|
|
 أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه !!
|
قبل فتره كنت قد قرأت بأن أحد العرافين قد تنبأ بأن الساعه سوف تقوم فى عام 2012 .
لا أدرى أين تجرى الآن بروفة الدخول إلى الجنه ؟ ولكن من المؤكد تماما أن بروفة
الدخول إلى النار تجرى منذ فتره وإلى اليوم فى السودان !!
بمعنى أن ( القيامه قامت ) ولكنها لسبب يعلمه الله بدأت بالسودان والمصيبه الكبرى
إن الناس لايعلمون فقد إختلط عندهم الإحساس بالحياة الدنيا والحياة الآخره . فالمواطن
فى السودان ومن حيث لايدرى سلبت منه كل الأحاسيس الإنسانيه حتى حاسة الشم والسمع والبصر
صارت معدومه وتبلدت كل جزئيات وذرات عقله . حتى وصل لمرحله لا يأبه فيها
بكل شئ ! فما يثير دهشة وإستغراب وقلق كل قادم من الخارج يراه هو عادى .
ويتواصل سرد الموت السريرى لمحمد أحمد السودانى ,, كونوا معى ,,
(عدل بواسطة كمال سالم on 07-16-2010, 03:44 PM)
(عدل بواسطة كمال سالم on 07-18-2010, 10:58 AM)
|
|
 
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: دينا خالد)
|
Quote: وللسودان وجه اخر ولكنكم لا تعلمون !!
يعنى بعد تميت الاربعين ما كنت تقول
لى عوووووووك .. |
كضبا كاضب يادينا ,, ياهو الوجه الواحد داك بس
بقى أكثر تشوها !
إنتى من زمن النفاس كان أربعين يوم ؟ وحات الله
فى قعدتى دى شفت (النفسا) بعد عشرة أيام تكابس
فى المواصلات عشان تلحق شغلها !
___________________________________________________________
يوم عزومة هاشم صديق قلت ليك يادينا أنا الليله تميت 38 يوم
فى السودان لكنك كنتى مشغوله مع الشاغلك .
إنشاء الله نتلاقى قريب تانى فى إجازة العيد .
بس عليك الله ألحقينى فى الخاص بشمار الخطوبه ده لأنو أهم مصدر
عندى جيت لقيتو سافر اليابان .
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: معاوية الزبير)
|
Quote: فالمواطن
فى السودان ومن حيث لايدرى سلبت منه كل الأحاسيس الإنسانيه حتى حاسة الشم والسمع والبصر
صارت معدومه وأختلط عنده كل شئ وتبلدت كل جزئيات وذرات عقله . حتى وصل لمرحله لا يأبه فيها
بكل شئ ! فما يثير دهشة وإستغراب وقلق كل قادم من الخارج يراه هو عادى . |
ولأبدأ لكم من ( لايأبه هذه ) .
تخيلوا معى مثلا أن الطبيب الجراح فلان الفلانى والذى هو شقيق كبير البلد والذى كان حتى وقت قريب
يمارس مهنته الإنسانيه بإنتظام فى أحد المستشفيات العسكريه وفجأة صار من كبار الأثرياء يمتلك كبرى
الشركات وعدد من الأبراج ويرأس العديد من مجالس إدارات كبرى الموسسات الحكوميه والخاصه .
وكل ذلك على مرأى ومسمع ( محمد أحمد ) الذى لم يفتح الله عليه ولو بتقطيبة الدهشه التى تظهر على الجبين !!!
بل معظم وغالبية أهل الوطن يسعون خلفه لكسب وده وعطفه دون أن يسأل أحدهم السؤال الأذلى الذى كان يسأله
الناس قبل الإنقاذ إذا بنيت حماما فى منزلك !!!
ولنترك (محمد أحمد ) جانبا ونسأل ( هل أهل النظام صاروا أيضا لا يأبهون ؟؟؟!! ) ألا يحسون بالحرج وهم يقدمون
كل يوم عشرات النماذج لمثل هذا الطبيب ؟؟؟
كيف بالله لطبيب يعيش فى السودان أن يصير مليارديرا فى غمضة عين ؟؟؟
كيف بالله لضابط فى المعاش أن يمتلك بين ليله وضحاها فندق للسلام سموه روتانا وآخر كان يمتلكه سعودى هارب
من وطنه بتهمة الإحتيال إسمه فندق قصر الصداقه مشيد على مساحه تساوى مساحة كل فنادق الخليج وفى موقع على
النيل لا يقدر بثمن ؟؟؟!!
خبر عادى تتحدث عنه كل المجالس بكل فخر وكلهم أمل فى كسب ود هذا الضابط الهمام والذى قيل أنه الآن من أكبر
رجالات المال فى الوطن العربى وربما نقرأ أسمه قريبا جنبا إلى جنب مع الوليد بن طلال فى ملحمة أغنى عشره أثرياء
فى العالم .
كل ذلك ولا محمد أحمد البسيط الكادح ولا محمد أحمد المثقف الواعى يأبه لشئ ,,, ونواصل ,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: بهاء بكري)
|
| Quote: اظنك تاخرت ياود الباوقة الانقاذ الان اكثر نقاءا |
العزيز بهاء ,, وحشتنا والله ,,
إنشاء الله تكون مستمتع فى اليابان
ما قدرت أفهم ردك ده لود الباوقه
لكن أظنك تقصد أن ود الباوقه سوف
يرجع فى الزمن الضائع .
تحياتى ,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
نماذج أخرى أكثر دهشة ولم يفتح الله على الصحفيين حتى المحاوله للإشاره إليها !!
خرجت من صالة القدوم بمطار الخرطوم ( الدولى ) ووجدت شقيقى حسن فى إنتظارى
ركبت معه فى سيارته وكلى شوق لعبور الكبرى حتى أعانق أم درمان .
ولقد لفت إنتباهى ونحن خروج من بوابة المطار عدم وجود الكشك الذى يتحصل مبلغ
ألف جنيه من كل عربه خارجه من المطار والذى كان موجودا لمدة عشره سنوات تقريبا .
سألت شقيقى حسن بإستغراب ودهشه أين الكشك ؟؟ لعلمى التام أن الرسوم والجبايه فى دولة
المؤتمر الوطنى لا تلغى بل هى فى إزدياد دائم .
وكانت المفاجأه أن علمت أن الوزير الجديد الذى تتبع له هيئة الطيران المدنى تصادف أن جاء
يوما للمطار لإستقبال أحد أفراد عائلته وعندما كان خارجا إضطر للوقوف لدفع مبلغ الألف
جنيه ,, وبعد أن قام بالدفع سأل الموظف الذى بداخل الكشك قائلا له هل هذه الرسوم تتبع للطيران
المدنى ؟ وكانت دهشته كبيره وردة فعله أكبر عندما أخبره الموظف بأنهم شركه خاصه !!
وبعد تقصى وتحقيق إكتشف ذلك الوزير الهمام إن هذه الشركه تتبع لأحد كبار القوم والذى ليس
له علاقه لا بالطار ولا بإدارة الطيران المدنى ,, وإنه كان يتقاضى تلك المبالغ ولمدة عدد من
السنوات دون أن يكتشفه أحد !!!
لقد جاءت هذه الشركه للمطار ولهفت مالهفت من مال ولسنينا عددا وخرجت من المطار كما
يخرج الهلال والمريخ من أى تصفيات دوليه أو قاريه أو إقليميه دون أن يأبه أحد !!!!
ونواصل ,,,,,,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: كمال سالم
حبابك
انشاء الله جبت لينا معاك البتاع |
ياخليل يأخ ماتخليك شفاف وواضح ! هسه خبثاء المدينه يفتكروا البتاع ده حاجه تانيه !
طبعا أنا عارفك بتقصد ( الفياغرا ) الهنديه ,, لكن البفهم الجماعه ديك شنو ؟؟
جبتها ليك ياخليل ,, ووالله فعلا رخيصه بشكل ,, تتصور العلبه كلها بسبعه ألف فقط مقارنة
بالأمريكيه التى يقال أن سعرها تجاوز ال 150 ريال قطرى .
بس بعدين ماتنسانا من صالح الدعاء .
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: حمدا لله على سلامة وصولك يا وجيه
تعرف يا كمال نفس النتيجة وصلتليها أنا بالتدريج خلال إجازاتي الأخيرة
لكن السنة الماضية قنعت عدييل وبي صورة نهائية
أعتقد الحل سيكون بعد الانهيار التام ماديا ومعنويا ومن الرماد سينهض سودان جديد |
أبو الرجال الحبيب معاويه الزبير ,, تحياتى يازول يارائع ,, ومشتاقين والله ,,
الإنهيار كبير فى كل المجالات ,, تخيل يامعاويه أن كيلو الطماطم صار سعره 15 ألف جنيه !!
ولولا أسامه داؤود ومزارعه المحميه التى أنشأها فى منطقة شرق النيل لنسى الناس شئ إسمه طماطم
فقدر الكميات الشحيحه الموجوده فى الأسواق تأتى من مزارعه . فلقد هجر المزارع الزراعه لعدم
جدواها بسبب الرسوم والضرائب والجبايات التى أثقلت كاهله .
تخيل قبل إسبوع تفتق عقل تجار النظام وأستوردوا الطماطم من كينيا وأثيوبيا والأردن التى ليس بها
مصدر لمياه للشرب ناهيك عن الزراعه !!
وهى الآن تملآ الأسواق ولكن قل لى من يشتريها غير كبار القوم ؟؟؟!! بعد أن كانت هى الوجبه الأساسيه
مع شوية دكوه للسواد الأعظم الذى صار لا يأبه !!!
تخيل ياعزيزى معاويه حتى الآن لم يفتح الله على أحد بالسؤال عن الحال الذى وصلت إليه الطماطم المسكينه !!!
ألم أقل لك أن لا شئ يثير الدهشه والإستنكار حتى إذا أصبح الناس ووجدوا النيل وقد تغير إتجاهه عائدا إلى الحبشه !!
ولا أحد يأبه ,, وخليك معاى فهنالك الكثير المثير الخطر ,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: كمال سالم
فالمواطن فى السودان ومن حيث لايدرى سلبت منه كل الأحاسيس الإنسانيه حتى حاسة الشم والسمع والبصر
صارت معدومه وأختلط عنده كل شئ وتبلدت كل جزئيات وذرات عقله . حتى وصل لمرحله لا يأبه فيها
بكل شئ ! فما يثير دهشة وإستغراب وقلق كل قادم من الخارج يراه هو عادى .
كيف بالله لضابط فى المعاش أن يمتلك بين ليله وضحاها فندق للسلام سموه روتانا
تخيل يامعاويه أن كيلو الطماطم صار سعره 15 ألف جنيه !!
ولولا أسامه داؤود ومزارعه المحميه التى أنشأها فى منطقة شرق النيل لنسى الناس شئ إسمه طماطم
فقدر الكميات الشحيحه الموجوده فى الأسواق تأتى من مزارعه . فلقد هجر المزارع الزراعه لعدم
جدواها بسبب الرسوم والضرائب والجبايات التى أثقلت كاهله .
دينا خالد
عليك الله يا كمال الشمار دا غربلوا لى ناااااعم .. وولدنى انا لسسه ..
ود الباوقة
راجو ان تحدثنا عن المعايش اليومية ... عشان نستفيد اصلو ناويين الرجعة ....
|
1- يا كمال سالم: فندق السلام روتانا مملوك لإبن خرباش وزير مالية سابق (على ما أعتقد) لدولة الأمارات العربية. يعني ما مملوك لعبد الله البشير. روق في علبك.
2- هل تعلم أن سبب غلاء الطماطم هو مزارع ود داؤود! سعر كيلو الطماطم في سوريا يعادل نصف جنيه سوداني لكن حظر استيراد الطماطم حماية لمزارع ود داؤود. عشان كدا سعر الكيلو وصل 20 جنيه مش 15 يا كمال سالم.
المزارعون لم يتركوا زراعةالطماطم لكن الطماطم محصول شتوي ولا تنفع زراعته في الصيف إلا في صوبات زجاجية مثل التي يمتلكها ود داؤود. ولهذا السبب توقف الإنتاج في المزارع العادية. لكن تعال شهر ديسمبر تلقى الكيلو بجنيهين بس.
2- يا دينا خالد: ياتو ولادة القاصداها دي؟
3- ود الباوقة: السودان بألف خير. العاجزون فقط هم الذين يتحدثون أكثر من اللازم. الإناء الفارغ يحدث ضجة أكثر من المملوء. أحزم أمرك وتعال على طول والبلد سترحب بيك وستجد فيهاخيراً كثيراً غير موجود في بلد الماهية والدوامين.
