|
|
 الحمدلله أغتسلت ثلاثة مرات ورجعت للأصل ( هلالاب والحمدلله )
|
الفطرة كل سودانى هلالابى
أسباب ما تحوله لتشجيع المريخ
ثم يعود لأصله
صديقى العزيز / المقدم شرطة / مصطفى أكـد كان بعد السلام يقول لى يايسرى والله إنت ماشبه المريخاب ... ربنا يهديك
إبن شقيقتى الصغير ذو التسع أعوام أخبر أخى بكل شجاعة بأنه ترك المريخ وتحول للهلال وكلم خالو يسرى ....وهو لايعلم بأن خاله سبقه بأيام
|
|
 
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
أسئلة للمريخـاب
1/ لماذا تحول علاء الدين يوسف للهلال
2/ لماذا تحول حمودة بشير للهلال
3/ لماذا تحامل الحكم الكاميرونى على المريخ بأرضه فى لقاء زيسكو الزامبى يوم السبت 15 أغسطس2009 وسبق لهذا الحكم أن أدار لقاء المريخ وخريبكة المغربى فى المغرب وأنتهت 2/2 بكل حيادية .(5.000$)
4/ لماذا أبعد كروجر من تدريب المريخ
5/ لماذا شطب أكـرم الهادى سليم
6/ لماذا تقرر شطب مو سى الزومة شهر 12 ... مؤكد شطبه 100%
7/ كيف ولماذا تحول المريخ لدعم حسن عبدالسلام بعد ترشيح مدنى الحارث ضده فى أنتخابات أتحاد الخرطوم
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
Quote: يا يسري بصراحة نحن قفلنا،
|
ود طيفور
السلام عليكم ورحمة الله وبركاته
أكتر حاجتين كنت ضامنهم منذ صغرى اللعب فى القمة وكلية الهندسة
والسؤال المحير الناس إنوأنا بقول حألعب فى القمة رغم تشجيعى للمريخ وكنت مصر على ذلك وكان ردى ليهم أها لو طلبنى الهلال والمريخ ماأشتغل بى حأقول لناس الهلال أنا منتظر ناس المريخ ....
ودى بالجد حصلت لصديقى لاعب الميرغنى كسلا فيصل موسى وكذلك الحارس أحمد النور وأحمد النور قال لناس الميرغنى بعد زيادة عرض المريخ عن الهلال بخمسة مليون أخصموها من نصيبى
لاعبى المفضل هيثم سيدا وعلاء الدين شرارة
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: أسامة عبد الجليل)
|
أخوى أسامه
شطبوها بعد ماكتبت بوست تشجيعى للهلال
فى منتديات المريخ
ديل ياخوى مقسمين كيمان كيمان زى خروف السماية
وما أنا.... مجموعة أعرفهم بالأسم خلو الكورة نهائي
ديل شطبو الزومة وباكمبا مايشطبونى أنا
لو بطبل وبحرق البخور كنت بقيت أبـا كبير فى المريخ ... بس ديل أنا بعرفهم كويس ...
بديت أكتب فى حقائق وبالأسماء دون لف ودوران قالو يشتكونى فى المحاكم ...ووهددتهم بإنو لو لو أشتكو أنا حأشتكيهم للقضاء السودانى ....
واحد طلبو منو يوصل رشوة يمين قام بيها
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
سلام يا يسري ..
من حقك طبعاً تشجع أي فريق ..
مع قناعتي طبعاً إنو لا فرق بين المريخ والهلال والاتنين واطة
وحتى مع نتائج المريخ السيئة جداً مؤخراً "والكانت متوقعة منذ وقت" فده لا يعني بأي حال من الأحوال انو الهلال أفضل من المريخ ..
وبصراحة مع انو لم يتاح لي إلا متابعة متقطعة لنذر يسير من بعض مباريات الهلال في الأونة الأخيرة، لكن لا أرى أي تفوق فني للهلال على المريخ، بل الهلال ربما هو الأسوأ حتى مع نتائجه الأخيرة.. الهلال زاتو ما عندو حاجة يا يسري !!
