عاجل .. (مضحك) .. توجد صور ..

Quote: الله لا يحرمنا منك يا رب يااخ تعرف حاجه ؟ والله انت ممتع وبتخلينا نضحك اليوم كله بتكتب كلام كتييير دون ان توجد ثمرة واحدة فيه والله العظيم ما حصل كملت ليك مداخلة كاملة .. كلام كيف كيف كدا كتابتك زي قصص كتب ( النايل كورس) لا فيها حكمة ولا ظرافة حلاق جامعة وحايم بينا .. مرة قريت ليك بوست باسم : نجلاء مجردة في واحد صحبي معجب بيك وبضحك اليوم كله وهو بسالني مجردة دي شنو والله انا بضحك الاسبوع كله .. ويا حلاتك لما عاوز تتفلسف وبتقول : ايدلوجيتك الله لا يحرمنا منك ومن كل الكائنات التمبسية يا .. تمبس .. انت تعرف لو عاوز تعاقبنا بالجد جد وقف الكتابة نتعب بس ..

ياخ ما تبطل استهبالك دا ياخ .. بعدين إنت لسة شفت ليك ضحك ..؟ والله تضحك لما الضحك يشرطك .. دا طبعا في حال إنك تقدر تفهم الكلام الكتبتو انا .. ودا طبعا بعدما تكمل باقي القراية على حسب قولك .. الغريبة إنو الواحد يقرا وفرحان ويتبسم ويضحك لي آخر ضرس ويجي يقوليك ياخ ما تضحكنا ..
عاين يا بطل ما عندك بوست بتاع قوالات جديد ..؟
ياخ انا بفتش ليك بالفتاشة كلما امشي ليك مكان تمرق تخليني .. بعدين صاحبك الضحكو شنو في بوست التجريد .. أوعه يكون فنان تشكيلي بس .. على كل ماف مشكلة يا بطل .. لانو إنت الكاتب المفضل بتاعي للربع دا والربع الجاي .. فمعليش يعني لو لقيتني في حتة اضحك بس ..
عايز ليك درس في الايدلوجيا واللا نخلص موضوع الترابي .. وبت الطهور .. واللا نخليك كدا ساااي ..؟
عليك الله سلم لي معاك على صاحبك المعجب دا .. قوليهو تمبس بيسلم عليك شديد .. أهو شوف المعجبين كتار كيف .. الواحد احتمال بعد فترة يعمل ليهو موقع خاص بالمعجبين .. ح امسكك الادارة القسم الخاص بالعلاج الطبيعي .. مش احتمال يقوم واحد من الناس ديل الضحك يشرطو ..؟
والله كم كنت اتمنى أن القاك في السودان في حليوة يا في اي جحر عشان الواحد يتشرف بي معرفتك .. لكن يا زول ماف مشكلة بعدما ترجع الحي بلاقي .. يا كمان بعدما تستقر حاول رسل لي أخوك اي (رقعة) كدا .. تحت اي بند .. بدل ضحك .. بدل نضال .. بدل كتابة كتيرة .. يا بدل اي حاجة المهم إنت زول مفتح بتلقى ليها (قده) ..
مرحب مجددا بالبطل القومي بيجـو ..