|
Re: التلفزيون المصري ينادي:ايها العمال ايها الفلاحون هيا بنا الي السودان!!! (Re: Ehab Eltayeb)
|
رمضان كريم يا ايهاب. المصريين عندهم مثل بقول: كان عندك حاجة عند الـ ك ـ لـ ـ ب قول ليه ياسيدى. اها الأيام دى حاتسمع كلمة السودان الشقيق دى كتير جدا . يعنى يتمسكنوا لغاية ما يتمكنوا. لكن يا ايهاب حقواالناس ماتلوم المصريين لإنهم ديل ناس بدوروا على مصالحهم. الدور والباقى على الناس اللى بتطلع قرارات خطيرة زى دى بصورة فردية من موقع السلطة ,, دون الرجوع للبرلمان ,, ركزوا عليهم.
قالوا واحد سودانى سافر مصر لأول مرة ,, أهله حذروه من استهبال المصريين. اول ما خرج من المطار ,, قابلوه ليك . مرحب بإبن النيل ,, أى خدمة ,, وهو ماشى لايأبه بهم. حبايبنا السودانيين ,, تغيير عملة .. اى خدمة يابيه ? ده انت تأمر. زولنا ماشى ولا عليهو بيهم. الجماعة جاريين وراه : حبايبنا السودانيين ,, اقدع ناس ,,, زولك تسودن فجأة وصاح فيهم : ياخ اختونى كده ولا كده ,, انا ماسودانى زاتو انا صومالى. جماعتك : اقدع منـ نهم ياعم? ديل عليك الله ناس الواحد يرقد ليهم فى أمان? فتكم بعافية. مرة برضو كان فى كورة بين السودان ومصر ,, دوشونا قبل المباراة ,, السودان ومصر بلد واحد ومش عارف ايه ,, ولو غلبت مصر او السودان الفرأتين هايكونوا كسبانين ومش عارف ايه من امور الطلس والملص دي لغاية ما كتلوا الحماس فى ولادناولعبوا زى كأنهم لاعبين مباراة ودية ,, وطلعت مصر كسبانة ,,اول شئ كتبوه بعد صافرة النهاية ,, مبروك لمصر كبيييرة على شاشة التلفزيون. ملحوظة : يا اخوانا شايف السيكيورتى بتاع بكرى شلخ كلمة كـ ـ لـ ـب دى ,, اها ياخوانا كان الواحد جاء يكتب ليهو آية قرآنية زى ( وكـ ـ لـ ـ بهم باسط ذراعيه بالوصيد يمشى يجيب اذن من الأزهر ولا كيف . برضو انشبكنا مع المصريين.
|
|
|
|
|
|