشرى ما تنظمين ... المرأة التى تقرأ قصيدة "كعوب عالية ... وثدى" فى اللينك تنتمى لتيار يعبّر عن الجنس شعراً وعلى أسس أخلاقية تختلف عنّا قليلاً - كبعض سودانيى الشمال المستعرب - ولكنها لا تخلو عن أن تكون محترمة ... فربما لا توحى تعابيرى بذلك، ولكننى أحترم الجنس كعنصر أساسى فى حياة الإنسان ... وأحترم الإحتفال بالجنس بطريقة إبداعية وإنسانية (كالتى فى الرابط، أو كـ "رقيص العروس" عندنا فى الشمال المستعرب) وأرفض وأتجنب الإبتذال والتسليع فى الجنس ... ولست هنا بصدد تبرير الرابط (فالشعر يعبّر عن صاحبته وهى تلقيه على جمهورها علناً) ولكننى وددت أن أقول بأنك تستخدمين نوعاً من استدرار العواطف الجنسية فى مجمل طرحك الشعرى وفى ذلك ابتذال للشعر غير الجنسى ... وتسليع وسوء استخدام للعنصر الجنسى فى الشعر ... وهذا رأيى ... وأعتقد أننى من نوع الذكور الذين لا يفشلون فى قراءة الرسائل الجنسية المستبطنة فى الصوت وطريقة الكلام والإصطناع ... فإن كانت هذه هى طريقتك العفوية البريئة ... فهى تُسمع كما ذكرت لك ... فإن وددت الإستمرار فيها فعليك أن تعى ما تفعلين ... فهذا النَفَس الإغرائى فى الإلقاء (وهو بالمناسبة يغيّر فكرة النص تماماً) لا يمكن إخفاءه بالإنكار أو ادعاء البراءة أو تجريم من ينتقده ... عموماً أؤكد لك أن موقفى منك - كما هو - موقف عام ... من طرحك العام لنفسك كشاعرة ... ولا تدخل فيه المشاعر الشخصية ... وفى اعتقادى ... أنك تكتبين بمحض إرادتَكِ .... وعليه فأنت فقط تتحمّلين مردود ما تكتبين ... حتى لو اعتقدتِ أن النقد جارحٌ أو يحمل غلّاً وحسداً شخصيين ... وأتمنى أن يجد توضيحى هذا وقعاً طيباً عندكِ هذه المرّة ... ... المهم ....

Quote: أولاً السبب فيما تسميّه "أذى" هو شعر روزامين وليس أنت ... ثانياً إن اتصلت ببكرى أبوبكر فاطلب منه سحب مداخلاتك أنت فقط ... فأنا غير منسحب عن مداخلاتى ... وإن سُحِبت تعسُّفاً ... ثالثاً ... لعبير خيرى وعماد عبدالله وبقية المجاملين والمعنّفين واللوامة ... رايى دا - لو عاجبكم أو ما عاجبكم - اتعاملوا معاهو زى ما مكتوب ... مافى زول يحاول يهدى شيطان غضبى وكراهيتى وحقدى ... وهو أصلاً ما موجود ... أنا لو عندى كراهية .. فهى لهذا النوع من اللوم فى غير محله ... روزامين لا تجيد كتابة الشعر .. ولا إلقاءه ... ولا يخلو شعرها من استدرار حسّى عديم المعنى ... انا الكلام دا اقولو كيف بدون ما زول يوجه لى لوم شخصى؟ بعدين انتى دايرة يتواضعوا ركّاب لورى الفحم ... ولاّ أم توباً ابيض؟ فى أىّ وكت دايرة تكتب شعر زى دا ... تستعد لى سماع راى زى دا ... ما معقول تكونوا لايمننى على الأمانة والإنصاف! أثر رايى دا عليها وعلى نجاحا أو فشلا ما بيعنى لى أى شى ... بتهمنى الدقة والأمانة فى الراى ... والمقدرة على التعبير عن الراى ... وبس ولو كنت محلّها ... كنت بحاول استثمر جهودى ... فى التعامل مع راى زى دا بى جدية شوية ... (ولو فى اقتباس لى عدم تهذيب أو سخف، جيبوهو ... لو ما عندى ليهو تفسير بمسحو) ... المهم ....

