|
Re: شاعريَة الغلابة ** مرفق فيديو أغنيات حفلة عدن ** (Re: GamarBoBa)
|
Quote: - يا كمان السياسة العفنة وخلافات المنتمين ليها أهم - يا انا كبرت وبقيت بتاع فارغة |
والله يا عمران .. عندي صاحبي مرة لقاني بسمع في عثمان حسين .. بي آخر حته بتاعت سمع ممكن ترخي ليها اضانك .. بعد الاغنية انتهت قمت نظرت ليهو تنظير المستمتع حتى بي مشيت عثمان حسين الله يرحمو على الواااطة .. وعن غناء عثمان حسين لما يغنو الناس بيبقى عامل كيف .. وعن غناء عثمان حسين ومتين بسمعوهو وعلشان شنو وكيف ... إلخ . ياخ الزول دا قعد يضحك وختم ضحكتو بان .. قالي يا تمبس والله إنت دخلت مرحلة الكبر وبعد كدا اعتقد إنك ح تخرف .. نفس الصديق لقاني لابس لي جلابية .. قالي الجلابية دي مع عثمان حسين بتاع المرة الفاتت معناته دخلت معانا المنتخب بتاعنا بس فاضل ليك بعد كدا تجي شايل الجريدة .. وردي دا يازول القاليك داير ليهو كبر منو ..؟ عثمان حسين دا القاليك عايز ليهو كبر منو ..؟ صلاح بن البادية دا القاليك عايز ليهو كبر منو ..؟ محمود عبد العزيز دا القاليك عايز ليهو كبر واللا صغر منو..؟ ياخ شريط عدن دا في فترة من الفترات كان بيعني لي نهاية السمع .. قبلما املك لي نسخة حقتي منو .. كنت بسمعو عند بنات جيرانا .. جابو ليهم عمهم من الكويت وقتها .. طبعا حفلة عدن دي وحفلة الكويت كانو في توقيت واحد .. بنات جيرانا ديل .. كان عندهم شريط كاسيت .. بيسمعوهو العصرية كدا .. والصوت كان بجيني بالشباك .. المهم .. الشريط بتقلب بي كل الجمبات لمن روحو تطلع .. يللا بعداك بكورك لي اي واحدة قريبة .. اسمعي عليك الله رجعي لي بعد إيه .. اسمع بعد إيه .. وبعداك اطلع على الدافوري والله انا القدامك دا حسسسع دي .. لو لقيت لي بيت جيران يجيني فوقو صوت وردي بالشباك حفلة عدن بعد إيه والعصرية كدا .. احتمال كبير جدا اسجل في برشلونـة الموسم دا .. إنت بتنزل حفلة عدن سااي كدا من غير ما تكلم الناس .. داير تستفز مشاعرنا يعني .. يوم السبت دا؟
|
|
|
|
|
|
|
العنوان |
الكاتب |
Date |
شاعريَة الغلابة ** مرفق فيديو أغنيات حفلة عدن ** | عمران حسن صالح | 07-30-10, 07:18 PM |
Re: شاعريَة الغلابة ** مرفق فيديو أغنيات حفلة عدن ** | خالد المحرب | 07-30-10, 07:30 PM |
Re: شاعريَة الغلابة ** مرفق فيديو أغنيات حفلة عدن ** | عمران حسن صالح | 07-30-10, 08:48 PM |
Re: شاعريَة الغلابة ** مرفق فيديو أغنيات حفلة عدن ** | عمران حسن صالح | 07-30-10, 09:37 PM |
Re: شاعريَة الغلابة ** مرفق فيديو أغنيات حفلة عدن ** | عمران حسن صالح | 07-30-10, 10:03 PM |
Re: شاعريَة الغلابة ** مرفق فيديو أغنيات حفلة عدن ** | عمران حسن صالح | 07-31-10, 08:40 PM |
Re: شاعريَة الغلابة ** مرفق فيديو أغنيات حفلة عدن ** | عمران حسن صالح | 08-02-10, 04:13 PM |
Re: شاعريَة الغلابة ** مرفق فيديو أغنيات حفلة عدن ** | عمران حسن صالح | 08-03-10, 09:30 AM |
Re: شاعريَة الغلابة ** مرفق فيديو أغنيات حفلة عدن ** | عمران حسن صالح | 08-05-10, 04:46 PM |
Re: شاعريَة الغلابة ** مرفق فيديو أغنيات حفلة عدن ** | GamarBoBa | 08-05-10, 07:24 PM |
Re: شاعريَة الغلابة ** مرفق فيديو أغنيات حفلة عدن ** | tmbis | 08-07-10, 06:50 AM |
Re: شاعريَة الغلابة ** مرفق فيديو أغنيات حفلة عدن ** | GamarBoBa | 08-07-10, 09:01 AM |
Re: شاعريَة الغلابة ** مرفق فيديو أغنيات حفلة عدن ** | tmbis | 08-07-10, 09:10 AM |
Re: شاعريَة الغلابة ** مرفق فيديو أغنيات حفلة عدن ** | عمران حسن صالح | 08-07-10, 06:46 PM |
Re: شاعريَة الغلابة ** مرفق فيديو أغنيات حفلة عدن ** | ابو جهينة | 08-07-10, 09:23 PM |
Re: شاعريَة الغلابة ** مرفق فيديو أغنيات حفلة عدن ** | طارق جبريل | 08-07-10, 09:37 PM |
|
|
|