كان زرعت بتستفيد وكان تاجرت بتستفيد وكان قعدت قدام أهلك ونسة ساكت بتستفيد. ما تتأخر وتعال نوريك تسوي شنو. والرزق على الله.
(العوج راي والعديل راي).
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: كيف بالله لضابط فى المعاش أن يمتلك بين ليله وضحاها فندق للسلام سموه روتانا وآخر كان يمتلكه سعودى هارب
من وطنه بتهمة الإحتيال إسمه فندق قصر الصداقه مشيد على مساحه تساوى مساحة كل فنادق الخليج وفى موقع على
النيل لا يقدر بثمن ؟؟؟!!
خبر عادى تتحدث عنه كل المجالس بكل فخر وكلهم أمل فى كسب ود هذا الضابط الهمام والذى قيل أنه الآن من أكبر
رجالات المال فى الوطن العربى وربما نقرأ أسمه قريبا جنبا إلى جنب مع الوليد بن طلال فى ملحمة أغنى عشره أثرياء
فى العالم . |
للعلم فقط ,,
الضابط المعاشى المقصود هنا هو ليس الضابط الطبيب شقيق كبير البلد
فهذا بالرغم من تفرغه التام للأعمال التجاريه الضخمه التى يديرها لم يحال
للمعاش ومازال بالرغم من ثرائه الفاحش يتقاضى راتبه من المستشفى العسكرى
الذى كان يعمل به عندما كان لا يملك سواه .
وللأسف لم يتأخر شهرا واحدا عن إستلامه بالرغم من مطر المال الذى يتنزل عليه
مدرارا !!
إنما المقصود ضابط آخر كان يعمل بالإستخبارات العسكريه وخيره ( باسط )
يقال أن حتى التصنيع الحربى يتبع له ,, وهو شخصيه مشهوره ومعروفه وسط
رجال المال والأعمال وبرضو لا أحد يأبه ويسأل من أين له هذا ؟؟؟
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: بقدر ما إنو ال عنوان حار.. الزول ما بقدر يقول "بِغِم"..
و انا معك..
______________
لو رجعت من سفرتك و ما غشيت عوضية؛ حتي لو القيامة قامت راسها عديل كابس ليك طريقة:)
"عوضية ثقافة اكل السمك الحقيقية" |
يابت ياسوميته باين عليك أمدرمانيه معتقه ؟ معقوله عضوه من ألفين وتلاته وما أصادفك إلا اليوم ؟ !!
ومعقوله بس ما أكون غشيت عوضيه ؟؟ ده أنا كنت ساكن سكنه هناك لمن قالوا السمك بقى يلقوه ميت
بالآلاف على شواطى العاصمه ,, وتتصورى حتى الآن لم يأبه أحد ؟؟
هذا الخبر عم وملأ كل البلد ولقد رأينا بأم أعيننا السمك يطفو على شواطى النهر وحتى هذه اللحظه لم
يفتح الله على مسئول أن يطمئن حتى الناس أو يقول لهم أحذروا إنفلونزا السمك !!
تحياتى ياسوميتا وخليك دائما آبهه .
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: هلا يا ابوكمال
واشرقت الانوار وحمد الله علي السلامة والله..
________________
وركز لينا بالله علي حال واحوال البلاد والعباد والشمار ملحوق بجي صحبك المشا اليابان دااك بوضبو ليك دقاااااااق |
ياكيكى يا صديق , والله الشوق مطر ,, شوق زى شوق ناس السودان للطماطم والتى بقدرة قادر أصبحت أغلى
من التفاح والكمثرى ولحم الضأن ( الذى تأكله ال....... )
ا؛وال البلاد والعباد صارت أفظع من أحوال أهل الفلوجه ,,, تخيل ياكيكى المواطن السودانى صار يقطع الشارع
والعربات مسرعه وهو لا يأبه لشئ ولا يهمه أن دهسته سياره مسرعه أو ملاريا فتاكه فقد تساوى عنده الموت
والحياه ,, يسير فى الطرقات وهو مثقل بالهموم لا يأبه لأى شى ,, لايفكر فى للرجوع إلى البيت إلإ متأخرا حتى
لا يواجه أهل المنزل وهو عائد خاوى الوفاض !!
من أين له حق الرغيف وحق اللحم وحق اللبن وحق الإيجار وحق المدارس ,, أبسط الناس وأفقرهم يحتاج فى اليوم
لخمسين ألفا من الجنيهات أى مليون ونصف فى الشهر ,, أعلى المرتبات فى السودان للغالبيه العظمى لا تتجاوز
المليون جنيه !
وبالرغم من ذلك فقد إقتنع علية القوم وكبارهم أن العامل السودانى لا جدوى منه فملأوا البلد بالعماله الوافده من كل
بقاع الدنيا وفى كل المجالات وصار محمد أحمد المسكين عاطلا عن العمل يائسا من الحياه يلوذ بالنهار عند ستات
الشاى الذين يتخذون ( من حبيبى مفلس ) مكانا لبيع الشاى والقهوه لهؤلاء الغلابه وهم نفسهم أكثر غلبا من الزبائن
وتجدهم فى أحيان كثيره يبثون غلبهم لبعضهم ,, وغالبا ما تداهمم شرطة النظام العام وهم فى ذلك البث الحى لهمومهم
ويحملونهم فى تلك الكوامر التى تركها الإنكليز منذ الخمسينيات بدون أى رحمه أو شفقه وكل ذلك من أجل أن يدفعوا
للمحليه من دمهم وعرقهم وسهرهم دريهمات لا تغنى ولا تسمن من جوع وتتكرر المأسأه يوميا وصدقنى ياكيكى
لا أحد يأبه ,,, لا أحد يقول ( بغم ) وهو يرى بأم عينه أطفال ست الشاى يتحلقون حولها لأنها لا تستطيع أن تتركهم
فى المنزل كل هذه الساعات الطويله وهى فى الخارج تبحث لهم عن لقمة عيش لا تسد رمقهم . ولك أن تتخيل
هذا العدد من ستات الشاى فى الخرطوم وحدها والذين وصل عدد أبنائهم لآلاف مؤلفه وكلهم قد صاروا فاقد تربوى
لعدم إستطاعة ذويهم إدخالهم إلى المدارس والتى يصدح الوالى بمجانيتها وهو يعلم تماما أن كلمة ( مجانى ) هذه
محرمه فى عهد دولته !!!!
الكل لا يأبه يا كيكى وأظننى أنا نفسى لو جلست شهرا آخر لكنت لا آبه !!!!
إنه داء أصاب الكل ,, وكأنه طاعون ,,, وخليك معاى ,, التقيل ورا .
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: مجدى محمد مصطفى)
|
| Quote: حمدالله على سلامه العوده سيد كمال , متابعه لصيقه |
العزيز مجدى محمد مصطفى ,, تحياتى يارجل ,,
حال المواطن السودانى يامجدى صار يدعو للرثاء
فالكل مطبق فاهه بالرغم من المصائب الكبيره
التى تجرى من حوله . لا أحد يستنكر أى شئ , تخيل
فى يوم من الأيام وقبل شهرين تقريبا أشرقت الشمس
فى الصباح ووجد الناس أن السكر صار سعره ألفين
جنيه بدلا عن ألف جنيه وبدل أن يغضبوا ويثوروا
ويحتجوا ! كانت ردة فعلهم بارده وطبيعيه وأخذوا
يتندرون ويضحكون وكلهم إشتروا السكر بسعره الجديد !!
ماذا تقول فى هذا بالله ؟؟
أين هؤلاء من أولئك الذين أسقطوا نميرى وأجبروه فى يوم
من الأيام على تقديم إستقالته عندما زاد سعر السكر من
قرش ونصف لقرشين ؟؟!!
تحياتى وأرجو مشاركتك
فهى محاوله لإستفزاز هذا
الشعب السودانى الفضل حتى
يستفيق ويستعيد وعيه الذى
سلب .
| |
|
|
|
|
|
|
|
|
 Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
***- وكانت المفاجأه أن علمت أن الوزير الجديد الذى تتبع له هيئة الطيران المدنى تصادف أن جاء يوما للمطار لإستقبال أحد أفراد عائلته وعندما كان خارجا إضطر للوقوف لدفع مبلغ الألف جنيه ,, وبعد أن قام بالدفع سأل الموظف الذى بداخل الكشك قائلا له هل هذه الرسوم تتبع للطيران المدنى ؟ وكانت دهشته كبيره وردة فعله أكبر عندما أخبره الموظف بأنهم شركه خاصه !!
***- وبعد تقصى وتحقيق إكتشف ذلك الوزير الهمام إن هذه الشركه تتبع لأحد كبار القوم والذى ليس له علاقه لا بالطار ولا بإدارة الطيران المدنى ,, وإنه كان يتقاضى تلك المبالغ ولمدة عدد من السنوات دون أن يكتشفه أحد !!!
***- لقد جاءت هذه الشركه للمطار ولهفت مالهفت من مال ولسنينا عددا وخرجت من المطار كما يخرج الهلال والمريخ من أى تصفيات دوليه أو قاريه أو إقليميه دون أن يأبه أحد !!!!
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: بكري الصايغ)
|
Quote: البروفة فى جنيفا!
يعنى السودانيين لو حيمشوا الجنة لازمهم دق كدر لى جنيفا او عدن!
جنى |
العزيز جنى ,, حبابك ألف
تصدق ياجنى لو قالو الجنه فى سوق ليبيا مافى سودانى بقدر يصلها لأنو خلاص حيلهم إنهده
والفيهم كملت وصاروا مكتفين بنارهم العايشين فيها دى .
يعنى الشعب السودانى الفضل ده كلوا بقى مستجير بالنار ,,, تقول لى جنيف !!
تحياتى وخليك معاى للمزيد من الدهشه ,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
تحية الي العزيز كمال ... وانا اتاهب لتسطير احرف اسفيرية وانتم في خرطوم الجن بعد ان رايت رسمكم في مركز الفنون مع كوكبة من الاصدقاء ..علمت من عزيزنا علي سالم بعودتكم راجعين الي وطنكم الثاني ..لكن ادهشني استغرابكم عن ما يحدث في البلادفي حق العباد
معلوم ان --محمد احمد--قد انتهي الي مرحلة --ناكل مما نسمع- وانه ليس له محل من الاعراب في بؤرة تفكير الدولة الرسالية القاصدة
وتعلم علم العارف ما تقصده الدولة القاصدة
كنت ابحث عن انطباعاتكم بعيدا عن اخبار اثرياء اليوم_-وكل يوم_ لكنني الان قد ظفرت من الغنيمة بالاياب وتاهت رؤاي في سراديب الانتظار .والذي في ظني سيطول ..اليس كذلك ..مع مودتي
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: معتز القريش)
|
| Quote: أربعون يوما بالسودان ,, حكايات ومرارات ,, |
الأستاذ / كمال سالم ..
أولا : حمد لله على رجوعك سالم ...
.....
بعد السلام و الإستئذان ...
ده بوست أتمنى من الأخ بكرى ( إروّسوا ! ) فوووق ...
من دون مجاملة : هذا هو بوست الموسم ...
...
أربعين يوم ! دى عُمُر زول !!
......
يا اخوى مالك ! طلقت فينا خوفه كدى !!!
و قطعت قلبنا ؟؟؟
هسع ! أنا عندى نية فى باقى الشهر ده أو البعدو !
أمشى أشوف الحاصل شنو ! فى السودان !!!
إسبوعين ! تلاته ! بالكتير !
بكلامك ده إمكن ( أنقصم ! ) لأسبوع واحد !!!
عبدالماجد
| |
|
|
|
|
|
|
|
|
 Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: بابكر عثمان مكي)
|
..
.
Quote: لقد جاءت هذه الشركه للمطار ولهفت مالهفت من مال ولسنينا عددا وخرجت من المطار
كما يخرج الهلال والمريخ من أى تصفيات دوليه أو قاريه أو إقليميه دون أن يأبه أحد !!!! |
يا جماعة العافية درجات ..
اها انحنا البسطاء ديل ما كنا فاكرين الشركة دى ما تابعة للمطار .. جاء مسؤول على الاقل ود حلال
واكتشف المسألة دى مأكلة .. او قرار وقفها .. ما حسابها احتمال تابعة للاحد الخمس الكبار ..
المهم انو النهب المقنن وقف ..
