|
Re: برنامج اغانى واغانى فى دورتة الخامسة على النيل الازرق وعلى المنبر (Re: mamkouna)
|
عفوا ممكونة ما تتهجمي أنا بأعيد لي تيسير كلامي الفوق تاني
( يا بت عووووووضة الليلة رمضان أثر فيك
دا كلام دا ،،،صوت حمد الريح.... من يقول هذا الكلام لا تسمعي له لأن لا يمت للفهم بصلة إطلاقاولا رأي إنسان فنان بمعنى أطرش ما عندو سمع كلو كلو ،، عشان كدا تستاهلو كل يوم ود أم بعلو يقول فنان عندك مثلا كل الحلوين في البوست دا فرحانين بمحمود( وظبية الباص ) عليك الله دا محمود!!!!!!!!! (ياناس ) والله أنا زعلان ليه شديد كصديق و كمستمع معا بالله أقرو الموازين كويس و الغلط غلط (اللهم أشهد)
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عمر التوم)
|
سفيان كيفنك يا أخوي,, كلامك ميه الميه فيما يتعلق بالحوت,, هو محبوب زي ما هو, وما محتاج يتجمل ,,
أمَا عن البنيات: Quote: وتجي اختي أماني فوق تقول ليك كلااااس والله كلاس الروضة (أم اللوان) مازيهم . |
والله ياسفيان ريماز دي كلاس من الله, كلاس خلقة ربنا يعني, قعدتها, نظرتها, وقفتها, رايقه وراقيه وكلااااااس,, بس مرات بيكون شكلها حفله حفله ياقول أخونا ود العباسيه أميمه برضو راقيه,, أمّا الباقيات ديل فبأمانه (أهالي), وبره التاريخ بالناموسيه اللابسينها دي ياقول رايوه :)
بمناسبة رايوه,, الليله شريف الفحيل أبداااع, حد يصحي رايوه لوووووول
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عمر التوم)
|
شلناك شمعه ساقيها الحنان وضوها ما فتر (تايه الخصل)
يا مريا مالعشرينين باتن في جحيم تتقلب .. ترتدي ثوب عزوف وهي في الخفية ترغب.
معقول يا حمد الغناي جد تمشي وما تقول ديل؟ حمد الريح ، لم أسمع له أغنية لم تهزني ، لذا توافر الجميع على أغانيه لأن الجميع يتقنها،
حبيبتي إن عاتبوك يوما كيف قصصت شعرك الحريرا وكيف حطمت إناء طيب بعدما ربيته شهورا وكان مثل الصيف في بلادي يوزع الظلال والعبيرا قولي لهم يا حبي الأول والأخيرا أنا قصصت شعري لأن من أحبه يحبه قصيرا وبعدها أصبحت العاصمة المثلثة لاترى شعرا جميلا غير القصير..
زمن.. كان أول ما وصلنا من أسطوانات منصفون إلى مسافره وقتها صارت البسمه البطوِّل عمر ونظرة الليزر البتذوب حجر وكل أعمال السحر و شغل ال Teleknisis حرفة العاشقين توتي سمحه وناسا سمحين .حليل الراحو لدار الأهل بدون أهل.. غنى للشابي ولنزار والشرق أتى والغرب أتى وتلاقت توتي المحس وتونس..
يديك العافيه يا أستاذ حمد في وسط الجروف، لكن.. الله يغيز دفع الله..
السر قدور أثبت بأنه فاكهة أجهزة الإعلام بعفويته التي أحالت الأستوديو مهرجانا للبشاشة فتماهت الأعمار وانكسر سد للفرح أغرق الصايمين والجالدين وكفَّر للذين يطيقونه بإفراح ألف مسكين.
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد المرتضى حامد)
|
Quote: شلناك شمعه ساقيها الحنان وضوها ما فتر (تايه الخصل)
يا مريا مالعشرينين باتن في جحيم تتقلب .. ترتدي ثوب عزوف وهي في الخفية ترغب.
معقول يا حمد الغناي جد تمشي وما تقول ديل؟ حمد الريح ، لم أسمع له أغنية لم تهزني ، لذا توافر الجميع على أغانيه لأن الجميع يتقنها،
حبيبتي إن عاتبوك يوما كيف قصصت شعرك الحريرا وكيف حطمت إناء طيب بعدما ربيته شهورا وكان مثل الصيف في بلادي يوزع الظلال والعبيرا قولي لهم يا حبي الأول والأخيرا أنا قصصت شعري لأن من أحبه يحبه قصيرا وبعدها أصبحت العاصمة المثلثة لاترى شعرا جميلا غير القصير..
زمن.. كان أول ما وصلنا من أسطوانات منصفون إلى مسافره وقتها صارت البسمه البطوِّل عمر ونظرة الليزر البتذوب حجر وكل أعمال السحر و شغل ال Teleknisis حرفة العاشقين توتي سمحه وناسا سمحين . حليل الراحو لدار الأهل بدون أهل.. غنى للشابي ولنزار والشرق أتى والغرب أتى وتلاقت توتي المحس وتونس..
يديك العافيه يا أستاذ حمد في وسط الجروف، لكن.. الله يغيز دفع الله..
السر قدور أثبت بأنه فاكهة أجهزة الإعلام بعفويته التي أحالت الأستوديو مهرجانا للبشاشة فتماهت الأعمار وانكسر سد للفرح أغرق الصايمين والجالدين وكفَّر للذين يطيقونه بإفراح ألف مسكين. |
مولانا الجميل / محمد المرتضى .. ياخي أنت زول مليان ... كلامك سمح بالحيل ... ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عمر التوم)
|
اخي ود العباسيه
وينك اليوم ؟؟؟
الاخت تيسير عووضه
حمد الريّح
فنان إختلف حوله الكثيرين وإعتبروا أن صوته يخلو من أي مسحة تطريب "وقد يكون هذا صحيحاً" مما يجعل صوته مثل "السليقة الباردة" يا قول كمال ترباس في مقام آخر غايتو أنا ما حصل لاقاني زول قال فنانو المفضل حمد الريّح !
لكن ما لا نستطيع إنكاره هو أن حمد الريح أهدانا أجمل الأغنيات كلام ومزيكا وفعلاً نقدر نقول إنو قدم غنا مختلف
اختي تيسير بعد ان غني حمد الريح لاسماعيل حسن اغنية طير الرهو في منتصف السبعينيات
حدث بينهم خلاف ووصل الجرائد وعلي ما اذكر وصف اسماعيل حسن صوت حمد الريح بالاملس. حسب وجهة نظري ومع احترامي لرايك ان حمد الريح غني لاكبر الملحنين والشعراء اجمل الاغاني لكن بصراحه -وكتبت هذا الكلام من قبل- ان مشكلته في الاداء وليست في الصوت
يعني بينهر نهير مافي ليهو أي داعي !!!
شفتي الزول دا قعّد الكلام حول الكلمة والمزيكا والسلم الخماسي كيف إتحدث حديث العارفين كلام عميق ومختصر
بصراحة كيفني
اختي تيسير حمد الريح لا اعتقد انه دارس للموسيقي وشهادته في هذا الجانب ربما تكون سمعيه اكثر من انها علميه المهم له اجر الاجتهاد
اخي جني
محمود محتاج للمساعدة من الجميع ! محمود ومن هم حوله ومن لهم اجندة خاصة فى تدمير محمود هى عناصر تدمير ثلاثية قاتلة اذا لم يتم مساعدة محمود قبل فوات الاوان! محاولة محمود لفعل الاعاجيب بيديه لاخفاء وجهه مؤشر إيجابى يمكن استثمارها لانها توضح ان محمود ليس راضيا عن نفسه ومظهره وان حالة محمود حالة نفسية يمكن تداركها وليس حالة عقلية ميئوس منها! محمود فنان حساس ورقيق ومبدع بالامس بصهيله وهديله وتغريده وقوقيي القمارى المتجذر فى اعماقه اعاد لنا جزءا من ثقتنا التى افتقدناها او اوشكنا على افتقادها ! جو التواصل بين الفنان ومعجبيه يساهم كثيرا فى استعادة الفنان لثقته بنفسه ويحفزه لبذل الجهد ليكون عند حسن ظن جمهوره!
اخي جني والله اليوم كان شغلي الشاغل حالة محمود عبد العزيز
ووالله فكرت اعمل بوست اتحدث عن حاله وحالته وكيفية اخراجه منها فكرت اتصل بابناء عمتي وهم جيرانه بالمزاد او بصديقي دكتور وجدي كامل وهو ايضا قريب منهم للسؤال عن حالته لكن حسب كلام وليد نقلا عن فرفور"ابن خالته" انه كان مرهق فقط. كان بقربي في هذه الحلقة عديلي وهو طبيب ويسكن ايضا في المزاد واتفقنا ان حالته هذه مرضيه
وليست نتيجه لتناول أي مؤثر
لكن كيف يكون المدخل ؟؟؟؟
فكروا معاي كيف العمل ؟؟
________________________
طه سليمان ابدع اليوم وفاق حمد الريح في الاداء بمراحل حتي اضطر حمد الريح للاشاده باداء نادر خضر لنفس الاغنيه في حين ان طه سليمان اداها امامه ولم يشيد به بنفس الطريقه ربما يقصد يا طه سليمان ابعد من الاغنيه دي
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Emad Ahmed)
|
بما أنه البوست توثيقي في المقام الأول ,, فيما يلي إحصائية بكل الأعمال الغنائية التي قدمت للبرنامج الرائع أغاني أغاني للأعوام السابقة :-
أغاني أغاني 2006 م
الكواكب احتفلوا بالقمر + حبيبي انا فرحان + مين في الأحبة + هل تدري يانعسان + محبوبي حياني + الفؤاد المسلوب + ظلموني الناس + باب الغرام ( الجابري ) + الأماني العذبة + نسايم الليل + يانسيم أرجوك + ياطير ياطاير + ياطير ياماشي + انا ياطير بشوفك + جنني نغمات القمري + اذكريني ياحمامة + غضبك جميل زي بسمتك + سوداني الجوه وجداني + أمدر واعودا + ارض الخير + ياوطني يابلد احبابي + اطرد الاحلام + زهرة الروض الظليل + الزهور والورد + الحان الربيع + الزهور بسمت لينا + مداعب الغصن الرطيب + لي حبيب شاغل بالي + سهران ياليل + حرمان + انت بدر السماء + انا ما بقطف زهورك + الشوق والريد + دمعة الشوق + وين ياناس حبيب الروح + هل أنت معي + حليلة الفرقه من بكرة + مابصدقكم + بلال تزورني مرة + زيدني في هجراني + مارايت في الكون + أنا وأنت والنيل والقمر + مليح الزي + الحبيب وين + لو بعدي بيرضيه + الماضي والحاضر + ذكرتني + الحجل بالرجل + بل شوقي ( احمد المصطفى ) + كيف لا اعشق جمالك + إيه يامولاي + صغيرتي + ربيع الحب + الذكريات + أنفاس الزهر ( نفسك آبية وروحك خفيفة ) + الاوصفوك + كلمة + حارم وصلي مالك + كان بدري عليك + يا جميل يامدلل + الزهور صاحية + المصيرك تنجرح + حنيني اليك + ياليالي الانس لي عودي + ياحبيبي نحن اتلاقينا مرة + حياتي حياتي + البحيرة + مرت الأيام + من باب نفسك يا القطار + القطار المرة + رسائل ( من طرف الحبيب جاءت اغرب رسائل ) + مافي حتى رسالة واحدة + رحلة في طيارة + انا بغير عليك + ازاك يا عيوني + ليه كده + ما أحلى ساعات اللقاء + لي غرام وأماني + يحيا الحب ( حسن عطية ) + الساعة كم + حبيبي جنني + لحن الحياة + رشا ياكحيل + جاني طيفه طائف + لما ترجع بالسلامة + بعيد الدار + على النجيلة + انت حكمة + أحلام الحب ( زرعوك في قلبي ) + اندب حظي + قلبي مالو اليوم + اللون الخمري + كل البينا بقى حكاية + ما بصدقكم + مسامحك يا حبيبي + يا ماري عند الأصيل + عيوني هم السبب + عيد الكواكب + عيني + مبروك عليل يانعومة + عني مالهم + حبيته ما حباني + تخاصم يوم ( فاطمة الحاج ) + مروي + انا امدرمان + ياوطني يابلد أحبابي + في شاطئ ياحبان + حنتوب الجميلة + ودمدني + حبيت عشانك كسلا + شجون + المقرن في الصباح .
