عاجل .. (مضحك) .. توجد صور ..

Quote: خاتمه : كنت بستعمل التاكسي كتير في النتقل ما بين وسط الخرطوم وبعض واطرافها اثناء عملي , وكان في بتاع تكسي زبوني بركب معاهو كل يوم مره واتنين وتلاته الا لو ما لقيتو بركب تكسي تاني , وهو راجل محترم من اهل ام ضوبان , الله يطراه بالخير , حكي لي في احدي المرات أنو ركبت معاهو بت بعد المغرب بشويه ماشه بيتهم وقالت ليهو بالله غشيني (البوادي) نزلت البت في البوادي وبعد شويه جات ركبت وقالت ليهو انتظر شويه في حاجات جايه , وفعلا جاء بعض العمال شايلين الاكياس مليانه جداد مشوي , واخينا طلع بالتاكسي , قال انو حبه يكسر الصمت مع ريحه المشوي الطلعت في نافوخي قال ليها : لكن ما اتأخرتي على ضيوفك بالعشاء . قالت ليهو لا والله ما في ضيوف ولا حاجه , بس اسي لو جيت داخله البيت يدي فاضيه يشبكوني كنتي وين وبتعملي شنو .. الخ , لكن مع المشوي ده اي زول يمسك جداتو ويلبد!!!... قال لي والله تاني ما فتحت خشمي لمن نزلت وادنتي حقي واتخارجته ... ------------------ (البوادي مطعم مشهور لبيع الدجاج المشوي والمحمر والمجمر يرتاده اهل المال والجاه في السودان , مقره نمره2)