نعم والله
Quote: انا بقترح انشاء مكتب طبيب نفسي عند صالة الخروج لانو بالجد 90%
من الخارجين يعانون صدمات نفسية بسبب اجازاتهم بالسودان . |
ياهو داالسودان ..
والله ما عارف يا بابكر انت ليك كم سنه مغترب ..
لكن صدقنى كلنا زيك سافرنا وتغربنا وعندنا ..
هناكـ فرق .. فى كل شئ .. نعم ليس هو المرضى ..
نعم هناك ما زال الاحتيال والفساد .. ولكن مقارنة بسنوات خلت فلا بأس ..
----------------
قلت لى الاجازة ما تتجاوز 7 ايام ..
اذا كان انت بتقول كدا ,, ماذا تقول الاجيال القادمة
يا ريت مهما حصل بالبلد يجب ان نزرع الحس بالوطنية وحب الارض لابنائنا
عل وعسي ان الله يحسن الحال ..
قال شننو ..
قال صدمة نفسية ..
قرقر قرقر قرقر
شر البلية ما يضحك ..
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: Tabaldina)
|
Quote: ياهو داالسودان ..
والله ما عارف يا بابكر انت ليك كم سنه مغترب ..
لكن صدقنى كلنا زيك سافرنا وتغربنا وعندنا ..
هناكـ فرق .. فى كل شئ .. نعم ليس هو المرضى ..
نعم هناك ما زال الاحتيال والفساد .. ولكن مقارنة بسنوات خلت فلا بأس ..
----------------
قلت لى الاجازة ما تتجاوز 7 ايام ..
اذا كان انت بتقول كدا ,, ماذا تقول الاجيال القادمة
يا ريت مهما حصل بالبلد يجب ان نزرع الحس بالوطنية وحب الارض لابنائنا
عل وعسي ان الله يحسن الحال ..
قال شننو ..
قال صدمة نفسية ..
قرقر قرقر قرقر
شر البلية ما يضحك .. |
سلام ياتبلدينا
شفت الصدمة النفسية الانا بتكلم عنها دي سببها الاساسي الحب الشديد
للوطن ده ، ياخي الواحد طيلة سنين اغترابو عامل زي الشجرة المقلوعة
من تربتها ومغروسة في تربة تانية الشعور دة بالذات بخليك تندفع في شوقك
لي درجة تجيك الصدمة دي بالذات لما تجي تلمس انو العناصر المكونة لتربتك
تبدلت .
وكمان في حاجة تانية في كل اجازة تتالم لمشاهدة ظروف اقتصادية لآخرين
احبابك سيئة فتالم لهم.
وطنيتنا اخي تبلدينا لا مساس فيها علي الاطلاق
فلاتقرقر وانظر بعين المجروح الذي علقت حياته بين فك الرحيل
ومعاناة الوطن ستجد تلك الصدمات النفسية وبكثرة
تحياتي
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: أحمد الصديق)
|
Quote: .وكانت المفاجأه أن علمت أن الوزير الجديد الذى تتبع له هيئة الطيران المدنى تصادف أن جاء
يوما للمطار لإستقبال أحد أفراد عائلته وعندما كان خارجا إضطر للوقوف لدفع مبلغ الألف
جنيه ,, وبعد أن قام بالدفع سأل الموظف الذى بداخل الكشك قائلا له هل هذه الرسوم تتبع للطيران
المدنى ؟ وكانت دهشته كبيره وردة فعله أكبر عندما أخبره الموظف بأنهم شركه خاصه !!
وبعد تقصى وتحقيق إكتشف ذلك الوزير الهمام إن هذه الشركه تتبع لأحد كبار القوم والذى ليس
له علاقه لا بالطار ولا بإدارة الطيران المدنى ,, وإنه كان يتقاضى تلك المبالغ ولمدة عدد من
السنوات دون أن يكتشفه أحد !!!
لقد جاءت هذه الشركه للمطار ولهفت مالهفت من مال ولسنينا عددا وخرجت من المطار كما
يخرج الهلال والمريخ من أى تصفيات دوليه أو قاريه أو إقليميه دون أن يأبه أحد !!!!
ونواصل ,,,,,,, |
نموذج واضح جدا لكيفية ادارة البلاد في ظل الانقاذ
معقولة بس
واصل يا كمال
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: أحمد الصديق)
|
أهلآ
بتتكلم عن لا أحد يأبه بأمر اللهف والفساد والجوع والإنفلات
الاخلاقي بكل انواعه
لكن هناك ماهو أفدح و أخطر ، وبرضو لا أحد يأبه
هل تصدق:
ان سلطة الكيزان تعمل بأسرع ما يكون لتغيير سكان السودان
تغيير سوف يبين أثره قريبآ
وكذلك سوف تبين بلاويه بين السكان الأصليين والوافدين
بين السودانيين أهل البلد والمجلوبين من كل دول الجور ومابعدها
في أقل من ثلاث سنوات سيتم توطين مايقارب ال15 مليون أجنبي في السودان
أي مايقارب نصف سكان السودان الحاليين
وذلك عبر التالي :
- 4 مليون مصري سيتم توطينهم عبر الحريات الأربع
- 3 مليون من الأورومو الأحباش سوف يتم توطينهم في النيل الأزرق
- 3 مليون اريتري من قبائل وزير الداخلية السوداني يوطنوا في الشرق
- 3 مليون من مالي وماجورها من القبائل ( العربية ) في دارفور
المصريين توطينهم سوف يتم في الشمالية وفي الوسط
وذلك مقابل السكوت عن عدد من الملفات الأمنية
الأورومو سيوطنوا في الإنقسنا وفي النيل الأزرق
مقابل السكوت عن بعض الأراضي السودانية المحتلة من أثيوبيا
توطين الإريتريين في الشرق والذي يتولى هذا الملف
هو وزير الداخلية ( السوداني ) الذي كان سكرتير رابطة
الطلاب الإريتريين في الجامعة خلال السبعينات
وتعيينه في المنصب بسبب عملية التوطين هذه ليشرف عليها
ويمنح الجوازات ويوفر الحماية وغيره
من ضمن اسباب الحرب في دارفور هو تهجيير السكان من فور وزغاوة ومساليت
ليحل محلهم مجلوبين جدد من مالي وإفريقيا الوسطى ويقال من الصحراء المغربية
بين المغرب وموريتانيا
والسكان الجدد جميعهم معروفين بالخصوبة المرتفعة
بالمقارنة مع السودانيين
لذلك يتوقع في خلال 10 سنوات أن يكونوا هم الغالبية
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: باسط المكي)
|
الحكايات كثيره والمرارات عديده ولكنى أعتبر مسألة مايسمى
ببصات ولاية الخرطوم هى أكبر مراره وأكبر خدعه وأكبر مذله
يوجهها المؤتمر الوطنى للمواطن المسكين بعد أن تفوق على
على نفسه فيما سمى بالإنتخابات .
وهاكم القصه :
فى عهد الوالى السابق للخرطوم جاءت الفكره الشيطانيه من أحد
أبالسة الثراء السريع بإستجلاب باصات كبيرة السعه بحجة تخفيف
الزحام وخدمة المواطن المسكين بتقديم خدمة توصيل سريعه وراقيه
له ترفع عن كاهله المعاناه !
وشرعت أجهزة الولايه فى تنفيذ الفكره النبيله وأول مابدات به
كان هو ترحيل الموقف القديم الذى كان بقلب الخرطوم فى منطقة
السوق العربى وتحويله لمنطقة السكه حديد بجوار الغابه .
وبالطبع هى مسافه كبيره تقارب الثلاث كيلومترات صار يقطعها
محمد أحمد يوميا مشيا على أرجله من وسط المدينه لذلك الموقف
مجبورا لأن الغالبيه العظمى من الكادحين يعملون فى وسط الخرطوم
وأعتاد الناس على ذلك المشوار الإجبارى ولم يأبه أحد .
وكان الأبالسه فى صعيد آخر يخططون لمصالحهم ولزيادة ثرائهم
وفى صمت كانوا يجهزون فى نفس الموقف القديم بقلب العاصمه
والذى أزالوه بحجة التطوير وتخفيف حركة المرور وعدم تكدس
الحافلات وفوجئ الناس الأسبوع الماضى بعودة الحياة لتلك المنطقه
مرة أخرى بوجود 200 باص كتب عليها زورا وبهتانا ( مواصلات
ولاية الخرطوم ) وهنا أناأتحدى الوالى وكل بطانته أن يثبتوا لنا
أن هذه البصات تتبع للولايه وأن صافى عائدها يدخل فى خزينة
الولايه وأن السائقين يتبعون للولايه !!!
والمأسأة الكبرى والمحزنه والمخزيه أن أولئك الأبالسه قد
قرروا أن يكون عائد إستثمارهم فى هذه الصفقه سريعا وخلال
عام فقط فقرروا أن تكون تذكرة الرحله فى هذا المكوك ألفين
جنيه بالتمام والكمال يدفعها هذا المواطن المغلوب على أمره
حتى يتحقق العائد سريعا ليتفرغوا لإستثمار آخر .
ونسئ الوالى حديثه عن رفع المعاناه عن كاهل المواطن وتناسى
وعوده الإنتخابيه وفرض مايقابل واحد دولار قيمة تذكره لركوب
باص داخل ولاية الخرطوم يقال أنه حكومى !!! .
ففى أكبر عواصم العالم لايتجاوز سعر تذكرة المركبات العامه
بضع سنتات !!
نأتى للتكدس والفوضى التى عادت لتلك المنطقه والتى كان من
أسباب تفريغها هو جعل الحركه منسابه بعد أن وصلت لمرحله
كان الناس لا تستطيع السير على أقدامها فيها ناهيك أن تكون
قائدا لسياره .
حتى الآن لم يأبه أحد ,, فقد تدافع الناس منذ اليوم الأول
لركوبها كيف لا وهى قد وفرت عليهم ذلك المشوار الإجبارى حتى
منطقة الأستاد ؟؟!!
وإذا إستمر الحال على ماهو عليه فهنالك 15 ألف حافله مملوكه
لمحمد أحمد السودانى يتعايش منها الملايين من الأسر سوف يجدون
نفسهم وقد أكلهم الطير .
كل ذلك ولا أحد يأبه !! ولكننى أأبه وبشده وأقول بالصوت
العالى يابرلمان يارئاسة جمهوريه ياوالى أعلنوا لنا الحقيقه
لمن تتبع هذه البصات ولماذا 2000 جنيه للتذكره وكيف تكذب
الولايه وتقول أنها أفرغت وسط الخرطوم من الحافلات لأن المنطقه
صارت لا تحتمل وتعود وتملأها ببصات أكبر حجما لتكون
أسوأ مما كانت ؟؟؟
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: نور الدين عثمان)
|
حمدلله علي السلامة يا كمال يا اخوي..(انا اخوي اسمو جمال يعني ما فرقت)
انا مشيت السودان شهر تلاتة وقعدت28 يوم بالتمام والكمال..
اكتر احساس جاني فيها اني متلقية حجج! اي حاجة بتحصل او موقف غريب
بكون انا الوحيدة البعلق عليهو! مافي اي زول غيري بيفتح خشمو!
والله لو حكيت ليك تتمحن! اول شي قصة الرسوم والقروش البتتشال منك
بالحق والباطل دي مافي زول بيقول فيها بغم!ولما تسأل ناس البيت ولا
الزول المعاك ليه ساكتين ؟يعاينوا ليك زي الكانك جايي من المريخ..
انا بقول ليك الكلام دا وانا سافرت من السودان من مدة بسيطة ..يعني
ما اغتربت قبل عشرين سنة وبعد كدا عملت مقارنة..ابدا
زمان المشاكل في والفساد في ..لكن لما تحصل حاجة ..بتلقي في كمية من الناس
معترضين ومعنقدين..السنة دي لاحظت انو الناس وصلت مرحلة من اليأس عجيب الشكل..
ياخ انا سقت معاي الشغالة المعاي هنا في السعودية لأني كنت ماشة لامتحان
وقلتا تساعدني في الشفع..وحاتك ندمت ندم السنين..اول شي عملت ليها
تاشيرة زيارة للسودان بغرض مرافقة العائلة ودفعت 300 ريال سعودي في السفارة
في الرياض وكنت متخيلة انو خلاص مافي حاجة تاني ..لما عايزين نرجع قالوا لازم
تمشوا تسجلوها في الاجانب! ياخي الزولة دي ماعايزة تقيم هنا..دي عندها زيارة
لمدة شهر ومسافرة معانا! قالوا لا لازم تعمل تسجيل وتاشيرة خروج في شئون الاجانب!