أغاني أغاني 2007 م
الهلال هلا + الليلة لاقيته + محبوبي حياني + شوف عيني باسم + السراي ( مدحة نبوية ) + ياسلام منك + الليلة سار + المهيرة + أرضنا الطيبة + في الضواحي + من محاسن حسنه المحاسن + من محاسن حسنه الطبيعة + ياربيع في روض الزهور + بين الزهور انا وانت + الزهور بسمت لينا + الحان الربيع + اطرد الأحلام + بدر التمام + زهر الرياض ماد + الناعسات عيوني + حبيبي انا فرحان + قضينا ليلة ساهرة + اوع تخلف الميعاد + ليالي الانس + في شخصك بحترم اشخاص + غرامي الأول + مشتاقين + القلب المأسور + لو انت نسيت + عجبا يقول الناس هاجري + الطير المهاجر + صابحني دائما وابتسم + ذاك الصباح + فلق الصباح + صباحك مالو + يخجل البدر + بعيد الدار + حبيبي جنني + شقي ومجنون + أنشودة الجن + جنني العيون + كيف لا اعشق جمالك + ذكرتني + شجن + خاطرك الغالي + المصير ( عثمان حسين ) + هل تدري يانعسان + الخرطوم زانت ارضها + رحماك ياملاك + البامبو السوداني + اعز مكان وطني السودان + ناعس الأجفان + مشوار ( البلابل ) + صغيرتي + المصير ( ابراهيم عوض ) + جمال دنيانا + غنى القمري على الغصون + سيدة وجمالها فريد + قائد الاسطول + الجمال والحب في بلادي + افتتان + حبيبي اكتب لي + البرهة القليلة + الحالم سبانا + يوم الزيارة + انا باحبك يا مهذب ( عائشة الفلاتية ) + أنصاف + سلو قلبي ( الكاشف ) + آنة المجروح + ازيكم + اسمر جميل + بعد الشر عليك + سنن البرامكة + الواعي مابوصو + حقو لي قولي + الجنزير في النجوم + إعصار المفازة + ليه التجني + جوهر صدر المحافل + الليل الهاجع + صفوة جمالك + متين ياروحي نتلاقى + الرشيم الأخضر + ذوبت وجدا في هواك + الليلة ياسمرا + أيامنا + حبيته ما حباني + ياسميرة بنظرة + أحبابي ياعيني + كل ما سألت عليك + اللون الخمري + نانا + المهرجان + نسيم الروض + نعيم الدنيا + ننو يا ننو + ياناس لالا + توبة يا أهلنا + في الشاطئ طاب لينا السمر + داخل روضة غنا + باسم الحب + انت عارف + الجمعة في شمبات + هوى المحبوب + بتتغير ( صالح الضي ) + القماري + عيش معاي الحب + السنين + عروس الروض ياذات الجناح + هل انت معي + شذى زهر + هذه الصخرة + البحيرة + ياجمال الليل + ليالي الخير جادن + ياليل أبقى لي شاهد + نسايم الليل + الليل مابنومو + انا مامعيون + عيون الصيد + عيونك كانوا في عيوني + عيون المها + من الاسكلا وحلا + الحب والظروف ( قلنا ماممكن تسافر ) + تنساني انا في يوم + الي مسافرة + سافر حبيب الروح + يامسافر وناسي هواك + العربية + ياساير + سائق البوباي + اللوري حل بي + سائق الفيات + أمل + من ارض المحنة + الشال قلبي وسلا + المسافر ( العطبراوي ) + انا سوداني + راحت عليك + عندك ضحكة + شن نسوي + القدر فرقنا منك + كيف تفارق .
أغاني أغاني 2008 م
عمت بشايرنا + تاجر عطور + ليالي الخير + الليلة لاقيته + ليل الفرح + فرفش + ليلاتنا ليلية + خفيف الروح + حارم وصلي مالك + كيف لا اعشق جمالك + ظلموني الاحبة + قلبي فاكرك + ليالي الغرام + طيبة الاخلاق + مسامحك ياحبيبي + مابصدقكم + لاوحبك + لاتسلني + ذكرتني + ناس لالا + داوم على حبي + انا المظلوم جفاني حبيب + قول انت نور + صدقيني + المريود + البمبي +|نسايم الليل + فلق الصباح + ربيع الحب + غنى القمري على الغصون + البامبو السوداني + وجه القمر + الفؤاد المسلوب + ياجميل ياسادة + قلبي همالو + اجسامنا ليه جسمين + جوهر صدر المحافل + خلي العيش حرام + هل انت معي + حليلة الاصبحت ذكرى + مساء الخير الامير + طولت مارديت + كفاية + اريج نسمات الشمال + ليالي كردفان + مين في الاحبة + قول الحقيقة + قلبي دقة + الليل الهادي + احلام الحب ( زرعوك في قلبي ) + يانديما + الوصية + البديع الهواك سباني + لو داير تسيبنا + البنريده تائه + وداد ( ام بلينة السنوسي ) + نسيم الروض + صدفة غريبة + الليلة سار + انت ياغرامي + محراب الحب + خداري + اسير الغرام + البي باقي + كلمة + انت اغلى ( بهاءك ) + حبيبي جنني + يافايت + ست البنات + سال من شعرها الدهب + ليلة السبت + جاني طيفه طائف + ياجميل يامدلل + انا بيك سعادتي مؤكدة + اضيع انا + الرهور صاحية + حبيب الروح + في شخصك بحترم اشخاص + ياغائب عن العين ( التاج مصطفى ) + أنفاس الزهر + ظلموني الناس + ظلمتني وانت عالم + ظلموني وظلموك + انصاف + ظلموني الحبايب + المنعوك اهلك + الاهيف + نسايم الليل + انا صادق في حبك + زهرة الروض نور + ياعيني وين تلقى المنام + امدر واعوده + زيدني في هجراني + ياحبيبي جفيت + هجد الانام + زهرة الروض الظليل + في الطيف والصحيان + انساني + مابنسى ليلة كنا + لو انت نسيت + ماودعت + انساك + منظر شئ بديع + فراق الزين + عيون السود الكحيلة + سليم الذوق + رمية طابق البوخة + زهر الرياض ماد + ليالي الانس + العيون السودا + القلب الماسور + عشان كده انا حبيته + بسمة + الزهور والورد + حبيته ماحباني + الذكريات + إله فني + لحن الحياة + سحروك ولامالك + يانسيم قول للازاهر + احبابي ياعيني + ياغائب عن العين + الملهمة + يانسم أرجوك + الشاغلين فؤادي + حبي القديم + الزيارة + الحبيب وين + افتتان + هل تدري يانعسان + رشقتني عيونو + ناعس الاجفان + قضينا ليلة ساهرة + اذكري ايام صفانا + مليح الزي + ياناس وين انتو + نغيم فاهك + ابو عيون كحيلة + ياسهارا + حليف الصون + تخلف يوم ميعادي + رسائل + البلوم + حكاية ملام + الزمان زمانك + انت بدر السماء + عزة وصالك + مارايت في الكون + عيون الصيد + ياحنوني + صباحك نور + عني مالهم + سمعت مرة كلام + الحان الربيع + عودتني غيابك + ملاذ أفكارنا + يامسافر + الدرب الاخضر + لحن الحياة + المني حنان + امير الحسن .
أغاني أغاني 2009 م في هواك ياجميل + مداعب الغصن الرطيب + بدر الحسن + حيرت قلبي + لحظك الجراح + جميل ما سألناهو + أسباب جفاك + دنيا المحبة + هانت الأيام + في الليلة ديك + رمشة عين + السمحة أم عجن + القماري + أسألوه + ياوطني + أزيكم + جاري + الفارس الجحجاح + انا مالي ومالو + ياحبيب مالك + عقد اللولي + في ربيع الحب + حلم الصبا + أنشودة الجن + غيرة + أسراب الحسان + من فروع الحنة + رياض العبادي + بلابل الدوح + عازة الفراق بي طال + مسو نوركم + معايا معايا + لما ترجع + مين قساك + تلقى الدنيا فرحة + وحدو بينا + أنا بحبك يامهذب + سألتو عن فؤادي + حبيتو ما حباني + في الشاطي ياحبان + وداعا روضتي + مرضان باكي + جوبا مالك علي + مع السلامة + ياريت تبقى لي + رغم بعدي + فاكرك معاي + حلو العيون + شفتك وابتهجت + عاطفة وحنان + اشتقت ليك + حنيني اليك + مين فكرك + جناين اسيا + نسايم الليل + يانسايم الليل + يانسايم + من قليبو الجافي + ياعيني تعاينن + عيوني وعيونك + أهوى العيون + صدقت العيون + من بهاك + عيونك علمن عيني + شوف العين + انا اهـ من العيون + عيون الصيد + ياعين بتخافي مالك + جنني العيون + ليلاتنا ليلية + ما تخجلي + انا ما بقطف زهورك + صه ياكنار + عجبوني + تعيش انت + شجون + الزمن دوار + عشناك غنا اللون الخمري + مالي والهوى + زيدني من دلك + مسامحك ياحبيبي + انا والأشواق + + لما الريد يفوت حدو + أنساني + قالوا وقلنا ليه + لوموهو اللاهي + بين اليقظة والأحلام + اهل الهوى + منى عمري وزماني + قمرية فوق الدوح + ابوي + ياحمام يازاجل + منى عمري وزماني + عيون المها + عايز انسى الامي + بسمة + شوك الورد + انا بهواك + وجه القمر + حن ياقمر + القمر في كنانة + انت بدر السما + طلعت القمرة + ياقمر باين + ماكنت عارف + بتقولي لا + ليه ياقلبي ليه + سعادتي مؤكدة + الليمون سقايتو علي + الحجل بالرجل + طيبة الأخلاق + سهر المنام + نعومة + اشكو ليك ياربي + تحدي + افتتان + غرامي الاول + الأمان + صدفة غريبة + قلبك ليه تبدل + أول حبيب + فات الأوان + عذبني + ادللي + غني ياقمري + ياحليلك يااسمر + المصيرك تنجرح + اتلاقينا مرة + الاسكلا + السلام ياروح البدن + احرموني ولا تحرموني + انا في التمني + الناحر فؤادي + البي دلالو + ياروحي سلام عليك + قائد الاسطول + سوقني معاك + شكوى + جارو اهلك + سوداني الجوة وجداني + تودعني وانا مشتاق ليك + البان جديد + الريدة + الفراش الحائر + الملهمة + ياروعة + مشوار + ضاع صبري + وعد + أسال نفسك + البهجة في عينيك + بريدك + لو بعيد مني + انا افريقي انا سوداني .