Quote: عوض حسن ... انا خالّيك تسرح سااااى ... عشان ما يقولوا "متلقّى حجج" ... لاكين تفسيرك لى انو أى إشارة لى غنا العندليب فى شعر بالإنجليزى معناها بالضرورة إشارة لى أسطورة "فيلوميلا" ما صاح ... وربطك بين الأسطورة وقصيدة روزامين ربط عجيب وغير منطقى ... إنت القاعد تجيب لى روحك فى اللوم تدريجياً ... وكان فرفرت زيادة بفضى ليك خالس ... (وداير تضرب لى بكرى تسحب البوست وبتعمل فى حركات ما جميلة بنعومة اجساد الأفاعى المالية البوست دا)

(عدل بواسطة عادل نجيلة on 09-22-2010, 03:27 AM)

(عدل بواسطة Sinnary on 09-22-2010, 04:59 AM)

Quote: وأعتقد أننى من نوع الذكور الذين لا يفشلون فى قراءة الرسائل الجنسية المستبطنة فى الصوت وطريقة الكلام والإصطناع

Quote: تقعر سناري و تفلسف و قولني ما لم أقل؛ ثم استشاط غضباً متقعراً .. فتأمل!!

Quote: بني إجتماعية

Quote: الزول الاسمو سناري دا قايل نفسو بيكتب في (الاوس والخزرج اونلاين) في القرن السابع الميلادي ولاشنو ؟

Quote: فإن انتبه أنه يمارس نعومة الأفاعى

(عدل بواسطة awad hassan on 09-22-2010, 06:08 PM)

Quote: والله بوست من البوستات القليلة البتستحق القراءة ألف برافو الفنان عوض شيخ ادريس فمثلك مكسب لسودانيز أون لاين ومعليش فما حدث أكبر من أن يتصوره الواحد يعني تبارك بالغ عديل كدا أما حسين ملاسي فدا زول ما عنده حاجة يقولها غير أنه يضحك الناس لكن المرة دي لقي البستاهلو والأخ وهبة مالك بتدخل في كلام انت ما قدره هسة شوف كتابتك الفوق دي فيها كم همزة ما كتبتها وكم همزة ختيتة غلط ما دام ما بتقدروا تناقشوا مالكم علي بنت الناس الأخ نجيلة انت باين عليك زول بتعرف في النقد والادب ياخ بالله كتر كتاباتك في المنبر الأخت تماضر دايماً جدعة وحقانية عشان كدا أنا من معجبيك الإلوف الصامتين ومع إني مقتنع بقدرات الشاعرة روزامين عثمان لكن ما كانت ترد علي الأخ تبارك بمامعناه إذا انت بتعيرني بإني شاعرة وبلقي شعري بنوع من العجن ودا طبعا شئ جيد في الإلقاء الشعري فأخواتك كمان فنانات فكان رد الأخ بدر الدين الأمير بأن الفن محترم وكلهن فنانات وعلي رؤؤسنا. تبارك علي الأقل راجل فنان وبفهم في الحاجات دي ويبدو أنه ادرك أنه موقفه ما كان سليم أما المشكله في ناس ملاسي ووهبة الإتملطشوا وبستحقوا دا.

Quote: والله دا اغرب بوست فى التاريخ ...

Quote: Quote: (أي والله، بعد الذي جرى هنا، هو ابتلاء)ثروت همت لبصق الأيضِ بالكسرة عشان المضاف والمضاف إليه ما لبصق الأيضُ ... أيضاً مبنية ... ما بتبقى أيضٌ أو أيضٍ ... (هسّة المداخلة دى ... مش مفروض تعتبر من باب المنافسة غير الشريفة ضد روزامين؟ ... أيه "الذى جرى" و "الذى حرقتنى"!) ... المهم .... تبارك شيخ الدين

Quote: لبصق الأيضِ بالكسرة عشان المضاف والمضاف إليه ما لبصق الأيضُ ... أيضاً مبنية ... ما بتبقى أيضٌ أو أيضٍ ...