مشينا شئون الاجانب في العلاقات البينية جمب اصحاب العمل قصاد روتانا ..
قالوا عايزين 118 الف جنية بالقديم عشان التسجيل والتأشيرة!
طبعا قدر ما نقنقت قالوا مافي اي مفر..
لعنت الشيطان وقلت يابت ما تعملي لنفسك شلل اطفال..ادفعي القروش
مادام الموضوع رسمي وفي ضابط قاعد واختام وهيلمانة..اها مشيت الشباك
بتاع الخزنة لقيت موظفتين قاعدات ..اديتهم 118 الف قامو ادوني ايصال
رسمي بتاع وزارة المالية بمبلغ 88 الف وبعد داك ورقات كدا ما عندها اي
معني تشبه تزكرة باص ابورجيلة الزماااااان داك..وكلهم لما تجمع مبلغهم
بتلقاهو 108 الف! قمت مشيت للضابط في الشباك القبلهم وقلت ليهو القروش
الانا دفعتها في 10 الف مافيها سند! قام جاب الالة الحاسبة وقعد يحسب
لقي كلامي صاح..قام نادي الموظفة وسألها الحاصل شنو..جات بزهج كدا
وقالت لي:في شنو يا اخت ؟المشكلة شنو؟
الاخت رشا:انتي قلتي لي ادفعي 118 والايصالات والدمغات دي بمبلغ 108
الموظفة:لا طبعا ماممكن(وعوجت لي خشمهاوهزت كتفها اليمين)
الاخت رشا:والله انا حسبتها والضابط دا حسبها
الموظفة:دقيقة هسي بحسبها ليك(وشالت الالة الحاسبة وبقت تحسب 88+؟؟+؟؟
=108 ؟؟تقوم تعوج خشمها تاني وتهز كتفها وتصر وشها في حيرة شديدة
وتاني تبتدي من الاول 88+؟؟+؟؟+؟؟+؟؟=108 وهلمجرا عملت السيناريو
دا زي خمسة مرات كدا)
وهي طبعا في الوكت دا she was tring to buy time to invent a lie
اها وحاتك بعد التضريبات والتحسيبات دي فجأة قالت لي :ايواااااااا
انا نسيت عشرة الفاييييييل!
طبعا الضابط مات من الضحك..والاخت رشا احتسبت..
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: معتز القريش)
|
| Quote: الحمد لله على السلامة يا كيمو |
الله يسلمك ياود القريش ,, ومشتاقين كتير والله ,,
تعرف لحدى الآن الحسنه الوحيده فى حكومة إنتخابات الخج دى
هى تعيين أخوك وزير للثقافه ,, ولحين ما طيارتهم تقوم بكون أحسن
أداء هو أداؤه ,, لأنه قادم من رحم الثقافه .
ولأنه حتى الآن لم يتلوث ,, وسيرته ومسيرته نظيفه .
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
تـحياتي ومـودتي اخـي كمال سـالـم:
(1)-
سـودان -2010- بلســان شـاهـد من أهلها:
خطيب مسجد كلية الطب يحذّر من كارثة أخطر من الزلازل بسبب تفشي الفاحشة والاغتصاب!!
*************************************************************************************
الـمصـدر:
©2007 - 2010 Alwatan News صحيفة الوطن. All rights reserved.
بتاريخ:
2010-07-17
-----------------------------------------------------
***- خصَّص خطيب مسجد كلية الطب جامعة الخرطوم، الداعية عبدالحفيظ أحمد الفكي في خطبة الجمعة أمس الحديث عن مخاطر اللواط والاغتصاب على المجتمع. وتناول «المناشيت» الذي أوردته «الوطن» عن «دراكولا» آخر يغتصب طفلة على طريقة مرام وشيماء، وخبر السجن «5» سنوات والجلد«100» جلدة لمغتصب طفل، الى جانب الهزة الأرضية التي ضربت الخرطوم الجمعة الماضية.
***- وقال الخطيب إن الزلزال من علامات الساعة ونذير. وأن اللواط كان في كل العالم ولكنه جديد على السودان. وأكد أن اغتصاب وقتل الأطفال ظاهرة تنبئ عن خطر. ويرى الخطيب ضرورة دراسة لهذه القضايا، يشترك فيها كل ذوي الاختصاص. وحذّر من أن الاستهانة بمثل هذه الجرائم ستؤدي الى كوارث أخطر من الزلزال.
***- وأورد في خطبته قصة قوم لوط عليه السلام. وقول النبي «صلى الله عليه وسلم: «أخوف ما أخاف عليكم عمل قوم لوط...» ولعن من فعل فعلهم ثلاثاً.
(2)-
بإيجاز:
يا للمفارقة الموجعة الخرطوم وجوهانسبيرج..!!
**********************************************
الـمصـدر:
جميع الحقوق محفوظة لصحيفة الرأي العام © 2008
بتاريخ:
2010-07-17
------------------------------------------
***- مع كل حدث أو تجربة، لا بد من الاستفادة والافادة والاستيعاب، فما من حدث إلاَّ وله قراءة في أكثر من جانب واتجاه، ويمكن الالتفات إلى حدث في حجم ألعاب المونديال في جنوب أفريقيا، ولأول مرة في القارة الأفريقية، وكيف تحولت جوهانسبيرج البعيدة النائية إلى قلب العالم كله بفضل ثورة الاتصالات، وسحر وجاذبية كرة القدم، وأكثر من مليار انسان تابع ما جرى في ملاعبها مأخوذاً ومشدوهاً، ثم كيف خطفت اسبانيا بالثبات والتأهيل الجيد وبشباب متوثب ومؤدب «الكأس العالمي» من دول عظمى لها تاريخها الناصع في لعبة كرة القدم مثل: البرازيل والأرجنتين وألمانيا وايطاليا وبريطانيا وفرنسا وهولندا إلى آخر القائمة التي اعتادت على الحصول عليه في سنوات ماضية،
***- ولكنها تراجعت وتقدمت أسبانيا وحدها، وبهدف واحد سيظل محفوراً في ذاكرة الجميع، ثم كيف تابع العالم كله بهجة وفرح شعب اسبانيا حين اطلقت الصواريخ والاناشيد الوطنية، والرقصات والاغنيات الشعبية بهذا النصر العالمي المذهل وانفردت به دون سواها وستحتفظ به على مدى أربع سنوات وقد تكرره مرة أخرى، ونقلت الفضائيات مشاهد معبرة لدموع الاسبان وهم يحتضنون أفراد الفريق الذي جعل اسم اسبانيا على كل لسان وفي صدارة اعلام العالم وكانت معاني الفخر مزدوجة، فهم نالوا التفوق بجدارة واستحقاق، ولكن الأهم انهم لعبوا بعقلية الفرسان بلا وجل ولا خوف، ولا رد فعل على تجاوز المتنافسين ضدهم.
***- أما جنوب أفريقيا فقد انتزعت التقدير وعن جدارة أيضاً لأنها فعلت ما هو مطلوب تماماً «لمونديال عالمي» وتفوقت على دول أوروبية، استخفت بجنوب أفريقيا باعتبارها جزءاً من قارة منسية، أو قارة متخلفة لا تصلح لملتقى عالمي! ولن تكون مستعدة له! ويصعب اغفال العلاقة التاريخية بين السودان وجنوب أفريقيا، لقد كان السودان أول من يستقبل العام 1957م وفد ثوار جنوب أفريقيا بقيادة نلسون مانديلا الذين قادوا النضال ضد التفرقة العنصرية وضد الاستعمار وضد القهر والظلم، وكان السودان أول دولة تقدم عوناً ومساعدات مادية مباشرة، ويسمح بفتح معسكرات للتدريب العسكري للثوار، ويعلن البرلمان السوداني وقوف شعب وحكومة السودان مع شعب جنوب أفريقيا وتطلعاته للحرية والعدالة والمساواة، وفي العام 1957م، كانت الكرة السودانية في ذروة ازدهارها.
***- وكان فريق الكرة السوداني مهاباً ومحترماً برموزه ومهاراته الكروية، وكان السودان الوطن والرمز والموقف والمبدأ، والحضارة والمبادرة يتصدر في كل مجال. وأنظر كيف تقدمت جوهانسبيرج بعد (50) سنة بالجهد والمثابرة إلى حد اختيارها ونجاحها الباهر في احتضان المونديال العالمي،......وتمعن كيف تراجعت الخرطوم بالضمور والشحوب إلى حد غياب من يمثلها ولو بمشاركة رمزية في مباراة واحدة؟ وكيف تُعرف الخرطوم بالتدهور والاضطرابات؟ يا للمفارقة المحزنة الموجعة!.
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: عماد الشبلي)
|
Quote: أبو ساندرا
في أقل من ثلاث سنوات سيتم توطين مايقارب ال15 مليون أجنبي في السودان
أي مايقارب نصف سكان السودان الحاليين
وذلك عبر التالي :
- 4 مليون مصري سيتم توطينهم عبر الحريات الأربع
- 3 مليون من الأورومو الأحباش سوف يتم توطينهم في النيل الأزرق
- 3 مليون اريتري من قبائل وزير الداخلية السوداني يوطنوا في الشرق
- 3 مليون من مالي وماجورها من القبائل ( العربية ) في دارفور
المصريين توطينهم سوف يتم في الشمالية وفي الوسط
وذلك مقابل السكوت عن عدد من الملفات الأمنية
الأورومو سيوطنوا في الإنقسنا وفي النيل الأزرق
مقابل السكوت عن بعض الأراضي السودانية المحتلة من أثيوبيا
توطين الإريتريين في الشرق والذي يتولى هذا الملف
هو وزير الداخلية ( السوداني ) الذي كان سكرتير رابطة
الطلاب الإريتريين في الجامعة خلال السبعينات
وتعيينه في المنصب بسبب عملية التوطين هذه ليشرف عليها
ويمنح الجوازات ويوفر الحماية وغيره
سلمى الشيخ سلامة
اوجع ما قرات
شكرا لاوجاعنا ياكمال
لان البلد حالها واقف وما عندها وجيع للاسف
حاجة مخزية
رشا سالم
زمان المشاكل في والفساد في ..لكن لما تحصل حاجة ..بتلقي في كمية من الناس
وبعد داك ورقات كدا ما عندها اي معني تشبه تزكرة باص ابورجيلة الزماااااان داك
|
الأخ أبا ساندرا
أعتقد تعلم أنني كم أعزك. ولهذا أطلب منك عدم نقل الشهادات السمعية وكتابتها لأن الكلمة المكتوبة خطيرة ولا يزول أثرها مثل الكلام الشفهي المسموع نقلاً.
لم يكن وزير الداخلية طالباً جامعياً في السبعينيات. فهو أصغر عمراً من أن يكون طالباً في ذلك الوقت. ثانياً لم تكن في السودان جامعات في السبعينيات ولكن جامعة واحدة ولم يكن بها طلاباً إرتريين في ذلك الوقت على الأقل حتى العام 1977. ولهذا لا توجد رابطة للطلاب الإرتريين في ذلك الوقت. أتمنى أن يكون التاريخ خطأ وأنت صح في المعلومة. والله أعلم.
الأورومو سيوطنوا في الإنقسنا وفي النيل الأزرق مقابل السكوت عن بعض الأراضي السودانية المحتلة من أثيوبيا
الكلام دا ما راكب عدله أتمنى أن يكون خطأك لغوياً. يعني بالمثل العربي: (المقتول أبوك والدية عليك) يستوطن الأرومو في السودان مقابل الأراضي المحتلة بأثيوبيا.. تقصد الأراضي حيرجعوها للسودان ولا حتظل محتلة من إثيوبيا؟؟
يا سلمى الشيخ سلامة: نأبه لكن على طريقتنا مش زي القاعدين في ام طرقاً عراض ويناضلون بالكيبورد ويأكلون البيرقر ويشربون (الماتيسر) ويقعدوا يلوموا في الناس القاعدين في السودان. ياعالم إختشوا وخلونا في حالنا. كدا البلد عا########ا والماعاجبو يقعد مطرح ما هو قاعد والبلد ما ناقصة وال15 مليون بتاعين ابا ساندرا حيسدوا فرقتكم بالزيادة.
يا رشا سالم قولي عدد من الناس. كلمة كمية من.. الحاجات الجامدة وغير عاقلة. على الناس بقولوا عدد. مش إنت من بنات ام درمان وبتعرفي تذاكر بصات أبورجيلة. قربت تكوني دفعة يا بت أمي.