( من خلال تلك الإحصائية نجد أن معظم الأغنيات التي كتبها السر قدور تم التغني بها وليهو حق في ذلك ما البرنامج من إعداده وتقديمه وجحا أولى بلحم توره كما يقولون ولم ينسى أيضا إعطاء مساحات واسعة لصديق عمره الشاعر إسماعيل خورشيد رغم ضعف مضمون شعره الغنائي أسوة بشعرائه جيله).
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Emad Ahmed)
|
شكري يا حاتم من بحر الوافر – كما يحلو ل د. بشرى الفاضل أن يقول- دع التواضع يا رجل فأنا لم أكتب بل طربي وهذياني هما الفاعلين.. أرجو أن تقبل كلماتي على أخطائها وعلاتها، نحن نتداعى حين يسكرنا الجمال ولا ننمق أو ننظم، كدا زي المنومين مغناطيسيا نمارس ال Regression Hypnosis حمد الريح ورفاقه هم أول من تفتحت عليهم مسامعنا ، الناس ديل حتى لو سكتوا بيذكِّرونا الزمن الأخضر وأحلامنا الورديه، وعاد لما يغنوا ، بس تيه في تيه رفل ، تلاقينا مدروخين في منطقة وسطى بين الطرب والشعشعة وتِكِلِّب الجِلِد، حالة سرعان ما تنحسر حين تهجم قوافل الأسى والفجيعة ، إنه زمن تلاشي الأحلام والتشظي المريب يا حاتم. محبتي.
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
فنان إختلف حوله الكثيرين وإعتبروا أن صوته يخلو من أي مسحة تطريب "وقد يكون هذا صحيحاً" مما يجعل صوته مثل "السليقة الباردة" يا قول كمال ترباس في مقام آخر غايتو أنا ما حصل لاقاني زول قال فنانو المفضل حمد الريّح !
لكن ما لا نستطيع إنكاره هو أن حمد الريح أهدانا أجمل الأغنيات كلام ومزيكا وفعلاً نقدر نقول إنو قدم غنا مختلف
زياده على كلامك اخى طارق اقول الفنان حمد بتكلم عن نفسو كتير
مع تقديرنا واحترامنا
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
Quote: * شريف الفحيل , الجه اول امبارح كما قال حمد الريٌح , كان نجم حلقة اليوم بلا منازع حد يصحي راوية العباسي ! :) |
الله أكبر الله أكبر بعد بكرة يوم الخميس ياستاذ حمدالريح (وخمست في وجهه بيدها مفتوحة تجاهه)
صراحة ياممكونة أنا منتظرة جون عشان يجي يلصق الاغاني وأسمعها جبت السماعة أمس وأول حاجة سمعتا شريف تلاتة مرات قصتي اليومين ديل طريفة بجد ما قادرة أتفرج على التلفزيون لاسباب لاتتعلق بالكهربا المقطوعة
بس هانت
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: المعز ادريس)
|
Quote: حمد الريح كان بياخد دروس موسيقية خاصة يا طارق ميرغني و أعتقد على إيد الموسيقي محمد سيف! .. أخد الدوروس دي بعد ما شاب مما يدل على الطموح العالي و احترام المهنية حتى آخر لحظة من العمر فله التحية و .. مديد العمر. |
الاخ المعز رمضان كريم حمد الريح وعلي مااعتقد درس معهد الموسيقي وماعارف خلص ولا لا المهم قبل ما محمد سيف يدخل المجال بس حتة السلم الخماسي والمثال بتاع اغنية ام بادر ومافعله المطرب اعتقد انها مجرد ابعاد وليس خروج من السلم الخماسي حسب معلوماتي البسيطة وفي ناس اعلم ممكن يفتو في الحتة دي ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: المعز ادريس)
|
الحبيب ود العباسية.. بالامس التطريب حصل، وغناوي دلوكة،وفروسية، جعلت لباس الحياء الموقت ينقشع، وتعبر الذوات عن نفسها، بطلاقة، بل وسكر، يعني تحولو لناس طربانة، مش فنانين، وهالات، ومشاهير، وومكن تكون دي بركة الفن، حين يتجاوز ناطق "العقل المراقب"، لدفق الداخلي..
لا أدري، حركت فيني الكثير ومن معي، كأننا كنا نحتاج لتحريك داخلي، كأننا..
ياريت، لو في زول عندو حلقة من العام الفات لأغنية نار البعد والغربة لنادر خضر يدخلنا لينا، وله الجزاء والشكر والاحترام ياريت.. اغنية نار البعد دي تهزني فعلا، وتذكرني أهلي، وطفولتي بمعنى الكلمة، كأنني انا هناك، من حيث الزمان ومن حيث المكان، وبارك الله في براق الفن، فأنه ينقلك بسرعة، وأصالة لوقائع ساحرة في قعر الذات..
ياريت زول تكون عندو نار الغربة لنادر خضر السنة الفاتت..
محبتي.. وشكرا للمجهود الكبير ياود العباسية، تشكر من القلب والله، ورمضان كريم..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عبدالغني كرم الله)
|
Quote: طه سليمان ابدع اليوم وفاق حمد الريح في الاداء بمراحل حتي اضطر حمد الريح للاشاده باداء نادر خضر لنفس الاغنيه في حين ان طه سليمان اداها امامه ولم يشيد به بنفس الطريقه ربما يقصد يا طه سليمان ابعد من الاغنيه دي |
معذرة أخي طارق إشادة الفنان حمد الريح لأداء الفنان نادر خضر كان لأدائه العام السابق لأغنية ( نار البعد والغربة ) التي تغنى بها في حلقة الأمس الفنان محمود عبدالعزيز ، وقد أعلن له تنازله عنها وقد تغنى الفنان طه سليمان في حلقة الأمس بأغنية ( لو عارف عيونك )
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: المعز ادريس)
|
الأخ الحبيب معزإدريس تحية طيبة وإحترام هو (حمد) قاصد يوصل رسالة لللبيب من الشباب الجدد الجاد لأن كلامك القلتو :- (( هو بطريقة غير مباشرة قاصد ينتقد طريقة "آداء" الشباب الجدد و حركات اللولوة الغريبة على طريقة الآداء النمطي و "الإلتزام" المعهود))
حقيقي هي لولوة غير مدروسة و الغريب قايلنها حلوة يااااااااخ دي تعمل شلل أطفال والله الإلتزام بحق الغير كما وضعوهو أصحابو لا يضر بالأغنية ،، و إنت سوي إي لولوة قايلا هي هارموني موسيقي في أي عمل يخصك إنشاءالله يبقى دبيب .. بالواضح كدة دا القاصدو الأستاذ حمد الريح وهو صحيح 100% ولا في زول عندو رأي آخر من إخواننا الموسيقيين ، آسف لتجاوزي لهم لأني غير دارس ولكني أميز الجميل و أعرفه
عموما الحلقة بديعة و دمها خفيف خااااالص بس ماذال محمود بعيد عن الجو العام ولكن كلهم أبدعو و الجلابية حلوة يا جمال بابا أنجيدا ناقصة الطاقية مع راسك المقلوز دا لهم الإحترام جميعا ولكم ..
شكرا
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Amira Elsheikh)
|
القرضابي,,
Quote: أماني رمضان كريم يبدو انك ما عارفه الخلفية الأسرية لرماز ميرغني جدها(عليه الرحمة) كان عمدة شندي من الحدود للحدود فالكاريزما العمدية تتطلب أن تكون رماز كذلك خلقة الله... ما تمثيل |
والله ماكنت عارفه, شكرا للمعلومه,, أهو ثبت مما لايدع مجالا للشك انه عندنا عين لاتخطئ أصناف البنات ,, ريماز بت كلاااس حقيقه ما تمثيل :) أنا من السنه الفاتت عاجبني استايلها جدا,,
بس تبّطل القُصص ولبس السهره,,
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: SHIBKA)
|
.. .
Quote: والله ياسفيان ريماز دي كلاس من الله, كلاس خلقة ربنا يعني, قعدتها, نظرتها, وقفتها, رايقه وراقيه وكلااااااس,, |
اكيييد .. ما دى ريماز .. يا ناس الله وبالله ما تنسوا وولدنا شريف الفحيل حضور متميز واداء رائع وخفه روح وزولا حبوب وبسيط وخطو معروف ومستقبله معروف او كما قال الاستاذ حمد الريح ..
ونحن راجعين في المغيرب لا سلام منك ومــا منك تحية للوراك ..خليتوا عايش في الأسية مــا حرام يا الفنجري ما تسيب وصية مــا حرام يا الفنجري ما تسيب وصية كنت زي طيرا غريب ســـافر عشية مـــا قبيل وصوني يا حليل الوصية كت مكضب كنت ناسي دابو صدقت المفارق عينوا قوية *** السواقي النايحة نص الليل حنين الدنيا ممزوج في بكــاها زي طيورا في الفروع محتارة بتفتش جنأها البيوت والناس بتسأل عـــــن صبية فارقت حلتنا زي طيرا غريب ســــــــافر عشية مــا حرام ماضيك يصبح ليك أسية *** يا سلام..يا سلام ..يا سلام يا سلام لو كان جفا الطيف حسن نية كنت نسيتنا الوصية المفارق عينو قوية المفارق عينو قوية *** أوعي ليـــــــــــــل الغربة ينسيك ريحة الطين في جروفنا أوع ليل ليل ليــــــل الغربة ينسيك ريحة الطين في جروفنا والتميرات البيهفن ديمة رازات في حروفنا والدعاش والغيم رزازا في العصير بالفرح بلل كتوفنا *** نحنا راجعين في المغيرب المغيرب المغيرب للديار مــا حد يشوفنا ..لا نشوفوا.. لا يشوفنا نحنا راجعين في المغيرب المغيرب المغيرب للديار مــا حد يشوفنا ..لا نشوفوا.. لا يشوفنا
------------------
بصراحة الاغنية دى كانت كانت ذات نكهة خاصة وعفوية شريف الفحيل ادتها طعم متميز .. لكن كمان نطيط السخوى وخفه فرفور فى عجبونى الليلة جوا ترسوا البحر صددوا .. كانت فيها شوية خرمجة غير مناسبه.
اسعدنى كثيرا اشادت الاستاذ حمد الريح بكل الشباب وخصوصا تشجيعه لشريف الفحيل ودعمه الواضح للاسطورة محمود عبدالعزيز .. فقد كانت بصراحة لحظات مؤثرة ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: maia)
|
استاذنا طارق مرغنى .. صباحك خير
Quote: لكن كيف يكون المدخل ؟؟؟؟
فكروا معاي كيف العمل ؟؟
|
فعلا محمود عبدالعزيز محتاج لوقفة ملموسه من كل حبايبه ..