المريخ على الصعيد الإداري والفني فيهو عجائب الدنيا وغرائبها في مجال كرة القدم .. وفي حاجات ظاهرة هي في اعتقادي جزء من ماسأة وأزمة هذا الفريق ، على سبيل المثال على الصعيد الفني احتشاد كشف الفريق وتشكيلته الأساسية بمجموعة من اللاعبين العجائز والمنتهيين واللي لا يصلحوا حتى للعب في الدافوري وعلى رأسهم الوهمة الكبيرة المعشعشة في رؤوس جماهير المريخ والاسمها فيصل العجب ..
ياخي ده ما لاعب كورة، ولا يمكن أن يكون لاعب كورة في هذه السن المتقدمة وبهذه الهيئة البدنية المعولقة والمشاترة ..أنا ما عارف الناس دي زول زي ده كيف أصلاً بتشجعو.. وكلما أشاهد مثل هذه اللاعب وأمثاله في صفوف المريخ أتيقن تماماً انو المريخ أبداً لن يتقدم بهذه العقلية حتى مع وجود بعض اللعيبة الممتازين في صفوف المريخ، ورأي حول فشل المدرب البرازيلي" كاربوني" وإنو لا يعدو عبارة عن كونه "سلاق بيض" كونته قبل فترة طويلة عندما أقدم على إشراك العجب حتى مع انتصارات الفريق في ذلك الوقت ، وتوقفت عن متابعة مباريات الفريق وكنت مدرك أننا لن نتقدم ولا خطوة واحدة للأمام بهذا التفكير الممعن في الغرابة والتخلف في آن ..
بالنسبة للمنتديات المريخية الاتطرق ليها أخونا أسامة فوق، ومع احترامي لبعض أولاد الناس البشاركوا فيها لكن الأغلبية بصراحة عبارة عن "كرور" وناس عيانة ساي، وهي مع الصحافة جزء من حلقة الماسأة التي تمسك بخناق بهذا الفريق وتحيطه من كل جانب
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: haroon diyab)
|
الاخ هادي
تحية وتقدير ..
| Quote: بالنسبة للمنتديات المريخية الاتطرق ليها أخونا أسامة فوق، ومع احترامي لبعض أولاد الناس البشاركوا فيها لكن الأغلبية بصراحة عبارة عن "كرور" وناس عيانة ساي، وهي مع الصحافة جزء من حلقة الماسأة التي تمسك بخناق بهذا الفريق وتحيطه من كل جانب |
ياخي كلنا اولا تسعة ..
هل ترضى ان اقول لك كرور ؟
ولماذا خصصت فقط منتديات المريخ دون منتديات الهليل ؟
مشترك هنا من 2002 ومشترك في كل منتديات المريخ بصراحة الكرور هنا اكتر واولهم صاحب البوست
ولو ماكرور لما تم توقيفه من منتديات المريخ
تحياتي
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: جعفر محي الدين)
|
هاهاهاااااااااااااااااي ضحكت حتى بانت نواجزي
علينا يسهل وعليك ما يمهل .....
فرحااااااااااان آآآآوووووووي حضرتك
سمح .. خم وصر .. فعلاً المريخ (الزعيم) ما بشهبك
أعفو لي يا مريخاب أسأت ليكم لامن حاولت أربط بينكم
وبين الجلفوووووط صاحب الجلافيط الهلولاااااااابي
صدق القال الما لقى شبهو الله قبحو ... لكن الحمد لله
لقيت شبك .. شبهينا وإتلاقينا
ياخي أنا بعرف جلافيط زيك بيختشوا إنهم هلولااااااب
خليه إنت الفرحان بيها وكمان خاتيها وش
سبحااااااان الله رضينا بالهم والجلفوط ما رضى بينا
حسي عجبك الكلام التحت دا ؟!!!!
Quote: يا يسري بصراحة نحن قفلنا،
وبالإضافة لذلك لا نقبل الصابئين..