(العوج راي والعديل راي)
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: cantona_1)
|
Quote: ولقد لفت إنتباهى ونحن خروج من بوابة المطار عدم وجود الكشك الذى يتحصل مبلغ
ألف جنيه من كل عربه خارجه من المطار والذى كان موجودا لمدة عشره سنوات تقريبا .
سألت شقيقى حسن بإستغراب ودهشه أين الكشك ؟؟ لعلمى التام أن الرسوم والجبايه فى دولة
المؤتمر الوطنى لا تلغى بل هى فى إزدياد دائم . |
سيد الخيط ومشاركوه
سلام
وذات الشيء لفت انتباهي وسالت
فقيل لي
شركة خاصة تخطط لبناء مواقف سيارات بالساعة
فبدلا عن الالف التي كانت تُدفع لساعات الانتظار
سيدفع المواطن المغلوب على أمره أكثر من الالف لكل ساعة
وياريتها للحكومة ! بل لشركة خاصة
شفت حرفنة الناس دي كيف
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: Al Sunda)
|
Quote: يا كمال حرام عليك
اخر مره اتصلت قالو لى كمال مشى السينما ؟
فى بلد قيامته قامت بخشو فيها سينما ؟!!!!!!!!!!!!!!!!!!!!!!!!!!!!!!!!!!!!!!!!!!!!!! |
العزيز عمر سعد ,, تحياتى يادكتور ,,
قلت سينما !!! يأخ الناس فى السودان إفتكروا السينما دى بقت من الماضى وإنها إنتهت بموت جون واين
وشارلس برونسون بعد أن صارت دور العرض فى السودان أوكار للجريمه وأماكن للتبول .
معظم الناس لم يسمع ببراد بيت أو أنجلينا جولى أو الساحره ساندرا بولك ,, فالهم الأكبر صار هو كيف يوفرون
حق وجبه واحده فقط يأكلها الناس قبل أو بعد المغرب .
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: فالهم الأكبر صار هو كيف يوفرون
حق وجبه واحده فقط يأكلها الناس قبل أو بعد المغرب . |
طيب من وين بيجيبوا حق تذاكر مباريات هلال مريخ؟
بعدين في برنامج افراح افراح بتاع النيل الأزرق، دائما نشوف نسوان سمان وشفع مبغبغين، حتقول دي الطبقة الطفيلية وكدا، طيب أيه رأيك في الشروق مرت من هنا، فيها نشوف ناس القرى والأحياء زي الورد ومبسوطين وآخر فرفشة والواحد يجر التمساح من بحروا...يا جماعة انتو لسع بتكتبوا باسلوب جريدة الخرطوم لما كانت في المعارضة في منتصف التسعينات وقبل القنوات الفضائية..يا ناس رفقا بعقولنا
خليكم مع الزمن
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: Barakat Alsharif)
|
| Quote: كيمو ، سلامات،واجازة طيبة بين الاهل. |
فيصل الزبير ,, سلامات يارجل ,,
السودان يافيصل يحتاج لأقلام مثل قلمك
وشجاعه مثل شجاعتك فالكل أصبح ممسكا
العصا من النص .
لا أحد يستطيع أن يتحدث فى الممنوع , فقد
وضع المؤتمر الوطنى خطوط حمراء لكل من
يكشف حقيقه أو يفضح شخصيات محدده من
علية القوم بالرغم من فسادهم الواضح البائن .
كان الله فى العون ,,
مع تحياتى إلى أن نلتقى ,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
استاذ كمال وضيوفة/اته الكرام
سلام
Quote: بمعنى أن ( القيامه قامت ) ولكنها لسبب يعلمه الله بدأت بالسودان والمصيبه الكبرى
إن الناس لايعلمون فقد إختلط عندهم الإحساس بالحياة الدنيا والحياة الآخره . فالمواطن
فى السودان ومن حيث لايدرى سلبت منه كل الأحاسيس الإنسانيه حتى حاسة الشم والسمع والبصر
صارت معدومه وأختلط عنده كل شئ وتبلدت كل جزئيات وذرات عقله . حتى وصل لمرحله لا يأبه فيها
بكل شئ |
بغض النظر عن مدى صحة او عدم صحة هذه الخلاصة فانها تفتقر لادنى الاسس العلمية في التشريح والتحليل
والوصول لخلاصلات ، بمعنى من اين لك كل هذا التعميم
وما هي المعايير التي استخدمتها لقياس هذا السلب وما هي عينتك وعددها و و و و
وكيف استطعت ان تتغلغل في دواخل كل افراد الشعب السوداني وتقيس لتصل لهذه الخلاصة
عموما تعليقي هذا ليس دفاعا عن راي معاكس بقدر ما هو لفت نظر لتعميم مخل
للتدليل على وجود تباينات واختلافات نوعية بين الافراد داخل البيت الواحد والمؤسسة الواحدة والمدينة والولاية والخ.....
انا قاعدة في السودان واعتقد اني لم افتقد حواسي المذكورة عاليه
غايتو يا ناس لا برة بالغتو فينا كل يوم زول طالع لينا بحاجة جديدة لكن تعميمك كان القشة التي قصمت ظهر البعير
تعميمك مرفوض
ولكن باختصار
كل ما ذكرت من اعراض هونتيجة للفقر المدقع التي تعيشه المدينة "توجد احصائية تقول ان 90% من السودانيين يعيشون تحت خط الفقر "
اضافة الى انعدام ابسط حقوق الانسان في الحياة والتعبير والحرية والكرامة و..... والمرتبط بدوره بالجوانب السياسية الاقتصادية
هذا ناهيك عن مشاكل المواطنين في بقاع السودان المختلفة من انعدام الامن والخوف والحرب والقائمة تطول
كل هذا لا يعني تبلد الاحساس فمدينتنا تنبض بحياة قد لا يراها زائر في خلال اربعين يوما
وابو ذر الامين ود ناهد ولبنى ، و.....واغلاق الصحف خير نماذج على وجود حراك وليس سكون والحراك ياتي نتيجة للاحساس
ولي عودة اخرى
وقبل عودتي
ان كانت هذه الخلاصة للفيلم الذي دار اربعون يوما
ما دور المتفرجين وهم كثر عل الاقل في هذا البوست من امنوا على انهيار المواطن وانهيار دولة السودان واختفاء ملامح الزول .
الخلاصة:
اؤمن على التباين ، ارفض الاتهامات الموجهة جزافا لشعب صامد يعاني ويناضل وحتما رياح التغيير اتية
بكرة احلى
خارج النص:
تحياتي للبنيات الحلوات
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: cantona_1)
|
فقط لتصحيح معلومة:
| Quote: لم يكن وزير الداخلية طالباً جامعياً في السبعينيات. فهو أصغر عمراً من أن يكون طالباً في ذلك الوقت. ثانياً لم تكن في السودان جامعات في السبعينيات ولكن جامعة واحدة ولم يكن بها طلاباً إرتريين في ذلك الوقت على الأقل حتى العام 1977. ولهذا لا توجد رابطة للطلاب الإرتريين في ذلك الوقت. أتمنى أن يكون التاريخ خطأ وأنت صح في المعلومة. والله أعلم. |
في فترة دراستي في جامعة الخرطوم 1967-1973 اتذكر طالبا واحدا ارتيريا (غاب عن ذاكرتي اسمه) وليس بالتاكييد من الاسامي المعروفة وسطنا الان
في السبعينات كانت هنالك ثلاث جامعات : جامعة الخرطوم وجامعة القاهرة الفرع وجامعة ام درمان الاسلامية
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
(1)-
اكيـد انت في السودان
*********************
الـمصـدر:
http://algorer.com/vb/archive/index.php/t-640.html
الموقع:
(منتديات القـريـر)،
بتاريـخ:
23-01-09-
الكاتب:
عادل اليمني.
--------------------------------------------
1- لو دخلت (الوزارة) وأنت مؤجر في (زقلونا) وطلعت وعندك عمارتين في (قاردن سيتى )..تبقى أنت أكيد في السودان...
2-لو اشتغلت في الخدمة المدنية 30 سنه وأدوك معاش شهرى يساوى 6 كيلو لحمة ...تبقى أنت أكيد فى السودان...
3-لو توقفت (الحركة) إثناء ساعات (الذروة) وإكتشفت أن السبب (كشه).... تبقى أنت أكيد فى السودان...
4- لو عدمت (التعريفة) وكمان دخلت فى (ديون) للإيفاء بنفقات (فراش) قريبك الذى توفى إلى رحمة الله... تبقى أنت أكيد فى السودان...
5- لو وجدت أن (ترخيص عربتك) يساوى (ربع) قيمتها …. تبقى أنت أكيد فى السودان...
6-لو تقدم إبنك (المهندس) لشغل وظيفة وكان (الإنترفيو) عن (صلاة الجنازة)... تبقى أنت أكيد فى السودان...
7-لو (فجأة) إكتشف (المسئولون) أن (الخريف) على الأبواب).... تبقى أنت أكيد فى السودان...
8- لو عندك (الكلية) اليمين متعطلة وعاوزين يشيلوها ليك قامو (إستأصوا) الشمال السليمة لأنو الدكتور كان ماسك الأشعة> (بالمقلوب)... تبقى أنت أكيد فى السودان...
9- لو قرأت الصحف فى 1987 أو فى 2000عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فى السودان...
10- لو ضربتك عربية حكومة و مشيت القسم و طلعتا انت> الغلطان... تبقى اكيد انت في السودان...
11 -لو خشيت مؤسسة حكومية ولقيت الموظفين مافي اثناء الدوام.. تبقى اكيد انت في السودان...
12-لو طلعت مستحمي و متريح وماشي عرس و دخلت العرس زي الكأنك كنت بتلعب كورة... تبقى انت اكيد و اكيد في السودان...
13- لو ماشي مشوار 20 كيلو متر و وصلتا في 4 ساعات... تبقى انت اكيد في السودان...
14- لو لقيت مطعم وقدامو دورات مياه... تبقى اكيد انت في السودان...
لو مشيت الحوادث و قالو ليك لو (عندك رصيد اضرب للدكتور لانو نايم)... تبقى انت اكيد في السودان...
15- و عندك (الكلية) اليمين متعطلة وعاوزين يشيلوها ليك قامو (إستأصوا) الشمال السليمة لأنو الدكتور كان ماسك الأشعة> (بالمقلوب)... تبقى أنت أكيد فى السودان...
16- - لما تلاقى الترزي كاتب على باب المحل بتاعو آية بتقول ( وفصلنا كل شئ تفصيلا) صدق الله العظيم … تبقى أنت أكيد في السودان...
17- لو أهم (كبرى) فى عاصمة البلد صيانتو عاوزة ليها (سنتين)… تبقى أنت أكيد فى السودان...
18- لو لقيت حي ساكن فيهو مسؤول كبير و الكهرباء فيهو ما بتقطع نهائى... تبقى اكيد انت في السودان...
19- لو وجدت أن رؤساء (الأحزاب) هم (رؤساء) مدى الحياة... تبقى أنت أكيد فى السودان...
20- لوخشيت مؤسسة حكومية ولقيت الموظفين مافي اثناء الدوام.. تبقى اكيد انت في السودان...
21- لو (لبد) ليك شرطى (مرور) فى نهاية شارع (إتجاه واحد) وخلاك لمن دخلت وجاك بى (دفتر إيصالاتو) تبقى أنت أكيد في السودان...
22- لو لقيت ليك مجنون حايم في وسط السوق ، ما لابس هدوم انت اكيد في السودان...
23- ولو لقيت ناس فارشة في نص الشارع وبتكورك سبعة ونص سبعة ونص انت اكيد في السودان...
24- ولو خشيت مطعم لقيت الصحاني مقلعة و معفصة اكيد تكون في السودان...
25 -ولو لقيت موية البلاعة سايلة في الشارع وريحة ضاربة انت اكيد في السودان...
26- ولو لقيت الشوارع كلها اكياس طايرة اكيد انت في الخرطوم...
27- لو لقيت انسان مارق سفة في الشارع ومبزق في الواطة اكيد انت في سودانا الحبيب...
--------------------------------------------------------------------------------------------
(2)-
تبقى اكيد فى السودان
**********************
http://www.halaween.net/forum/archive/index.php/t-5842.html
و بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده تبقى أكيد فى السودان...
• لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان...
• لو طالعتك إعلانات شركات (مسئول) كبير وهو لا زال (فى الخدمة)… تبقى أنت أكيد فى السودان...