Quote: شكراً لهذا الربط والسرد عموماً، والذي صب المتعة في جوفي الظامئ حتى أشرفتُ على الفيضان . تحياتي

Quote: Quote: والله دا اغرب بوست فى التاريخ ... والله ياتبارك مافي اغرب منك انت Quote: أنا غير منسحب عن مداخلاتى التى سُحِبت تعسّفاً ... يعني عاوز تصل لي شنو ؟ تكتب كلام يصب في مصلحة البوست دا كان بها تتهاتر وتعمل في حركاتك بتاعة فريق جهنم دي مافي زول بتحملا انتقد قول الشعر دا ماعاجبني بس بي ادب لانو في ناس ما اعضاء في المنبر دا ماعاجبم الشي البتعمل فيهو دا

Quote: أنا في ياتو Cateogory يا تبارك؟ ___ أملّس ولّ خشِن؟

Quote: أخي العزيز عوض حسن: شكراً لهذا الربط والسرد عموماً، والذي صب المتعة في جوفي الظامئ حتى أشرفتُ على الفيضان . تحياتي *** أخي العزيز محمد إي سليمان: منذ فترة، كنت أتحدث مع أحد الأصدقاء الذين ابتلاهم الرب بالكتابة (أي والله، بعد الذي جرى هنا، هو ابتلاء)، كنا نتحدث ذاك الصديق وأنا عن السقف الإبداعي!؟ كان صديقي يصر على أن لكل كاتب سقفه الأقصى، ومن السهل بالنسبة للآخر سواء أن كان كاتب آخر أو قارئ حصيف أو ناقد، من السهل إدراك ذلك السقف، كنت أختلف معه في نظرتي، وبياني في ذلك أن الإنسان كائن لا محدود القدرات، ومرونته تمكنه من التطور عموماً، أما معدل ذاك التطور فهو رهن لمقدرة الإستيعاب لدى الكاتب المعين. على كل حال، مضي علينا وقت (أيام وأيام) ونحن نتجاذب طرفي ذات الموضوع، وفي نهاية الأمر داهمني ذاك الصديق بمجموعة من الأمثلة والبراهين حتى صببتُ فكري في مجراه، واقتنعت. لم يصلني ديوان روزمين بعد، ولم اطلع سوى على القصيدة التي أوردها صديقنا عوض مشكور في مستهل خيطه، ولكن بعد مروري عليها لأكثر من مرة، ذُهلت للتطور الملاحظ جداً، واكرر جداً، في كتابات روزمين، من حيث الأفكار، الصياغة، ربط النص بمعاني(لاحظ أنا أقول معاني وليس مفردات، وهو أصعب) خفية تنبجس فجأة عند الحاجة، مما هدم تماماً نظرية الأسقف الأولى. طيب يا محمد إي سليمان، بشكل موسع الأشياء تكتسب صلابتها ومبتغاها بالتجارب، الكاتب يكتسب الإتقان بالممارسة وتكاثر التجارب (مثال وليس حصر)، ياخي أنت شايل ليك تلاتة قصايد لروزمين من بداياتا وحايم بيهم وراها؟؟؟؟ ليه؟؟؟؟، لا تعترف بكتابات روزمين هذا حقك الطبيعي يا أخي، حتى أنا لم أكن اعترف بكتاباتها القديمة ولا بديوانها الأول، وهي تدرك ذلك، لكني وعندما قرأت لها نصوص أخرى جديدة تغيرت نظرتي لتجربة روزمين عثمان الصياد الشعرية ككل. لن تُجبر يوماً في سلوك مذهبي هذا، ولكن أن تدُس نصوص روزمين القديمة في كل مكان مخصص للاحتفاء بأعمالها الجديدة وهي أعمال جديرة بالاحتفاء(باي زا وي)، فهذا يحيلك إلى إنسان خالي منطق وظنون مخفية كمان. تحياتي ** روزمين: كلما سدلت ظنونها لتخترق بريتي، تجفل الملامح فيني، فأفرغ منها، أزم شفاهي لذمي، لبصق الأَيْضُ وخلاصه من دوائر الصيرورة الرتيبة، لشق الأرض وبثر رمالها عن تربتي، لدس ملامحي الهاربة؛ فتحفل الأشجار بظني، بالعيون المحترقة، بالحاجب المنغرس فيها كسهم أطلقته يد الغيب لدحر البصر عنه، لضلال السهم عن مقصده وانبلاج الأنصاف، أنصاف إدراك، أنصاف بشر وأنصاف حلول. كلما راوغتني عن رغبةٍ، أنغرسَ مُبهم في السماء، طبول بالية تتجانس غوايتي، الفحيح يعلو أسفل البرية، مضي الوقت مهلكة الفرار؛ وجوه فزعة، تتلقف الترقب، لا تحمل سمة، تزعقُ منحدرة من كل اتجاه وفي كل اتجاه، كطيورٍ أفزعتها يدُ لطفلٍ مغلقة تضمر الرجم في الخاصرة. تحياتي