وكلامك صاح 100% انه لازم الناس تلقى مدخل لمحمود عشان تفهم الحاصل شنو ..؟
وانا بقول من هنا يا طارق من منبر بكري ده تعالوا نتحرك ..
وأكيد مافي شيء مستحيل وممكن تلقى مدخل يا طارق .. يلا ابداء وعلى بركة الله ..
ممكن نستعين من اخوانا الموجودين هنا ويفتحو الطريق ونعرف محمود محتاج لي شنو ..
حبيبنا ياسر تمتام ممكن يساعدنا بالطريقة البقدر عليها ..
وبرضو وليد عبداللطيف وعلاقته بي فرفور ..
وبرجع ليكم ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عفاف الصادق بابكر)
|
نرجع لي حلقة أمس .. بصراحة كانت حلقة رووووووعه وخاصة ظهور شريف الفحيل بالصورة المبهره ..
فرفور والسيف .. كانت ملفته وخاصة لمن كان ثنائي مع عاصم ..
البنات كانو ضيوووووف عديل وقاعدين زي الفي الفصل ..
حركة فرفور ورماز (كفك ) لاحظة ليها بتى واستغربت !!
محمود عبدالعزيز ... وااااا وجعى عليك ربنا يزيل البيك ..
حمد الريح .. أغانية الجميلة ما غنوها والمفروض يكون فى حلقتين على الاقل ..
برجع تاني ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عفاف الصادق بابكر)
|
Quote: أوعه ليل الغربه ينسّيك ريحة الطين في جروفنا ,, |
ياسلااام,, أمبارح والليله غنية (لاسلام) دي معلقه معاي جدا,, والله ابداع شريف الفحيل,, وحمد الريح :)
محمود زي الماكان عايز يغني بين اليقظه والأحلام,, طول الغنيه عامل بااااص
ونحن فوق عزنا .. الأرباب جدّنا نحن فوق عزنا .. حمد وخوجلي جدّنا
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: محمد علي شقدي)
|
Quote: رغم أن الحلقة مع الفنان حمد الريح كانت رائعة جداً كما ذهب معظم المتداخلين، وقد أبدعوا جميعاً وبشكل خاص أبدع بصورة مميزة شريف خالد الفحيل ومنار صديق. لكن الشئ الذي كان لافتاً للنظر هو تجاهل العنصر النسائي في هذه الحلقة، ولولا مشاركة منار صديق الرائعة في أغنية عجبوني الليلة جوا لكانت هذه الحلقة حلقة ذكورية صرف، ترى لماذا هذا؟ ولماذا هذا الإنحياز شبه التام للأصوات الرجالية في الحلقة مما يعكس عدم توازن واضح. زاد الطين بلة في هذا الإطار تجاهل حمد الريح التام لشكر المبدعات باسمائهن وإصراره على شكر جميع الرجال بالإسم فرداً فرداً، مما يدعو لسؤالٍ مُلح: في أي عصر يعيش هؤلاء؟ ربما نفهم حساسية حمد الريح من أن يجاري السر قدور في عفويته الحلوة عندما وصف الفنانات (بالحلوات)، ولكن يصعب جداً فهم تجاهل حمد الريح التام لشكر الفنانات الشابات الرائعات بإسمائهن مثلما فعل في شكره للمبدعين من الفنانين الذكور، أين حق الزمالة الغنائية يا أستاذ حمد، بعيداً عن الحساسيات غير المبررة، ولماذا تحفظ أسماء الرجال من الفنانيين في الحلقة ولا تشير إلى أي فنانة بالإسم، ربما لم تقصد هذا ولكن في رأي المتواضع هذا لعمري عدم إحترام صارخ لزميلات مهنة. رغم عدم ذكرك لهن بالإسم، لم تتوانى في أن تطلب منهن الإسهام بالزغاريد كما همست لإحداهن، فأبدعن زغاريداً عميقة صافية خاصة الرائعة ريماز ميرغني وحنجرتها الذهبية العذبة العميقة التي كشفت لنا اليوم موهبتها أيضاً في فن الزغاريد الصداحة، ورغم كل ذلك إكتفى حمد الريح بشكر الفنانات بالجملة في إقصاءٍ لا يشبه الفنان، خاصةً أنه أصرّ على ذكر أسماء الرجال من الفنانين فرداً فرداً كما أسلفت في غير مهنية فنية. أيضاً: لقد كانت الرائعة ريماز ميرغني من الذين أسهموا في إحتفاء وتكريم مدينة توتي لحمد الريح، فهل يعقل أنه نسي إسمها!، وألا يذكرها حمد الريح وزميلاتها بالإسم؟ ما هكذا تورد الإبل يا أستاذ حمد! بعيداً عن ذلك كان الغناء بديعاً.
قارئة لسودانيزأونلاين |
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: Amany Elamin)
|
الي جميع معجبي الحوووت..
علي راسهم .. الأخوان .طارق مرغني .. وجني
وبقية الأخوات ..
اليكم اقتراح وفكرة وردت في هذا البوست
يا سلام يا محمود عبدالعزيز يا فنان!!! والله إنت فُتّ ا...ديك العافية يا حوتة
Quote: تسلم يا جني
ويسلم هذا المبدع ...
بخصوص اوضاع الفنان محمود ..فقد تبادلت افكار مع بعض المهتمين بالفن والمبدعين
بخصوص توفير اجواء سليمة لهذا المبدع .. حتي يتفرغ لفنه ويتحفنا بالمزيد من هذة الدرر..
وكانت الأفكار تدور ..حول تغير الأجواء التي يعيش فيها الفنان.. ويقصد بالاجواء.. بعض اصدقاء السوء
حتي من افراد فرقتة الفنية .. بل امتد النقاش الي تغيير .. من كان ضارا بصحةو ابداع والتزام الفنان..
فهناك جوقة من الأرزقية ..مثل اللبلاب يعيشون علي جهد هذا الفنان.. ويشجعونه علي سلوكيات ضارة برسالته..
المهم ..
الأمر قيد النقاش .. ومحتاج لأفكار اضافية تساعد في رعاية المبدعين ببلادي..
اليوم في بيت الفنون سوف يتم مواصلة ما بدأناه... |
الباب مفتوح لجميع الاقتراحات والأفكار ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عفاف الصادق بابكر)
|
حمد الريح قامة سامقة عظمة سايق بنطون والناس سايقة مراكب! الله يديك العافية يا أصيل!
حمد الريح صوت جميل متفرد غاية فى الحنية عشقناه منذ نعومة اظفارنا حيث كانت غالبية اناشيدنا المدرسية والتى كنا نسميها المحفوظات فى مراحل الدراسة الاولى تستوحى الحان حمدالريح . حمد ساهم فى صياغة وجداننا الغنائى منذ نعومة اظفارنا القمنا الحنية امتدادا لتلك التى رضعناها من اثداء امهاتنا فصارت الحان حمد كطبيخ الام نحن الى مذاقه حيثما ذهبنا! قضيت سنين الطفولة الباكرة فى المحطات بين قضبان السكة الحديد وصافرات قطار البخار الحنينة حيث درست الابتدائية حيث حفظنا اناشيدنا المدرسية بترنيمات ورتم صوت حمد فغدا صوته امتدادا لتلك النوستالجيا وخلقية لبانوراما الطفولة الرائعة التى شكلت وجدانني العاطفى ووجدان ابناء جيلى! عشنا زمنا طويلا على امتداد سنوات العمر وصوت حمد يجمل حياتنا تضج به ميكرفونات المهرجانات وصالات السينما والمقاهى واكشاك المرطبات حتى البصات والحافلات والبكاسى ترى ركابها مسترخيين يداعب النعاس عيونهم وكانهم تحت تأثير هدهدة ولولاى أمهاتهم! حمد كان و لازال يحترم معجبيه وينتضى لهم ما فوق النجوم غنى للشابى ولنزار قبانى ولصلاح احمد ابراهيم ولعثمان خالد ولعمر الدوش ,ولاسماعيل حسن على سبيل المثال لا الحصر أحب اهل السودان وأحبوه تغنى لهم فى كل منعطفات حياتهم فى سرائهم وضرائهم غنى لهم انت كل زينة يوم كان السودان كله زينة وغنى لهم يوم عضهم الدهر الساقية لسة مدورة احمد وراء التيران يخب يفكر منقلب فى المصاريف والكتب ويوم اختاروا الغربة حلا غنى لهم حمام الوادى يا راحل صغارك مشتهين ترجع تضم العش بحنية! غاية ما تمنى ان يحفظ لنا الله حمد والسودان ليعود السودان مرة اخرى شكل منقة وشبه منقة وكله زينة فيغرد حمد ويصدح بافراحتنا مرة اخرى!
امد الله فى ايام حمد ومتعه بالعافية جنى ++++++++++++++++++++++++++++++
تأملوا هذا العاشق وحبه لحمد الريح منقول من موقع آخر
Quote:
أغنيات ( حمد الريح ) في رواية قصيرة ..
هذه " رواية " قصيرة مأخوذة من أغنيات الفنان الرائع (حمد الريح ) .. قمت بتجميع أغنياته ، وإقتطفت جزءاً منها (وصغته) في هذه القصة .. حمد الريح إشتهر بكثرة أغانيه التي تتضمن مفردات ( القمري ، الطير ، البحر ، الجروف ، النهر ، الشاطي ) .. الكلمات والعبارات الموجودة بين القوسين ( ) والملونة باللون الأحمر ، هي كلها أغنيات الفنان حمد الريح – عدا أغنيتي مرت الأيام ويوم البحيرة ، فهما من أغاني الفنان الكبير عبد الدافع عثمان ، ولكن تغني بهما الفنان حمد الريح ، وقد ذكر في أكثر من لقاء ، أن الأغنيتين من أكثر الأغاني التي أعجبته . ستجد بين القوسين ، إما إسم لأغنية ، أو مقطع منها .. مع مودتي ...
