|
Re: عزام حسن فرح مبروووووووووووك الوليد (Re: د.محمد حسن)
|
بداية الشكر لكل الاخوان الذين مروا من هنا، و ليد اخوى عزام بالحيل غالى علينا ، المهم للجميع ما قصرتو.
عزام بمناسبة الاسماء المشتركة بيننا ، مشيت مره انت اجرت بيت من احد الاخوانالقطريين وكان زميلى ، المهم لمن شاف اسمك على الشيك بعد كم يوم تقابلنا قال يا اخى انا اجرت لى اخوك و الزول ده رسمى حتى ادانى شيكات ، بعدين قال بس اخوك شنباتو كبار خلاص . هذا الكلام فى نهاية ال 88 على ما اعتقد .
يا اخى طبعا مع رطانتك ما شاء الله بتقول الشعر ، غايتو فى نهاية البوست ممكن اقدر اجد لى شوية كلمات .
| |
|
|
|
|
|
|
Re: عزام حسن فرح مبروووووووووووك الوليد (Re: صلاح عباس فقير)
|
العربي / بدرالدين الأمير وآخرين ...
علشان ما تِتْلخبت الكيمان ساي ... نعم المَولود سميتو < يوسُف > < إيسب > بِالنوبِية هو المُرادِف لإسم < يوسُف > عِندكُم بالعربِية وسَيِدنا < يوسُف > نِحنا النوبِيين كُنا على دينو ودين أبوهو ودين الخلفوهُم قُبال ما نبقى مِسيحِيين وفي 1252م دخلنا الإسلام (هسع قالو كمان رمضان قرب .. تأمل!) وفي ملحمة العِشق النوبية < إيسب > أحب إبنة عمه < هيلا > وقام العمدة الغتيت ، بنفي < إيسب > والزواج مِن < هيلا > ويعود < إيسب > لِيقود الثَورة ضِد الظلم البِمثِلو العمدة ...
شنو يعني الواحِد يِعرِس مِنكُم ، تشيلو عِيالو إنتو الهمبته دي حتو في البشر دايرين تسووها ... والله كلام
إيسب أسام هسن ... هييييع
ــــــــــــ مُراجعة وتدقيق / عبدالحكيم نصر
| |
|
|
|
|
|
|
Re: عزام حسن فرح مبروووووووووووك الوليد (Re: هجو الأقرع)
|
ود المكي
Quote: آمن نجي نشرب القهوة |
حبابك سعادتو ... حبابك والله ... شُفت بِت إبراهيم كيفِن إتْلَومت ... قُتْ ليها نجيب حبشِية تخدِمنا أيام نُفاسِك دي ... أبَتْ وصرت وِشيشاوحلفت بأيماناتا ما تعتِب باب الدار حبشية أو أيتُها شغالا ... - الجبنه بدورا يا بِت إبراهيم ... - إن شاءالله القريفا تفرتِك راسك ... بسيها أنا دي - تِمير العِده ماني جَيِد فوقو ... - مِتمِرا لِشنو؟ همِلا ساي - وخِدمة الضِيوف يا بِت الضواها الراي شنو؟ - دُرة بتي بِتقضيها
ده شنو عدم الثِقة دي ... معقول كِده سعادتك!
| |
|
|
|
|
|
|
|