___
كما كنت يا يسري وأكتب بالأحمر! |
أنحنا ظاااااتو ما دايرنك ... شجع الميرغني
تهئ تهئ تهئ ......... إتمرغني :)
| |
|
|
|
|
|
|
|
|
 Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
قرارات نادي الهلال السرية
يوضع المذكور أعلاه تحت الرقابة السرية لمدة عشر سنوات على أن لا يمنح أي عضوية شرفية أو حق الكتابة بمنتديات الهلال
يجب على المذكور تشجيع الهلال من المدرجات الشعبية وعدم الأقتراب من إداريين الهلال أو الأقطاب أو الصحفيين
تمييز المذكور بشارة حمراء عند حضوره للتجمعات الهلالية مع الحزر في التعاطي معه
البدء فورا في قيد المذكور أعلاه في قائمة المؤلفة قلوبهم
وقالت الأعراب أمنا
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: حاتم عمر صالح)
|
جبت لينا الكلام يا يسري ساي
ياخوي غيّر انتماءك على كيفك لا حتنقّص هنا لا ح تزيد هناك
ولا تشير لأسباب او تبرر مافي زول طالبك حاجة
يا اخوانا الوصيفاب
لغة جلافيط وهليل و بتاع دي احسن تخلوها قبلها في منتديات الناديين
مقابلها كان ما عارفين ناس خنازير ومرخرخ و كلام فاضي ما انزل الله به من سلطان لا بنرضاه ليكم لا بنرضاه لينا
فخلّونا هنا نتناكف بالاحترام المطلوب من غير ما نتعدى لإساءات او تجريح
طيشاب ديل 
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
الأخ يسرى
مبروك قرارك الشجاع و الصحيح
و أحسن حاجة إنعتقت من أمثال هؤلاء الكفوة:
Quote: هاهاهاااااااااااااااااي ضحكت حتى بانت نواجزي
علينا يسهل وعليك ما يمهل .....
فرحااااااااااان آآآآوووووووي حضرتك
سمح .. خم وصر .. فعلاً المريخ (الزعيم) ما بشهبك
أعفو لي يا مريخاب أسأت ليكم لامن حاولت أربط بينكم
وبين الجلفوووووط صاحب الجلافيط الهلولاااااااابي
صدق القال الما لقى شبهو الله قبحو ... لكن الحمد لله
لقيت شبك .. شبهينا وإتلاقينا
ياخي أنا بعرف جلافيط زيك بيختشوا إنهم هلولااااااب
خليه إنت الفرحان بيها وكمان خاتيها وش
سبحااااااان الله رضينا بالهم والجلفوط ما رضى بينا
حسي عجبك الكلام التحت دا ؟!!!! |
يكذبون على انفسهم و يدعون لقب جمهور الصفوة وهم من ادخل ثقافة الحجارة في المباريات حتى ان مقصورتهم و التي يفترض ان تضم خيرة المشجعين قامت بقذف لاعبي الامل بالحجارة و الكراسي في مباراة إيداهور المشهورة.
مصطلح دلاقين الذي يطلق على المريخاب جاء من صحافهم الاكبر مزمل ابو القاسم فهو من نعتهم بالدلاقين في مقاله المشهور وهو من سماهم بالدجاج في مقال الدجاج المشهور ايضا.
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: Ahmed Khalil)
|
ياجماعة انتبهو الزول ده غواصة كبيرة وعميل سابق ..فانتبهوا ياهلالاب واطردوه واقفلوا منه الابواب ...الزول ده جاء من الميرغني واشتغل جاسوس في المريخ اها المريخ عرف قصته قاموا طردوه وشالوا منه الشعار والدلوكه الكان يشجع بيها ...اها زعل وقال ماشي الهلال ..لكن الهلال افطن من انهم يقبلو بيهو ...كما انبه اخوانا في الموردة واهلي العيلفون عشان مايجيهم داخل اقفلوا الشبابيك ...والحمدلله كرته حرق عند الميرغني بعد انكشافه وماظنيت تاني يخش كسلا زائر بالنهار ...
فايز صديقه وقريبه
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: فايزودالقاضي)
|
لم تضف للمريخ مجدا عندما كنت تشجعه ,,,
ولن تنقصه مجدا عندما تركته ,,,
وكذلك لن تزيد الهلال شئيا بتشجيعه ,,,
فلا تجعل لنفسك بطولات من الفراااااغ ,,,
اذهب فانت من الطلقاااااااء
| |
|
|
|
|
|
|
|
|
 Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: عوض عيد)
|
| Quote: بعدين قلت يسري صديقي وليس صاحبي .. |
علم وينفذ ,,,,,
صدر تحت توقيعكـ المـوافق يوم مغادرة النجم يسرى صرح المـريخ العظـيم,,,
_____________________________
البوست دا مـاشى فى اتجاه البلع شكـلو,,
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
| Quote: الحمدلله أغتسلت ثلاثة مرات ورجعت للأصل ( هلالاب والحمدلله ) |
كضااااااااااااااااااااب !!!