في يوم من أيام (الزمن الصعب) بقريتنا الصغيرة (أرض الجزاير) ظللت مستيقظاً من صباح يوم ٍ مضى حتي مجيء ( الصباح الجديد ) ولم أذق طعم النوم خلال تلك الفترة ، وكان هذا حالي لمرات كثيرة ، فوددت لو أن ( النوم يزورني اليوم) . بعد أن شردت بذهني لساعات ٍ طوال ، سمعت صوت (عم الزين ) - الذي عادة ما يرفع النداء لصلاة الصبح بجامع قريتنا الصغيرة – سمعته يحرك الميكرفون إيذاناً منه برفع النداء الأول .. نهضت من علي فراشي وكنت قد تذكرت أنه قد ( وصاني بوي ) ألا أظل طريح الفراش حينما أسمع صوت رفع الآذان .. فنهضت وتوجهت نحو أبي فوجدته جالساً علي عنقريبه ، فسألته : (أصبحت كيف يا أبونا كيف من العنا وهم المسا ؟ ) .. فأجابني بصوت ٍ مبحوح : الحمد لله وإنت كيف ؟ .. أومأت برأسي أفقياً ورأسياً في شيء ٍ من الحزن ،لأني كنت قد لمحت دمعة ً غزيرة تسيل علي خده ، فطيَّـبت من خاطره قائلاً ( إتوضا قوم صلِّـي الصُبُـح .. والدمعة يا بونا أحبسا ) .. مضت الدقائق سريعة ، وبدأت أرى (الطيور عند الصباح تفرد جناحاتها وتطير ) ، رفعت رأسي ناظراً إلي (محل ما الشمس ِ بتشرق ) وقررت الخروج من المنزل ، فنادتني والدتي (علي وين ؟ ) ، فأخبرتها بأن صديقي (أحمد حكي) لي بأنه سيسافر اليوم وهو (مفارق خضرة النيلين) ، فعاتبتني في لطف (من بدري ليه ما قلت لي ؟) عشان أمشي أودعه ؟ لم تكد تنهي حديثها حتي إرتدت ثوبها متوجهة ً إلي منزل ( فاطمة السمحة ) (أم أحمد) . ************************* وقفت أمام منزل أحمد وطرقت الباب منتظراً الإذن بالدخول ، وكان ( أحمد ) يقف خلف الباب ، كأنه ينتظر قدومي ، فمازحني : دا منو (البنقـِّـر بابنا كو .. كو ) .. دخلت إلي المنزل الذي لم يكن في يوم ٍ من الأيام غريباً علي ، ووجدت أم (أحمد) متكأة علي فراشها وقد غلبتها " الدبرسة " ، ونظرت إلي والده فوجدته
(عدل بواسطة jini on 08-18-2010, 01:35 PM) (عدل بواسطة jini on 08-18-2010, 01:43 PM) (عدل بواسطة jini on 08-18-2010, 08:01 PM)
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
أولاً حلقة حمد الريح من أبدع وأجمل الحلقات لأن غناء حمد الريح بسيط لذيذ ومهضوم بالذات في ليالي رمضان.. أبدع المشاركون بالغناء وكان شريف أولهم كما أبدع (ولدنا) نادر خدر ريماز غير الزغروتة من شفناها ولا سمعنا صوتها منار صوتها ظهر في أغنية عجبوني الليلة جو الباقين من العنصر النسائي ديكور وأزياء ملونة وبراقة بسسسسسس .. عجبت للأستاذ/ السر قدور وهو ينسب أغنية (الرحيل) حليل الراحو خلو الريح تنوح فوق النخل لجزيرة توتي . وذلك عندما قال فرفور سوف يذهب بنا إلى جزيرة توتي ولعمري الكل يعلم أن تلك الأغنية قيلت في حلفا عندما تم تهجير أهالي حلفا من حلفا القديمة إلى حلفا الجديدة -خشم القربة - ما عارف حمد الريح لم يصحح المعلومة ولا الظاهر عشان فرفور جاء (ناطي) طوالي في الأغنية ولم يمنحه مجال لذلك وبما أن هذا البرنامج توثيقي فكان ينبغي مراعاة ذلك
تحياتي
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
Quote: أغنيات ( حمد الريح ) في رواية قصيرة ..
هذه " رواية " قصيرة مأخوذة من أغنيات الفنان الرائع (حمد الريح ) .. قمت بتجميع أغنياته ، وإقتطفت جزءاً منها (وصغته) في هذه القصة .. حمد الريح إشتهر بكثرة أغانيه التي تتضمن مفردات ( القمري ، الطير ، البحر ، الجروف ، النهر ، الشاطي ) .. الكلمات والعبارات الموجودة بين القوسين ( ) والملونة باللون الأحمر ، هي كلها أغنيات الفنان حمد الريح – عدا أغنيتي مرت الأيام ويوم البحيرة ، فهما من أغاني الفنان الكبير عبد الدافع عثمان ، ولكن تغني بهما الفنان حمد الريح ، وقد ذكر في أكثر من لقاء ، أن الأغنيتين من أكثر الأغاني التي أعجبته . ستجد بين القوسين ، إما إسم لأغنية ، أو مقطع منها .. مع مودتي ...
في يوم من أيام (الزمن الصعب) بقريتنا الصغيرة (أرض الجزاير) ظللت مستيقظاً من صباح يوم ٍ مضى حتي مجيء ( الصباح الجديد ) ولم أذق طعم النوم خلال تلك الفترة ، وكان هذا حالي لمرات كثيرة ، فوددت لو أن ( النوم يزورني اليوم) . بعد أن شردت بذهني لساعات ٍ طوال ، سمعت صوت (عم الزين ) - الذي عادة ما يرفع النداء لصلاة الصبح بجامع قريتنا الصغيرة – سمعته يحرك الميكرفون إيذاناً منه برفع النداء الأول .. نهضت من علي فراشي وكنت قد تذكرت أنه قد ( وصاني بوي ) ألا أظل طريح الفراش حينما أسمع صوت رفع الآذان .. فنهضت وتوجهت نحو أبي فوجدته جالساً علي عنقريبه ، فسألته : (أصبحت كيف يا أبونا كيف من العنا وهم المسا ؟ ) .. فأجابني بصوت ٍ مبحوح : الحمد لله وإنت كيف ؟ .. أومأت برأسي أفقياً ورأسياً في شيء ٍ من الحزن ،لأني كنت قد لمحت دمعة ً غزيرة تسيل علي خده ، فطيَّـبت من خاطره قائلاً ( إتوضا قوم صلِّـي الصُبُـح .. والدمعة يا بونا أحبسا ) .. مضت الدقائق سريعة ، وبدأت أرى (الطيور عند الصباح تفرد جناحاتها وتطير ) ، رفعت رأسي ناظراً إلي (محل ما الشمس ِ بتشرق ) وقررت الخروج من المنزل ، فنادتني والدتي (علي وين ؟ ) ، فأخبرتها بأن صديقي (أحمد حكي) لي بأنه سيسافر اليوم وهو (مفارق خضرة النيلين) ، فعاتبتني في لطف (من بدري ليه ما قلت لي ؟) عشان أمشي أودعه ؟ لم تكد تنهي حديثها حتي إرتدت ثوبها متوجهة ً إلي منزل ( فاطمة السمحة ) (أم أحمد) . ************************* وقفت أمام منزل أحمد وطرقت الباب منتظراً الإذن بالدخول ، وكان ( أحمد ) يقف خلف الباب ، كأنه ينتظر قدومي ، فمازحني : دا منو (البنقـِّـر بابنا كو .. كو ) .. دخلت إلي المنزل الذي لم يكن في يوم ٍ من الأيام غريباً علي ، ووجدت أم (أحمد) متكأة علي فراشها وقد غلبتها " الدبرسة " ، ونظرت إلي والده فوجدته قد (وسَّـد الراس الضراع ) .. لم أقوي علي الحديث معهم ، فاللحظات مهيبة ، والصمت يطبق علي المكان .. فتمالكت أم ( أحمد ) أعصابها وتحاملت علي أحزانها قائلة لي : صحبك خلاص مسافر ،، (حليلو قال سايب البلد ) . نظرت إلي صديقي ، موجهاً حديثي إلي والدته : ( كيفن نسيبو يروح بعيد لي غربة بتطول أمـــ ..... ) هنا قاطعني أحمد قائلاً : (الظروف) وحدها هي التي حتـَّـمت علي ( الرحيل) وكذلك نحن في هذا (الزمن ) لا نستطـ...... فقاطعته : (الزمن تاريهو برضو .. بي قساوته بيصفي مرة ) ، وخليك إنسان قوي ، ولا تنسي عمنا (شيخ إدريس) الملقب بـ (ود عزاز العرب) فرغم (الظروف ) التي يمر بها فهو لا زال ( يقاوم من زمن كل الظروف) ويا (أحمد) عليك ( شد الضراع ) ، وحاول أن تخرج نفسك من هذا الوهم .. وداعبته مربتاً علي ظهره : كدي أرح علي ( قيف البحر)يمكن (تلقي الخضرة وتنسي الهم ) . لم تقلح مداعباتي في تغيير رأي (أحمد) ، فأصر علي (الرحيل) ، فهمهم والده : صحي (المفارق عينو قوية ) . ولم تمض ِ لحظات حتي حمل حقيبته " الهاند باق " وتوجه نحو الباب ناسياً أن يودِّع أهله من فرط الحزن ، فطيبت من خاطره مربِّـتاً علي كتفه : طيب طالما مُـصـِر ، لازم تودِع (أهلك الطيبين ) ، فعاد وودعهم ، ثم ....
************************* |
Quote: إنطلقنا نحو السوق الذي هو قريب من منزلهم ، وفي طريقنا إلتقينا بـ (أولاد الفرسان) و (أولاد السرور) وكل (أولاد الأهالي) ، ولما عرفوا بالأمر ،لم يتركوننا نسير علي الأقدام و (ما شالونا باللواري) كالعادة ، فقد أصرً عمنا (شاويش) علي أن نركب معه بعربته "اللاندروفر" ، بينما ركب الباقون بعربات (الكارو) ووصلنا إلي (الشاطي الجميل) حيث يرقد هناك " البنطون " الذي سيغادر به ( أحمد ) إلي الخرطوم ومنها إلي (دار الغربة) . كان " البنطون " في إنتظار ( أحمد) ولم يكن ليتحرك إلا بعد حضوره ، وذلك لأن عمنا ( قسم الخير ) الذي يتولي قيادته كان يعلم بأن (أحمد) (مفارق الأوطان) . بدأت اللحظات العصيبة في الحضور إلي مسرحنا .. فهاهو (أحمد ) يرتقي " عتبات " سلم "البنطون" ولم تكد تمض ِ لحظات حتي ( نثرتُ الدموع) متمتماً بعبارات خرجت من فمي بتلقائية : سافر (وقلبي معاك ) .. ولعل الغريب ، أن أي ٍ من الحاضرين لم يقم بوداعه كما العادة ، فقد ظل الجميع ينظر إليه في حسرة علي سفره ، ودارت الثواني حتي فارقنا أحمد ، و فارقت دفة البنطون ( قيف البحر) ، ( وكـــــــان الفراق من غير وداع ) .
