ما هي أكثر ولاية في السودان يحظي سكانها بالسلطة في السودان؟

Quote: بس نحن في الصفر والجوير والمغاوير والكمير والسيال وما يقابلهما شرقا للنيل.. لا السنة الفاتت دي بنعدي بالمراكب...في ما عدا بنطون شندي المتمة كهربتنا سويناها برانا..مدارسنا...شفخاناتنا...وبعد ما الحكومة جابت الكهرباء....اسلاكنا جبناهن برانا وعمدان الكهرباء بالعون الذاتي حقنا...ونوادينا سويناهن برانا...وعندنا مستشفي واحد من السيال لا حدي المكنية....وكل نقطة غيار في حلة سويناها برانا... والمسافة بسن المكتية ومستشفي النوراب هي مسافة..ما بتنجي القرصان من الموت...لا عندنا ظلط...ولا مشاريع زراعية...ودوانكينا سويناهن برانا...واتحداك تجيب لي حاجة واحدة سوتا لينا الحكومة دي او القبلها او القبلها...ابتداءا من عمك زمن عمك شالوكة اب صدر الاقترح اعلان الاستقلال من داخل البرلمان... ياخ نجي لي غرق شندي القريب دا السأل فيه منو؟؟؟ غير قناة الجزيرة... لا اتبشتنو ولا اتشردوا...ولا جروا ولا س######وا...ديل ناس كتر يا زول.. صابرين بالفطرة...وعندهم مناعة من البشتنة...والشكوي لغير الله... البشوف كلامك دا يقول الحكومة كانت بتترس مع الناس في بيوتهم وحلالهم الشالها السيل وعينهم تعاين... اما ان ذكرنا خير الملاريا...فهي قد استوطنت في تلك الديار... ولو عددت لك من ماتوا منا بداء الملاريا في العامين السابقين من قرية واحدة...ودفناهم بكل صمت ودموع حري لسحبت بوستك هذا.. هذا خلافا لما ذكرته في هذا البوست من خبر عاصم مدني... الذي بشرنا بأننا ننتظر يومنا الآخر فقط...وفر بجلده دون ان ينتظر عقد قران صديقه والذي جاء محتفلا معه من ديار الجزيرة... وعاصم هذا حي يمشي معنا دعه يذكر لك خبر ليلة واحده قضاها معنا بدءا من المركب وانتهاءا بعربية طلب