الصفوة و جماهير المحمولة جوا لا تتشرف بأمثالك يا ( يسرى !! ) !!!
تتذكر السنه الفاتت و فى نفس التوقيت ( يعنى بالعربى كدى ! قبال رمضان الفات ! )
مُش ! ( إنت ! ) ( نفسك ! ) كتبت بوست بنفس المعنى ؟؟؟ و لما عصرناك ! هربت !
و اليوم التانى ضربت لى تلفون و قلت لى دا :
ما ( أنا ! ) و ده واحد هلالابى من أهلى سرق ال PASS WORD بتاعتى !! و بكتبى بإسمى !!
قدر ما حاولت أن أجد ذلك البوست فى الإرشيف ! لللأسف ما لاقيو !!!
..........
ما تنسى كمان ! يا ! ( يسرى ! ) إنو السنه دى 2010 الأعظم المريخ هو المتصدر لدورى السودان ..
حتى الآن ...
بس ! إنشا الله ناسك و ( شبهك ! ) المشيت ليهم ديل إقدروا إجيبوا ليك و لو ( طاسة ! ) محمولة جوا !!
...
كسرة :
تلفونى هو نفسو بتاع ( عمنوّل ! ) ..
بس ! الله إستر عليك السنة دى من ( شرقة ! ) شطة ( السوسة ! ) الملوثين بيا زريبة العيش و قايلنها ( سم فار ! ) !!!
..........
فلا مريخا كوكبا عليا لحقت و لا حتى ( هليّلا ! ) ( زُرقانيا تابعا صغيرا ! ) نلت يا ( يسرى ! ) فلتبقى فى الحضيض مهما إغتسلت !!!!!!!
عبدالماجد
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: أسامة عبد الجليل)
|
عبد الماجد
الباسويرد لم يسرق
أنا عامل sign in
الموضوع كان عن ضبط وارقو سكران ورغم صحة الخبر وأتنشر فى كل الجرائد بعد يومين طلبت من الأخ بكرى حذفه ....
إنو السنه دى 2010 الأعظم المريخ هو المتصدر لدورى السودان ..
كأس السودان والممتاز من نصيب الهلال هذا الموسم ومريخاب الداخل يعلمون ذلك ....
فلتبقى فى الحضيض
كضااااااااااااااااااااب !!!
إلعن أبو دى كورة
ماقلتو صفوة
فعلآ المريخاب يكرهون الهلال أكثر ممايحبون ناديهم
كلو من النيجر
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
الحبيب أسماعيل
السلام عليكم ورحمة الله وبركاته
يعجبنى طرحك الهادى
تسلم ...
أنت ماشبهم
القصة ماكلها زعلة ... القصة كتبت حقائق وبالأسماء وبدون التحرى فى الأمر أعضاء فى المجلس أتخذوا وسيلة الأساءات لى ولأسرتى عبر الهاتف والتهديد بالقضاء ورحبت بالقضاء وسفرى للسودان أنسحبو .....
الغريبة تلاتة من من يختلفون معى تأكدت لهم المعلومات تخلوا عن المريخ
تقديرى ياراقى
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: عمران حسن صالح)
|
الأخ والحبيب عمران
السلام عليكم ورحمة الله وبركاته
ماوجدته من مريخاب عبر الرسائل وعبر منتدياتهم وعبر الهاتف لو كان المريخ ديانة لتركتها لهم
أوامرك أخى
حذفت ماسبق وأعتزارى للأخت أميرة والأخ ودالقاضى
أخى عمران
خليت المريخ وشجعت الهلال مادخل أمى و زوجتى بهذا أنا حتى لو شجعت أسرائيل .....
أعتزارى العميق لك أخى عمران
أحذف أقتباسك برضو كمان
سلامى وأحترامى
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
تعـرف يايسـرى اسهل حـاجة فى سودانيز اون لاين دى التطـاول وطـولة اللسان والاستفزاز...
انا تربية سودانية خااالصة وشايلة مسالة العادات والتقاليد ومتمسكـة بيها
وجدانى نتاج حسن عطية...الكابلى...مـيرغنى المـامون...ابوداود,,,صالح الضئ,,عبدالوهاب الصادق
والفاضل سعيد وابقبورة وفائزة وعمسيب ورابحـة محمد محمود..