************************************************** *******************
عدت إلي المنزل ، ووجدت إخوتي الصغار قد إرتدوا زيَّـهم ال
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
Quote: عدت إلي المنزل ، ووجدت إخوتي الصغار قد إرتدوا زيَّـهم المدرسي " القميص النيلي والشورت الأزرق " ووقفوا أمام والدي يطيبون من خاطره – رغم صغر سنهم – ( الدمعة يا بونا أحبسها .. شيل الملوت وأمشي الزرع .. الحال بيتغيـَّـر عسي .. أدينا بس حق الفطور .. ماشين خلاص المدرسة ) . لم أكد أسمع هذه الكلمات حتي فاضت عيناي بالدمع .. فأدخلت يدي في جيبي ، وأخرجت ما إحتقن بالجيب من بقايا الفكة ، وأعطيتها لهم ، وبارحوا نحو مدارسهم ، وبقيت بصحبة والدي ، وأومأت إليه بألأّ يحزن ، فسمعت بعض همهماته : ( الليلة مالك يا زمن كتـَّـرت فينا الإندهاش .. تزيد عجايب كل يوم والـ ...... ) وهنا قاطعته في شيء من الأدب : يا أبوي ،( ما تخاف من الأيام تدور ) ، و ( الشقي الما لاقي راحة ) بكرة الأيام بتبقي معاه . قلت ما قلت وكنت وائقاً من أن الأيام السعيدة قادمة بإذن الله ، فبقيت أرقب مضي الأيام في شوق ٍ ولهفة . ( مرت الأيام ) ، (وشهر شهرين والتالت مر ََّ ) ، ولم تصلني رسالة من (أحمد) ، فبعثت إليه برسالة عتاب وشوق أخطره فيها بشوقنا إليه وأقول : الحاصل شنو ؟ ( لا سلام منك وما منك تحية ) وليه ما بتكتب لينا ، رغم إنو (شال هم فرقتك قلبي) كان لابد لنا أن ( نحمـِّـل رسايلنا وأشواقنا لي حبايبنا .. وللقاطعين الرسايل الأحلي من عسل النحل ) ، وأخبرته في الرسالة أن أخته ( أميرة ) تسأل عنه وعن أخباره ، وأن والدته( فاطمة السمحة ) – كما تلقبها نساء الحي - في شوق ٍ لرسائله ، وأن مخطوبته ( ليلي) لا تكف عن السؤال عنه وأنهيت الرسالة بــ ( أنا بتحمـَّـل هجري مواسم ) ولكن البقية قد لا يحتملوا الهجر وإنقطاع الأخبار . بعد أيام قلائل وصلتني رسالة من ( أحمد) يقول فيها أنه قد لاقي في (دار الغربة) ظروفاً صعبة و يقول ( رغم الألم قلبي إبتسم ) ، وظل يسألني عن ( ناس ليلي) ، (فاطمة السمحة) (وأميرة) ( أولادالفرسان) (عم الزين) و(عمنا شاويش) و (أولاد الأهالي) و( الأرباب أخوي) و( شيخ إدريس) ويرسل تحاياه (للأهل) ولجميع سكان القرية الذين يعتز بهم ويقدرهم وكان دائماً ما يقول أن هذه القرية (سكانها ما عرفوا الهنا وشاخوا في عز الشباب)وإختتم رسالته بأنه حنّ إلي الوطن وإشتاق إليه ، وأنه أصبح ( زي عصفور يداري الدمعة في عيونو ويقبل قسمة المقدور ) . بعد يومين علمت بأن (أحمد) أرسل رسالة إلي أهله ، وأخري إلي (ليلي) ، وقد قرأت رسالته إليها ، يتذكر فيها أيام وجوده بالقرية ويقول : ( حليل أيامنا البدرية وجلستنا الكانت عصرية ) ويسألها فيها عن أحوالها . إستلمت رسالة أخري من ( أحمد ) وكان يبدو من خلالها أن الشوق قد فاض فكتب لي معبراً عن أشواقه يقول : أن (دار الغربة ما بترحم ) وليس فيها أنيس ولا صديق ( ولا حتي ومضة من شعاع ) وأنه في العادة يجلس وحيداً يتمني أن يهل عليه ( بدر الأمل) فـ ( يهزم صعاب المستحيل ) ، إلا أن كل حلمه كان قد (إتلاشي في ليل الضياع ) . . ومضي في رسالته يتذكر أيامنا التي قضيناها بين ( غصون الروض) و (يوم البحيرة ) و (لما الغيمة الحبلي تنـقـنق ) و (زهر البنفسج) و يقول بأنه (عطشان ) ( للجلسة العصرية ) و يسألني هل توفقت في إزالة الخلاف الذي نشب بين الحبيبين حراز ومطر ، فـقد مضت فترة جفوة بينهما وقد كان (الحراز مابي المطر وأصلو ما رضيان يصالحو) ، بسبب أن المطر صدَّق الشائعات التي خرجت بأن الحراز أصبح يحب (الدعاش والغيم ) .. ولا زلت أذكر تلك الكلمات التي قالتها ( الحراز ) ( للمطر) حالفةً به : (وحيات الحنان ) و ( وحاتك ما بدور غيرك ، وبلاك في الدنيا ما ليَّــا) ، وتستطرد موجهةً حديثها إليه : (مهما الوشاة خدعوك من الوصال منعوك) أنا سأظل كما كنت ولن يتخلص حبك من قلبي ، و (كيف) يكون (الخلاص وأنا قلبي فيك داب خلاص ؟ ) ..
|
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
Quote: وتستطرد موجهةً حديثها إليه : (مهما الوشاة خدعوك من الوصال منعوك) أنا سأظل كما كنت ولن يتخلص حبك من قلبي ، و (كيف) يكون (الخلاص وأنا قلبي فيك داب خلاص ؟ ) .................................................. .
.. دارت هذه الزكريات في خاطري وتذكرت أن سبب الخلاف بينهما كان بسبب أن بعض الوافدين من خرج القرية ( شالوا الكلام وزادوه حبة ) و (كان قصدهم يحصل فراق ) فلم يسرهم أن يروا هذه العلاقة الفريدة بين (الحرازوالمطر) تذكرت كل ذلك وأنا أقرأ رسالة ( أحمد ) فقد ( هيّـج الذكرى) . ثم عاد يسأل عن ( بنت بابل) التي كانت تسكن بجوارنا ( في الروض المقابل ) ويبلغ تحياته للجميع .. قررت أن أرسل رسالة أخيرة إلي (أحمد ) فكتبت إليه أقول ( يا أحمد ) .. ( بلادك حلوة أرجع ليها ) .. ولازم تعود وترجع .. يا (أحمد) .. ( تعال لأهلك الطيبين) .. يا (أحمد) .. ( حليلك لما كنت زمان بترسم للفرح ألوان ) .. ولكن .. ( الغربة طالت يا مسيكين ) ويبدو أنك قد نسيت أحبايك ، و ( بقيت بحَّـار قديم تايه .. كلامك كلو كنا وكان ) .. وأستطرد فأقول : ( حقو طبعك) يا ( أحمد) ( يوم عشانا تغيرو ) ، والبيسال عن أخبارك ( مافي داعي تحيرو ) ، وأخبرته بأن (الحراز والمطر) إتصالحوا ، وعادت المياه لمجاريها . وختمت رسالتي فأشرت إلي ما ذكره لي في رسالته فقلت : لاحظت إنك قلت (عطشان) للبلد و (جلستنا الكانت عصرية ) .. وليس لدي ما أقوله لك سوي ( يا عطشان والبحر جمبك ) ، ويا ( أحمد ) أنا أحمل لك في دواخلي ( شلال عواطف ) و رغماً عن أننا ( ما اتعودنا ننسي ) إلا أن ( الرسايل ) لا تعبَّـر عن هذا الشعور ، وفي تقديري أنه لا يمكن أن تكون ( الرسايل ) هي طريق التواصل بيننا أو من خلالها ( نحكي ونعيد الزكريات ) وأظنك فهمت قصدي .. كانت هذه آخر عباراتي في الرسالة ، ولم أراسله بعدها ، كما لم تصلني منه بعدها رسالة . ( مرت الأيام ) بسرعة رغماً عن ( نار البعد والغربة ) التي يقاسيها ( أحمد) وكنت قد ظننت أن الزمن سيمر ببطء في مثل هذه الظروف ، ( لكنو مر سريع ) وخيَّـب ظني .. وحتماً ( سوف يأتي ربيع إن تقضَّـي ربيع ) .. ( وتمرُّ الفصول ) .. رغماً عن أنني أصبحت أعيش في عزلة ووحدة لزمن ٍ طويل ، إلي أن قررت أن أعود لسابق أيامي ، ففعلت ، وأصبحت أخرج مع الأصدقاء فنقضي الأمسيات الجميلة علي ( شاطي النهر ) ، ونستمتع بالجلوس خلف (البحيرة ) ، وكان أكثر ما يقلب أحزاني ( صوت القمري الحنين) الذي يذكرني بأيامي الجميلة مع (أحمد) . عدت في ذلك اليوم وأنا أجتر ذكرياتي الجميلة ، ولم تكد تمض ِ لحظات حتي غفوت ، لبضع دقائق .. عند ذلك وأنا ما ( بين اليقظة والأحلام) سمعت صوت ( زغرودة تطلع ت بعيد) ولم تكن غريبة علي ، فهو صوت زغرودة خالتنا ( فاطمة السمحة) أم ( أحمد ) .. فنهضت راكضاً حتي وصلت إلي باب منزلهم ، فدخلت دون أن يؤذن لي بالدخول - هذه المرة – وكانت دهشتي وفرحتي وسعادتي وغبطتي .. لقد عاد ( أحمد ) !! أخذته بالأحضان وكلانا لايصدق الواقع ! - ( من بدري ليه ما قلت لي ) إنك جاي ؟ = ما داير أتعبك معاي .. - ( عشان عارفني بستناك ) في المحطة أبيت تقول يعني ؟ عموماً حمد لله ع السلامة .. = عرفت إنو الفيضان كان مهدد بلدنا لكن (أولاد الأهالي) قاموا بالواجب .. - أيوا الناس كلها إتلمت (وترسوا البحر بالطواري) وا
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
Quote: وتستطرد موجهةً حديثها إليه : (مهما الوشاة خدعوك من الوصال منعوك) أنا سأظل كما كنت ولن يتخلص حبك من قلبي ، و (كيف) يكون (الخلاص وأنا قلبي فيك داب خلاص ؟ ) .................................................. .
.. دارت هذه الزكريات في خاطري وتذكرت أن سبب الخلاف بينهما كان بسبب أن بعض الوافدين من خرج القرية ( شالوا الكلام وزادوه حبة ) و (كان قصدهم يحصل فراق ) فلم يسرهم أن يروا هذه العلاقة الفريدة بين (الحرازوالمطر) تذكرت كل ذلك وأنا أقرأ رسالة ( أحمد ) فقد ( هيّـج الذكرى) . ثم عاد يسأل عن ( بنت بابل) التي كانت تسكن بجوارنا ( في الروض المقابل ) ويبلغ تحياته للجميع .. قررت أن أرسل رسالة أخيرة إلي (أحمد ) فكتبت إليه أق%
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
Quote: وتستطرد موجهةً حديثها إليه : (مهما الوشاة خدعوك من الوصال منعوك) أنا سأظل كما كنت ولن يتخلص حبك من قلبي ، و (كيف) يكون (الخلاص وأنا قلبي فيك داب خلاص ؟ ) .................................................. .