• لو لقيت فى بلد ما فيهو (معينات البحث العلمى) وكل يوم الجامعات تناقش (خمسين) رسالة دكتوراة و(ميتين) رسالة (ماجستير) … تبقى أنت أكيد فى السودان...
• لو إنت فى بلد وزارة الصحة فيهو قالت (الدواء) ده (فاسد) أحظروهو .. وبعد شويه قالت (ما فاسد) خلوهو .. وبعد شويتين (فاسد) أمنعوهو …. تبقى أنت أكيد فى السودان...
• لو لقيت فى بلد (الصحف) بتتقفل بى (ماده) فى القانون (معموله) للمطاعم … تبقى أنت أكيد فى السودان...
• لما تتعمل عملة جديده وتكون قابلة (للتزوير) … تبقى أنت أكيد فى السودان...
• لما تخلص تدخل (مكان) وتيجى تركب عربيتك تلاقى (المساحات) مرفوعه عشان تعرف على طول انو فى واحد مسحها ليك وح ياخد منك ألف جنيه...
• لو (إتزنقت) وما لقيت (مراحيض عامة) … تبقى أنت أكيد فى السودان...
• لو بحثت فى كل البلد عن مواطن عضو فى (الحزب الحاكم) وما لقيت… تبقى أنت أكيد فى السودان...
• لو أهم (كبرى) فى عاصمة البلد صيانتو عاوزة ليها (سنتين) .. … تبقى أنت أكيد فى السودان...
• لو لقيت إنو وزارة الداخلية عندها مؤسسات (تعليمية) ووزارة التعليم عندها مؤسسات (صحية) ووزارة الصحة عندها (شركات إنشائية)… تبقى أنت أكيد فى السودان...
• لو لقيت طالب بيقرأ (طب) ونسبتو 59% …. تبقى أنت أكيد فى السودان...
• لو عاوز تفتح (بلاغ) وقالو ليك أدفع (رسوم) …. تبقى أنت أكيد فى السودان...
• لو إتقدمت لى وظيفة وعندك (امتياز) وقامو عينو زميلك العندو (مقبول) طبعا يبقى انت اكيد اكيد فى السودان...
• لو وجدت عيادات (للدجل والشعوذة) فاتحة تستقبل (الزبائن) على عينك يا تاجر…. تبقى أنت أكيد فى السودان...
• لو مكث (مرتبك) معك (تلاته ساعات وإطناشر دقيقه) هى الفترة من لحظة إستلامه من الصراف إلى حين عودتك للمنزل …. تبقى أنت أكيد فى السودان...
• لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان...
• لو وجدت أن نسبة الفقر تزداد بإزدياد (معدل النمو) …. تبقى أنت أكيد فى السودان...
*. عرفت بانه قد تم بناء ثلاث عمارات وتشطيبها وتأسيسها وبعد ذلك اكتشفوا بانها غير مطابقة للمواصفات وسوف يتم إزالتها تبقى اكيد انت فى السودان...
*لو كنتا بتسمع بي مشاريع كبييييييييييرة على شاكلة كنانة والرهد وتشوف لافتات وعربات ومدراء ووزراء وتسمع قصايد وغناء ونفيرات (دي جمع نفير) ، وتجي تلقا دا كلو (حكي) تبقى اكيد انت فى السودان...
كسرة :
----------
لو قريت الحاجات الفوق دى كلها ولقيتها موجوده وما لقيت إنك فى (السودان) تبقى أكيد (غلطان) !!
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: اخي كمال
راجو ان تحدثنا عن المعايش اليومية ...
عشان نستفيد اصلو ناويين الرجعة .... |
العزيز ود الباوقه ,, تحياتى يازول ياكلس ,,
وأنا مبسوط جدا لرجعتك دى لأنى متأكد إنك زول
حقانى وعندما تسمع وترى بنفسك الحال المائل
الذى آل إليه السودان فإنك سوف تقتنع تماما بأنك
كنت تنفخ فى ( قربه مقدوده ) وسوف نقرأ لك هنا
كتابات مختلفه تماما عن ما كنت تكتبه وأنت بعيد.
أتمنى لك عودا حميدا وإقامه طيبه إذا وجدت .
تحياتى ,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: Abureesh)
|
QUOTE
11 -لو خشيت مؤسسة حكومية ولقيت الموظفين مافي اثناء الدوام.. تبقى اكيد انت في السودان...
الأخ كمال سالم..
شايف الأخ بكرى الصائغ واستهدافه المتعمد للموظفين؟ فهولاء ياودالصائم وبعد صلاة الظهر التى تستغرق قرابة الساعة والتى تأتى بعد ساعة الفطور والتى ايضا تستغرق ساعة لديهم حلقات للحفظ والتلاوة وذلك حتى نخلق منه القوى الأمين العابد المتبتل صاحب الأيدى المتوضئة...اى نعم كل ذلك وفى اثناء ساعات الدوام الرسمية ولكنه ايضا من اجل خدمة ومن اجل سواد عيون المواطن السودانى الذىى يسمى محمد احمد .
بالمناسبة المواطن محمد احمد ده منو ؟ متذكرين اسم بالشكل ده ؟ ماخلاص راحت عليك يابوحميد.
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: قلقو)
|
Quote: للطماطم والتى بقدرة قادر أصبحت أغلى
من التفاح والكمثرى ولحم الضأن ( الذى تأكله ال....... )
ا؛وال البلاد والعباد صارت أفظع من أحوال أهل الفلوجه ,,, تخيل ياكيكى المواطن السودانى صار يقطع الشارع
والعربات مسرعه وهو لا يأبه لشئ ولا يهمه أن دهسته سياره مسرعه أو ملاريا فتاكه فقد تساوى عنده الموت
والحياه ,, يسير فى الطرقات وهو مثقل بالهموم لا يأبه لأى شى ,, لايفكر فى للرجوع إلى البيت إلإ متأخرا حتى
لا يواجه أهل المنزل وهو عائد خاوى الوفاض !!
من أين له حق الرغيف وحق اللحم وحق اللبن وحق الإيجار وحق المدارس ,, أبسط الناس وأفقرهم يحتاج فى اليوم
لخمسين ألفا من الجنيهات أى مليون ونصف فى الشهر ,, أعلى المرتبات فى السودان للغالبيه العظمى لا تتجاوز
المليون جنيه !
وبالرغم من ذلك فقد إقتنع علية القوم وكبارهم أن العامل السودانى لا جدوى منه فملأوا البلد بالعماله الوافده من كل
بقاع الدنيا وفى كل المجالات وصار محمد أحمد المسكين عاطلا عن العمل يائسا من الحياه يلوذ بالنهار عند ستات
الشاى الذين يتخذون ( من حبيبى مفلس ) مكانا لبيع الشاى والقهوه لهؤلاء الغلابه وهم نفسهم أكثر غلبا من الزبائن
وتجدهم فى أحيان كثيره يبثون غلبهم لبعضهم ,, وغالبا ما تداهمم شرطة النظام العام وهم فى ذلك البث الحى لهمومهم
ويحملونهم فى تلك الكوامر التى تركها الإنكليز منذ الخمسينيات بدون أى رحمه أو شفقه وكل ذلك من أجل أن يدفعوا
للمحليه من دمهم وعرقهم وسهرهم دريهمات لا تغنى ولا تسمن من جوع وتتكرر المأسأه يوميا وصدقنى ياكيكى
لا أحد يأبه ,,, لا أحد يقول ( بغم ) وهو يرى بأم عينه أطفال ست الشاى يتحلقون حولها لأنها لا تستطيع أن تتركهم
فى المنزل كل هذه الساعات الطويله وهى فى الخارج تبحث لهم عن لقمة عيش لا تسد رمقهم . ولك أن تتخيل
هذا العدد من ستات الشاى فى الخرطوم وحدها والذين وصل عدد أبنائهم لآلاف مؤلفه وكلهم قد صاروا فاقد تربوى
لعدم إستطاعة ذويهم إدخالهم إلى المدارس والتى يصدح الوالى بمجانيتها وهو يعلم تماما أن كلمة ( مجانى ) هذه
محرمه فى عهد دولته !!!! |
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: قلقو)
|
حمدا لله على السلامة يا كيمو..
مشيت لقيت السوس نخر,,
والإحباط ضرب ,,
البلد تجرى مسرعة بإتجاه الهاوية..
تطير نحو الضياع بسرعة الصاروخ ,,
وكيزان يغالطوك فى إسمك ,,
تعصر عليهم ينكروا عليك دينك!!
والبعض بقو مؤتمر وطنى ساااااى!!
سليقة بس!!
مساكين فقراء وكادحين لا يملكون حق الفطور
لكن لا يرون غير هؤلاء لحكم البلد!!
الجماعة (فرمتو) شعبا بكامله!!!!
أعادوا صياغة الأمة بأسرها!!!
يا كمال إنت مواطن غير وطنى,,
عشان مشيت السودان لم تر سوى
عاهاته !!
ياخ ما شفت إنجازات وإعجازات
ثورة الإنقاذ!!!
شوارع وطرق وجسور وسدود وأمان وأمن غذائى..
مدارس ورياض أطفال وجامعات ومعاهد وكليات,,
ورخاء ووفرة وخضار ولحم ودقيق وجازولين!!
دا كلو ما شفتو!!
العلاج بالمجان والصحة العامة والشوارع النضيفة!!
الأدب وإحترام الإنسان لأخيه الإنسان فى شوارع الخرطوم..
وإحترام القانون ورجال القانون؟؟
يا كيمو الجماعة باعوا بلد وقبضوهم ربع التمن
والباقى هرشوهم وقالو ليهم يلا بلا لمّةّّّ!! وهسه كلنا
فى الهوا سوا منتظرين يشوفو نهاية الفلم دا معانا !!
وصدقنى نصهم حا يعمل رايح,,,
الشعب السودانى أصبح مصدقا أن المعاناة هى أصل الحياة !!
المعاناة طابع حياتهم اليومى لذلك هم لا يأبهون ولا تفرق
معهم أن يحدث شئ أو لا يحدث!!!
لك الله يا بلد...
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: أيمن الطيب)
|
Quote: الشعب السودانى أصبح مصدقا أن المعاناة هى أصل الحياة !!
المعاناة طابع حياتهم اليومى لذلك هم لا يأبهون ولا تفرق
معهم أن يحدث شئ أو لا يحدث!!! |
قبل التعليق على الاقتباس اعلاه.....اقول للزعيم كمال سالم الف حمد لله على السلامة و انشاء الله بيناتنا تلفون....
أيمن.....يا زول انت جنيت و لاشنو؟؟؟
ديل ناس الله و الدين....سيماهم فى ذقونهم من اثر شرب دماء الشرفاء..واكل مال اليتيم....و لا يحضون على طعام المسكين.باسم الدين يحكمون الرقاب و العباد....
يحللون ماحرم...و بفقه الضرورة يحكمون....
و قال الله تبارك وتعالى: {أرأيت الذي يكذب بالدين. فذلك الذي يدع اليتيم. و لايحض على طعام المسكين} الماعون:1-3.
ثم من انت حتى تتصدى لهؤلاء و انت فى نظرهم إلا "نكرة" ترتع فى سماء التشتت....فلن يعيروك اهتماماً لم يعيروهوا الى الذين هم فى الداخل........فما لهم من بالخارج....فلتذهب الى الجحيم...لسان حالهم يقول....!!!
أما يحدث فى السودان (البلد المنكوب) ليست بغريب....فهم يعملون بنهج مخطط له بى إحكام و تروى....."الفوضى الخلاقة"....."السرقة الخلاقة".....فلن تبقى أخلاق...و لا فوضى بل اذعان....و خنوع و هذأ ما يحدث الان..
الم يصيحيون قبل 21 عاماً باننا لن نترك الحكم و حتى لو حكمنا "الخرطوم"!!!!
و باننا سوف نفصل الجنوب.....
و باننا سوف نغير كل السودان و نحولكم الى "نكرات" ما لم تنغمسوأ فى الملذات....
ثم آلم يقولوها....فليمت نصف السودان و ليعيش البقية "احرار"؟؟؟؟؟؟!!!!!
وهذا ما يحدث....يموت الضعفاء و يقوى الاغنياء....
لا استغرب اى شىء من هؤلاء.....إلا... أن يكون همهم السودان.....
صديق القاعد بعيد
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
مذكرة تفسيــريـة:
كمال سـالم المذكور أعلاه
المذكور أعلاه تعنى الراقى... الفوق
الف حيمديلله عسـلامـة
تعنى الف حمداً لله على السلامـة
لما الناس دخلت فى مرحلة أن لا تأبه، فإن أمرا جللاً قادم.. أقرأها هكذا.