بعرف اسوى العصيدة والمـلاح والكـسرة وكـل حاجـة عندها علاقة بالمطبخ السودانى
ولسة ابوى واخوانى بشيلو صينيتهم وبفطـرو برة فى الشارع(متخلفين صح?) وبحلفو على الضيف وبكـرمو الغريب...
الغريبة انا عكسكـ شايلة الراجل السودانى خالص وبعتز بيهو محل مامشيت
لانو ابوى واخوى وخالى وعمـى وود جيرانا وود حلتى وزميلى وشايفها احسن زول مـن حيث القيم والاخلاق والشهامـة.....
شان الكـلام الفوق دا انا قبلت اعتذاركـ رغم كـلامك المستفز والجارح,,
شـكرا عمـران كامل احترامـى لشخصك
طالما انكـ تربية خواجات شنو دا كلام رجال ودا كـلام نسوان....?????
____________________________________________________________
بس اخواتى نسيبة ببساطـة ماتبعى ومحتاج تراجع معلوماتك,,
(عدل بواسطة Amira Elsheikh on 08-07-2010, 07:16 AM)
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: Amira Elsheikh)
|
| Quote: ود القاضى عامل فيها صاحبى ... |
انا صديقك ماصاحبك ..
انت عارف يايسري عشق المريخ ده زي الجن بركب الزول عديل ومابطلع بسهولة ولو حاول يطلعه بخليهو يفرر فرفرة شديدة زي الحاصلة ليك ..والبعرفه عشقك للمريخ كان شديد لذلك حاتفرفر شديد وربنا يصبرنا لغاية يطلع منك ...
شكراً اخي عمران ..
اصيلة يااميرة ..
واما انا فغصباً عنه صديقه وقريبه-بالعافية كده-
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: Amira Elsheikh)
|
عارف يايسري
من طبعي اني غير حاد في ردودي
علي من اختلف معهم......
تداخلنا كثيرا وخاصة في الشأن المريخي
ورغم عدم قبولي ببوستاتك وردودك عن المريخ
التي كانت توضح ميولك واتجاهاتك الرياضية
والتي انت حر فيها كما انا ...والتي كانت
دائما تبحث عن الفتن واثارة القلاقل بين المريخاب
مثال بوست ( جمال الوالي ) وبوست ( وارغو )....
الا اني وفي هذا الكلام اجدك تفتقر الي الاحترام
الذي تربينا عليه في توقيرنا وتقديرنا لاخواتنا
البنات في اي مكان وزمان حتي ولو تجاوزو معنا
حدود الاحترام والذي لم اجد للاخت الفاضلة بنت
الاصول ( الاميرة بت الشيخ ) انها تجاوزته معك في
كل مداخلاتها .
لو كنت لاتعرف فاميرة الشيخ تعتبر اخت بل شقيقة
لجميع بورداب الدوحة ومن قبل بورداب الخرطوم
انسانة مكملة من الاحترام والتقدير لن نرضي ولن
نقبل اي كلمة او حرف يمسها.....!!!!!
تشجع الهلال ....تشجع الكنجارو....انت حر.....
تفتح بوست من حق الجميع يرد عليك مادام البوست
اصبح ملك عام .....
لكن ان تكتب في اخواتنا العزيزات مثل ساقط هذا
الكلام فهذا مالا نرضاه.....
اعتقد اعتذارك غير كافي....تعال وجيب اي كلمة اساءة
وجهتها ليك اميرة الشيخ ونحنا ناخد ليك حقك منها تالت ومتلت .
مش عشان هي مريخابية او بوردابية لكن لانها اخت وشقيقة وعزيزة .
عليك الله في انسان عاقل يكتب جنس الكلام ده.....؟
بعدين ياخي انت سبت الناس القالو فيك مالم يقله مالك في الخمر
وجاي ماسك في كلام اميرة......؟
اها ده نسميهو شنو.....؟ ( رد برااااااااااااك.....!!!!)
Quote: ياأميرة الشيخ
الموضوع دا رجالى
يعنى أتخارجى الله يرضى عليك
أنا بنات السودان ديل ماتبع شريعتى
تربية خواجات
عادات وتقاليد وعرف وحاجات تانية ماأدونا ليها هنا
أمى بتزعل منى بعدين
-----------------------------
النبى فوقك شوف حاجات رمضان وخليك من الكورة وحسن عطية والكابلى وركزى على الكورة بتاعت العصيدة ولا أقول ليك شوفى عرس الكورة أحسن ليك
ياريت زوجتى ماتقرأ البوست داولا أقول ليك خليك فى زاد المجاهد مش الأخت من أخوات نسيبة ولا أسمها منو نصيبة خليك من الكورة وتحويلى من المريخ للهلال ....