.. دارت هذه الزكريات في خاطري وتذكرت أن سبب الخلاف بينهما كان بسبب أن بعض الوافدين من خرج القرية ( شالوا الكلام وزادوه حبة ) و (كان قصدهم يحصل فراق ) فلم يسرهم أن يروا هذه العلاقة الفريدة بين (الحرازوالمطر) تذكرت كل ذلك وأنا أقرأ رسالة ( أحمد ) فقد ( هيّـج الذكرى) . ثم عاد يسأل عن ( بنت بابل) التي كانت تسكن بجوارنا ( في الروض المقابل ) ويبلغ تحياته للجميع .. قررت أن أرسل رسالة أخيرة إلي (أحمد ) فكتبت إليه أقول ( يا أحمد ) .. ( بلادك حلوة أرجع ليها ) .. ولازم تعود وترجع .. يا (أحمد) .. ( تعال لأهلك الطيبين) .. يا (أحمد) .. ( حليلك لما كنت زمان بترسم للفرح ألوان ) .. ولكن .. ( الغربة طالت يا مسيكين ) ويبدو أنك قد نسيت أحبايك ، و ( بقيت بحَّـار قديم تايه .. كلامك كلو كنا وكان ) .. وأستطرد فأقول : ( حقو طبعك) يا ( أحمد) ( يوم عشانا تغيرو ) ، والبيسال عن أخبارك ( مافي داعي تحيرو ) ، وأخبرته بأن (الحراز والمطر) إتصالحوا ، وعادت المياه لمجاريها . وختمت رسالتي فأشرت إلي ما ذكره لي في رسالته فقلت : لاحظت إنك قلت (عطشان) للبلد و (جلستنا الكانت عصرية ) .. وليس لدي ما أقوله لك سوي ( يا عطشان والبحر جمبك ) ، ويا ( أحمد ) أنا أحمل لك في دواخلي ( شلال عواطف ) و رغماً عن أننا ( ما اتعودنا ننسي ) إلا أن ( الرسايل ) لا تعبَّـر عن هذا الشعور ، وفي تقديري أنه لا يمكن أن تكون ( الرسايل ) هي طريق التواصل بيننا أو من خلالها ( نحكي ونعيد الزكريات ) وأظنك فهمت قصدي .. كانت هذه آخر عباراتي في الرسالة ، ولم أراسله بعدها ، كما لم تصلني منه بعدها رسالة . ( مرت الأيام ) بسرعة رغماً عن ( نار البعد والغربة ) التي يقاسيها ( أحمد) وكنت قد ظننت أن الزمن سيمر ببطء في مثل هذه الظروف ، ( لكنو مر سريع ) وخيَّـب ظني .. وحتماً ( سوف يأتي ربيع إن تقضَّـي ربيع ) .. ( وتمرُّ الفصول ) .. رغماً عن أنني أصبحت أعيش في عزلة ووحدة لزمن ٍ طويل ، إلي أن قررت أن أعود لسابق أيامي ، ففعلت ، وأصبحت أخرج مع الأصدقاء فنقضي الأمسيات الجميلة علي ( شاطي النهر ) ، ونستمتع بالجلوس خلف (البحيرة ) ، وكان أكثر ما يقلب أحزاني ( صوت القمري الحنين) الذي يذكرني بأيامي الجميلة مع (أحمد) . عدت في ذلك اليوم وأنا أجتر ذكرياتي الجميلة ، ولم تكد تمض ِ لحظات حتي غفوت ، لبضع دقائق .. عند ذلك وأنا ما ( بين اليقظة والأحلام) سمعت صوت ( زغرودة تطلع ت بعيد) ولم تكن غريبة علي ، فهو صوت زغرودة خالتنا ( فاطمة السمحة) أم ( أحمد ) .. فنهضت راكضاً حتي وصلت إلي باب منزلهم ، فدخلت دون أن يؤذن لي بالدخول - هذه المرة – وكانت دهشتي وفرحتي وسعادتي وغبطتي .. لقد عاد ( أحمد ) !! أخذته بالأحضان وكلانا لايصدق الواقع ! - ( من بدري ليه ما قلت لي ) إنك جاي ؟ = ما داير أتعبك معاي .. - ( عشان عارفني بستناك ) في المحطة أبيت تقول يعني ؟ عموماً حمد لله ع السلامة .. = عرفت إنو الفيضان كان مهدد بلدنا لكن (أولاد الأهالي) قاموا بالواجب .. - أيوا الناس كلها إتلمت (وترسوا البحر بالطواري) والحمد لله البلد بخير . = بالله أخبار ( ناس آمنة ) شنو ؟ لذت بالصمت للحظات .. أفكر في إجابة دبلوماسية .. - ( يا مساخة الحلة يوم ناس آمنة فاتوا ) ... = فاتوا ؟؟ فاتوا وييين ؟ - ناس آمنة هجروا البلد بعدك بشوية .. ........ عم المكان صمت طويل ، إلي أن حضر (تائه الخصل) فقطع علينا صمتنا بصوته الجهور وضحكاته المجلجلة ، وهو يداعب ( أحمد) .. - أهلاااااااً بـ ( سيد البلد) ..وأهلاً بالغايب ومرحب بالـ......... و نقنقنقنق نقنقنق نقنقنق نقنقنقششش شششش ـ..... وإستمر في حديثه الكثير المتسارع وعباراته الضاحكة فتختلط بعض الحروف مع بعضها البعض ، حتي لا تكاد تميز معانيها ، وتخال أنها كلمات جديدة في قاموس العربية ... بقينا هكذا حتي بدت الوفود تتقاطر علي منزل أسرة (أحمد) ، وأسرة (ناس ليلي) .. وعاشت القرية أياماً سعيدة ، بعودة أحمد .. والجلسات التي بدأت تعود من جديد كنا كانت في سابق عهدها . و ( يوم كنا في جلستنا ديك ) في ( الشاطي الجميل ) جلس كل شباب القرية في مجموعة واحدة علي (رمل الجروف) .. فذاك ( الأرباب أخوي) ، وذاك (تايه الخصل) وأيضاً ( الفنجري) و(أحمد) و(أولاد الفرسان) و(ناس ليلي) و(مريا) و(أميرة ) و (ناس لبني وعلوية ) و حضرت كل القماري والطيور إبتداء ً من (طير الرهو) و(الطير الذي كان طائر في مهب الريح ) و(الطيور التي كانت عند الصباح تفرد جناحاتهاوتطير ) و(الطير الطاير) و (الطير الغريب الذي سافر عشية ) و( الطير الذي وجوج في أمل ) و (القمري الذي كان في الأغصان) و(القمري الذي عشعش وما قوقن جنياتو) و (القمري الذي كان فوق نخل الفريق) و(القمري ذي الصوت الحنين) .
|
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
Quote: وظل الجميع يتسامرون ، ولحظتها كان (أحمد) و ( ليلي ) يجلسان بجواري فسمعت بعضاً مما دار بينهما : - ما كنت متوقعة إنك لما توصل تجينا طوالي .. = أنا مش في ( الرسايل ) قلت ليك (ولما أعود من الغربة قبال ناس بيتنا بمشيلك ) .. وحتي لو ما جات الرسالة مفروض تكوني متوقعة لأني (غرست الحب في صدري ) وكان لازم أجيك بــ ( أمر الهوى) . - أيوا .. لكن إنت عارف مما جاتني ( الرسايل ) بقيت كأني ( في الخدر الأمين ) .. = وانا في بعدك كنت (بسهِّـر نجمي عز الليل) .. رغم إنو كان جوابك الأخير بارقة أمل ، (و لولاه كنت أقول إني مين ) .. - يعني إنت (الليلة جيت شايل الفرح ) ؟ = أيوا .. خلاص وحيكون (فرح أحلي المواسم) بعد ما (مات عهد النواح وزمان الجنون) .. - يعني إنت ( قصدك تعوضني اللي فات ؟) = أيوا بس إن شاالله أقدر .. وأهو أنا (ياما عشان عيونك) سهرت ليالي ، (ووراك الليل صبح ليلين) ، (ومن وراء الظلام ) كنت أدفن دموعي .. تمازحه ضاحكة ... - طيب في الضلام دا ما كان تشيل (شمعة) .. = شمعة إيه ! دا حتي (ضي الشمعة ما نوَّر) .. - طيب بالمناسبة دي تجي ( نغني للأطفال غني ).. = مافي مانع .. وبدأ صوت ُ شجي ناعم ممذوج بصوت جهور يردد .. ( شلناك شمعة .. آه شمعة .. نسقيها الحنان .. ونصونها ضوَّها ما فتر ) سرحت بخيالي وأنا سعيد لإلتقاء الحبيبين ، كما سعدت حينما لمحت (الحراز ) و (المطر) مستغرقان في حديث ٍ هامس ، بعد طول جفوة .. ولم أكد أستيقظ من غفوتي حتي سمعت صوت " قوقاي " ، كان يصدر من صغار (القمري الذي عشعش وما قوقن جنياتو) .. إستغرب الجميع .. فما الذي جعل ( القمري ) و(جنياتو ) يقوقوا بعد طول هذا الزمن ؟ ثم لم نلبث قليلاً حتي رأينا (تايه الخصل) يجري إلينا فرحاً .. وهو يصيح بأعلي صوته : (الليلة جيت شايل الفرح .... ) .. (يلا يا شبَّـان نبشـِّـر .. ويلا صلـُّوا علي نبينا) .. وظل يردد في العبارات المملوءة بالفرح والأهازيج .. ولم تكد دهشتنا تذداد حتي رأينا (ناس آمنة ) وهم قد عادوا إلينا بعد أن (فاتوا) .. فلـِكم كانت (مساخة الحلة) .. وهم غائبين .. عادوا ( ناس آمنة ) .. لذلك ( فقد قوقي القمري وجنياتو) وهو الذي لم (يقوقي ) منذ أن ( فاتوا ) .. رجعوا ( ناس آمنة ) فرجعت ( للحلة ) حلاوتها بعد أن كانت ( مسيخة ) .. وعادت ( الساقية لتدور ) من جديد بعد أن عطبت ، وعادت الحياة ( للجروف الكابة من شاطي النهر ) لتتدفق فيها المياه بعد أن ( صابها المحل) ، وعاد ( للنخل ) شموخه وعادت إليه الحياة بعد أن شاخ ، وسمعنا من جديد (صوت طيرو وجوج في أمل ) .. ولم تكن الفرحة تسعني بعودة (ناس آمنة) ، فهمست في أذنها ودار بيننا حديث قصير : - كنت متأكد يا ( آمنة) إني (أنا بلقاك) .. - كنت متأكد يا ( آمنة) إني (أنا بلقاك) .. = جينا (راجعين في المغيرب) .. عشان نشوفكم .. ونبقي بينكم ومعاكم .. - طيب إنتو ليه من الأول مشيتو ؟ = يوم سافرنا فاجأني أبوي وقال لي ( إستعدي عشان نسافر) .. - وفي الغربة كنـــ ........ قاطعني ( تايه الخصل ) بصوته الجهور .. يلا يا أخوانا نغني .. بدأ الجميع يغني ( الظروف يا حلوة دايماً .. لي عيون حلوة بتجيبنا ....... ) وظل الجميع في فرح حتي ( الصباح الجديد) ، وتكرر اللقاء في اليوم الثاني ( في العِـصير ) ، حيث كان (الدعاش والغيم رزازاً) وبقينا (بالشاطي الجميل) حتي ما بعد ( المغيرب ) .. وإستمرت الحياة في قريتنا الصغيرة ، تهبنا الأفراح بإجتماع الشمل ، فكنا دائماً ما نجتمع بعد أن كانت عودة (أحمد) و( ناس آمنة) عودة ً لا رجعة بعدها ..
.. تمت ..