تعنى أن الناس كانت تحتج وتناتل، حتى أكتشفت إن المشكلة أكبر والقادم أخطر من أن يواجه
بالإحتجاجات، ففغرت فاهها تنتظـر الكارثـة (لا قدر الله)
أنت ما زلت تأبـه، لذلك هم متقدمون عليك فى إستيعاب ما هو قادم. و لذلك الوجوم والترقب وعدم
الإهتمام بالمقدمات والأرهاصـات..
تعنى إنك الان فى مرحلتهم السابقة حين كانوا يعتقدون أن الإحتجاجات يمكن أن تأتى بنتيجة، قبل أن يصلوا
مرحلة الحيـرة المطبقـة.
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: Abureesh)
|
الحبيب بكرى الصائغ ,, تحياتى يازول يامهموم بالوطن ,, وطنا الذى بإسمه كتبنا ورطنا ,, والذى بإسم الدين إختطفته شله من أبنائه
العاقين ,, قالوا لنا جيئنا لننقذكم ( لا أدرى من ماذا ) ولكنهم وبعد عشرون عاما فتفتوا الوطن وجعلوا شماله ضائع وشرقه جائع وغربه
يئن تحت أصوات الطلقات والمدافع وجنوبه يتأهب للإنفصال .
وبعد كل ذلك يتشدقون ويكذبون بتنميه وأستقرار وإنجازات لا توجد إلا فى أخيلتهم ,, خدعوا الناس بشوية كبارى كلها سوف تكون آيله للسقوط
بعد فتره وجيزه وعدد من العمارات الشاهقه لا يستفيد منها محمد أحمد إلا بالبحلقه والنظر إليها فعايدها لا نصيب له فيها بل لم يعطوه حتى حق
المشاركه فى تشييدها فقد إستوردوا لها عماله قيل أنها أمهر منه , بل حتى نظافتها إستوردوا لها البنغلاديش والهنود وأستكثروها عليه .
يابكرى الصائغ المواطنون صاروا مهره فقط فى توفير وجبه واحده لهم ولأبنائهم , والذى لا يجيد تلك فإنه قطعا سينحرف ليأكل ويشرب
فإما أن تجده قد سرق أو تسول أو صار نصابا .
الإحصائيات تقول أن 90% من الشعب السودانى تحت خط الفقر , أما الباقى فهم المثتأثرون بكل خيرات البلد وسبحان الله فقد إبتدعوا نظاما قويا
لايستطيع أحد غريب من إختراقه حتى (الهكر) لتظل تلك الأموال دائره فى فلكهم فقط .
وللأسف كل ال90% الذين يواجهون المعاناه يتفرجون ببلاهه وإعجاب , ولا أحد يستطيع أن يشجب أو يدين حتى !!
فى الماضى كان الناس يتسلحون بأبيات الشابى التى يقول فيها( إذا الشعب يوما أراد الحياه فلابد ... ) ولكن اليوم لا أحد يريد الحياه , فلقد يئس
الجميع ولم يعد لهم أمل ,, هل نتركهم على هذا الحال يابكرى ؟؟ أرجو الإجابه ,, تحياتى ,,
(عدل بواسطة كمال سالم on 07-18-2010, 11:10 PM)
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
كمال سالم:
اولا نحمد لك السلامة بالعودة الي قواعدك سالما وعاقلا.
حقيقة اتابع،مثل هكذا انطباعات واستقراءات،لواقع البلاد عندما يزرها
انسان دون خلفية ايدلوجية،او صاحب احكام مسبقة للاشياء.
لانها بصراحة تكون الاقرب للواقع،خاصة لزول يمتلك ناصية ممتازة في اللغة
مثلك.
والسودان بلدنا،لديها كل عوامل الانطلاق والثروة،ليردح ابنائه،فيما فوق
حد الكفاف بكثير، لكنهم الطفيليين الجدد، القابضون بقوة السلاح بالسلطة
منذ عقدين، وصار التفاخر بالفلهوة، والجوكية، والكسارة، في مجتمع لا اقول
بدائي،بل نامي ولوكانت طبيعة الاشياء اقتضت،لكنا في مصاف الدول التي تثري
التجربة الانسانية في مجملها. اي دين او اخلاق تقبل ما يفعله الاسلامويين ببلادنا.
وازيدك،من القبح وتقززا،لم يقع علي ناظرك، جيش عرمرم من الفتيان يرافق انواع من المسؤلين
في ترحالهم وزيارتهم، شذوذ اخلاقي منتشر ومحمي،منهم،ويمتطي هؤلاء الفتية افخم العربات
ولا اقول كان الله في عون بلادنا، بل سنكون من حاملي المعاول لتدمير سلطة الاسلامويين
وبناء بلادنا وانسان بلادنا.
دمت اخي كمال ولمتداخليك.
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: Kamal Karrar)
|
رشوه مقننه بالإيصال !!!
ذهبت مع صديقى الذى كان قد تم القبض على إبنه فى أحد الأقسام بعد أن قام بأخذ مرابحه من أحد البنوك
بضمان سيارة والده الذى لم يكن يعلم بأمر المرابحه ورهن العربه من قبل حتى دخلنا إلى القسم وعرفنا
ذلك من الضابط المناوب والذى إستدعى لنا الإبن المقامر ( كعادة جيل الإنقاذ ) .
بعد أن هاج وماج فيه والده ونزل عليه لوما وتوبيخا عرفنا من الإبن إنه أخذ ذلك المبلغ من البنك ليشارك
مجموعه من أصحابه لشراء جهاز كشف الذهب والذهاب به لمناطق البحث عن الذهب والتى شغلت كل
شباب السودان فى الفتره الأخيره .
سألناه : واين الذهب الآن , فرد قائلا بأن أصحابه فى الصحراء منذ أربعه أشهر ولم يحصلوا حتى الآن على ( حلق ) .
حاول والده أن يشتد معه ولكنى تدخلت وطلبت منه أن نذهب الآن ونفكر فى حل لهذه الكارثه لعلمى التام أن صديقى
لا يملك 19 جنيه فى جيبه ناهيك عن 19 مليون هى قيمة المرابحه .
جلسنا خارج القسم عند إحدى ( ستات الشاى ) وطلبنا قهوه وأخذنا نقلب فى الأمر ,, قال لى صديقى لاحل لدى إلا
أن أبيع العربه ,, علها تأتى بالمبلغ الذى يكفى لسداد المديونيه ,, ولكنا بعد ثوانى تذكرنا أن العربه مرهونه للبنك !!
وحينها قفز إلى ذهنى سؤال : كيف يتم القبض على شخص وإيداعه السجن ولديه رهن للبنك .. ولكنى علمت أن
الألاف قد دخلوا السجون ولديهم ضمانات عقاريه تفوق مديونياتهم وإن هذا هو قانون هذه الدوله الظالمه والتى أضافت
إليه ( ويبقى لحين السداد ) . حتى يقوم لصوصها بشراء المرهون بأبخس الأثمان والعميل داخل السجن .
ويقال أن معظم مدراء البنوك وبالإتفاق مع شركات الدلاله التى تتولى بيع تلك المرهونات هم الذين يقومون بشرائها
بأبخس الأثمان ومن ثم يعودوا لبيعها بأسعارها الحقيقيه .
إستقر تفكير صديقى وحتى يخرج من هذه الورطه فى ذهب زوجته , أكملنا قهوتنا وتوجهنا صوب منزله لم يأخذ
الأمر منه كثيرا فقد إستجابت الزوجه سريعا بعد أن علمت إن إبنها فى السجن ,,
أخذنا الذهب وصديقى يسأل الله أن يكون سعره كافيا لسداد المديونيه لأنه لايعرف أى وجهه أخرى فى حال نقص المبلغ .
وفى خلال دقائق وصلنا لسوق الصاغه بأم درمان .
نواصل ,,,,,,,,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: أبو بكر
في السبعينات كانت هنالك ثلاث جامعات : جامعة الخرطوم وجامعة القاهرة الفرع وجامعة ام درمان الاسلامية
|
ورد في ما ذكرت أن الوزير كان رئيس رابطة الطلاب الإريتريين في الجامعة. فلو قبلنا على مضض أن هنالك 3 جامعات في ذلك الوقت، فإن كلمة الجامعة كانت تعني جامعة الخرطوم بالاسم By definision. جامعةالقاهرة كان اسمها الفرع. جامعة أم درمان الأسلامية كانت كلية وتحولت لجامعة في نهاية السبعينيات لا أعرف الضبط وعلى ما أعتقد تخرجت أول دفعة من التسمية الجديدة في العام 77 والله أعلم.
لقد تعاصرنا وشخصكم الكريم في الجامعة لمدة عامين إن درست في جامعة الخرطوم.
(العوج راي والعديل راي)
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
تمت عملية البيع بعد أخذ وعطاء مع عدد من الصياغ والذين هم بدورهم يشترون بأبخس الأثمان ويبيعون بأعلاها !
وكان المبلغ الذى إستلمناه هو 14 مليون أى ناقصا 5 مليونات أخرى وكانت الساعه تشير إلى الخامسه مساء والتعب
والجوع قد تملكانا فقلت لصديقى لنذهب كل إلى منزله والصباح رباح .
أنزلته أمام دارهم وأنطلقت صوب منزلى وأنا أفكر فى هذا الإبن الطائش وأمثاله من هم فى هذه السن من أبناء الوطن
وكيف وصلوا لهذه الحاله من التصرفات الجرئيه المهلكه ,, ومن الذى أوصلهم !!
خرجت فى الصباح الباكر ومررت على صديقى المنكوب الذى لم يغمض له جفن طوال الليل وقصدنا عدة وجهات
حتى إذا ما إنتصف النهار كان المبلغ مكتملا بحوزتنا ,, فتوجهنا مباشرة للقسم لدفع المبلغ وإخراج المتهم , ولكن ضابط
القسم أبلغنا بأنه يتوجب علينا الذهاب للبنك لتسوية الأمر ومن ثم أخذ خطاب من البنك والتوجه لنيابة المصارف لتأمر بإطلاق إبنكم .
وصلنا البنك وكلنا أمل فى أن لا تطول إجراءات البنك حتى نلحق بوكيل النيابه الذى قيل لنا أن دوامه ينتهى فى تمام الساعه الثانيه
ظهرا وحينها كانت الساعه تقترب من الواحده .
ومرت دقائق قضيناها فى السؤال عن المسئول حتى كنا فى الطابق الثانى بإدارة الإستثمار المعنيه بالأمر ,, قابلنا الموظف المسئول
وبعد أن شرحنا له المهمه التى جئنا من أجلها طلبنا منه سرعة الإجراء حتى نتمكن من اللحاق بوكيل النيابه ومن ثم الذهاب إلى
القسم حتى لايبيت إبننا ليله ثالثه فى تلك الحراسه والتى أعتقد جازما أن الصراصير لاتستطيع أن تنام فيها ليلة واحده ناهيك عن إنسان !!
وبالفعل إستلم الموظف المبلغ وقام بعده وأودعه فى خزينته وبدأ فى ختم وتوقيع العديد من الأوارق وخرج ودخل عدة مرات إلى أن
أبلغنا بأن المديونية قد سددت . فطلبنا منه خطاب النيابه وخطاب فك رهن السياره إلا أنه وبكل برود قال لنا إن الخطابات المذكوره
لايستطيع إصدارها إلابعد دفع مبلغ مليون ونصف أخرى ,, ومادرى كم عانينا وقاسينا حتى نصله ,, وتسمرنا للحظه أنا وصديقى
مندهشين من جرأة هذا الموظف الذى إفتكرناه يطلب ذلك المبلغ كرشوه له مقابل خدماته . وكانت المفاجأه الكبرى عندما أخرج
لنا خطابا ممهورا بتوقيع وختم البنك به التفاصيل الآتيه :
750,000 حافز لوكيل النيابه
500,000 حافز للمتحرى فى البلاغ
250,000 حافز للعسكرى الذى قام بالقبض على المتهم
______________
1,500,000 الجمله
________________
وبات ( عصام ) ليلته الثالثه فى تلك الحراسه حتى الساعه الحاديه عشره ظهرا من اليوم الثالث بعد أن تمكنا من تدبير مبلغ
المليون ونصف وقمنا بدفعه وأكملنا الإجراءات ونحن نرفع أكفنا لله سائلينه أن يهد هؤلاء الطغاة وأن يخسف بهم الأرض وهم يأكلون
أموال الناس بالباطل ,,
ودعت صديقى وأنا مغادر مطار الخرطوم وتركته عائدا لأحد المحاميين ليرفع قضيه على البنك وعلى وزارة الدخليه ووزارة العدل لأن
هذا الذى يتم هو بعلمهم ومباركتهم ,, لكن هل ياترى سيفلح فى ذلك ؟؟؟
قلبى يقول لى إتصل به وأوقفه من أن يفعل ذلك خوفا عليه من بلطجة البعض فى الأجهزه الأمنيه والشرطيه !! ولكننى عدلت عن
الفكره حتى لا أكون قد حرضته على أن لايأبه .