ولا أقول ليك ركزى على قضية لبنان وكترى الصور |
الحمد الله انك كشفت عن انتماءك ورجعت لمكانك .
راجع ليك تاني عشان اجيب ليك كتاباتك عن المريخ
لامن كنت عامل فيها مريخابي ( والزعل مرفوووووووووووووض.....!!!!)
--------
شكرا جزيلا الرجل الخلوق الحبيب عمران
بس انا مستغرب من حكاية ود خالتي دي.....!!!!!
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: haroon diyab)
|
شكـرا ياهارون وحبوبة بتقول المـابعرفك بجهلكـ,,
المـحيرنى انـو الاساءة والاستفزاز بقت عرف هنـا ويتبعها اعتذار ,,,
بكـرة تانى ممكـن نفس الزول يسئ ليك ,,والغريية اسي انا يسـرى دا مـا بعرف عنـو اى حاجة
ولاهو منو ولا بعمـل فى شنـو غير مواضيع بكتبها عن المـريخ هنا ومـن حقى اتداخل وارد مـن غير اى وصاية..
وبنفس القدر هـو مابعرف عنـى حاجة شان يوجه لى اساءة شخصية...لانـى ماوجهت ليه اى اساءة شخصيـة...
الكـوت دا ممكـن يكون موجود وشخصيا مابسئ لى باى شئ بقدر ماهو يعبر عن نفسية كـاتبه,,,
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: مجاهد محمد عباس)
|
| Quote: برمة: يعني السنة دي ما فيها تقديم للوتري عبر بوستيك الموسمي |
الحبيب مجاهـد
البينا أكبر من المريخ
إيميلى معاك ....
تسلم
لـو كــان المـريـــخ ديـــانـة أعــتـنـقـهــا فهــأنــذا أعــلـن أرتـــدادى عــنـــهــــا ...
الغريبة فى أربعة مريخاب أتصلو على من منتديات المريخ تركوا تشجيع الكرة نهائيآ بعد توضيحى لهم جزء من أسباب أنسلاخى من المريخ
ود القاضى
أبعد من دربى
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
Quote: يسرى مـعتصم دا مش كـتب بوست قبل كـدا بتكلم فيهو عن معسكـر الـمريخ??
مـنو كـدا جا سكـران واللاعب الفلانى كـان حيران? ولا انا غلطانة? |
أيو وارقو قبض عليه سكران وعوقب واللاعب التانى ماحيران ماهو بنت فى معسكر المريخ فى فندق التاكا قبل مبارأة فى الدورى العام السابق
والخمر موجودة داخل معسكرات المريخ
Quote: وقتها كـان فى النظـام العام ولا حاجـة?
|
لاأتشرف بهذا ولا أعرف نظام عام ولا شريعة أعيش فى بلدى بكامل حريتى
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: فايزودالقاضي)
|
Quote: كنت اتمنى ان تترك ناديك الذى تعشق وهو فى القمة يمكن الناس شويه تقدر وضعك وتتفهم دواعيك
|
الأخ هجو الأقرع
رئيسكم برضـو خـلاكـم وأنتو شايلين كأس أفريقيا
---------------------------------
ودالقاضى
عمار يس النور دا زميل معاك هنا ومشارك فى البوست دا
الروووووووب
الحــلانـى مـن الـمــريــــخ يــحــلـنــى من ود القـاضــى الـفـاضـى
| Quote: وجرجرة الاخ عبر الانتربول |
تانى من صاحبى لأخوى ..... دى الحالة الله يستر رمضان قرب
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
حبيبنا المرخابي الجميل هارون
يا سيدي فتحت عيوني في الدنيا دي والنفاج بينا وبين بيت والد العزيز يسري ووالدته الخالة الفاضلة جداً علوية
هي في مقام أمي وأكتر من خالتي يعني
أذكر حاجة تخليني أعتبره كخالة فعلاً
وأنا عمري سنوات قليلة جداً و ( مطهَر )  كنت لا أتركـ البكا إلا عندما تحضر هي ( وتهرشني ) ..
