|
|
 Re: فضيحة جديدة بيع مصنع الحيصاحصا للنسيج بسعرا بخس (Re: زهير عثمان حمد)
|
إلى جميع أبناء الحصاحيصا وضواحيها وكل قرى أحفاد أبكريك ود حبوبة... لماذا تتباكون على اللبن المسكوب.
1- أين نواب دوائر الحصاحيصا وماجاورها في المجلس الوطني؟
2- أين رصفائهم في مجلس الجزيرة التشريعي؟ (الذي سينتخب في أكتوبر والله أعلم).
3- أين أبناء الحصاحيصا من كبار رجال الخدمة المدنية؟
4- أين أبناء الحصاحيصا من كبار رجال القوات النظامية المختلفة (جيش - شرطة - سجون - حرس صيد - مطافئ)؟
5- أين أبناء الحصاحيصا من كبار رجال الصحافة والفضائيات المسموعة والمنظورة؟
6- أين أبناء الحصاحيصا من كبار رجال الشعر والكلمة والفنانين والمثقفين؟
7- أين أبناء الحصاحيصا من كبار رجال القضاء والقانون؟
نعيب زماننا والعيب فينا وما لزماننا عيب سوانا.
أحكي لكم قصة أشبه بالطرفة. (لا تضحكوا على سذاجة من قاموا بها ولكن قدروا موقفهم وفهمهم للموقف) لن أذكر اسم المنطقة حتى لا أقع في المحظور.
استدان شخص من تلك المنطقة مبلغاً من المال من آخر بالخرطوم. سلمه شيك ضمان. لم يوف بوعده. فتح فيه الرجل بلاغاً وأصدر أمر قبض. قام صاحب البلاغ ومعه شرطي إلى حيث عرف مكان الرجل وهو في بلدته ووسط ربعه - كما يقول المغتربون- عندما حضر الشرطي ومعه الرجل، قال لهما أهله: إنتوا ما سمعتوا حكومة السودان رفضت تسلم كوشيب وهارون للزول الفي البلد البعيدة ديك. (طبعاً ثقافتهم السياسية محدودة).؟ شوف يا زول من قدامنا كدا وقدام الحكامات ديل لا إنت ولا وزير داخليتك بقدر أسوق الزول دا من هنا.
الحكاية هسع حكاية دين لكن الزول دا كان رشيتوه بموية بنرشكم بدم. أمشوا خرتومكم ولمن الزول دا يجيكم هناك أقبضوه. كان رجل الشرطة عاقلاً وقال لصاحب الشكوى: أنا خارج الموضوع شوف طريقتك مع الناس ديل. ورجعا بخفس حنين.
طبعاً أي كلام ينقال هنا بعد الذي حصل يعتبر جس بعد الضبح. لو قام ناس الحصاحيصا وما جاورها من القرى - كما ذكر أحد المتداخلين- بعصيهم وفؤوسهم وبنادقهم ومنعوا العمال من دخول المصنع كان سيكون هنالك حل آخر. لكن صمتوا حتى وقعت الفأس في الرأس.
كل ما يقال ويحدث بعد الآن ينطبق عليه القول الإنجليزي Too little , too late.
(العوج راي والعديل راي)
|
|
 
|
|
|
|
|
| العنوان |
الكاتب |
Date |
 فضيحة جديدة بيع مصنع الحيصاحصا للنسيج بسعرا بخس | زهير عثمان حمد | 07-25-10, 11:00 PM |
| Re: فضيحة جديدة بيع مصنع الحيصاحصا للنسيج بسعرا بخس | زهير عثمان حمد | 07-25-10, 11:17 PM |
| Re: فضيحة جديدة بيع مصنع الحيصاحصا للنسيج بسعرا بخس | ابوحراز | 07-26-10, 06:48 AM |
| Re: فضيحة جديدة بيع مصنع الحيصاحصا للنسيج بسعرا بخس | Hisham Ibrahim | 07-26-10, 07:08 AM |
| Re: فضيحة جديدة بيع مصنع الحيصاحصا للنسيج بسعرا بخس | Alshafea Ibrahim | 07-26-10, 07:29 AM |
| Re: فضيحة جديدة بيع مصنع الحيصاحصا للنسيج بسعرا بخس | محمد عبدالرحمن | 07-26-10, 07:50 AM |
| Re: فضيحة جديدة بيع مصنع الحيصاحصا للنسيج بسعرا بخس | omar alhag | 07-26-10, 10:17 AM |
| Re: فضيحة جديدة بيع مصنع الحيصاحصا للنسيج بسعرا بخس | زهير عثمان حمد | 07-26-10, 10:00 PM |
| Re: فضيحة جديدة بيع مصنع الحيصاحصا للنسيج بسعرا بخس | ابوحراز | 07-26-10, 10:02 PM |
| Re: فضيحة جديدة بيع مصنع الحيصاحصا للنسيج بسعرا بخس | زهير عثمان حمد | 07-26-10, 10:14 PM |
| Re: فضيحة جديدة بيع مصنع الحيصاحصا للنسيج بسعرا بخس | cantona_1 | 07-27-10, 01:42 AM |
| Re: فضيحة جديدة بيع مصنع الحيصاحصا للنسيج بسعرا بخس | Elbagir Osman | 07-27-10, 02:26 AM |
| Re: فضيحة جديدة بيع مصنع الحيصاحصا للنسيج بسعرا بخس | زهير عثمان حمد | 07-27-10, 01:19 PM |
|
| |
cantona_1
فيس بوك
تويتر
انستقرام
يوتيوب
بنتيريست