حاشيه :
لمدير مكتب وزير الداخليه
ولمدير مكتب وزير العدل
إذا كنتم تقرأون هذا البوست وعلمتم بأمر هذه الحوافز الغير مستحقه ,, فأنا على إستعداد لإبراز خطاب البنك ( الفضيحه ) !!
(عدل بواسطة كمال سالم on 07-21-2010, 03:21 AM)
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
| Quote: فلو قبلنا على مضض أن هنالك 3 جامعات في ذلك الوقت، فإن كلمة الجامعة كانت تعني جامعة الخرطوم بالاسم By definision. جامعةالقاهرة كان اسمها الفرع. جامعة أم درمان الأسلامية كانت كلية وتحولت لجامعة في نهاية السبعينيات لا أعرف الضبط وعلى ما أعتقد تخرجت أول دفعة من التسمية الجديدة في العام 77 والله أعلم. |
أخي الفاضل كانتونا... وليه تقبل على مضض؟ هذه حقيقة لا يمكن المغالطة فيها... هل يعقل أن جامعة القاهرة (فرع الخرطوم) لم تكن جامعة؟ وهل يعقل أن اسمها كان "الفرع" كده حافي؟ ثم كيف تقول إن جامعة أمردمان الإسلامية كانت كلية وتحولت لجامعة في نهاية السبعينات... وتخرجت أول دفعة من التسمية الجديدة في العام 77؟ كم من السنين درست هذه الدفعة؟ كنت أتمنى لو أنك شكرت الأخ أبوبكر على تصويب المعلومة، ثم تمضي في بناء خطابك على غيرها من المعلومات.
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: محمد الأمين موسى)
|
| Quote: كنت ابحث عن انطباعاتكم بعيدا عن اخبار اثرياء اليوم_-وكل يوم_ لكنني الان قد ظفرت من الغنيمة بالاياب وتاهت رؤاي في سراديب الانتظار .والذي في ظني سيطول ..اليس كذلك ..مع مودتي |
محمد الكامل ياصديق الزمن المخملى النضير ,,
تحياتى وأشواقى وسؤالى الدائم عنك ,,
الحكومه فى السودان يامحمد صار ليس لها أى
مورد غير الضغط على شعبها وإستنزافه بغير رحمه .
لأن البلد صارت لا موارد لها وأصبح السودان فى عداد
الدول الغير منتجه, حيث لا زراعه ولا صناعه والمورد
الوحيد صار هو البترول الذى يقتسمه الشريكان وأظنه
حتى هو أصبح لايكفى لفواتير رجالات المؤتمر الوطنى !!
لذلك لجأوا لمحمد أحمد الذى صار يدفع كل شئ بعد أن
سلطوا عليه جحافل موظفى الدوله من محليات وشرطة مرور
والرخص والعوائد والنفايات والكهرباء التى صارت تكلفتها
أكبر من تكلفة الخبز اليومى .
تصور حتى الباعه المتجولين فرضوا عليهم رسوما !
الكل صار يشقى ويتعب ليورد للدوله أولا وقبل أن يسد رمق
أهل بيته .
لكن يبقى الأمل كلما نتذكر شاوسيسكو وشاه إيران وصدام ,,
تحياتى ,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
| Quote: غايتو يا كمال لو نزلت لينا صور عزومة هاشم صديق تكون ( ريحت ) البورداب جنس راحة |
العزيز عاطف عمر ,, تحياتى يازول يامتيم بالعشق والهوى !!
أكون ريحت البوردلب ولا ريحتك إنت ياعاطف ؟؟
خليك واضح ياجميل .
الصور عندى بالكوم بس لازماك جيه للدوحه عشان تشوفها .
وقالوا المحب بركب الصعب ,, يلا أركب وتعال ,,
تحياتى ,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
اخونا كمال سالم سلامات..
تابعت هذا البوست من البداية وكنت " متحسر" من متابعته وما كان عندي نية للتداخل لانه لايوجد ما يقال رغم انو كشك المطار استفذني جدا لكني قلت ما الغريب في بلاد هائمة في ملكوت الله
امتلكها الاقطاعيون الجدد وجعلوا شمسها تشرق من الغرب ودنسوا ارضها وسماها وما بينهما حتى صار ما يدهش الموتى عادي فيها ويمر مرور الكرام حتى اتيت بهذه القصة:-
Quote:
750,000 حافز لوكيل النيابه
500,000 حافز للمتحرى فى البلاغ
250,000 حافز للعسكرى الذى قام بالقبض على المتهم |
بصراحة غلبني - والله العظيم دي كتيرة - الناس ديل قطاع خاص ولا تابعين للدولة؟؟ المتهم يدفع قروش لوكيل النيابة الحقق معاهو - ويدفع حافز للمتحري - ويدفع حافز للعسكري القبضو - اها القاضي الحكم عليهو دا يموت بالجوع؟؟
يعني الشخص المتهم / المذنب يدفع كل ما عليه من استحقاقات ومن ثم يدفع لكل هؤلاء" المتطوعين" باعتبارهم شنو ما عندهم رواتب ولا عشان يادبوا المذنبين شديد ولا الفهم شنو؟؟
ياخي كل ما الزول يقول الناس ديل وصلوا قاع الحضيض يقوموا يحفروا تاني.. البلد صارت كحدائق الشيطان المعلقة..
بالجد حمدلله على السلامة ..
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: عثمان جلال الدين)
|
Quote: طيب ما كويس دا معناهو فى حس بالمسؤولية والعمل
بدل ما زمان المراة قاعدة ويدها مغلولة .. والرجل يصرف ويتأمر عليها .. |
العزيز تبلدينا ,, تحياتى يازول ياجافى ,, معقوله نجى السودان مية مره ونقابل كل الناس إلا أنت !!
وأين الآن هو الرجل المتآمر ياتبلدينا ؟؟ ومن الذى أقعده عن القيام بواجباته ومسئولياته ؟؟
المرأه فى السودان صارت هى العمود الفقرى لكل بيت ,, بعد أن هرب معظم الرجال
وتركوا لها المسئوليه ! بالله ألقى نظره على صفحات إعلانات المحاكم فى الصحف
كلها طلبات طلاق من زوج هارب أو مختفى !!
إحساس المرأه بالمسئوليه جاء غصبا عنها لكى تعيش وتعيل أبنائها وباقى أسرتها .
تحياتى ,,
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
Quote: هسع ! أنا عندى نية فى باقى الشهر ده أو البعدو !
أمشى أشوف الحاصل شنو ! فى السودان !!!
إسبوعين ! تلاته ! بالكتير !
بكلامك ده إمكن ( أنقصم ! ) لأسبوع واحد !!!
عبدالماجد |
العزيز عبد الماجد ,, تحياتى ,,
لازم تمشى يا عبد الماجد وتشوف بعينك .
ومن رأى ليس كمن سمع ,, وبعدين إنت
حتجيب لينا آخر ماوصل إليه الحال من بؤس
وكدر ,, طبعا كل يوم فى جديد فى السودان
يختلف تماما عن الذى قبله ,, فمثلا أنا تركت
كيلو الطماطم بعشرين جنيه ,, إنت ربما تجد
أن الوالى الجديد قد فرض رسوم لعبور الشارع !
تتصور مابعيد! ,, كلو ممكن فى السودان !!
المصيبه أن الناس سوف تدفع وهى تستفسر إذا
كانت الرسوم صباح ومساء أم صباح فقط !!
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: كمال سالم)
|
كمال سلامات
من خلال قصتك فهمت انو بتقصد بالسودان المشيت ليهو العاصمة ، يعني ولا حتى المدن التانية
من الحاجات الذكرتها في البداية مشروع مواصلات الخرطوم الجديد وسعر الطماطم ، وهم المواطن في وجبة المغرب
هل فعلاً دا تعريف الجحيم؟
ممكن اشارك معاك في بوستيك دا عن الفساد ، والكلام كويس لمن يكون عن كشف مواطن الفساد والعلل
لكن اختلف معاك ، الخرطوم مافيها مجاعة أو القيامة قامت عندنا قبل مواعيدها ولا المواطن فيها بقى مسلوب الأحاسيس والإنسانيه حاسة الشم والسمع والبصر( حسب تعبيرك)
لانو ساعتها اهلنا في القرى البعيدة والماعندهم عُشر العند مواطنك القامت بيهو القيامة دا ببداها بالحمد
ولا حق كبة بنزين في الكوريلات والكليكات واللاندوكروزرات أو فاتورة غدا في مطاعم شارع واحد العمارات
ولا حتى مصروف طالب اساس في مدرسة خاصة خرطومية
كدي عليك الله كمل.. غير الطماطم والباصات واخو الرئيس سيد الشركات تاني في شنو؟
الحمدلله رب العالمين ، وان شكرتم لازيدنكم
يا حليلكم يا المهمشين جد جد
| |
|
|
|
|
|
|
|
|
|
Re: أربعون يوما بالسودان ,, حكايات ومرارات ,, لقد رحم الله المواطن السودانى وأسكنه فسيح نيرانه (Re: فدوى الشريف)
|
بالله عليك الله ياكمال سالم لو لم تغترب وظللت محلك في هذا السودان ماذا كانت ستكون وظيفتك وما سيكون دورك في رفعة السودان وتطوره وهل كنت ستقود إنتفاضة؟ هل ستتجرأ بقول كلمة حق عند الإمام الجائر.. ولماذا لم تقلها عندما كنت في الإجازة مهجج مع البورداب .. وهل زرت الأوزون ولحست الآيسكريم ؟؟ ..
ياجماعة حقو الواحد أول شئ عندما يقعد يقارن حرّاية السودان وفقره مع الترطيبة الهو فيها برة السودان يتذكر السودان زمان كان كيف؟ وهل هو ذاته كان زول منتج وايجابي أم متعطل منتظر أكله وشرابه من أبوه الكادح الذي لم يذق ترطيبة الاغتراب؟؟ .. وبرضو مفروض الواحد يشوف نفسه في البلد الجديدة الهو مرطب فيها دي، هل جاء بناها مع أسيادها من الصفر وجاء دقَّ معاهم حجر الدغش فيها واللاّ جاء لقاها باردة وجاء إتجدَّع فوق عرق الرجال ؟؟ ..
الرجال أصحاب المروءة لو الواحد شرد خلي البلد وغلبه يعيش فيها زي الكادحين مفروض يلم خشمه في ترطيبته الخارجية وما يقعد يشنف أهله ناسياَ أنه ليس إلاّ نسخة مزورة منهم .. ويتذكر قول الأعرابي للملك:
أتذكر إذ لحافك جلد شاة وإذ نعلاك من جلد البعير .. فسبحان الذي اعطاك ملكاَ وعلَّمك الجلوس علي السرير ..
| |
|
|
|
|
|
|
| |
كمال سالم
دينا خالد
كمال علي الزين
haroon diyab
khaleel
معاوية الزبير
Soumeta
عبدالكريم الامين احمد
jini
عمر سعد
Faisal Al Zubeir
بهاء بكري
cantona_1
مجدى محمد مصطفى
ياسر بيناوي
محمد الكامل عبد الحليم
عاطف عمر
معتز القريش
أحمد الصديق
جمال الباقر
أبو ساندرا
باسط المكي
عمر دفع الله
سلمى الشيخ سلامة
نور الدين عثمان
رشا سالم
عماد الشبلي
Amani Al Ajab
abubakr
naeem ali
Tragie Mustafa
حسن طه محمد
Abureesh
قلقو
أيمن الطيب
Siddig A. Omer
فخرالدين عوض حسن
Sharif Nasirladeen
الفاضل يسن عثمان
آدم صيام
Kamal Karrar
محمد الأمين موسى
حسين نوباتيا
محمد عبدالرحمن
فدوى الشريف
Munir
فيس بوك
تويتر
انستقرام
يوتيوب
بنتيريست