(عدل بواسطة jini on 08-18-2010, 10:56 AM) (عدل بواسطة jini on 08-18-2010, 07:58 PM)
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: jini)
|
اشكر الاخوه للمعلومات اعلاه بخصوص السلم الخماسي هنالك حزام يمكن تسميته بالحزام الخماسي والذي يبدأ من جزر الكاريبي مرورا بافريقيا من المغرب والامازيق غربا وحتي مالي وموريتانيا والنيجر ونيجيريا وتشاد ثم يتوسط الحزام السودان وعبره يمر نحو اثيوبيا واريتريا وجيبوتي ثم الهند وحتي الصين ثم كوريا . كل هذه الدول موسيقاها تعزف علي السلالم الخماسية ان صح التعبير. نلاحظ ان تلك الدول تقع علي خطوط عرض متقاربه ان لم تكن نفس خطوط العرض وهذا يدل علي تاثير البيئة علي الموسيقي. الشيء الاخر ملاحظة ان العرق الافريقي له الاثر الاكبر علي موسيقانا و الاثر العربي وجوده ضئيلا الا في بعض القبائل في غرب وشرق السودان. وضع الفنان محمد وردي وانتخابه كفنان افريقيا الاول يؤكد مسألة تاثير الفن السوداني علي جميع انحاء الدول الافريقية وبنفس القدر انه لا عيب في السلم الخماسي انما في التطبيق
واخي الدكتور انس العاقب اتمني ان يضيف المزيد
حمد الريح حسب اعتقادي فنان كبير وله معجبيه وكما ذكرت انفا
غني لكبار الشعراء من السودان وخارجه ولكبار الملحنين
لكني كما ذكرت والقصة ربما تخضع للمزاج .....انا لا احب طريقة ادائه
وكما اسلفت طريقة النهير في بدايات الكوبليهات
والدليل ان الحلقة البعض رشحوها كاجمل الحلقات
ليست لان غناها حمد الريح بل لان غناها الشباب
اذن لا عيب في اغاني حمد الريح لا من ناحية الكلمات او الالحان...!!!
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
طارق ميرغني ( ابوالفن )
Quote: وكما اسلفت طريقة النهير في بدايات الكوبليهات
والدليل ان الحلقة البعض رشحوها كاجمل الحلقات
ليست لان غناها حمد الريح بل لان غناها الشباب
اذن لا عيب في اغاني حمد الريح لا من ناحية الكلمات او الالحان...!!! |
ياخي كلامك كلام زول فنان وله باع طويل في هذا المجال فعلا الحلقة جميلة بجمال الشباب ولو انه ( السر قدرور ) تعامل بعشوائية واضحة و رفض يعطي جمال العصايا لكي يرقص بها وصاحبنا زعل وكان عايز يترك البرنامج
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
فعلا محمود عبدالعزيز محتاج لوقفة ملموسه من كل حبايبه ..
وكلامك صاح 100% انه لازم الناس تلقى مدخل لمحمود عشان تفهم الحاصل شنو ..؟
وانا بقول من هنا يا طارق من منبر بكري ده تعالوا نتحرك ..
وأكيد مافي شيء مستحيل وممكن تلقى مدخل يا طارق .. يلا ابداء وعلى بركة الله ..
ممكن نستعين من اخوانا الموجودين هنا ويفتحو الطريق ونعرف محمود محتاج لي شنو ..
حبيبنا ياسر تمتام ممكن يساعدنا بالطريقة البقدر عليها ..
وبرضو وليد عبداللطيف وعلاقته بي فرفور ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: عزيز)
|
عبدالعزيز خطاب سلام ولي أهلك الطيبين الواجب والزمن هو من وضع هذاالحق والتاني هو صاحب المقام الرفيع أستاذي حمد لأنه طيلة هذه السنوات التي أعرفه بها كان موجها طيب القلب ، جميل في خلقه و تعاملة ، يرشدنا ولم يبخل علينا وخصوصا شخصي مما أكسبه حب الناس بمقدار كبير وعندي خاصة ، ولو كان فظ غليظ القلب لما وجد كل هذا الثناء والحب و التقدير ومن يحترمالناس يحترم وهو له، فكل الود و الإحترام دون رياء .. شكرا أستاذنا عبدالعزيز و شكرا إلي توجيهاتك وشكرا لهذه الإطلالة
مع فايق تقديري وإحترامي وودي تمتام
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
الاخت عفاف
Quote: وكلامك صاح 100% انه لازم الناس تلقى مدخل لمحمود عشان تفهم الحاصل شنو ..؟ |
اول شيء لازم محمود يدخل في تحدي مع نفسة وهو من اوصل نفسة الى هذه الحالة لان كثيرا من الناس تحدثوا معه ولم يعيرهم اهتمام محمود لم يعرف قيمة نفسة للان وان ثروة قومية وملك للجمهور لو ملاحظة كم مره حاول حمد الريح يقدمة الى الامام وهو يرجع الى الخلف زي كأنة خجلان من شكلة او منظرة عكس الظريف شريف الفحيل وهو يتحرك بكل ثقة امام الكميرا
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: ودالعباسية)
|
محمود دا شكله كدا محتاج إجازة لبضعة شهور خارج السودان بعيدا عن الفن و بعيدا عن العيك و العاك و الجمهور و السودانيين و الأضواء في كل مكان لأنه آثار الإستهلاك و الحصار و الضعف النفسي بادية عليه! اخي المعز ادريس
الله يفتح عليك
وممكن مع الاخوان البحث في عمل زياره له للمملكة العربية السعودية ان رغب في ذلك
الاعزاء ياسر تمتام وعزيز خطاب
كل الشكر للمطرب حمد الريح لما قدمه لكما من مساعدات في مسيرتكما الفنية ولكن ما قلته لا يقدح في
حقه كمطرب
فهو غني الساقيه والصباح الجديد ومريا وغني للشعراء صلاح احمد ابراهيم
وابي القاسم الشابي واسماعيل حسن وعثمان خالد
اجمل الاغاني والالحان...
الحمد لله انا ايضا رجل مارست العزف منذ الستينيات وانا في المدارس المتوسطة وحينها درسنا الموسيقي علي ايدي فطاحلة فرقة البساتين
وذلك كما تعلمان قبل ميلاد معهد الموسيقي وحتي اللحظة انا لم اتحدث عن صوت حمد الريح بل اشدت بالحانه واشعاره بل ذكرت ان طريقة ادائه ونهيره واستعجاله في الغناء لا تعجبني ..وهذا مجرد راي
اشكر اصدقائي خالد المحرب ووليد عبد اللطيف والاستاذه عفاف الصادق وجني
واتمني ان تثمر محاولات وضع معالجة لوضع محمود عبد العزيز فهو يحتاجنا ونحتاجه
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: طارق ميرغني)
|
طارق ميرغني ( ابوالفن ) اليوم سقط الحوت متهاوي وسكت الرباب . . خدعوك هل جازوك شيء من منيتك اغروك فقدت اعز شيء في دنيتك والخونه ظنوهو اكتساب وما حاسبو راعو يوم الحساب بس تأكد ليك رب يخلص حقوقك وينضفك (محمود عبد العزيز يعيش صراع نفسي رهيب ) وكمت تفضلت يجب ان يتوقف ويبتعدالى رحلة ترفيهية حتى يستعيد عافيته ويراجع دكتور نفسي ...
اليوم خيم الحزن في نفسي وهو من نفض الغبار واخرج اغنية ابوداؤود( بعد الفراق ) وكانت اسم للشريط الذي ابدع وتجلى فيه لانه عندما يغني لكل فنان كان له لمسته السحرية حتى الناس تخيلت ان هذه الاغنية تخصة
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: وليد عبد اللطيف)
|
Quote: اول شيء لازم محمود يدخل في تحدي مع نفسة وهو من اوصل نفسة الى هذه الحالة لان كثيرا من الناس تحدثوا معه ولم يعيرهم اهتمام محمود لم يعرف قيمة نفسة للان وان ثروة قومية وملك للجمهور لو ملاحظة كم مره حاول حمد الريح يقدمة الى الامام وهو يرجع الى الخلف زي كأنة خجلان من شكلة او منظرة
|
يا وليد .. صباحك زين ..
محمود محتاج لوقفه معاهو عشان يقيف مع نفسه ..
يعنى لو بدينا من هنا من منبر بكري ده ممكن نلقى مدخل لي محمود ..
وكونه يكون محمود خجلان من وضعه ده مؤشر جميل لي انه عنده رغبة يرجع محمود الزمان ..
محمود عمره ما كبير ولسه قدامه اخضر عشان يعطى اكتر واكتر ..
مهما كانت مشكلة محمود من اي ناحية ممكن من هنا نبداء بمعالجتها ..
وانا متأكده من انه محمود بحب ناسه ..
يلا يا وليد منبر بكري ملييييان وفيهم اكتر من زول ممكن يساهم فى اي تخصص محتاجه محمود ..
ياسر تمتام يلا يدك معانا .. ويا وليد تانى بقول ليك فرفورمدخل كبير وهو بحبه ..
ويا طارق مرغنى ولد بحري ممكن يدخل بيت محمود من اوسع ابوابه يلا ..
إجتماع صغير مع محمود ... ويرجع محمود عبدالعزيز كما كان اول واحسن كمان ..
يا اخوانا ما تتجاهلو كلامى ده .. سمح ..
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: yasir tamtam)
|
بدايه تحيه للصديق الراقي ذرياب برعي , العازف الانيق مع فرقه الاستاذ ود الامين .. وتحيه لاخيه الاكبر هاني بارض الاغتراب , كل فرد في اسره المبدع الراحل يجود اله موسيقيه ! ,
وسرني يا ذرياب اشادتك بالحي الاجتماعي واهله , والحي المعني هو الحي الامدرماني بانت , زوجه الراحل عليه الرحمه كانت مديره المدرسه الابتدائيه للبنات ببانت شرق,
وذات الحي هو صله الربط بالفنان نادر خضر , الذي بيتهم جوار السوق العريق لبانت شرق. كلنا كنا هناك في ذات الحي و تفرقت بنا السبل , و ما زلنا نواصل الحي و اهلنا به.
يا ناذر حلقه زي دي لو جابوها بدون مداخلات الاستاذ السر ما كان حلقو لينا ساي :) , شكرا اخي ود العباسيه,
الملحن الفنان برعي محمد دفع الله هرم , و تاريخ , ورقم ضخم ذو بصمه في عالم الفن السوداني.
| |
|
|
|
|
|
|
Re: برنامج اغانى واغانى فى دورتة الخامسة على النيل الازرق وعلى المنبر (Re: شهاب الفاتح عثمان)
|
لؤي و شهاب رمضان كريم و حنضل على المريخاب!
لؤي بتكون سحبت فيديو أغنية الوصية لأنه فيديو (لا سلام منك و لا منك تحية) مدور 24 ساعة هنا, فعلا أنا دخلت هنا و لقيت عدد 2 فيديو شغالين و شعرت بي نفسي زي الشاقي السوق العربي! ياريت عمران يسحب الفيديو الفوق داك أو يشوف طريقة يثبتو لأنو بقينا زي عمال هيئة الكهرباء (شركة النور سابقا) كلما ما ندخل هنا نشيل السلم و نطلع فوق عشان نوقف فيديو عمران عشان نقدر نقرا و نسمع! عمران لو ثبت الفيديو تقدر إنت ترجع لينا الوصية و شايف فيها كمنجات في السلك! تحياتي
| |
|
|
|
|
|
|
|
|
|
|
| |