التيمان ياسر ويسري وأشقائهم الكبار هويدا ومحمد هم أخوة لي مهما كانت طريقة تصرفه هنا فهي لحظة ( ضعف ما ) أو ( غباء ما ) وهذه ليست بإساءة فكلنا تمر بنا لحظات شبيهة
فقط يسري هنا حالته ( live ) ...
صدقيني يا أميرة لا أجامل في مشاعري بحكم تاريخ معرفتي ليسري فهو فعلاً أكبر من أن يسي لأحد
وهذا ما فهمه فايز وليت الآخرين يكرموا عين
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: يسرى معتصم)
|
ياناس هوى ياهو ده يسرى معتصم زاته بعد كلمة السر التى كتبها هنا
لكن يا يسرى حب المريخ ده فى الدم والوجدان والقلب والعقل معا وليس فى العقل وحده لترفضه لعلة انية
انا متاكد انك لن تصمد كثيرا فى هجر الحبيب
وسوف تعود لنا ايبا تايبا بعد ان تكون قد تعطست انفك بغبار الزريبة والمغبره
فاهلا بك مقدما بعد العودة والاووبة
| |
|
|
|
|
|
|
|
|
|
Re: الحمدلله أغتسلت ثلاثة مرات ورجعت للأصل ( هلالاب والحمدلله ) (Re: عادل عبدالعزيز عبد الرحيم)
|
لا أفهم كيف يمكن أن يتغير الانتماء ..
تلك اشياء لا تري .. لا تشتري
ولا تخضع لفيزياء الماده وحركياتها وتحولاتها
كل ما هناك أنك لم تكن يوما مريخابيا ولا يحزنون ..
وبذا لن تكون ابدا هلالابيا ..
لن تفهم ابدا تلك الكيمياء وذلك السريان العنيد لكهرباء الانتماء فى الوجدان وما بين ( فرقات ) الروح
وليس اعلاه بهام .. هو رأى شخصى لا اكثر او أقل
مررت على البوست ( المضحك ) للتسريه عن النفس قليلا بقراءة تواضع المفاهيم وفقرها ..
وأميل لذلك احيانا لاعزز صورتى الذاتيه وتقديرها فى دواخلى .. وهذه مكنيزما يلجأ اليها العقل الواعى عند مروره
بمنعطفات محبطه .. بحيث تكون الاستجابه الايجابيه كامنه فى تعزيز الصوره الذاتيه وتمريرها للعقل الباطن ومن ثم تحفيز الدواخل والخ ..
وصدقا .. لا مكان كسودانييزاونلاين لهذه الممارسه الذهنيه ..
قد اكتب حولذاك إن شئت ..
ذاك مدخلى حتى هالنى رد صاحب البوست للعزيزه أميره الشيخ ..
هذا الرد يفتقر تماما لاى أناقه انسانيه .. بل لا يمت للانسنه بشئ , فهو قبيح وقبيح وقبيح
واميره - وقد التقيتها مرتان او ثلاثه لا اكثر - زوله اقل ما يمكن ان توصف به أنها ( بت سودانيه صاح لمن غلط ) .. سمحه سماحتنا البقت مافيشه وقريبه جدا لى دواخلك ومن قولة تيت .. بت الحله كما فى المزاج السودانى السمح والزين .. زميلة جامعيه لى زول مثقفاتى مهموم بالبلد والناس .. صاحبة أختك ال ( أختك ) وال .. مريخابيه من قبل ومن بعد..
ساءنى جدا ما نالها من قبح لا يليق بها ابدا ولا يشبهها فى شئ ولا يصدر الا من مصدره واليه يعود ..
| |
|
|
|
|
|
|
| |
يسرى معتصم
Yassir Tayfour
أسامة عبد الجليل
ALGARADABI
تولوس
هجو الأقرع
Elhadi
keiga2000
السمؤال بدرالدين
حاتم عمر صالح
ارصد محمد جلال
omer osman
othman mohmmadien
عبد اللطيف السيدح
haroon diyab
عمران حسن صالح
جعفر محي الدين
نادر محمد الراضي
ياسر بيناوي
فدياس نجم الدين
محمد البشرى الخضر
عمار يس النور
فايزودالقاضي
عمر التوم
Mohamed Abdelmotalib Hassan
hanouf56
عادل عبدالعزيز عبد الرحيم
محمد حيدر المشرف
فيس بوك
تويتر
انستقرام
يوتيوب
بنتيريست